Хўп, бирданига ўлиб қолмадим. Бошқаларга ўхшаб, 60-70 га кириб вафот этарман. Лекин унга ҳам 10-20 йил қолди холоску. Яъни, ўртача умрнинг камида 4/3 ини яшаб бўлдим, фақат чорак қисми қолди-ку.

Унинг аксар қисмини қандай ўтказдим? Ибодатларим жойида, Раббимнинг айтганини қилиб, гуноҳлардан узоқда яшадимми? Ғийбат қилмадимми, ёлғон гапирмадимми, мунофиқ бўлмадимми, фақат ҳалол едимми, бировни оғринтирмадимми? Шунга ўхшаш саволларга жавобим қандай?

Намозларимни бирорта қолдирмай ўқидимми, одамлар билмайдиган яхшиликларим борми, ота-онам мендан розими, фарзандларимни Аллоҳни танийдиган қилиб тарбияладимми, бирор ночорга ёрдамчи бўлдимми, мазлумни ёнида тура олдимми?

Энг асосий саволимга келай: кўпи кетиб ози қолган умримнинг давоми олдингисидан (шариат мезонига кўра) яхшироқ ўтяптими? Олдинги гуноҳларимга каффорат бўладиган ишлар қиляпманми? Масалан, намоз ва рўзаларнинг қазосини ўқияпманми, ёмонликларни ювадиган яхшиликларни кўпайтиряпманми?

Аслида ўлим бирданига келади. Бу саволларни ўйлаб кўриишга фурсат бўлмаётган, ғафлат пайтида тўсатдан жонни олишади. Аммо фурсат борлигида ҳам шу ва бошқа кўпгина саволларга жавоб топишга ва ҳаётимизни яхшилик томонга ўзгартиряпмизми?

Бугунги 27 ёшли ўзим танимаган ва ишларини кўрмаган вайнернинг тўсатдан вафот этиши менда ушбу саволларни қайта пайдо қилди. Ҳар бир ўлим бизга ибрат бўлиши керак! У йигитни эса Аллоҳ раҳмат қилсин!

@MubashshirAhmad

Туркияда қизиқ сўровнома ўтказилди

«Ўзбекистонда Суриядагидек ҳолат бўлиб, одамлар ёппасига Туркияга келса, бунга қандай қарайсиз», дея турклардан сўралмоқда

Ушбу видео ҳақида журналист Ҳасан Тошхўжаевнинг қуйидаги фикрларини эса мен ҳам мутлақо қўллаб-қувватлайман.

Қанақадир бошқача ғурурни туйдим бу видеони кўриб. Мана нима учун керак бизга турк давлатлари иттифоқи. Асли бизнинг илдизимиз бир, тилимиз бир, ота-бобомиз бир. Биз ҳар турли иттифоқларга киришни ўйлашдан кўра мана шу – ўзбеклар, турклар, озарлар, туркманлар, қозоқлар, қирғизлар, хунгарлар – туркий қавм билан бир бўлсак, дунёда бизни енгадиган ҳеч қандай куч топилмайди ўзи. Буёқда бурятлар, ойқорлар, ёқутлар, бошқирдлар ва яна қааааанча туркий қавмлар бор... Ҳаммамиз иттифоқ бўлсак, бир бош, бир вужуд бўлсак, Ёфас ўғли ТУРК авлодлари бутун дунёни зир титрата оладиган кучга айланарди.

👉 @soliyev

Таълимга бўлган икки хил муносабат

– Ўзбекистон университетларида талабаларга таълим берилади.

– Ривожланган мамлакатлар университетларида эса талабалар таълим оладилар.

Фарқи борми? Фикрингизни изоҳларда ёзинг.

👉 @soliyev

Ўзбекистонлик эркак онасини опичлаб, Каъбани тавоф қилди. Ушбу видеони ilmfeed аккаунти Твиттерга жойлаштирди.

Ҳаммани шундай кунларга етказсин!

👉 @soliyev

#бефарқ_эмасман лекин албатта ўқиб кўринг)

Билмаганлар учун айтиб қўяй, Конституцион ислоҳотлар амалга ошириляпти. Ўзимизни содда тилда айтсам, Конституциядаги баъзи моддаларни ўзгартириб, баъзи моддаларга қўшимча киритишмоқчи.

