🪸🍃🪸🍃🪸
🍃🪸🍃🪸
🪸🍃🪸
🍃🪸
🪸 233 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍃🪸

الدكتور هز راسه ب لا : لا ، الوالده سميره توفت ، لكن دانه عايشه لكن يأسفني انقل لكم هالخبر حصل عندها تشوهات بكل جسمها وتحتاج ل اكثر من عمليه تجميل ..
اخذ نفس و كمل : صار عندها نزيف حاد و اجهضت الجنين و النزيف ما وقف وعشان ننقذ حياتها استئصلنا الرحم ، بكرا باذن الله بننقلها لغرفه خاصه رح نخليها بالعنايه لمدة 24 ساعه
مرام طاحت ع الأرض وهي تبكي مهما كانت أمها شريره وقاسيه الا انها تضل أمها ومجرد انه ماتت وفقدتها شي كبير بالنسبه لها
احمد انحنى و رفعها من الأرض وضمها بقوه وهو يحاول يهديها
مرام من بين شهقاتها : ما كنت ابيها تموت الحين ليش ماتت ليش
بلع غصته وهو يحس انه يبلع حجره : انا لله و انا اليه لراجعون
طلال حس الأرض ما تشيله جلس باقرب كرسي مسح ع وجهه و زفر أنفاسه بقوه وهو مايدري اذا صحت دانه وش يقولها خسرتي طفلك وخسرتي حلم الامومة وخسرتي امك بعد!
.
ليان وقفت قدام باب غرفه سحاب غمضت عيونها وهي تقوي من نفسها دقت الباب و دخلت ابتسمت اول ما شافت سحاب متمدده فوق السرير و ع الجوال ..
سحاب رفعت عيونها و ابتسمت بحزن : بدري مرا
ليان نزلت دمعتها و سحاب جلست وهي جرت وضمتها بقوه سحاب رفعت يدينها و ضمتها بقوه
ليان وهي تشاهق : ليش تسوين بنفسك كذا يعني ما تدرين انه انا احبك ما اعرف أعيش بدونك
سحاب ضحكت من بين دموعها و أبعدتها عنها : خنقتيني بمووت
ليان جلست جنبها وهي تمسح دموعها : والله العظيم اشتقت لك
سحاب: و انا بعد اشتقت لك
ليان ابتسمت من بين دموعها : كيف حالك طمنيني عنك ؟
سحاب رفعت كتوفها : ما ادري يعني عادي
ليان انتبهت للجرح بيدها : ليش وصلتي لهالمرحله ؟
سحاب نزلت دموعها بقهر : تسآليني انتي بالذات ليش وصلت لهالمرحله ؟ نسيتي كيف كنا انا وسلطان نحب بعض ! نسيتي يوم كنت اطلع من المدرسه عشان اشوفه ويوم كنت اكذب على امي انه بطلع مع صحباتي و انا اطلع مع سلطان نسيتي كل هذا ؟ يلي عشته مع سلطان ماهو قليل ابدا ، وهو يلي وصلني لهالمرحله
ليان حست قلبها يعورها ع سحاب : طيب سحابي هذا كله صار ماضي
سحاب قاطعتها : ماضي ! اجل كيف بيكون ماضي ع قلبي و مشاعري كيف بتخطى
ليان ناظرتها وهي فعلاً ماهي عارفه تنصحها لانه هي بعد ماهي قادره تتعايش مع زياد
سحاب : تدرين باليوم يلي بطلع فيه من المستشفى جاني دكتور نفسي وقالي كلام ما قدرت اتخطاه
ليان : وش قالك؟
سحاب وهي تتذكر كل كلمه قالها : قال ما انتظر الاعتذار من سلطان ولا انتظر انه يعترف بغلطه ، قال بيدك انتي تتخطين كل شي
ليان : ابدأي معاه جلسات ترا محد بيساعدك كثر هالدكتور لانه يعرف أشياء كثيره نحنا نجهلها ، عاد تصدقين احس انا ودي اروح له لانه زياد جنني والله أتعبني نفسياً و ارهقني جسدياً يا ويله من ربي بس تصدقين ما ابي اسامحه ابدا بس احبه وش اسوي لازم اسامحه بالنهايه هو زوجي حتى لو راح بلاد الكفار.
ليان تنهدت و كملت : تخيلي الحين وهو جايبني يقولي بس ارجع من السفر يا يكون زواجنا حقيقي او نتطلق ، قهرني و الله قهرني انا بس لو قعدت ثانيه بالسياره كان حضنته وقلت له يلا نرجع بيتنا ، اخ يا سحاب زياد جنني والله
سحاب عقدت حواجبها و ضحكت بصوت
ليان كانها صحت ع نفسها : شفيك تضحكين ؟
سحاب : ليانو هبدتي كل يلي ببطنك شفيك ؟
ليان : مو انتي سالتيني عن زياد ؟
سحاب رفعت حواجبها : انا سالت؟ لا ي روحي انتي تحمستي وحكيتي لي كل شي بس بسالك وش ذي بلاد الكفار ؟
ليان رمتها بالمخده : الحين ركزتي على ذي و انا قلبي يعورني
سحاب ضحكت : ايه والله وش ذي البلاد!
ليان كشرت بوجهها : نيويورك
سحاب : الظاهر انك تحبين زياد وميته فيه بعد
ليان دمعت عيونها و رفعت راسها عشان تعرف تتنفس
سحاب رجعت شعرها ورا اذنها : كم صار لنا ما قعدنا سوا وسولفنا ؟ لدرجة ما عرفت متى حبيتي زياد ولا وش صار بينكم لحتى وصلتي لهالمرحله ! احس انا بعدت عن العالم كله هالفتره ..

