بصوت. مسلم المطيري

يبو الاكــــــبر الك عيني ترابي
وجمر من خيم عاشورك ترابي
دخيلك لـــــــون غطاني ترابي
تره ماعندي بس خدمه وعزيه

✍ حسام البهادلي

لِفاطمه وأبيها
وبعلُها وبنيها
      الله خالقنه خدم…….

الله خالقــــنه خــــــــدم لترابهم
انجعلو انه احباب وحنه حبابهم
يمته نتــــعنه ونقبل اعتـــــابهم
ونخــــدم ونكنس ابعتبت بابهم
هذهِ آمالُنا نَحكيها…. 


الفاطمه احنه اعيونه انبچيهه
وهل مجالس نحضر ونحييهه
والله هل خدمه انتشرف بيهه
وبالدمــــاء وبالنفـس نشـريهه
ولها ارواحنُا نفديها.…..


شرف هاي الشـيعه ربك زادهه
بخدمة الزهره وعلي واولادهه
همه للدنـــيه العمد وســيادهه
وثورة حسين اصبحو قوادهه
ولهُم دمعاتُنا نبكيها..... 


هل مجالس نعمه من رب المله
جعل بيهه اعظم مكانه ومنزله
يوم فاطـــــم بالحزن نستقبله
وبالمجالس والدمـــوع السايله
نَنّصِبُ المأتَمَ كي نُرثيها..... 


يلي تلطم لم حسن ومصابهه
الجنه تفتحلك جميع ابوابهه
وحـق تربت فاطمه ومحرابه
اتفوز باجر بالجــنان احبابهه
ومِنَ الحوضِ غداً تسقيها…... 

✍كامل السعيدي

بصوت. مسلم المطيري

لفاطمه وأبيها

كلمات الشاعر
كامل السعيدي

قصيدة
ظهر الحسين

الشاعر موسى البديري:
مــن طحـــت يــم النهـر        تدري شنهي الي انكسر
ظهر الحسين         يا أبو فاضل      يا أبو فاضل
*
يا ابو فاضل من رحت صوب الشريعه
بقـه أمنـاطــر جيّتـك  روح  الـوديعــه
شحالــه لمّــن شـــاف چفينــك گطيعه
ضاگـت أبعـين الاخو هــاي الــوسيعه
ناده يا خويه الگمر               بيك اشد انه الظهر
صار نصين       يا أبو فاضل          يا أبو فاضل

*
تــدري يا خــويه شجـره ذيـچ الظهيره
ابطيحتك ظهــره انكسر شيـخ العشيره
ومن رجع للخيمه شفت أبوجهه حيره
چنــه گلــي صرتــي يــا زينــب أسيره
من أجه وهل مدمعه         بعينه شفت المشرعه
وبيهه چفين      يا أبو فاضل       يا أبو فاضل
*
من رجــع للخيمه يــا خــويه وسألته
گتلـــه ويــن الكافـــل وهلّــت دمعتــه
عينه گالت عـل النهر يا وسفه عفته
أبصفه جـــوده ورايته وچفينه شفته
شفت يا خويه الِأمرْ         بالسهم طافي النظر
ماخذ العين       يا أبو فاضل         يا أبو فاضل

*

خـويه يــا فگـــد الاخــو يسعــر لهيبه
وابد مــا تشبها كــل محنــه و مصيبـه
حسين صارت روحه من بعدك غريبه
نــاده چنــه منين ابـو فاضـــل أجيبـه
يا نظر عيني وعمّت          وي سهم عينك طفت
ناده الحسين      يا أبو فاضل       يا أبو فاضل



*

شگــد رزايـــا مـــرت بــروح الزچيه
مثــل فگـــدك ابــد مــا مــرت رزيــه
طيحتــك اكبــر مــآســي الغاضــريـه
حسين داست صدره بعدك الاعوجيه
هذا يا خــويه الجره           حسين گطعوا منحره
بالميادين     يا أبو فاضل       يا أبو فاضل

