በየእለቱም የኃጢአት ፍቅር በላይዋ ይጨመርባት ነበር።
ሰውን የሚወድ የእግዚአብሄርም ቸርነት ወደ ክብር ባለቤት ወደ ጌታችን ኢየሱስ ክርስቶስ መቃብር ሊባረኩ ወደ ኢየሩሳሌም ለመሄድ የሚሹ ሰዎችን ገለጠላት።
ትውልዷ ከእስክንድርያ፣ ወላጆቿ ክርስቲያን ናቸው። በአስራ ሁለት ዓመቷ የሰው ሁሉ ጠላት ሰይጣን ሸንግሎ አሳታት፡፡ በእርሷም የማይቆጠሩ የብዙዎችን ነፍስ አጠመደ፡፡ ስለ ዝሙት ፍቅር ያለ ዋጋ ስጋዋን እስከ መስጠት አድርሷታልና። ወደ ኢየሩሳሌም ለመሔድ ከሌሎች ሰዎች ጋራ በመርከብ ተሳፈረች።
ባለ መርከቦችም የጉዞ ዋጋ በጠየቋት ጊዜ ያመነዝሩባት ዘንድ ሰውነቷን ሰጠቻቸው፡፡ የክብረ ባለቤት በሆነ በጌታችን ኢየሱስ ክርስቶስ መቃብር ወዳለች ቤተ ክርስቲያን ትገባ ዘንድ በወደደች ጊዜ መለኮታዊት ኃይል መግባትን ከለከለቻት። እርሷም ከሚገቡ ሰዎች ጋራ ትገባ ዘንድ ብዙ ጊዜ ደከመች ነገር ግን ከለከላት እንጂ የጌታ ኃይል አልተዋትም።

ይህን ጊዜ የረከሰ ስራዋን አሰበች በልቧም እያዘነችና እየተከዘች ወደ እግዚአብሔር አይኖቿን አቀናች በማንጋጠጥዋም ውስጥ አምላክን የወለደች የእመቤታችን የቅድስት ድንግል ማርያምን ስዕል አየች። በፊቷም አለቀሰች ፍጥረቶችን ሁሉ የምትረጂያቸው አምላክን የወለደሽ እመቤቴ ተዋሽኝ ከሁሉ ሰዎች ጋራ ገብቼ የመጣሁበትን ስራዬን የፈፀምኩ እንደሆነ ያዘዝሽኝን ሁሉ አደርጋለሁ ብላ በማመን ለመነቻት።  ወደ ቤተ ክርስቲያን በገባችም ጊዜ የበዓሉን ስራ ፈፀመች። ከዚህም በኃላ እርስዋ ወደ ወደደችው ትመራት ዘንድ ወደ እመቤታችን ድንግል ማርያም ስእል ተመልሳ፣ እያለቀሰች ስለነፍሰዋ ተማጸነች፡፡ የለመኗትን የማትነሳ አምላክን ከወለደች ከእመቤታችን ከቅድስት ድንግል ማርያም ስእልም ወደ ዮርዳኖስ በረሀ ብትገቢ እረፍትንና ድኀነትን ታገኛለሽ የሚል ቃል ወጣ።

ወጥታ ስትሄድም አንድ ሰው አግኝታ ሁለት ዲናር ሰጣትና ሕብስት ገዛችበት፡፡ የዮርዳኖስንም ወንዝ ተሻግራ በበረሀው ፅኑእ ተጋድሎ እየተጋደለች በጸሎትና በስግደት አርባ ሰባት ዓመት ኖረች፡፡ ሰይጣንም አስቀድማ በነበረችበት በዝሙት ጦር ይዋጋት ነበር። እርሷ ግን በተጋድሎ ፀናች የገዛችውን ሕብስትም ብዙ ቀን ተመገበች። ሁለትና ሶስት ቀናት እየጾመች ጥቂት ሕብስት ትቀምስ ነበር፡፡ ባለቀም ጊዜ የዱር ሳር ተመገበች። ከአርባ ሰባት ዓመት በኋላ ቅዱስ አባ ዞሲማ እንደ ገዳሙ ልማድ የከበረች አርባ ፆምን ሊፈፅም ወደዚያች በረሀ መጣ። ወደ ዮርዳኖስ በረሀ በወጣ ጊዜ የሚጽናናበትን ያሳየው ዘንድ እግዚአብሔርን ለመነው። በበረሀውም ውስጥ ሲዘዋወር ይቺን ቅድስት ሴት ከሩቅ አያት የሰይጣን ምትሀት መሰለችው በጸለየም ጊዜ ከሰው ወገን እንደሆነች ተገለጠለችለት።

