❗️ትራምፕ እና ፑቲን በቅርቡ የሚገናኙበት እቅድ የለም ሲሉ የትራምፕ አስተዳደር ባለሥልጣን ለስፑትኒክ ገለፁ

በሩቢዮ እና ላቭሮቭ መካከል ተጨማሪ የገፅ ለገፅ ግንኙነት አስፈላጊ አይደለም ሲሉም አክለዋል።

መግለጫው ትራምፕ እና ፑቲን በቅርቡ በሃንጋሪ ይገናኛሉ ተብሎ በሚጠበቅበት ወቅት የመጣ ነው።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

🇺🇬 ኡጋንዳ ሀገር አቀፍ ጠቅላላ ምርጫ የሚካሄድበት ቀን ጥር 7 እንዲሆን ወሰነች

በቀጣዩ ምርጫ ለተጨማሪ የሥልጣን ዘመን የሚወዳደሩትና ከ1978 ጀምሮ ሥልጣን ላይ የሚገኙት የ80 ዓመቱ ፕሬዝዳንት ዩሪ ሙሴቬኒ ያለፉትን ምርጫዎች አጭበርብረዋል በሚል ክስ ካቀረቡባቸው የ43 ዓመቱ ሙዚቀኛ እና ፖለቲከኛ ቦቢ ዋይን ተቃውሞ ገጥሟቸዋል፡፡ ገዢው ፓርቲ በተቃዋሚው የቀረበውን ክስ ውድቅ አድርጎታል፡፡

🗳 ስድስት ሌሎች እጩዎችም በውድድሩ ውስጥ የሚሳተፉበት ሲሆን ኡጋንዳውያን ፕሬዝዳንቱን እና የፓርላማ አባላትን ለመምረጥ በዝግጅት ላይ ናቸው።

የሙሴቬኒ ደጋፊዎች ለሀገሪቱ መረጋጋትና ኢኮኖሚያዊ ዕድገት አስተዋጽኦ ማድረጋቸውን ሲገልጹ፤ ተቃዋሚዎች ግን ጭቆናን፣ ሙስናን እና የሰብዓዊ መብት ጥሰቶችን ይጠቅሳሉ።

📈 መንግሥት በሚቀጥለው ዓመት የሚጀመረው የድፍድፍ ነዳጅ ምርት ወደ ውጭ በመላክ የሀገሪቱን የዕድገት ምጣኔ እንደሚያሳድግ ይጠብቃል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

የጋዛ ስምምነት ሂደት ከተጠበቀው በላይ  እየሄደ ነው - የአሜሪካ ምክትል ፕሬዝዳንት

ሁሉም ሀገራት ከድህረ ጦርነቱ በኋላ ጋዛን መልሶ ለመገንባት እገዛ ማድረግ አለባቸው ሲሉ ጄ.ዲ. ቫንስ የእስራኤል-ሀማስ ስምምነት ሁለተኛ ምዕራፍ ውይይትን ለመጀመር እስራኤል ሲደርሱ
በሰጡት ጋዜጣዊ መግለጫ ላይ ተናግረዋል።

"ይህ የገንዘብ ድጋፍ፣ የመልሶ ግንባታ እርዳታ ወይም የዲፕሎማሲያዊ ድጋፍ ሊሆን ይችላል፤ የሰላም ሂደቱን አፈጻጸም እና ዘላቂነት ለማረጋገጥ ከተለያዩ አካላት ጋር መነጋገር" ሲሉም አክለዋል።

👉 የትራምፕ ልጅ ባለቤት ጃሬድ ኩሽነር እና የአሜሪካ የመካከለኛው ምስራቅ ልዩ መልዕክተኛ ስቲቭ ዊትኮፍ ሰኞ ዕለት እስራኤል ደርሰዋል። ጉብኝታቸው መስከረም 30 ተግባራዊ የሆነው የጋዛ የተኩስ አቁም ስምምነት ተጥሷል አየተባለ ባለበት ወቅት የመጣ ነው።

