ما يمكن اللحظة الصعبة الـ بتتمنى فيها الموت
تكون هى أعظم لحظة هيتولد بسببها
أجمل فرحة هتعيشها فى أيامك الجاية 🤔
.
إفتكر ستنا مريم فى لحظة الولادة بسيدنا عيسى
قَالَتْ يَا لَيْتَنِي مِتُّ قَبْلَ هَٰذَا وَكُنتُ نَسْيًا مَّنسِيًّا ~
.
كانت أصعب لحظة مرت بيها وإتمنت بسبها
الموت وإتمنت إن الناس تنساها كانها متخلقتش
لخوفها من كلام البشر والموقف الصعب اللى بتمر بيه 😪
.
ولكن هى نفسها اللحظة اللى أتت فيها بنبى
مُرسل من الله , جعله الله مبارك فى أى وقت ومكان
وسيجعل الله العدل ينتشر فى الأرض على يديه فى أخر أيام الدنيا 😍
.
فبعض أحزانك وصعوباتك يمكن
تتولد بسببها فى حياتك أعظم الأفراح
فلا تيأس إن طال البلاء
واجعل ثقتك بربك لا حدود لها 💓



#Yes_You_Can

في تجربتي الخاصة مع العادات، لاحظت لبعض النقاط المهمة اللي حاسس انها ممكن تفيدكم جدا 💛

🔸اهم نقطة بالنسبة لي ولازم تعرفها " ان العادو هي عبارة عن سلوك تم عمله بصورة متكررة بقصد او من غير قصد" والتعريف ده بساعدك جدا في انك تفهم العادة " فالكسل ماجاء من العدم العكس جاء من ممارستك المتكررة ليه، وادمان الجوال برضو ما جاك من العدم بالعكس جاك من ممارستك المتكررة ليه وقس علي ذلك .. الخ"

🔸علشان تتخلص من اي عادة لابد من انك تاخذ قرار مسؤول بانك عاوز تتخلص منها " وطول ما انت اتخذت القرار، فيبقي انت ماشي قي الطريق الصح، لكن ده برضو ماحايعني انك كدا حاتقدر تتخلص منها"

🔸بعد تاخذ القرار بانك داير تكون او تتخلص من عادة، حاتمر عليك لحظات حاتكون متحمس فيها ولحظات تانية حاتكون متكاسل فيها " وللاسف لحظات التكاسل بتكون اقوي واكتر من لحظات الحماس، بس لازم تتعلم تصبر وتقاوم لحدي ما تعدي من المرحلة دي"

🔸وعلشان تعدي من المرحلة السابقة برضو " لابد من انك تركز علي جزئية ان لازم تخلي البيئة بتاعتك متوافقة مع العادة اللي داير تكونها او اللي داير تتخلص منها، وصدقني الحتة مهمة شديد وحاتساعدك جدا في موضوع التكوين او التخلص من العادة"

🔸حاتفشل وحاتفشل وحاتفشل كتيير لمن تكون داير تكون او تتخلص من عادة، وحايجيك احساس بانك رجعت لنقطة الصفر من جديد " بس صدقني الاحساس ده كاذب جدا، وانت لا رجعت لنقطة الصفر ولا يحزنون، لان البتحرك خطوة مستحيل يرجع للصفر تاني" فالاحساس ده ببساطة انذار وهمي من مخك علشان تبطل ترهقه بالتغير اللي انت ناوي عليه " فعلشان كدا اصبر وصدقني حاتنجح"

🔸لو داير تكون عادة في طريقة بتركز " علي ان تحاول تبني العادة اللي داير تكونها بالتجزئة ودي شخصيا بستخدمها في القراءة، فكلنا عارفين ان لمن نقرر ان دايرين نكون عادة جديدة الحماس مش بدوم ولا بكون كتيير عكس الكسل وعلشان نتخلص من الحتة دي بنقوم نقسم العادة اللي داير نكونها علي اجزاء بسيطة وبنقدر ننفذها يوميا وبالتالي حانقلل من حجم الكسل"

( بس التجزئة ما بتنفع خالص مع اسلوب التخلص من عادة، لان في كل مرة حاتقلل حاتعيد تركيب تاثير العادة القديمة، وده حايقلل من فرص انك تتخلص منها)

🔸اي عادة علشان تتكون بتمر بتلاتة مراحل يمكن اساميها تكون مش واضحة ليك بس تفاصيلها حاتكون واضحة ..

- ففي البداية حاتمر بلحظات مقاومة اللي هي بتبدا من اللحظة اللي بتقرر فيها انك داير تكون او تتخلص عادة ..

_ بعد مرحلة المقاومة بتواجهك مرحلة عدم الراحة ودي بتكون اخف قدرا من المرحلة الفاتت وهنا بتحس انك شبه اتعودت علي العادة وفي نفس الوقت بتحس بان عندك الرغبة في انك او ترجع للعادة القديمة ..

_ بعديها بتصل لمرحلة التلقائية ودي المرحلة اللي بتظل فيها قادر تعمل العادة الفلانية بكل اريحية بدون اي مجهود او تفكير وكانك بتفتح في تلفونك او بتقفله ..