ግብጻዊቷ ማርያም ነገር ግን ከእርሱ ሸሸች ከኃላዋ በመሮጥም ተከተላት። እርሷም በስሙ ጠርታ ከእኔ ጋራ መነጋገር ከፈለግህ ጨርቅን በምድር ላይ ጣልልኝ አለችው። በስሙ በጠራችውም ጊዜ እጅግ አድንቆ ጨርቁን ጣለላት ያን ጊዜም ለብሳ እርሱ ካህን ሰገደችለት እርሱም ሰገደላት በላዩዋም ጸለየላት። በብዙ ልመናም ገድሏን ከመጀመሪያው እስከመጨረሻው ነገረቸው። በቀጣዩ ዓመት የክብር ባለቤት የጌታችን የኢየሱስ ክርስቶስን ስጋውንና ደሙን ከእርሱ ጋራ ያመጣላት ዘንድ ለመነችው አምጥቶም ጸልዮ አቀበላት። በሁለተኛው ዓመት ወደ ዮርዳኖስ በረሀ ሲመጣ ግብጻዊቷ ቅድስት ማርያም ሙታ አገኛት፣ አንበሳ ጉድጓዷን ቆፍሮለትም በላይዋ ፀሎት አድርጎ ቀበራት። ገዳማውያን የዓለምን ከንቱነት ተረድተው ትተዋት ሔደዋል፡፡ ገዳማቸውን እንደግፍ በዓታቸውን እናጽና፡፡

ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

የገዳሙ ስልክ ቁጥር:-0918077957 ወይም 0938644444

ፓኪስታን ደበደበች

ሰዓታት የታወጀዉ የፓኪስታንና የታሊባን ጦርነት ከሽፎ፤ ፓኪስታን ምድር አንቀጥቅጥ የአየር ድብደባ ፈፅማለች፡፡

ከቀናት በፊት ሁለቱ ሀገራት የቶክስ አቁም በማወጅ ጦርነቱ ገተዉት የነበረ ቢሆንም፤ ድንገት ፓኪስታን በፈፀመችዉ ጥቃት ስምምነቱ ፈርሷል፡፡ በአፍጋኒስታን ሰማይ ላይ እያጓሩ መብረቅ ያዘነቡት የፓኪስታን የጦር ጄቶች በፈፀሙት ጥቃት በርካታ ሰዎች ለሞትና ለጉዳት ተዳርጓል፡፡

ለ2 ቀናቶች ይዘልቃል የተባለዉ የቶክስ አቁምን ድንገት በፍንዳታ የሰበረዉ የፓኪስታን አየር ሀይል አርብ እለት በፈፀመዉ ጥቃት 10 ሰዎች የተገደሉ ሲሆን በደርዘን የሚቆጠሩት ደግሞ ለጉዳት መዳረጋቸዉን የአፍጋኒስታን መንግስት ገልፀዋል፡፡

“ፓኪስታን የተኩስ አቁም ስምምነቱን አፍርሳ በፓኪቲካ ሶስት ቦታዎች ላይ በቦንብ ደበደበች” ሲሉ ስማቸው እንዳይገለጽ የፈለጉ የታሊባን ከፍተኛ ባለስልጣን ተናግረዋል።

@sheger_press
@sheger_press

ጦሩ ወደ አሰብ እርምጃ ጀመረ‼️

ወደ አሰብ ከፍተኛ የሆነ ሃይል ተንቀሳቅሷል። ሻብያን ለመገርሰስ በትጥቅ የሚንቀሳቀሰው የቀይ ባህር አፋር ዲሞክራሲያዊ ድርጅት ጦሩን ወደ አሰብ አቅጣጫ ማንቀሳቀሱን አሳውቋል። የኢርትራ መንግስት በዚሁ አቅጣጫ አለ ብሎ ካሰበው የኢትዮጵያ ስጋት ጋር በተያያዘ ጠንከር ያለ የሃይል ክምችት እንዳደረገ ቀደም ብለው ሲወጡ የነበሩ ዘገባወች አመላክተዋል።