Бундай воқелик ҳар бир фуқаро учун муҳим. Ҳар бир фуқаро ўзининг ҳуқуқ ва мажбуриятлари белгилаб қўйилган асосий ҳужжат – Конституцияга қандай ўзгартиришлар киритилаётганини билиши керак. Агар ўша Конституция амалда ишласа, албатта.

Хуллас, 30 апрель куни референдум бўлади. Яна оддий тилда тушунтирсам, бу ҳудди сайловга ўхшаганроқ жараён. Фақат кимнидир сайламайсиз, Конституцияга ўзгартириш киритилишига рози ёки қарши эканингизни маълум қиласиз. Ҳозир шу куни "ҳа" деб овоз бериш, яъни ўзгаришларга розилик билдириш кенг, жуда кенг тарғиб қилиняпти. Амалдордан тортиб, журналист блогергача #бефарқ_эмасман деб чиқишяпти. Ҳақиқатан бефарқ бўлишмаса зўр. Лекин қандайдир буйруқ, топшириқ, келишув ёки "илтимос" асосида бу ишлар қилинаётган бўлса... Гумон ёмон, шу ерда бироз бошқа томонга буриламиз.

Хўш, мен ҳам #бефарқ_эмасман'ми? Ҳа, шундай. Сиз ҳам бефарқ бўлманг. Лекин бу дегани "ҳа" деб келинг деганим эмас. Шунчаки фикр қилинг, қалбга қулоқ тутинг. Розимисиз ёки йўқ? Ўз жавобингизни белгиланг, тарғиб қилинаётганни белгилашга мажбур эмассиз. У хоҳ розиликни тарғиботи бўлсин, хоҳ қаршилик тарғиботи – танловни сиз қиласиз!

Юқорида назарда тутганларимнинг ҳаммаси ҳам "ҳа" дейишга очиқча тарғиб қилмаяпти. Лекин "эски даврда биз эзилдик" деб, бугунги ислоҳотларни оқлаган ҳолда "бефарқ эмасликларини" билдиришгани шахсан менга ёқмади. (Тўғри, менга ёқишлари шарт эмас)

Муддао шундаки, ўзгартириш дея киритилиётган нормаларнинг аксарияти шундоқ ҳам амалда бор. Масалан, қуйидаги 51-моддани олайлик.

"Фуқаролар давлат таълим ташкилотларида танлов асосида давлат ҳисобидан олий маълумот олишга ҳақли. Олий таълим ташкилотлари қонунга мувофиқ академик эркинлик, ўзини ўзи бошқариш, тадқиқотлар ўтказиш ва ўқитиш эркинлиги ҳуқуқига эга".

Шу ўзгартириш бўлмаса ҳеч ким давлат ҳисобидан (грантда) ўқимаётган эдими ёки олий таълим ташкилотлари ўзини ўзи бошқариш тизимига ўтмаётган эдими? Майли, буни бош қонун билан белгилаб қўйиш зарар қилмайди ва ҳоказо сабаблар билан оқланиши мумкин. Лекин шунинг ўрнига бошқа қисмларини амалга киритса бўлмайдими? Конституциямиз зўр, жуда катта ҳуқуқ ва мажбуриятлар жамланган. Лекин ҳаммаси ҳам амалда ишламайди! Мен хоҳлайдиган нарса шу – ўзгартиришдан олдин аввалгиларини ишлайдиган қилиш керак. Қўшимча киритилди дегани у ишлайди дегани эмас. Бу ўзгаришлар нима учун қилинаётгани, асосий эътибор қайси моддаю, кимнинг манфаати эканлигини мен ёзмасам ҳам ҳамма билади. Шунинг учун бу ёзганларим бефойда эканини ҳам яхши англаб турибман. Мен бефарқ бўламанми бўлмайманми, сиз референдумда қатнашасизми қатнашмайсизми бу лойиҳа амалга ошади. Лекин фойдасиз экан деб ёнбошлаб ётавериш ҳам нотўғри назаримда.

Рамазон муборак!

👉 @soliyev

Ижтимоий тармоқларда кўп вақт ўтказадиган инсон сифатида менинг кутубхонага боришни тарғиб қилишим ғалати туюлса керак. Лекин чин дилдан тавсиям: кутубхонага бориб ўқинг! Тўғри, ўша ерда ўқиган китобингизни уйда ҳам ёнбошлаб олиб, иссиққина кофе ёки муздеккина моҳито симириб ўқиса янада завқлидир, аммо кутубхона муҳити бошқача.

