👈🏼 مشاكلنا قد تواجهنا اثناء العلاقة او بعد العلاقة 💛

👈🏼 محتاج منكم تفاعل علي البوست ده اذا ممكن 💛

https://www.facebook.com/107113074379643/posts/231942861896663/?app=fbl

لكلية زراعة
ملخص نبات بخط الايد ( لو واقف عليك نقطه تقدر تشوف دول هيساعدوك جدا باذن الله

١-تجميعة لكل كورسات وشرح مواد كلية زراعة على google drive
الكورسات والكتب بالكامل هنا عى google drive👈:
http://bit.ly/3brLdun

٢-تجميعة بافضل الكورسات لكلية زراعة 👈👈:

http://bit.ly/2WDJlpT

رابط الملف كامل أهو http://bit.ly/3pk5PsI

👈🏼 إذا انت بتصحي يوميا وبتكرر نفس الخطوات الامس، فكيف تتوقع ان واقعك حايتغير ..؟!

_ بنعرف عندنا في الدين الاسلامي الحديث التالي :

عن أبي هريرة رَضِيَ الله عنه عن النبي صلى الله عليه وسلم أنه قال: ((لا يُلْدَغُ المؤمنُ من جُحْرٍ مرتين))؛ رواه الشيخان.

ومعناه إجمالا : " التحذير من التغفل وتكرار الخطأ، والحث على التيقظ واستعمال الفطنة"

يعني ببساطة كدا ماممكن " انك تصحي يوميا وتعمل نفس الحركات اللي عملتها امس وتتوقع حياتك تتغير بالصورة اللي انت عاوزها "


📎 ابسط ليك :

_ الليلة لو بتقرا بطريقة معينة وبتجيب بيها درجات سيئة، من البديهي جدا انك حاتحاول تغير من طريقة دراستك حتي تجيب درجات كويسة 💛

بس تعال واتخيل معاي " لو انت بتقرا بنفس الطريقة اللي بتخليك تجيب درجات سيئة علي طول تتوقع ان معدلك حايتغير للاحسن؟ اكيد لا ..!"


📌 فخلاس نكون متفقين ..

_ ان اذا قررت تتغير ما يصلح تقول عاوز اتغير وتقيف بس،لان القول بيعتبر البداية فقط لكن مش حايساعدك علي التغيير ..

وانشتاين بقول:

(إذا كان أ= النجاح . فإن أ = ب +ج + ص. حيث ب=العمل. ج=اللعب. ص=إبقاء فمك مغلقا)

_ الحاجة التانية " اذا عاوز تتغير فعليا فلازم تغير من طريقة حياتك بما يتناسب مع الحاجة اللي عاوز تكتسبها او تتغير ليها"

فاذا عاوز تنقص من وزنك مثلا " ما ينفع تاكل نفس الاكل الزمان اللي كان السبب في زيادة وزنك، ده الا اذا انت بتحب تستهبل علي نفسك وتسكت ضميرك وبس"

_ الحاجة الثالثة " لازم تصبر، لان التغييير ماحايتم بنفس السرعة اللي انت فاكرها"

ببساطة انت لمن اتعلمت العادة القديمة ما اتعلمتها بين يوم وليلة، بل اتعلمتها من خلال التكرار المتواصل، فاذا ماتتتوقع ان بين يوم وليلة حاتقدر تتخلص منها ..


📎 اختصارا كدا ..


( التغيير ما بيتم بالقول فقط، وحياتك ما بتتغير الا لمن تغير روتينك اليومي، فما ينفع تعمل نفس الحاجات اللي كنت بتعملها امس وتتوقع ان حياتك تتغير للاحسن، لان صدقني لو روتينك الامس كان حايغير حياتك للاحسن كان غيرها فعليا)

وعلشان روتينك الامس ما قدر يغير حياتك بالصوورة اللي انت دايرها، فيبقي غير من روتينك حتي حياتك تتغير .. 💛

📌 " والفرق بينك وبين الناس اللي عاور تكون زيها، مافي القدرات ولا في الصدف والفرص اللي بتجيهم، بالعكس الفرق بيكمن في الروتين اليومي"

فديلك روتينهم اليومي بساعدهم علي انهم يكونوا الشخصيات اللي انت شايفها حاليا، وانت/ي روتينك اليومي بساعدك علي انك تكون الشخصية اللي شايفها حاليا واللي بتقرا بيها البوست حاليا ..