ይኸው ታጣቂ በዚሁ አቅጣጫ ከኢርትራ መንግስት ጋር ለአመታት ሲፋለም የቆየ ሲሆን በቀደመው የኢሕአዴግ መንግስት ወቅትም ጠንከር ያሉ ወታደራዊ ድጋፎችን ያገኝ ነበር። የቀይ ባህር ዳርቻን ተተርሶ የሚኖረው የአፋር ህዝብ በኢሳያስ አገዛዝ ከፍተኛ ጭቆና እየደረሰበት ነው በሚል ነፍጥ አንግቦ የተነሳው ቡድኑ፤ በአሁኑ ሰአትም ጦሩን ዳንኪላ ወደተባለ የኢርትራ አፋር ግዛት ፍሊሚያ ለማድረግ እየተንቀሳቀሰ መሆኑን በኤክስ ገጹ ባሰራቸው ተንቀሳቃሽ ምስል አመልክቷል። ተንቀሳቃሽ ምስሉ ታጣቂ ቡድኑ በሚገባ የተደራጀ ትጥቅ ያለው መሆኑን ያሳያል ።

@sheger_press
@sheger_press

የመቁረጫ ነጥብ‼️

የ2018 ዓ.ም የቴክኒክ እና ሙያ ስልጠና ኮሌጅ የመግቢያ መቁረጫ ነጥብ ይፋ ተደርጓል‼️

የኢፌዲሪ ሥራና ክህሎት ሚኒስቴር በ2018 ዓ.ም የ12ኛ ክፍል ማጠናቀቂያ ፈተና ወስደው መስፈርቱን የሚያሟሉ በሙሉ ወደ ቴክኒክና ሙያ ኮሌጅ በመሄድ መሰልጠን እንደሚችሉ አሳወቀ፡፡

በዚህም መስፈርቶችን የሚያሟሉ በመረጡት ሙያ ወደ ቴክኒክና ሙያ ኮሌጅ በመሄድ መመዝገብ የምትችሉ መሆኑን አሳውቋል፡፡

የቴክኒክና ሙያ መግቢያ ነጥብ ለደረጃ 5 ወንዶች 179 እና ከዚያ በላይ፤ ለሴቶች 168 እና ከዚያ በላይ፤ ለደረጃ 3 እና 4  ወንዶች 135 እና ከዚያ በላይ፤ ለሴቶች 122 እና ከዚያ በላይ መሆን ይጠበቅበታል፡፡
ለደረጃ 1 እና 2   ወንዶች 134 እና ከዚያ በታች፤ ሴቶች 121 እና ከዚያ በላይ መሆን እንደምጠበቅበት አሳውቋል፡፡

በሰማይ ቤተ መንግሥት ሠርቼልሃለሁ

በትንሣኤ ሙታን ከማያምኑት ከሰዱቃውያን ወገን ስለነበር ጌታችን ከሙታን በተነሳ ጊዜ እጆቹን ካልዳሰስኩ በጦር የተወጋ ጎኑን ካላየሁ ብሎ ዳሶ ካረጋገጠ በኋላ ያመነ ደቀመዝሙር ነው፡፡ በኋላ ግን እስከ ሞት ድረስ የታመነ ሆኗል ሐዋርያው ቅዱስ ቶማስ፡፡ የስሙ ትርጓሜ ጸሐይ ማለት ነው፡፡

በሀገረ ስብከቱ በህንድ ታከሻሊላ በተባለ ከተማ በኢየሩሳሌም ስለ ነበረው የንጉሥ ሰሎሞን ቤተ መንግሥት ዝና እየሰማ ማሰራት የሚፈልግ ጎንዶፓረስ የተባለ ንጉሥ ነበር፡፡ በዚህም ምክንያት ነጋዴዎች በየሀገሩ ሲጓዙ የታወቀ ግንበኛ እንዲያመጡለት አዘዛቸው፡፡ አንዱ ነጋዴ ወደ ፋርስ ሲጓዝ ሐዋርያው ቅዱስ ቶማስን አገኘው፡፡ ቶማስ ከኢየሩሳሌም እንደመጣ ሲሰማ የግንበኝነት ሙያ ይችል እንደሆነ ጠየቀው፤ እርሱም ወደ ህንድ ሄዶ ማስተማር ይፈልግ ስለነበር አጋጣሚውን በመጠቀም “በኢየሩሳሌም ሳለሁ ህንፃ በመገንባት እኖር ነበር፡፡” አለው፡፡