Шахсан ўзим нега одамлар китоб ўқимайди, кутубхоналар бўм-бўш деб юрадиган одам эдим. Ваҳоланки, ўзим мактаб ёки коллеж кутубхонасини ҳисобга олмаса бирорта кутубхонага борган эмасман! Қизиқ-а, ўзинг бормай туриб, ҳеч ким бормаяпти деб бонг уриш. Хуллас, бир ойлар аввал зарурат бўлиб кутубхонага бордим. Атмосферадан енгилгина шокка тушдим десам ҳам бўлади. Балки охирги пайтлар атрофимда китоб ўқимайдиган ёки кам ўқийдиганлар йиғилиб қолгани учундир, лекин у ердаги ёшларнинг интилишини кўриб бир қувонсам, бир самимий ҳасад қилдим)

Демоқчи бўлганим, бизда диванда ёнбошлаб олиб жамият ҳақида фикр билдиришга кўпчилик уста. Лекин аслида ҳолат биз ўйлаганчалик ёмон ёки яхши бўлмаслиги мумкин. Ҳаётга реал қарайлик. Жамиятда китобхонлар, илм излаётганлар бор. Кўп эмасдир, лекин кўпайяпти. Шуни унутмаслик керакки, китоб ўқимайдиган халқларни китоб ўқийдиганлар бошқаради.

👉 @soliyev

Kun.uz'нинг иқтидорли журналистларидан бири Мадина Очилова бугун соат 14:00 ларда ҳуқуқ органларига чақирилган ва шу бўйи алоқага чиқмаган. Журналист Илёс Сафаровнинг маълум қилишича, Мадинанинг оиласидагилар ҳам ундан хабар йўқлигини айтишган.

Мадинанинг kun.uz'да эълон қилинган сўнгги мақолаларидан бири тендерсиз, танловсиз, аммо имтиёзлар билан топширилган “Ўзбеккўмир” ҳақидаги материал эди. (#)

Журналистнинг қайси давлат органига, нима сабабдан олиб кетилгани, нега ҳалигача ундан дарак йўқлиги ҳозирча номаълум. Яқинлари унинг аҳволидан хавотирда.

Янги Ўзбекистон, янги конституция сўз эркинлиги, мамлакат иқтисоди, сиёсати, одамларнинг ижтимоий аҳволи учун курашадиган ёш журналистларни ҳимоя қила олмас экан, супер мега ультра янги ном ёки қомус бўлсаям фойдасиз.

👉 @soliyev

Мадина уйига қайтибди

Лекин муаммо ҳам шунда. Қайси замонда яшаяпмизки, хоҳлаган давлат органи хоҳлаган одамини олиб кетиб, 10 соатлаб ушлаб турса ва ҳолат ҳеч қандай изоҳсиз қолдирилса.

Ҳа, бу катакда қичқириш хавфли. Нари борса кимлардир #Мадинақаерда деб ёзишади, суриштиришади. Лекин ҳеч ким конкрет ёрдам бера олмайди. Бунақа таҳдиднамо ишлар ортидан қолганлар ҳам ўзини-ўзи цензуралайди. Хуллас, «яшагинг келади» бу мамлакатда...

👉 @soliyev

Ҳар қандай тарғиботнинг, айниқса, сиёсий пропаганданинг аудиторияси бу балоғатга етган, сайлаш ҳуқуқига эга бўлган фуқаролар ҳисобланади.

Боғча ёки мактаб ўқувчилари орасида бу каби тадбирлар ўтказиш ҳеч қандай аҳлоқий, сиёсий, маданий рамкаларга тушмайди. Илтимос, норасида гўдаклардан сиёсий пропаганда массовкаси сифатида фойдаланманглар.

Дилшод Ҳошимов

👉 @soliyev

Шу вақтгача Орол денгизи ва минтақа учун ажратилган маблағлар эвазига кичик бир Дубайни барпо этиш мумкин эди. Дубайдаги хайтек шаҳарни қуришга 40 млн доллар сарфланган. Орол денгизи ҳудудларига 20 йил давомида 150 млн доллар ажратилган.

Коррупция ривожланган давлатларда бутун бошли сахрони жаннатга айлантириш мумкин бўлган маблағлар ажратилсада, сахро қайсарларча ўзгармай қолаверади.

Дубайдаги Бурж Халифа қурилишига 1.5 млрд доллар сарфланган. Орол ва минтақадаги экологик вазиятни юмшатиш учун 2014 йилда Урганчда бўлган халқаро конференцияда минтақага 3 млрд доллар берилиши айтилган.

