🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 221 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍄🍃

ملاذ ابتسمت بخجل : الظاهر انا مو بس فاقده جزء من ذاكرتي انا حتى ما أتذكر ل أي مرحله من الحب وصلنا
ذياب هز راسه : اممم ، طيب شي حلو انك ما تتذكرين ، وبنعيش الحين مرحله حب ثانيه و احلى من الأولى ، لكن انا وياكي تعدينا مرحلة الحب وصلنا للعشق والهيام حتى أتوقع تعديناهم و وصلنا لمرحله انه ما اقدر أعيش بدونك
رجف قلبها بطريقه جنونيه وكانها اول مره تسمع هالكلام
ذياب مسك يدها وجلسها فوق الكنبه وبدا ياكلها وملاذ بس سرحانه فيه وتسال نفسها كيف ذياب صار كذا ! صح عاشت معاه أيام حلوه لكن مو لهالدرجه
ذياب : قولي لي وش تفكرين ؟
ملاذ رفعت كتوفها: ولا شي ، ما ادري يعني احس انىِ توني اعرفك كويس وقاعده أعيش هالمشاعر وكانها اول مره ، مو قادره أتذكر شي أساسا مافي شي يخطر ببالي
ذياب حس بخوف : ملاذ لا تتعبين نفسك بالتفكير وش قالك الدكتور !
ملاذ تنهدت : ادري ادري ، خلص ما عاد بفكر بشي
ذياب : يلا كولي كويس عشان ترجعي تسمني شوي
ملاذ نزلت راسها تناظر جسمها : صح نحفت مرا بس لايق علىِ
ذياب : انتِ كل شي يلوق عليك سبحان من خلقك با اكمل صوره
ملاذ ضحكت : شوي شوي على قلبي أخاف ادخل بغيبوبه مره ثانيه بسبب غزلك
ذياب باس يدها : بسم الله عليك ، انا ما صدقت انه صحيتي
ملاذ ابتسمت وقربت وباست خده : رغم كل شي صار الا انه مبسوطه ما ادري ليه بس يلي اعرفه ارتاح بوجوك معاي يا ذياب ، لا تتركني .
.
لينا كانت قاعده بالصاله وتفطر سمعت صوت الجرس وتفاجئت مين يلي بيجي هالوقت فتحت العامله الباب و دخلت ليان وهي تسحب شنطتها
لينا ابتسمت اول ماشافتها : يا هلا والله
ليان تقدمت وحضنتها بقوه وبكت ، لينا خافت وابعدتها عنها : ليان ليش تبكين خير وش صاير ؟
ليان وهي تمسح دموعها سكتت وهي تشوف وجهه لينا كل حبوب ونست هي ليش تبكي : لينا وش فيه وجهك ليه كذا احمر ؟
لينا ضاق صدرها : ما ادري حتى جسمي كله كذا ويحكني مررا واذا حكيت يصير كانه حرق
ليان جلست وهي مصدومه : ليه طيب ؟ ما رحتي للدكتور لا يكون من كليه طلال
لينا ضحكت : لا مو من كلية طلال وش دخلها، بس الدكتور قال يمكن الادويه الكثير يلي اخذتها وعطاني كريمات وصابون وان شاء الله ينفع
ليان : غريبه والله
لينا اختفت ابتسامتها : شكلي متشوهه ؟
ليان بلعت ريقها : مو متشوهه بس حتى لون بشرتك مايل على وردي ، ماعليه ي روحي مع الكريمات بيروح لاتنسي انه مريتي بفتره صعبه والحمدلله يلي انتِ بخير
لينا : الحمدلله ، الا وش جابك الحين وجايبه شنطتك غريبه بتنامين
ليان تذكرت زياد ودمعت عيونها
لينا خافت عليها : وش فيك يا ليان وش صاير بينك انتِ و زياد ؟
ليان تنهدت بضيق و حكت لها كل شي صار ختمت كلامها وهي تمسح دموعها : ما كنت ادري انه الغيره توجع القلب هالكثر
لينا ضاق صدرها وتذكرت دانه ويلي حارق قلبها يوم درت انها حامل حست انه قلبها بينفطر من الوجع ولا هي قادره تتخطى كل ما تقول نست طلال يرجع يصير شي ويحرق قلبها اكثر دمعت عيونها بدون لا تحس وحست جملة ليان حرقت روحها اكثر
ليان خافت من دموع لينا : لينا ليش تبكين ؟
لينا : ما ادري كذا احس موجوعه
ليان : بسم الله عليك وش صاير لك ؟
لينا : قاعده افكر من يوم دانه دخلت حياتي ما لقيت الراحه قلت بطلق وارتاح بالعكس تطلقت وزدت سوء كل شوي اطلع بمرض حتى صحتي تدهورت مو بس نفسيتي
ليان : ما فهمت تلمحين لشي ؟
لينا ناظرتها : شاكه بشي بس والله ماني قادره حتى انطق الكلمه احسها كبيره ويمكن اظلم دانه
ليان : يمكن ساحرتك ؟
لينا هزت راسها : ايه ، و امس امي تقول بتوديني لشيخ كنت رافضه بس اليوم وقت شفت وجهي بالمرايه قررت اروح !
ليان : ايه روحي ليش لا، أصلا انا للحين مصدومه انه طلال تزوج نسيتي كيف كان يحبك وللحين يحبك اكبر دليل يوم درى انك تعبانه تبرع لك
.
عند ذياب و ملاذ ؛
كانو قاعدين بحديقة الفيلا فارشين فرشه بالأرض و قاعدين عليها ملاذ سوت قهوه و ذياب طلب الحلا و طبعا كل سواليفهم عن الماضي ،
رن جوال ذياب و كانت شيخه تطمنت عليهم و عزمتهم اليوم الثاني ، ذياب سكر منها و ناظر ملاذ : هذي امي تقول بكرا نروح عندهم شرايك ؟
ملاذ : ايه عادي نروح
ذياب ابتسم وهو سرحان فيها
ملاذ : شفيك كذا تناظرني ؟
ذياب ضحك : عاد مشتاق لك والله ، وش اسوي ما اصدق انك قاعده قدامي
ملاذ شدت ع يده : ذياب ترا انا بخير لا تخاف علىِ

🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄

🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 222 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍄🍃

ذياب قرب لها وحضنها بقوه : وش اسوي انا ما أخاف من أي شي بالدنيا حتى الموت ما أخاف منه انا أخاف من فقدانك يا ملاذ والله العظيم انىِ كنت انام على منومات بغيابك
ملاذ دمعت عيونها وابعدت عنه شوي باست خده بلُطف : يا عمري انت ، انا من اليوم جنبك ما رح اتركك ابدا أساسا ما اقدر أعيش بدونك يا ذياب
ذياب باس خدها بقوه : اخ والله انك لذيذه الذ من الحلا
ملاذ ضحكت بصوت : لا عاد ، اسمع بقولك اول لمن كنت اكلم امي وانت تغير ملابسك شفت جرح بصدرك وش ذه .. رفعت تيشرته وهي تتاكد منه
ذياب : ما تتذكرينه ؟
ملاذ : لا وشو ؟
ذياب وهو يتحسس الجرح : لمن رحت اشوف سعود وهو اطلق علىِ النار
ملاذ شهقت : من جدك ؟
ذياب ضحك : شفيك تراه ماضي و اصدمك بعد كنتي هذاك اليوم مناوبه وسويتي لي العمليه
ملاذ فتحت عيونها بصدمه : لا عاد مستحيل انا اجرحك
ذياب : سويتيها لانك دكتوره شاطره
ملاذ ابتسمت بفخر : عاد اشتقت للمشرط والمقص
ذياب قرص خدها : هالفتره ارتاحي وبعدين ارجعي لدوامك
ملاذ : ايه و انا قلت كذا برتاح هالفتره أساسا كل يوم انصدم بسالفه صارت ، كل شي تخطيته الا طلاق سلطان و سحاب لانه كنت ادري سلطان شكثر يحب سحاب ويلي بصراحه انفجعت منه مو بس انصدمت انه سحاب تخلت عن سَعد
ذياب لمن تذكر سالفه سحاب ضاق صدره : ايه والله الله يهديها الظاهر انها داخله بمرحلة اكتئاب
ملاذ : ذياب بسألك خلال هالفتره الماضيه انا ليش ما حملت ؟
ذياب حس الكلمه الجمته ولا عرف وش يرد عليها
ملاذ كملت : اقصد انا كبيره بالعمر وانت بعد كبير وهذا الوقت يلي نجيب فيه عيال !
ذياب ابتسم رغم انه قلبه هاللحظة يبكي دم : ربي ما كتب لنا ، ان شاءالله ربي يرزقنا
ملاذ ابتسمت : ان شاء الله، عاد اول بنت لي بسميها ريلام
ذياب حس بجمره وسط بلعومه همس : ان شاء الله .
.
آلاء خلصت ترتب سريرها اخذت المعطر وعطرته واستنشقت الريحه لين حست ب انتعاش ،
نواف طلع من الحمام وهو ينشف شعره : ماشاءالله اليوم صحيتي نشيطه
آلاء قربت عليه وباست خده : نعيماً ل احلى زوج بالدنيا كلها
نواف : اوف اوف اليوم راضيه عني تمام الرضا
آلاء: لا عاد مو بس اليوم ترا كل يوم راضيه عنك بس اليوم مبسوطه ملاذ وذياب بيجون عندنا وبنتغدا كلنا عاد من زمان ما قعدنا سوا احس اشتقت للمة العايله
نواف : و انتي صادقه والله
آلاء : نواف اليوم دخلت بالشهر الثامن باقي شهرين ويمكن اقل على ولادة طفلنا
نواف باس خدها : الله يقومك بالسلامه انتِ وياه
الاء اخذت نفس : امين يارب ، عاد في جانب متحمس جدا وفي جانب خايف صح انا واثقه بربي بس ما ادري الأفكار السلبيه كل يوم تزورني
نواف : اجل لمن تزورك لا تقبلي تدخليها اطرديها
آلاء ضحكت : نواااف
نواف : يا عيون و روح نواف
آلاء: تدري عاد احس بخاطري نسافر هرموناتي تحتاج سفر
نواف ضحك : من زمان عن هرموناتك الظاهر كانت نايمه والحين صحت
آلاء خبطت كتفه : لا تتمسخر كل ما أقول شي تتمسخر وتضحك ترا بزعل
نواف : انتِ بس اشري وأمري و انا انفذ لك كل طلباتك يا سيدة قلبي ، قولي حبيبة نواف وين بخاطرها تروح ؟
آلاء وهي تفكر : اممم ، شرايك سويسرا احس هرموناني تبي طبيعه ومعاها بحيره وهواء نقي عشان اخذ نفس عميق بالهوا الطلق و استعد للولاده
نواف ابتسم وهو يشوفها تضحك وتسولف مثل قبل قرب لها وحضنها بقوه : صح بطنك صاير يضايقني بالحضن لكن شسوي امري لله
آلاء تعلقت فيه : خلص تراجعت ما ابي اسافر اكتشفت انه حضنك الاقي فيه راحتي و ريحتك هي الهواء النظيف لرئتي
نواف حس قلبه فراشات من كلامها ابعد عنها والابتسامه شاقه وجهه : اليوم بتجننيني بكلامك المعسول
آلاء ضحكت : ليش وش قلت ؟ ترا ما قلت الا الحقيقه
نواف : و انا أقول انه الحقيقه انك اجمل ما خلق ربي احس حرام تمشين ع الأرض
آلاء: خلص انا لازم انزل بسرعه لانه بصراحه قلبي ما يتحمل الغزل من الصباح لو اسمع اكثر بيغمي علىِ
نواف ضحك : لو تبين اشيلك بحضني و انزل ما عندي مشكله
الاء اخذت شيلتها وغطت ع راسها وهي تضحك : لا ياروحي انا بنزل لحالي بس لا تتاخر باقي شوي ويوصلو ملاذ وذياب
نواف : الحين بلبس و اجي
الاء كانت بتطلع لكن وقفت وقت ناداها لفت عليه : لبيه
نواف : والله انىِ احبك
ارتسمت اكبر ابتسامه ع وجهها : و انا بعد يا روح آلاء.

🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄

🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 223 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍄🍃

الكل كان قاعد ع السفره وهالشي افتقدوه من ثلاثه اشهر و اكثر من يوم ملاذ سوت الحادث ذياب ما قعد مع اهله ابدا ، اول ما جلس ع الكرسي وشافهم كلهم متجمعين حس بمشاعر دفئ الاهل
عبدالناصر كانت الابتسامه شاقه وجهه: يا حيّا الله بنتي ملاذ نورتي البيت
ملاذ ابتسمت : الله يحيّيك يا عمي ، البيت منور فيكم
شيخه : تصدقين من سويتي الحادث ذياب ما قعد معنا على سفره
نواف : هي يا يمه جت ع السفر ما كنا نشوفه حتى ما عرفت انه عنده اسنان الا يوم صحت ملاذ
كلهم ضحكو لكن ملاذ حست بمشاعر حب كبيره تجاه ذياب وبنفس الوقت حزنت عليه انه تعذب كثير بغيابها لفت عليه و اكتفت بنظرات مليانه حب و غرام
دانه حست انها مطنشه منهم وقررت انه تتقرب من ملاذ دام ما تعرفها : ملاذ رجعتي لدوامك ؟
ملاذ : لا ، هالفتره قلت برتاح أساسا كل ما يصير شي و أحاول أتذكر احس بصداع و اتعب اكثر
آلاء: ايه صح لاحقه ع الشغل
ملاذ حطت كاسة العصير : وين سحاب ؟
شيخه اختفت ابتسامتها : سحاب تعبانه ، والله ما ادري شفيها البنت داخله باكتئاب ما بعد الولاده
ذياب : طيب ما تطلع من غرفتها ابدا؟
طلال : لا ، ولا تبي احد يدخل عندها
عبدالناصر بضيقة صدر : اتركوها بحالها يلي عاشته ماهو سهل ولا يتخطى بيوم ويومين .
__
بعد مرور ساعتين ؛
كانو الحريم قاعدين لحالهم بالصاله والرجال بالمجلس ملاذ حست بصداع شديد استأذنت منهم و طلعت جناحها دخلته وهو مثل ماهو ما تغير شي وقفت عند الشباك وهي تناظر الحديقه والمسبح ابتسمت من جمال الورد اخذت جوالها و راسلت رساله لذياب
" انا بجناحنا احتاجك حبيبي"
ذياب كان قاعد مع ابوه و اخوانه اول ما وصله اشعار وفتحه فز قلبه وحسه انه ملاذ فيها شي وقف بسرعه و طلع جناحهم بسرعه فتح الباب وشافها واقفه عند الشباك قرب لها وحضنها من الخلف وباس كتفها : انتِ بخير ؟
ملاذ لفت فيه وحضنته : ايه ي روحي بس حاسه بصداع قعدت معاهم وسولفو عن أشياء كثيره ولا قدرت أتذكر احس تعبت
ذياب : اذا تبينا نرجع بيتنا مشينا الحين
ملاذ : لالا ، بس قلت بنام شوي و ابيك تكون معاي ،ادري كنت قاعد معاهم بس
ذياب قاطعها : ابرك الساعات يلي اكونها معاك ، عاد لو احضنك وش يصير بقلبي .. مسك يدها ومشي لسرير نام وحط راسها ع صدره
ملاذ تعلقت فيه وحست بالأمان رغم الضوضاء يلي تعيشها براسها وهي تحاول تتذكر الا انه لمن تحط راسها بحضنه وتشمّ ريحته تنسى كل شي وتحس انها تنتمي لذياب
ذياب باس راسها بحب : والله ما ارتاح الا بقُربك .
.
دانه
جلست جنب طلال بطرف السرير : طلال حبيبي
طلال نزل الجوال : نعم
دانه : وش هذي نعم ! وين هلا بحبيبتي وهلا بروحي
طلال : تبين شي يا دانه ؟
دانه دمعت عيونها : طلال شفيك صاير كذا جاف معاي ، ترا انا دانه يلي تحبها
طلال : مافيني شي بس تعبان
دانه : لا انت مو تعبان اشوفك مع اهلك تضحك وتسولف واذا جيت عندي قلبت وجهك صاير شي ؟
طلال تافف وجلس : دانه قلت لك مافيني شي وبعدين قلت اتركك بحالك لانك حامل وتحتاجين الراحه
دانه : ماشاءالله هذا مفهوم الراحه عندك ؟ انك تتركني؟
طلال مسك يدها لمن شاف دموعها : دانه الفتره الماضيه ما كانت سهله لنا كلنا ، شي طبيعي انه ببعد عنك
دانه : طيب شرايك نسافر ونغير جو ؟ تدري نحنا ما سوينا شهر عسل ودخلنا ع المشاكل والهواش
طلال : ما اقدر انا توني بعد عمليه وغير كذا الشغل متراكم ، خليها لبعدين
دانه حست بغصه من كلامه ونفوره منها همست : انت تحبني يا طلال او لا ؟ ترا تغيرت ما عاد انت طلال يلي اعرفك وحبيتك وحبيتني ؟
طلال انصدم من سؤالها ولا قدر يجاوبها ويلي يعرفه انه ما عاد يحس باللهفه والاعجاب تجاهها لكن ما يكرها!

🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄

🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 224 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍄🍃

عند آلاء؛
لبست فستان ناعم وبسيط ويتناسب مع كُبر بطنها ، فتحت شعرها لكن اول ما تذكرت شعر ملاذ رفعته بسرعه ما تبيها تزعل و تتحسف انه حلقو شعرها وقت العمليه ، اخذت من عطرها و رشت لين كحت بصوت : اخ كثرتي يا آلاء
نواف دخل الغرفه و ابتسم من جمالها ميل جسمه ع الباب وتكتف وسرح فيها وبملامحها الجميله
آلاء لفت عليه و ابتسمت : نواف متى جيت ؟
نواف تقدم لها وحاوط خصرها
الاء ابتسمت بخجل وقرصت خده : اخخ كيف صاير حلو احس توني بديت اتوحم عليك
نواف رفع حاجبه : لا بدري بتولدين وتقولي تتوحمين علىِ ! انتِ عايشه بالعالم الاخر
آلاء ضحكت : مدري احسك صاير حلو ولذيذ وجميل وكشخه و رزه وكل شي
نواف ضحك بصوت وباس خدها : صدقيني ماني لذيذ كثرك .. حط يده بجيبه وطلع الجوال ورفعه لوجهها : ها شرايك ؟
الاء وهي تقرا فتحت عيونها بصدمه ناظرت نواف وهي مصدومه : من جد والا تستهبل فيني ؟
نواف : لا والله بعد ثلاث أيام بنسافر سويسرا عشان تغيرين جو وتستنشقين هواء نظيف بالجو الطلق يا سيدة قلب نواف
آلاء ضحكت وحضنته بكل قوتها ما توقعت ابدا انه بيسافرو قالتها بمزح وهي فعلا تحتاج تغير جو لكن ما توقعت انه بيصدقها ويحجز تذاكر وكل شي
نواف ابعد عنها وباس جبينها : انتِ تستاهلين كل شي ومهما اعطيتك احس قليل بحقك ، لانك سيدة قلبي.
.
ملاذ بعد ما نامت بحضن ذياب صحت و صلت العصر و لبست جلابيه ناااعمه جدا وقفت قدام المرايه وسوت لها مكياج ناعم اكتفت بمسكارا و روج وبلاشر ، رفعت يدها لشعرها و امتلت عيونها بالدموع تمنت لو بيدها عصا سحريه تخليه يطول بيوم وليله ..
ذياب كان يناظرها و انتبه لعيونها وقف وراها بالضبط وناظرها بالمرايه ابتسم ابتسامه من عذوبتها ابتسمت ملاذ ونست حزنها
باسها : كل يوم تزيدين جمال بفهم بس انتِ تاكلي من اكلنا ؟
ملاذ ضحكت ولفت عليه: اممم صدقني اكل من اكلكم بس انت عشان تحبني تشوفني حلوه
ذياب : اخخ بس ياليت حلوه وبس قسماً بالله انسى مين انا قدام عيونك احس انىِ مراهق
ملاذ رفعت يدها وهي تلعب بشعر وجهه: شوي شوي ع قلبي يا ذياب
ذياب : والله انتِ يلي ارحميني احس خلص قلب واحد ما يكفي لحبك ابي قلب ثاني عشان احبك اكثر
ملاذ : ذياب بسالك كيف شكلي وشعري كذا ؟
ذياب : انتِ يلي تزيدين الشعر جمال مو هو يلي يزيدك ، انا كل ما اشوفك أقول سبحان من خلق الجمال وجمّلك
ملاذ حطت راسها ع صدره من الخجل : خلص يكفي احس استحيت
ذياب ضحك : افا بس استحيتي اجل انتِ لو تشوفين قلبي وش بتسوين
ملاذ رفعت راسها : اول شي ببوسه
ذياب قرب خده : ابداي بخدي والله انه انا اتلهف ع البوسه منك
ملاذ ضمته بقوه و اخذت نفس عميق كل ما تحضنه تحس انها ترجع للحياه بقوه وبطاقه ايجابيه ، وهمست عند اذنه : والله انك سيد القلب و اغلى احبابه
ذياب همس لها : يشهد الله رغم ثقليّ ما ارتخيت الا معك
ملاذ أبعدت عنه : لو بيدي بخلي هاليوم كله غزل لكن لازم نسوي سكيب ونروح نشوف سحاب ونتطمن عليها
ذياب : اخ بس امري لله ، يلا مشينا ..
وقف ذياب قدام باب غرفة سحاب وناظر لملاذ : اذا قالت أي شي يزعل عشانك اخت سلطان لا تزعلين داريها
ملاذ هزت راسها وهي مبتسمه ، ذياب دق الباب ودخل وشاف سريرها فاضي دخل غرفه الملابس وشافها فاضيه ناداها ولا جاء رد هاللحظه حس قلبه رجف ما يدري ليه حس بخوف عليها
ملاذ دقت باب الحمام ونادتها ولا جاء أي رد
ذياب ناظر ملاذ وفتح الباب بقوه وشاف يلي ما تمنى انه يشوفه حس بغمامه سودا تمشي على عيونه غمض وفتح لا اكثر من مره وهو يشوف نفس المنظر ،
اخته الوحيده بوسط البانيو والمويه اختلطت بالدم وصار لونها احمر شفايفها زرقاء وعيونها مفتحه لفوق وتحتضر الموت !
ملاذ حطت يدها ع فمها من قوة الصدمه وهمست : انتحرت!

🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄

🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 225 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍄🍃

عند سحاب ؛
قبل ساعه من حادثة الانتحار ..
صحت من نومها وكالعاده تتألم من وجع العمليه لانها نامت بطريقه غلط غمضت عيونها و دموعها نزلت لا إرادياً رفعت بلوزتها وكشرت وهي تشوف الجرح صار لونه احمر ومبين انه التهب ،
تأففت بضيق وقامت بصعوبه من فوق سريرها مشت بخطوات هاديه وناظرت نفسها بالمرايه ،
مرت خمس دقايق كانت لحظه صمت وتأمل لسحاب رفعت يدها وهي تمرر اصابعها على وجهها وشعرها حست انها كبرت عشرين سنه !
هالاتها صارت كبيره وغامقه بشرتها باهته شفايفها جافه ومتشققه شعرها منفوش ولا تتذكر متى اخر مره مشطته حاولت انها تبتسم لعلى ملامحها تتغير لكن صار العكس وبدت تبكي بطريقه هستيريه وكل شوي صوتها يرتفع وشهقاتها تعلو ،
قربت اكثر ولصقت وجهها بالمرايه رفعت كفوف يدها وخبطت المرايه بقوه وتكلمت بصوت موجوع صوت مكسور: ليش ! ليش ياربي يصير فيني كل هذا ! ليش يارب ! انا والله حبيت سلطان من كل قلبي صح مشيت بالبدايه بطريق ما يرضيك ولا يرضى اهلى ولا يرضى مبادئي بس ما استاهل يصير فيني كل هذا، تعبت والله تعبت
رفعت كفها وخبطت المرايه بكل قوتها مره ومرتين وانكسرت بالمره الثالثه ، فزت بخوف وقت شافت الزجاج تناثر بالأرض ناظرت فيه وسرحت بقطعه صغيره انحنت لها و اخذتها وفي بالها الف قصه وحكايه !
مشت للحمام فتحت المويه للبانيو ودخلت بملاسها نامت والمويه بدت تغطي جسمها رفعت قطعة الزجاج وهي تناظر فيها وبطرفها الحاد بدقه رفعت يدها الثانيه وحطت الزجاجه على وريدها ما ترددت ولا للحظه ولا فكرت بالاخره ولا فكرت بمصيرها بنار جهنم مررتها بقوه لين الدم طفش بقوه وطاحت الزجاجه من يدها وحست كل جسمها طاح ،
ناظرت السقف وعيونها مفتحه ع الآخر هاللحظة ادركت فعل مصيبتها حاولت انها تصرخ ما قدرت حاولت ترفع نفسها ولا قدرت المويه بدت تغطي وجهها
عيونها مفتحه للاخر شفايفها بدت تزرق وضغطها نزل جدا ، سيدي حياتها مّر قدام عيونها وكل شي عاشته تذكرته بثواني ،
اغمضت عيونها لا ارادياً وبدت تستسلم لضعف جسدها وضعف إيمانها بالله عزوجل !
هاللحظة ذياب فتح الباب وحس اطرافه بردت من بشاعه المنظر يلي قدامه
ملاذ شهقت بصوت وناظرت ذياب : انتحرت!
ذياب تقدم بسرعه رفعها من البانيو وكل جسمه يرجف خبط وجهها بقوه : سحاب سحاب
ملاذ رفعت يدها وشافت الجرح ضغطت عليه بقوه بيدها واليد الثانيه سحبت شماغ ذياب و ربطت الجرح قاست لها النبض
و ذياب ناظرها وتكلم بصوت راجف : قولي عايشه قولي ما ماتت؟
ملاذ هزت راسها: في نبض في نبض بس ضعيف جدا لازم ناخذها الحين المستشفى ما نقدر ننتظر الإسعاف يمكن تموت ..
وقفت وكملت كلامها : البس العبايه بسرعه و اجي معاك ..
دخلت غرفه سحاب وفتحت الدرج وسحبت اول عبايه لبستها و ذياب حط يد عند رجل و اليد الثانيه بظهرها و قف وملاذ فتحت له الباب و نزل الدرج بسرعه و ملاذ تجري وراه
الكل وقف بخوف وكل واحد يسال وش فيها سحاب ؟ وش صاير ؟
ذياب تكلم بصوت جهوري قدام الكل : سحاب انتحرت..
طلع من البيت بسرعه ملاذ فتحت له باب السياره ركب وسط وسحاب بحضنه ملاذ طلعت و شغلت السياره حست بصداع قوي وهي تشوف الدركسون مسكت راسها
ذياب انتبه لها حط سحاب بهدوء و نزل بسرعه فتح الباب وسحب ملاذ و نزلها : خليك انتِ جنبها ما عندي القوه أخسركم الثنتين بنفس اليوم
ملاذ هزت راسها و طلعت بسرعه و رفعت راس سحاب لحضنها و رجعت تقيس نبضها ثاني مره ،
ذياب مشي بأقصى سرعه كان يتخطى كل السيارات ياي قدامه ويقطع اكثر من أشارة ويدعي من كل قلبه انه اخته تعيش ما تموت منتحره ونهايتها نار جهنم
وصلو المستشفى ونزل ذياب رمى المفتاح للامن وشال سحاب لحضنه و دخل وهو يجري للطوارئ ويحس الأرض انعوجت تحت اقدامه طاح ع ركبه وصرخ بصوت : ساااعدوني
كل يلي بالطوارئ طلعو رفعو سحاب لناقله و دخلوها احدى الغرف
ملاذ تكلمت بصوت مسموع : قطعت شريانها باليد اليسرى ، نبضها جداً ضعيف تحتاج غرفه عمليات جهزوها بسرعه ..
طلعت من الغرفه و شافت ذياب بنفس الوضعيه ضاق صدرها و تقدمت له بسرعه و مدت يدها و رفعته من الأرض مسحت ع جبينه و صبت له مويه : ذياب حبيبي تكفى كون قوي شوي
ذياب اخذ نفس و مسح ع وجهه : وينها ؟ عايشه ؟
ملاذ : شوية إجراءات والحين بتدخل العمليات ، تطمن عايشه
ذياب شد ع يد ملاذ : ادخلي معاها ، تكفين ملاذ سحاب لا تموت ، سحاب صغيره حرام تموت بهالطريقه !
.
#يـــــتـــــــبــــــــــع...