ነጋዴውም በጣም ተደስቶ ቶማስን ወደ ህንድ ወሰደው፡፡ ንጉሡም ከከተማው አጠገብ ወደሚገኘው ጫካ ወሰደውና ቤተ መንግሥቱ በዚያ ቦታ ላይ እንዲሠራ ነገረው፡፡ ቅዱስ ቶማስ የቤተ መንግሥቱን አሠራር ሲነግረው ንጉሡ ተሠርቶ እስከሚያየው ቸኮለ፡፡

ከጥቂት ጊዜ በኋላ ንጉሡ ለህንጻው መሥሪያ ብዙ ገንዘብ ለቅዱስ ቶማስ ይልክለት ጀመር፡፡ እርሱ ግን ወደ ድሆች መንደር እየሔደ ለተራቡት ምግብ፣ ለታረዙት ልብስ፣ መጠለያ ለሌላቸው ቤት እየገዛ፣ ሕሙማንን እየፈወሰ ወንጌል እየስተማረ ይኖር ጀመረ፡፡ ንጉሥ ጎንዶፓረስ ለሕንፃው መሥሪያ የመደበው ጊዜ እንዳለቀ፣ ቤተ መንግሥቱን ሊጎበኝ መጣ፡፡ ወደ ቦታው ደርሶ ቢመለከት እንኳን ሕንፃው ሊሠራ ጫካው አልተነካም፡፡ ንጉሡም በዚያ የሚያልፍ መንገደኛ ጠርቶ ቶማስ የታለ? ሲል ጠየቀው፡፡ “ቶማስ በድሆች መንደር የተቸገሩትን እየረዳና እያስተማረ ይገኛል፡፡” ሲል መለሰለት፡፡

“እርሱስ ጥሩ ግን የሰራልኝ ቤተ መንግሥት የታለ?” ሲል ጠየቀው፡፡ መንገደኛውም “በድንጋይ የተሠራ ቤተ መንግሥት ላያዩ ይችላሉ፤ ጌታዬ፤ ነገር ግን ሕዝብዎ በጣም እንደተደሰተ መመልከት ይችላሉ፡፡” አለው፡፡ ንጉሡ ያ ሁሉ ገንዘብ እንደባከነበት መጠራጠር ጀመረ፤ ወታደሮቹን ልኮም ቶማስን አስመጣውና “ቤተ መንግሥቴን ለምን አልሠራህልኝም ጫካው እንኳን መቼ ተነሣ?” አለው፡፡ ቶማስም “በእርግጥ በምድር ላይ ቤተ መንግሥት ላያዩ ይችላሉ፡፡ እኔ ግን በሰማይ ቤተ መንግሥት ሠርቼሎታለሁ፡፡” አለው፡፡

ንጉሡ እጅግ ተቆጣ፤ እጅ እግሩን አስረው እንዲያሰቃዩትም አዘዘ፡፡ በዚያች ሌሊት በክርስቶስ ያመነው የንጉሡ ወንድም ልዑል ጋድ በድንገት ታሞ ሞተ፡፡ ነፍሱም በመላእክት ታጅባ ወደ ሰማያት ወጣች፡፡ ከመላእክቱ አንዱ ብዙ ቤተ መንግሥታትን እያሳያት “እንድትኖሪበት ደስ ያለሽን ምረጪ፡፡” አላት፡፡

ከቤተ መንግሥታቱ ሁሉ የሚያምረውን ስትመርጥም “ይህ ቤተ መንግሥት ቶማስ ለንጉሥ ጎንዶፓረስ የሠራለት ሰማያዊ ቤተ መንግሥት ነው፡፡” አላት፡፡ ጋድ ሊቀብሩት በተሰበሰቡት ሰዎች መካከል ከእንቅልፉ እንደሚነቃ ሰው ተነሣ፡፡ ያየውን ሁሉ ለንጉሡና ለተሰበሰቡት ሰዎች ነገራቸው፡፡ ንጉሡ በቶማስ ላይ በሠራው ሁሉ አዘነ፣ ያሰበው ቤተ መንግሥት መሠራቱን ሲሰማ ሐዋርያውን ከእስር ቤት አስመጣው፡፡ ከነቤተሰቡም በክርስቶስ አምላክነት አምኖ ተጠመቀ፡፡

