لحن(وفقيني يزهراء)
بصوت
خادم الامام الحسين
محمد رضا الفاطمي
الناصريه _ قلعة سكر

((يمعصومةّ عشگـ))

رغم ما ادري وين آنـه وغرامي
ويمي الماي بس مولاتي ضامي
صدفه وبــابچ يفــززني واشتاگـ
واجي البابچ يمــــولاتي بهـيامي

يمعصومةّ عشـــگ گلبي
مليـــكةّ خاطــري وحبي .. يمعصومه
مشاعر روحي واحساسي
عبـــاده بقمـــــچ انفاسي .. يمعصومه

عشگنا .. وحــزنا .. يمـولاتي الكريمه
معصومتنه شيمه
للخــــــدام خيمه

دمعنا .. ورزقنا .. كـــل الخير منها
ابــو جسام چنها
ومايفرغ صحنها
يامولاتي معصومه ...
"""""""""""""""""""""""""""""""""""'''''''''''

تحــــــتار السـوالف والمـــواقف
طـــــولچ خيمــــه للخدام واگف
هوى لهل الهوى اليتنفس يطيب
اليبرد يـــــدفـــه لو بيچ السوالف

شملذه والحچي بحبچ
شحلاته اليتعب بدربچ .. يمعصومه
الـــــچ يشهد شكو زاير
الــــــيزورچ مايرد حاير .. يمعصومه

اجينه .. ونسينه .. كـــــل التعب رايح
يمـــچ فكري سارح
كريمه الكل جوارح

حنينه .. وأدينه .. ترستيهن عطـــايه
ودمع لــ ام السبايه
بــــــدايتنه ونهايه
يامولاتي معصومه ...

"""""""""""""""""""""""""""""""""""''''''''''

موش آنــــه الاشــــدّ احزامي انتي
يكلشي البيه يــــــــانـورس دمعتي
أنه هسه بضريحچ وأحسب الشوگـ
باچـــــــر لـــو رحت حيره بصفنتي

عيني وتنجـــبر تـــذرف
حيره الحاجب من إيرف .. يمعصومه
يمــــته العمتچ امشــــي
طيف إيسامر بـــــرمشي .. يمعصومه

كريمه .. وهضيمه .. وين الباب صاير
زينب گلبي حاير
يمتــه يصير زاير

عليمه .. ويخيمه .. خيمه الكل مصيبه
ما كافي الغــــريبه
يمته اسمــچ حبيبه
يامولاتي معصومه ...

"""""""""""""""""""""""""""""""""""''''''''''

كافي الفرگه بيه الفرگه غربه
ويم اخت الرضا ماتبقه صعبه
من بابچ نخيتچ كـــون للشام
نــــــريد انـــروح والزوار تربه

يمــــته بدمعتـي اتحـنه
واركض والجـــــرح ونه .. يمعصومه
وأشــــم الباب المّضيعه
وألاگي الشمعه بالشمعه .. يمعصومه

الغريبه .. الحبيبه .. اصيحن وين صرتي
وعفتيني بغــــــربتي
ولفـــــــراگچ دمعتي

نهيبه .. ومصيبه .. ليش الباب ينسد
ويمچ ماكـــو أحد
الحبچ ليـش يبرد
يامولاتي معصومه ...

عبد زينب
محمد الابراهيمي

لحن
(معصومةّ عشگـ)
بصوت
خادم الامام الحسين
ملا مرتضى التميمي
بغداد _ ناحية الوحده

((باب العزوبيه))


جيت بعشگ بالنيه
يم بـــــاب العزوبيه
اخت الرضا العلويه
هــاي الكريمه هايه

اخت الرضا المعلومه
ام الكـــــرم معصومه
حگه اليشـگ هدومه
لو شاف ذيچ الـــرايه

لازم الباب ودمعتي أعله اعتابچ
عبدچ تــــــراني وما أهدن بابچ

مولاتي انطـيني
خدمه ورزقيني ...
"""""""""""""""""""""""""""""""""""''''''''''

ضميت الچ حسراتي
يــــــــــامنبع الآهـاتي
وجروحي ودمعـــاتي
بهذا العـــزاء ابچيهن

من كل بشر جبتيني
ياهو آنه وتحـاچيني
ويمْ الرضا تـــوديني
خيراتـــچ واحچيهن

باب الحوائچ مثل ابوچ الكاظم
يانعمةْ الله ورحمه والكل خادم

للخــــدم تچايه
مجلس ومشايه ...
"""""""""""""""""""""""""""""""""""''''''''''

مشتاگه يا ولهـــانه
لَمن اجت حيــرانه
تبعت الخوه اهنانه
وين الرضا أدورينه

درب العشگ ماشيته
من أبعيد توصل بيته
وتشم عطــــر چفيته
وبيا حلــــــــم تلگينه

مسمومه والحسره بگلب مشتاگه
ماتت لخـــــوها الضامن وبفراگه

تتنطر الخـوه
ماتت وبالگوه ...
"""""""""""""""""""""""""""""""""""''''''''''

الخوه حضــرت ليها
والرضا گــض إيديها
شيعها صلى أعليــها
وبيده دفن معصومه

بـــس زينب المسبيه
للخوه مامــــش جيه
ضلو جثث مـــــرميه
بس زينب المحرومه

ذيچ الغريبه غــربه الشيـعوها
لامن عشيره ويلي ويحضروها

الغربه عاشـتها
ماتت بحسرتها ...

