السلام عليكم
يومكم طيب مبارك

أي حد تحق له مادة الأطفال ومانزلتلاش عالمنظومة يسجل في الرابط هذا
وياريت كل طالب يسجل ويكتب مرة وحدة باش ماتتكررش الاسماء

وربي يوفقكم جميعا

https://docs.google.com/forms/d/e/1FAIpQLSc9ieClMa5BWzyzAZbIJS4Bmgl4ZlSzJs7koTHkNy0EzN70KA/viewform?usp=sf_link

السلام عليكم
هكي خدينا عدد القروبات الكامل
اي طالب معنداش قروب القسم حيوزعه علي القروبات الفاضية

بالتوفيق للجميع

شَرحَ اللَّهُ صَدر كُلِّ مِنْ صَلَّى عَلَى النَّبِيِّ مُحَمَّدٍ🤍

| #إعلان |

تفيدكم رئاسة جامعة طرابلس بأن يوم غد السبت الموافق 05 يوليو 2024 م، هو يوم دراسة عادي تستمر فيه العملية التعليمية ولازالت الامتحانات سارية فيه.

#المكتب_الإعلامي_بجامعة_طرابلس

تذكير بمحاضرات غدا

السلام عليكم
يومكم قنين

طبعا قروبات البيديا متع البيدسايد تسلموا للقسم اليوم والقروبات الي نبعتولنا كان عددهم 28 قروب
والقسم يبي 24 قروب فقط
فحني مابيناش نحو حد حطينا 28 قروب وبعتنا للقسم
فالقسم اعترض ويبو 24 قروب
فبالتالي اخر 4 قروبات نبعتولنا القسم ح يوزعهم بالتساوي على باقي القروبات
وهذا للعلم لان احتمال يبدا حد من للي نبعتوا في الاخير عابي على روحه في مجموعة ويلقى روحه في مجموعة تانية.


لو في حد عنده مشكلة او ظرف فالمواصلات و قروبه نبعت في اخر مجموعات ويبي زميل ليه معاه يمشي ويجي معاه يبعتلنا اسمه واسم صاحبه باش نحاولوا كيف نخلوا القسم يحطهم مع بعض.

اي حد عنده مشكلة زي ماقلنا ويبي صاحبه معاه يبعتلنا عالبوت باش نحلو الموضوع

@Mandobeen5_bot
اخر وقت لي استلام الاسماء اللي يبو مع بعض الساعة 8
بعدها الباقي بيتوزعو عشوائي

تعديل محاضرات التيتوريال الاسبوع هدا ف الجلاء مستشفى الاطفال

السَّلام عليكم ورحمة الله وبركاته..
كيف حالكم دكاترة، فصل دِراسي مُوفَّق مُكلّل بالنَّجاح يا ربّ. 🩵

--------------------------------------

أولًا: أعتذر جِدًا لتأخّري في وضع الملف، فالتمسُوا لي العُذر..

ثانيًا: هذا تتمّة للمنشور السَّابق الخاص بتجربة مادة الأطفال، اليُوم وبحمدِ الله تعالى وضعت ملف كامل خاص بمادة الأطفال في مصوّر الواضح بإسم:

Pediatrics - Mofadla (4)..

يشمُل الآتي:

-تسجيلات 2021 د.عبد الرَّحمٰن الجُعكي سواء الكورس العادي أو المُكثف..
-شيتات د.عبد الرَّحمٰن الجُعكي، مرفقة بأسئلة لكُل جُزئية.
-تسجيلات جزئية الأوسكي مع فيديوهات الـExamination مع الشيتات.
-تسجيلات 2021 د.علي بالخِير سواء الكُورس العادي أو المُكثّف.
-تسجيلات جزئية الأوسكي مُرفقة بشيتات الدكتور
-فيديوهات د.عُلا دُقّة في الـHistory وجزئية الـXray الخاص بدُفعة مُ 4، وفيديوهات أخرىٰ..
-شيتات د.عُلا في جزئية الأوسكي كاملةً.
-تسجيلات د.أحمد مُحراب (جامعة الزّاوية).
-تسجيلات د.على القزّاز (دكتور مصري).
-ملفات PDFs د.علي القزّاز اللي يشرح منهم.
-فيديوهات Osmosis وكذلك Armando المتعلقة بمادة الأطفال.
-فيديوهات Pediatric MRCP (مُفيدات جدًا جدًا وهذه نصيحة زميلتنا مِن مُ 3 بارك الله فيها).
-فيديوهات د.اسلام "دكتور مصري".
-فيديوهات دكاترة القسم لبعض المواضيع.
-تجميعات أسئلة مِن (2017-2024).
-مرجع القسم وغيرها من الكُتب المفيدة.
-ملف فيه تجارب زُملائنا في مادة الأطفال (وهم من أوائل دفعاتهم بارك الله فيهم ونفع بيهم)..
-وملفات أخرىٰ متعلقة بالأوسكي من Check list وغيرها..