ለቶማስም ያለውን ገንዘብ ሁሉ “ሌላም ቤተ መንግሥት ሥራልኝ” እያለ ይሰጠው ጀመር፡፡ የሀገሩ ሰዎችም እንደርሱ ያደርጉ ጀመር፡፡ ጥቅምት 9 ዓለመታዊ በዓሉ ነው፡፡ ገዳማውያኑም ስለ ሰላመያዊ ቤታችን እያሰቡ ስለኛ ይጸልያሉ፤ ገዳማቸውን እንደግፍ በዓታቸውን እናጽና፡፡


ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

የገዳሙ ስልክ ቁጥር:-0918077957 ወይም 0938644444

የማር ጥቅሞች

1. ንጹህ ማር በቫይታሚን እና በተለያዩ ንጥረ ነገሮች የበለጸገ ሲሆን እነዚህ ቫይታሚኖች እና ንጥረ ነገሮችም ሰውነታችንን ከባክቴሪያዎች ይከላከላሉ፡፡

• ማር የሰውነታችንን የበሽታ መከላከል አቅም ይጨምራል፡፡
• ጉንፋን ሲይዘን እና የሚያስለን ከሆነ አንድ ወይም ሁለት የሻይ ማንኪያ ማር በትኩስ ውሃ ውስጥ መበጨመር አንዲሁም የተወሰነ ሎሚ እና ቀረፋ በማድረግ መጠቀም ይቻላል፡፡

2. ማርን በትኩስ ውሀ ውስጥ ከሎሚ ጋር በመጨመር ጠዋት ምግብ ከመውሰዳችን በፊት ከወሰድን በሰውነታችን ውስጥ የሚገኝ ቆሻሻን እና ቅባትን ያስወግዳል፤ የሰውነት ክብደትንም እንድንቀንስ ይረዳል፡፡

3. ማርን ከቀረፋ ጋር በመደባለቅ የምንወስድ ከሆነ የሰውነታችንን የኮሌስትሮል መጠን በ10 በመቶ መቀነስ እንችላለን

• አንድ የሻይ ማንኪያ ማር ከግማሽ የሻይ ማንኪያ ቀረፋ ጋር በትኩስ ውሃ ውስጥ ጨምሮ መጠጣት፡፡

4. በሀይል ሰጪነቱ ከፍተኛ ጥቅም ያለው ማር ከቡና ባልተናነሰ ሰውነታችን ያነቃቃል፡፡

5. ማር ለቆዳችን ልስላሴ እና ጥራት ከፍተኛ ጠቀሜታ አለው፡፡

• በተጎዳው ቆዳ ላይ በመቀባት አንድ ሌሊት ማሳደር እና ጠዋት ጠዋት በንጹህ ውሃ መታጠብ ፡፡ ይህንን በተደጋጋሚ የምናደርግ ከሆነ ለስላሳ እና ንጹህ ቆዳ እንዲኖረን ይረዳናል፡፡

6. የምግብ አለመፈጨትን ይቀንሳል ፡፡

አንድ ወይም ሁለት የሾርባ ማንኪያ ማር ከበድ ያሉ ምግቦችን ከመመገባችን በፊት ብንወስድ አሊያም ምግብ ተመግበን የመክበድ ስሜት ከተሰማን በኋላ መውሰድ የምግብ መፈጨትን ያፋጥናል፡፡via.zena.since

ቃላተ ወንጌሉን የመኖር አንዱ መንገድ 

“በራብ ከሚሞቱት ይልቅ፣ በሰይፍ የተገደሉት ይሻላሉ፤ ምግብ በሜዳ ላይ ካለማግኘታቸው የተነሣ፣ በራብ ደርቀው ያልቃሉ።” ይላል ነቢየ እግዚአብሔር ቅዱስ ኤርምያስ፣ በሰቆቃወ ኤርምያስ 4÷9፡፡ በገዳማዊው ሕይወት በበረሃው ሀሩር ስለ ጽድቅ የሚራቡ እናቶችና አባቶች የዕለት ጉርሳቸውን ሲያጡ ማየት ደግሞ ልብ ይሰብራል፡፡

ረሀብ ገዝግዞ የሚገድል በጣርና በጋር ሕይወትን የሚነጥቅ ኃያል ጠላት ነው፤ ሰይፍ ግን አንድ ጊዜ ይገላግላልና ታላቁ ነቢይ ይህን ብሏል፡፡ በረሀብ ላይ ውሃ ጥም ሲጨመር ደግሞ ሰውነት መቋቋም ይሳነዋል፡፡ ከስድስቱ ቃላተ ወንጌልም ሁለቱ “ብራብ አብልታችሁኛል፣ ብጠማ አጠጥታችሁኛል፣” የሚሉ ናቸው፡፡

