💐🍃💐🍃💐
🍃💐🍃💐
💐🍃💐
🍃💐
💐 210 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 💐🍃

سحاب حست بشي يكتم ع أنفاسها : ان شاء الله يأخذ من اسمه نصيب لانه امه ما اخذت من اسمها الا الحزن والبكاء
شيخه : لا تقولين هالكلام ، فتره وتعدي و تنسين كل شي عشتيه مع الأيام
سحاب: انا ليش ما اموت! ليش أعيش هالوجع ؟ الموت ارحم من كل شي قاعده اعيشه
شيخه بحده : سحاب اسكتي لا تقولي هالكلام
سحاب : يمه اتركيني لحالي تعبانه بنام
شيخه ضاق صدرها ع حال بنتها يلي ما تدري وش ممكن يصير فيها
سحاب : يلا يمه اتركيني لحالي بليز ما ابغى احد ولا ابغى اشوف احد
شيخه وقفت و طلعت من الغرفه وهي تبكي على حال سحاب ، الاء طلعت من جناحها و استغربت منها ليش تبكي : خالتي فيك شي ؟
شيخه : والله خايفه على سحاب أخاف يصير لها شي البنت مو طبيعيه
آلاء: خالتي سحاب يلي عاشته مو سهل ولا ينتسى بسهوله هذا ولدها و تطلقت بيوم ولادتها والشي الأصعب انه تزوجت سلطان عن حب هي انخذلت منه بعد ، سحاب يبي لها شهور لحتى تتعافى .
.
بعد مرور يومين ؛
ليان صحت ع صوت زياد يلي يصحيها تأففت بضجر وشالت اللحاف من فوقها : خير خير وش تبي مني الحين ؟
زياد : يلا قومي الساعه 12 ونص لازم نروح بيت اهلي
ليان وهي ترفع شعرها : نسيت والله نسيت انه رايحين ع الغداء ، اسمع شرايك نسحب عليهم مافيني حيل اروح
زياد : عيب عليك يلا قومي
ليان ناظرته : على وشو عيب وش ارتكبت من جريمه عشان تقول عيب ؟ من جد مافيني حيل أقوم اتروش و اكشخ و احط ميكب
زياد : ما يحتاج تحطين ميكب ترا حلوه ما تحتاجي
ابتسمت بخجل : يعني تعترف انه زوجتك حلوه ؟
زياد رفع حاجبه : ايه اعترف انك جميله لكن الجمال مو كل شي
مامداها تنبسط من كلامه الا وكسرها ابتسمت وهي تقوم من فوق السرير : وانت صادق الجمال مو كل شي في أشياء اهم منه بكثير ..
وقفت قدام الدرج وبدت تختار لها فستان ناعم
زياد حس انها زعلت من كلامه وقف وراها بالضبط ومد يده و اختار لها فستان لونه موف : هذا حلو وانتِ بتحلينه اكثر
رجف قلبها من قُربه لها وكيف لاصق بظهرها لفت بتمشي لكم ما مداها حاوط خصرها النحيل بيد وحده وسحبها اكثر لصدره : بفهم انتِ ليه زعوله كذا ؟
ليان اشرت ع نفسها : انا ؟
زياد : لا انا
ليان : اجل اسأل نفسك لا تسألني
زياد ضحك : صح انه سواليفك بايخه لكن تضحكني
ليان ضحكت : اجل اشكر ربي على هالنعمه يلي بين احضانك
زياد : والله انىِ شكرته زمان
ليان ارتخت ملامحها من كلامه : طيب ممكن تبعد عني شوي
زياد بهمس : ليه ؟
ليان : عشان اتجهز عيب نتأخر على اهلك
زياد : دامك بحضني ماهو عيب ولو نلغي الروحه كلها بعد مو عيب
ليان شتت انظارها بالغرفه من خجلها: طيب والله بنتاخر لانه يبي لي ساعه اجهز
زياد:طيب ناظريني ع الأقل
ليان ناظرته و سرحت فيه ابتسم : يخرب بيت نظراتك ع قلبي
رن جوال زياد و رفعه اول ما شاف اسمها على جواله ارتبك لان من زمان من سنه و اكثر ما شاف اسمها ع جواله
ليان اول ما شافت اسم اسيل كانها طاحت من برج عالي أبعدت من حضنه بقوه و تكلمت بحده : ترا انا ارضى بكل شي الا الخيانه حتى لو ماتحبني ما ارضاها على نفسي.
.
#يـــــتـــــــبــــــــــع...

🚫 يسعدنا مشاركة الرواية ولكن لا نسمح بحذف توقيع القناة 🚫

https://www.tg-me.com/joinchat-AAAAAD1p6TqBBTyITQumpA

💐📚 @storykaligi 💐📚🖋
🍃💐
💐🍃💐
🍃💐🍃💐
💐🍃💐🍃💐

🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 211 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍄🍃

عند مرام ؛
كانت قاعده وترتب غرفتها سمعت صوت الجرس توقعت أمها لكن طلعت دانه تضايقت وفتحت لها الباب استقبلتها وهي مبتسمه : يا اهلا و سهلا ، غريبه ما قلتي انك جايه صاير شي ؟
دانه وهي تفسخ عبايتها : وين امي؟
مرام : طلعت تجيب أغراض تلقيها بعد شوي داخله ، الا شفيك دانه كذا متوتره ومعصبه ؟ صاير شي بينك وبين طلال ؟
دانه اخذت نفس : تخيلي طلال طلع يحب لينا للحين
مرام حست بفرحه بقلبها : هو قال ؟
دانه : لا ما قال بس عيونه فضحته سواليفه عنها ، وتخيلي قبل كم يوم اتصلت تهاوشه ليش تبرع لها يقول اعتبري هذا اعتذار لاني جرحتك
مرام ردت : تراه صادق ليه منقهره ؟
دانه ناظرتها بنظرات استغراب : مع مين انتِ؟ بصف مين واقفه ؟
مرام : ماني واقفه مع احد انا واقفه مع الحق
دانه : اجل اوقفي معاي لانه الحق معاي مو معاها يلي تحاول الحين تتقرب من طلال بحركاتها المايعه
مرام ضحكت : دانه من جد الحمل مأثر عليك، نسيتي يوم انك تقربتي من طلال وكان متزوج نسيتي كل شي سويتيه بس عشان تتزوجيه وتزوجتيه وهدمتي بيته وفرقتي شملهم وجيتي انتِ بنيتي بيتك وحطي ببالك دام بيتك انبنى على رُكام غيرك رح يكون هش وبأي لحظة ينهدم
دانه تنرفزت من كلامها : مرام لو ما تسكتي بعرف كيف اسكتك !
مرام : مالي خلق اسولف معاكي انا مشغوله هالفتره عندي مشروع التخرج ولا ابي اضيع وقتي بسواليف بايخه وتافهه لكن تذكري انه هالزواج ما رح يكمل دام انبنى على مصلحه وعلى دموع لينا .. تركتها و طلعت لانها فعلا ماتبي تتناقش معها اكثر لكن حاطه في بالها انها بس تتخرج رح تكلم طلال بكل شي !
ام دانه اول ما دخلت البيت ولقت دانه بالصاله رحبت وهلّت فيها ، ناظرت دانه : شفيك قالبه وجهك شصاير ؟ وين مرام تسوي لنا قهوه ولا شاي
دانه : لحظه لا تناديها من شوي كنا بنتهاوش لانها قاعده تسمعني كلام وكانها ضدي وبصف لينا
ام دانه : هذي مرام ما تعرفينها ما ترتاح الا وترمي كلام كل يلي بقلبها ع لسانها
دانه بهمس : أخاف درت بسالفه السحر !
ام دانه بنفس همسها : لا ابدا و ابشرك الحين راجعه من عند ام فهره وعطيتها كل الفلوس يلي جبتيها اصبري بس شوي وبتشوفي لينا وش بيصير فيها
دانه ابتسمت بخبث : وطلال يا يمه كيف بخليه يكرها؟
ام دانه تنهدت : صعب ناذيه لا تنسي انه أبو ولدك وغير كذا الظاهر زوجك ما ينسى اذكاره
دانه فتحت الشنطه وطلعت عشرين الف : خذيهم يمه
ام دانه اول ما شافت الفلوس ابتسمت : لي انا ؟
دانه : ايه يمه وبعطيك اكثر بعد انتِ بس اصبري !
.
في بيت اهل زياد ؛
كانو قاعدين ع طاولة الغداء و يضحكو ويسولفو لكن ليان كانت بعالم ثاني ولا منتبهه لسواليفهم كل تفكيرها اسيل ليش تتجرأ تتصل ع زياد !
أم زياد انتبهت ع ليان : ليان ليش ما تاكلين ما عجبك الاكل ؟
ليان : لا خالتي والله لذيذ بس اليوم معدتي تعورني مو قادره اكل
غرام "اخت زياد " : عاد ليان سويت لك حلا يلي تحبينه بس يجون خالاتي وبناتهم بناكله مع القهوه
ليان : بتجي خالتي ام اسيل ؟
تفاجئو ليش حددتها هي بالذات لكن ام زياد ردت بوجه مبتسم : ايه ان شاء الله
زياد وقف : الحمدلله شبعت ، بطلع اقيّل شوي لين يجون الحريم بعدها بطلع .

