تەمەنێک دڵخۆشەبین بە کەسانێک ...
سینا محمد

بەڕۆشتنی مرۆڤەکان لە ژیانتا هەرجارەو شتێک لەدەست ئەدەیت .. جاری یەکەم هەستەکەی کەچیتر عاشق نابیتەوە، یانی هەستی عاشق بوون لە دەست ئەدەیت، ئەگەرچی دواتر ئەزموونی ئەکەیتەوە بەڵام هەرگیز وەک یەکەم جار نیە.. جاری دووەم لەبەر ئەوەی بەسەختی متمانەت کردووە، کاتێک ئەڕوات ،متمانەت بە مرۆڤەکان لەدەست ئەدەیت ، تائەوجێگایە بەهەڵبژاردنەکانی خۆشت متمانەت نامێنێت .
جاری سێیەم کاتێک کەسێک دێتە ژیانتەوە، ئاسان قبوڵی ناکەیت ، بەرگری ئەکەیت و بەخۆت ئەڵێیت بێ سودە و دوبارەکردنەوەی هەڵەکانی ڕابردووە، نابێت دووجار هەمان هەڵەبکەیتەوە ، خراپ هۆگر ئەبیت و چونکە پێشتر تەنها جێیان هێشتووی بڕوا بەدڵتەنگیەکانی کەس ناکەیت .
دوای ڕۆشتنی چەندین مرۆڤ لەژیانت و هەرجارەو پارچەیەک لە تۆ یان بۆ هەمیشە برد ، زۆر دێرتر کەسێک دێت و زۆر هاوشێوەی ئەو مرۆڤەیە کە دەمێکە چاوەڕوانی ئەویت، بەڵام دوای ماوەیەک کە دەبیتە هاودەردی دڵتەنگیەکانی پێت دەڵێت " بێمتمانەی تۆ ، بێ هەستی ، هیچکات هەستم نەکردووە عاشقی منی ، .... " ئەتەوێت بڵێت هەمویت هەبوو بردیان، بەڵام بێدەنگی هەڵئەبژێریت .
بەڕۆشتنی کۆتا مرۆڤ لە ژیانت شتێک لەتۆ ئەستێنیت کەڕەنگە ئیتر نەتوانی بەهیچ کەسی تر بدەیتەوە ، ئەوەش توانای پێدانەوەی فرسەتە بەمرۆڤەکان .. ئیتر ڕێگا بەهیچ کەسی تر نادەیتەوە .. ئەمەیە کە کەسێک ئەبینیت جوانە بەڵام تەنهایە، زۆر زۆر باشە بەڵام تەنهایە ..

ئازایەتیت هەبێت و بژی
بژی.. بەڵام بەو جۆرەی کە خۆت ئەتەوێت
نەک بەوجۆرەی خەڵکی لەتۆیان ئەوێت
گرنگ نیە بگەیتە ئامانجەکەت یان نا
گرنگیش نیە ئاواتەکانت دێنەدی یا نا
گرنگ ئەوەیە حاڵی دڵت باش بێت
کەواتە تا دەتوانی دڵخۆش بە و چێژ لە سات بەساتی ژیانت وەربگرە ..
خۆت بە ، خۆت پێوەر و حاکم و بڕیاردەری کاری خۆتبە
خۆت هەموو کەسی بێکەسی دونیای خۆتبە
خۆت هۆکار و سەرچاوەی خەونەکانت بە
تۆ پێویستیت بە پاڵپشتی هیچ کەس نیە .

ئەمڕۆژانە لەگەڵ محوی

محوی گیان ئەڵێت :

ئەمرۆ نە ئەوەڵ ڕۆژی دونیایە نە ئاخیر
تۆش تەنها کەسێک نیت
کە بەس تۆ شکستت هێناوە
پارچەکانی دڵت کۆبکەرەوە و پێبکەنە بەهەموو ئەوانەی فرمێسکەکانی تۆیان دی .. بەڵا ڕۆشتن.
زۆرکەس لەم ساتەی کە تۆ غەمگینت
لەپشتی دەرگای ژوری نەشتەرگەریەکانەوە چاوەڕێی موعجیزەن ..
یان تەرمی ئازیزانیان لەسەر شانیانە ..
من درەنگ تێگەشتم کەسێک بڵێت...
لەپێناوی نەبوونیەکانت
لەپێناوی عیشقێک کەنیە،
لەژیانتا یان فێری جەنگ کردن بە
یان فێری مردنی نوێ ژیان .

مرۆڤەکان تەنهان ... خوێندنەوەی سینا محمد

ئەگەر بیرکردنەوەکانت دەربارەی کەسێک گۆڕا ، خۆت فریو مەدە ، بەرگری کردن لەبەرامبەر ڕاستیدا گێلانەترین کارێکە کە خەریکی ئەنجامی دەدەیت، ڕاستیەکە قبوڵ بکە و بەخۆت بڵێی هێشتا زۆرت ماوە مروڤەکان بناسێت ، هێشتا زۆرت ماوە مروڤەکان بناسێت ،هێشتا زۆرت ماوە مروڤەکان بناسێت ...
ڕۆژەکانی وێنەگرتنی فیلمی ( غەریبانە لەم خۆشبەختیە دەڕوانم )
دەرهێنانی سینا محمد

لەبیرمە ڕۆژێک بەدڵنیاییەکی زۆرەوە پێموتی
ئێمە هەرگیز ماندوو نابین ، هەرگیز
بەڵام ماوەیەکە بەدوای دەرفەتێکا ئەگەڕێم
تا پێتبڵێم ئێمەش ماندوو ئەبین.. ماندوو بون حەقی ئێمەیە.
ماندووئەبین و هەناسەتەنگ ئەبیین و لە لدڵماندا ئازارێک هەستپێ ئەکەین، بەڵام ئەمە گرنگ نیە
گرنگ ئەوەیە بتوانین لەژێر درەختێک، لەکەناری جۆگەئاوێک لەسەرتەختە بەردێک پێکەوە ماندووبون لە دڵ و ڕۆحمان بتەکێنین.
ماندوو نەبوون پێچەوانەی سروشتمان
هەروەک ماندوو مانەوەش

ئیتر ناڵێم تا زیندوین ماندوو نابین ، بەڵکو دەڵێم بۆ هەمیشە بەماندووی نامێنینەوە.

ئەگەر ڕۆژێک هەستت کرد شتێکت لە دڵەوە خۆش ویست هیچ کات جێ مەهێڵە
ڕەنگە دوبارە نەبێتەوە
زۆرکات وا بیرئەکەینەوە دوبارە ئەبێتەوە
کە دە پانزەساڵێک تێ ئەپەڕێت ئەوجا تێ ئەگەین هەر ئەوجارە بوو .. هەر ئەو کەسە بوو ..
دوای ئەوە هیچ شتێک .. لە دڵەوە دڵخۆشت ناکات .