በማዕከላዊ ጎንደር ሀገረ ስብከት በምሥራቅ በለሳ ወረዳ በሚገኘው ሙት አንሳ ማር ቅዱስ ሚካኤል አንድነት ገዳም ያሉ ከአንድ መቶ በላይ ገዳማውያን በረሃብና በውሃ ጥም ውስጥ ታላቅ መንፈሳዊና ተጋድሎ እያደረጉ ነው፡፡ እነዚህን ለሀገር ሰላምና ለቅድስት ቤተ ክርስቲያን መጽናት የሚጸልዩ ገዳማውያን መደገፍ ቃላተ ወንጌሉን የመኖር አንዱ መንገድ ነው፡፡

ጋን በጠጠር እንዲደገፍ እንዲሁ ደግሞ በመጪው ጥቅምት 16/2018 ዓ.ም በሚሊኒም አዳራሽ ከ 5፡00 ጀምሮ በተዘጋጀው ታላቅ መንፈሳዊ ጉባኤ የተዘጋጀውን ትኬት በአንድ መቶ ብር ብቻ በመግዛት ወዳጅ ዘመዶቻችንም በመጋበዝ የድርሻችንን እናበርክት የበረከቱ ተሳታፊ እንሁን፡፡ በዕለቱ የሚቀርቡ የእደ ጥበብ ሥራዎቻችንም እየገዛን አብሮነታችንን እናሳያቸው፡፡ 


አዘጋጅ:- ሙትአንሳ ማር ቅዱስ ሚካኤል አንድነት ገዳም

ለበለጠ መረጃ:- 09 38 64 44 44/0918077957


ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

እንቅልፍ የለኝም - ተቀዳሚ ሙፍቲ ሃጂ ዑመር እንድሪስ

"አሁን ኢትዮጵያ ያለችበት ሁኔታ ያሳስበኛል፤ እኔ አሁን 86 ዓመት ሊሞላኝ ነው፤ ለሊት እንቅልፍ የለኝም ፥ ለ 2 ሠዓታት ብተኛ ነው ቀሪውን አለቅስበታለሁ። ለምንደነው ብዙ ለማንቆይበት የምንጋደለው!? ለምንስ ነው የምንጫረሰው!? በጣም ያሳስበኛል ያስለቅሰኛል!"
ሰውነት ይቀድማል!

‹‹ሰው ሁኑ! ቅድሚያ ሰውነት ይቀድማል!
ከሐይማኖት ሰውነት ይቀድማል! ከዘርም ሰውነት ይቅደም!
አላህ ሰውን ከሁሉ በላይ አልቆታል::

ሰው ሊገፋ፣ ሊሰደድ፣ ሊገደል፣ ሊናቅ፣ ሊወገዝ በፍፁም አይገባም:: ልዩ ፍጥረቴን ክብሩን ጠብቁት በማለት አዟል››
የክብር ዶክተር፣ ተቀዳሚ ሙፍቲ ሃጂ ዑመር እንድሪስ።

@sheger_press
@sheger_press

አሳዛኝ ዜና ከባድ ሀዘን‼️

የሁሉ ነገር ባለቤት የሆነው አላህ (ሱ.ወ)
የወሰነው ሆኗል::

ኢናሊላሂ ወኢና ኢለይሂ ራጂዑን! (እኛ የአላህ ነን፤ ወደርሱም ተመላሾች ነን!)

የሀገራችን እስልምና እምነት ተከታዮች ታላቅ አባት እና መሪ የሆኑት ተቀዳሚ ሙፍቲህ ሐጂ ኡመር ኢድሪስ ወደ አኼራ ሄደዋል።

ይህንን ፈገግታቸውን፣ መረጋጋታቸውን እና ጥበባቸውን ዳግም ለማየት ባለመታደላችን ልባችን በሀዘን ተሰብሯል።

እኛ የምንመኘው ቀርቶ፣ የሁሉ ነገር ባለቤት የሆነው አላህ (ሱ.ወ) የወሰነው ሆኗል።

ሙፍቲህ ሐጂ ኡመር ኢድሪስ ለኢትዮጵያ ሙስሊሞች አንድነት፣ ሰላም እና የእስልምና እሴቶች መከበር ላበረከቱት አስተዋጽኦ ታሪካቸው ከመቼውም ጊዜ በላይ በልባችን እና በዘመናችን ተጽፎ ይኖራል። ታላቅ እና ቁምነገር ያለው አባት አጥተናል።

ለቤተሰቦቻቸውን፣ ለመላው ኢትዮጵያውያን ለዚህ ከባድ ሀዘን መጽናናትን ይስጥልን። አሚን!