🪸📚 @storykaligi 🪸📚🖋
🍃🪸
🪸🍃🪸
🍃🪸🍃🪸
🪸🍃🪸🍃🪸

🪸🍃🪸🍃🪸
🍃🪸🍃🪸
🪸🍃🪸
🍃🪸
🪸 234 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍃🪸

ليان ناظرتها و نزلو دموعها : بختصر لك كل شي ، يلي عيشته ملاذ بالماضي عشته مع زياد اكتشفت وتاكدت ان الدنيا دواره وكل ساق سيسقى بما سقى ، ايه احب زياد لا تقولي عني خفيفه وكيف حبيته و انا كنت احب ذياب ، مع الأيام صرت اشوف ذياب عادي و استغرب من نفسي كيف كنت اشوفه غير عن كل الناس يمكن كان اعجاب و انتهى ، تدرين يوم زواجي ملاذ وش قالت لي قالت الحب عمره ما ينتهي بالعكس يكبر مع الأيام بس الاعجاب يروح ويبقى الشخص عادي و انتِ لا يغرك ذياب و مكانته الاجتماعيه
سحاب قاطعتها : لحظه لحظه ملاذ تدري بكل شي ؟
ليان : ايه ومع ذلك ما اذتني ولا سوت فيني شي ، هي بس كانت تتجاهل تصرفاتي و يوم زواجي نصحتني وكلامها رغم انه كان قليل الا انه اثر فيني كثير
سحاب اخذت نفس : مين يروح الحين عند الدكتور انا والا انتي؟
ليان ضحكت : لا انتي ي روحي ، اتصلي ع الرسبشن و خُذي موعد لأول جلسه، رح تكون صعبه عليك لكن تاكدي انه هالخطوه بتغير حياتك كلها.
.
ملاذ بعد ما طلعت من عند لينا قررت انه تروح بيت أهلها لانها مشتاقه لهم ، وهي بالطريق اتصلت ع ذياب ثواني و جاها الرد : يا هلا والله بقلب الذياب
توسعت ابتسامتها وحست قلبها يرفرف من الفرحه : كيف حاله قلب ملاذ ؟
ذياب رجع بالكرسي للخلف: والله قلب ملاذ مشتاق لملاذ متى بتحن وتخلص مشاويرها وتجيه للشركة
ملاذ وقفت قدام بيت أهلها : انا الحين عند بيت اهلي اشتقت لهم قلت بمرهم و اسلم عليهم وغير كذا شريت أغراض ل سعد
ذياب : كان قلتي لي وجيت معاكي
ملاذ تفاجئت : تتكلم جد ؟
ذياب : ايه والله كنت ابي اشوف سعد و اسلم ع خالتي بعد
ملاذ : تصدق ما خطر ببالي ما توقعت تقولي انك بتجي
ذياب : ما عليه المرة الثانيه نروح سوا ، الا مطوله ببيت اهلك؟
ملاذ : ادري تاخرت عليك بس اول ما اخلص بمرك الشركة و اعطيك السياره
ذياب قاطعها : انا وسيارتي تحت امرك خذي راحتك ي ملاذ
ملاذ ابتسمت : خلص ان شاءالله هالاسبوع بشتري سياره و اعطيك سيارتك
ذياب : ابشرك لو تبين اعبي لك الحوش كله سيارات
ملاذ وهي مبتسمه : ذيااااب
ذياب وهو هايم بصوتها : لبيه ي روحي
ملاذ : شوي شوي ع قلبي
ذياب حك دقنه وهو هايم بصوتها : والله ماسويت شي ولا قلت شي مبالغ فيه كل كلمه اقولها احس فيها ، تدرين كلهم يحبونك عادي و انا احبك كاني بموت بكرا
ملاذ : بسم الله على قلبك ، يحق لي ابالغ في حبك و اتفاخر فيك ، ترا انت نادر ومالك شبيه
ذياب تنهد : يا ليتك جنبي الحين كان حضنتك لين ترجع روحي لصدري ، ما يرجع روحي الا حضنك وما يستقر نبض قلبي الا وقت اشمّ ريحتك وما تكتمل سعادتي الا وقت ابوسك
ملاذ توسعت ابتسامتها: الحين تخليني اسحب على امي و اجيك
ذياب : تصدقين لو ماهي امك كان قلت لك تعالي لكن برها واجب، زوريها و اقعدي معاها وتعالي بعدين خذيني عازمك ع العشاء بوسط البحر
ملاذ : اممم ، قبلت العزيمه ، مع السلامه ي روحي.. سكرت منه وهي مبتسمه وضمّت الجوال لصدرها وكانها تضُم باقي صوته همست بحب : الله لا يحرمني منك يا ذياب ..
نزلت من السياره و دقت الجرس و دقيقه وفتحت لها أمها الباب حضنت أمها بقوه : كيف حالها ام ملاذ الحلوه؟
منيره ابتسمت : يا حيا الله ببنتي ملاذ وعيوني
ملاذ دخلت البيت وهي مبتسمه : الله يحييك يا عمري انتي ، طمنيني عنك يا يمه شخبارك ؟
ملاذ جلست وهي تحط الاكياس : انا بخير بشوفتك الا وين سعد ؟
منيره جلست جنبها : نام من شوي .
ملاذ : متى يصحى احس ابي اشوفه و العب معاه لازم يحفظ ملامح وجهي ويعرف انا عمته
منيرة ضحكت : توه صغير ما يعرف الا قولي لي سحاب ما تبي ولدها
ملاذ اختفت ابتسامتها : والله ما ادري ما سالتها ولا سالت عن الموضوع أساسا سحاب مو راضيه تشوف لوجهي بعد يلي سواه اخوي العزيز
سلطان وهو داخل الصاله : وش سوا اخوكي العزيز؟
منيره شهقت : بسم الله من وين جيت يا سلطان ؟
سلطان جلس جنبهم : الحين يا يمه ، ايه يا دكتوره ملاذ وش سويت ؟
ملاذ : بفهم بس كيف قدرت تسوي كل هذا بسحاب مو ع أساس تحبها وتموت فيها!
سلطان : عادي صار يلي صار مثل أي زوجين ينفصلو
ملاذ : وش صار فيك ليش وصلت لهالمرحله ؟ نسيت يوم كنت مجنون عليها؟
سلطان : ملاذ بالله عليكي لا تفتحين محاضره وتوجعين راسي خلص ما اتفقنا و انفصلنا نعيش مع بعض بالقوه عشان تزوجنا عن حب
منيره : خلص قفلو على هالسالفه انا ما صدقت ملاذ جت وشفتها
ملاذ تنهدت : مدري شقول والله
منيره : الا كيف حالها سحاب ؟

🪸📚 @storykaligi 🪸📚🖋
🍃🪸
🪸🍃🪸
🍃🪸🍃🪸
🪸🍃🪸🍃🪸

🪸🍃🪸🍃🪸
🍃🪸🍃🪸
🪸🍃🪸
🍃🪸
🪸 235 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍃🪸

سلطان : تلقينها بخير ولا فيها شي والحين رجعت جامعتها مو أساسا جننتني بالجامعه ع أساس بتطلع عالمه فيزياء
ملاذ : لا ابشرك سحاب بالبيت وتعبانه وحالتها كل يوم تصير أردى و انتحرت من كم يوم لكن ربي كتب لها عمر جديد ، لا تفكر انها مرتاحه حالتها ما تسّر عدو يا سلطان
ناظرها بصدمه : انتحرت ؟
ملاذ : ايه لو ما انا وذياب دخلنا الغرفه وشفناها كان راحت فيها
منيره : لا حول ولا قوة الا بالله ، وليش تنتحر!
ملاذ : من مرارة الأيام يلي قاعده تعيشها لا تفكرين انها مرتاحه عشان تركت طفلها
سلطان قام من جنبهم و طلع غرفته وحس بشي غريب صح ما عاد يتلهف لسحاب لكن حس بوجع عليها ، لا ارادياً طلع جواله و اتصل عليها رغم انه يدري انها ما رح ترد لكن اتصل ! والشي يلي ما توقعه انها ردت لكن ما صدر منها أي صوت !
غمض عيونه وحس بشي يخنقه تكلم : سحاب
سحاب غمضت عيونها ونزلو دموعها اول ما سمعت صوته حست الكرهه تجدد حست بمشاعر كثيره ومتلخبطه كان ودها تصارخ وتخرج كل عضبها لكن فضلت السكوت التام
سلطان ما عرف وش يقولها لانه ماله حق حتى يسالهاعن حالها شد ع يده بقوه : انا آسف ..
سكر الخط ولا قال أي شي ثاني !
.
الساعه 10 ليلاً ؛
طلال كان واقف خلف الزجاج وهو يناظرها وسرحان فيها مرت بباله ذكريات كثيره و اول سوال واجهه " ليش تزوجت دانه !" حس بمشاعر غريبه او بالاصح ما عاد صار يعرف نفسه مسح ع وجهه وتنهد بضيق لف بيطلع من العنايه و شافها جالسه ع الكرسي وتغفي من تعبها و الدموع ع خدها قرب لها بهدوء : مرام
فزت بخوف : طلال
طلال : قومي امشي معاي البيت لازم ترتاحين وتنامين
انفتح باب العنايه و دخل احمد وكان معاه كيس فيه ساندويشه مدها ل مرام : من الصباح ما اكلتي شي لازم تاكلي
مرام هزت راسها بالنفي : مالي نفس
احمد : لازم تاكليها عشان تعرفي توقفي بكرا ع رجولك
مرام مسحت دموعها : وين بنسوي عزا امي والبيت محروق ؟
طلال : بيتي مفتوح لعزا خالتي وبكرا العزا عندنا
مرام ناظرت طلال و تذكرت أمها وش سوت فيه والحين يقول بيفتح بيت اهله لعزاها زادت دموعها
و احمد جلس جنبها وضمها من كتوفها : مرام الله يخليك لازم تقوين نفسك
مرام وهي تشاهق : ما كنت ابيها تموت الحين
طلال : ليش الموت بيدنا ؟ هذا قضاء الله وقدره لازم تكوني قويه عشان بكرا بعد العزاء بترجعين عند دانه ولازم توقفي معها لا تنسي انها بمصيبه ثانيه
مرام هزت راسها : ان شاء الله
طلال : يلا قومي وتعالي معاي البيت
احمد : شكرا طلال بس ما يحتاج ترا بستأجر لنا شقه ع بال ما بيتنا يتصلح
طلال : ع الأقل هالليله وبعدين البيت مليان حريم وبكرا العزا عندنا لازم مرام تكون موجوده
مرام حست بخوف انها تروح معاه لكن مافي غير هالحل استسلمت و وقفت و مشت مع طلال ..
بعد ربع ساعه؛
طلال وقف قدام بيت اهله ناظر مرام وحاول انه يطمنها : لا تخافين بخليك تنامين بغرفه لحالك والبيت مليان حريم
مرام هزت راسها : شكرا طلال
طلال : نحنا اهل يا مرام ، يلا انزلي
نزل طلال و هي نزلت وراه وخايفه جدا انها تشوف اهله لانها تدري انهم يكرهو دانه وهي ماتلومهم ابدا .
.
بالصاله ؛
كانت شيخه والاء وسحاب وليان قاعدين ويسولفو صح سحاب مو معاهم ولا منتبهه لكن ليان حلفت عليها يمين انها تقعد معاهم ..
ددخل طلال : السلام عليكم
كان بيردو السلام لكن انصدمو من البنت يلي وراه ويلي صدمهم اكثر شكل وجهها المُحمر ويلي الدموع ما نشفت منه
شيخه وقفت بصدمه : منو هذي يا طلال
طلال بلع غصته : هذي مرام يا يمه ، اخت دانه
آلاء ناظرت ليان بصدمه وهمست لها : صاير مصيبه
طلال : اليوم انفجر أنبوب الغاز و ماتت خالتي ام دانه و دانه بالعنايه جسمها محروق وفقدت طفلها و استأصلو الرحم ،والبيت محروق و انا جبت مرام تنام هنا الليله وبكرا العزا رح يكون بهالبيت بلغو ابوي و اخواني
شيخه شهقت : لا حول ولا قوة الا بالله
آلاء ناظرت مرام و انكسر خاطرها عليها صح هي ما تدري اذا هي مثل اختها لكن وقفت وقربت لها وسلمت عليها : عظم الله اجركم
مرام زادت دموعها ومسحتها ويدها ترجف
شيخه ضمتها : الله يصبر قلبك يا بنتي ..