بالمُختصر ملف كامل لمادة الأطفال، لعلّ ينفع حد منكم، ويسهل عليكُم ولو شوية.. حجم الملف تقريبًا 50 غيغا..

--------------------------------------

الآن نتكلم عن الأوسكي:

امتحان الأوسكي عِبارة عن (8) لِجان، والامتحان ككُل عليه (100) درجة..

مُدّة كُل لجنة حوالِي الـ(10)دقائق، وفي الغالب آخر دقيقتين هاذو للـDiscussion.

و (8) لِجان مُقسَّمة كالآتي:

لجنتين History، وكُل لجنة عليها 15 درجة.. مجموعهم 30 درجة.

1) Focused history 1 (New main complaint)

2- Focused history 2 (History of known case).

--------------------------------------

(4) لِجان Short cases examination كُل لجنة عليها 12درجة مجمُوعهم 48 كالآتِي:

1- Short case 1: (Precordium, Chest, Abdomen, CNS examination of lower limb).

Short case 2: (Precordium, Chest, Abdomen, CNS examination of lower limb).

3-Short case 3: (General, Head & neck examination or Groin/napkin area examination or vital signs assessment or anthropometric measurement, or pGALS)
واحدة مِنهُم. ⤴️

4-Short case 4: Developmental assessment station.
لجنة ثابتة الكُل بيمتحن فيها. ⤴️

--------------------------------------

- لجنة Emergency وعليها (10) درجات.
بيعطوك ورقة فيها Case scenario بتقراه كوّيس، وتلقى 5 أسئلة بتجاوبهم..

هي مش صعبة كلجنة لأنّ Emergency cases موجودات في الشيتات وحـ تكونوا قارينهم أصلًا لامتحان الورقة، الفكرة في إنَّ الدكتور/ة مُمكن يريّح عليك الخريطة مرّة واحدة بردودهم المتباينة والتشكيك في اجاباتك سواء صراحةً أو بنظراتهم!. 🙂

--------------------------------------

لجنة واحدة Diagnostic، عليها كاملةّ (12) درجة، وتحتوي على 5 صور.. وهي كالآتي:

1- X-ray .
عليها درجتين.
2- Diagnostic slide
عليها (3) درجات.
3- Instruments.
عليها درجتين.
4- Growth chart.
عليه (3) درجات.
5- ECG.
عليه درجتين.

--------------------------------------

-بالنّسبة لي قريت الكلينك كامل مِن د.الجُعكي إلا جزئية X-ray قريتها من د.عُلا لأن الجُعكي متعمّق فيها هلبا ومتوسّع بشكل كبير..

-في فترة امتحان الأوسكي راجعت مِن د.عُلا دُقّة -الله يفتح عليها ويبارك بعلمها- مهما قلت عنها مستحيل أوفّي حقها عليّ وعلى الدّفعة كلها، انسانة رائعة بِكُل شيء، عطاءها غير محدُود ومستحيل تبخل عليك بشيء وتساعد الكُل، كانت ادّير في بثوث على قروب العام وتشرح في جزئيات الأوسكي كل مرّة موضوع، وغير اهتمامها بطلابها، بجد دكتورة قدوة.. ربي يفتح عليها ويبارك فيها. 🩵

-فيه زُملاء قروا الأوسكي كامل منها ومِن البداية وجابوا درجات عالية وتفوقوا، فالنقطة هذه تحديدًا تعتمد على التفضيل الشخصي وأنت شن يناسبك فجرّب بنفسك وأحكُم.