2003–2010 йиллар орасида Халқаро ташкилотларнинг Орол денгизига қўшган ҳиссалари 2 млрд долларни ташкил этган.

2021 йилда Жаҳон банки томонидан Орол денгизи ҳавзасида иқлим ўзгаришига мослашиш дастури учун 19 млн $ ажратилиши айтилган.

2022 йилда ОТБ минтақа учун 25 йиллик муддатга 150 млн $ ажратиши хабар берилган.

© Анора Содиқова

👉 @soliyev

Yosharish eleksiri

Kichkinaligimda kinolarda shunday eleksir (ichimlik) bo'lardi. Uni ichgan odam bir necha yillarga yosharib qolardi. O'sha paytlar buning rostan ham iloji bor deb o'ylamaganmanu, lekin odam nimadir qilsa, yosharsa kerak degan xayol bo'lardi.

Hozir esa men qanday yosharishni bilaman. Buning juda ko'p yo'llari bor. Hech qanday sehrli ichimliksiz yosharish, yangi motivatsiya, kuch, g'ayrat olish mumkin. Bularning birinchisi, yaxshi odamlar bilan suhbat qurish. Xoh ish, xoh hayot haqidagi suhbat bo'lsin, ilmli, solih kishilar bilan qilingan suhbat odamga yangi kuch beradi. Hayotdan nolib o'tirgan vaqtim qaysidir tanishim yozib qoladi yoki qo'ng'iroq qiladi. Bir necha daqiqalik suhbatimizdan keyin negadir o'zimni yoshargandek his qilaman. Yashashga bo'lgan ishtiyoq kuchayadi.

Yana bir va eng katta motivatsiya, ishtiyoq, yosharish siri esa ota-onaning duosini olish. Yuqorida aytganimdek tushkun holatda bo'lgan vaqtlarimda eng ko'p murojaat qiladigan usulim shu. Tabiatan introvert, ya'ni ko'pchilikka qo'shilmaydigan, har narsani atrofdagilarga aytavermaydigan, "ichimdagini top" deydigan odamman. Nimadandir tashvishlansam ham, yolg'iz tashvish chekaman. Ana shunday holatda ota-onamga qo'ng'iroq qilib, hol-ahvol so'rayman. Suhbat oxirida qilingan duo esa menga millionta "Gorilla", "Flash", "Adrenalin" bera olmaydigan kuchni beradi. Qorong'u xonadan divanda yastanib yotgan holatimdan bir necha daqiqa ichida ishchan, kelajakka ishtiyoqi baland insonga aylanaman.

Aslida, hozir ham yoshman. Lekin ba'zida o'zimdan butun dunyo tashvishi gardaniga tushgan, qiyinchiliklardan ezilgan otaxonni "yoqib" olaman. Ana shunda yuqoridagi usullar men uchun yosharish eleksiri bo'ladi va menga yangi kuch, ishtiyoq, motivatsiya beradi.

Sizga ham maslahat shu: ilmli kishilar suhbatida bo'ling, yaqinlaringiz, ota-onangiz holidan xabardor bo'ling va ularning duosini oling, odamlarga qo'lingizdan kelganicha yaxshilik qiling. Ana shunda hech qachon qarimaysiz, kuchdan qolmaysiz.

👉 @soliyev

Hayitda yig‘i-sig‘i qilib, xotira kunini "bayram" deydigan xalqmiz...

👉 @soliyev

Bu dunyoda yashash kerak, yashab qolish emas...

👉 @soliyev

Mablag‘siz biznes boshlash degan kursni sotib olishga mablag‘im bo‘lmagani uchun haliyam biznes boshlay olmayapman.

👉 @soliyev

Internet tezligi oshadi. Qachondir...

Bugun O'zbekiston Respublikasining amaldagi prezidenti, 9-iyul kuni bo'ladigan saylovda O'zbekiston Liberal Demokratik Partiyasidan nomzod sifatida ko'rsatilgan Shavkat Mirziyoyev o'zining saylovoldi dasturini taqdim etmoqda. Unga ko'ra, xalq Shavkat Miromonovichni saylasa, ikki yilda barcha qishloq va ovullar internet bilan to'liq qamrab olinib, uning tezligi 10 karra oshiriladi. Lekin...

Bu yangilik emas. 2 daqiqa vaqt ajratib 3-4 yil ichida chiqqan shunga doir xabarlarni izladim. Topganimni ulashaman.

2018-yil, noyabr.