🪸📚 @storykaligi 🪸📚🖋
🍃🪸
🪸🍃🪸
🍃🪸🍃🪸
🪸🍃🪸🍃🪸

🪸🍃🪸🍃🪸
🍃🪸🍃🪸
🪸🍃🪸
🍃🪸
🪸 236 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍃🪸

ليان تذكرت بالصباح موقفها مع دانه وحست القشعريره تمشي بكل جسمها كيف كانت دانه تتوعد فيها و الحين هي بالعنايه ، كانت واقفه وتناظر بس مرام يلي وجهها انتفخ من كثر البكاء
طلال : آلاء لو سمحتي طلعيها لغرفة الضيوف وخليها تنام وترتاح
آلاء هزت براسها : ابشر .. مسكت يد مرام تعالي ي روحي ..
طلعت هي وياها و دخلتها الجناح وشغلت التكييف : ارتاحي انا بروح اعطيك ملابس و ارجع
مرام جلست بطرف السرير غمضت عيونها وهي تفكر بس لو يدرو اهل طلال انه اختها سحرت ولدهم و زوجة ولدهم السابقه وش رح يسو ب دانه ، حست بخوف ولمت يدينها وضمت نفسها بقوه وبدت تبكي
آلاء دخلت وحطت لها ملابس: مرام هذي كلها ملابس جديده قومي اتروشي و نامي
مرام كانت على نفس وضعيتها وتبكي
آلاء زعلت عليها و جلست جنبها وقررت انها تهديها صح ما تعرفها لكن تعرف انه موت الام شي صعب جدا : مرام تكفين حاولي انك تكوني قويه ، هذا قضاء الله وقدره
مرام هزت راسها : ادري بس ليش راحت الحين ؟ ما كنت ابيها تموت الحين
الاء مسكت كتفها : الحمدلله يلي دانه عايشه وهذا لُطف من ربي ، لازم تكوني قويه عشان اختك لا تنسي انه هي كمان بمصيبه وبس تصحى وتعرف انه أمها ماتت و ايش صار فيها ما راح تتقبل بسهوله لازم تكوني قويه عشانها
مرام رفعت كتوفها : عادي اضُمك؟
آلاء فتحت يدينها وضمتها بقوه مرام ما صدقت انه لقت حضن يحتويها وبكت بكاء الألم والفقدان والقهر بكاء الوحده والفراق .
.
اليوم الثاني ؛
آلاء كانت واقفه قدام الشباك ما قدرت تنام كل الليل كل الوقت وهي تفكر بمرام معقوله تكون مثل اختها ولا غيرها واشياء كثير ما خلتها تقدر تنام تنهدت بضيق و ناظرت الساعه كان باقي ثلاث ساعات على شركة التنظيف ..
نواف صحي من النوم و استغرب انها صاحيه بدري : الوشه
الاء لفت عليه و ابتسمت : صباح الخير
نواف جلس : صباح الورد ، ليه صاحيه بدري ؟
الاء جلست جنبه : ما ادري ما قدرت انام كل الليل
نواف بخوف : تعبانه فيك شي ؟
آلاء رفعت كتوفها : ما ادري ، بس قاعده افكر بدانه كانت دايما ترمي كلام مثل السمّ وتقولي ولدك معاق و دايما تذكرني فيه والحين هي طفلها مات و فقدت حلم الامومه للابد
نواف : مسكينه الشي يلي صار لها مو قليل ، انتي دعيتي عليها ؟
آلاء: كنت أقول و انا في عز ضعفي حسبي الله و نعم الوكيل ، معقوله انا السبب
نواف : هذا قضاء الله و قدره لا تفكري بهالكلام و انتبهي لصحتك مابقى شي ع ولادتك
آلاء ابتسمت : كنت متحمسه بنروح سويسرا بس شسوي الدكتوره منعتني من السفر
نواف : ما عليه اسفرك بعد الولاده ونلف العالم كله
آلاء باست خده : ان شاء الله، يلا بروح اشوف مرام ..
قامت و طلعت من جناحها وشافت ليان بتنزل الدرج نادتها وليان لفت عليها : أخيرا صحيتي ما قدرت انام
آلاء: ولا انا اسمعي الحين وش بنقول لهم انه شركة التنظيف جايه بيوم العزا !
ليان : نكذب أي شي وبعدين العزا بعد المغرب والشركة بتجي الظهر
شيخه طلعت الدرج وبيدها صينيه الفطور لمرام وشافتهم يتهامسون : وش عندكم من الصبح ؟
آلاء فزت : بسم الله خالتي خوفتيني كنت بولد بسببك
ليان ضحكت : لا عاد ولاده مره وحده
شيخه : وش عندكم ؟
ليان : بدون مقدمات يا خالتي العزيزه طالبين شركة تنظيف بتجي تنظف جناح لينا وطلال واذا اضطر الامر بنفكك الأثاث
آلاء ناظرت ليان : فعلاً ما تقدري تخلي الكلام ببطنك ابدا
شيخه : وش هالخرابيط فهموني
ليان : بنفهمك كل شي بس بشرط سر بينا ولا تنسين انه انا بنت اختك و لينا بنت اختك مضطره تساعدينا
آلاء ضحكت وشيخه خافت و ليان سحبتها للكنبه وحكت لها كل السالفه .