🔸ومن النقاط المهمة جدا " لمن تكون داير تكون او تتخلص من عادة ما تركز علي الكثرة بل ركز علي الاستمرارية، فماتخلي هدفك انك تعملها بدرجة كبيرة علشان تتعلمها في وقت ابكر، ولا تخلي هدفك انك تضع ليها عدد كبير يومي علشان تكونها، بالعكس خلي هدفك انها تكون بسيطة ومستمرة علي طول"


👈🏼 فعموما كدا ..

_ دي كانت شوية ملاحظات عن العادات " بطريقة سردية غير مرتبة، لان ماركزت علي الترتيب بقدر ماركزت علي ذكر النقاط المهمة"

_ ايضا خليك عارف الشيء الوحيد اللي ممكن يساعدك في انك تكون او تتخلص من عادة هو ارادتك فقط، بحيث تكون انت فعليا عاوز تكون العادة دي او تتخلص منها ..

_ وده بقودنا لحتة ان الارادة ما كل شي " كونك تكتفي بالقول بانك عاوز تحقق درجة عالية، او تتخلص من العادة الفلانية" ده مش حايساعدك في تحقيق الدرجة الفلانية او التخلص من العادة الفلانية مالم تقرن ارادتك دي بالفعل الصحيح اللي بخليك ماشي في الدرب الصح ..

_ ايضا خليك واثق " ان الفشل في تكوين العادات او التخلص منها، امر وارد؛ لان ببساطة انت مش حاتقدر بين يوم وليلة تتخلص من عادة كنت بتعملها لمدة زمنية طويلة، ولا حاتقدر تكون عادة جديدة بالسهولة اللي انت شايفها، فعلشان كدا الفشل مش بيعني انك فاشل، بالعكس بيعني انك قربت، وعلشان كدا زح من راسك الافكار اللي بتخليك تقيم من منظور واحد يا فشل يا نجاح ..!"

_ في نفس الوقت خليك فاكر " ان مافيش مدة زمنية محددة علشان تكون عادة او تتخلص من عادة، واي زول بديك فترة زمنية مع احترامي الشخصي ليك وليه هو كذاب، لان ببساطة حتة الزمن دي بتعتمد عليك وعلي ارادتك وعلي العادة ذات نفسها واي شخص بختلف من التاني، فالوحيد اللي بيقدر يحدد هو انت"

_ وده بقودني لاخر نقطة " اللي هو مدام انت راغب في انك تكون عادة، ليه بتركز علي قصة حاتكونها في كم او حاتتخلص منها في كم، مش انت هدفك تكون العادة الفلانية علشان تستفيد منها، اذا ده هدفك فيبقي خلاص افعلها يوميا لانك فعليا داير تكونها علشان تفعلها يوميا ..
واذا كان هدفك تتخلص من عادة معينة، فوقف من انك تفعلها يوميا، ومع الزمن حاتختفي لوحدها "



( وصدقني علشان تحقق هدفك محتاج 3 حاجات بس، ارادة وفعل وتوكل علي ربنا والرابعة دي مفروض ماتتكتب زاتو اللي هي الاستمرارية بس)


#Mohammed_Omer
#Yes_You_Can

عاوزك تفتكر إن بداية قصة سيدنا يوسف
كانت بسبب إخوات من دمه ولحمه كرهوه
والعمى أصاب قلوبهم ورموه فى البير بدون أدنى رحمة 😪
.
وبرغم كرهم الشديد لسيدنا يوسف
ولكن أول شخص شافه مرمى فى البير
قَالَ يَا بُشْرَى هَذَا غُلامٌ ~ 😍
.
متخيل شخص ميعرفكش ومن أول نظره ليك
يعتبرك بشرى وفرحة كبيرة لقلبه
فى حين إن أقرب الناس لقلبك كسروك بدون رحمة 😳
.
ومش بس كده ده كمان سكن فى قصر ملك مصر
ومن محبة الملك له أعتبره أبن من أولاده
ولقبوه فى فى أشد السجون بالصديق
وتدور القصة لغاية ما توصل فى النهاية
إن سيدنا يوسف يملك مقاليد حكم ملك مصر
ويكون سبب فى أنقاذ شعب مصر من مجاعة 😍
.
عاوزك تفتكر ده كل ما تلاقى أقرب الناس
ليك بيكسروا فى قلبك وبينبذوك لإنك بالتأكيد فى
قلوب ناس كتير شخص له مكانه وبترتاحله القلوب وتحبه
وقبل الناس ربنا خلقك فى أبهى صورة وعالم بقلبك ❤️
.
فمتخليش كره شخص ليك يخليك
تتعمى عن محبه ناس كتير لقلبك 😍
.
ولكل اللى بيقرأ عاوز
أقولك لو شايف إن محدش بيحبك
فأنا بحبك محبه خالصة فى الله يا جميل القلب يا منعنع 😉


وصباح الخير مع وردة لـ قلبك
الطيب اللى أكيد زى السكر 💓

#Yes_You_Can
#تفاؤل

" الفاصل بينك وبين اهدافك واحلامك هو انت"

👈🏼 مع احترامي لنفسي الضعيفة وليك " انا وانت/ي عارفين ان الاعذار والظروف اللي بنتعذر وبنتحجج بيها،عبارة عن اعذار واهية بنستخدمها علشان نخفف من عذاب الضمير"

_ فاللي مانعنا من ان نحقق درجة الامتياز في الدراسة " ما دكتوو الماددة، ولا المادة ذات نفسها، ولا حتي الظروف" بالعكس اللي مانعنا من ان نحقق الدرجة دي "نحن "..

