‏الناس لا صارت تزاحم على القاع
‏افرد جناح العز وأرقى السحايب

الناس لاصارت تزاحم علا القاع
افرد جناحك وخل اهل القاع للقاع

‏جعلنا مانقدم إلا على الراي السديد
‏وجعلنا مانخطي إلا عن دروب الردا .

‏النّاس والأيّام تحتاج وجهين
‏وأنا معي واحد ويبغى السلامة

جفيت غالين واجد .. ماتوّقف عليك
من يوم ربي خلقني، والجفا لعبتي

المواقف ، تكشف الاش وتطرح قناعه
‏ والليالي ، مداها طويل و تكشف اقصاه

سقتها بحمولها لين ابركت بي في النصيفه
‏ماعلى الخلق اتكّال ولا على الخلاّق كايد

‏دلهوني ياجماعه عن ظروف الزمان
‏سولفوا لو ياخذ الكذب فالهرج سْهمه

‏علم ، ولّا حلم ، ولّا سحر ، ولّا بيان
‏جفّ دم اللي تعرفون دمَّه و لحْمه

الشغف كان أول العمر مثل الريهجان
‏و آخر أيّامه . . توفى عسى الله يرحمه

ليت عمري ست ، ولا سبع ، ولا ثمان
‏ودي أذوق الشغف زين ضيّعت طعمه

‏ياخذ الوقت حقّه من وساع الصدور
‏ لين مشاها على ودٍ ما هو ودّها

تاجر الاعلاف مايدعي فالامطار الغزيرة
لو تزين الارض ماباع الشعير الاسترالي

الخلق للخالق .. تعوّذ من أبليس
‏لا تصير في ( ذم المخاليق ) .. بارع

‏لو ينقطع اللي يحذف القراطيس
‏ماتت مصالح ( كانسين الشوارع ) !

‏مايبي العالم يشوفون فيه الإنكسار
‏مبتسم والابتسامات من طبع الحزين

أبتسم ماكني إللي من شقى الايام شاقي
‏و أبتسامات الحزين أشد وأقسى من دموعه

الحزين يشوف في “بسمته”سترة نجاه
‏لو ورى البسمه من الحزن قومه وقعده

ناخذ ونعطي ما حسبنا حسابات
نمشي ونركض واللي من الله حاصل