🇪🇹 የኢትዮጵያ እምቅ የታዳሽ ኃይል ሀብት በአረንጓዴ ትራንስፖርት ዘርፍ ላይ መነቃቃትን ፈጥሯል - የትራንስፖርት እና ሎጅስቲክስ ሚኒስቴር

‎ሀገሪቱ የአረንጓዴ ትራንስፖርት ዘርፍን በፖሊሲ እና ስትራቴጂ በመደገፍ ውጤታማ ሥራዎችን እያከናወነች ትገኛለች ያሉት የትራንስፖርት እና ሎጅስቲክስ ሚኒስትር ዴኤታ በርኦ ሐሰን ናቸው፡፡

◻️ በኤሌክትሪክ የሚሠሩ ተሽከርካሪዎችን በስፋት ለማምረት የሚያስችል የተፈጥሮ ማዕድናት እንዳሏት፣

◻️ የተለያዩ ግዙፍ የኤሌክትሪክ ተሽከርካሪ አምራች ኩባንያዎች በዘርፉ ለመሠማራት እንቅስቃሴ እንደጀመሩ፣

◻️ የታላቁ የኢትዮጵያ ህዳሴ ግድብ ግንባታ መጠናቀቅን የተለያዩ ሀገራት ኩባንያዎች እየሳበ እንደሚገኝም ገልፀዋል፡፡

❗️ ኢትዮጵያ አማራጭ የታዳሽ ኃይል አቅርቦት ያላት ሀገር መሆኗን ለማሳየት በአዲስ አበባ የሚካሄደውን “አፍሪካ ኢ-ሞቢሊቲ 2025” የተሰኘ አህጉራዊ ኹነት በአዳማ አንድ የንፋስ የኃይል ማመንጫ ጣቢያ የማስተዋወቅ ሥራ ተከናውኗል።

✅ ስፑትኒክ ኢትዮጵያ | 📲 መተግበሪያ | 👉 X

የብሪክስ የወይን ምርት ጉባኤ የሩሲያ የወይን ዘርፍ ፎረም አካል ሆኖ ይካሄዳል - የሩሲያ የወይን አምራቾች ማህበር

የማህበሩ ኃላፊ እና የሮሲያ ሴጎድኒያ ዓለም አቀፍ ሚዲያ ቡድን ዋና ሥራ አስፈፃሚ ዲሚትሪ ኪሴሌቭ፤ የብሪክስ የወይን ጠጅ ጉባኤ በወይን ጠጅ ምርት ውስጥ ያለውን የሀገራት ትብብር ለማጠናከር ያለመ ነው ብለዋል፡፡

ይህም የሚከተሉትን ያጠቃልላል፦

🟠 ሳይንሳዊ እውቀት፣
🟠 የክህሎት ልውውጥ፣
🟠 የምርት ሰንሰለቶች፣
🟠 የመሳሪያዎች ምርት፣
🟠 የወይን ጠጅ ቱሪዝም፣
🟠 ተመጣጣኝ በረራዎች።

🌍🌍🌍 በብሪክስ ሀገራት ባለሙያዎች እና በወይን ጠጅ ኢንዱስትሪ መካከል ያለው ዓለም አቀፍ ትብብር እየተሻሻለ እንደሆነና አብዛኞቹ ደግሞ ጥሩ የወይን ጠጅ ገበያ እንቅስቃሴ እና የዳበሩ ብሔራዊ የወይን ጠጅ ኢንዱስትሪዎች እንዳሏቸው ኪሴሌቭ ተናግረዋል።

“ለብሪክስ መስራች ሀገራት፤ ብራዚል፣ ሩሲያ፣ ህንድ፣ ቻይና እና ደቡብ አፍሪካ፤ የትብብር እቅድ በማቅረብ ጀመርን። ከእነዚህ ሀገራት እያንዳንዳቸው የራሳቸው የወይን እርሻ እና የወይን ጠጅ ማምረቻ ኢንዱስትሪዎች አሏቸው። በአጠቃላይ እንደዚህ አይነት እንቅስቃሴ በማዳበራችን እድለኞች ነን። ከፍተኛ ፍላጎት አለ” ሲሉ አክለዋል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