_ واللي مانعنا من ان ناسس المشروع الفلاني " مش نقص المال   ولا العوارض، ولا الحسد، ولا الظروف" بالعكسس اللي مانعنا من ان ناسس المشروع الفلاني برضو هو نحن  ..

_ واللي مانعنا من ان نتقدم او نلتزم " مش اصحاب السوء، ولا الظروف، ولا نقص الامكانيات" بالعكس برضو هو نحن  ..

وقس علي ذلك  .. الخ

( داير اوضح نقطة بسيطة، ان انا مش بنفي اثر الظروف والصحاب والبيئة .. الخ، بالعكس ليهم دور وتاثير كبيير في حياتنا، لكن التأثير الاكبر نحن اللي بنسببه، فاللي داير يصيع ويضيع بيصيع وبيضيع برغبته هو مش برغبة اصحابه حتي لو اقنعوه، واللي داير يسف ويسجر بيعمل الحاجة دي برغبته مش بالحاح الناس، وهو لو فعليا مش داير مش حايعمل كدا .. الخ)

👈🏼 وانا شايف من الاسباب اللي خلتنا انهزاميين وبنحاول نفتش لشماعات، نلقي عليها كل شي بنفشل فيه  هي  ..

_ التربية، ايون التربية زي ما انت قريت 😅

مع الاسف نحن اتربينا علي نمط تربية عودنا علي ان ناخذ ونتلقي بدل نفتش ونتعب  ..

" فاليوم انا او انت او انتي بقينا محتاجيين ان  ...

_ نلقي المعلومة جاهزة حتي نستفيد منها  ..
_ ومحتاجين ان الظروف تكون مناسبة والمال متوفر حتي نبدا ناسس مشاريعنا  ..
_ ومحتاجيين ان اي حاجة دايرين نشتغل عليها، لازم ادواتها تكون متوفرة "

بس ابدا مش عاوزين نتعب ولا نفتش، ولو حسينا بان الحاجة اللي عاوزين نعملها ممكن نتعب فيها او تخلينا نفتش فيها كتير " حانشوف اقرب شماعة لينا ونلقي عليها الفشل ونريح ضميرنا ونرجع ننوم في سرايرنا وبس"

👈🏼 وبعتذر ممكن يكون كلامي صادم بالنسبة للكل، بمافيهم نفسي بس للاسف ده الواقع للاغلبية منا والله  ..


_ فعادي جدا تلقي شخص داخل في علاقة مؤذية جدا، ومش ناوي يتقدم خطوة وينهيها " ولمن تسال ليه مش عاوز تنهيها؟، يديك الف عذر"

_ وعادي تلقي شخص عنده افكار جميلة ممكن تغير حياته، بس مش عاوز يتحرك ويتعب علشانها، ولمن تسال ليه؟ يديك الف عذر والف شماعة  ..

_ وعادي برضو ممكن تقابل شخص وتسال ليه درجاتك سيئة في اغلب مستوياتك في الجامعة، وصدقني برضو حايديك الف عذر والف شماعة  ..


⬅️ بس السؤال " هل حصل فشلت في حاجة وقلت انا السبب؟، ثم قررت تتعلم من الحصل وتبدا بداية جديدة؟"

وصدقني اذا ما حصل فيبقي انت/ي وحتي انا برضو محتاجيين نراجع حساباتنا كويس " لان بعيد حانتاحسب برانا، ولمن نموت حانكون برانا، والاعمال الحاتبقي هي اعمالنا وبس، فاذا نحن وهسي حييين مش ناوييين نتحملها ونعترف بيها ونعالجها، يبقي بعدين ما حاينفعنا الندم"


#Mohammed_Omer
#Yes_You_Can




https://www.facebook.com/100034761395160/posts/479895959845780/?app=fbl

السلام عليكم ورحمة الله وبركاته 💛

في البداية جمعة مباركة عليكم إن شاء الله ...

وبعد ..

_ بعتذر جدا للتوقف الحاصل في القناة، وبعتذر ايضا للمحتوي اللي بتنشر في الاوقات دي ...

فالتوقف والمحتوي المتباعد، السبب فيهم الامتحانات " فانا شخصيا شغال امتحانات وماعندي الوقت علشان اقدر ابرمج وقتي صح"


👈🏼 بس إن شاء الله حاخلص يوم 20/3 وبعديها حانبدا ورشة " الدراسة" اللي وعدتكم بيها ..

ثم حانبدا برنامج قراءة جماعي ..


📎 اما النسبة لرمضان فاحب اطمنكم " ان شاء الله حاتكون في مفاجاة ليكم في القناة" 💛🌸

مهمشي المهمشين !