_ فاذا مش راضي عن شخصيتك الحالية " فيبقي المشكلة مش في شخصيتك ولا في قدراتك، بالعكس بيبقي ان المشكلة بتكمن في روتينك اليومي اللي بتفعله بصورة مستمرة وبتتوقع ان عن طريقه حاتحقق حاجات مختلفة وكويسة جدا"


( ‏الغبي هو من يفعل نفس الشئ بنفس الطريقة مرتين و يتوقع نتيجة مختلفة ..
ومن هو الاحمق، هو اللى منتظر من الغبى النتيجة المختلفة)


⬅️ ومدام وصلت هنا اسمح لي اسالك " تتوقع ان حياتك حاتتغير بنفس الروتين اليومي اللي بتعمله ولا لا؟ واذا لا، فهل مستعد ان تغير روتينك علشان تقدر تغير من حياتك بالصورة اللي انت عاوزها ولا حاتكتفي بلا والتحسر فقط ..!؟"



#Mohammed_Omer
#Yes_You_Can

في الحياة عموما لازم تكون بتعرف ثقافة "الانسحاب في الوقت المناسب _ والابتعاد في الوقت المناسب"

ولازم تعرف ايضا " ان ما كل شخص بيضحك معاك وبيهتم بيك بيعتبر صديق، لان صدقني اللي عنده مصلحة عندك حايعمل ده وبزيادة"

👈🏼 ففي حياتك ماتجامل خالص، ولا تبقي كتاب مفتوح للكل " اتعلم تبقي مفتوح بتين ولمنو، وبتين تقفل جواك خالص"

_ ونفسك دي اذا انت مش مهتم بيها " فاعلم ان ربنا حايحاسبك عليها، اذا اذيتها بنفسك" وهنا بقصد " قرارك في الاستمرار في علاقات مهلكة، رغم ان عندك الخيار انك تنهي العلاقات دي"

📎 فعلشان تبعد زول من حياتك " مامحتاج تفتش لسبب منطقي خالص، كل اللي محتاجه انك تسال نفسك هل وجود الشخص ده بحسن من حياتك ولا لا؟، وهل وجوده بيحسسك بالارتياح والضيق ولا لا؟"

فاذا كانت " اجابتك لا، فيبقي انت عارف الخيار الصح اللي مفروض تاخده واللي هو انك تنهي العلاقة دي باقرب فرصة ممكنة"

( فالعلاقات وجدت علشان تحسسنا بالارتياح والامان والاحترام والقبول والاهتمام والاهمية، واي علاقة ما بتحسسك بالحاجات دي فدي ما بتعتبر علاقة)

👈🏼 فحياتك انت المسؤول عنها، ووجود الناس حولك واختيار صحابك انت المسؤول منو " فاما تختار اللي بينفعك ويفيدك، او تختار اللي باذيك وتواصل معاه طول حياتك وانت يوميا بتتاذي منو ..!؟"


📎 " فدي حياتك انت، وانت المسؤول عن مين مفروض يكون فيها ومين مفروض ما يكون فيها بغض النظر عن النتائج الحاتترتب علي قرارك ده، بس قبل تاخذ اي قرار اتذكر ان دي حياتك انت وانت اللي متحكم فيها وعندك حرية الاختيار فيها، فاختار اللي بفيدك وبحسسك بقيمتك واهميتك ستغني عن كل حاجة بتحسسك بانك ولا شيء"


#Mohammed_Omer
#Yes_You_Can

الغريب في الحياة دي عموما كدا ..

ان لو قعدت مع نفسك واتذكرت كل المواقف والعلاقات السيئة اللي مرت بيك " حاتلقي روحك انك كنت عارف القرار او الخيار الصح اللي مفروض تختاره، بس رفضت تختاره او خفت من انك تختاره او قررت انك تتجاوز اختياره لاسباب انت بتعرفها"

_ فالعلاقات السيئة اللي اذتنا كتييير بنلقي ان كان عندنا الخيار ان ننهيها بس م اخترنا الخيار ده لاسباب نحن بنعرفها ..