🚫 يسعدنا مشاركة الرواية ولكن لا نسمح بحذف توقيع القناة 🚫

https://www.tg-me.com/joinchat-AAAAAD1p6TqBBTyITQumpA

🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄

🪸🍃🪸🍃🪸
🍃🪸🍃🪸
🪸🍃🪸
🍃🪸
🪸 226 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍃🪸

الكل وصل المستشفى وهم تايهن ولا عارفين وش صار ، كلمة ذياب " سحاب انتحرت "
زرعت الخوف والرعب بقلوبهم رغم انهم ما شافو الدم ولا دخلو حتى جناحها لبسو عباياتهم وطلعو المستشفى ..
شيخه شافت ذياب واقف ومنتظر تقدمت له وهي تبكي خبطت صدره بقوه وهي ترجف : وش تقول انت ؟ اختك وينها ؟ بنتي سحاب وش صار فيها ؟ وش يلي انتحرت؟
ذياب مسك يداتها وشد عليهم : يمه اهدي شوي
عبدالناصر : وش صاير يا ذياب فهمني بنتي وينها وش يلي انتحرت ؟
ذياب مسح ع وجهه بضيق : كانت بالبانيو وقاطعه شريانها الحمدلله يلي لحقناها ، هي بالعمليات و ملاذ دخلت معاها صار لهم نص ساعه ولا احد طلع و طمني عنها
شيخه حست الدنيا ظلمت بعيونها حست بغمامه سوداء استوطنت عيونها تعثرت خطواتها وطلال مسكها بسرعه وجلسها ع الكرسي
نواف قرب من ذياب : انتحرت من صدق ؟ كان في دم ؟ معقوله سحاب تنتحر ؟
ذياب هز راسه بضيق : ايه سوتها لانها وصلت لهالمرحله من الاكتئاب
شيخه كانت تبكي بصوت مسموع ولا احد قدر يهديها حطت يدها ع راسها وهي تداري الصداع يلي جاها : انا من وين الاقيها بس !كل ما احد من عيالي يتحسن الثاني يصير فيه شي انا والله تعبت ما عاد اقدر اتحمل هذي اخرتها بنتي تنتحر !
عبدالناصر رغم ضيقة الصدر يلي فيه والخوف من انها تموت منتحره حط يده ع كتف شيخه وتكلم بصوت مخنوق : ادعي لها ، ادعي لها ربي يكتب لها عمر ثاني !
.
بغرفة العمليات ؛
ملاذ كانت واقفه وتناظرهم وهم يخيطو الجرح غمضت عيونها بقوه وبدت تتذكر أشياء كثيره من غرفة العمليات
مسكت راسها بقوه وكانها تحاول تثبت المشاهد فتحت عيونها بصدمه وهي تتذكر يوم شقت صدر ذياب دمعت عيونها وحست بنفس المشاعر يلي حست فيها بهذيك اليوم ، صحت من افكارها وقت ناداها الدكتور لفت عليه بخوف : نعم
الدكتور ابتسم : الحمدلله سحاب بخير و نبضها رجع طبيعي ، صح نزفت كثير لكن عوضناها الدم يلي خسرته لكن سحاب لازم تتحول ع طبيب نفسي
ملاذ ابتسمت وهزت راسها : شكرا دكتور ..

كانو كلهم قاعدين قدام باب العمليات وينتظرو ملاذ تطلع وتطمنهم
عبدالناصر رغم ثباته وقوته الا انه حاس بشي يخنقه خايف انها تموت منتحره وتخسر الدنيا والاخره..
ملاذ ضغطت الزر وطلعت من العمليات شافت كل اهل ذياب وحالتهم حاله
شيخه وقفت ومسكتها من يدينها : قولي سحاب عايشه قولي ما ماتت انتحار
ملاذ ابتسمت : سحاب بخير يا خالتي و ربي كتب لها عمر جديد بس تصحى بينقلوها لغرفة خاصه
عبدالناصر اخذ نفس عميق و ابتسم لف عنهم ومشي بسرعه رمي شماغه للأرض وهو يحس مو قادر يتنفس طلع من المستشفى وجلس ع الرصيف فتح زراير ثوبه و رفع راسه لسماء وهمس بضيقة صدر : يارب لك الحمد يلي كتبت لها عمر جديد ..
غمض عيونه وتذكرها وقت ولدت وسماها سحاب وقالهم هذي مو بس سحابتي هذي سحابة البيت ، تنهد بضيق وهو يحاول يفكر كيف يبدا يعالجها من الاكتئاب يلي هي فيه !

ملاذ ناظرتهم كلهم : سحاب لمن تصحى محد يسالها ليش انتحرت، ترا هي تمر بمرحله اكتئاب حاد وهالشي خلاها تنتحر رح احجز لها عند دكتور نفسي و راح يقابلها اول ما تصحى
شيخه هزت راسها وهي تبكي : ما عاد بتركها لحالها ابدا
نواف بقهر : كله من سلطان الحقير ..
ناظر ملاذ وهي ناظرته بنفس اللحظه انقهرت من الكلمه لكن كتمت قهرها
نواف : معليش بس يلي صار بسحاب
ملاذ قاطعته : لا المكان ولا الوقت مناسب لكن بالعلاقات الزوجيه ما نحكم من طرف واحد ، غرفة سحاب رقم 210 انتظروها هناك ..
لفت لذياب و تذكرت وقت اتصاوب تكلمت بنبره كلها حنيه وحب : ذياب ابيك شوي ، تعال معاي ..
مسكت يده ومشت ومشى معاها و دخلت احدى المكاتب الموجود سكرت الباب وضمته بقوه
ذياب تفاجأ منها و ابعدها شوي : ملاذ
ملاذ رفعت ثوبه وشافت الجرح بصدره دمعت عيونها وباسته
ذياب كان مصدوم من حركتها ومن دموعها : ملاذ وش فيك يا عمري؟
ملاذ مسحت دموعها و ابتسمت : وقت كنت بغرفه العمليات تذكرت وقت اتصاوبت
ذياب رجف اقصى عرق بقلبه همس : وش تذكرتي؟
ملاذ هزت راسها بالنفي : هذا بس يلي تذكرته ما قدرت أتذكر شي ثاني.