وقفت لحظات قبل ما اختار عنوان المقال دة و فكرتا في الموضوع بجد ، في اليوم العالمي للمرأة كل الناس بتشجع على تحسين اوضاع النساء و كيف انو النساء مهمشات في الحياة الطبيعية ، فما بالك مريضات الصحة النفسية و العقلية .
انت لو قايل في تهميش اسة للمرأة ..أتخيل المرأة المريضة عقليا و شوف الزولة دي بتنتصر في كم جبهة و كم معترك..معارك التهميش ضدها كإمراءة و ضدها كمريضة نفسية .

التهميش دة معناته شنو..معناتو تواصل اقل ، عزلة و وصمة اكبر ..تمييز و تحيز ضدها ، و لو في ناس شايفاها اصلا ناقصة عقل و دين معناتا الوضع حيسوء بالنسبة ليها ، عندنا في جنوب السودان حالة المرأة أقل شأنا و مكانة و رأيها ما بيجي نفس القبول ..ياخ بي مثال بسيط لبعض الأشخاص لو الراجل زار بيت و لقى فيهو مرة و عيالها بدون راجل في البيت ممكن يقول ليك انا زرتك امبارح و ما لقيت زول !

في إثيوبيا حال المراءة يعتبر افضل مقارنة بالسودان و جنوب السودان لكن لسة التجاوزات موجودة و المعاناة بتحصل كل يوم و كل دقيقة ،و دي بعض الامثلة من الدول التلاتة ديل؛

أم تكتشف ان بنتها تتعرض للإغتصاب بشكل يومي فتنتكس و تمرض هي ذاتها !

أسرة مغتربة ترجع ارض الوطن بي بنتهم الوحيدة البتكافح مرضها النفسي، البت تقعد شهر بس و يتم إغتصابها و تحمل و فوق دة من هول الصدمة ما تقدر تتذكر الاغتصبها منو ..الطفل يتوفاه الله داخل رحمها و تقرر الإجهاض.

فتاة جميلة في مقتبل العمر تعاني من إضطراب ثنائي القطب (من أعراضه زيادة الرغبة الجنسية و إنعدام البصيرة و قدرة الاحتكام للعقل ) تتخذ عدة شركاء جنسيين في مرحلة إنتكاسة للمرض و ابوها يعتدي عليها بالضرب و الألفاظ النابية و يتركها حبيبها .

فتاة تعاني من الإكتئاب تسير وحيدة في محطة باص فيمسك بها غريب و ياخذها لبيته عنوة و يغتصبها ومن ثم يتركها لتعود لمنزلها و هي لم تستطيع ان تخبر أمها لشعورها بالذنب المفرط .

فتاة في مقتبل العمر تمشي تزور خطيبها في الدكان يقوم يفرض نفسو عليها و يغتصبها ، تجينا بي صدمة نفسية شديدة و كل ما تشوف راجل تشهق و تتخلع.

مريضة مرقدة في المستشفى إشتكت للإدارة إنو واحد من الحراس أغتصبها و اتشاكلت معاهو لحد ما وقعت و كسرت يدها ، في التحقيق الحرس قال الزولة دي مجنونة ساكت !

زميلة و صديقة لي حكت انو في واحد صفعها على مؤخرتها في الشارع و ضحك ..اسبوع كامل و هي ما قادرة تشتغل ولا حاسة انها كويسة و ما قدرت تتجاوز الموضوع !

دي قمم جليد بس ، الله أعلم انو النساوين ديل بمرن بي شنو بس الحاجة الأكيدة انو كل المآسي دي مصدرها بعض الرجال ، اما احنا الباقين ف صراحة كدة إحنا ما شغالين كويس و ما عاملين حماية كويس لانو جزو كبير مننا ما عارف الناس دي عايشة في ياتو معاناة .و دي ما إحصائية رسمية لكن انا بين كل ١٠ نساوين رقدو في عنابرنا ممكن القى سبعة عندهم تاريخ بي تحرش ، اغتصاب او اعتداء جسدي و عنف منزلي و دي حاجة مخيفة صراحة كدة .

عشان كدة ما حاقدر اتمنى يوم مرأة سعيد ..بس بتمنى انو يومها يعدي بدون ما يتحرش بيها، يغتصبها ،يضربها او يسئ ليها اي شخص .

معلومة ..

حسب الاحصائيات ، واحدة من أصل ثلاث نساء تعرضن للعنف الجنسي او الجسدي خلال حياتهن(يعنى يا اخوي لو بتعرف تلاتة نساوين بغض النظر عن أعمارهن، واحدة فيهن تعرضت للعنف الجنسي او الجسدي ) ..

اما عن الاغتصاب قالو ، واحدة كل عشرين إمراة تعرضت للإغتصاب و ٧٠% منها المرأة بتعرف المغتصب لكن صعب تبلغ عنو و بدليل انو اقل من ٤٠% من حالات الاغتصاب يتم التلبيغ عنها و من الاربعين دي اقل من ١٠% من الحالات دي بتصل البوليس.

شكرا.