O'zbekistonda internet tezligi 10 barobar oshib, narxi 2 karra tushadigan bo'ldi. (#)

2021-yil, iyun.

«O‘zbektelekom» AK modernizatsiya ishlarini olib bormoqda va ushbu ishlar doirasida mavjud 1 200 Gbit/s tezlik 3 200 Gbit/s gacha oshiriladi. (#)

2023-yil, mart.

O‘zbekistonda 2023-yil mart oyidan boshlab mobil internet tezligi oshiriladi va mamlakat bo‘ylab 5G texnologiyasi joriy etiladi. (#)

Bilaman, tezlikni oshirish prezidentning qo'lida emas. U kishi topshiriq beradi, mas'ullar bajarmasa ham prezident aybdor bo'lavermaydi-ku, to'g'rimi? Unda nega tezlikni oshiramiz deb va'da beryaptilar? Javobini bilsam sizlargayam ulashaman)

👉 @soliyev

Gigant kemaning dvigateli ishdan chiqdi va uni hech kim tuzata olmadi.

Va nihoyat uni tuzatish uchun 40 yildan ortiq tajribaga ega bo‘lgan muhandis-mexanikni taklif qilishdi.

U dvigatelni sinchkovlik bilan tekshirdi va sumkasidan kichkina bolg‘achani chiqardi. Keyin qaysidir detalni urdi. Dvigatel tezda ishlab ketdi. U ta’mirlangan edi!

Oradan 7 kun o‘tgach injener ta’mirlash xizmati haqini 20 000 dollar ekanligini aytdi.

– Nima?, – deya hayron bo‘ldi kema xo‘jayini. – Siz qariyb hech narsa qilmadingizku? Bizga batafsil tushuntirib bera olasizmi...

– Javob oddiy, –dedi mexanik. - Bolg‘a bilan urish bahosi 2 dollar. Ammo qayerga, qancha va qanday urishning qiymati 19 998 dollar. O‘z bilim va tajribasini qadrlash muhim. Chunki bu – kurashlar, tashvishlar va ko‘z yoshlar natijasidir. Agar men ishni 30 daqiqada tugatgan bo‘lsam, buning sababi shundaki, men 20 yil davomida bu ishni 30 daqiqada qanday bajarishni o‘rgandim.

Hech qachon o‘z mehnatingizni arzon baholamang. Sizning 1 kunlik ish kuningiz, hayotingizning 1 kuniga tengdir.

© Otabek Hasanov

👉 @soliyev

Marketingga qiziqasizmi? Unda olg'a!

Internet marketing bo'yicha yurtimizdagi yetakchilardan biri, O'zbekistonda eng ko'p onlayn sotuvni amalga oshirayotgan marketolog do'stim Anvar Baxtiyorov jonli efir qilyapti.

Efirda mnemonika bo'yicha mutaxassis Davronbek Turdiyev ham qatnashadi. Anvarjon aynan Davron aka bilan ishlab, ularning kursini rekord darajada sotilishiga hissa qo'shgan. Efir podkast shaklida o'tkaziladi.

Marketing bo'yicha savollaringiz bo'lsa, efirda qatnashing va izohlarda savolingizni qoldiring.

Anvarjonning kanali: @anvar_bakhtiyorov

Efir uchun havola: https://youtube.com/live/HhpPW_BgFc4?feature=share

👉 @soliyev

Efirga kirib kommentariyaga "Sherali Soliyevdan salom" deb qo'yselar ham bo'ladi)

Tirikchilik, bola-chaqa...

Dadalarimiz biz uchun, baxtli hayotimiz, yorqin kelajagimiz uchun har qanday ishni bajarishadi. Buning haqqini ikki dunyoda qaytara olmaymiz.

Futbolchi Jaloliddin Masharipovning yaqinda chiqqan intervyusida aytgan gaplari esimga tushdi:

– Dadam biz uchun o'zi yoqtirmagan, o'zi xohlamagan ishda ishlab, ro'zg'or tebratgan. Men esa o'zim xohlagan, o'zim yoqtirgan ishni qilyapman.

Ha, biz o'zimizga yoqadigan ish bo'lmasa qilmaymiz. Lekin gap farzand kamoloti, uning xohishlariga "ha" deya olish haqida ketganda, ishni tanlashga imkon bo'lmaydi. Dadalarimizning umrlari uzoq, tanlari salomat bo'lsin.

Rasm Tvitterdan olindi (#)

👉 @soliyev