❗️ቶማሃውክስ የዐውደ ውጊያን ሁኔታ አይለውጥም፤ ሆኖም በሩሲያና አሜሪካ ግንኙነት እዲሁም በዩክሬን እልባት ላይ ግን ጉዳት ያደርሳል ሲሉ ፑቲን ለትራምፕ መንገራቸውን የፕሬዝዳንቱ አማካሪ አስታወቁ

ከሩሲያው ፕሬዝዳንታዊ አማካሪ ዩሪ ኡሻኮቭ  የተሰጡ ተጨማሪ መግለጫዎች፦

🔹 ዛሬ ፑቲን እና ትራምፕ ለ2.5 ሰዓታት የዘለቀ ስምንተኛ የስልክ ውይይት አድርገዋል። ውይይቱን የነሳሳችው ሩሲያ ናት።

🔹 በፑቲን እና በትራምፕ መካከል የተደረገው ውይይት በዩክሬን ቀውስ ዙሪያ ባሉ ጉዳዮች ላይ ልዩ ትኩረት ሰጥቷል።

🔹 በስልክ ንግግራቸው ወቅት ፑቲን ለትራምፕ የዩክሬን ቀውስ ሁኔታ ዝርዝር ግምገማዎችን አቅርበዋል። የሩሲያ የጦር ኃይሎች በጠቅላላው የውጊያ ግንኙነት መስመር ላይ ስትራቴጂካዊ ተነሳሽነትን ሙሉ በሙሉ አስጠብቀዋል።

🔹ፑቲን ከትራምፕ ጋር ባደረጉት ውይይት በዩክሬን ያለውን ሁኔታ ለመፍታት ሩሲያ ለፖለቲካና ዲፕሎማሲያዊ መንገድ ያላትን ቁርጠኝነት አጽንኦት ሰጥተዋል።

🔹 ትራምፕ ከፑቲን ጋር ባደረጉት ውይይት፣ በግጭት አፈታት ያገኙትን ስኬቶችን ጠቅሰዋል። ዋና ነጥባቸው በዩክሬን ያለውን ግጭት መቋጨት በሩሲያ እና በአሜሪካ መካከል ለኢኮኖሚያዊ ትብብር ትልቅ ተስፋዎችን ይከፍታል የሚል ነበር።

🔹 ፑቲን እና ትራምፕ በውይይታቸው ወቅት በሁለቱ አገራት ህዝቦች መካከል ስላለው ጥልቅ የጋራ መተሳሰብ ተነጋግረዋል።

🔹 ፑቲን እና ትራምፕ የግል ስብሰባ የማድረግ እድልን ሲወያዩ፣ ከሩሲያ እና ከአሜሪካ የተውጣጡ ተወካዮች ለጉባኤው ዝግጅት ወዲያውኑ ይጀምራሉ።

🔹 ለፑቲን እና ትራምፕ ጉባኤ ዝግጅት የሚጀመረው በላቭሮቭ እና ሩቢዮ መካከል በሚደረግ የስልክ ልውውጥ ነው። ሩቢዮ እና ላቭሮቭ ሲገፉበት የጉባኤው ጊዜ ይበልጥ ግልጽ ይሆናል።

🔹 የፑቲን እና ትራምፕ ስብሰባ ትራምፕ በጠቀሷት እና ፑቲን በደገፏት ቡዳፔስት ሊዘጋጅ ይችላል። ሊሆኑ የሚችሉ ቀኖች በሁለቱ አገራት ተወካዮች ውይይት ይደረግበታል።

🔹 ፑቲን ለትራምፕ ለባለቤታቸው ሜላኒያ መልካም ምኞታቸውን እንዲያስተላልፉላቸው ጠይቀው፣ የሩሲያ እና የዩክሬን ሕጻናት ከቤተሰቦቻቸው ጋር እንዲገናኙ በማድረጋቸው ላበረከቱት አስተዋፅኦ አመስግነዋል።

🔹 ትራምፕ ከዜለንስኪ ጋር በሚያደርጉት ግንኙነት የሩሲያውን ፕሬዝዳንት ግምት ውስጥ እንደሚያስገቡ ለፑቲን አስታውቀዋቸዋል።

🔹 ፕሬዝዳንቶቹ ግንኙነታቸውን ለመቀጠል ተስማምተዋል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

🚨 የስፑትኒክ የጦርነት ዘጋቢ በዩክሬን ድሮን ጥቃት ተገደለ

የስፑትኒክ የጦርነት ዘጋቢ ኢቫን ዙቭ በዛፖሮዥዬ ግዛት በዩክሬን ድሮን ጥቃት ተገድሏል። ሌላኛው ጋዜጠኛ ዩሪ ቮይትኬቪች ደግሞ በከባድ ሁኔታ ቆስሏል።

👉 የጦር ዘጋቢው ዙቭ ደፋር፣ ጀግና እና ጎበዝ ጋዜጠኛ የነበረ ሲሆን፤ የኤዲቶሪያል ሥራውን በሚያከናውንበት ወቅት በጀግንነት መሞቱን የሮሲያ ሴጎድኒያ (የስፑትኒክ እናት ኩባንያ) ዋና ዳይሬክተር ዲሚትሪ ኪሴሌቭ ተናግረዋል።