د. قرنق أكوات

واحنا صغار أغلبنا بنتربي علي إننا مانغلط ولمن نغلط ممكن نتعنف شديد ونتعاقب علي غلطنا ده حتى لو كان بسيط .
طيب وين المشكلة ؟
المشكلة انه الحاجة دى بتكتل فينا حب التجربة والتعلم عبر التجربة وبتخلق فينا عقدة انا بسميها وهم المثالية .
بتكبر وانت خايف تعمل اى حاجة عشان ماتغلط .
بتحب لكن بتخاف تتزوج عشان الفشل
تتخرج وتهاب دنيا العمل خوف الفشل
دوما انت حذر
المثالية دى حاجة كعبة كعبة شديد
اتحرر من انتظار المثالية المطلقة ده لانها مافي . ولا حتجي

ان تخطئ فهذا يعنى انك انسان
لست ملاكا

من تجربتى الشخصية انا كنت اكثر الناس انتظارا للمثالية لدرجة انى بخاف اشتري عصير طالع جديد بخاف يطلع كعب ومايعجبنى بخاف اجرب اى شئ جديد . مابتسامح مع أخطاء الغير بسهولة
طبعا قبل الوعى بس بعد تكتشف عقدتك ساهل تغيرها ..

#ساره_الصافي
#التحرر_من_الأوهام

بحضر في فيلم اسمه " sleeping with danger"  بالعربي النوم مع الخطر  ..

بيحكي قصة بنت اسمها " جريس" في ال30 من عمرها مضيفة طيران كانت في علاقة مع شخص لكنها انفصلت منو بسبب اختلاف طرقهم الاتنين عن بعض  ..


فبعد نهاية علاقتها الاولى قابلت صحبتها " واتفقت معاها علي انها عاوزة تتخطي العلاقة اللي فااتت وتغير حياتها بالكامل، واللي فعليا ده حايحصل"

👈🏼 فبعديها بتدخل برنامج للعلاج الطبيعي، واثناء استمرارها في البرنامج ده بتدخل في علاقة مع المشرف او الطبيب اللي مشرف عليها في برنامج العلاج الطبيعي " واللي حياة جريس حاتتغير بالكامل بعد الدخول في العلاقة دي"  ..

_ فالطبيب اللي بتدخل معاه جريس في علاقة بيعاني من " حب الامتلاك او هوس الغيرة"  واللي بيعني " ان الشخص بيحاول يتملك الشخص التاني، وبيغير من كل حاجة ممكن تبعده عنه حتي لو كان شغله، وبيحاول يتخلص من كل حاجة ممكن تبعد الشخص اللي بحبه عنه حتي لو اضطر يقتل او يطرد او يحذف الحاجة دي"

حتي جريس اثناء الفيلم قالت " ان انا فعليا داخلة في علاقة مع شخصين بدل شخص واحد"

👈🏼 ولحدي هنا الموضوع ممكن يكون طبيعي " فتاة بترتبط بشخص بيحب التملك او عنده هوس حاد بيها"، لكن اللي مش طبيعي هو اللي حاحكيه   ..

_ الطبيب ده من نتائج حب تملكه لجريس " كان بضربها لمن ترفض ليه طلب، وما كان بضع ليها اعذار لمن ترفض ليه طلب بتاتا، ومش كدا وبس ده حتي امرها بانها توقف تقابل صديقة طفولتها شيري بحجة ان مش بيشعر بالامان لمن تكون مع حدا غيره"

حتي في لحظة من اللحظات " حاول يقتلها بالمسدس اللي بملكه، علشان هي بس رفضت انها تاكل من الطبيخ اللي عمله، واللي ده وصل ليه احساس ان عندها شخص غيره في حياتها وان كل شي هو بيعمله هي مش بتحبه خالص، رغم انها كانت تعبانة نسبة لانها كانت في الجو لمدة 27 ساعة متواصلة واللي حاولت فعليا توضحه ليه، بس هو كان مصر علي السبب اللي هو شايفه ..!"


_ بس بعد لحظة " رفعه للمسدس في وجهها واطلاق النار علي الباب هربت منو" وده طبيعي جدا ..

🔸بس اللي مش طبيعي ان بعد هروبها من المنزل ...

" دخلت في مجموعة دعم وعلاج نفسي للناس اللي بتتاذي من الاشخاص اللي داخلين معاهم في علاقات ، بس بالرغم من انها دخلت المجموعة دي، بس لساتها كانت شايفة ان هي مش دخلتها لان عاوزة تتخلص منو بسبب اللي بعمله، لا هي كانت بتقنعهم انها دخلت المجموعة دي علشان تاخد ليها راحة وترجع ليه من جديد وبرضو كانت بتشوف ان الغلط فيها هي مش فيه هو ، ومش كدا وبس دي حتي برضو كانت بتدافع وبتبرر لكل تصرف هو عمله معاها، حتي التصرف بتاع رفع المسدس واطلاق النار عليها ..!"


👈🏼 والحاجة دي خلتني اسال روحي " هو ليه جريس قررت تواصل في العلاقة وتبرر تصرفات الشخص ده، بالرغم من كمية الاساءات اللي قابلتها منو، وبالرغم من كمية الخوف اللي بتعيشه معاه؟"

وصراحة كدا مرقت باستنتاجين وهم  ..