عبد زينب
محمد الابراهيمي

لحن
(باب العزوبيه)
بصوت خادم الحسين
محمد عبد الرؤوف
بصره _ خور الزبير

الراس منذور || الرادود احمد العلي
https://youtube.com/watch?v=WzSvDB-2wpM&si=03uHB-NXkHzAm0_c

طــــــرشان مانسـمع بعد هاوينك
وحيهم بعد متفـــــــيد لا ها وينك
بس بالجذب يحسين من هاوينك
يـــــالمنــــــذبح بمصيبتك نتبختر

عبد زينب
محمد الابراهيمي

((من خيرك))


من خيرك يريت اخجل
ومــــن الهاك وافضالك
هضيمه المثـــلي متهني
وسوط أيلامس اعـيالك
مـــن بالي شلت جرحك
وانتـــــه الحاطني ابالك

فضلك غـــــرگاني
وخيـــــرك هَيماني
اعثر وانته الچفوف
لو وكتي دهــــــاني

ممكن اعوفك وامشي لاوين
بـــــــس انته ماممكن تهدني
مذنب واحبك والله يحسـين
شما انجـــــرف انته التــردني

شفيع المذنبين
حبيبي ياحسين ...

"""""""""""""""""""""""""""""""""""''''''''''

كافي ارسم شخص غيرك
وانته امتــــانــي ارسمـنـك
كافــــــي وكشختي بثوبك
وجــذب لــو گلت اشمنك
شعندي وخـــاطر اتنومس
كلشي العنـــدي بس منك

ولا يمــــــك مكـــالف
راضـــــي بدون آسف
طفلك مستحي هواي
ومن اعتاب خــــــايف

ماندري يمته الـــــــروح ترتاح
ومن ذنبي اصحه وآنه مشيول
ويَم راسي اسمع نوح وصــياح
ميــــــت وأفز مــــــن الدللول

شفيع المذنبين
حبيبي ياحسين ...

"""""""""""""""""""""""""""""""""""''''''''''

احب الگاك وآنه ابيض
وبيـــــدك تفتح الـوزره
وبيدك تنفض اتــــرابي
ومنك اسمع البشــــــره
ومنـــك اسمع الــــ اهلاً
وتــــرد أمثمره الشـجره

تجيـني وبحفـــرتي
وتفـل بيدك وزرتي
وألبس اجمل اثياب
وبعد تمسـح دمعتي

يصير الگبر من طبتك هــيل
واگبالك انعه اعليك بالشوگ
ما انعه واذكــــر چلمةّ الخـيل
ارد اذكر المچتـــوفه عالنوگ

شفيع المذنبين
حبيبي ياحسين ...

"""""""""""""""""""""""""""""""""""''''''''''

وأريد احچيله العــندي
ويسبگ عني يحچـيــلي
حاسب دمعي وجروحي
وچم مره صحت ويـــلي
وچم مره متـــــت لجـله
ويدري بصبحي وبليـلـي

يـــــدري بيه بيه
خـــــادم للسبيه
المولاتي العقيله
المولاتي رقيــــه

دربالك اعله الخدمه اوصيك
الجــــذبه تاخـــذ منك دّموع
يطيب الجرح ماتلطـم إيديك
وتنسه الحوافر حـتى الضلوع

شفيع المذنبين
حبيبي ياحسين ...


عبد زينب
محمد الابراهيمي

لحن
(من خيرك)
بصوت
خادم الامام الحسين
ملا صادق هــــــاشم
بغداد

((مبصراً))

أرتَــد قلبي مبصراً .. في خدمةّ الحسين
وليليه بعيوني الدمع .. ياشـــوگي والونين
شميته وبريح الوفه .. بس ماعـرفته وين

شما تنضف الــــروح
أنـــدل خدمتك
شما تبچي العيــــون
أگصد حضرتك

لا مـــانسيت بگلبك شصاير
مـــــن ودعيت الاكبر وحاير
وشمقدم آنه وحبك يجــرني
شدافعلك وجايبني الك زاير

ياحبيبي حسين ...

