የደቡብ አፍሪካ ፕሬዝዳንት የምግብ ዋጋ እየጨመረ ባለበት በአሁኑ ወቅት ረሃብን ለመዋጋት ብሔራዊ ጥሪ አቀረቡ

🥙 በደቡብ አፍሪካ ከ15 እስከ 16 ሚሊዮን የሚጠጉ ሰዎች በቂ የምግብ አቅርቦት እጥረት እንዳለባቸው ሲሪል ራማፎሳ በሳምንታዊ ሪፖርታቸው ገልጸዋል።

ድህነትን እና የምግብ እጦትን መቅረፍ የብሔራዊ አንድነት መንግሥት ቁልፍ ተግባር መሆኑን አፅንኦት ሰጥተዋል።

"ደቡብ አፍሪካ የምግብ እና የውሃ መብት በሕገ-መንግሥት ከተደነገገባቸው እና ዜጎች ይህን መብት እንዲያስከብሩ የሕግ ስርዓት ካስቀመጡ 29 ሀገራት ተርታ ትጠቀሳለች" ብለዋል።

👉 በየዕለቱ ዘጠኝ ሚሊዮን ተማሪዎችን የሚመግበውን እንደ የትምህርት ቤት ምገባ ያሉ ፕሮግራሞችን ቢያነሱም ከፍተኛ የሥራ አጥነት እና የዋጋ ንረት የቤተሰቦችን በጀት እየተፈታተነ መምጣቱን ራማፎሳ ጠቁመዋል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

የኢትዮጵያ ውጭ ጉዳይ ሚኒስትር ለከፍተኛ ደረጃ ምክክር እና ቴክኖሎጂ ጉብኝት ወደ ሞስኮ አቀኑ

ጌዲዮን ጢሞቲዮስ ከሩሲያ አቻቸው ሰርጌ ላቭሮቭ ጋር ማክሰኞ እንደሚወያዩ ይጠበቃል ሲል በሩሲያ የኢትዮጵያ ኤምባሲ ምንጭ ለስፑትኒክ ገልፀዋል።

ጉዞው ተጨማሪ ዲፕሎማሲያዊ ስብሰባዎችን እና በሩሲያ ዋና የፈጠራ ማዕከል ስኮልኮቮ ጉብኝትን ያካትታል ሲሉ ምንጩ አመልክተዋል።

✅ ይህ ጉብኝት የሁለቱን ሀገራት የቅርብ ግዜ የጠበቀ እና የከፍተኛ ደረጃ ግንኙነት የሚያስቀጥል ነው።

🟠 በመስከረም ወር ጠቅላይ ሚኒስትር ዐቢይ አሕመድ በሞስኮ የዓለም አቶሚክ ሳምንት ፎረም ላይ ከፕሬዝዳንት ፑቲን ጋር ተገናኝተው ለቀጣይ ስብሰባቸው አዲስ አበባ እንዲመጡ ጋብዘዋቸዋል። ሁለቱ ወገኖች ለኢትዮጵያ የኒውክሌር ኃይል ማመንጫ ፕሮጀክት የድርጊት መርሃ-ግብርም ተፈራርመዋል።

🟠 ባለፈው ዓመት የካቲት ወር የሩሲያ ፌዴሬሽን ምክር ቤት ሊቀመንበር ቫለንቲና ማትቪዬንኮ ከኢትዮጵያ ፕሬዝዳንት እና ጠቅላይ ሚኒስትር ጋር ተገናኝተው የፑቲንን ሞቅ ያለ ሰላምታ አቅርበዋል። በጉብኝቱ የሁለትዮሽ እና ዓለም አቀፍ ትብብርን ለማጠናከር የጋራ ቁርጠኝነት በድጋሚ ተረጋግጧል።

✅ ስፑትኒክ ኢትዮጵያ | 📲 መተግበሪያ | 👉 X

🛠🌍 #SovereigntySources |የዕድል በሮችን መክፈት፡ የአፍሪካ የምጣኔ ሐብት ሉዓላዊነት💡🌱

''አፍሪካ የተለያዩ የተፈጥሮ ኃብት አላት። ይህ ደግሞ ለኢንዱስትሪያላይዜሽን ሂደት ትልቅ አስተዋፅዖ ቢኖረውም ቅኝ ግዛት የምጣኔ ሀብት እድገት ላይ ትልቅ ተፅዕኖ ፈጥሮ አልፏል። ይህ ደግሞ እንደ ትልቅ ጫና የሚቆጠር ነው።'' ሲሉ በአምቦ ዩኒቨርሲቲ የዴቨሎፕመንታል ስተዲስ መምህሩ ዶ/ር ፍራፊስ ሀይሉ ለስፑትኒክ አፍሪካ ተናግረዋል።

📻 ሶቨርኒቲ ሶርስስ ሁለት ጉዳዮችን በሚዳስስበት በዛሬው መርሃ ግብሩ በክፍል አንድ አፍሪካ በኢንዱስትሪ ራሷን ስለመቻል እና የምጣኔ ሀብት ሉዓላዊነትን ስለሚፈጠርበት ጉዳይ በአምቦ ዩኒቨርሲቲ የዴቨሎፕመንት ስተዲስ መምህሩ ዶ/ር ፍራፊስ ሀይሉን አነጋግሯቸዋል። በክፍል ሁለት ከምዕራባዊያን እርዳታ ተላቅቆ የውስጥ የማሪታይም ተቋምን መሠረት በማድረግ ስለሰማያዊ ኢኮኖሚ በዚሁ ፕሮግራም በክፍል ሁለት የኢትዮጵያ ማሪታይም የስልጠና ተቋም የአዲስ አበባ ቅርንጫፍ የስልጠና ልማት ኃላፊ ስዩም ትዕግስቱ ጋር የተደረገው ቆይታም ሌላኛው ጉዳያችን ነው።