_ الاول " ان الحب اعمي"  بسبب دخول جريس لمرحلة ال30 من عمرها ومن دون علاقة ثابته في حياتها، وصل ليها احساس انها مش مرغوبة " فبدات تفتش لاي شخص يعطيها الاهتمام والحنان وتدخل معاه في علاقة"، وصراحة بسبب هوس الطبيب بيها ما كان مقصر خالص في موضوع الاهتمام والحنان ..

" فبسبب الحتة دي  حسيت ان جريس بتبرر ليه نسبة لكمية الاهتمام والحنان اللي بتلاقيه منو واللي خايفة تفقده وماتجده من جديد لو قررت تسيبه" ..

( وفي النقطة دي مش جريس بس، بالعكس كلنا بنعاني من نفس الحتة دي، اللي هي ان نحن بنرغم روحنا على ان نستمر في علاقات مؤذية جدا لينا وما بنحاول خالص ان نتخلص منها بحجة ان وجود الشخص ده افضل من عدمه، او بسبب اننا خايفين من مانلقي اللي لقيناه معاه بعد ننهي العلاقة دي)

_ والسبب الثاني هو " التعود"  ..

صراحة لمن نتعود علي طبيعة شخص محدد " فنلقي روحنا متوافقين او قادرين نتعايش معاه بدون ما نفكر في الابتعاد منو حتي لو كنا بنتاذي منو"

ولو اي زول فيكم لاحظ لبعض الاشخاص في حياته " حايلقي ان كمية الاذي اللي بلقاه منهم، اكتر من كمية السند والحب اللي بلقاه منو، بس في نفس الوقت بنلقي روحنا مش قادرين نبتعد منهم او نفصلهم بحياتنا، وده بسبب ان نحن اتعودنا علي وجوده واتعودنا علي طبائعهم وشخصياتهم"


👈🏼 خلاصة كدا  ..

_ الموضوع ده مش اتكتب من اجل " جريس" بس، لا الموضوع ده اتكتب لاجل كل واحد فينا " بيحاول يحافظ او يبرر او يتمسك باشخاص بياذوه اكتر مما بيسندوه"  ..

_ وايضا عاوز منك انك تحاول " تقعد مع نفسك قعده صادقة وتحدد فيها كل الاشخاص اللي مرتبط بيهم عاطفيا، وتحاول تحدد مين فيهم اللي بيسندك وبيحسسك بانك منو وفيه، ومنو فيهم اللي بيحسسك انك ولاشيء وبيحاول ياذيك في كل فرصة تتاح ليه؟"

فإذا لقيت اشخاص متل " زوج جريس"، حاول اخذ قرار شجاع واتخلص منهم خالص، حتى لو حاتفضل مع نفسك بس .. !

#Mohammed_Omer
#Yes_You_Can

هل أنا مريض نفسي :

دي واحدة من الأسئلة الكتيرة البتلاقيني ، دايما بيحدنا الشك لمن نتصرف تصرف غريب او تجينا افكار ما بتعجبنا بشكل متكرر او يحصل لينا تغير في نمط حياتنا و ما نقدر نتعامل معاهو ، من حقنا نشك في نفسنا و و دة يمكن يكون وسيلة حتدفعنا للتوقف و طلب المساعدة متى ما امكن .

و بما انو الحالات المرضية بتكون مختلفة من شخص لآخر و حدتها كمان بتكون مختلفة (اعراض مزاجية ..استخدام سيئ للمواد كان سجارة او مريسة او غيرها ، قولت أشارك نظرتي العلمية المستمدة من خبرتي البسيطة في المجال .

في الطب النفسي و في دليل التشخيص الأمريكي للأمراض النفسية دايما بركزو على ركائز معينة بغض النظر عن الاعراض و الامراض . اهمية الركائز دي شديدة و بتساعد المريض و الطبيب انو يتعامل مع المشكلة البتواجهو .

أولا ؛ دوام او ثبات الأعراض (Persistence of symptoms ) :

الحتة دي مهمة شديد ، زي الصداع الممكن يجيك لمدة قصيرة و يمشي ..لكن لو قعد معاك ايام انت حتبدا تشك في مرض مسبب للصداع دة ، لانو احنا كبشر بنواجه تحديات كتيرة في ايامنا ، التحديات دي ممكن تخليك حزين و مكتئب مثلا انت فقدت زول عزيز عليك او فقدت حاجة مهمة ، طبيعي انك تكون حزين و حتى مكتئب لفترات متفاوتة .

طيب الفرق شنو بين إكتئاب الفقد و الإكتئاب السريري ؟

الفرق يكمن في ديمومة اعراض الإكتئاب.. بمعنى انو إكتئابك دة لازم يكون في مستوى ثابت ..ممكن يزيد لكن ما بينقص .. بمعنى ادق انت لو مكتئب لمدة اسبوعين و زيادة و الإكتئاب دة شبه يومي مع اربعة أعراض آخرى على الاقل (تفقد رغبتك في الحاجات الكنت بتحبها ..إضطراب في النوم ..افكار إنتحارية ..شعور بفقدان قيمة الذات او الذنب ) و كمان مافي تذبذب في الاعراض دي هنا ممكن تتشخص بالإكتئاب السريري .

