#المربعه_بديوان_منابر_النور_الجزء_١_.


مربعه للهلال


انواسي فاطمه الليله بمصيبتها
هل عاشور وهيه علت ونتها
❥━──➸➽❥💔❥━──➸➽❥💔
هل عاشور والزهراء حزنانه
مغبر ياشهر ومغيره الوانه
بلمجلس الزهره تحضر اويانه
دنيه واخره تربح العازتها
❥━──➸➽❥💔❥━──➸➽❥💔
ببو السجاد كلنه انواسي الزهره
ثلث تيام ضل مطروح عالغبره
وعياله مشو وي العده يسره
وارقيه العزيزه اوياه موتتها
❥━──➸➽❥💔❥━──➸➽❥💔
عالمذبوح كلنه تسيل دمعتنه
ونواسي الزچيه ونجر ونتنه
وبيوم القيامه اهيه شفيعتنه
هناك الزاچيه تلتقط شيعتها
❥━──➸➽❥💔❥━──➸➽❥💔
هل عاشور وهوه مغيم اهلاله
بيه حسين عاري مگطعه اوصاله
نايم بالشمس محد الفياله
واخته اميسره وراحت بعيلتها
❥━──➸➽❥💔❥━──➸➽❥💔
اخته ميسره راحت ومهضومه
وعافت كل اهلها اعله الترب نومه
وحسين الحنين مسلبه اهدومه
واجثاث الاهل عالترب خلتها
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_ديوان_منابر_النور_الجزء_١_.


لطميه للعليله عليها السلام


لحباب الكلب لعميهه الاعيون
اهلي فاركوني وما يحنون
افز واركض على الباب ... حسبالي الغياب
شالو للغرب ردتهم اضنون
اهلي فاركوني وما يحنون
❥━──➸➽❥💔❥━──➸➽❥💔
اهلي فاركوني ابليل ضلمه
وانه بدارهم ضليت حرمه
كلبي اعليل والله وزاد همه
كلبي صار يمكم ... ماريدن بعدكم
ردتكم يهلنه صارت ضنون
اهلي فاركوني وما يحنون
❥━──➸➽❥💔❥━──➸➽❥💔
اذتني اليالي وكثر بلواي
وعليه المصايب صارت اهواي
افز بليل اعاين محد احذاي
بس طاري الحزن بويه بكه وياي
وين الله ويجوني ... وتبطل اعيوني
بعد هيهات ماضني يرجعون
اهلي فاركوني وما يحنون
❥━──➸➽❥💔❥━──➸➽❥💔
تحن الروح والله ليهم اتريد
ويادرب الي اخذو كلش بعيد
اصبر الروح اكولن بلكي تهيد
لو يلفوني ساعه ابليلت العيد
وين الله ويجوني ... وين يعايدوني
شسوي لو علي كلهم يعنون
اهلي فاركوني وما يحنون
❥━──➸➽❥💔❥━──➸➽❥💔
تحن الروح واحبابي بعيدين
لو عنو عليه تهمل العين
كون الي يفارك شهر شهرين
بس فركت احبابي صارت سنين
بس الدمع اصبه ... الفركه حيل صعبه
بعد يايوم واحبابي يعوودون
اهلي فاركوني وما يحنون
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_أقل_الوفاء_في_رثاء_الغرباء_الجزء_٣_.


لطميه للعباس عليه السلام


زينب تندب العباس وبجوده
فوك المشرعه اتدور على ازنوده
❥━──➸➽❥💔❥━──➸➽❥💔
زينب فاره تدور على عباس
يا راعي الدرع والمرجله والطاس
خويه ابطيحتك هبطت مني الراس
والعين اصبحت بالسهم ممروده
❥━──➸➽❥💔❥━──➸➽❥💔
اريد اروح للحومه وادورنك
خويه لو عفتني اشلون اعوفنك
ابن حيدر علي الكرار اعرفنك
حاوي المرجله والزود من عوده
❥━──➸➽❥💔❥━──➸➽❥💔
زينب لمت النسوان للحومه
لكته اعله الشريعه فايضه ادمومه
شافت ضربت العامود مسمومه
وجثته الزاجيه اعله النهر ممدوده
❥━──➸➽❥💔❥━──➸➽❥💔
شافته امصوب والسهم بالعين
ويمه اعله الشريعه امكطعه الجفين
بالعمود راسه منجسم نصين
يا وسفه طريح ومنشمر جوده
❥━──➸➽❥💔❥━──➸➽❥💔
لمن شافته طاحت على جسمه
نوبه الي تحبه ونوبه اتشمه
حبته ابصدره ومسحت دمه
وعينه الزاجيه بالسهم ممروده
❥━──➸➽❥💔❥━──➸➽❥💔
كوم انهض يخويه ونغر علينه
من بعدك يخويه الكوم تسبينه
لو غمضت عينك من يحامينه
ابو فاضل وعرفك حامي احدوده
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

متباركين بعيد الله الأكبر عيد الغدير الأغر جعلنا الله وإياكم من الثابتين على الولاية وكل عام وانتم لعلي موالين