🪸📚 @storykaligi 🪸📚🖋
🍃🪸
🪸🍃🪸
🍃🪸🍃🪸
🪸🍃🪸🍃🪸

🪸🍃🪸🍃🪸
🍃🪸🍃🪸
🪸🍃🪸
🍃🪸
🪸 227 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍃🪸

ليان كانت قاعده بالصاله و الجوال بيدها ومنتظره أي اشعار من زياد لكن ما وصلها أي شي منه ، مرت يومين ولا تدري عنه بشي ولا هو يدري عنها بشي حست انها بتموت تبي أي شي تسمعه عنه مالقت الا انها تتصل لغرام ع الأقل تطمن عليه اذا هو بخير او لا ..
غرام كانت قاعده مع أمها و اختها و زياد والجلسه هاديه لين رن جوالها و ابتسمت : هذي ليان
زياد فز قلبه و ابتسم لا إرادياً ، لكن بنفس اللحظه توتر لو انها تقولها انه هي ببيت اهلها : ردي عليها
غرام ردت بسرعه : يا هلا والله
ليان : اهلين غرام كيف حالك ؟
غرام : الحمدلله تمام ، انتي كيف حالك تحسنتي؟
ليان عقدت حواجبها: تحسنت من وشو؟
غرام ناظرت زياد : زياد قال انك تعبانه معدتك تعور وصحيتي تستفرغي عشان كذا ما جيتي معاه
ليان ابتسمت وعرفت انه زياد عندهم : ايه ي عمري تحسنت ، الا شخباركم ؟
غرام : الحمدلله ترا اشتقنا لك ، عاد ثاني مره لا تخلين زياد يجي لحاله من وقت جاء وهو ساكت وسرحان ولا هو معانا
زياد انقهر من غرام وليان حست قلبها فراشات
تكلم زياد بصوت مسموع : ولا فيني شي بس تهيُئات غرام
ليان كانت بترد وشافت أمها وابوها ولينا داخلين الصاله : طيب غرام انا حبيت اطمن عليكم سلامي للجميع ، مع السلامه ..سكرت بسرعه وقامت
لينا : انا تعبانه بطلع انام شوي
ليان ناظرتها لين اختفت وناظرت ل أمها و ابوها : ها طمنوني وش قال الشيخ ؟
فايز : والله ما ندري قري عليها وتعبت و اغمى عليها
ليان : اكيد مافي غيرها دانه مسويه لها بلاء
فايز : لا يا بنتي لا تتهميها وانتِ ما تدرين ، هالشي حرام ولا يرضي ربنا
ليان : اجل مين رح يسحر لها غير دانه
حصه : الشيخ ما قال لنا انه فيها سحر لكن قال يمكن ولازم تتعالج بالقران ، لانه وقت قرأ عليها جسمها كله تغير لونه
ليان : يمه فكري فيها من يوم دانه دخلت حياتنا لينا انقلب حالها كل شي صار معها هل هو طبيعي ؟
حصه : ما ادري وش أقول ، كل يلي يهمني الحين انه لينا تتحسن و ترجع مثل قبل
ليان وهي تفكر : لازم نفكر لها بحل ، اذا بنجلس كذا لينا بتروح مننا
حصه بحده : بسم الله عليها لا تقولي هالكلام
ليان : يمه ما تشوفي كيف تشوهت ؟ انقلب خلقها ما عاد هي لينا
حصه دمعت عيونها : لا حول ولا قوة الا بالله ، حسبي الله ونعم الوكيل .
.
الكل كان قاعد بالغرفة فوق الكنب ما عدا شيخه كانت واقفه قدام راسها و تتأملها و دموعها على خدها وضميرها يأنبها لانه تركتها ، هي تركتها مو اهمالاً لكن كان ع بالها انه ترتاح لحالها ..
سحاب فتحت عيونها و ناظرت السقف لين أوضحت الرؤيه
شيخه بصوت باكي : سحابي يمه ي عيوني
عبدالناصر وقف بسرعه و ابتسم اول ما شاف عيونها : يا هلا والله بسحابه قلب ابوها
سحاب تأملتهم وهي تحاول تتذكر وش صار فيها رفعت يدها و ناظرتها وهي مربطه بشاش نزلتها وناظرت أهلها وهي تحس داخلها فاضي وبنفس الوقت مليان كلام ولا هي قادره ترتب الكلام
انفتح الباب و دخل ذياب و معاه ملاذ اول ما شافو سحاب صاحيه ابتسمو و تقدمو لها
ذياب باس جبينها : كيف حالك يا سحاب ؟
سحاب رفعت يدها للمره الثانيه و همست : انا ليش ما مت ؟
ملاذ ابتسمت : لانه ربي يحبك ومخبي لك مستقبل زاهي و أيام حلوه تعيشيها
سحاب ناظرتها و تذكرت سلطان و حست زاد الكرهه بقلبها : مو انتي اخته ليش جيتي ما ابي اشوفك ابدا اطلعي من الغرفه بسرعه
ناظرو سحاب بصدمه ما توقعو منها تطرد ملاذ
ملاذ : و انتي قلتيها انا اخته ، انا ملاذ مو سلطان لكن ارتاحي وسوي يلي تبينه و انا بطلع اذا تبين شي او تحتاجين شي تاكدي ما رح اقصر معاكي ..
ختمت كلامها وهي مبتسمه ومقدره نفسيه سحاب و طلعت من الغرفه
ذياب طلع من الغرفه و لحق ملاذ و مسك يدها بسرعه
ملاذ لفت عليه ب استغراب: ذياب ليش جيت كان قعدت معاها شوي
ذياب : مو زعلانه منها؟
ملاذ : لا والله ماني زعلانه ، كانت بتقتل نفسها بزعل منها عشان طردتني ، سحاب تمر بمرحله صعبه ولازم كلنا نقدرها ونراعي مشاعرها ونتحمل كلامها اذا ما وقفنا معها بهالوقت متى بنوقف معاها ؟
ذياب ابتسم من كلامها وهمس لها : لو حضنتك الحين ماهو عيب صح ؟
ملاذ ضحكت : لا عيب ، مالقيت الا ممر مستشفى تحضني فيه !
ذياب : مو ذنبي والله انك جميله هالكثر ، حتى سواليفك جميله ، حتى مخارج حروفك مختلفه احسها لذيذه و ودي ابوسها
ملاذ ابتسمت بخجل : حتى قلبي صاير رهيف بسبب كلامك انا أقول ارجع لسحاب و انا بروح مكتبي احس اشتقت له .

🪸📚 @storykaligi 🪸📚🖋
🍃🪸
🪸🍃🪸
🍃🪸🍃🪸
🪸🍃🪸🍃🪸

🪸🍃🪸🍃🪸
🍃🪸🍃🪸
🪸🍃🪸
🍃🪸
🪸 228 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍃🪸

ذياب : والله انك ذكيه ويلا ع المكتب مشينا
ملاذ عقدت حواجبها : جاي معاي وش تسوي روح عند اختك
ذياب غمز لها : اضُمك شوي و ابوسك لانه النظره ما عد تكفي والله .
.
اليوم الثاني؛
سحاب كانت واقفه قدام الشباك وسرحانه بالشارع رغم انه داخلها كثير كلام الا انه هاللحظه ماهي قادره تفكر تحس بفراغ وشعور غريب ، رفعت يدها وتأملت مكان الجرح سرحت فيه و دموعها نرلت ..
اندق الباب و دخلت الممرضه وهي مبتسمه: سحاب حطي ع راسك لو تبين الدكتور بيدخل و يتطمن عليك
سحاب لفت عليها : مو ع أساس بطلع اليوم ؟ وليش الدكتور بيتطمن مافيني شي خلص ابي امشي
الممرضه : ابشري بس يتطمن ويطلع
سحاب اخذت الشيله وغطت ع راسها و جلست فوق السرير
الدكتور دخل سحب كرسي و جلس مقابل سحاب : اهلاً سحاب ، انا الدكتور سيف
سحاب : طيب وش اسوي ؟ جاي يا دكتور تعرفني على نفسك والا تطمن علىِ!
سيف ابتسم : اولاً اعرفك عن نفسي لانه بشوفك بالايام القادمه كثير ، انا اخصائي نفسي
سحاب ناظرته بصدمه وتكلمت بحده : نفسي ! مين قال انىِ محتاجه دكتور نفسي !
سيف : محد قال ، انا جاي اسولف معاك شوي واذا تبين نعيد هالجلسه هالشي انتِ تقررينه
سحاب تاففت بضيق : ادري وش بتقولي بتسالني ليش انتحرت صح ؟ بقولك ضاقت فيني الدنيا بتقولي ما خفتي من ربك بقولك والله خفت لكن ماهو بيدي وخلص صار يلي صار
سيف تكتف و اخذ نفس : هذا اخر سؤال كنت بسالك إياه ، اساساً انا مو جاي اسألك جاي اقولك انك انتِ بيدك تتعافين وب ارادتك تصيرين اقوى ، انتِ يا سحاب يلي رسمتي حياتك و اتخذتي قراراتك و انتِ يلي بتقدرين تتخطين وترجعين اقوى لا انا ولا الف دكتور ممكن يوصل معاكي لنتيجه اذا ما عندك عزيمه
سحاب ابتسمت بسخريه : الكلام سهل يا دكتور ، سهل لدرجة قاعد تقولي و انت متكتف ومروق ولا كانه في شخص قدامك انكسر و انخذل ومات باليوم الف موته
سيف رجع شوي بالكرسي : اذا رح تنتظري اعتذار من صاحب الألم او اعتراف من الشخص نفسه انه هو السبب بكل شي صار ف انتِ قاعده تنتظري فراغ ، يلي تسبب لك بالاذى ماهو مسوؤل عن التعافي ،
التعافي مسوؤليتك انتِ يا سحاب لا تنتظرين نهايه مثل الأفلام انه الحق رح ينتصر ع الشر ، حياتك مسوؤليتك انتِ وكذلك التعافي هذا مشوارك وانتِ المسوؤله عنه
سحاب مسحت دموعها و سيف وقف وكمل كلامه : القرار لك يا سحاب ، هذا كرتي اذا تبين نبدا رحلة التعافي سوا!
.
بعد مرور يومين ؛
دانه صحت من النوم وهي حاسه كل جسمها تعبان من الحمل ناظرت طلال كان متمدد جنبها وبيده الجوال همست بهدؤ : صباح الخير حبيبي
طلال ابتسم : صباح النور
دانه قربت عليه و نامت ع صدره : احس اشتقت لك من زمان ما قعدنا سوا ، و امس انتظرتك ونمت ما حسيت وقت جيت
طلال : كنت مع نواف و ذياب سهرنا سوا وما حسيت بالوقت
دانه رفعت راسها و ناظرته : طلال شرايك نطلع نتغدا برا ؟
طلال : ما اقدر خليها مره ثانيه
دانه تضايقت : طلال تكفى ، من زمان ما قعدنا سوا عاد تعبت و طفشت كل الوقت لحالي
طلال : دانه اليوم بنتغدا كلنا سوا عشان سحاب و ابوي نبهنا كلنا نكون موجودين
دانه : اوف طلال ع أساس الحين سحاب تحبنا والا تبينا نكون معها ، ما تفرق معاها بالله عليك يلي تخلت عن طفلها بيفرق معاها اذا اخوها موجود او لا
طلال ناظرها بحده : دانه وش هالكلام ؟ انا ما عرفتك وانتي انانيه هالكثر ؟
دانه : حتى انا ما عرفتك وانت كذا ، نسيت يوم كنت تلاحق وراي بالشركة والحين أقولك نطلع نسافر نغير جو مو راضي ، ضاق صدري من هالبيت واهل البيت ولا تراعي مشاعري انه انا حامل
طلال وقف من فوق السرير : اذا تحسين نفسك تعبانه روحي بيت اهلك و ارتاحي هناك كم يوم أساسا انتِ صايره عصبيه بزياده ، و انا طفشت
دانه انصدمت من رده و وقفت بسرعه لحقته ومسكت يده : وش تقول انت ؟
طلال لف عليها : اذا انتي تعبانه و انا بعد تعبان !
دانه بهدؤ : شفيك ؟
طلال تنهد : مدري ضايق صدري من كل شي حولي تكفين دانه لا تزودينها
دانه نزلت دمعتها : انت تحبني يا طلال والا لا ؟
طلال رفع كتوفه : أتوقع ايه
دانه ابتسمت من بين دموعها وحضنته بقوه : طلال انا احبك و اموت فيك ويلي ببطني ولدنا نحنا الاثنين ..
أبعدت عنه شوي وهمست بخوف : لا تنسي حبنا ابدا ، وعشان كذا بروح بيت اهلي اقعد يومين عشان تحن وتشتاق لي !