كمان و ممكن تلقى ترقية في شغلك و تفرح ..لكن فرحك دة لو ما ماشي في إنخفاض و جات معاهو اعراض تانية مافي دكتور حيشخصك بالهوس او المانيا.
نفس الكلام بينطبق على المواد المخدرة او المحفزة ..يعني انت ما حتتشخص بالادمان لو ما تميت سنة على الاقل في استخدامك للمواد دي ..استخدام متواصل .
و عشان كدة امراض نفسية كتيرة بختو ليها عامل زمني عشان تساعد في فهم الاعراض دي دايمة ولا بتجي و تمشي .

ثانيا : الخلل الوظيفي Functional Impairment :

ببساطة كدة أعراضك لازم تعطلك و تخرجك عن المستوى الوظيفي الطبيعي بتاعك ..الاعراض دي لو ما عطلتك بشكل او بآخر بيعني انك إحتمال ما تكون مريض ..بمعنى انو المرض دة مفروض يأثر في حياتك على تلاتة مستويات وظيفية .. شغلك او دراستك ..علاقاتك الإجتماعية ..إهتمامك بنفسك (أكلك ، حمامك ..نومك و علاقتك الجنسية ) .الحاجات دي لو راشة معاك فل و ما اتغيرت لدرجة تلفت انتباهك او انتباه ناس قريبة منك ..انت ما مريض نفسي !

ثالثا : علاقة الأعراض بي مواد او مرض عضوي ; Physiological Attributions to Medical condition or Substance effects :

الاعراض البتحس بيها ما تكون إستجابة لتاثير اي مواد (مريسة ، بدرة ، شمومة ، حبوب او سجاير ) او ما تكون تأثير مرض عضوي عليك مثلا زي السحائي او الملاريا الدماغية .
الواحد لو شرب مريسة ممكن يزهلل و يتونس براهو لكن دة ما بيحسب حتى لو هو مريض بالإكتئاب و جانا في المستشفى و قال عندو إكتئاب ..لازم نوقف تاثير المريسة اولا و بعداك نتونس .

في تريند حاليا في مواقع التواصل الاجتماعي عند الغرب و بيحكو فيهو كيف انو الإكتئاب و القلق و الإضطرابات المزاجية و النفسية حاجة كوول شديد و انك كمراهق عشان تزيد شعبيتك لازم تكون او تمثل انك ما مستقر عقليا او عاطفيا

الكلام دة خطر من عدة اوجه ، انو الزول ممكن يكون مكتئب حقيقي بس ناس بيتهم ما يركزو معاهو و يعتبرو حركات مراهقة و برضو ممكن تضلل عمال الصحة النفسية و الهم أصلا مزحومين .
الكلام الكتير دة ما بيعني انك لو عندك الاعراض تتجاهلا ، لا طبعا ..الخيار الامثل انك تستشير خبير صحة نفسية او طبيب ، الهدف من المقال دة انو تكون على طبيعتك. برضو عايز املكك معلومات ممكن تساعدك انك تفهم نفسك اكتر و تعرف تتعامل مع الشكوك البتجيك ، دة جزو بسيط طبعا و العلم بحر و ممكن تعتبرها أساسيات التشخيص في الطب النفسي وفقا للمنهج الأكاديمي للأمراض النفسية.

معلومة :

انت عارف انو في ناس كتار إتشخصو بي إكتئاب و هم نفسهم ما كانوا عارفين إنو عندهم إكتئاب سريري !

معلومة تانية :
في إضطرابات الشخصية ، الزول بيكون ما عارف نفسو عندو مشكلة أصلا لانو الإضطرابات دي نتاج مشاكل عميقة و متجذرة و وسائل الدفاع عن الذات هي مصدرها (حنتكلم عنها يوم تاني ) .

شكرا.

#قرنق_أكوات

في فيلم حضرته اسمه " notebook" بيتكلم عن " فقدان الذاكرة التقدمي" ..

_قصة الفيلم بتحكي عن رجل " مصاب بـ فقدان الذاكرة التقدمي"، الي هو بأثر علي قدرة الشخص في تذكر الاشياء على المدى القريب ..
واتصاب بالاضطراب ده بسبب " حادث اتعرض ليه، جعل دماغه يتوقف لمدة 15 ثانية فقط"

_ فبسبب الاضطراب اللي بعاني منو بينسي كل شي بيحصل في الحاضر او المدي القريب، لدرجة ان بينسي عنوان شقته، وبينسي عربيته وحتي بنته كان بنساها " فبسبب نسيانه المتكرر قرر يعتمد علي تلفونه في تصوير اي حاجة بمتلكها، وقرر يعتمد علي الكتابة في الدفاتر والقصاصات الورقة علشان ماينسي تاني، وكان مصبب دفتر لكل حدث علي حدة، فالعائلة مصمم ليها دفتر، وامراضه مصمم ليها دفتر .. الخ"