🪸📚 @storykaligi 🪸📚🖋
🍃🪸
🪸🍃🪸
🍃🪸🍃🪸
🪸🍃🪸🍃🪸

🪸🍃🪸🍃🪸
🍃🪸🍃🪸
🪸🍃🪸
🍃🪸
🪸 237 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍃🪸

عند ذياب ؛
صحي قبل ملاذ وقعد يتأملها ابتسم وسرح بملامحها الجميله يلي كل ما يشوفها يحس انه يرتوي بشوفتها وكانها عذّبه ،
اخذ جواله وشاف في اتصالات كثيره من نواف خاف وحس في شي قام من فوق السرير و طلع لصاله و اتصل عليه ثواني وجاه الرد : أخيرا رديت ، بفهم بس وينك من امس ؟
ذياب : خير في شي ؟ ما مسكت الجوال الا الحين!
نواف : ام دانه توفت و اليوم بنسوي عزاها عندنا بالبيت لانه بيتهم انفجر فيه أنبوب غاز و انحرق كله وغير كذا دانه كانت ببيت أهلها و انحرق و الحين هي بالعنايه
ذياب حس بصداع من قوة الصدمه : متى صار هذا ؟
نواف : امس ، والعزا اليوم بنفتح بيتنا للعزا و لازم تكون موجود
ذياب : اكيد بجي ، طلال كيف حاله ؟
نواف : هادي وسرحان ولا هو معانا
ذياب : طيب خير ان شاء الله خلاص بمركم الظهر.. سكر منه و دخل الغرفه و شافها صاحيه ابتسم لها بحب وقرب لها وباس خدها : صباح الخير ي وجه الخير
ملاذ ابتسمت و تعلقت فيه: صباح النور ، صاحي بدري !
ذياب : ايه عندي لك خبرين واحد حلو و واحد مو حلو
ملاذ جلست وهي ترفع شعرها : خير وش صاير؟
ذياب ابتسم : اول شي بقولك الخبر الحلو ، قومي تعالي معاي
ملاذ : وين اجي توني صاحيه!
ذياب مسك يدها وطلع هو ياها من الغرفه : الحين تعرفين .. نزلو الحوش مع بعض وقف قدام الباب وناظر ملاذ : غمضي عيونك
ملاذ ضحكت : شدعوه ! لهالدرجة المفاجئه تستاهل
ذياب : بصراحه ايه
ملاذ رفعت يدها ع عينها و اليد الثانيه شدت ع يد ذياب ، ذياب فتح الباب و مشاها كم خطوه و وقف شال يدها من عينها و اشر لها : شرايك ؟
ملاذ توسعت حدقة عينها وناظرت ذياب : سياره !
ذياب : ايه سياره لك
ملاذ ناظرت فيه بصدمه و رجعت ناظرت السياره تبي تتاكد هي روز رايز انتبهت ع اللوحه وانصدمت اكثر كانت حرف "م و رقم 1"
ذياب : عجبتك ؟
ملاذ لفت عليه وعيونها دمعت : ذياب مو منجدك هذي سعرها فوق المليون! لا واللوحه بعد !
ذياب حضنها من خصرها : اهم شي عجبتك ي روحي ، انا عندي ملاذ وحده و ابيها اسعد خلق الله
لفت عليه وحضنته بقوه : ايه والله تجنن
ذياب ابتسم لفرحتها وشدها لحضنه اكثر : والله انه عمري كان باهت من عرفتك ازهرت حياتي كلها
ملاذ أبعدت شوي وحطت خشمها ع خشمه وباسته برقه وحب : و الله انك الحياه و الحب
.
نرجع لِ آلاء وليان ؛
شيخه ناظرتهم بصدمه وحست بصداع شاق راسها نصين : انا مو ناقصني خرابيط ل أقوم اضربكم الثنتين ولا فارقه معاي
آلاء: خالتي احنا مو خسرانين شي ، فكري شوي لينا كانت تشوف ثعابين بغرفتها مو مره ولا مرتين يمكن خمس مرات وشفتي حالتها كيف تكون يغمى عليها ولمن تصحى ما تتذكر وش صار بالضبط غير كذا انتِ تشهدي على حب لينا و طلال وتعرفي انه طلال اخذها عن حب و تعرفي انه طلال يموت فيها ولا يرضى على زعلها فجاه كذا بدون أسباب قرر يتزوج دانه !
شيخه وقفت : اسمعو اليوم بيجونا ناس كثير وش شفتو وش صار ما ابي مخلوق يدرى فاهمين جناح لينا سوو فيه يلي تبونه ان شاء الله تهدونه العمال لا يخرجون منه وحاولو انهم يخلصو قبل المغرب
ليان : ابشري
شيخه ناظرت آلاء: ودي انتي الفطور ل مرام و انتي ليان شوفي سحاب شخبارها من امس وهي مو معانا وكل وقتها سرحانه ما عاد عندي قلب يتحمل مصايب اكثر .. تركتهم ومشت
آلاء ناظرت ليان : احسها كانت بتقتلنا
ليان زفرت أنفاسها براحه : ما عليه كل شي عشان لينا يهون
آلاء: الله يستر انا بديت أخاف
ليان ضحكت و آلاء خافت : انجنيتي
ليان : لا بس بلحظه حسيت خالتي رح تاكلنا بس صدقيني رح نوصل لشي و اذا ما لقينا شي نكون نضفنا الغرفه ويمكن نلاقي شي ضايع
آلاء: لا عاد مروقه بزياده مدري زياد كيف متحملك
ليان كشرت على طاريه : ابشرك حتى هو ما تحملني وهج ع بلاد الكفار .. تركتها و دخلت عند سحاب كانت تكلم تلفون وسكرت
ليان : مين تكلمي ؟
سحاب : قررت و اخذت موعد بكرا الساعه 11 الصباح
ليان ابتسمت : كويس
سحاب نزلت دموعها و جلست بالأرض وتحس صوت سلطان ينعاد بمسامعها من امس مو قادره تتخطاه ولا تخطت كلمة " اسف "
ليان خافت وجلست جنبها: سحابي فيك شي ؟
سحاب غمضت عيونها و اخذت نفس عميق : فيني كل شي لأول مره ابي اسافر من البلاد و اتركها كلها لسلطان
ليان : وش هالكلام يا سحاب
سحاب و دموعها ع خدها : تعبت و استهلكت كل طاقتي ما عاد اقدر اتحمل اكثر!

🪸📚 @storykaligi 🪸📚🖋
🍃🪸
🪸🍃🪸
🍃🪸🍃🪸
🪸🍃🪸🍃🪸

🪸🍃🪸🍃🪸
🍃🪸🍃🪸
🪸🍃🪸
🍃🪸
🪸 238 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍃🪸

وقت العزا ؛
ليان و آلاء كانو لابسين عباياتهم و واقفين قدام العمال يلي نفضو الجناح كله
آلاء بتأنيب الضمير : احس ظلمنا دانه لا وفوق هذا الناس تحت تعزينا بموت أمها
ليان تاففت بضيق وحست بندم لانه اتهمتها بالسحر رفعت راسها وغمضت عيونها اول ما فتحتهم ناظرت الستاره سرحت فيها وناظرت العامل : فكها كلها
آلاء: مو من جدك الناس تحت وصلت خلينا نطلع العمال من الباب الخلفي
ليان : تكفّين آلاء اخر محاوله
آلاء: وش بتدوري بالستاره .. قربت ناحيتها ونفضتها بقوه وتكلمت بحده : مافيها شي قطعه قماش
ليان : ابي العمود هذا اخر محاوله وعد مني
آلاء مسكت راسها : مين قالي امشي وراك و اصدقك
ليان : معليش اختي اهم من كل شي لو شفتي وجه لينا كيف تشوه كان سويتي اكثر
العامل وهو يفك عمود الستاره "الماصوره" طاحت عليه للأرض و انكسرت وطاحت ورقه !
ليان ناظرت آلاء و قلبها رجف بقوه ومسكت يد الاء وشدت عليها
آلاء قربت و انحنت حست القشعريره مشت بكل انحاء جسمها
ليان نزلو دموعها بخوف : هذا سحر و الله سحر ، بسم الله اعوذ بالله ، يارب اصرفهم عنا يارب اصرفهم
الاء ناظرتها بخوف : اسكتي يا ليان
ليان : كيف بناخذه الحين!
آلاء رفعت راسها للعامل: ابي كيسين صغار .. اخذت منه الكيسين دخلت يدها دخل كيس والثاني فتحته وحطت السحر داخله!
__
تحت بالصاله؛
ناس داخله و خارجه وطلال فتح بيت اهله لكل الناس وما قصر ابدا ،
لينا دخلت مع أمها وهي جدا خايفه ولأول مرا ترفض انها تجي بيت خالتها شيخه بس أمها أصرت انه تروح لانه العزا واجب ،
لبست كمامتها قبل تدخل الصاله ما تبي احد يشوف وجهها المتشوه اول ما حطت رجلها بالصاله حست بشي يكتم ع صدرها لكن قاومت ومشت ناحيه مرام مدت يدها وهي ترجف مو خوف ترجف من الشعور يلي داخلها وما قدرت تسيطر عليه
مرام شافتها وحست قلبها انقبض وعرفت انها لينا وقت شيخه وقفت وتكلمت : لينا حياكِ الله يا بنتي
مرام وقفت وسلمت عليها وضمتها ولينا انصدمت منها : عظم الله اجركم
مرام نزلو دموعها وهمست : سامحيها يا لينا سامحيها وحلليها
لينا ناظرتها وحست بشي غريب مسكت راسها و اختل توازنها وقفت ملاذ ومسكتها بسرعه وهمست : انتِ بخير؟
لينا حست انه روحها بتطلع و انه بتستفرغ كانت تناظر ملاذ وعيونها مفتحه ع الاخر : طلعيني بسرعه من هنا
ملاذ خافت شدت ع يد لينا بقوه ومشتها للمطبخ وجلستها فوق الكرسي، لفت بتصب لها مويه لكن انصدمت وقت سمعت صوت طيحتها لفت بخوف وكانت طايحه بالأرض فاقده وعيها !
.
بعد مرور ساعه كامله ؛
ملاذ كانت قاعده بالأرض وماده رجولها ولينا بحضنها ما كلمت احد عشان لا تشغل بالهم وقت العزا ولا قدرت توصل لِ آلاء تنهدت بضيق وحست لازم تكلم ذياب عشان ياخذون لينا للمستشفى ، لينا تحركت وبدت تفتح عيونها بشويش
ملاذ ابتسمت : اخيراً، لينا تسمعيني
آلاء فتحت الباب و دخلت ومعاها ليان ، ليان اول ماشافت لينا شهقت بصوت وجلست ع الأرض و رفعتها لحضنها : لينا عمري وش صار لك ؟
ملاذ بعصبيه : وينكم بفهم اختفيتو وكانه الأرض انشقت وسحاب بغرفتها وخالتي مع الناس ما لقيت احد كنت بتصل بذياب
آلاء بخوف: ملاذ نحنا بمصيبه
لينا همست : ليان
ليان دمعت عيونها : ي عمري، لينا ابشرك لقينا السحر والله لقيناه انتي مسحوره يا لينا كلام الشيخ صدق
ملاذ فتحت عيونها بصدمه : كيف !
آلاء حكت السالفه كلها ل ملاذ ، ملاذ حست بغثيان من بشاعه الكلام همست : سحر سحر!
ليان : يلي صار ل دانه انتقام من ربي لك يا لينا
ملاذ : لحظه متاكدين انه دانه ؟
ليان : مافي شخص غيرها دخل هالبيت والله ل افضحها
ملاذ مسكت ليان : اهدي اهدي الناس معبيه البيت
ليان : اقسم بالله ل افضحهم كلهم موتو اختي من الألم لا وفوق هذا نسوي عزاهم ببيتنا
ملاذ : ليان اهدي لا تتسرعي و تندمي ، أولا السحر لازم ناخذه لشيخ عشان يفكه ثانياً العزا له حُرمه لا تسوي فضيحه بالبيت وتخلي الناس تعرف انه اختك مريضه و انسحرت الناس ما راح تنسى وراح تتكلم بهالموضع دايما ، غير كذا دانه للحين زوجة طلال فضايحنا و أسرارنا ما نطلعها قدام الناس ابدا
آلاء: صح كلام ملاذ وبعدين انا بعطي السحر لعمي ياخذه لشيخ وبس يمشو الناس نتكلم مع عمي وخالتي حتى طلال لا يدري الحين لانه يمكن يوقف ضدنا ويمكن يصير شي عكسنا كلنا
ملاذ : المهم محد يدري ، والحين خلونا نطلع لا نجيب لانفسنا الكلام
ليان ناظرت لينا وضمتها وباست راسها : باذن الله بترجعين اقوى وافضل و اجمل من قبل اصبري يا روحي تعبتي كثير وبقى بس القليل
آلاء دمعت عيونها وهي تشوف لينا بحضن ليان كانها طفله مالها قوه ولا حيل ، تعبانه و ارهقها المرض و وجهها يلي متغير ملامحه وكانها صارت وحده ثانيه.

