Noqonuniy tamaki savdosi jiddiy nazorat zaruriyatini keltirib chiqarmoqda

Soliq tushumlari – bu davlatning ijtimoiy dasturlar va infratuzilma loyihalarini moliyalashtirishdagi asosiy quvvati. Ammo O'zbekistonda tamaki mahsulotlarining noqonuniy savdosi byudjetga katta miqdorda zarar yetkazishda davom etmoqda. Aksiz markasiz, kontrabanda yo'li bilan kirib kelayotgan bu mahsulotlar qo'ldan-qo'lga sotilishi nazoratning hanuz yetarli darajada emasligini ko'rsatmoqda.

Bu tahdidga qaramay, noqonuniy tovarlarning kirib kelishiga qarshi kurash choralari ham kuchaymoqda. Masalan, Farg'ona viloyati bojxonachilari joriy yilning 4 oyida umumiy qiymati 1 milliard 135 million so'm bo'lgan 106 mingdan ortiq noqonuniy tamaki mahsulotining mamlakatga kirib kelishiga chek qo'yishibdi.

Shunga qaramay, tamaki mahsulotlarining noqonuniy savdo ulushi hududlar bo'yicha hali ham yuqori, ayniqsa Farg'ona vodiysida:

⦁ Eng yuqori ko'rsatkich: Marg'ilon shahri – 35.4%
⦁ Nisbatan past ko'rsatkich: Andijon viloyati – 12.6%

Boshqa hududlarda ham raqamlar salmog‘i yuqoriligi kuzatilmoqda (Namangan sh. 35.2%, Farg'ona vil. 28.5% va b.). Bu raqamlar davlat byudjetini himoya qilish va halol raqobat muhitini ta'minlash uchun nazoratni aslo susaytirmaslik kerakligini yaqqol ko'rsatib turibdi.

Ким эдиму, ким бўлдим?
Самарқандлик фермер Зоҳида қиссаси.

Зоҳиданинг 20 кунлик чақалоғида оғир дард аниқланди, лекин эри ногирон фарзанддан ва Зоҳидадан воз кечди. Аёл таслим бўлмади, ҳамон курашяпти...

Кучли аёл, фарзанди учун курашиб катта фермер бўлиб кетган Зоҳида Кенжаева ҳикояси сизни таъсирлантиради Шу билан бирга, ҳаракатда барака эканини ҳам кўрсатади.

Фильмни албатта кўринг.

Ютубда кўриш учун ҳавола:
https://youtu.be/mzSPlBuCYAI

Жуда қаттиқ таъсир қилди.

“Ҳаққим бор” деган қисқа метражли фильмни кўрдим. Болаларга нисбатан зўравонлик ҳақида.

Болаларга қилинаётган зўравонликлар моделлаштириб, яққол кўрсатиб берилган.

Ташқаридан қарасангиз биз кунда кўраётган ва оддий ҳол деб ўйлаётган нарсаларимиз нақадар даҳшатли, болаларимиз нақадар ҳимоясиз. Фақат биз жараённинг ичида буни кўрмаяпмиз. Болаларга нисбатан зўравонликка жуда тоқатлимиз. Буни ўзгартириш керак. Уларни катталарнинг (аксар ҳолларда, улар ўз оила аъзолари) зўравонлигидан ҳимоя қилишни кучайтиришимиз керак, каррасига!

Болалар зўравонликка учраётганини айтолмайди, нимадир нотўғри, лекин тўғрилаш учун нима қилиш кераклигини билмайди. Шу юкни елкесида ортиб яшайверади. Баъзан бутун оиладаги, жамиятдаги психологик муаммолар йиғилиб муштга айланиб шу мурғакка тегади…

Биз катталар эса “ҳамма бола шундай яшаяпти, бола дегани шу-да” деймиз. Йўқ!!! Ундай бўлмаслиги керак! Боланинг бегонаси йўқ. Қўшними, танишми, нотанишми — бирор бола зўравонлик қурбони бўлаётганини кўрсангиз, хабар беринг.