*
الشاعر
موسى البديري
1440 هــ

بصوت. مسلم المطيري

من طحت يم النهر
تدري شنهي الي انكسر

كلمات الشاعر
موسى البديري

مجلس عزائك  عايش  بخيره
ما عندي غيره و لا ردت غيره
مجروح ادگ ابابك
رايد دمع  لمصابك
################
يالماگل اخدودك رمل
                        و حر الشمس فيالك
بمجلس عزائك سيدي
                         الطم و اريد اقرالك
و رايد بعد ابچي صدگ
                       و انحب و ادگ لحالك
عطشانة عيني للدمع
                       بگد ما  عطش  دلالك

مجمورة تلهب بسمك اجروحي
و  لمن  تذكرك  تختنگ  روحي
اطلب طلب بثوابك
رايد  دمع  لمصابك
ما عندي غيره و لا ردت غيره
###################
ما انسى لحظة مصيبتك
                        و ادريك ما تنساني
عن صافي نية بس الك
                       صليت فرض احزاني
ممنون منك سيدي
                       بگلبي گلت و الساني
الفضل كله لمجلس
                       صاحب بخت سواني

طير  المجالس   اهلي  سموني
لنِّي بخدمتك   عالي    شافوني
يالما نسيت احبابك
رايد  دمع  لمصابك
ما عندي غيره و لا ردت غيره
‏####‎################
الخدمة عندي اكبر شرف
                         لابسها تاج اعله الراس
من حقي اذا بيها افتخر
                           كلها ترافة و احساس
بس لازم احصل عالشرط
                          حتى اختلف عن الناس
كاس  الوفى  اتذوقه
                         من چف  ادين  ام عباس

مثل ام عضيدك ارد اضحيلك
و بگد   دمعها   رايد   ابچيلك
فدوة رحت  لترابك
رايد   دمع لمصابك
ما عندي غيره و لا ردت غيرك
‏##################‎###
من اختنگ تصبح هوى
             و لو اعطش تصير الماي
اسمك سلب مني الفرح
             يا سبب نوحي و مَبچاي
مرات اشوفنك ضوه
                تارس  دليلي و عيناي
و مرات اشوفنك جرح
                ياگل و  يشرب  وياي

عايش حبيبي جرحك ابالي
تبراله عيني و عينه  تبرالي
ما يشفى جرح اصوابك
رايد   دمع     لمصابك
ما عندي غيرة و لا ردت غيرة
#######################
انطيني من طولك جرح
                        رايد  احس   بالامك
يا ليتني ابطفك چنت
                     تسحگ عليَّ بچدامك
بالف و تسعمية گلب
                      انزف  هضم  جدامك
و بحافر الخيل انمرد
                      و احترگ مثل اخيامك

يا ريته  مني  ينسلب   ثوبي
و عالگاع انام ابدال محبوبي
ريت انخضب بخضابك
رايد   دمع    لمصابك
ما عندي غيره و لا ردت غيره
####################
دمعة مصابك سلوتي
                      تجلي المرارة البيه
افرح اذا ابچي الك
                      و استلذ باللطمية
لغيرك اذا اگصد عزه
                     تختلف عندي النية
لمجلسك تاخذني رگض
                      غصباً عليَّ  رجليه

مجلس عزائك  عالارض. جَنة
و مثل العسل ما ينشبع منه
باقي انتظر لجْوابك
رايد  دمع  لمصابك
ما عندي غيره ولا ردت غيره
####################
الحمدلله
علي حسين الكناني

1441هـ

بصوت. مسلم المطيري

مجلس، عزائك عايش، بخيره

كلمات الشاعر
علي، حسين الكناني

عباس گوم الخيمتي اوياي
عباس شافت دمعتي اعداي
****
يبو فاضل من طحت ظهري انهشم
والعساكر وصلت الباب الخيم
شلون اردهم وحدي ياراعي الشيم