🪸📚 @storykaligi 🪸📚🖋
🍃🪸
🪸🍃🪸
🍃🪸🍃🪸
🪸🍃🪸🍃🪸

🪸🍃🪸🍃🪸
🍃🪸🍃🪸
🪸🍃🪸
🍃🪸
🪸 239 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍃🪸

صباح اليوم الثاني؛
ملاذ
صحت من النوم وهي تحس انه راسها بينفجر وكانها داخل قدر ضغط وبتنفجر باي للحظة مسكت راسها بيداتها الثنتين من قوة الصداع غمضت عيونها وهي تتذكر هي وين فتحت عيونها وسرحت بالغرفه غمضت عيونها وفتحتهم وغمضت وفتحتهم وغمضت وفتحتهم تبي تتاكد انه يلي تتذكره واقع والا حلم
وقفت ومشت بهدوء ولمست الكنبه ولمست الجدار ونزلت دموعها بهدوء وهي تتذكر كل شي صار بنفس هالمكان كانت واقفه وذياب قالها نطلق حست النار تكوي صدرها فتحت فمها عشان تتنفس ولا قدرت حست انها تتنفس نار من قوة الحريق يلي شاعله بصدرها
جلست ع ألأرض لانه حست رجولها ما تشيلها سندت ظهرها ع الجدار وبدت تبكي بحرقه والم وقهر حست نفسها انها غبيه وانه ذياب استغلها واستغل فقدان ذاكرتها و انها مجرد لعبه بين يديه لانه كذب عليها وعيشها مشاعر مزيفه وخدعها وهو بالاخير رح يتركها و يطلقها بغمضة عين،
تذكرت هي شكثر تحبه وتموت فيه وفعلاً ما تحس بالأمان الا بقُربه و رغم انها قويه الا انها تحس انه سندها بهالحياه ،
شدت ع شعرها بقوه لانه جاها شعور الغباء و انه عرف يخدعها بسهوله ثواني وحست انها رح تنجن ،
ارتفعت نبرة صوتها وهي تبكي ولأول مره بحياتها تبكي بهالطريقه ، بكت قهر وبكت حب بكت خذلان وبكت انكسار رفعت راسها عشان تتنفس لكن شهقت شهقه وحست روحها طلعت ..
هاللحظة ذياب كان داخل الجناح وبيده الفطور اول ما شافها جالسه بالأرض و تبكي بصوت طيح الاكياس من يده وقرب لها بخوف ومسكها من كتوفها : ملاذ انتِ بخير ؟
رفعت عيونها له وناظرته و سرحت فيه لين ذياب شك بنفسه من نظراتها همس لها بنبره هاديه: ملاذ
ملاذ ناظرت عيونه عن قُرب التمست من نظراته الحب والخوف عليها بلعت ريقها و رفعت يدها ومسكته من كتوفه وهزته :أتمنى أكون اقوى منك جسدياً عشان اضربك لين تموت و ارتاح من كذبك وشرك يلي ما ينتهي
ذياب غمض عيونه وعض شفته وعرف انها تذكرت وقف قدامها : تذكرتي الماضي؟
رفعت يداتها لصدره وخبطته بقوه : انت وشو يا ذياب؟ وشو ؟ وشو ؟
رفعت نبره صوتها با اقوى شي : ليش ؟ ليش ياذياب سويت فيني كل هذا ؟ ليش ما صارحتني لمن صحيت وقلت لي الحقيقه ليه كذبت عليا وعيشتني الحب مره ثانيه وخليتني احبك مرا ثانيه وتعلقت فيك مرا ثانيه ،
هدت نبره صوتها وتكلمت بوجع : ليه يا ذياب ؟ انا الحين كيف بتخطى ؟ وكيف بنسى ؟ وانا عشت معاك المشاعر مرتين ؟ انت متزوجني عشان تنتقم مني ؟ متزوجني بس عشان تدمرني والا تزوجتني عشان كان بخاطرك تتزوجني ولا ليش تزوجتني! الزواج وشو بالنسبه لك ؟ لهالدرجة متساهل بمشاعرنا؟ طيب الكلام يلي اسمعه منك كل يوم معقوله كذب ؟ وليش تكذب أساسا ترا مو مضطر تمثل الحب طلقني وخذ لك وحده رابعه احسن ..
قربت عليه و رفعت سبابتها : والله العظيم ل اجرجرك بالمحاكم و حبي هذا رح اخليك تدفع ثمنه ، انا عطيتك قلب لو غيرك خذاه ما نام الليل من حرصه عليه
ذياب مسح ع وجهه وقرب لها ومسكها من كتوفها حاولت انها تفلت منه بس ثبتها بكل قوه : ملاذ
ملاذ حست صوتها راح من كثر ما بكت : اتركني ذياب ، اتركني انا صح حبيتك مرتين وكرهتك مية مره ، لانك اوجعتني بطريقه بشعه انت استغليتني يا ذياب انت مافي كلمه توصفك ، لو انك عدوي ما خدعتني هالخداع كله
ذياب قرب وجهه وحط جبينه ع جبينها وهمس بنبره حزينه مكسوره : انا عقيم !

