#الطميه_بديوان_أقل_الوفاء_في_رثاء_الغرباء_الجزء_٣_.


لطميه لخدر العقيله عليها السلام


كول يالتنشد عليه انه زينب بت علي
بعد اخوتي وبعد خدري ابكيت حرمه ابلا ولي
❥━──➸➽❥💔❥━──➸➽❥💔
بعد ذاك الخدر والعز يوم جنت امدلله
بينهم مرفوع صوتي وهمي كليته انجله
يوم غمضت عين اخوتي راح عزي وانوله
ابكيت حرمه اببلد غربه عكب اخوتي وكل هلي
❥━──➸➽❥💔❥━──➸➽❥💔
جنت بين اهلي واخوتي امدلله ابذاك الخدر
ما دريت الدنيه تالي تجفي وياي ابغدر
يوم شفت حسين مجفي ويحز اركبته الشمر
وانه بين اعداي حرمه اتصيح ما تسمع هلي
❥━──➸➽❥💔❥━──➸➽❥💔
جان بيه المثل يضرب انه بالعز انوصف
انه بنت اهل الرساله والوحي واهل الشرف
انه بنت فاطمه الزهره ورايت اهلي اعلى ترف
من اشوف اهلي اكبالي همي كله ينجلي
❥━──➸➽❥💔❥━──➸➽❥💔
بعد خواني السبعه اشلون حاتفني الزمان
وجه اسهامه عليه وصوباني بالمكان
بعد اخوتي وبعد اهلي افكدت كل ذاك الحنان
غرباني حسين وحدي ابعيد عني منزلي
❥━──➸➽❥💔❥━──➸➽❥💔
جنت بين اهلي واخوتي ابذاك عزي امخدره
وينهه اليوث الحرايب خل تشوف الي جره
اليوم من جور الاعادي وجور دهري امرمره
اصبحو خواني نومه وبيتي من اهلي خلي
❥━──➸➽❥💔❥━──➸➽❥💔
بعد ذاك الخدر والعز اصبحت بين العده
حسين طايح على الغبره وجثته ويلي امدده
ضل ثلث تيام نايم بالشمس والوحده
اشلون يرضه كمر هاشم اخته زينب تنولي
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_أقل_الوفاء_في_رثاء_الغرباء_الجزء_٣_.


لطميه لعلي الأكبر عليه السلام


يوليدي عليك انحب يغالي
ييمه ليش عادتني الليالي
❥━──➸➽❥💔❥━──➸➽❥💔
جازي سهر ليلي الولد يبني
هان عليك يوليدي تذبني
وعليك الليالي حاربتني
تدري ما الي غيرك يوالي
❥━──➸➽❥💔❥━──➸➽❥💔
يوليدي يبعد امك يمغوار
يبني ابطيحتك شب الكلب نار
عاداني زماني اشيطلب ابثار
ابجي والبجي يبني حلالي
❥━──➸➽❥💔❥━──➸➽❥💔
جازي سهر ليلي والتعب ذاك
ريت الموت يبني اخذاني وياك
جتلوك الكفر شتطلبك اعداك
تدريني انه ابعازت الوالي
❥━──➸➽❥💔❥━──➸➽❥💔
يوليدي الدهر ثاريه غدار
طفه شمعتي وبالكلب شب نار
خله دمع عيني دوم هدار
اتحطني باللحد يبني عبالي
❥━──➸➽❥💔❥━──➸➽❥💔
رتك ضخر يبني الشيب راسي
ما ادري زماني اوياي قاسي
هسه يالولد كسريت باسي
وهسه ضاع يوليدي دلالي
❥━──➸➽❥💔❥━──➸➽❥💔
اشلون اتشيل عن امك يصنديد
اتذكر شبابك ليلت العيد
لا تسكن الي روعه ولا هيد
يظل للدوم دمع العين هالي
❥━──➸➽❥💔❥━──➸➽❥💔
اشلون انساك ونسه ذيج الايام
يالوجهك كمر جنه بدر تام
ما يبطل ونيني اسنين وعوام
يا سباح جبدي ويا دلالي
❥━──➸➽❥💔❥━──➸➽❥💔
يلاكبر يبعد امك وهلهه
يبني موتتك ما هي محلهه
روحي عليك يتزايد وجلهه
خذاك البين مني وشبكالي
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

حبايب مابقى شي لمحرم الما عدهه دواويني خل تلحك تاخذهم قبل النفاذ

ديوان فرسان الطفوف الجزء ( ٨ و ٩ و ١٠ )
وديوان رحلة الأحزان الجزء ( ٢ و ٣ )

متوفره بهاي المكاتب 👆👆

حبايب البعض بيكم ما تعرف لبرنامج التلكرام اشلون تطلع ارقام المكتبة خلال هذا المنشور شوفي حبيبتي تضغطين على هذا اللون الأزرك يلي مئشره عليه بالأسود راح تطلعلج ارقام المكاتب كلها ومن عدها تحجزين الكتب تحياتي 💐

تجدونها مع التكمله في ديوان رحلة الأحزان الجزء الثاني عاشوري
للشاعرة أم محمد الكناني _ والشاعرة نشوان الكناني