🪸📚 @storykaligi 🪸📚🖋
🍃🪸
🪸🍃🪸
🍃🪸🍃🪸
🪸🍃🪸🍃🪸

🪸🍃🪸🍃🪸
🍃🪸🍃🪸
🪸🍃🪸
🍃🪸
🪸 229 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍃🪸

بعد مرور ثلاث ساعات ؛
ذياب وقف السياره بحوش اهله ناظر ملاذ و ابتسم: الحلوه وين شارده ؟
ملاذ لفت عليه وهي سرحانه فيه : باريس
ذياب عقد حواجبه : شفيها باريس !
ملاذ وهي تحاول تتذكر : نحنا رحناها صح ؟
ذياب ارتخت ملامحه وبدا الخوف يتسلسل ل أعماق قلبه لكون ملاذ بدت تتذكر تدريجياً
ملاذ كررت سوالها : رحناها والا هذا حلم ؟ أتذكر برج إيڤل و كنا نمشي بشوارع باريس ونحنا مع بعض ؟
ذياب بلع ريقه وهز راسه: ايه رحناها
ملاذ ابتسمت : يعني مو حلم ! الحمدلله احس بديت أتذكر أشياء كثيره
ذياب كان سرحان فيها يبي يحفظ ملامحها عشان لو يوم صحى ومالقاها يكون رسمها بقلبه وعيونه، همس لها : مبسوطه هالكثر ؟
ملاذ : بصراحه احس عادي بس ابي أتذكر كل شي عني و عنك ما ابي انسى أيامنا الحلوه
ذياب رفع كفها وباسها : انا يهمني شي واحد انك ماتنسينه ابدا وهو شكثر انا احبك و اموت فيك ، لا تنسين انه انا بدونك اضيع و اتوه
ملاذ امتلت عيونها بالدموع : هالشي ما راح انساه ابدا لانه انا بعد اموت فيك
ذياب ابتسم : يلا ننزل
ملاذ فتحت الباب ونزلت كانت تمشي وبكل خطوه تفكر كيف بيكون لقائها مع سحاب ، دخلت الصاله والكل كان موجود القت السلام وسلمت عليهم وقفت عند سحاب و توسعت ابتسامتها مدت يدها : كيف حالك ؟
سحاب ناظرتها ومدت يدها بعد مرور دقيقه وهزت براسها ولا قالت كلمه
ذياب باس راسها : كيف سحابتنا اليوم ؟
سحاب هزت راسها : تمام
ذياب : وشو يلي تمام ابيك تصيرين بأفضل حال وقوه لانه بصراحه مجهز لنا سفره عائليه لمدة شهر كامل بنلف أوروبا كلها و ابيك تمسكين السفره وتختارين افضل الأماكن
سحاب : بس انا ما ابغى اسافر
ذياب : اذا ما تبين عادي ، بالوقت يلي تبينه انتي بس أشري و انا تحت امرك
سحاب ابتسمت من حنية ذياب : طيب
نواف : عاد انا و الاء مسافرين بعد بكرا رايحين سويسرا
طلال : والله سويسرا تجنن أتذكر لمن رحتها انا ولينا كان جوها خيال جنة الله ع الأرض.. سكت و استوعب كلامه من نظرات عيونهم ناظر دانه وكانت بتاكله من نظراتها ..
حك جبينه بتوتر : انا أقول نقوم نتغدي جوعان مرا.
.
اليوم الثاني ؛
ليان صحت ع صوت أمها وهي تصحيها جلست وشعرها منكوش: يمه خليني انام شوي وش تبين فيني الحين
حصه : قومي بقولك شي بس لا تخافين
ليان حست النوم طار من عيونها : خير يمه لينا فيها شي؟
حصه : لا الحمدلله لينا بخير وقاعده تقرأ قران
ليان : اجل وش في ؟
حصه : سحاب ماهي بخير وقبل يومين انتحرت
ليان شهقت بصوت : يمه وش تقولين ؟ سحاب انتحرت كيف وليش ؟
حصه : والله ما ادري وش صاير اليوم اتصلت ع شيخه وهي قالت لي ، تدرين لي أسبوع مشغوله ب لينا ما خليت شيخ ابي اعالجها من السحر من يوم قال لنا الشيخ انه فيها سحر لا ليلي ليل ولا نهاري نهار
ليان دمعت عيونها : ما ادري على مين ازعل ، اسمعيني يمه انا بروح الحين عند سحاب مستحيل اتاخر عليها اكثر
حصه : خليها للمغرب نروح كلنا والحين ابوكي ماهو موجود ولا السواق موجود مين بيوصلك ؟
ليان : عادي اوبر ولا اقولك بكلم زياد يوصلني اجل ليش زوجي !
حصه : وبعدين معاك انتِ ليش قاعده عندنا وش في بينك وبين زياد ؟
ليان : ولا شي مشتاقه لكم وهو مشغول هالفتره وقال اجي
حصه : مو عليا هالحركات يا ليان
ليان تضايقت : متزاعلين و ابشرك الحين بتصل عليه يجي يوصلني ما عندي غيره يوصلني
حصه : ايه احسن هو ولا اوبر .. تركتها وطلعت من غرفتها
ليان مسكّت جوالها وترددت انه تتصل على زياد لكن عشان سحاب كل شي يهون دقت عليه و تنتظر يرد..
زياد كان طالع من البيت اول ما شاف اسمها يلمع بشاشه جواله حس قلبه هو يلي يلمع فرح رد عليها بسرعه : الو
ليان بلعت ريقها اول ما سمعت صوته همست : زياد
زياد ابتسم : لبيه
ليان عضت شفتها : ابي منك شي
زياد تفاجأ توقعها ع الأقل تسال عن حاله : خير وش في ؟
ليان : تقدر تجيني الحين توصلني عند سحاب
غمض عيونه بقهر : من جدك انتِ! والا تتمسخرين لك أسبوع مقاطعتني والحين تتصلين عشان اوديك عند سحاب
ليان : سحاب انتحرت من يومين وانا الحين دريت
زياد انصدم : طيب دقايق و أكون عندك تجهزي .
.
ملاذ وقفت السياره قدام بيت لينا قررت انها تزورها و تطمن عليها لينا ما كلمتها ولا اتصلت فيها من وقت كانت بالمستشفى بس عذرتها من وقت الاء كلمتها انه تعبانه ، عذرتها وقررت انه هي تبادر وتروح لها
اخذت باقه الورد و نزلت كانت بتدق الجرس بس هاللحظة طلعت ليان