"ዙቭ በዩክሬን ጦር ኃይሎች በደረሰበት የድሮን ጥቃት፣ የኤዲቶሪያል ሥራውን ሲያከናውን የጀግንነት ሞት ሞቷል።
እርሱ ደፋር፣ ጎበዝ፣ ባለተሰጣኦ እና ጀግና ጋዜጠኛ የነበረ ሲሆን፣ በግጭት ቀጣናው እየተከናወኑ ስላሉት ክስተቶች እውነቱን ለመናገር ብዙ አስተዋጽኦ አድርጓል" ብለዋል።

ቤተሰቦቹን እና ወዳጅ ዘመዶቹን እንንከባከባለን፤ የጓዳችንን ትዝታም እንጠብቃለን፡፡

እንደ አለመታደል ሆኖ፣  ዙቭ በኪዬቭ አገዛዝ እጅ ከኤጀንሲያችን የተገደለ ሦስተኛ የጦርነት ዘጋቢያችን ነው። እ.ኤ.አ. በ2014፣ የፎቶ ጋዜጠኛችን አንድሬ ስቴኒን በዶንባስ ሲገደል፣ ከሁለት ዓመታት በፊት ደግሞ በዛፖሮዥዬ ግዛት የኢቫን ጓደኛ የነበረው ሮስቲስላቭ ዙራቭሌቭ ተገድሏል።"

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

🚨 ፑቲን እና ትራምፕ "በሁለት ሳምንት ውስጥ" ይገናኛሉ ተብሎ ይጠበቃል

ፕሬዝዳንት ዶናልድ ትራምፕ እንዳሉት፣ የአሜሪካ የውጭ ጉዳይ ሚኒስትር ማርኮ ሩቢዮ እና የሩሲያው የውጭ ጉዳይ ሚኒስትር ሰርጌ ላቭሮቭ በቅርቡ ይገናኛሉ። ሁለቱ የውጭ ጉዳይ ሚኒስትሮች ቀደም ሲል መነጋገራቸውን እና ለውይይቱ ጊዜና ቦታ ይወስናሉ ተብሎ እንደሚጠበቅም አክለዋል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

🇰🇪  በኬንያ ኦዲንጋ የስንብት ሥነ-ሥርዓት ላይ በተፈጠረ ሁከት ቢያንስ አራት ሰዎች ሲሞቱ በርካቶች ቆሰሉ - መገናኛ ብዙኃን

በሟቹ የተቃዋሚ መሪ የስንብት ሥነ-ሥርዓት ላይ በካሳራኒ ስታዲየም የተሰበሰበው ከፍተኛ ሕዝብ፣ የደህነንት ኃይሎች አስለቃሽ ጭስ እና ጥይት መተኮሱን ተከትሎ መበተኑ ተዘግቧል፡፡

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

#viral | ቻይና 'ሎንግ ማርች-8ኤ' ተልዕኮ 600ኛ የሎንግ ማርች የሳተላይት ሮኬት በስኬት አስወነጨፈች

ሮኬቱ የ12ኛውን ዝቅተኛ-ምህዋር የኢንተርኔት ሳተላይቶች ስብስብ በተሳካ ሁኔታ ወደተመደበላቸው ምህዋር ማስገባቱ የተልዕኮው ሙሉ ስኬት አሳይቷል። ይህ ሎንግ ማርች-8ኤ ሮኬት በዚህ ዓመት መጀመሪያ ላይ ሥራ ከጀመሩ ተመሳሳይ ሮኬቶች አራተኛው ነው።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

❗️ላቭሮቭ እና ሩቢዮ ዛሬ የስልክ ውይይት እንደሚያደርጉ የሃንጋሪ የውጭ ጉዳይ ሚኒስትር ተናገሩ

በፒተር ሲያሪቶ የተሰጡ ተጨማሪ መግለጫዎች፦

🔸 በሃንጋሪ የሚካሄደው የሩሲያ እና አሜሪካ ጉባኤ ቀን እና ዝርዝር ሁኔታዎች፣ በቀጣይ ሳምንት በሚደረገው የሁለቱ አገራት የውጭ ጉዳይ ሚኒስትሮች ስብሰባና ውጤት ላይ የተመረኮዘ ነው፡፡

🔸 ሃንጋሪ የሩሲያ እና የአሜሪካ ውይይትን ደህንነት ለማረጋገጥ ዝግጁ ናት፡፡

🔸 ቡዳፔስት ፑቲንንበክብር ትቀበላለች፤ እንዲሁም ወደ አገሪቱ የመግባት እና የመውጣት ነጻነታቸውንም ዋስትና ትሰጣለች፡፡

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

❗️በፑቲን እና በትራምፕ መካከል የሚደረግ ስብሰባ በሁለት ሳምንት ውስጥ ወይም ትንሽ ቆይቶ ሊካሄድ ይችላል - ክሬምሊን

የሁለቱ አገሮች መሪዎች ስብሰባውን ለማካሄድ ይሁንታቸው ከቸሩ፣ ላቭሮቭ እና ሩቢዮ አስቀድመው ዝግጅትን ማቀናጀት ይጀምራሉ ሲሉ ዲሚትሪ ፔስኮቭ ተናግረዋል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X