Surxondaryo radiokanali hamda Viloyat ekologiya boshqarmasi hamkorligida efirga uzatilayotgan "Inson va tabiat" eshittirishining navbatdagi sonida Surxon davlat qo‘riqxonasi ilmiy ishlar bo‘yicha direktor o‘rinbosari Muhiddin Mamatqulov ishtirok etdi.

🎙️ Suhbat davomida: 🌿 Qo‘riqxonalarning tabiatni muhofaza qilishdagi roli
🌱 Aholining ekologik madaniyatini oshirish yo‘llari haqida so'z boradi.

📢 Surxondaryo viloyati Ekologiya boshqarmasi matbuot xizmati

📲 Kanalga ulaning: www.tg-me.com/surxoneko

Maxsus reportaj | “Surxon” davlat qo‘riqxonasida hayvonot va o‘simliklar dunyosini asrash va ko‘paytirish ishlari bo‘yicha reportaj


📢 Surxondaryo viloyati Ekologiya boshqarmasi matbuot xizmati

📲 Kanalga ulaning: www.tg-me.com/surxoneko

Ushbu holat yuzasidan Surxondaryo viloyati Ekologiya, atrof-muhitni muhofaza qilish va iqlim oʻzgarishi boshqarmasi tomonidan oʻrganish olib borildi.

O’rganish natijasiga koʻra, videodagi ov 2023-yil dekabr oyida qonuniy asosda amalga oshirilgan.
Unga ko'ra ov ruxsatnomasi Oʻzbekiston Ovchilar va Baliqchilar sport birlashmasi tomonidan rasmiy ravishda berilgan. Hujjatlar bo‘yicha ovchilar S. S, S.M hamda T.M. bo‘lib, ular №000132 raqamli ruxsatnoma asosida, 2023-yil 12-dekabr kuni ov qilgan. Ma'lumot o'rnda aytish joizki, Sibir tog' echkisi noyob hayvonlar safiha kirmaydi, shuningdek, O'zbekiston Respublikasi Qizil kitobiga kiritilmagan.
Ov turi: Sibir tog‘ echkisi (Capra sibirica) — bu tur 2023-yil uchun tasdiqlangan ruxsat etilgan ovlanadigan hayvonlar roʻyxatida mavjud, buning isboti sifatida rasmiy tarif jadvallari mavjud.

Ruxsatnoma "Erkin hudud"da ov qilishga tegishli boʻlgan va ovchilar 1 bosh Sibir tog' echkisini ovlagan.

Ovchilardan har biri uchun belgilangan to'lovlar amalga oshirilgan va bu moliyaviy hujjatlar bilan tasdiqlangan.
Shuningdek, ruxsatnoma viloyat Ichki ishlar boshqarmasi tomonidan berilgan №58-sonli ruxsat bilan ham tasdiqlangan.

📌 Shunday qilib, ov holati amaldagi qonunlarga,ekologik nazorat va tartiblarga hamda Oʻzbekiston Respublikasi “Ovchilik toʻgʻrisida”gi qonuniga toʻliq mos ravishda amalga oshirilgan.

Shu sababli videodagi holat noqonuniy emas, balki belgilangan tartibda rasmiylashtirilgan ov jarayoni boʻlganini ma’lum qilamiz.

Surxondaryo viloyati Ekologiya boshqarmasi matbuot xizmati

📲 Kanalga ulanish: https://www.tg-me.com/surxoneko

🗓 Joriy yilning 2025-yil 5-iyul kuni qo‘riqxonaning "Xatak" bo‘limi,"Oltikunlik" massivida o‘tkazilgan reyd chog‘ida, noqonuniy ovchilik bilan shug‘ullanayotgan shaxslar qo‘lga olindi. Natijada O‘zbekiston Respublikasi Qizil kitobiga kiritilgan ikki bosh burama shoxli echki (morxo‘r) noqonuniy ravishda ovlanganligi ma’lum bo’ldi.