Фильмни кўринг, атиги 10 дақиқалик. Бу ерда:

https://youtu.be/piS_D_f0Ywk?si=B-BJpcWC7q3iqMmC

Ижтимоий ҳимоя миллий агентлигига бу фильм учун алоҳида раҳмат! Кўрганни бир титратадиган ва болага муносабатини ўзгартирадиган контент бўлибди.

@shahnozxon

“Ҳурматли дадамнинг директорлари, иш вақти тугагач дарров дадамга жавоб беринг, ман уларни кўрмай соғиниб қоляпман’.

“Ойимнинг раҳбарлари, ойликларини вақтида беринг, мен сўраган нарсани оберсинлар”.

“Дам олиш кунлари ишга чақирмаанг, илтимос. Дадам мени тоққа оборсинлар…”

Болалар раҳбарларни меҳнат қонунчилигига риоя қилишга ундаб, ўзларининг ҳақларини сўрашяпти. Тўғри айтишяпти. Ходимларни ҳам бола-чақаси бор. Бугун уларга қулоқ тутиладиган кун-ку.

Агар сизни ишдан кейин ушлаб қолишса, ойликларингизни вақтида беришмаса ё дам олиш ва байрам кунлари ишга чақиришса, раҳбарингиз бор гуруҳга шу видеони юбориб қўйинг 😜

@shahnozxon

Инсон фикрлаШганда ривожланади.

Биргаликда, овоз чиқариб, бировга фикрини баён қилиб, ундан эшитган саволларига жавоб излароқ фикрини янада бойитиб, сайқаллаб... Бу жараёнда инсон ўз фикрларини эшитади, эшитар экан тафтиш ва таҳрир қилади, Шу тарзда фикрлар ғояларга айланади. Ғоялар ўйлаб топа олган одам ҳар бир ғояси билан ривожланади.

Фикрлашинглар!

Ғийбатлашманглар 😜

@shahnozxon

Мактабгача таълим муҳим, деймиз. Лекин бу гаплар ҳақиқатда ҳаётимизда қанчалик акс этяпти?

Олий Мажлис Қонунчилик палатасидаги Халқ демократик партияси фракцияси аъзолари таъкидлашича, болаларни мактабга тайёрлашда нодавлат боғчалар анча сифатли ишламоқда. Аммо битта муаммо бор — уларга бориш имконияти ҳаммада йўқ. Чунки улар умумий қамровнинг 10 фоизига ҳам етмаяпти.

Бундан ҳам аламлиси, давлат томонидан 3.3 трлн сўм ажратилган. Лекин бу пуллар натижада кўринмаяпти. Қамров ҳамон кам, имконият ҳамон нотенг.

Фракция вакили фикрига кўра, таълимда тенгликни таъминлаш жамият тараққиёти учун муҳим. Ҳар бир бола қаерда туғилганидан ва яшашидан қатъи назар, сифатли таълимга тенг даражада эга бўлиши лозим.

@shahnozxon

Ҳисоботда рақамлар бор. Лекин натижа-чи?

Халқ демократик партияси давлат бюджети бўйича ҳукумат ҳисоботини танқидий кўриб чиқди.

Қисқача айтганда, ҳисоботда ижобий ишлар бор. Лекин савол қолдирадиган жойлар ҳам етарлича.

▪️ Баъзи вазирлик ва идоралар — пулни вақтида ўзлаштира олмаган.
▪️ Қатор маблағлар самарасиз сарфланган, баъзи имтиёз ва субсидиялар нотўғри ажратилган.
▪️ Камбағаллик, қишлоқ хўжалиги, энергетика ва бандлик соҳаларида маблағ бор — лекин фойдаси тўлиқ кўринмаяпти.
▪️ Заиф эшитувчи болалар учун зарур операциялар молиялаштирилмаган.
▪️ Оилавий боғчаларга ҳам маблағ берилган, лекин самараси паст.