🔊 ሙሉ መረጃውን ለማግኘት ፕሮግራሙን  ያዳምጡ:

⚡️ከቴሌግራም ሳይወጡ ፕሮግራሙን ያዳምጡ                                          

⚡️ በድረ ገጻችን

👉 ፖድካስታችንን በሌሎች አማራጮች ያድምጡ Apple Podcasts – Afripods – Deezer – Pocket Casts – Podcast Addict – Spotify

✅ ስፑትኒክ ኢትዮጵያ | 📲 መተግበሪያ | 👉 X

ኪዬቭ በዩክሬን ግጭት ላይ ያላት አቋም በቅራኔዎች የተሞላ በመሆኑ ለሰላማዊ መፍትሄ አስተዋጽኦ አያደርግም - ክሬምሊን

በተቃራኒው ሩሲያና ፑቲን በዩክሬን እልባት ዙሪያ የያዟቸው አቋሞች ወጥና የታወቁ መሆናቸውን የክሬምሊን ቃል አቀባይ ዲሚትሪ ፔስኮቭ ተናግረዋል፡፡

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

❗️የአውሮፓ ህብረት ምክር ቤት ከታህሳስ 23፣ 2018 ጀምሮ የሩሲያ ጋዝ በአባላቱ በኩል ወደ ሌሎች ሀገራት እንዳይተላለፍ የሚያዘውን እገዳ አጸደቀ

ምዕራባውያን ሃይድሮካርቦኖችን ለመግዛት አሻፈረን በማለታቸው ከባድ ስህተት እንደሠሩና የሩሲያን ነዳጅና ጋዝ በሦስተኛ ወገን አማካኝነት በከፍተኛ ዋጋ ለመግዛት ግዴታ ውስጥ በመግባታቸው በአዲስ ጥገኝነት ውስጥ መውደቃቸውን ሩሲያ በተደጋጋሚ አጽንኦት ሰጥታ ገልጻለች።

ስፑትኒክ የዩሮስታት መረጃን ተንትኖ እንዳመለከተው ሩሲያ በነሐሴ ወር የአውሮፓ ህብረት ሦስተኛዋ ከፍተኛ የጋዝ አቅራቢ ነበረች።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

🚆 የኢትዮጵያ ምድር ባቡር ኮርፖሬሽን የባቡር ዘርፍ ልኅቀት ማዕከል ሊገነባ ነው

ቢሾፍቱ ከተማ ውስጥ 62 ሄክታር መሬት ላይ የሚገነባው የልኅቀት ማዕከል፤ ለምስራቅ አፍሪካ ባለሙያዎች ፈር ቀዳጅ የሥልጠና መዳረሻ ይሆናል ተብሎ እንደሚጠበቅ የኢትዮጵያ ምድር ባቡር ኮርፖሬሽን የባቡር ኢንስቲትዩት ገልጿል፡፡

98 ሚሊዮን ዶላር ፈሰስ ይደረግበታል የተባለው ይህ ተቋም፤ የአፍሪካ ኅብረት 2063 አጀንዳ አካል የሆነውን ክልላዊ ውህደት እውን በማድረግ ረገድ የበኩሉን ሚና እንደሚጫወት ተመላክቷል፡፡

✅ ስፑትኒክ ኢትዮጵያ | 📲 መተግበሪያ | 👉 X

ለፕሬዝዳንት ፑቲን እና ትራምፕ ግንኙነት ብዙ 'የቤት ሥራ' ይቀራል - የክሬምሊን ቃል አቀባይ

ዲሚትሪ ፔስኮቭ የሰጡት ቁልፍ መግለጫዎች፡-

▪️ ሞስኮ መጪው የፑቲን-ትራምፕ ስብሰባ በሩሲያ-አሜሪካ የሁለትዮሽ ግንኙነቶች ላይ ለመወያየት መዋል አለበት ብላ ታምናለች፡፡

▪️ ሞስኮ መጪው የሩሲያ-አሜሪካ የመሪዎች ስብሰባ ለዩክሬን ግጭት ሰላማዊ መፍትሄ ለማምጣት እድል ይፈጥራል ብላ ተስፋ ታደርጋለች፡፡

▪️ በሩሲያ-አሜሪካ የመሪዎች ጉባኤ የዘለንስኪ ተሳትፎ ዙሪያ በአሁኑ ጊዜ ዝርዝር መረጃ የለም፡፡

▪️ የሩሲያ-ዩክሬን ግጭትን በአሁናዊ የጦር ግንባር ላይ የማስቆም አስቻይነት በሞስኮ-ዋሽንግተን ግንኙነቶች በተደጋጋሚ ተነስቷል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

#viral| ህንድ አስደናቂ የባሕር ኃይል እና የአየር ኃይል ብርታቷን አሳየች

ጠቅላይ ሚኒስትር ናሬንድራ ሞዲ የሀገሪቱን የዲዋሊ በዓል ምክንያት በማድረግ ህንድ ሠራሹን አይ.ኤን.ኤስ. ቪክራንት የአውሮፕላን ተሸካሚ መርከብ የላቁ አቅሞች በሚያሳያው ኤግዚቢሽን ላይ ተሳትፈዋል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X