بنجاحاتي اشوف مركز هواي
مو كتلك بدونك اني كدها ؟

راح تشوفني بكل الخسارات
وراح تحطني الاول من تعدها



- أدهم علي

.

جانت صورتك يم راسي ،
بس اليوم
نيشان وعلية بعيد تـتخله ..!


- باهر الجنديل

.

كل الناس تبچيلي ورا ما اموت
ايي !! وانه عدل محد تعنالي

جانت تجربة وفزيت منها وحيد



- احمد عاشور

.

انتَ الكاتل بـ روحي الفرح والنوم




- مرتضى الحمد


.

تكتلني لو اكتلك بالحالتين ارتاح


- الكاطع

.

- سعد شميل


.

نشف ريج الحزن و الوادم اتغني
وانه من بعيد ..
احب الما رضه يحبني..

شبدر مني !

لـ ايهاب عيال

نام انت عوافي تغطه بالروح


- نعمة مطر

.

للشاعر نائل المظفر:

الواحد فرد مايقبل التقسِّيم
بس اني أنقسِّم، وبدونك أتعدَّد
اتقسَّم بدونك وأنجمع ويَّاك
لان كليِّ ويه كلك بيك يتوحَّد
چنت جاهل وأجيك أتشرَّد من الناس
هسه أتعلمِّت من نفسي أتشرَّد
عشگتك ذرَّه ذرَّه وصرت أغار إعليك
إذا محَّد يبوسك أذبح المحَّد
ولك لاتنطرح يم ناس تعبانين
مو طولك حصاد اشلون تتمدَّد
وشعرك ليله ظلمه إتوحشت عل ريح
كلما هَّب عليها اتلفلفه بأسود
وفراشة نور إذنك، والزلف خطاف
مرَّة إيحِّط عليها، ومرَّة يتبَّعد
وجفنينك سِمَه ومجفي عله رمشك ليل
إذا ترمش يظل فرقد يطگ فرقد
يلعينك بحيرة بكل هدووء الليل
ودموعك نوارس لو مشت عالخد
وعلى إخدودك صور منقوشه من بوسات
أباوع بالصور .. مابايسك أحَّد
وشفتينك شمس من تبتسم نصَّين
يگطعها البرق، وبنصها يجمَّد
وحنچك صدر بجعة إنصَّاغت من النور
إذا ماتت شمس، من نوره تتولد
ومثل زمزم رگبتك، نص ذهب، نص جام
وعين الماي هاي العالصدر ترگد
وأنام أباب صدرك، وأذنب، وأنخاك
گبتين الذهب ماتشفع لأحَّد؟!
يبو إيد الثلج، لاتطلع بتموز
مو خاف الثلج، خاف الخلگ تبرد
واذا لا مو ثلج كل هلبياض إمنين
معقولة العظم فوگ الجلد يصعد
يل چتفك منارة، بيا شرع، يا دين
أموت من العطش وگبالك أتشهد
وحدر چتفك فرات ودجلة ملتقيات
وشفت شط العرب جوَّه الچتف ممتد
يبو ساگ الگطن، ليش إفتحتلك باب
مو خاف الگطن بالعين يتفرهَّد
خطواتك حضارة، وخصرك التاريخ
اذا تمشي العرب فوگ الفرس تصعد
وعلي كل ماتمر يجبرُّني حِسِن البيك
اوصفنك لچن من وصفك أتردد
لذالك ماوصفتك، وأعتذر يهواي
وصفت الخيال المَّنك اتوَّلد..

🥹🫶

كل عيون اليخونون مو حلوات !


- باهر الجنديل

.

اذا تزعل وما ودو ع مرضاك
هنا تقيس نفسك غالي مو غالي


_ سعد شميل