እሁድ የእስራኤል መከላከያ ሠራዊት ሀማስ በደቡባዊ ጋዛ ሰርጥ ውስጥ በሚገኙ የእስራኤል ወታደሮች ላይ ተኩስ በመክፈት የተኩስ አቁም ስምምነቱን ጥሷል ሲል ከሷል። የእስራኤል ጦር በአጸፋው በጋዛ የሚገኙ በደርዘን የሚቆጠሩ የሀማስ ኢላማዎችን አጥቅቷል።

ℹ️ የአሜሪካ ፕሬዝዳንት ዶናልድ ትራምፕ፣ የግብፅ ፕሬዝዳንት አል-ሲሲ፣ የኳታር አሚር አል ታኒ እና የቱርክ ፕሬዝዳንት ኤርዶጋን የጋዛ የተኩስ አቁም ስምምነትን ጥቅምት 3 ቀን ተፈራርመዋል። በዚህም ሀማስ 20 ታጋቾችን እንዲለቅ እና እስራኤልም ፍልስጤማውያን እስረኞችን እንድትፈታ ሆኗል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

የ92 ዓመቱ ፖል ቢያ የካሜሩንን ምርጫ ለስምንተኛ ጊዜ አሸነፉ

🇨🇲🗳 የወቅቱ ፕሬዝዳንት ምርጫውን 53.66% ድምጽ በማግኘት እንዳሸነፉ ለሕገ-መንግሥት ጉዳዮች ምክር ቤት የቀረበው ይፋዊ ውጤት አሳይቷል።

የቅርብ ተቀናቃኛቸው ኢሳ ቲቺሮማ ባካሪ በ18 በመቶ ነጥብ ርቀው 35% ድምጽ አግኝተዋል።

👉 ስምንተኛ የሥልጣን ዘመናቸው የ43 ዓመት ፕሬዝዳንትነታቸውን ያራዘመ ሆኗል።

ሕገ-መንግሥታዊ ምክር ቤቱ በመጪዎቹ ቀናት የመጨረሻውን ውጤት በይፋ ያረጋግጣል ተብሎ ይጠበቃል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

ሩሲያ ዛፖሮዥዬ የኒውክሌር ኃይል ማመንጫን ከኪዬቭ ጥቃት ለመጠበቅ የዓለም አቀፉን የአቶሚክ ኢነርጂ ኤጀንሲ እርዳታ ጠየቀች

ሞስኮ የኒውክሌር ማመንጫውን የውጭ ኃይል አቅርቦት ወደነበረበት ለመመለስ የተኩስ አቁም እንዲመቻች ድርጅቱን መጠየቋን የሩሲያ የውጭ ጉዳይ ሚኒስቴር ለስፑትኒክ አስታውቋል።

👉🏽 አስቸጋሪ እና ፈታኛ ምክክር ከተደረገ በኋላ ይህን ለማድረግ ከዩክሬን የጸጥታ ዋስትና መገኘቱን ሚኒስቴሩ ገልጿል።

🏭 የኒውክሌር ኃይል ማመንጫው በዩኒቶች ብዛትና በተገጠመለት አቅም በአውሮፓ ትልቁ ሲሆን እያንዳንዳቸው አንድ ጊጋዋት የማመንጨት አቅም ያላቸው ስድስት ዩኒቶች አሉት።

❗️በጥቅምት 2014 የዛፖሮዥዬ ክልል እና የኒውክሌር ኃይል ማመንጫው የሩሲያ አካል መሆን ችለዋል። በዩክሬን ጥቃት በተደጋጋሚ ኢላማ የሚደረገው የኃይል ማመንጫው፤ በቅርቡም ጉዳት ደርሶበት በአቅራቢያው ወደምትገኘው ከተማ የሚተላለፈው የኤሌክትሪክ አቅርቦት ተቋርጧል ሲሉ የአካባቢው ባለሥልጣናት ተናግረዋል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X