🪸📚 @storykaligi 🪸📚🖋
🍃🪸
🪸🍃🪸
🍃🪸🍃🪸
🪸🍃🪸🍃🪸

🪸🍃🪸🍃🪸
🍃🪸🍃🪸
🪸🍃🪸
🍃🪸
🪸 240 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍃🪸

ملاذ حست بمويه بارده ثلج انكبت ع ظهرها هدت وكانها اخذت حبه مسكن أبعدت عنه وناظرته وكانها تبي تتاكد من يلي سمعته
ذياب هز راسه وهو يآكد ع كلامه : انا عقيم ، عقيم يا ملاذ ، عشان كذا قلت لك نطلق ما ابي اظلمك معاي اكثر و انتِ تبي تصيرين ام لكن مستحيل انا أكون أبو اولادك ، لكن يوم دخلتي بغيبوبه عشت أيام ما اتمناها لعدوي و وعدت نفسي بس تصحي بحكي لك الحقيقه كلها اقولك انا عقيم ولك حرية الاختيار لكن صحيتي و انتي فاقده جزء من الذاكره وما قدرت اقولك أي شي
ملاذ همست : من متى و انت تدري انك عقيم ؟
ذياب مسح ع وجهه وجلس بالأرض من قلة حيلته : من زمان من قبل لا اتزوجك
غمضت عيونها بقوه وحست انها اُصيبت بسهم ثاني ع قلبها : تزوجتني وانت عقيم ! ولا قلت لي ولا صارحتني ؟ خدعتني يا ذياب؟ لعبت فيني وبمشاعري؟ خليتني احبك و اتعلق فيك و بعدين تجي تقولي بكل دم بارد خلينا نطلق عشانك عقيم ! ليش ما قلت لي من وقت النظرة الشرعيه ليش ما صارحتني من بداية زواجنا ؟ انت كم مره كذبت عليّ يا ذياب ؟
ذياب سند راسه ع الجدار : قبل سبع سنوات كنت ب لندن وعرفت انه انا عقيم لمن تزوجت المره الثانيه و طليقتي تاخرت بالحمل وهي سوت تحاليل و انا سويت تحاليل بلندن لانه جاني شك انها سليمه ولا حملت ويومها تلقيت اصعب خبر بحياتي وعرفت انه عقيم ، هاليوم بالذات مو قادر انساه أبدا انكسر شي بداخلي تدمرت نفسياً صرت قوي بس من خارج وقدام الناس لكن من داخل انا هش وعباره عن حُطام
هزت راسها بالنفي لانها مصدومه من الكلام : ليش تروجت اكثر من مره!
ذياب : كنت رافض الزواج تماماً وبس شفتك وافقت لكن جاني الندم اول ليلة بزواجنا جاني ندم انه ظلمتك معاي لكن كنت منتظر معجزه من ربي وتحملين وصار يلي ما توقعته حبيتك ومو أي حب والله ربي عاقبني بحبي لك عشقتك حد الجنون وصرتي انتي نقطه ضعفي يا ملاذ، صرت انام وانا خايف و اصحى و انا خايف ، خايف انه يجي اليوم يلي تتركيني فيه و اعيش بدونك ، انتِ الحقيقه الوحيده بحياتي وانتِ الصح من بين كل اخطائي ، حبيتك بوقت قلبي مافيه مكان سليم وخليتي كل قلبي سليم ..
نزل راسه وناظر عيونها يلي كانت تبكي ومصدومه : لا تفكري انه انا كنت مرتاح و انا اكذب عليك الندم كان كل ليله يزورني وكل مره تجيبي طاري الحمل اكره نفسي مليون مره ، يشهد الله انىِ احبك و اموت فيك ومستعد اعطيك روحي لو تبينه ، ولا للحظه فكرت استغلك او اضحك عليك، انتِ يا ملاذ يلي احيّيتي قلب الذياب
ملاذ مسحت دموعها وقربت عليه لا شعورياً حطت يدها ع يده صح ماهي مسامحته بس ما قدرت تشوف دمعته وهي متعوده عليه انه قوي ما يهزه شي : تعالجت يا ذياب ؟
هز راسه بالنفي : لا ما تعالجت لانه كل طبيب ازوره ما ساعدني انه ابدا بالعلاج لانه نسبة العقم ما تُعالج
ملاذ : مين يدري بالموضوع؟
ذياب سحب يده من يدها : محد يعرف الا انا و انتي ..
وقف و انحنى وباس راسها : انا قوتي انتهت هنا وبهاللحظه ، لا تنسين انه انا احبك ولا شخص بالدنيا يقدر يحبك مثلي و انا راضي بالفراق لو تبينه اهم شي تكوني بخير !

حال الذياب يقول : وكأنني لم اجد شيئاً اقتل نفسي فيه فأحببتكِ !
حال ملاذ يقول : لم يكن فراقك علىِ هين لكنه امراً مقضياً !
.
#يـــــتـــــــبــــــــــع...

🚫 يسعدنا مشاركة الرواية ولكن لا نسمح بحذف توقيع القناة 🚫

https://www.tg-me.com/joinchat-AAAAAD1p6TqBBTyITQumpA

🪸📚 @storykaligi 🪸📚🖋
🍃🪸
🪸🍃🪸
🍃🪸🍃🪸
🪸🍃🪸🍃🪸

🌷🍃🌷🍃🌷
🍃🌷🍃🌷
🌷🍃🌷
🍃🌷
🌷 241 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🌷🍃

سحاب وقفت قدام العياده وهي تحس قلبها طبول من الخوف ، خايفه تخطي هالخطوه وتندم لكن ما عندها خيار ثاني دخلت بخطوات هاديه اول ما شافت الدكتور بلعت ريقها بخوف
رفع راسه و ابتسم لها و رحب فيها مثل أي مريض : اهلا و سهلا سحاب ، تفضلي
سحاب جلست و هي تفرك يداتها من التوتر ولا هي عارفه وش تقول ولا كيف ترتب كلامها وتبدا معاه
الدكتور سيف وقف ومشي وجلس بالكرسي مقابلها و انتبه انها متوتره وكسر خوفها وقت سألها: تشربين شاي والا قهوه ؟
رفعت راسها ب استغراب : شاي والا قهوه ! مو انا بعياده!
سيف : ايه ، بس معانا ساعه كامله نسولف فيها وهالشي ما يمنع انه نشرب شي نحنا نحبه ونبيه
سحاب هدت شوي : طيب. بشرب قهوه
سيف رفع السماعه و طلب قهوه له ولسحاب
سحاب اخذت نفس : ما رحّ تسألني شي !
سيف : ابدأي انتِ ، وقولي لي كيف حالها سحاب؟
سحاب ابتسمت بحزن: سحاب ما اخذت من اسمها نصيب ابداً
سيف : عادي ، خلي اسمها هو يلي يأخذ منها نصيب الفرح مو هي !
سحاب : ترا راسي دوشه لا تبدا بالألغاز يا دكتور
سيف ابتسم : مو ضروري ناخذ من اسمنا نصيب اعتبري هالشي خُرافه
سحاب سرحت شوي بالأرض: المره الأولى قلت لي لا تنتظري نهايه سعيده مثل الأفلام وتنتظري الشخص يلي هو السبب بوجعك يجي ويعتذر ، لكن صار هالشي يا دكتور و سلطان اتصل ..
رفعت راسها و نزلت دموعها وكملت بنبره هاديه و ترجف : قال آسف !
سيف : سامحتيه؟
مسحت دموعها ويدها ترجف : لا مو قادره ، بس ابي اعرف هو كيف تخطى الماضي ؟ كيف عايش الحين ؟ انا عايشه ع الذكريات وكل يوم اتوجع وكل يوم ابكي لدرجة طفشت من نفسي ومن دموعي ، عشان كذا انا جيت عندك و اخذت اول موعد لانه ابي اتخلص من الماضي و من ذكرياته كلها ما ادري انت وش رح تقولي ولا ادري انت وش تعرف عن حالتي ، بس بختصرها لك كلها انا حبيت سلطان وفعلاً حبيته من قلبي وكان هو أولى اولوياتي و وقفت بوجيه اهلي عشان يوافقون عليه وملكنا على بعض وحملت قبل الزواج و نفس الشي سويته و وقفت بوجه اهلي و تزوجته ومن بعدها بدت مشاكلنا بدت من اتفه الاشياء ، وكنت انا يلي اتنازل هو ما يتنازل لين كبرت وكبرت اكثر و كرهته بيوم شك فيني وعايرني بالماضي ونسى انه انا وثقت فيه وحبيته! و تخليت عن ولدي وتطلقت بعد ولادتي اول ما طلعت من العمليات ، حتى ملامح ولدي ما اعرفها!
.
شيخه كانت قاعده بالصاله و رابطه على راسها بالشيله من قوة الصداع يلي جاها وقت عرفت بالسحر..
آلاء جلست جنبها وحطت صينيه القهوه : خالتي اصب لك فنجان؟
شيخه : لا لا ما ابي ما ابي اشرب شي ، راسي بينفجر شربت ثلاث بنادول ولا هو راضي يهدا احس بنجن نحنا كنا عايشين مع ساحره ، وكنا ناكل معها وننام كلنا بنفس هالبيت، ياربي بموت من الصدمه
آلاء: خالتي هو مافي دليل يثبت انها دانه لكن مافي غيرها عشان كذا لازم طلال ما يدري الحين ابدا
شيخه : و اذا جاء بكرا و دخلها البيت وش أقوله ؟
آلاء: والله ما ادري لازم نستنى شوي ونشوف وش بيصير مع لينا وبعدين دانه يبي لها أسبوع بالعنايه
شيخه مسكت راسها : لا و امس مسوين عزا أمها هنا بالبيت و اختها بعد دخلناها بيتنا ، احس عقلي بيطير من مكانه مو قادره استوعب
آلاء: احس اختها مو مثلها
شيخه قاطعتها : لا تحسين ، كلهم مثل بعض
آلاء: والله ما عاد ادري مين الصادق ومين الكاذب انا من الصدمه احس انىِ بولد امس كل الليل تجيني اوجاع
شيخه : لا تولدي انتبهي مو وقته ابدا خليني اخلص من سالفه السحر و دانه وبعدين اتفرغ لك
آلاء ضحكت : ابشري بقوله يجلس ببطني لين تخلص كل مشاكلنا بعدين يجي و يفرحنا ..
سكتت شوي وكملت : رغم انه جيته بتبكينا ونحنا نفارقه بس عادي ع الأقل بفرح دقايق بشوفته
شيخه شافت لها و انكسر خاطرها عليها و ابتسمت عشان تلهيها شوي : انتِ مسويه القهوه؟
آلاء مسحت دمعتها بسرعه وهزت راسها : ايه
شيخه : دامك انتِ مسويتيها صُبي لي
سحاب دخلت الصاله : اهلين
شيخه لفت لها : يا هلا والله بسحاب
آلاء: جيتي بالوقت الحلو تعالي تقهوي معانا عاد من زمان ما تقهويتي معانا
سحاب جلست : انا اليوم ما رحت الطوارئ مثل ما قلت لكم رحت موعد مع دكتور نفسي ، رحت عشان اتخطى الماضي و اتجاوز كل شي و ارجع افضل من قبل و اكمل جامعتي و اتخرج
شيخه ابتسمت بفرح : الحمدلله يا رب ، و سَعد ؟
سحاب نغزها قلبها وطاح فنجانها من يدها : ما ادري عنه ما فكرت فيه !
شيخه : فكري فيه يا يمه ، ترا ولدك لَا كبر بتتمنين انه يسامحك بوقتها مافي أي عذر يشفع لك .