"""""""""""""""""""""""""""""""""""''''''''''

يـــــــا ما تولوك بحجر .. وانته على الرمال
وياما شفت ذاك الجمر .. وياما أسمعت تعال
تصنع وساده مـن الترب .. وتعـــاين العيال

مــــن تسمع الصوت
يابـــويه ونيك
مــــن تعطش الروح
بالحيره عينك

طاحت خيامك وانته هم طايح
يل ما نمت مـــــــافززك صايح
زينــــب تنــــادي يابــــو المروه
بنــــــار الهضيمه والضعن رايح

ياحبيبي حسين ...

"""""""""""""""""""""""""""""""""""''''''''''

طايح وتتنفس حزن .. وعــالتله ياشجون
ياعينك اتغمض ألـم .. من شاهدت عيون
زبنب رقيه فــــاطمه .. ماملكن الضنون

مــــــــاضنهن اتگوم
وانـــته بلا روح
بس ضنهن اتشـوف
بس انته مذبوح

رادنك تشوف الجمـــر ضيمه
رادنك تشوف الركــض هيمه
بس انته طايح والجمر فوگك
صاحن فدوتك حرگو الخيمه

ياحبيبي حسين ...

"""""""""""""""""""""""""""""""""""''''''''''

من سافر بروحك ذبح .. ويتفسر المصير
لاصحبه لاعندك أخوّ .. بيادمعه من تدير
وطرف الخفيّ صوب الحرم .. ياويلي وشيصير

ياحبــــل الچفوف
بيـــد الاميره
يا ســــوط الأمتون
بمتن الزغيره

وراس الرمح مايفتـهم راسك
كون الرمح هم يفهم انفاسك
تريد النضر صوب النهر حاير
ينضر دمعتك وينه عــــباسك

ياحبيبي حسين ...

عبد زينب
محمد الابراهيمي

لحن
(مبصراً)
بصوت خادم الامام الحسين
مقتدى هاشم التميمي
بغداد

((اسمچ جزه))

أسمچ جزه حدود السمه وأنتي الفضل كله
يـــــامنبع عيون الكـــرم وبيچ الكرم يحله
من كــل كتر اسمچ عطف يافاطمه الزهره
حــتى الذليل بخــــدمتچ ونحسده عالذله

واليذل روحه لجـل فاطم
يعني ينضرله گمر هـــاشم
يعني أسمه بالعشگ واصل
فاطمه تگله صـــرت خادم

فاطمه حـــــــوراء أُنسيه
فاطمه وراضــيه مرضيه
فاطمه مضمون خدمتنه
فاطمه وبالعصمه علـويه

امنا الزهراء حجةْ الله علينا ...
"""""""""""""""""""""""""""""""""""''''''''''

صَرحْ حديث العسكري ومئثوره چلماته
أحنه الحجج وأعله البشر نسمع عباراته
وعلينه حجه فـاطمه تاج أعله عصمتنه
رزق الارض مــــن فاطمه وبَيَن علاماته

فاطمه دين الله وأركانه
فاطمه الأســـلام عنوانه
دولةْ الايمـان عــــالوادم
المــــايحبها يضيع إيمانه

واليضيع إيمــــانه مــن إيده
والصــــلا والصـــوم ميفيده
الچاتف چفوفه خصم حيدر
لا يســـــلم أعلينه منـــــريده

امنا الزهراء حجةْ الله علينا ...
"""""""""""""""""""""""""""""""""""''''''''''

دمعه بمضامين الــزمن من نذكر الزهره
جمره ويمر بيها الهوى هذا الجرح جمره
والمــاله باب بصفنته خل يلچم جروحه
وبصفنتي باب احترگ والدفعه والعصره

هــاي مَرت الماترك جاره
ليـــــش هيچ بدمعه عَباره
والسئل عن فاطمه الزهره
وبالصدر مخـــزونةْ اسراره

والــــــدفع بيبانچ بحرگه
لازم المهدي يجي يحرگه
باچـــر المهدي يحـاسبهم
جاي باچــر تنتهي الفرگه

امنا الزهراء حجةْ الله علينا ...
"""""""""""""""""""""""""""""""""""''''''''''

من بابچ الحد الخِيم مـــامستقر حالچ
كل ساعه يمشيلچ ولد وبـــيا كتر بالچ
جرح البقيع بخاطرچ وعيــــالچ بهيمه
وأحترگت ايتامچ غدر ومذبحه أعيالچ

فاطمه ياجـــرحچ شكبره
من تشوفين الطفل نحره
ومن تلمين الوصـل بيدچ
والحوافر نابته بـــــصدره

هاي زينب عالهزل راحت
هاي طفله عالنحر مــاتت
هاي تبچي وذيچ ملچومه
هاي روس اخـوانها ناحت

امنا الزهراء حجةْ الله علينا ...

عبد زينب
محمد الابراهيمي

لحن
(اسمچ جزه)
بصوت
خادم الامام الحسين
ملا كرار القريشي
واسط _ النعمانيه