አላህ (ሱ.ወ) ጀነተል ፊርደውስን ይወፍቃቸው፤

መንግስት ሰራተኞች ከኢትዮጵያ ንግድ ባንክ የገንዘብ ብድር አወሳሰድ እና አመላለስ ሂደት‼️

የኢትዮጵያ ንግድ ባንክ ለመንግስት ሰራተኞች  ያለ ምንም መነሻ ዋስትና በደመወዙ ልክ እስከ 150,000 ብር የዲጅታል ብድር አገልግሎት እንዲያገኙ ለማድረግ መመሪያ ማዘጋጀቱን ይታወሳል። 

ይህንን ገንዘብ ለመበደር የCEB Birr ተጠቃሚ መሆን የሚያስፈልግ ሲሆን፣ባንኩ ከደመወዝ ከፋይ ፋይናንስ ጋር በሚኖረውን ስምምነት መሠረት፣ ተበዳሪ አካል ባለበት ሆኖ፣በCEB Birr አማካይነት አገልግሎቱን የሚያገኝ ይሆናል።

ለዚህም የብድር አወሳሰድ እና አመላለስ ሂደት እንደሚከተለው ቀርቧል ።

👉 የግማሽ ወር ደመወዝ የሚበደር ሰው፣በአንድ ወር ውስጥ ተመላሽ የሚደረግ ሲሆን ፣ ወለድ 3% ይሰላል።

👉 የአንድ ወር ደመወዝ ሲበደሩ.. ወለድ 8% የመመለሻ ጊዜ 3 ወር፤

👉የሁለት ወር ደመወዝ ሲበደሩ..ወለድ 14% የመመለሻ ጊዜ 6 ወር፤

👉የሶስት ወር ደመወዝ ሲሆን፣ ወለድ 17% በዘጠኝ ወር፤

👉የአራት ወር ደመወዝ ለሚበደር ወለድ 20% በአንድ አመት።

ማነኛውም የመንግስት ሠራተኛ ያለምንም ማስያዣ፣በዲጂታል ሲስተም ብቻ ባለበት ሆኖ፣የብድር አገልግሎቱን ማግኘት የሚችል ሲሆን፣የደመወዝ መደበኛ ሂሳብ(account ) በስልክ ቁጥር (CEB Birr) የሚተካ ይሆናል።

ማነኛውም ተጨማሪ መረጃ የሚፈልግ ሰው  ይህንን አግልግሎት ወደ ጀመሩ የኢትዮጵያ ንግድ ባንክ ቅርንጫፍ በአካል በመገኘት በቂ መረጃ እና ማብራሪያ ማግኘት እንደሚቻል ይህንን የብድር አገልግሎት ከጀመሩ የኢትዮጵያ ንግድ ባንክ ቅርንጫፎች ያገኘነው መረጃ ይጠቁማል

@sheger_press
@sheger_press

"ኢትዮጵያ በጣት ከሚቆጠሩ አረጋውያን፣ አፈ ማር ከሆኑ መካሪዎችዋ መካከል አንዱ የሆኑትን፣ ለመወደድ የታደሉትን የዘመናችን ጌጥ አጥታለች"_ ብፁዕ ወቅዱስ አቡነ ማትያስ

"ይህንን የድካም ዓለም መገላገል ለእርሳቸው ዕረፍት ቢሆንም ለአገር ግን ታላቅ ጉዳት ከመሆኑም በላይ ዕድሜን ከጥበብ ጋር ያዋሐዱ በሁሉ ዘመን አይገኙምና ኀዘናችን ጥልቅ ነው" ነው ያሉት ብፁዕ ወቅዱስ አቡነ ማትያስ።

አያይዘውም ለቤተሰቦቻቸው፣ ለእስልምና ሃይማኖት ተከታዮችና ለመላው የኢትዮጵያ ሕዝብ መጽናናትን ተመኝተዋል፡፡

@sheger_press
@sheger_press

“ፍቅራችሁ ያለ ግብዝነት ይሁን። ክፉውን ነገር ተጸየፉት፤ ከበጎ ነገር ጋር ተባበሩ፡፡” ይላል ብርሃነ ዓለም ቅዱስ ጳውሎስ ለሮሜ ክርስቲያኖች በጸፈው መልዕክት፡፡ ሮሜ 12÷9