🌷📚 @storykaligi 🌷📚🖋
🍃🌷
🌷🍃🌷
🍃🌷🍃🌷
🌷🍃🌷🍃🌷

🌷🍃🌷🍃🌷
🍃🌷🍃🌷
🌷🍃🌷
🍃🌷
🌷 242 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🌷🍃

عند ملاذ ؛
فزت من النوم وهي تسمع صوّت جوالها ناظرت نفسها وهي بالأرض بنفس المكان يلي تركها فيه ذياب بكت لين نامت بدون لا تحس ناظرت الشباك و من الشمس عرفت انه العصر ، نزلت دموعها وهي تتذكر ذياب وتتذكر كلامه وتتذكر شكله وقفت من الأرض بصعوبه ومسحت دموعها شافت جوالها و كانت الاء اخذت نفس و ردت عليها : الو
آلاء: يا هلا والله ، اخيراً يا ملاذ رديتي صار لي ساعتين اتصل عليك عاد خفت فيك شي
ملاذ : معليش كنت نايمه ، تصدقي كنت بتصل و اطمن عليكم و اسالك كلمتي عمي ع السحر
آلاء: ايه عطيته إياه و اخذه لشيخ عشان يفكه
ملاذ : الحمدلله
آلاء: ملاذ فيك شي ؟ ليش صوتك كذا ؟
ملاذ حست انها تكتم صراخها : تعبانه شوي
آلاء : عاد هالفتره كلنا تعبانين مدري والله شصاير فينا
ملاذ : آلاء بسالك انا يوم سويت الحادث أتذكر اتصلتي علىِ و كنتي تبكين وش كان فيك؟
آلاء ابتسمت : ملاذ تذكرتي ؟ يعني رجعت لك الذاكره؟
ملاذ : ايه ، وياليتها ما رجعت يا آلاء
آلاء اختفت ابتسامتها : ليش تقولين كذا وش صاير ؟
ملاذ : بس كذا تعبانه ، ما عليك مني قولي لي ليش كنتي تبكين؟
آلاء: هذيك اليوم عرفت انه طفلي معاق و طلبو مني إجهاضه، و اتصلت عليك عشان اسالك وتدليني ع دكتور افضل
ملاذ : والله ما ادري شقولك ، الله يقومك بالسلامه يا آلاء
آلاء ابتسمت : آمين، اسمعي عاد اتصلت عشان اقولك نواف يسال عن ذياب يقول اليوم كان عندهم اجتماع مهم وهو ولا جاء ! وينه ؟
ملاذ غمضت عيونها و نزلو دموعها : هو ما شافه ابدا ؟
آلاء ناظرت نواف : ما شفته ابدا ؟
نواف : يعني لو شفته بخليك تسآلينها!
آلاء ضحكت : و انت صادق ، ملاذ يقول ما شافه ابدا
ملاذ : شفته بالصباح وبعدها نمت ما ادري وينه ولا تواصلت معاه
آلاء: خلص اوكي ، يلا حبيبتي باي
ملاذ سكرت منها وتمدت فوق السرير و نزلت دموعها و استسلمت لوجعها وقهرها وبدت تبكي لين حست روحها رح تطلع من صدرها!
.
عند دانه ؛
طلال كان جنبها طول الوقت ما تركها ابدا ، كان واقف عند راسها و يحاول يشربها العصير بهدوء ، لانه تقريباً كل جسمها مغطي بشاش من الحروق يلي انصابت فيها وجزء من وجهها انحرق ومُغطي ..
امتلت عيونها بالدموع ومسكت يد طلال : طلال قولي الصدق انا تشوهت ؟
طلال باس يدها وهو يهديها : دانه ي روحي لا تفكرين الحين بالحروق بسوي لك عمليات تجميل و ترجعين احسن من قبل الحين اهتمي بصحتك
اندق الباب و دخلت مرام اول ما شافت دانه صحت ابتسمت بفرح : دانه صحيتي
دانه تذكرت اخر موقف لهم ونزلت دموعها ومدت لها يدها : مرامي
مرام قربت لها بسرعه ومسكت يدها: الحمدلله يلي صحيتي
دانه : امي وينها ؟ متى اقدر اشوفها ؟
طلال : الحين صحتك اهم بعدين تشوفينها
دانه ناظرت مرام : قولي الصدق امي وينها احس طلال يكذب
مرام : امي ماتت يا دانه ، ماتت
طلال تأفف بضيق ولف عنهم لانه يدري بتصير مناحه
دانه ناظرتها بعدم استيعاب : وش تقولين ؟ مجنونه انتِ !
مرام : لا والله هذا الصدق و امس كان عزاها ببيت اهل طلال
دانه حست قلبها بيوقف : لا لا مستحيل امي تتركني مستحيل تموت وتخليني لحالي انا وش بسوي بدونها .. صرخت بصوت : طلال تكفى ابي امي ، طلال قول انها تكذب طلال انت وعدتني بتاخذني لها ، طلال ليش ساكت طلال وين امي وينها؟
زادت شهقاتها : يمه وينك وينك
مرام زادت دموعها ولفت عنها ، طلال مسح ع وجهه وقرب ل دانه وضمها لصدره وهو يمسح ع ظهرها :دانه حبيبتي هذا قضاء وقدر لازم ترضين فيه
دانه كانت منهاره ولا هي مهتمه لكلامه : راحت وخلتنا لحالنا ، راحت قبل لا تشوف حفيدها
مرام ناظرت طلال بصدمه وطلال اشر لها تسكت ، مرام حست بضيق و طلعت من الغرفه جلست ع الكرسي وهي تبكي بهدوء تبكي زعل على أمها وتبكي على اختها يلي فقدت طفلها و فقدت حلم الامومه ، زفرت أنفاسها بضيق وهي تدري انه يلي صار لدانه انتقام من ربي على كل شي سوته ب لينا !
دانه كانت تبكي وتحس روحها رح تطلع مجرد انها ما رح تشوف أمها ابدا رفعت راسها وناظرت طلال : امي راحت يا طلال تكفى لا تتركني لحالي مالي غيرك انت و ولدي
طلال ابتسم وهو يطمنها : ومين قال بتركك يا دانه .. ضمها لحضنه مره ثانيه وجلس حاضنها لين هدت وتعبت ونامت من كثر المسكنات يلي تاخذهم.