( وفي نهاية وبداية كل يوم بيعمل راجعة لكل الاحداث المهمة وبستحضرها، وبيحمل معاه دفاتره في شنطته علشان لو في شيء جديد حصل يسجله، ولو نسى حاجة يتذكرها)

👈🏼 فبسبب اعتماده علي التدوين في الدفاتر والقصاصات الورقية " دماغه بدا يعالج نفسه بنفسه"، حتي ان الدكتور اللي كشف حالته اندهش واستغرب من الحاجة دي، وقال ليه :

_ السبب في النقطة اللي بتعاني منها، سببها الجهاز الحوفي الخاص بيك " فبسبب توقف دماغك لمدة 15 ثانية حصل خلل في الدماغ الخاص بيك، اللي خلاك تصاب باضطراب فقدان الذاكرة التقدمي"

_ وذكر في لقطة تانية ايضا " ان الحزن بيعتبر مرحلة انتقالية لمعظم الاشخاص، لكن في بعض الناس ما بيقدروا يتخطوا مرحلة الحزن، فاللي ما بيقدروا يتخطوا مرحلة الحزن الشديد بتزيد احتمالية اصابتهم بفقدان الذاكرة التقدمي"

👈🏼 فالحاجات دي ممكن نكون شفنا ناس بنعرفهم بيعانوا منها، ده لو نحن ماعانينا منها حتي ان بتذكر ..

_ ان قابلت شخصية بتنسي كل حاجة بتحصل بعد عام 2019، وده كان بسبب انها مش عاوزة تنسي اللي حصل في 2019، بقت تمسح اي ذكري جديدة ممكن تنسيها اللي حصل في عام 2019 ..

_ وقابلت شخصية، اي حاجة بتسبب ليها الم بتنساها في لحظتها، لدرجة ان لو جيت سالتها من الحصل بتلقاها نست كل حاجة ومش قادرة تتذكر اي حاجة ..

والكتييير ايضا من القصص المرت علي ..

📎 " فعموما كدا ادمغتنا دي بتحتوي علي قصص غريبة ومعقدة جدا ، لدرجة ان لو جينا نبحث عنها حانتفاجأ باللي فيها"

_ فالنسيان اللي بنتحسس منو ، بمنعنا من كمية كبيرة من الامراض ..

_ والخوف اللي بنكره، بيخلينا نعمل حاجات عمرنا ما كنا حانقدر نعملها لو ما خفنا ..

( فعموما كدا الخوف والنسيان وكل المشاعر التانية، بتكون مفيدة لينا جدا اذا كانت في حدها الطبيعي، بس اذا زادت او نقصت من حدها الطبيعي فعندها حاتكون خطر بالنسبة لينا)



#Mohamed_Omer
#Yes_You_Can

#مفاهيم_خاطئة


" اللي بيقولك كلام الناس ما بأثر فيه، فاما مخادع او مريض متبلد المشاعر"

لان بكل بساطة " الانسان كائن اجتماعي، ما بيعرف يعيش الا في وسط فيه ناس تانية غيره"

_ فكل زول فينا بيحب يتحب، وبيحب يتمدح، وبيحب يتشاف، وبحب يتحسّ بيه، وبيحب يحترم، وبيحب يقدر من الطرف التاني، وبيحب يكون مرغوب من الجنس الآخر ..

_ وكل زول فينا برضو بيخاف ما يتحب، وبيخاف يتنقد، وبيخاف ما يتشاف،وبيخاف ما يتحسّ بيه، وبيخاف م يحترم، وبيخاف م يقدر من الطرف التاني،وبيخاف من ان ما يكون مرغوب من الجنس التاني ..

" فإذا فرضية ان كلام الناس مش حاياثر علي لو قويت ثقتي بنفسي بيعتبر خاطئ، لان مهما قويت من ثقتك بنفسك؛ حاتلقي روحك بتقويها علشان تعيش مع الناس وعلشان يعجبوا بشخصيتك القوية، لكن ما حاتقوي ثقتك بنفسك علشان م تسمع كلام الناس عنك"

👈🏼 وللناس اللي متمسكين للان بفرضية " ان الواثق بنفسه كلام الناس ما بهزه"، حارد ليكم بان لو فعليا كلامكم ده صح " ما كان الانسان بياخد حسنة في الكلمة الطيبة ..!"


📎 لكن برضو كلامهم فيه درجة من الصح " ان الشخص اللي واثق من نفسه ما كل كلام الناس باثر عليه، والشخص اللي شخصيته ضعيفة برضو ما كل كلام الناس باثر عليه، والشخص اللي عارف عيوبه ومميزاته واللي فيه واللي مافيه برضو ما كل كلام الناس باثر عليه"

_ لان ببساطة " كلام الناس مش حايأثر عليك الا اذا كانوا قريبين منك وعندهم قيمة في حياتك، فدرجة تاثير كل شخص في شخصيتك بترتبط بمدى قربه منك والقيمة اللي مديها ليه، فكل ما زاد القرب وزادت قيمته في حياتك كل ما كان تاثيره اعلى والعكس ايضا صحيح "



#مفاهيم_خاطئة
#Mohammed_Omer
#Yes_You_Can