Gap shundaki, “Surxon” davlat qo‘riqxonasining hushyor va fidoyi xodimlari — T. Normurodov, qo‘riqlash xodimi B. Shoniyev va jamoatchi inspector A. Xayitov tomonidan o‘tkazilgan navbatdagi reyd natijasida muhofaza etiladigan hududda sodir etilgan jiddiy huquqbuzarlik fosh etildi. Ularning ogohligi tufayli O‘zbekiston tabiati va yovvoyi hayvonot dunyosiga nisbatan navbatdagi jinoyatning oldi olindi.

👁🗨 Reyd davomida qo’riqxona hududida qurol bilan harakatlaayotgan uch nafar fuqaro shubha uyg’otadi, ularning harakati zimdan kuzatiladi. Ular toshloq va tik qiyaliklarda harakatlanayotgan bo‘lishiga qaramay, masofadan binokl va mobil vositalar yordamida nazoratga olinib, harakati hujjatlashtirilib boriladi. Shubhali shaxslar to‘xtab dam olayotgan hududga yetib borilganida, aynan o‘sha vaqtda O’zbekiston Qizil Kitobiga Xalqaro Tabiatni muhofaza qilish Ittifoqining CITESning “Qizil” ro’yxatiga kiritilgan kam uchrovchi ikki bosh burama shoxli echki -morxo‘r ovlanib, so‘yilayotganligi aniqlandi. Shaxslar voqea joyida ashyoviy dalillar bilan qo‘lga olingan. So’yilgan hayvon qoldiqlari Termiz davlat universiteti qoshidagi “Sud-Zoologik ekspertizadan o’tkazilganda bir va uch yosh atrfidagi erkak va urg’ochi morxo’r ekanligi tasdiqlandi.

📜 Ma’lumot uchun: “Surxon” davlat qo‘riqxonasi 1986-yil 8-sentabrda tashkil etilgan bo‘lib, Ko‘hitang tog‘ining sharqiy qismini o‘z ichiga oladi. Bu hududda har qanday xo‘jalik faoliyati — mol boqish, ov qilish, daraxt kesish, bino qurish yoki rekreatsion maqsadda foydalanish qat’iyan taqiqlangan.

👮♂️ Ushbu holatni sodir etgan shaxslar — Sherobod tumani “Katta hayot” mahallasida yashovchi X.Sh., Sh.J. va “Vandob” mahallasida yashovchi V.M. ekanligi ma’lum bo’ldi

🛑 Prezidentimizning 2023-yil 31-may sanasidagi “Ekologiya va atrof-muhitni muhofaza qilish sohasini transformatsiya qilish va vakolatli davlat organining faoliyatini tashkil etish chora-tadbirlari to‘g‘risida” qaroriga ko’ra O’zbekiston Respublikasi Qizil kitobiga kiritilgan hayvonlarni noqonuniy ovlash holatlarida bu holat muhofaza etiladigan tabiiy hududlarda jarima miqdori 10 baravarga oshiriladi.

Shunga muvofiq “Surxon” davlat qo’riqxonasida qayd etilgan mazkur huquqbuzarlik holatida Qizil kitobdagi hayvon –ikki bosh morxo’rni qo‘riqlanadigan hududda ovlash — 1,5 milliard so‘m zararni anglatadi. Bu miqdor farmonga muvofiq 3 baravar ko‘paytirilib, tabiatga zarar yetkazilgan 4. 5 milliard so’mni tashkil etadi.

Burama shoxli echki yoki morxo‘r (Capra falconeri) — O‘zbekiston va xalqaro «Qizil kitob»iga kiritilgan, tog‘ echkilari urug‘iga mansub noyob hayvon turi hisoblanadi. Mazkur hayvon turini nobud qilish Jinoyat kodeksining tegishli moddalariga asosan jinoiy javobgarlikka tortilishiga sabab bo‘ladi.

Mazkur holat yuzasidan to’plangan hujjatlar qonuniy tartibda huquqni muhofaza qiluvchi organlarga topshirildi. Hozirda holat bo‘yicha tergovgacha bo‘lgan surishtiruv ishlari olib borilmoqda.

Surxondaryo viloyati Ekologiya boshqarmasi matbuot xizmati

📲 Kanalga ulanish: https://www.tg-me.com/surxoneko