-حضُور البيدسايد مُفيد جدًا، فأحضروا وشوفوا حالات وادّربوا على الـExamination، وخصوصًا لجنة Developmental assessment هذه المفترض ما يكمل الكُورس إلَّا وأنتم مُدربين على كافة الأعمار، باش يوم الامتحان تكونوا واثقين مِن أنفسكُم ومستعدّين ويمشي الامتحان بشكل سلسل ومُريح..

نصيحة مِن شخص نادِم إنّ ما استغل البيدسايد بطريقة أحسن مِن هكّي..! 🥲.

-أهم شيء وفضلًا خلّوها في بالكُم الأوسكي ينقرأ مِن وسع الوقت، وينقرأ مِن الآن مع النّظري، تفكروا كلامي لما يقرب الأوسكي.. ‼️

-آخر شيء مِن فضلكُم ما تضغطوا على أنفسكُم هلبا، عارفة إنّ أصلًا الخُطّة ضغط في ضغط والوقت شوية، بس مع هذا حاولوا تاخذوها بالنفس الطويل، وهذه نصيحة مِن تجربة شخصية، أنا ضغطت على نفسي هلبا في البداية ونوعًا ما بشكل مُبالغ فيه.. فجيت قبل الامتحانات بكم أسبوع طاقتي حرفيًا صِفر، وقعدت غير نفكر أمتى نكمل ونفتك.. لذلك أنصحكم وبشدّة ما ترهقوا نفسكم!.

---------------------------------------

رابط المنشُور السَّابق: ⤵️

https://www.facebook.com/share/p/6qQcXr9p4jj7X9XP/?mibextid=oFDknk

--------------------------------------

هذه بعض الرَّوابط لقنوات وقُروبات لعلَّ تفيدكُم:

https://www.tg-me.com/pediatricaljoky

قناة شيتات د.الجُعكي كاملات، بالأسئلة. ⤴️

https://www.tg-me.com/pedia8

قناة د.الجُعكي الرسمية ينزل فيها في مواعيد البثوث المباشرة وملاحظات وملخصات.. ⤴️

https://www.tg-me.com/paediatricsOD

قناة د.عُلا دقّة. ⤴️

https://www.tg-me.com/S_Guidelines_pediatrics

قناة أشرفت عليها أنا وزُملائي فيها مُلخَّصات وتجميعات مُفيدة. ⤴️

--------------------------------------

لِزمُلائنا اللٌّي يقروا في قايني حاليًا، هذه الروابط ليكُم، فيهم تجربتي الخاصة بالمادة والملف اللي في الواضح وحاجات ثانية.. فاطلعوا عليهم: ⤵️👀

1) https://www.facebook.com/share/p/YKLrPMwq8hHZUv1T/?mibextid=oFDknk

2) https://www.facebook.com/share/p/bujozLkrU7uSGydM/?mibextid=oFDknk

--------------------------------------

هذه تجربتي الشَّخصية لدارسة المادة، إنْ أصبتْ فهو توفيقٌ مِن الله عزّ وجل، وإنْ أخطأت فمِن نفسي ومِن الشّيطان!.

لا تنسُوني مِن صالح دعواتِكُم لي ولوَالديَّ، ولُكم بالمِثل.
نفع الله بِنا وبِكُم🫶🏻🩵

السلام عليكم كيف الحال جميعا
علي بركة الله البيدسايد يبدا من يوم الاتنين
قوائم المجموعات والحضور حتنزل تباعا بعون الله

موفقين جميعا

قال "ﷺ" 🤍

(مَن غَسَّلَ يَومَ الجُمُعةِ واغتَسَلَ، ثم بَكَّرَ وابتَكَرَ، ومَشى ولم يَركَبْ، ودَنا مِنَ الإمامِ فاستَمَعَ ولم يَلْغُ، كان له بكُلِّ خُطوةٍ عَمَلُ سَنةٍ، أجْرُ صيامِها وقيامِها)

تذكير محاضرات غدا