عباس بعدك غربه دنياي
عباس شافت دمعتي اعداي
****
انه طحت اوياك من طاح اللوه
ياگمر هاشم عسن متنه سوي
چنت انته التارس الدنيا هوه

عباس دونك مات الفياي
عباس شافت دمعتي اعداي
****
آه تحرگ آه چن ما تنسمع
بعد عينك خويه امسح يا دمع
هيه ساعه وحافر ايرض الضلع

عباس المن اشكي بلواي
عباس شافت دمعتي اعداي
****
ما دريت اشصار بيه يالگمر
من شفت چفينك ابراگ النهر
گبل سهم الموت دلالي انفطر

عباس والله اتدوهن الراي
عباس شافت دمعتي اعداي
****
شلون ترضه الخيمتي وحدي ارد
طولي يا عباس لا ما ينسند
اتشوف زينب دمعتي ما مستعد

عباس غيرك ما يحل هاي
عباس شافت دمعتي اعداي
****
ابحال سكنه فكرت يا بالفضل
ترجع اتانيك هيه وكل طفل
مو مهم الماي بس انته عدل

عباس عافو فكرة الماي
عباس شافت دمعتي اعداي
****

الشاعر اياد الديراوي

بصوت. مسلم المطيري

عباس گوم الخيمتي، وياي

كلمات الشاعر
اياد الديراوي

سكنه علــه درب الگمــــر هاليوم اتاني
ودعــت عمــي للنهـــــر شـومـا اجانـي
ودعته للماي            مارجع رجـواي
📘📘📘
ما چنی بـت المرتضـي بــــت الزچيـه
هاليوم من كثـر العطـش شفـت المنيه
بالعــــــرب غيـــره مابگـت ولا حميــه
ودعــــت عمــي للنهـــر  قصبـاً عليـــه
انــــدب بـگيـت ابكـربلـه ايـا زمـانـي
بسهامه دهـــر النايبه طگني  عماني
ودعته  عناي         مارجع رجواي
📘📘📘
اصـرخ بگيت ابكـربلــه والــــريج يابس
لالاکبـــر اوجاســم بگـه بالخيــم حارس
گوظت اهالـي المعـــرفه واهل المجالس
ماشوف بحدود الخيم لاعـون او عابس
طفلـه  زغيره والهظم والهـم غـزاني
السعـد ادبــر والهنه بالطـــف جفاني
يا كثر بلواي              مارجع رجواي
📘📘📘

من اتركت بيت النبي احسابي حسبتـه
گلبـي بشـد مـن العطش جرحـه لچمته
ياعمــي مـاي البي خطــر جـــداً تركتـه
اتمنـه امــوت ابكـربلـــــه  لاما شـربتــه
سالـم اريـداً للـــخيم ترجــع تراني
بـــیه اخافــن يا بطل يغـدر زماني
اندعو ویاي          مارجع رجواي
📘📘📘

البيـرق يــــرف ابيمنتـه غايـه اونهايـه
راعي العلم صاحب علم صاحب درايـه
مايصعـب اعلـي الصعــب بيـه الكفايـه
بـوجـــوده تبگــه عامــره دايـم الثايـه
يا غايـة اهلـي  غايتي بيه الاماني
حتماً گلـت مارد الي حتماً نسانـي
الهاي الخيم هاي    مارجع رجواي
📘📘📘

بيه غدرت اصحاب الحقد يم الشريعه
بعيوني انه گمت احس ظلمه الوسيعه
چفينـــه طاحـــن عالنهـــر ايا فجيعــه
نوحـو علا مصاب الگمر نوحو يشيعـه
سکنـه علا عمی الگمـــر ابگـه اعانی
های الفجیعه ابكربله زیدات احزاني
ابچو اعله مبچاي    مارجع رجواي