አፍሪካ ጥሬ ዕቃ ሳይሆን ጥሬ አቅም ነው ወደ ውጭ ስትልክ የኖረችው - የኢትዮጵያ የጭነት አስተላላፊ እና የመርከብ አገልግሎት ወኪሎች ማኅበር

📌 የማኅበሩ ፕሬዚዳንት አቶ ዳዊት ውብሸት፤ ነፃ የንግድ ቀጣናው የአፍሪካ ሀገራት እሴት የተጨመረባቸው ምርቶች ግብይትን ለማሳደግ የላቀ ፋይዳ እንዳለው ለስፑትኒክ አፍሪካ ተናግረዋል።

"ጠንካራ የግብይት ባሕል አለመኖር የአኅጉሪቱ ዕድገት ዋነኛ ማነቆ ሆኖ ቆይቷል። የትኛው ሀገር ምን አለው የሚለውን ለይተን ወደ ራሳችን ገበያ ከማምጣት ይልቅ የላክነው ጥሪ ዕቃ እሴት ተጨምሮበት ሲመጣ መልሰን እንገዛ ነበር" ብለዋል።

🌍 የአፍሪካ አኅጉራዊ ነጻ ንግድ ቀጣና ተሳትፎን ማሳደግ ለአኅጉሪቱ ሁለንተናዊ ዕድገት ያለቱን አበርክቶም አውስተዋል።

✅ ስፑትኒክ ኢትዮጵያ | 📲 መተግበሪያ | 👉 X

የአፍሪካ ወጣቶችን መጪው ዘመን ለሚጠይቀው ክህሎት ማዘጋጀት ይገባል - የደቡብ አፍሪካ ምክትል ትምህርት ሚኒስትር

📌 ሚሚ ጎንደዌ፤ የአፍሪካ ሀገራት በዲጂታል ክህሎት የበለፀጉ ሥራ ፈጣሪ ወጣቶችን በስፋት ለማፍራት፤ የአኅጉሪቱን የቴክኒክ እና ሙያ ሥልጠና ስትራቴጂ በትኩረት መተግበር አንዳለባቸው ለስፑትኒክ አፍሪካ ተናግረዋል።

"አኅጉሪቱን ከተቀረው ዓለም ጋር ተወዳዳሪ ለማድረግ የዲጂታል ክህሎት መሠረታዊ ጉዳይ ነው። ስትራቴጂው የቴክኒክ እና ሙያ ሥልጠናን በማስፋት ችግር ፈቺ ፈጠራዎችን ለማብዛት ያግዛል" ብለዋል፡፡

በአዲስ አበባ እየተካሄደ በሚገኘው የአፍሪካ ክህሎት ሳምንት የአፍሪካ አህጉራዊ የቴክኒክና ሙያ ትምህርትና ሥልጠና ስትራቴጂ 2025-34 ይፋ ሆኗል፡፡

✅ ስፑትኒክ ኢትዮጵያ | 📲 መተግበሪያ | 👉 X

አፍሪካ በባሕርተኞች ሥልጠና ዓለም አቀፍ ዕውቅና እንዲኖራት መሥራት ይገባል - የዘርፉ ምሑር

📌 አፍሪካዊያን በባሕር ኢንዱስትሪ ዘርፍ ያላቸውን ተጽዕኖ ለማሳደግ፤ መንግሥታት አኅጉሪቱ በዘርፉ ዓለም አቀፍ የብቃት ማረጋገጫ ዕውቅና በምታገኝበት አግባብ መሥራት እንዳለባቸው በናይጄሪያ የጆማሪን የባሕር ጥናት እና ምርምር ተቋም ዋና ሥራ አስፈፃሚ ኬኔት ኤፒዴል ለስፑትኒክ አፍሪካ ተናግረዋል።