بعد ساعتين ؛
ليان اضطرت انها تطلع الغرفه عشان تبدأ تجهز نفسها أساسا بداو يوصلو الحريم ، مدت يدها لمقبض الباب وهي متردده لكن مافي غير هالحل عشان تجهز نفسها بسرعه فتحت بسرعه و تفاجئت انه زياد صاحي و ع الجوال،
زياد ما انتبه لها وكان مصدوم من رساله اسيل يلي تطلبه مبلغ قدرُه مية الف وكل يلي يدور في باله وش تبي بهالمبلغ ؟ ولو شي مهم كان طلبت ابوها والا اخوانها ليش انا بالذات ؟
ليان طلعت لها جينز ماسك ع جسمها و بلوزه شوية واسعة دخلت الحمام و لبست بسرعه ،
طلعت وهي كل شوي تسرق له نظرات ويلي قاهرها انه ما انتبه لها ابدا ولا درى بوجودها من كثر ماهو شارد ،
وقفت قدام التسريحه و طيحت العطر للأرض وهي متقصده بس عشان يُلف لها
زياد فز ع الصوت وانصدم انها موجوده : ليان ! متى جيتي ؟
ليان انقهرت منه اكثر ناظرته بالمرايه : من زمان لكن الظاهر في احد شاغل بالك
زياد فهم عليها و وقف وتقدم لها : لياني بفهمك كل شي
ليان عكس الضوضاء يلي داخلها : انا ما سالتك عشان تفهمني ولا ابي افهم شي
زياد مسح ع وجهه : طيب مثل ما تبين ، وبعدين لكل حادثٍ حديث انا بطلع اذا تبين أي شي كلميني
ليان ما اهتمت لكلامه و اخذت روجها وبدت تسوي .

🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄

🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 212 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍄🍃

زياد ناظرها صح انقهر منها لكن بنفس الوقت ابتسم من شكلها الجميل قرب لها وباسها بلُطف و طلع من الغرفه بدون لا يقول أي شي ..
ليان من قهرها خبطت التسريحه بقوه همست بقهر : ما تفهم انت وياها ..
حاولت انها تهدي من توترها وغضبها عشان ما يبين ع ملامح وجهها اخذت نفس عميق و اخذت عطرها ورشت بكثره لدرجة اختنقت وكحت همست بقهر : زياد ..
طلعت من الغرفه وهي تتصنع الهدوء نزلت الدرج و دخلت المجلس سلمت ع الكل وبس جلست ناظرت ام اسيل : وينها اسيل ما جت ؟
أم اسيل ابتسمت : ونحنا داخلين اتصلت عليها صديقتها وقالت بتكلمها وبس تخلص بتدخل
ليان فز قلبها وخطر ببالها زياد ممكن يشوفها حست بنار بصدرها وقفت بسرعه و وقفت ع صوت ام زياد : على وين ليان ؟
لفت عليها : اليوم ما تطمنت على لينا اكلمها بسرعه و ارجع ..
زياد طلع من الغرفه و سلم ع خالاته و استأذنهم بسرعه وقف قدام الباب بصدمه وهو يشوفها جالسه فوق الكرسي منزله راسها وحاضنته بكفوف يدينها وصوت بُكائها كان مسموع ، عرفها بدون لا يشوف وجهها من صوتها ومن جلستها عرف انها اسيل قرب لها وهمس بصوت هادي : وش يبكيك ؟
فزت ع صوته وناظرته وكانه المُنقذ لها همست بصوت راجف : زياد
زياد انصدم من وجهها كيف لونه احمر من كثر البكاء: وش يلي يخليك تبكين هالكثر أتوقع محد يستاهل تقلبين لون وجهك عشانه
رغم انها بمصيبه لكن كلام زياد اثر فيها وخلى قلبها يفز : تكفى ساعدني مالي احد غيرك يا زياد الصور لو وصلت ليد ابوي والا اخواني بيذبحوني تكفى عطيني المبلغ
عقد حواجبه باستغراب لانه مو فاهم شي من السالفه : اسيل فهميني وش صاير ؟ صور ايش ؟
اسيل مسحت دموعها و اخذت نفس : في واحد قاعد يهددني بصوري وطالب مني مية الف ، المشكله عنده صور كثيره صور وانا بشعري ولبس قصير لو بس يرسلها ل اهلي بيذبحوني
زياد حس بحرارة من اسفل قدمه ناظرها بحده : من وين جاب صورك ؟
اسيل رفعت كتوفها : ما ادري ، تكفى زياد ساعدني انا ادري انك ما راح تتركني و انا بهالوضع حتى لو تكرهني ساعدني
زياد مسح ع وجهه بضيق : اعطيني الرقم و انا بتفاهم معاه
اسيل بخوف : لا لا مستحيل ادخلك بمشاكل
زياد : لا تتدخلين فيني اعطيني الرقم بسرعه و انسي كل شي صار
اسيل : مستحيل ، ما اقدر أخاف يسوي لك شي واكون انا السبب والله بموت يا زياد ، انا اقدر أعيش وانت مع غيري بس ما اقدر أعيش وانت مو بهالحياه!
ليان صفقت بيدينها وتقدمت لهم وعيونها تلمع شر لهم الاثنين تكلمت بصوت عالي : ماشاءالله ، حب وكلام يذوب القلب ونظرات ودموع بالمختصر وقاحه عَلنيّه!
اسيل لفت ع ليان و رجف قلبها بخوف وقفت
ليان ضحكت بصوت : بتهربين مني و زياد حلال عليك ؟
زياد حس انه ليان ممكن تسوي شي قرب لها بيمسك يدها لكن ليان أبعدت عنه وتكلمت بحده : وخر عني انا بس بفهم دامك ياخي تحبها ليش تزوجتني غصب و انا قلتها لك من وقت المِلكه ما ابيك !
زياد تكلم بحده : ليان ترا فاهمه كل شي غلط
ليان رفعت نبرة صوتها : ترا كل شي واضح ما يحتاج حتى تفسير اثنينكم العن من بعض و اوسخ من بعض ، و انتِ صورك ما انتشرت الا من قذارتك لو حاشمه نفسك صورك ما وصلت ليد الرجال والله يعلم كم رجال شافك
اسيل انقهرت منها وتكلمت بعصبيه : ما اسمح لك تتكلمين عني بهالطريقه فاهمه والالا
ليان : ما طلبت منك الاذن ، بالناقص اجي اخذ الاذن من وحده رخيصه مثلك
زياد مسك ليان بقوه وحط كف يده ع فمها ناظرها وعيونه تقدح شر : بس بس عيب عليك
ليان من قهرها رفعت يدها بتعطيه كف لكن مسك كف يدها بقوه نزلها و باسها بهدوء واليد الثانيه نزلها لخصرها وحضنها لدرجة ليان حست ضلوعها تكسرت من حضنته
همس بحده : اقسم بالله مافي شي يلي ببالك لكن عيب عليك تقولي هالكلام
ليان انقهرت انه يدافع عنها و دفته بقوه رجع خطوه لوراء وناظرها بنظرات هاديه عكس الغضب يلي داخله
غرام طلعت للحوش وسكرت الباب وراها : وش صاير وانا مارّه سمعت صوت ليان وبعدين ليش أنتو الثلاثه متجمعين صاير شي
ليان ابتسمت بسخريه : قبل دقايق شفت فيلم يهبل فاتك يا غرام
غرام ناظرت اسيل و زياد بصدمه وهي تحاول انه تنكر الشي يلي ببالها
زياد مسح ع وجهه : غرام بسرعه اطلعي جيبي عبايه ليان بنمشي
ليان : لا يا حبيبي ماني ماشيه منتظره الفيلم يخلص وتقولك انا احبك يا زياد و انت تقولها و انا احبك بعد
اسيل بحده : ترا مصختيها زياده ، وانا ما اسمح لك تغلطين علي ..

🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄

🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 213 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍄🍃

ليان : احشمي نفسك و احترمي نفسك عشان الناس تحترمك
غرام : خلص يكفي عيب عليكم ، زياد كلام ليان صح؟
زياد بحده : طبعا لا
ليان كانت بتتكلم لكن قاطعها وتكلم بدالها : ليان بزر ومع ذلك احبها هي وبس وهي فهمت كل شي غلط ومن غيرتها سوت سيناريو ببالها
ليان ناظرته بصدمه قرب لها وفسخ شماغه وفتحه وغطي شعرها و اكتافها وشالها لحضنه بقوه ومشي بسرعه
ليان كانت ترافس برجولها وتصيح ولا اهتم لها لانه لو تركها شوي ممكن تسوي مصيبه حطها بالسياره وقفل وطلع ومشي با اقصى سرعه .
.
عند ذياب ؛
كان نايم وكل الادويه فوق الكومدينه كلها مهديات أعصاب وحبوب صداع ومنوم ،
مرت عليه ثلاثه اشهر جداً صعبه وسيئه ومؤلمه لروحه صار ما ينام الا على منومات ولا يهدآ راسه الا بمسكن وضعه صار جدا مُزري ، صار ما ياكل ولا يهتم لصحته و و زنه نزل كثير وكل من شافه يساله ليش هالكثر نحفان
الشيب يلي براسه كثرت من الهم يلي فيه ويلي يشوفه يحزن عليه لانه ملامحه صارت مُرهقه وتعبانه بشكل ملحوظ جداً ..
صحي من النوم وهو يحس راسه مفلوق نصين من الصداع يلي فيه ولا يدري كم الساعه ولا كم من الوقت مر وهو نايم مسح ع وجهه بقوه وجلس وهو يرجع شعره للخلف رنّ جواله و رد : هلا يمه
شيخه : ذياب ي روحي كيف حالك ؟
ذياب : الحمدلله
شيخه : صار لي أسبوع ما شفتك ليش يا يمه ما تمرنا ولا تسال حتى عن حالنا ؟
ذياب : والله يا يمه ماني متحمل خِفة ملابسي احس انىِ تعبان وبديت اموت
شيخه تكلمت بحده : لا تقول هالكلام و اذكر الله ترا ملاذ ماهي نهاية الدنيا ، يكفيني سحاب يلي صار لها ما ابي ابكي على احد فيكم عاد والله ارحموني
ذياب : يمه متصله تهاوشيني ؟ اذا متصله تهاوشيني خلص خلصتي ممكن اسكر الحين ؟
شيخه نزلت دموعها : ذياب مُرني ابي اشوفك والله انىِ اشتقت لك يا يمه
ذياب : حاضر من عيوني
شيخه : فمان الله ..
سكرت منه وهي تمسح دموعها ما تدري على مين تبكي كل واحد من عيالها حاله اسوء من ثاني ..

عند ذياب قام و تروش بمويه بارده ثلج لانه يحس داخله نار لبس ثوبه و تعطر و اخذ جواله و طلع وكالعاده اول وجهه توجها هي ملاذ دخل المستشفى كان يمشي بخطوات ثقيله ناظر الممر وهو حافظ كل شي فيه حتى ادق التفاصيل من كثر مايمشي فيه دخل الغرفه و ابتسم اول ما شافها كانت نايمه ولا حاسه بالعالم الخارجي ابدا لكن هالمره غير كانت عايشه بعالم ثاني عالم خاص فيها هي !
ذياب سحب الكرسي وجلس جنبها مسك يدها وباسها بشغف وحب همس بعيون تلمع حب وشوق : طولتي يا ملاذ والله طولتي ، ثلاثه شهور و انتي نايمه يكفي ارحميني انا تعبت احس خلص ما عاد اقدر اتحمل اكثر احس انىِ عايش بس عشان اتألم ،
زفر أنفاسه بضيق وهو يحس بوجع بروحه وكالعاده اخذ المصحف و بدا يقرا بصوته الهادي وكل الغرفه امتلت بأيات الله سكينه وطمأنينه تبعث الدفئ والآمان بالقلوب
وتذكرنا برحمة الله عزوجل للإنسان
.
ملاذ كانت تحس انها تمشي بطريق جديد ما تعرف هي وين طريق طويل جداً وكل ما قربت وتقول هذي النهايه الطريق يطول اكثر من المره يلي قبلها من كثر تعبها طاحت للأرض و نامت بدون لاتحس ،
بدت تسمع أصوات كثيره و متداخله ببعضها تحاول تحدد مصدر الصوت ولا قدرت تحاول تفتح عيونها ولا هي قادره حاسه راسها ثقيل من ثقله ماهي قادره تتحرك ولا تتحرر من الظلام يلي هي فيه ،
حاولت اكثر من مره تأخذ نفس ولا قدرت وفي اخر محاوله لها اخذت نفس عميق وحست الحياه والنور ردت لها !
ذياب سكر المصحف وحطه ع الطاولة لفت انتباهه صدرها يلي يطع و ينزل من قوة نبض قلبها،
فز قلبه من الخوف و قف وفتح الباب ونادي بصوت عالي : كلمو الدكتور بسرعه يجي .. رجع لملاذ و مسك يدها ومسح ع راسها بحب : ملاذي ملاذي ، تحسين بشي ؟
حس بمويه بااارده انكبت ع صدره وهو يشوف رمش عينها يتحرك
غمض عينه وفتحها لاكثر من مره وهو يبي يستوعب انه هالشي واقع مو حلم حس اطرافه ثلجت من الصدمه
دخل الدكتور ومعاه ممرضتين ذياب ناظره بفرحه وهو يحاول انه يتنفس : رمش عينها يا دكتور .. اخذ نفس عميق و ضحك : حركت رمش عينها
الدكتور وقف قدامها فحصها وبدا يناديها ل اكثر من مره ابتسم وهو يشوف انه تحرك رمش عينها بكل مره يناديها
ذياب شد ع يدها : ملاذ ملاذ تسمعيني يا ملاذ تكفين فتحي عيونك ..

🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄

🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 214 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍄🍃

ملاذ حست انه قلبها بدا يستقر نبضه بدت تفتح عيونها لكن ضوء الغرفه ازعجها و غمضت و رجعت فتحت ثاني مره والرؤيه شبه معدومه غمضت وفتحت ل اكثر من مره لين أوضحت الرؤيه عندها اول شخص شافته كان ذياب
ذياب اول ما شافها مفتحه عيونها حس انه الأرض ما تشيله من كُبر الفرحه لوهله حس انه بحلم رفع كفه لوجهها وهمس بصوت مليئ بالبكاء : ملاذ صحيتي ؟
ما عطاها فرصه ترد او تقول شي سحبها لحضنه بقوه وضمها بكل ما لديه من قوه كان يتمتم : يارب لك الحمد يارب لك الحمد
ابعدها شوي عن حضنه تكلم وهو يلهث وكانه رح يموت رفع كفوفه وهو يلمس عيونها هاللحظة 28 حرف ماهي قادره توصف شعوره و فرحته فيها ،
حس بشي يخنقه ولا قدر يمنع دموعه يلي نزلت رجع ضمها ثاني مره و اخذ نفس عميق وكانه روحه انزهرت وانبتت من جديد همس لها بحب : أخيرا يا ملاذ فتحتي عيونك
الدكتور يبي يطمن على صحة ملاذ لكن ما قدر انه يبعد ذياب عنها لانه يعرف شكثر تعذب بغيابها وما تركها ولا يوم واحد ..
ملاذ أبعدت عن ذياب شوي و بلعت ريقها ولا هي عارفه هي وين ولا وش صار لها وليش هي بالمستشفى وليش ذياب مُتلهف عليها هالكثر وليش الدكتور والممرضات واقفين قدامها فتحت فمها بتتكلم لكن حست حبالها الصوتيه ناشفه لدرجة انجرحت ،
امتلت عيونها بالدموع و اشرت على حلقها
الدكتور عرف انها تبي مويه بسرعه اخذ القاروره ومدها لها وذياب ساعدها وشربها
ملاذ اخذت نفس وهمست : ليش انا هنا ؟ وش صاير ؟
ذياب اول ما سمع صوتها الابتسامه شقت وجهه وكانه صوتها آلة عزف لأول مره تمنى يبوس صوتها همس لها : والله ما بعد صوتك الا رحابة الروح
الدكتور ابتسم و لف ع ملاذ : ملاذ كيف حالك ؟ حاسه بشي ؟
ملاذ هزت راسها بالنفي : لا انا بخير ، بس وش صاير ؟
ذياب هنا رجف قلبه و رجعت ذاكرته ليوم الحادث !
الدكتور : وش اخر شي تتذكرينه ؟
ملاذ غمضت عيونها تحاول تتذكر فتحت عيونها و ناطرت ذياب و رجعت ناظرت الدكتور: أتذكر انا و ذياب رحنا دار الايتام بس ما ادري وش صار عُقبها ! مو قادره أساسا أتذكر وش صار ؟
ذياب ناظر لدكتور بصدمه و الدكتور من ملامح ذياب عرف انه ملاذ حصل عندها فقدان جُزئي لذاكره
ذياب ناظر ملاذ : ملاذ ما تذكرين وش صار ؟
ملاذ : وش صار ؟
الدكتور : ملاذ انتِ مو بالنسبة لي مريضه انتِ زميلتي في الشغل وانتِ تعرفين كويس بالطب ، انتِ سويتي حادث كبير واضطرينا نفتح راسك عشان نوقف نزيف الدماغ
ملاذ لا اراديا رفعت يدها لراسها تتلمس شعرها لانه تعرف هالعمليه لازم الشعر كله ينحلق
كمل الدكتور: وهالحادث خلاكي تدخلي بغيبوبه لمدة ثلاثه اشهر و حصل عندك فقدان جُزئي بالذاكره مع الأيام بتذكرين كل شي يا ملاذ
ملاذ ناظرت ذياب بصدمه : ذياب يلي يقوله صدق ؟ انا دخلت بغيبوبه ثلاثه اشهر ؟
ذياب مسح ع وجهه وهز راسه : ايه صار لك نايمه ثلاثه اشهر
ملاذ سندت ظهرها ع المخده ونزلت دموعها
الدكتور : ملاذ هالفتره لازم ترتاحين لا تتعبي نفسك بالتفكير انتِ تعرفي هالحالات ما يطولون و ذاكرتك بترجع لك خلال فترة قصيره ..

بعد مرور ساعه من كلام الدكتور وهو يحاول يهدي من ملاذ وبعد ما تطمن عليها من كل النواحي طلع من الغرفه هو و الممرضات ..
ذياب ناظرها وكانه يناظر اعظم مُعجزه في حياته سرح في عيونها وجمالهم رغم تعبهم
ملاذ ناظرت فيه رفعت يدها وهي ترجف ولمست شعر وجهه ،
ذياب غمض عيونه وحس قلبه بيوقف من قوة نبضه همست : تغيرت والا انا نسيتك ؟ والا وش صار عليك يا حبيبي ؟
ذياب ابتسم : والله انه حياتي ماهي حياه بغيابك ما تدرين شكثر تعذبت وتمنيت اموت ولا أعيش هالوجع..
طلع جنبها فوق السرير و سحبها لحضنه وضمها بقوه ، اخذ نفس عميق : والله انىِ اشتقت لك والشوق فيني يضاهي والله انك ملاذي بهالدنيا
ملاذ رغم الضوضاء يلي براسها و رغم صدمتها وضيقة صدرها بوضعها المجهول ،الا انها ابتسمت أبعدت عنه وناظرت عيونه عن قُرب
ذياب : ليش ساكته قولي أي شي لا تسكتين اشتقت لصوتك العّذب
ملاذ بلعت ريقها : ما ادري وش أقول بس احس انىِ اشتقت لك يا ذياب
ارتجف اقصى عرق بداخله ،باسها بشغف لين حس انه روحه ارتوت من بوستها ابعد عنها وحط جبينه ع جبينها وهمس : اشتقت لرجفة قلبي وقت اناظر عيونك
ملاذ ابتسمت : رغم انه كل شي حولي تغير حتى شكلك تغير بس ريحة عطرك مثل ماهي يا ذياب ..

🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄

🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 215 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍄🍃

ذياب شابك أصابعه ب أصابعه ورفع كفها وباسها وهو مو مصدق انها صاحيه وتسولف معاه
ملاذ : ذياب انا ليش سويت هالحادث اقصد كيف ومتى وش صار ؟
ذياب بهتت ملامحه و ارتبك : مو اليوم نتكلم عن الحادث انا ما صدقت انه صحيتي و سمعت صوتك
ملاذ اخذت نفس : تمام بس بكرا تحكي لي
ذياب ضحك : وش فرقت يعني ، لكن ابشري يلي تبينه يصير
ملاذ حطت راسها بحضنه : احس راسي يعورني بنام
ذياب : ما شبعتي نوم ؟ صار لك ثلاثه شهور نايمه ؟
ملاذ ضحكت : لا والله ماكنت حاسه بشي ولا ادري بشي
ذياب باس راسها وضمها اكثر لصدره رجع راسه لخلف السرير وابتسم نزل عيونه وناظرها بدت تغفي همس : الله لا يحرمني منك.
.
عند ليان و زياد ؛
زياد فتح باب البيت بالريموت فتح امان السياره و ليان نزلت بسرعه و سكرت الباب بكل قوتها
زياد انقهر من حركتها طفى السياره و لحقها كانت تجري بالدرج وهو يجري وراها ويناديها بصوت عالي لكن ليان مطنشته وقفت بتسكر الغرفه لكن بسرعه حط كفه ع الباب و دخل بقوه تكلم بصراخ : وش هالسخافه بزر والله انك بزر
ليان ناظرته بعصبيه : والله انك ما تستحي اطلع من الغرفه بسرعه
زياد قرب لكن ليان أبعدت عنه قرب بسرعه ومسكها ليان حاولت تنفك منه بس ماقدرت شدها لحضنه رغم محاولات افلات ليان تعثرت حركتهم من كثر ما تحركت ليان وهو يشدها بقوه وطاحو ع السرير الاثنين ،
صرخت بصوت : اتركني زياد بسرعه ما ابي اشوف وجهك
زياد سد فمها بقوه وتكلم بحده : احبك يا الهبلا..
قال هالكلمه من قلبه وعن حب صح الوقت ما كان مناسب لكن قالها هاللحظه عشان يسكتها ويهديها
ارتخت بين يدينه وسرحت بعيونه و دمعت عيونها بقهر شالت كفه من فمها وهمست بصوت باكي : تحبني ! ع بالك بصدقك بعد يلي شفته بعيوني ؟ انت تبي تلعب علىِ اخذتني انتقام و فزت ومع ذلك مو راضي تتركني بحالي
زياد مسح ع شعرها : والله العظيم انتي فاهمه غلط ، اسيل في احد مهددها بصورها وطالب مية الف وهي مو قادره تطلب أهلها طلبتني انا
ليان دفته بقوه و جلست وهي ترجع شعرها ورا اذنها : و انت طق فيك عرق الفزعه أساسا ما صدقت على الله انك تسولف معها و تشوفها وحلا لكم الجو وبديتو بكلام الحب
زياد جلس جنبها و تنهد : سمعتي مني اقولها كلام حب ؟ طبعا لا لكن دماغك هو يلي سمع وكذب الكذبه وصدقها بعد
ليان ناظرته بقهر : زياد اتركني لحالي مالي خلق اسمع صوتك
زياد مسك يدها بلُطف : لياني لو ابي اسيل كان تزوجتها زمان و كان وافقت على كل شروطها وكان فرشت لها الأرض ورد انا ما يصعب علىِ شي ، انا تزوجتك عناداً فيك لكن والله مانويت الاذيه لك ، صح حطيت ببالي بجرحك مثل ما جرحتيني..
ليان قاطعته : ابشرك جرحتني و اكثر بعد انا جرحتك وما كان بينا شي و انت جرحتني و انا احبك يا زياد، جرحك اكبر يا زياد
زياد قرب لها وحاوط خصرها وحط جبينه ع جبينها : دامك تحبيني و انا احبك يمدينا نبدا من جديد !
رجف قلبها لانها التمست من صوته نبرة الحب رغم خوفها منه الا انها حطت راسها ع صدره ونزلت دموعها رفعت يدها وحضنته ،
ابتسم زياد و رفع يدينه وحضنها بقوه : لا تغارين والله انه كلهم بعيوني عدم من بعدك.
.
ذياب اتصل اول شي على منيرة وبشرها انه ملاذ صحت وبعدها اتصل على امه و الخبر انتشر بكل العائله ،
ذياب كان واقف عند الشباك ابتسم وهو يتذكر عيونها وصوتها تنهد وهمس : الحمدلله
لف عليها وكانت نايمه بسلام لكن هالمره غير كانت نايمه ع جنب و رافعه رجولها لبطنها وحااضنه نفسها بيدينها ،
قرب لها وباس جبينها فزت وقت باسها و ابتسمت من ابتسامته العذّبه : ذياب
ذياب توسعت ابتسامته : جعل ما غيرك يقول ذياب لأول مره احب اسمي هالكثر
ضحكت بصوت : نحنا وصلنا لهالمرحله من الحب؟ لانه بصراحه ما أتذكر انك رومنسي هالكثر
ذياب رفع حاجبه : اوه فاتك الكثير و الكثير ، ابشرك انه انا مو بس احبك انا مُغرم فيك جداً تدرين انه صوتك يآثر على دقات قلبي فما بالك بعيونك
ملاذ حست بخجل من كلامه لانها ما تتذكر الأشهر الاخيره من حياتهم كيف كانت
ذياب رفع يدها وباسها : تدرين ودي بس أتأملك و اسرح فيك وبكل ثانيه أقول الحمدلله انك زوجتي .
انفتح الباب بدون لا يندق وقفت وهي تتامل بنتها دمعت عيونها وهمست بصوت باكي : ملاذ ..

🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄

🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 216 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍄🍃

ملاذ ابتسمت وسحبت يدها من ذياب وفتحت يدينها عشان تستقبل حضن أمها نادت بصوت مسموع : يمه
منيره امطرت عيونها وتقدمت لها بخطوات سريعه وضمتها لحضنها بقوه وشهقت بصوت : ملاااذ اشتقت لك يا عيون امك والله بغيابك ما شفت الراحه
ملاذ بكت من بكاء أمها والا هي ماهي مشتاقه لاحد لانها تحس انه نامت بس ليله
منيره بعدت عنها وباست وجهها بحب : يمه ملاذ انتِ بخير ؟ تحسين بشي يوجعك شي ؟
ملاذ هزت راسها بالنفي : يمه انا بخير والله مافيني شي ولا كاني نمت ثلاثه شهور
سلطان : يعني ما اشتقتي ل اخوكي ؟
ملاذ لفت عليه و ابتسمت انتبهت للطفل يلي بالعربيه ونايم رجعت ناظرت سلطان : سحاب ولدت ؟
سلطان تقدم لها وحضنها وباس راسها بلُطف : ايه هذا ولدي سَعد
ملاذ ناظرت ذياب وهي مبتسمه : ليه ما قلت لي انه صرت عمه ؟
ذياب : ما مداني اسولف لك نسيتي انه قلتي انك نعسانه وبتنامين وصحيتي من شوي !
ملاذ ضحكت : ايه صح ، اعطيني إياه بشوفه
سلطان اخذه من العربيه وحطه بحضن ملاذ ، ملاذ باست كفه برقه وهمست له : سَعد يا روح عمتك ما احلاك ..
رفعت راسها وناظرت سلطان : وين سحاب ؟ ليش ما جبتها ؟
عم الهدوء بالمكان و ثواني و انفتح الباب و دخلت شيخه و الاء والرجال جلسو برا ..
شيخه ابتسمت : يا هلا والله ، الحمدلله ع سلامتك ي بنتي
ملاذ حضنتها : الله يسلمك خالتي
سلطان طلع من الغرفه و تركهم ..
الاء دمعت عيونها من الفرحه ما صدقت انه ملاذ صحت : ملاذي والله اشتقت لك
ملاذ ضمتها بقوه : ماشاءالله بطنك كبر ، الحلو متى جاي؟
الاء : باقي شهرين
ملاذ : تقومين بالسلامه يارب ، الا ما رديتو وين سحاب ؟
شيخه : سحاب بالبيت تعبانه شوي ان شاء الله بس تتحسن بتزورك
ملاذ : ليش هي توها والده ؟ وليش سَعد جاي مع سلطان ؟
ذياب مسح ع وجهه: سلطان وسحاب تطلقو يا ملاذ
ملاذ ناظرت فيه بصدمه : وشو !
ذياب : هذا يلي صار ، انتي لا تفكرين باي شي الحين غير صحتك
منيره : ما قال الدكتور متى بتطلع من المستشفى ؟
ذياب : باذن الله بكرا
منيره : اجل باخذها لعندي للبيت
ذياب ناظرها بصدمه : ليش ؟
منيره : بهتم فيها ، انت وراك شغل و انا قلبي ما رح يتطمن انه تكون اكثر الوقت لحالها
ذياب : ملاذ بتطلع لبيتنا ، وتطمني يا خالتي انا رح اجلس معاها كل الوقت ما رح اتركها دقيقه وحده وكل اجتماعاتي بحضرها من البيت ، ملاذ بعيوني لا تخافين ولا ينشغل بالك
الاء : لا تخافين عليها دام معاها ذياب
ذياب : عن اذنكم .. تركهم و طلع من الغرفه ابتسم اول ما شاف ابوه و اخوانه
نواف : لا عاد توه انتبه انه عندك اسنان
طلال : حتى انا ما اصدق
ذياب توسعت ابتسامته : لا عاد
طلال : شوف شوف حتى اضراس عنده
ذياب ضحك بصوت ونواف حضنه : مدري أقول الحمدلله ع سلامة ملاذ والا سلامتك ؟
ذياب : انا أقول قول الحمدلله ع سلامتي هي كانت نايمه وانا يلي تعذبت
عبدالناصر ربت ع كتفه : الحمدلله ع سلامتكم الاثنين ، طمني كيف حالها؟
ذياب : الحمدلله بخير
عبدالناصر اخذ نفس وجلس ع الكرسي وهو حاس براحه من زمان ما حسها فرح لقومة ملاذ وفرحته الأكبر انه شاف ذياب يبتسم و يسولف بفرحه وكانه رجع لوراء عشرين سنه من كُبر فرحته .
.
كانت نايمه بحضنه و أنفاسها منتظمه ناظرها وهو مُركز فيها جداً ابتسم لوهله وهو يتذكر انه هالبنت الجميله يلي بين احضانه هي زوجته ،
تذكر اسيل وتذكر انه ما اخذ رقم الرجال باس راس ليان وحطها بهدوء ع المخده و قام بسرعه وطلع من الغرفه اتصل على اسيل و جلس ع الكنبه ينتظرها ترد..
اسيل كانت بالحوش وبنفس المكان هي و غرام وفهمتها كل السالفه من بدايتها لوقت ما راح زياد
غرام غمضت عيونها من غرابة الكلام يلي سمعته
اسيل وهي تمسح دموعها : صح انا احب زياد بس ..
غرام : خلص اسيل زياد ماضي ، وبعدين ما حلى بعينك الا يوم تزوج اتذكر كنتي تقولي خلص نسيته ولا يعني لك شي
اسيل : كل ما اشوف ليان أقول ياليتني مكانها ، و أتذكر كلام الحب يلي كنت اسمعه من زياد و اتخيل الحين يقولها واحس نار بصدري كل ليله احط راسي فيها ع المخده أتذكر زياد و ابكي وقت أتذكر انه الحين يكون مع ليان بنفس الغرفه ونفس السرير ونفس المخده ، احس بشي يخنقني
غرام تكلمت بحده : اصحي اسيل لحد يسمعك الحين انتي مجنونه خلص لازم تنسين زياد ..

🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄

🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 217 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍄🍃

رن جوال اسيل وشافت اسم زياد و ابتسمت من بين دموعها و ردت بسرعه : زياد
زياد: اسيل اعطيني رقم الرجال بتفاهم معاه بسرعه وراسليه ع أساس انك بتقابلينه و خلي يرسلك اللوكيشن بسرعه و ارسلي لي إياه
اسيل بخوف : زياد مستحيل انا أخاف يسوي لك شي
زياد : تطمني ما يقدر يسوي شي انا رجال و ادبر نفسي ، بسرعه اسيل ارسلي الرقم وسوي كل شي قلت لك عليه لا توصل الصور لجوال ابوكي ويقطع راسك عن جسدك
اسيل رجف قلبها وهمست بخوف : ط طيب زياد ، بس امانه انتبه لنفسك
زياد سكر بدون لا يقولها أي شي رجع راسه لخلف الكنبه و زفر أنفاسه بضيق ، ما هان عليه اليوم يشوف اسيل بهالحاله وبنفس الوقت ما هان عليه انه حط ليان بهالموقف ..
لكن يلي تاكد منه اليوم انه قلبه مال لليان وحبها بدون لا يدري تعلق فيها وتفاصيلها الصغيره ، حتى هبالها وجنانها يلي جننته صار يحبه ويعتبرها مزايا فيها ، ابتسم وهو يتذكر ضحكتها وسواليفها وجمالها الناعم والهادي وجاذبية عيونها يلي وقت يشوفهم ينسى كل شي حتى نفسه .
.
لينا صحت من النوم على كابوس جدا مُخيف جلست بسرعه لين حست بوجع العمليه حاولت انها تتنفس بس ما قدرت غمضت عيونها وحطت يدها ع قلبها تداري نبضاته السريعه ،
مسحت العرق من جبينها وحست بصداع يشق راسها نصفين حست انه وجهها يحرقها وكل جسمها يحرقها ما تدري هو من كثر الادويه!
اخذت الجوال وشافت اتصالات كثيره من الاء خافت و اتصلت عليها بسرعه ثواني وجاها الرد : هلا ليونه
لينا : هلا حبيبتي خير في شي متصله عشر مرات
الاء ضحكت : ايه عندي اخبار حلوه وسارّه ، ملاذ صحت يا لينا
لينا شهقت وابتسمت : تمزحين
الاء : لا والله هذا نحنا قاعدين عندها ، تدرين وش المشكله انه ملاذ مو حاسه انه غابت علينا ثلاثه شهور كانت نايمه ومروقه
لينا ضحكت : عطيني اسمع صوتها اشتقت لها
آلاء مدت الجوال ل ملاذ : لينا تبي تكلمك
ملاذ ابتسمت و اخذت الجوال : لينا
لينا اول ما سمعت صوت ملاذ حست انها رجعت لورا من الذكريات : ملاذ ي روحي الحمدلله ع سلامتك
ملاذ : الله يسلمك يارب
لينا : والله ودي اجي الحين و اشوفك بس تعبانه ما اقدر اجي اذا طلعتي للبيت بجيك ان شاء الله
ملاذ : لا عادي ي روحي ان شاء الله بطلع بكرا من المستشفى
لينا : الحمدلله ، انتبهي لصحتك
ملاذ : طيب ما قلتي لي شفيك تعبانه ؟
لينا اخذت نفس : سويت عمليه زراعه كليه
ملاذ فتحت عيونها بصدمه : تتكلمين جد ؟
لينا : ايه والله ويلي تبرع لي طلال
ملاذ حست بصداع : انا الظاهر فاتتني احداث كثيره والله ، الا كيف حالك الحين ؟
لينا : الحمدلله كويسه مافيني شي بس مكان العمليه يلي يعور للحين
ملاذ : خلص اذا طلعت بشوفك
لينا ابتسمت : ان شاء الله، يلا فمان الله
ملاذ سكرت وناظرتهم : ليش ما قلتو لي لينا سوت عمليه ؟ وبعدين سحاب ليش تطلقت وكيف ؟ وش صار بهالثلاثه الأشهر ؟
الاء حبت تلطف الجو شوي : والله يا ملاذ صارت أشياء كثيره شرايك تسحبين على ذياب وتجين عندي البيت و انا احكي لك من الالف للياء و وعد مني ما انقص عليكي أي حدث
ملاذ ضحكت : اذا على كذا انا موافقه
كان واقف عند الباب و سمع اخر حديث لهم تنحنح ولفو عليه
الاء : مشكله جيت بالوقت الغلط
ذياب : انا احكي لك كل شي وش تبي ب الاء
آلاء : والله يا ذياب انت عشت بهالمستشفى ما كنت تدري عننا بشي كيف بتحكي لملاذ وش صار ؟
ملاذ ناظرت ذياب و ابتسمت و عرفت من كلامّ آلاء انه ما تركها ابدا
ذياب تقدم لملاذ : ما عليه انا احكي لها و اذا نقصت معلوماتي بدق عليك و استشيرك
آلاء: بوقتها ما بقولك شي
شيخه ابتسمت وهي تشوفهم يسولفو و يضحكو وحست انه الاء بدت ترجع للحياه بعد الاكتئاب يلي دخلته
هاللحظة سكتو كلهم وقت سَعد بكي ولفو للعربيه بنفس اللحظه ،
منيره قامت وشالته لحضنها وهي تهديه
آلاء: وين حليبه و انااسوي له ؟
منيره اشرت ع الشنطه : هنا كل اغراضه
آلاء اخذت الشنطه وبدت تسوي له
شيخه حست بشي يخنقها تكلمت : اعطيني إياه بشوفه
منيره استغربت من نبرة صوتها ومدته لها ..

🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄

🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 218 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍄🍃

شيخه سمت بالرحمن و ابتسمت وهي تشوفه دمعت عيونها وهي تحس انه يشبه سحاب باست جبينه ودعت بقلبها انه ربي يهدي سحاب ويخليها ترجع لولدها
آلاء جلست ع الكنبه واعطت شيخه الرضاعه ، شيخه اخذتها وبدت ترضعه ولأول مره تتمنى يكون عندها قوه خارقه وتخلي سَعد يرضع رضاعه طبيعيه من سحاب
ذياب كان يناظر امه ومن ملامح وجهها حس بمشاعرها وضيقتها
منيرة تقدمت لملاذ ومسحت ع شعرها وباست راسها : يا عمري والله مو مصدقه كل ما اشوفك اشكر ربي انه صحيتي
ملاذ باست يد أمها : يا روحي يا يمه اطمني انا الحين بينكم وبخير
منيره : كيف سويتي الحادث يلي اعرفه انك سواقه عمرك ما خدشتي حتى سياره ؟
ملاذ فركت جبينها : يمه انا ما أتذكر ابدا لا حادث ولا وش صار !
آلاء ناظرتها : انا اتصلت عليك بوقتها ولمن سويتي الحادث سمعتك
ملاذ غمضت عيونها كمحاوله انها تتذكر
ذياب : ملاذ وش قالك الدكتور لا تتعبين نفسك .. ناظرهم وكمل : ترا ملاذ صار عندها فقدان جُزئي بالذاكره يعني ما تتذكر وش صار بالفتره الاخيره اخر شي قالت تتذكره لمن رحت انا وياها دار الايتام وهالشي تقريبا صار اول ما نقلنا لبيتنا
منيره دمعت عيونها : بسم الله عليك يا يمه
ملاذ : يمه لا تبكي والله انا بخير مافيني شي وعادي ترا هالشي بسيط ما تدري بعد شوي ارجع أتذكر اهم شي الحين انه صحيت .
.
زياد كان واقف ومنتظر الشخص يلي ع أساس مواعد اسيل ،
ناظر للشخصين يلي كانو معاه : لا تدخلو الا اذا رفعت يدي لكم
دقايق معدوده و وصل الشخص و نفس اللحظه اسيل أرسلت له انه وصل وصورته يلي أرسلها ل اسيل عشان تعرفه أرسلتها لزياد ،
زياد اول ما شافه حس الأرض تغلي بُركان تقدم له بسرعه و أعطاه لكمه بكل قوته لين اختل توازنه مسكه من ياقه ثوبه و ثبته بكل قوه وتكلم بحده وما عطاه فرصه يتكلم : انا زياد ال * ، ويلي حاولت تلعب معاها هي اختي و الصور الحين تسلمني إياها بسرعه اعطيني جوالك
الرجال خاف وحس انه استوعب الشي يلي صار والشي يلي سواه مع اسيل ، دخل يده للجيب و اعطى زياد الجوال
زياد اخذ الجوال و رميه لارض بكل قوه لين كسره و دعس عليه برجله لين انفصلت الشاشة عن الجهاز : بنات الناس مو لعبه ، لكن الأهم من هذا من وين جبت الصور ؟
الرجال حاول انه يبعد يد زياد من ياقة ثوبه لكن ما قدر
زياد شده اكثر : تكلم من وين جبت الصور
اخذ نفس : هي يلي ترسل صورها بقروب صحباتها وبالصدفه فتحت جوال اختي و شفتها منزله صوره لها ب ستوري السناب و من وقتها دخلت قروبهم ولقطت كل صورها من جوالي بس انا والله نيتي مو سيئه البنت اعجبتني وقلت مافي الا هالطريقه يلي اقدر اشوفها
زياد غمض عيونه بقهر : وش اسمها هذي اختك ؟
تكلم بخوف : هي ما تدري والله العظيم ما تدري
زياد تكلم بنبره اعلى : وش اسمها ؟
: اسمها هناء
زياد تركه بقوه لين كان بيطيح : ثاني مره لو تقرب صوبها او ع الأقل تفكر فيها صدقني رح ادفنك بيدي..
تركه و طلع سيارته خبط ع الدركسون بقوه وهمس بفحيح : اخ اسيل اخ اسيل ..
رفع جواله واتصل عليها ردت عليه بنفس الثانيه : زياد
زياد اخذ نفس : خلص الجوال وكسرته واذا هو حافظها بمكان ثاني جاه العلم مني
اسيل ابتسمت بفرحه وحست جبل انزاح من صدرها : شكرا زياد ما ادري شقولك بس ما رح انسى لك المعروف ابدا ، بس لحظه ما قال من وين جاب هالصور ؟
زياد بعصبيه : منك انتي يلي قاعده تنزلي صورك ستوريات و تنشريها بقروب صحباتك ، ونسيتي انه عندهم اخوان وممكن يشوفو باي للحظه
اسيل انصدمت معقوله وحده من صحباتها غدرتها : ما قال مين هي يعني وش اسمها ؟
زياد : هناء ، اسيل الله يرضى عليك حافظي على نفسك صورك ما تنزليها ستوريات الله يستر عليك
اسيل مسحت دموعها : ط طيب ، شكرا زياد من جد شكرا مدري كيف ارد لك هالجميل
زياد قاطعها : ما ابي شي منك وانا ساعدتك لانك بنت خالتي لا اكثر ، وليان اذا شفتيها بالايام الجايه لا تاذيها ولا ترمي عليها أي كلمه ترا انا احب ليان و نسيت كل الماضي .

🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄

🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 219 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍄🍃

ليان صحت من النوم اول ما فتحت عيونها لفت ع الشباك و انصدمت انه صار ليل ولا تدري كم نامت حاولت تتذكر وش صار وتذكرت وقت نامت وهي بحضن زياد لفت يمينها تدور عليه مالقيته جلست و هي تتذكر وقت قالها احبك ابتسمت وحست قلبها فراشات ، لكن اختفت ابتسامتها و هي تتذكر وقت قال ل اسيل " وش يبكيك " نبرة صوته وهو يسالها خلت النار تشتعل بصدرها
غمضت عيونها وهي تحاول انه ما تفكر بالشي يلي صار وتفكر فقط بزياد ،
قامت بسرعه وقفت قدام المرايه رفعت شعرها وطلعت من الغرفه حست بوجع ببطنها من شدة الجوع نزلت الدرج وانصدمت وهي تشوف زياد متمدد ع الكنبه نادت عليه : زياد ليش قاعد هنا؟
زياد اول ما شافها جلس و ابتسم : لياني تعالي جنبي ، ترا جايب لك برجر
ليان ابتسمت : عاد والله ميته جوع .. جلست جنبه وفتحت الكيس ناظرت زياد : انت ما نمت؟
زياد : لا والله طلعت
ليان : وين رحت ؟
زياد مسح ع وجهه : رحت قابلت الشخص يلي هدد اسيل بصورها
ليان اختفت ابتسامتها وحطت البرجر ع الطاوله بقوه : يعني انت كنت تكذب علىِ ؟ وش دخلك فيها لتكون زوجتك و انا ما ادري ؟
زياد : ليان اهدي شوي
ليان بحده : لا والله شايف انك على صح ؟
زياد : ايه انا على صح
ليان خبطت الطاوله بقوه : زياااد
زياد مسك يدها وشد عليها بقوه : ليان اهدي شوي انتِ مو بزر لازم تكوني مُتفهمه وتسمعي الكلام ل اخر شي
ليان : انت راح تجنني يا زياد قسما بالله رح اجنن منك ، راسيني على بر انت تبي مين انا ولا اسيل ؟
زياد زفر أنفاسه بضيق : وتسأليني هالسؤال وانا قلت لك احبك وش تبين اكثر يا ليان ؟
ليان دمعت عيونها : طيب ليش تروح تقابل الرجال؟
زياد : اكيد ما راح اترك اسيل بهالموقف ماهي قادره تكلم ابوها و اخوانها لانه ردة فعلهم رح تكون عنيفه و انا ساعدتها ، قابلت الرجال وخليته يعرف انه وراها رجال
ليان ابتسمت بسخريه : عفواً، وراها زياد بس يلي للحين ما قدر يتخطاها حتى وهو يحب زوجته هذا اذا كان فعلاً يحبها مو يلعب عليها ويكمل لعبة انتقامه
زياد غمض عيونه لانه مو قادر يقنعها : ليان بليز افهمي الموضوع بطريقه عقلانيه لا تفهميه بقلبك
ليان مسحت دموعها بقوه : طيب خلص
زياد : وشو يلي خلص
ليان وهي تسلك له: فهمته بعقلانيه
زياد مسك وجهها من دقنها ولفها عليه : حتى و انتِ تبكين طالعه حلوه و اجمل بعد .
.
صباح اليوم الثاني؛
سحاب كل الوقت قاعده بغرفتها و رافضه انها تقابل أي احد محد قدر يقنعها انه ترجع ولدها او تتعايش مع الواقع ،
وضعها جداً مُزري صايره هشّه وكل وقتها وهي تبكي طول الوقت نايمه على سريرها ومهمله نفسها ويلي يشوفها ما يصدق انه هذي سحاب ، التعب يلي بجسمها وقلبها عكس ع ملامح وجهها وعيونها صارت تحكي مدى وجعها
كل ليله وكل ثانيه تفكر بولدها لكن عندها قناعه تامه انه ما تبيه دام ابوه سلطان ،
حبها الكبير لسلطان والآمان يلي كانت تحس فيه معاه لدرجة تحدت أهلها وتركت جامعتها كان نتيجته خذلان كبير وصدمه ما قدرت انها تتجاوزها رغم وجود اهلها معاها وكل الناس يلي تحبهم بس ما قدرت تتجاوز الماضي ولا قدرت تنسى ابدا ..
صحت من النوم من شدة وجع بطنها نامت بطريقة غلط و عورت جرح العمليه حاولت انها تجلس رغم انها تحس روحها بتطلع ،
جلست بصعوبه وبدت دموعها تنزل وكل ثانيه يزيد بكائها ..
آلاء دخلت الغرفه عشان تطمن عليها و انصدمت وهي تشوفها تبكي تقدمت لها بسرعه : سحاب فيك شي ؟
سحاب ناظرتها : آلاء ابغى اموت ابغى ارتاح
الاء خافت لكن بينت العكس وضمتها بهدؤ وهي تطبطب ع ظهرها : بسم الله عليك ليش تقولين هالكلام ترا يا سحاب هذا اختبار من ربي يختبر فيه صبرك
سحاب : مو قادره أعيش حياتي ولا قادره اوقفها ولا احد يقدر يساعدني انا تعبت و احس خلص مافي داعي أعيش ليش أعيش أساسا وش بسوي بهالدنيا اذا سلطان كرهته و انا كنت اموت فيه قولي لي أعيش ليش !!
آلاء كانت مصدومه من كلام سحاب وحست انها دخلت بمرحلة الاكتئاب : سحاب ادري يلي عشتيه ماهو سهل ..

🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄

🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 220 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍄🍃

سحاب قاطعتها : اتركيني يا آلاء لحالي ما ابغى اشوف احد
آلاء ما حبت تضايقها وقفت : طيب ما تبين تشوفين ملاذ طلعت من المستشفى
سحاب : ليش اشوفها ؟ ياليتني كنت مكانها ودخلت الغيبوبه ع الأقل ما كان صار يلي صار
آلاء : اعوذ بالله من افكارك يا سحاب ، طيب ما تبين نروح عند لينا تدرين سوت عمليه وكانت تعبانه وترا هي تبي تشوفك ها شرايك اروح انا وياكي؟
سحاب ناظرتها بعصبيه : آلاء ما تفهمين ما ابي اشوف احد ولا ابي احد يشوفني اطلعي من الغرفه بنام
آلاء هزت راسها وطلعت من الغرفه سكرت الباب و وقفت وهي تفكر بسحاب انها مو طبيعيه و الاكتئاب بدأ ياثر عليها !
.
ليان كل الليل ما قدرت تنام وهي تفكر حست راسها بينفجر من كثر الافكار ، سرحت و دمعت عيونها وهي تتذكر كيف كانت تتقرب من ذياب ويلي تعيشه الحين عيشته ملاذ من قبل اخذت نفس و حست انه روحها توجعها ،
قامت بسرعه اخذت شنطة صغيره وبدت تجمع ملابسها وبتروح بيت أهلها تبغى ترتاح كم يوم ع الأقل تلتهي شوي عن التفكير اخذت العبايه ولبستها و طلعت من الغرفه وكان بوجهها زياد يلي قاعد فوق الكنبه
لف عليها اول ما فتحت الباب كان بيتكلم لكن انصدم انه لابسه العبايه وتسحب شنطه بيدها وقف بسرعه وتقدم لها : وش هذا ؟
ليان : بروح بيت اهلي يومين و ارجع
زياد : فوق ما انتي مسكره باب الغرفه كل الليل وحرمتيني انام جنبك رايحه بيت اهلك ؟
ليان : احس راسي بينفجر يا زياد و ابغى ارتاح يومين
زياد انقهر منها لكن بين العكس : امرك عجيب جداً ، رغم انه شرحت لك كل شي و لا كذبت عليك ابدا و بالمقابل عاندتيني وسويتي كل يلي براسك ، لكن ما بوقف بطريقك الله معك و اذا تبي تقعدي أسبوع براحتك
ليان حست بشي يخنقها تمنت لو يراجعها او يمنعها ويحلف عليها ما تطلع لكن صار العكس
زياد سرح فيها وبعيونها المليانه دموعه قرب لها وحضنها
ليان قُربه لها هالكثر و ريحة عطره يلي تركت اثر ع عبايتها حست انه في شي يخنقها اكثر همست : زياد
زياد ابعد عنها : يلا مشينا
ليان نست وش كانت بتقول من رده الجاف هزت براسها و مشت اخذ الشنطه من يدها و نزل قبلها بسرعه
ليان للحظة حست بندم انه بتمشي تمنت لو يرجع الزمن ساعه كان ما فكرت انه تطلع من البيت ، طلعت السياره وجلست هاديه وسرحانه حست مافي كلام يوصف مشاعرها فزت وقت زياد يناديها ويمد لها القهوه
ابتسمت : شكراً
زياد : حلو شفنا سنونك ع الأقل
ليان اخذت نفس وحست بشي يخنقها وهي تشوف بيتهم ناظرت زياد بعيون دامعه ومنتظره منه يقول أي شي
زياد وقف السياره قدام الباب ولف لها وهو يدري انها زعلانه ويدري انه نار الغيره شابّه بصدرها : استودعتك الله ، غيري جو وانبسطي عند اهلك و اذا تبين روحي عند سحاب
تفاجئت وقت قالها روحي عند سحاب : اروح عند سحاب غريبه انت تقولي إياها؟
زياد : لانه ادري انك تحبيها ومحد يونسك كثرها عشان كذا ابيك تكوني مبسوطه
ليان هزت راسها و نزلت من السياره اول ما نزلت دموعها نزلت وحست كانها بتموت ،
زياد ناظرها لين اختفت عن انظاره خبط الدركسون بقوه : لعنبو الحب يلي يلعب فيك يا زياد.
.
ملاذ صحت من النوم ناظرت الغرفه و ابتسمت انها ببيتها اختفت ابتسامتها وهي تتذكر امس وقت ذياب حكى لها كل شي من طلاق لينا و مرضها و زواج طلال ومرض ولد الاء وسبب طلاق سحاب ، اخذت نفس : والله فاتك الكثير يا ملاذ
لفت يمينها وما شافت ذياب جنبها ناظرت الساعه وكانت عشره الصباح ، قامت من فوق سريرها و دخلت الصاله وشافت كرسي المكتب فاضي دخلت غرفة الملابس ولا لقيته همست : وين راح؟
دخلت الحمام غسلت وجهها و طلعت وقفت قدام التسريحه وهي تناظر شعرها يلي طوله صاير بوي قربت راسها وهي تفتش في شعرها وشافت مكان العمليه : يارب لك الحمد يلي قمت منها ..
لانها تدري هالعمليه خطيره ونجت منها ب اعجوبه
انفتح باب الجناح وناظرت ذياب كان داخل وشايل صينيه بيده اول ما شافها صاحيه ابتسم بحب وحس شوفتها زرعت بقلبه الأمان : صباح الخير ي ملاذي
ملاذ ناظرته بصدمه : ذياب ! وش ذه مسوي لي الفطور ؟
ذياب حط الصينيه ع الطاولة وتقدم لها حضنها : ايه روحي وليش مستغربه ؟

🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