🪸📚 @storykaligi 🪸📚🖋
🍃🪸
🪸🍃🪸
🍃🪸🍃🪸
🪸🍃🪸🍃🪸

🪸🍃🪸🍃🪸
🍃🪸🍃🪸
🪸🍃🪸
🍃🪸
🪸 230 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍃🪸

ليان اول ما شافت ملاذ انصدمت شهقت بصوت : ملاذ هذا انتي؟
ملاذ ما تتذكر عن ليان الا كل شي سيء
ليان قربت لها وحضنتها : الحمدلله ع سلامتك ي ملاذ ، اشتقنا لك والله
ملاذ فتحت عيونها بصدمه و رفعت يدها وضمت ليان وحست انها دخلت بهاويه جديده
ليان أبعدت عنها : وش هالزياره الحلوه ؟
ملاذ ابتسمت بتسليكه : جيت اطمن ع لينا اشتقت لها ، بس بصراحه صدمتني ردة فعلك
ليان اخذت نفس و ابتسمت وناظرت زياد وهو يوقف سيارته على جنب لفت ع ملاذ وهي تاشر ع سياره زياد : هذا زياد زوجي انا تزوجت يا ملاذ ..
امتلت عيونها بالدموع : ويلي خليتك تعيشيه بالماضي ترا عشته ، وذقت من نفس الكاس يلي ذوقتك إياه بالمختصر الدنيا دارت
ملاذ حكت جبينها بتوتر وهي تحاول تتذكر : ليان انا..
ليان قاطعتها : ادخلي لا تقعدين برا بالحر انا بروح عند سحاب ، بس كنت مقرره اقولك هالكلام اول ما اشوفك
ملاذ الكلام براسها كثير لكن فضلت انها تسكت هزت براسها و دخلت البيت .
ليان فتحت باب السياره و طلعت : اهلين
زياد اول ما شمّ ريحة عطرها حس انها لعبت بحواسه الخمس ابتسم لها : ي هلا والله
ليان لفت عليه وهي خايفه انه مشاعرها تنفضح هاللحظة
زياد شغل السياره و مشي وتجاهل نظراتها
ليان حست الطريق طال ويلي قهرها سكوت زياد وبرودة اعصابه تجاهها وقررت انه هي تبادر بالسواليف: كيف حالك؟
زياد : بخير الحمدلله ، بعد يومين بسافر نيويورك
ناظرته بصدمه : وش عندك ببلاد الكفار ؟
كتم ضحكته : اولاً ماهي بلاد الكفار فيها مسلمين وعندي شغل
ليان شدت ع يدها بقوه : شغل ! وش الشغل يلي هو بنيويورك ؟ والا رايح هناك تدور لك بنات
زياد وقف قدام البيت ولف لها ببرود : ادور بنات بنيويورك ؟ يا كثر البنات يلي حولي هنا ليش عاد بروح اخر الدنيا
ليان : شوف زياد مو معناته قاعده مع اهلي تفلها ترا والله
زياد قاطعها : اهدي اهدي لا يقرح لك عرق الحين
ليان : والله بيقرح قلبي مو عرقي بس
زياد ابتسم ع جنب : اممم اجل مشتاقه لي وتكابرين صح ترا عيونك فضحتك
ليان هدت من كلامه يلي وترها و زياد كمل : طالع شكلك حلو وانتي تغارين
ليان حست انها شوي وتنفجر فتحت الباب و نزلت لكن وقفت ع كلام زياد : أسبوع واحد بقعد بنيويورك وبس ارجع لازم نحسم علاقتنا يا زواج حقيقي يا فراق ابدي!
.
عند دانه ؛
حطت شنطتها بالأرض و اخذ عبايتها و لبستها ناظرت نفسها بالمرايه وعيونها تقدح شر همست : انا بطلع بس بخيليك انت يا طلال ترجعني والله ل اخليك تبوس رجولي عشان ارجع لك ..
ختمت كلامها وهي مبتسمه طلعت من الغرفه ونزلت الدرج سمعت أصوات من مجلس الحريم حست الصوت يشبه صوت لينا همست : مستحيل تجي ..
مشت ناحية المجلس و ارتاحت وهي تشوف الاء واقفه وتسولف مع ليان : اهلين
ليان لفت لها وحست بكرهه وحقد ناحيتها
دانه : شفيك تناظريني هالنظرات ؟
الاء مسكت يد ليان : ما عليك منها امشي نطلع عند سحاب
دانه : مسوين عصابه يعني؟ انا أقول يا الاء لو تبدين تنشغلين بنفسك و بولدك المعاق و تدورين ميتم والا مركز ترمين ولدك فيه
الاء ابتسمت رغم انكسار قلبها: انا أقول انتي تدورين لك مكان وتنقلعي منّ هالبيت محد طايق يشوفك حتى طلال وانتِ بعد ملاحظه هالشي!
ليان بهدوء وعينها ع دانه : لو نحنا عصابه بتسحرينا مثل ما سحرتي لينا !
دانه حست بمويه بارده انكبت ع ظهرها وتجمدت مكانها ولا قدرت تنطق حرف
الاء فتحت عيونها بصدمه وتذكرت وقت شكت بالسحر لكن ما خطر ببالها انه دانه !
ليان كملت : ربي قالها بكتابه " ولا يفلح الساحر حيثُ اتى"
دانه تمالكت نفسها وشدت ع يدها وليان انتبهت لها : وش تخربطين انتِ ! أي سحر و أي خرابيط لاترمون بلاء بنتكم علىِ انا ، وبعدين مو أي شي يصير لها يعني سحر و اذا تشوهت خلص هذي دانه ساحرتها
ليان فتحت عيونها بصدمه وقربت ناحيه دانه : وش دراكي انه لينا تشوهت ! يعني انتِ ساحرتيها صدق .. ليان حست بحراره بكل جسمها و رفعت يدها وعطت دانه كف بكل قوتها
الاء شهقت و تقدمت وبعدت ليان عن دانه : ليان خلص تكفين
دانه حطت يدها مكان الكف وناطرت ليان بشر
ليان كانت تحاول تلقط انفاسها : يلا روحي اسحريني مثل لينا ، اقسم بالله بمن رفع و بسط سبع سماوات ل افضحك يا دانه ونهايتك انا برسمها
الاء كانت مصدومه ولا هي فاهمه شي : ليان وش قصدك فهميني !
دانه هزت راسها بقهر : انتي يلي جنيتي على نفسك والله ل اجننك يا بنت حصه
ليان تفلت بوجهها : بسرعه يلا روحي اسحريني لا توقفي ولا ثانيه

🪸📚 @storykaligi 🪸📚🖋
🍃🪸
🪸🍃🪸
🍃🪸🍃🪸
🪸🍃🪸🍃🪸

🪸🍃🪸🍃🪸
🍃🪸🍃🪸
🪸🍃🪸
🍃🪸
🪸 231 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍃🪸

دانه عضت شفتها و طلعت من البيت وهي تحس انها تمشي على نار من كُبر قهرها وحاطه براسها انه تدمر ليان وتنتقم منها ، سرحت شوي وبدت تخاف من بكرا وش ممكن يصير ولو عرفو او اكتشفو مكان السحر وش رح يصير فيها !
ليان مسكت راسها و صرخت بصوت من قهرها تمنت لو انها تقتل دانه وتفتك منها
الاء : ليان فهميني عاد وش صار ؟ كيف عرفتي انه دانه هي يلي ساحره لينا ؟
ليان فسخت عبايتها و رمتها للأرض ومسحت جبينها من العرق : اكيد بتسوي فينا بلاء الحين
الاء : ليان احكي لي كل شي صار والله بحس انه بولد الحين يلا قولي
ليان : لينا تشوهت بيوم وليله قلب لونها صار وردي ع رمادي وطلع لها حبوب بكل جسمها قلنا يمكن من كثر الادويه من بعد العمليه و راحت لعند الدكتور و وصف لها علاج لكن حالتها ساءت وهي تعبت امي قررت توديها لشيخ اول شيخ قال يمكن عين ابوي ما اقتنع مرا و وداها عند شيخ ثاني وقال بنتكم مسحوره ومارح تتعافى الا اذا لقو السحر وفيها اكثر من سحر ، نحنا شكينا ب دانه فقط شك لكن الحين هي وش دراها انه لينا تشوهت نحنا مُخفين الموضوع عن الكل حتى لينا صارت ما تقابل احد و أي احد يبي يشوفها تعتذر منه ، يعني هي كيف عرفت ! اكيد هي ورا هالشي مافي غيرها والله
الاء حست القشعريره مشت بكل انحاء جسمها مُجرد من فكرة انه دانه تتعامل مع السحره وهي عايشه معاهم بنفس البيت اخذت نفس وجلست بسرعه وهي ماسكه اسفل بطنها : انا كنت شاكه انه لينا فيها سحر من وقت كانت تشوف ثعبان بغرفتها وتاكدت انه فيها سحر وقت كانت تصارخ و شفناها انا وملاذ بس مافي دليل بيدي ولا قدرت حتى اشك بدانه لانه قلت مستحيل
ليان : لينا ما كانت تتخيل الأشياء الا بغرفتها وكانت تنام اخر ايامها بغرفه سحاب وتنام مرتاحه ولا فيها شي صح ؟
الاء : ايه صح بس جناحها هي وطلال اذا نامت فيه تصارخ صارت لها ثلاث مرات
ليان غمضت عيونها وفتحتهم وكانها تستجمع افكارها : اكيد السحر بغرفتها صح ؟
الاء: نضفناها كويس ولا في شي
ليان : نجيب شركة تنظيف ونخليهم ينفضو الغرفه كلها واذا اضطر الامر نفكفك الغرفه قطعه قطعه !
الاء : وش بنقولهم ؟
ليان : ما عاد في شي يتخبى انا صح جبت العيد و امي ما رح تسكت لي ابدا لانه قالت ما أتكلم لكن وقت شفت دانه حسيت بنار شبت بصدري و انا أتذكر اختي كيف تدمرت ..
هدت نبرة صوتها وهي تتذكر لينا : لينا ما عاد هي لينا يا الاء لينا تغيرت كثير ما عاد تضحك ولا تسولف وكل وقتها نايمه او بغرفتها حتى عيالها ما عاد تسال عليهم ابدا ، لينا بدت تنطفي قدام عيونا ولا نقدر نسوي لها شي ، لكن اوعدك انه لو دانه ساحرتها والله نهايتها السجن اقسم بالله ما نسكت لها والله ل اخليها تعفن بالسجون وتموت من قهرها .
.
مرام كانت ترفع البيت وسمعت صوت الجرس وهو يندق بشكل متواصل خافت وجرت للحوش وفتحت الباب اول ما شافت دانه خافت اكثر : وش صاير ؟
دانه وهي تبكي : وين امي ؟
مرام انصدمت من دموعها : داخل بالمطبخ
دانه ما انتظرتها تكمل و دخلت وهي تجري : يمه يمه
أمها لفت بخوف : وش فيك ؟ وش صاير ؟
دانه كانت بترد بس شافت مرام واقفه قدام المطبخ تكلمت بحده : اطلعي بكلم امي بسر
مرام تكتفت : عادي اعرف اسراركم تكلمي قدامي
أم دانه : مو وقتك يا مرام اطلعي بسرعه
مرام: طلقك طلال ؟ والا انكشف انك ساحره لينا عشان كذا منهاره؟
دانه فتحت عيونه بصدمه وحست راسها بدا يدوخ وش صاير اليوم الكل عرف بسرها !
مرام ضحكت بصوت : شفيك خفتي انا للحين ما كلمت طلال لكن عندك مهله أسبوع وتفكين السحر انتِ و امي بعد !
ام دانه بلعت ريقها بخوف لكن بينت العكس : يلي ما تستحين على وجهك تهددينا ؟
دانه وهي راصه اسنانها : والله لو اسحرك انتِ بعد ماهي فارقه معاي اهم شي عندي طلال فهمتي والالا ، والشي ياي تعرفينه بتقبرينه معاكي مو دانه يلي تتهدد .. كملت بصراخ : فاهمه يا حيوانه !
مرام ابتسمت بسخريه : عادي اسحريني و اقتليني بعد لانه بنفس اللحظه طلال بيدرى بكل اعمالك وبيطلقك وبيرميك لشارع وبيحرمك من ولدك وبيسلمك لشرطه
دانه شدت ع شعرها وصرخت بصوت : اطلعي من قدام وجهي ل اقتلك الحين ب ارضك
مرام ضحكت بصوت : و لينا بتتعافي و ترجع لطلال ويعيشو احلى أيام
دانه قربت ومسكت مرام بقوه وبفحيح : بذبحك فاهمه والله اذبحك
ام دانه خافت و توترت وهاللحظة اندق الجرس وناظرو بعض بخوف مين بيجيهم هالوقت ..