ХДП нима демоқчи?

— Маблағ ажратиш етарли эмас. Натижа бўлиши шарт;
— Ҳар бир сўм учун жавобгарлик бўлиши керак;
— Самарасиз ишлаган раҳбарларга келаси йил пул ажратилмаслиги зарур.

Ҳисобот қабул қилинди. Лекин тузатилиши керак бўлган нарса қоғозда эмас, тизимдаги ёндашувда.

@shahnozxon

Бугун футбол. Муҳим учрашув.

Бугун БААни ютсак, эрталабгача бутун Ўзбекистон ухламаса керак.

Бугун арафа. Ҳамма ош қилади. Ошни еб, футболни ютамиз.

Бугун бутун Ўзбекистон БААдаги терма жамоамиз билан қалбан бирга.

Аббос, газини бос!

Абдуқодир, сен кўп нарсага қодир!

Тимур оға, темирни қизиғида босинг.

Бугунги матчда кўпроқ психологик тайёргарлик аҳамиятлига ўхшаяпти. Ўйиндан олдинги "ўйин"лар шунга ишора қиляпти. Сизлар эса зўрсизлар, йигитлар. Ҳаммасини қўшиб, бир қилиб ютиб келинглар шу қилганига.

Биз ҳар қандай натижада ҳам сизлар билан биргамиз!

Бугун футболчиларимизни қўллайдиган бир челлендж керакка ўхшаяпти. Ҳамма ижтимоий тармоққа қўлловчи постлар ёзсин. Биргалашиб ютамиз!

@shahnozxon

Женнифер Лопеснинг Тошкентдаги концертига чипталар нархимиш😳

Мана бу ерда Жей Лонинг концертига дунёнинг турли шаҳарларидаги нархлар келтирилган. Манбага ишонсак, энг арзон чипта Абу Дабида –115 доллар, энг қиммати Астанадаги концертга – 882 доллар чиқяпти. Бизникилар янаям инсоф қилишибди, энг арзон чиптамиз 100 долларга ҳам бормаяпти.

Лекин барибир қиммат а?

Яхшиям Жей Лонинг мухлиси эмасман.

@shahnozxon

💫 Toshkentda birinchi bor!
Loonaland — yorqin neon, yorugʻlik va ertaknamo muhit uygʻunlashgan, hayratlanarli darajada fotogenik joy!

🌙 Yoritilgan daraxtlar, sehrli dekorlar va yuragingizni junbushga keltiradigan atmosfera.
Har bir burchak — xuddi tushdagi kadrga oʻxshaydi. 📸

Bularning barchasi — bor-yoʻgʻi 50 000 soʻmga!

Romantik uchrashuvlar, oilaviy sayrlar va unutilmas kontent uchun eng toʻgʻri manzil.

📍Manzil: Magic Safari

👶 3 yoshgacha bolalarga kirish bepul!

⏰ Ish vaqti: 19:00 dan 22:30

Instagram | Telegram | Facebook | Youtube

Reklama

ОЛТИН ОЧКО ОЛИНДИ!
ЎЗБЕКИСТОН ЖАҲОН ЧЕМПИОНАТИДА!🔥🔥🔥

Яшасиин👏👏👏 Ҳаммамизга муборак бўлсин!

Тарих ёзилди. Ўзбек футболи тарихида биринчи марта биз мундиалга борамиз!!! ✈️✈️✈️ Ўттиз тўрт йиллик орзу ушалди ва ниҳоят!! Футболимиз янги даражага чиққани кўринди! Биз футболда ҳам сўнгги йилларда кучайдик!

Барчамизга муборак бўлсин. Ҳайитликнинг зўри бўлди! Раҳмат, йигитлар! Сизлар қаҳрамонсизлар!!!👏👏👏

Барчани табриклайман!

Уйқумиз келмаса керак бу тун. Урааааа!!!👏👏👏

@shahnozxon

ФИФА Президенти Жанни Инфантино:

“ФИФА Жаҳон чемпионатига хуш келибсиз, Ўзбекистон.