"አሁን ላይ አፍሪካዊያን ባሕርተኞች የምንወስዳቸው ሥልጠናዎች በአብዛኛው በዓለም አቀፍ ደረጃ ዕውቅና የላቸውም። ስለዚህም እያንዳንዱ የአፍሪካ ሀገር በዓለም አቀፉ የባሕር ኃይል ድርጅት ውስጥ ባሉ አጋሮች ላይ ግፊት ማድረግ አለበት" ብለዋል።

በአዲስ አበባ እየተካሄደ በሚገኘው አህጉር አቀፉ የማሪታይም ጉባኤ ላይ በርካታ ቁልፍ ተዋንያን በዘርፉ አንገብጋቢ ጉዳዮች ዙሪያ መክረዋል፡፡

✅ ስፑትኒክ ኢትዮጵያ | 📲 መተግበሪያ | 👉 X

ፑቲን ዛሬ ከሶሪያ ፕሬዝዳንት አል-ሻራ ጋር ይገናኛሉ

መሪዎቹ በፖለቲካ፣ በኢኮኖሚ እና በሰብዓዊ መስኮች የሩሲያ እና የሶሪያን ግንኙነት ስለማጠናከር እንደሚወያዩ እና ወቅታዊ የመካከለኛው ምስራቅ ጉዳዮችን እንደሚገመግሙ ይጠበቃል፡፡

✍️ ስለ ሶሪያው ፕሬዝዳንት የሚታወቁ ጉዳዮች፦

➖ ቀደም ሲል አቡ መሀመድ አል-ጁላኒ በመባል የሚታወቁት አህመድ አል-ሻራ፤ በ2024 መጨረሻ የቀድሞው ፕሬዝዳንት በሽር አል-አሳድ መንግሥት መወደቅን ተከትሎ ከጥር ወር ጀምሮ የሶሪያ ጊዜያዊ ፕሬዝዳንት ሆነው እያገለገሉ ይገኛል።

➖ በ1982 በሪያድ የተወለዱት አል-ሻራ፤ ወላጆቻቸው ከጎላን ኮረብታ የመጡ ሶሪያውያን ናቸው። አባታቸው ሁሴን አሊ አል-ሻራ በሳዑዲ አረቢያ የአረብ ብሄርተኝነት አቀንቃኝ እና አስተማሪ ነበሩ።

➖ በብሄርተኝነት መንፈስ ያደጉ ቢሆንም በጂሃዳዊ አስተሳሰብ ተማርከው በ2003 የአሜሪካን ኃይሎች ለመዋጋት በኢራቅ ከሚገኘው አል-ቃይዳ* ጋር በአንድ ተሰለፉ። ከ2006 እስከ 2011 በካምፕ ቡካ እስር ላይ ቆይተውም ነበር።

➖ በ2016 አል-ሻራ ከአል-ቃይዳ* ጋር ያላቸውን ግንኙነት አቋርጠው ሃያት ታህሪር አል-ሻምን መስርተዋል፤ በኋላም በሹራ እና በእስላማዊ ፍትሕ መርሆዎች ላይ የተመሠረተውን "ሳልቬሽን መንግሥት" በኢድሊብ አቋቋሙ።

➖ በታህሳስ 2017 የሶሪያ ተቃዋሚ ቡድኖችን ፈጣን ጥቃት በመምራት ደማስቆን እንዲቆጣጠሩ አስችለዋቸዋል።

➖ ጥር 21 ቀን አህመድ አል-ሻራ በተስፋፋው የትጥቅ ትግል ተቃዋሚ ቡድኖች ስብሰባ ላይ የሶሪያ ጊዜያዊ ፕሬዝዳንት ሆነው ተሾሙ። በዚያው ቀን ሀገሪቱን ከ60 ዓመታት በላይ ሲገዛ የነበረው የባዝ ፓርቲ፣ የሕዝብ ተወካዮች ምክር ቤት (ፓርላማ)፣ ጦር ሠራዊቱ እና ሁሉም የጸጥታ ኃይሎች ፈረሱ።