🌷📚 @storykaligi 🌷📚🖋
🍃🌷
🌷🍃🌷
🍃🌷🍃🌷
🌷🍃🌷🍃🌷

🌷🍃🌷🍃🌷
🍃🌷🍃🌷
🌷🍃🌷
🍃🌷
🌷 243 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🌷🍃

بعد مرور اسبوع ؛
هالاسبوع كان جداً جداً هادي على كل الابطال ولا احد قابل احد كل شخص انشغل بنفسه ،
ذياب قضي كل وقته وهو قاعد بالشاليه حقه ما رجع البيت ولا شاف ملاذ ولا حتى راسلها برسالها يطمن عليها حتى شغله موقفه ولا قابل أي حد منهار بكل ما تعنيه الكلمه فقد شغفه بالحياه وحس انه كبر عشر سنين قدام ولأول مره يحس بتعب جسدي !
ملاذ كل وقتها وهي بالبيت وخاصةً جناحها ما تطلع منه ابدا والاكل يوصلها لسريرها ، يومها عباره عن نوم وصلاة وقراءه قرآن ..
زياد اليوم وصل جده وبلغ ليان انه وصل وليان قررت انها ترجع له وتبدا تعيش معاه حياه جديده لانها تحبه وهو يحبها وما رح تلقى مثل زياد..
لينا تحس انها تحسنت شوي لكن في شي غريب وهي مستغربه منه ومستغربه من مشاعرها يلي حست انها حنت ل طلال و اشتاقت له !
دانه تحسنت وشالو عنها الشاش وبعض الحروق رح يعالجوها بالكريمات والليزر ، نفسيتها تحسنت لانه طلال ما تركها ابدا وكل الوقت معاها بالمستشفى ..
سحاب ما زالت مستمره بالعلاج النفسي و بدت تحس بلذة الحياه و السعاده لكن ما زال المها موجود !
سلطان حياته عباره عن شغل و اكل و نوم ويشوف ولده ساعات قليله باليوم ولا حاسس بفراق سحاب اساساً تجاوزها وعايش حياته بسهوله ..
آلاء كل يوم تجيها اوجاع ودخلت بالشهر التاسع ومتوقعه الولاده باي لحظه ، نواف ما يتركها ابدا وكل يوم يعيش الخوف لو تجي لها الولاده وممكن يخسرها !
.
الساعه 2 و النص ؛
يوم الجمعه؛
الكل كان مجتمع ع سفرة الغداء ما عدا دانه و ملاذ ، ملاذ اعتذرت انه تعبانه لكن بالحقيقه ما تبي تشوف احد وخصوصاً ذياب..
شيخه : أقول طلال دانه متى بتطلع من المستشفى؟
طلال : الدكتور قال تقدر تطلع هاليومين بس انا بخليها كمان أسبوع عشان اطمن عليها اكثر ، وغير كذا للحين ما كلمناها انه خسرت الطفل
نواف : معك حق خليها لين تتحسن
عبدالناصر ناظر ذياب يلي كان شارد ولا هو معاهم ومن وقت دخل و القى السلام ما قال كلمه وحده : ذياب
ذياب كان يفكر بملاذ ولا سمع ابوه ابدا
عبدالناصر زاد خوفه عليه وشك انه فيه شي : ذياب ذياب
نواف هز ذياب : وين شارد ؟ ابوي له ساعه يناديك!
ذياب ناظره : سمّ يبه
عبدالناصر : انت بخير ؟
شيخه : شفيك يا يمه صار لنا أسبوع ما شفناك ويوم شفناك كانك بعالم ثاني!
ذياب مسح ع وجهه: لا مافيني شي بس شوي تعبان
طلال : وش فيك يا ذياب ؟
ذياب هز راسه بالنفي بدا ياكل ويتغصب الاكل بس يبيهم يلتهو عنه شوي
شيخه : ذياب ما تفكر تتزوج ؟
ذياب فز قلبه و ناظر امه : اتزوج!
نواف : افا يا يمه بتزوجين ذياب الرابعه زوجيني انا الثانيه كل عيالك ثنو الا انا المسكين
الاء : بجهنم الحمراء تتزوجها قول امين
ضحك نواف و ضحكو كلهم
الاء ناظرته وهي مكشره : بفهم بس وش بتستفيد لو تزوجت الثانيه ؟
طلال تذكر لينا وناظر الكرسي يلي كانت تجلس فيه وحس بغصه بقلبه لانه حنّ لها ولايامها ولسواليفها ولضحكتها وحن لكل شي مرتبط ب لينا !
نواف : امزح امزح ، والله امزح انا مستحيل اسويها ، الا يا يمه ليش بتزوجين ذياب ؟ ع أساس الحين بيتزوج ترا ولدك واقع بالحب ومستحيل يسويها خلص بعد ملاذ سكر الباب و رمي المفتاح للبحر
سحاب : ماشاءالله شوي ثانيه وتصير شاعر
نواف ضحك : كانك متفقه مع الاء ضدي ؟
سحاب : لا ابد ، بس كلامك يدل انك شاعر
نواف : اجل من اليوم انا شاعركم لو تبون قصيده كلموني و انا اكتبها لكم
الاء وهي تتمسخر عليه : اكتبها تحت القمر ويكون في مطر بعد
شيخه : خلص بس يكفي .. ناظرت ذياب و كملت: ذياب انت بالاربعين و أخاف تدخل الخمسين ولا جاك ولد وملاذ للحين ما حملت و انتو صار لكم اكثر من سنه متزوجين
عبدالناصر : كلام امك صدق انا أقول لا تأخروا فكرة الانجاب انت كبير بالعمر و زوجتك بعد كبيره ..

🌷📚 @storykaligi 🌷📚🖋
🍃🌷
🌷🍃🌷
🍃🌷🍃🌷
🌷🍃🌷🍃🌷

🌷🍃🌷🍃🌷
🍃🌷🍃🌷
🌷🍃🌷
🍃🌷
🌷 244 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🌷🍃

ذياب كان ماسك كاسه العصير بقوه وحس انهم كبو ملح على جرحه
نواف تضايق لانه يدري بالحقيقه وحب انه يلطف الجو شوي : ترا عادي احنا يلي مستعجلين ع الانجاب والا الصح واحد يجيب أطفال وهو كبير عشان يربيهم تربيه صح
شيخه : اترك هالكلام السخيف اخوك طق الأربعين ولا عنده ولد ، ذياب اذا زوجتك فيها مشكله ترا عادي تزوج وجيب لك ولد يحمل اسمك ، انا أخاف اموت ولا شفت ولدك
فزو بخوف وقت انكسرت الكاسه بيد ذياب و اختلط الدم بالعصير !
شيخه وقفت بخوف : ذياب انت بخير وش صار لها يدك ؟
ذياب وقف وخبط الطاوله بقوة وطاحت الكاسات يلي ع الطاوله ناظرهم بحده : حياتي محد يدخل فيها .. تركهم ومتجاهل كل اسئلة اهله عنه ومتجاهل صوت امه يلي تناديه !
عبدالناصر وقف ونادي بصوت عالي : وقف ذياب وش هالتصرف ما تعودت يطلع منك هالحركات ! أمك تبي مصلحتك وتبي تشوف ولدك ولها الحق تسالك وانت واجب عليك ترد عليها ب ادب لانها امك وتحترم انه نحنا على سفره وحده فاهم!
ذياب كان واقف ومعطيهم ظهره ابتسم بسخريه ولف عليهم ومشى باتجاه الطاوله حط يداته وهو مبتسم!
طلال : يدك تنزف خليني اوديك الطوارئ
ذياب زفر أنفاسه بضيق : على امرك يا يبه ، والحين اجاوب امي ب احترام، تدري يا يمه ليش للحين ما جاني ولد ؟
نواف غمض عيونه لانه يدري وش بيسمع !
ذياب كمل بنفس النبره الحاده الحزينه : لانه ولدك ذياب عقيم عقيم عقيم
شيخه فتحت عيونها ل اخر شي وحست قلبها بيطلع من مكانه من قوة الكلام يلي سمعته
عبدالناصر حس بنغزه بوسط قلبه وصار يلي كان يشك فيه لكن رغم شكه ما توقع ابدا يطلع هالشي حقيقه؟
طلال : ذياب وش قاعد تقول ؟
ذياب : ارتحتو الحين ! عرفتو ليش طلقت مها لانه عرفت بالعُقم و تزوحت ملاذ وكنت على امل تصير معجزه و تحمل لكن صار العكس ، خلص ما ابي اسمع احد فيكم يقولي تزوج والا ليش ما حملت ملاذ ارحموني من العذاب النفسي يلي قاعد اعيشه كل يوم ، وملاذ تدري بالسالفه كلها ولها حُرية الاختيار ! ..
تركهم وطلع من الصاله والبيت بكُبره ، سند راسه ع الدركسون و زفر أنفاسه براحه رغم الضيق يلي فيه حس انه خفيف ومثل الطير السر هذا كان جبل على قلبه ولمن باح فيه ارتاح راحه عظيمه .

بالصاله ؛
كانو جالسين بنفس مكانهم وكلام ذياب يتردد بمسامعهم ، شيخه نزلت دموعها و بدت تبكي وتحس قلبها انكوي ع ذياب كلّ المصايب يلي جت لها كانت تقول بتنحل لكن عُقم ولدها وبكرها وضيء حياتها كيف بينحل ، قامت من على السفره و طلعت غرفتها نامت ع سريرها وارتفع صوتها وهي تبكي وتحس روحها رح تطلع من مكانها ، الفتره الاخيره ما كانت سهله عليها وكلام ذياب الحين قضي عليها وعلى قوتها وصبرها ، ولأول مره حست بالهزيمه لانه طول عمرها تنتظر تشوف عيال ذياب والحين تدري انه عقيم !
عبدالناصر وقف و اختل توازنه ومسكه طلال بسرعه : يبه ارتاح اكيد ضغطك نزل
عبدالناصر : اتركني امشي مافيني شي
سحاب : بابا خلي طلال يساعدك للغرفه
عبدالناصر هز راسه بالنفي ومشي لحاله و دخل غرفة المكتب سكرها بالمفتاح و جلس ع الكرسي وسند راسه ع المكتب وهمس بهدوء : يارب ارزق ذياب الذريه الصالحه من غير حول ولا قوه ..

🌷📚 @storykaligi 🌷📚🖋
🍃🌷
🌷🍃🌷
🍃🌷🍃🌷
🌷🍃🌷🍃🌷