Сизни 2026 йилги ФИФА Жаҳон чемпионатига тарихий саралашингиз билан табриклайман.

Ажойиб саралаш ўйинларидан сўнг, Шимолий Америкадаги финалларга муносиб чиқдингиз.

Жаҳон мухлислари «Оқ бўрилар»нинг глобал саҳнада ўйинини кутмоқда. Баракалла!

Биринчи ФИФА Жаҳон чемпионатингиздан завқ олинг.

Глобал саҳнага хуш келибсиз.”

“Манчестeр сити” табрикламоқда!🇺🇿🇺🇿🇺🇿

Ассалому алайкум, азизлар.

Қурбон ҳайит айёмингиз муборак бўлсин. Юртимиз тинч,элимиз фаровон бўлиб, мамлакатимиз ривожланиб бораверсин!

Ҳар бир хонадондан файз, ҳар бир қалбдан хотиржамлик, ҳар бир тилдан шукроналик аримасин!

Асосийси, доим соғ-саломат бўлайлик!

@shahnozxon

Биз ғолибмиз
ва бу бирам яхши-ее!🇺🇿🇺🇿🇺🇿

Умуман футбол кўрмайдиган дугоналарим гуруҳида ҳам футбол мавзуси.

Бунақа ҳаммани бирлаштирган охирги мавзу пандемия эди шекилли)

Мухолифми, рақибми, дўстми, душманми — ҳамма бир-бирини табриклаяпти.

Ҳеч ким “нимага унга бунча эътибор, нимага бунга бунча мукофот” демаяпти. Деса, энг номақул гапни айтган бўлади-да.

Мана нима учун спорт керак.

Бу кун бутун Ўзбекистон биргаликда бутун дунёнинг ҳавасини, табригини, олқишини қабул қиляпти.

Ҳамманинг кайфияти кўтарилди, ўзини бахтли ҳис қилиш даражаси ўсди, қадди тикланди, ғурури каттарди, нақадар яхши замонда ва маконда яшаяпман деяпти. Майда-йирик зиддиятлар аҳамиятсиз бўлиб қолди.

Бундай якдил ва узил-кесил ғалаба бизга муборак.

Биз бугун ғолибмиз. Ютганимиз шу — бирдамлик, бирлик!

@shahnozxon

Ёшларнинг энг севимли танловларидан бири — “Бўзатов FEST” янги истеъдод эгаларини кашф қилди

Давлат раҳбарининг ёшлар салоҳиятини юзага чиқариш бўйича ташаббуси асосида йўлга қўйилган “Бўзатов FEST” танловнинг 2025 йилги республика босқичи 3-7 июнь кунлари илк бор Тошкент шаҳрида юқори атмосферада бўлиб ўтди.

Катта тайёргарлик, кучли рақобат ва унутилмас лаҳзаларга бой бўлган финалда янги ёш истеъдод эгалари аниқланди.

Бир неча йиллардан бери шахсан ўзим ҳам бу танловнинг мухлисиман. Аввалги йилларда финални кузатиб бориш имконим ҳам бўлган. Танлов ҳақида кўп яхши гапларни айтишим мумкин. Чекка қишлоқлардаги истеъдодларни топиш ва кашф қилишда, уларни муносиб рағбатлантириб, кейинги поғоналарга кўтарилишларида энг яхши кўприк вазифасини ўтаб келмоқда. “Бўзатов FEST” танловини аллақачон брендга айланиб улгурган, истеъдодли ёшларнинг фабрикаси, деган бўлардим.

Видеодаги йигит “Ёшлар овози” — Бўзатов FEST танловининг бу йилги мавсумида 16-22 ёш тоифасида эстрада йўналишида биринчи ўринни қўлга киритган хоразмлик Қодирберган Аминбаев бўлади. Ажойиб ижродан сиз ҳам баҳраманд бўлинг.

@shahnozxon