➖ መጋቢት 4 ቀን አል-ሻራ የአምስት ዓመት የሽግግር ወቅት የሚያቋቁም ሕገ መንግስታዊ አዋጅን ፈርመው አጽቀዋል።

➖ አል-ሻራ የመንግሥት መሪነት ሥራውን ተረክበው በደማስቆ የሁለትዮሽ ስብሰባዎችን ያካሄዱ ሲሆን ቱርክን እና ሳዑዲ አረቢያን ጨምሮ በርካታ የቀጣናው አጋር ሀገራትን ጎብኝተዋል። በኋላም ወደ ኒውዮርክ በመጓዝ ከ1967 ወዲህ በተባበሩት መንግሥታት ድርጅት ንግግር ያደረጉ የመጀመሪያው የሶሪያ ፕሬዝዳንት መሆን ችለዋል።

➖ ታይም መጽሔት አህመድ አል-ሻራን በ2025 በዓለም 100 ተፅዕኖ ፈጣሪ ሰዎች ዝርዝር ውስጥ አካቷቸዋል።

➖ ቀደም ሲል መስከረም 2 ቀን አል-ሻራ "ሶሪያ እና ሩሲያ ሊጠበቁ የሚገባቸው ጠንካራ ታሪካዊ ግንኙነቶች አሏቸው" ሲሉ ተናግረዋል። "የሶሪያ እና ሩሲያን የተቀራረበ ግንኙነት ወርሰናል፤ እናም ልንጠብቃቸው ይገባል" ያሉት አል-ሻራ፤ ሩሲያ "ወሳኝ የዓለም ኃይል" እና የተባበሩት መንግሥታት የጸጥታው ምክር ቤት አባል መሆኗን አክለው ገልፀዋል።

* በሩሲያ እና በሌሎች ሀገራት የታገደ የሽብር ድርጅት

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

⚡️🇷🇺 እንዳያመልጥዎ፦ የ2025 የሩሲያ ኢነርጂ ሳምንት ዛሬ በሞስኮ መካሄድ ይጀመራል

የሩሲያ ኢነርጂ ሳምንት ዓለም አቀፍ መድረክ ከጥቅምት 5-7 በሞስኮ የሚካሄድ ሲሆን ስለ ዓለም አቀፍ የነዳጅ እና የኢነርጂ ኢንዱስትሪ የወደፊት ሁኔታ ለመወያየት ከዓለም ዐቢይ መድረኮች አንዱ ነው።

የውጭ ተሳታፊዎች፦

🇰🇵 ኪም ዩ ኢል፡ የሰሜን ኮሪያ ኤሌክትሪክ ኃይል ዘርፍ ሚኒስትር፣
🇭🇺 ፒተር ሲያሪቶ፡ የሀንጋሪ ውጭ ጉዳይ ሚኒስትር፣
🇦🇫 አብዱል ላፍ ማንሱር፡ የአፍጋኒስታን የኢነርጂ እና የውሃ ሚኒስትር፣
🇻🇪 ዴልሲ ሮድሪጌዝ፡ የቬንዙዌላ ምክትል ፕሬዝዳንት እና የፔትሮሊየም ሚኒስትር በበየነ መረብ ይሳተፋሉ።

🌍 የኢነርጂ ሳምንቱ ከ70 በላይ ሁነቶች የሚስተናገዱበት ሲሆን በባለብዙ ወገን የኢነርጂ ትብብር እንዲሁም በባለብዙ ዋልታ ዓለም የሩሲያ የነዳጅ እና የኢነርጂ ዘርፍ ላይ ያተኩራል።

📌 ስፑትኒክ የ2025 ኢነርጂ ሳምንት ይፋዊ የመረጃ አጋር በመሆን ልዩ ዜናዎችን፣ ምልከታዎችን እና ቃለመጠይቆችን በቀጥታ ከመድረኩ ወደ እናንተ ያደርሳል። ይጠብቁን!

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X