ይህን ትዕዛዝ ገዳማውያን መነኮሳት ዘወትር ይፈጽሙታል፡፡ በዓለም ሊያገኙ የሚችሉትን ተድላና ደስታ ንቀውና ትተው በመውጣት፣ በብዙ መከራ ውስጥ ስለቅድስት ቤተ ክርስቲያን፣ ስለሀገርና ስለዓለም ሁሉ ሌሊትና ቀን ይጸልያሉ፡፡

ይህ እውነታ በገሀድ ከሚታይባቸው ቅዱሳን መካናት አንዱ በማዕከላዊ ጎንደር ሀገረ ስብከት በምሥራቅ በለሳ ወረዳ የሚገኘው ሙት አንሳ ማር ቅዱስ ሚካኤል ገዳም ነው፡፡ ስለ እግዚአብሔር ፍቅር ጭንቅ የሆነ መከራን የሚታገሱት የገዳሙ መነኮሳት ረሀብ ጎረቤታቸው የበረሀው ሀሩርና ውሃ ጥም የዕለት ተዕለት ፈተናቸው ነው፡፡

ረሀባቸውን ለማስታገስ፣ ጥማቸውን ለመቁረጥ ጥቅምት 16/2018 ዓ.ም ከ 5፡00 ጀምሮ በሚሊኒየም አዳራሽ መንፈሳዊ ጉባኤ ተሰናድቷል፡፡ ሐዋርየው እንዳለው፣ ግብዝነት በሌለው ፍቅር ከበጎ ነገር ጋር እንተባበር፡፡ ለእኛ አነስተኛ በምትመስለው አንድ መቶ ብር ትኬት በመግዛት የዚህ ቅዱስ ዓላማ ተካፋይ እንሁን!!!


አዘጋጅ:- ሙትአንሳ ማር ቅዱስ ሚካኤል አንድነት ገዳም

ለበለጠ መረጃ:- 09 38 64 44 44/0918077957


ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

በባንግላዲሽ አውሮፕላን ማረፊያ የደረሰ የእሳት አደጋ

በባንግላዲሽ አውሮፕላን ማረፊያ በደረሰ የእሳት አደጋ 1 ቢሊየን ዶላር የሚገመት ጉዳት ደርሷል።

በአውሮፕላን ማረፊያው ጉዳት በደረሰበት የሎጅስቲክስ ማዕከል ጨርቆች፣ መድሐኒቶች፣ ኬሚካሎችና ሌሎች እቃዎች ተከማችተው የነበረ ሲሆን፥ በአልባሳት እና ጥሬ እቃዎች ላይ ከባድ ጉዳት መድረሱ ተገልጿል።

27 ሰዓታት በፈጀው የእሳት ቃጠሎውን የማጥፋት ሂደት 35 ሰዎች ላይ ጉዳት የደረሰ ሲሆን፥ በአደጋው ምክንያት በረራዎች ለጊዜው መቋረጣቸውም ነው የተገለጸው።

የእሳት አደጋውን መንስኤ ለማጣራት ምርመራ እየተከናወነ ሲሆን፥ አደጋው በቀጣይ የንግድ እንቅስቃሴዎችን ሊጎዳ እንደሚችል የሀገሪቱን የአልባሳት አምራቾችና ላኪዎች ማህበር ጠቅሶ ቢቢሲ ዘግቧል፡፡

ባንግላዲሽ ከቻይና በመቀጠል በዓለም ሁለተኛዋ የጨርቃ ጨርቅ አቅራቢ መሆኗን የጠቀሰው ዘገባው፥ ዘርፉ በዓመት 40 ቢሊየን ዶላር ገቢ በማመንጨት ከሀገሪቱ አጠቃላይ ምርት 10 በመቶውን እንደሚይዝ አመልክቷል፡፡

ባሳለፍነው ቅዳሜ የተከሰተው የእሳት ቃጠሎ በሀገሪቱ በአንድ ሳምንት ውስጥ የተከሰተ ሦስተኛው ከባድ የእሳት ቃጠሎ ሲሆን፥ በመጋዘን ላይ በደረሰ ሌላ ቃጠሎ ቢያንስ 16 ሰዎች መሞታቸው ተገልጿል፡፡