للشا عر عبدالامام العبادي

بصوت. مسلم المطيري

سكنه عله درب الگمر هاليوم اتاني

كلمات الشاعر
عبدالامام العبادي

بصوت. مسلم المطيري

#أبوذية

امر الله وعَليه اجرت   مشيته
ودمعي بردن حسراتي مشيته
درب اليسر يبن امي    مشيته
آ يافرجت الوادم عليه

لأخد خدام الحسين

#اللهم_عجل_لوليك_الفرج

بصوت. مسلم المطيري

اجـيـتـك وانـه اعـرفـك ٠٠٠ مـاتـردني
بـديـك امسـح دمـوعـي ٠٠٠ مـاتـردني
لــون خـــادم خــدمـكـم ٠٠٠ مـاتـردني

اروحـن وشـتـكـي الـحـامي الـحـمـيـه

واحسيناه. واحسيناه.
واحسيناه. واحسيناه.
------------------------------------
حسين ابوي او جدي هوه أو دوم اگوله.
حسين خله ابراسي حض من الطفوله.
ولله حبك بلگلب صايرلي سوله.
أهل بيت الطاعه باچر همه ذوله.
----------------------------------
حسين اعز من الگلب وولادي كلهم.
او لو يريد اولادي كلهم هم اذبهم.
ولله احبهم بيت اهل حيدر احبهم.
--------------------------------
ياعضمتك سيدي شمسوي بينه.
البشر صاير سواد او لابسينه.
ولمواكب بشوارع تارسينه.
ولخدم ركبت صدگ ذيچ السفينه.
-------------------------------
ياحسين ابداعات امك ولميامين.
خاف اموتن بلگبر تحضرني يحسين.
خادم أنه المنحرك ياگرت العين.
ولله اخدمك لو احس بضلوعي گلبين.
-------------------------------
هل محرم ولخدم بالخدمه حفاي.
كلهه تتنافس عله حبك يمولاي.
واحد ايدك بصدر واحد عله الماي
والهلال أعله المواكب عاني ضواي.
ولعلم فوگ السمه ويوزع الچاي.
--------------------------------
شيعي وتباهه السواد ايطل عليه.
حته اشگ اگلوب كل الناصبيه.
هل محرم وبمحرم ناري بيه.
اله بكتاباتي افرحچ يزچيه.
اله اعيد الطف وخلي حسين ضيه.
---------------------------------
يانواصب غصبن اعليكم نذلكم.
اله بقلام الشعر امسح ذكركم.
وحنه تاج حسين يبقه ابكل كتبكم.
ونتو جدكم بزبايل غافي جدكم.
------------------------------------
الشاعر السيد عمار العوادي.
ومن الله التوفيق يارب.
ياصاحب الزمان. يازهراء. ياعلي.

بصوت. مسلم المطيري

واحسيناه. واحسياه

كلمات الشاعر
سيد عمار العوادي

بصوت. مسلم المطيري

#ابوذية

كِـثــر دخـان لـمـخيـم  .. على اهواي
وتـمنـيت الدهر يمشي  .. على أهواي
وأضل يمك وأسولفلك  .. على اهواي
حـچـي يحسين عـگبـك ضال بيه

✍خـادم زيـنـب ع
الشاعر رعد الجريخي


#اللهم_عجل_لوليك_الفرج

قصيده بحق عبدالله الرضيع

تعطــش مـا خليك.......بماي اعيوني ارويك
يـا ريـع اسـنيني واحـلامي
بــالطف مـا خـليتك ظـامي


////////////
١


يــوليدي.بــعيوني چــــم زمـــزم الك
يــوليدي.مـن عـنده أروي اشــفايـفك
يــوليدي شـــفت النـــــهر يـــتوسـلك
يــوليدي.مـــــن مـــــايه راد ايــــبللك

راد اتـشرفه اتـروح.......بـس ترجع مذبوح
رادك ترجـــع لمك دامي
بالطف ماخليتك ظامي


///////////
٢


بــعــيوني حـــالـــف اضــمك للــصبح
بــعــيوني.مــگدر اشـــوفك مــــنذبح
بــعــيوني.بــــس انــته احــسنك ربح
بــعــيوني.دمـــعي يــسيل وانــفضح