🪸📚 @storykaligi 🪸📚🖋
🍃🪸
🪸🍃🪸
🍃🪸🍃🪸
🪸🍃🪸🍃🪸

🪸🍃🪸🍃🪸
🍃🪸🍃🪸
🪸🍃🪸
🍃🪸
🪸 232 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍃🪸

مرام دفت دانه بقوه : بروح افتح الباب و أتمنى هالمره اجتماعكم يكون اجتماع خير ..
تركتهم وطلعت الحوش تكلمت من خلف الباب : مين ، مين ، مين
ما جاء الرد توقعت انهم أطفال الحاره مثل كل مره يدقو ويهربو لفت بتطلع الدرجتين و وقفت مكانها و اختل توازنها وسكرت على اذانها وهي تسمع صوت انفجار من البيت ، مرت دقيقه كامله و رفعت راسها بخوف وهي تشوف دخان يطلع من شباك المطبخ صرخت بكل صوتها وهي تتذكر انه أمها و اختها بالمطبخ !
بالمطبخ انفجر أنبوب الغاز بدون أي سبب وشبت النار بالمطبخ و دانه و أمها فيه !

ان الله يمهل ولا يهمل ، هالانفجار قد يكون انقذ ليان و مرام و طلال من سحر اكبر و اوسخ ،
من ضر سيضر و من كسر سيكسر
ومن ظلم سيظلم ان كل ساق سيسقى بما سقى.
.

كلما تراها ضاقت ! فاعلم انها هانت ، لأن الله يرسل الفرج في أشدّ لحظات اليأس ..
ملاذ سلمت على حصه وقعدت معاها شوي وحصه حكت لها وضع لينا وطلبت منها انه ما تسألها عن أي شي ،
ملاذ وقفت قدام باب لينا حست لوهله بالخوف رفعت يدها و دقت بالباب لينا كانت طالعه من الحمام فتحت الباب ع بالها أمها و شهقت بصوت اول ما شافت ملاذ..
ملاذ انصدمت من وجهها المتشوهه لكن بينت العكس و ابتسمت وفتحت يدينها بحب وتكلمت بنبرة حب : اشتقت لك ما اشتقتي لي يا لينوش؟
لينا ابتسمت وفتحت يدينها وضمت ملاذ بقوه وكانها بهالحضن تستمد القوه منها همست بنبرة حزينه : ترا والله كنت ابي اجي و ازورك بس ما قدرت اجي و وجهي كذا
ملاذ أبعدت عنها : انا اشوفك بقلبي يا لينا
لينا دمعت عيونها: تعالي نقعد سوا
ملاذ دخلت و فسخت عبايتها و جلست بالكنبه
لينا جلست بطرف السرير مقابلها تربعت وهي متحمسه ومبسوطه بوجودها : ملاذي شخبارك ؟
ملاذ : والله اخباري الحمدلله ، صح انه صرت اتوه كثير و اوقات أتذكر أشياء و ما ادري هي حلم ولا جزء من الذاكره يلي فقدته ، بس الحمدلله ماشيه الحياه
لينا : اهم شي انك صحيتي
ملاذ تنهدت : ايه الحمدلله ، صح في أشياء كثير تغيرت بس هذي الحياه
لينا سكتت وهي تناظر الأرض : ما رح تسأليني ليش وجهي كذا ؟
ملاذ : لاني اعرف الجواب ما ابي اسالك و اضايقك
لينا دمعت عيونها : صرت ما اقدر اشوف نفسي بالمرايه احس مستحيل ارجع لينا مثل قبل وجهي مرا تشوهه وحتى جسمي بعد
ملاذ : لينا تدرين انها فتره وتعدي
لينا : و اذا ما عدت و اذا ما رجعت لينا مثل زمان ؟ وش بيصير فيني كيف بتحمل ؟
ملاذ بلعت ريقها و قامت وجلست جنبها مسكت يدها بحب وهي تمسح عليها : انتِ تدرين انه كل داء وله دواء والقرآن الكريم علاج لكل داء ، لينا لازم ما تقطعي سورة البقره ابدا وبتاتا
لينا : الشيخ كلمني بس ما اقدر اكملها احس بحراره تغلي من رجولي
ملاذ : ما عليه تحملي و احتسبي الاجر ، الرسول قال اخذها بركه و تركها حسره ولا تستطيعها البطله
لينا : بحاول
ملاذ : حاولي مره و مرتين وثلاثه لين المية مره ترا سورة البقره تبطل السحر وتفكه
لينا : انا بحياتي ما اذيت شخص ليش يصير فيني كل هذا احس ما عاد فيني قوه اتحمل اكثر
ملاذ : هذا اختبار من ربي لصبرك ، وتذكري انه بكل دقيقه تتألمين فيها ينكتب لك اجر
لينا هزت براسها ومسحت دموعها : والنعم بالله.
.
مرام؛
كانت بالمستشفى واقفه وتبكي بصوت من قوة الفجيعه يلي عاشتها ، احمد اخوها كان جنبها وتايه وسرحان ويفكر بالمصيبه يلي وقعت عليهم
مرام وهي تمسح دموعها : مو كانه طولو محد خرج وطمنا
احمد مسح ع وجهه بضيق : ما ادري
طلال وصل وهو يجري بين الممرات وقف وهو يحاول يتنفس : وش يلي قلتوه بالجوال حقيقه ؟
مرام : ايه انفجر أنبوب الغاز كنت بالحوش بنفس اللحظه ما شفت الا النار تطلع من المطبخ و طلعت وصرخت والجيران اتصلو ع الإسعاف والدفاع المدني
طلال زفر أنفاسه بضيق : يعني كذا انفجر فجأه!
احمد بضيق وهو ماهو قادر يتكلم : هذا قضاء و قدر
طلال جلس ع الكرسي بقلة حيله وهاللحظة حس بتأنيب الضمير انه خلي دانه تروح بيت أهلها رفع يده ودعي الله انه تكون عايشه ويعوضها عن الأيام الاخيره يلي عاشتها معاه وهو كان يعاملها بقسوه وجفاف ..
بعد نص ساعه طلع الدكتور ومعاه اثنين من الأطباء نزل كمامته هز راسه بياس وحزن : عظم الله اجركم
مرام شهقت بصوت : لا لا لا تقولها يا دكتور
طلال شد ع يده : الثنتين توفو ؟

🪸📚 @storykaligi 🪸📚🖋
🍃🪸
🪸🍃🪸
🍃🪸🍃🪸
🪸🍃🪸🍃🪸