مـن عـاينت اشـفاك ... راحت روحي وياك
فــوگاها امـچلب بــبـهامي
بــالطف مـا خـليتك ضامي


////////////
٣

من شلتك.شــلت الـجبال امــن الارض
من شلتك.لـحت الـسمه طـول بــعرض
من شلتك.كلش ضـعف يــبني الــنـبض
من شلتك.واجـب صـبح عـندي وفرض

مـا اردك عــطشان ....وانـته امـطلع الـسان
يـابس ومــسلهم گـــدامي
بـالطف مـا خـليتك ضامي


/////////////
٤



يــاوســفه. ردنــه الـــعذب دزو ســهم
يــاوســفه. حــيلي علئ ولـيدي انهدم
يــاوســفه. گـــلــبي صــبح شــايل الم
يــاوســفه. مــــــيــت اردك للـــــخــيم

لـمك عين تشوف......جـرحك بيش تروف
بالقدره انگل گمت اجدامي
بـالـطف مـا خـليتك ضـامي


////////////
٥

شـگدصـعبه.لــمـك ارجـــعك بـــالدمه
شـگدصـعبه.مـتروس دم وجـه السمه
شگدصـعبه.تـشوف الورد شـابع ضمه
شـگدصبعه.تــــجرح قــلبه وتـــــلچمه

تـاذيني الــچلمات .... مـن تنشد ها مات
ذكــراك  ايــزيد الألامي
بالطف ماخليتك صامي

////////////


تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه
الفاتحه الى روح والدي،ووالدتي 💔 💔

بصوت. مسلم المطيري

تعطش، ماخليك

كلمات الشاعرة
ام زين العابدين اللامي

محرم١٤٤٢
#للرضيع

انه ام الولد وگليـبي مجـروح
الحد الموت مابطل علّي نوح
ضل خالي المهد
ضل خالي المهد
¢¢¢¢¢¢¢

اني ام الرضــــــيع وگلبـي دامي
ابـنبلة حرمله ماتت احــــــــلامي
سـت اشهور طفلي ومات ضامي
ماشــــاف بحــياته وفارگ الروح
ضل خالي المهد،،،
ضل خالي المهد،،،

¢¢¢¢¢¢¢

ورده وذبلت ابســــــــــــهم الرزيه
بعد ازغــــــير ابني اعله المنـــــيه
مـــــــــــذبوح بســــهم جابوه اليه
غافي وليدي اجاني ودمه مسفوح
ضل خالي المهد،،،
ضل خالي،المهد،،،

¢¢¢¢¢¢¢¢

راد اميــه منـــــهم كلشـي ما راد
قطــــــــرة مــاي ما روه الاوغــاد
مفطوم ابســــــهم رد والحزن زاد
وصوتي امن الونين اعليه مبحوح
ضل خالي المهد،،،
ضل خالي المهد،،،

¢¢¢¢¢¢¢

رد بي للخيم ملچوم الحســين
ولاگيته وسگـيته ابمدمع العين
گلبي امن الالم مفطـور نصــين
من شفت العزيز اگبالي مذبوح
ضل خالي المهد،،،،
ضل خالي المهد،،،

¢¢¢¢¢¢¢

افراگ الغالي ابد ماچان عالبال
مـــرد چبـدتي اوشـيب الــدلال
سهم الفرگه ياذي وحـيل چتال
ريت الموت يلفي اوياخذ الروح
ضل خالي المهد،،،،
ضل خالي المهد،،،،
¢¢¢¢¢¢¢

تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه،
الفاتحه الى روح والدي ووالدتي،💔💔

بصوت. مسلم المطيري

انا ام الولد وگليبي مجروح

كلمات الشاعرة
ام زين العابدين اللامي