_ والتخصص الجامعي اللي دخلناه غلط، بنلقي برضو ان كان عندنا الخيار الصح اللي مفروض نختاره بس م اخترناه لسبب بنعرفه نحن ..

_ والمشروع اللي بدينا فيه وفشل ، بنلقي روحنا برضو عارفين القرار او الخيار الصح اللي كان مفروض ناخذه ..

" وقس علي ذلك كتييير من المواقف والحاجات اللي بتمر بيك بتكون عارف فيها الخيار الصح اللي مفروض تاخذه بس م بتاخذه او بتتهرب منو "

👈🏼 وما تعتقد ان بلقي اللوم عليك او بحملك المسئولية لوحدك بدون ما اذكر سيرة الظروف الاسرية او البيئية او غيرها كتيير، بس قبل اقول ليك كل الكلام اللي انت عارفه داير اقول ليك جملة واحدة بس ..

" الظروف والصدمات اللي واجهتك في حياتك انت مامسؤول منها ولا حاتلام عليها، لكن حاتنسال وتلام علي الاختيار اللي اخترته بعد الظروف والصدمات دي"

فاي موقف او ظرف بتمر بيه " بتكون عندك فيه مجموعة من الخيارات اللي ممكن تختارها وده اللي انت حاتكون مسؤول عنه وبس"

_ فما تتوقع ان في شخص حايسالك او يلومك علشان " مريت بحادث _ او علشان ولدت معاق _ او علشان خسرت احبابك بسبب الوفاة _ او علشان اترفضت في وظيفة معينة من غير سبب او او .. الخ"

_ لكن حاتنسال عن الطريق او الخيار اللي اخترته بعد كل الظروف او المطبات اللي واجهتك دي ..


( فكونك شايف ان اهلك سيئين ده ما سبب ولا عذر يخليك تختار الطريق الشمال، وكونه يكون في دكتور في الجامعة قاصدك ده برضو ما سبب بيخليك تربت في كل المواد وتعيد نفس السنة اكتر من مرة لان صدقني في خيارات كتييرة ممكن تحفظ ليك حقك، وكونك تمر بعلاقة فاشلة ده برضو مش سبب او عذر يخليك تكره كل الناس وتلومهم علي ذنب ما عندهم يد فيه "



👈🏼 " فصدقني انت مش لوحدك اللي بتمر بظروف سيئة، ولا انت اللي وحدك بتمر بمشاكل نفسية كتييير، لا والله كلنا معاك وكلنا زيك في موضوع الابتلاءات دي، بس البختلف عننا وعنك هو الطريق اللي اخترناه واللي خانختاره بعد كل ابتلاء بيحصل لينا"


(و ‏الغريب إنك لو قعدت مع نفسك وذاكرت معاها كل المطبات اللي واجهتك، هتلاقيك كنت عارف الصح فعلاً بس كنت مش قادر تعمله او مش عارف تعمله او مش حابب تعمله بس مدرك إن ده هو الصح او خايف من انك تعمله)

📎 فلو داير تكون كويس ومبسوط في الدنيا دي، اتعلم انك تختار القرارات الصح حتي لو وقعها حايكون اليم عليك، وصدقني اللي ممكن يوجعك هسي حايبسطك بعدين .. 💛✨


#Mohammed_Omer
#Yes_You_Can

زي ما قال وائل عشيري : " تلقي الاسرة في البيت مفككة واي زول منشغل بنفسه بس ..
فتلقي الاب مركز مع التلفزيون اكتر من تركيزه مع افراد اسرته ..
والزوجة مركزة مع السوشيال ميديا اكتر من تركيزها علي اولادها وزوجها ..
والبنت مركزة مع قروب الثانوي في الواتس ومع السوشيال ميديا ..
والطفل الصغير مركز مع الايباد اللي اشتروه ليه اهله علشان م يعمل ليهم ازعاج في البيت لمن يجوا الضيوف او علشان م يسالهم ويتكلم معاهم كتير "

_ وتلقي نفس الاسرة دي بعد فترة بتشكي من " بنتها اللي غشاها ولد واخد شرفها، او بتشكي من ولدها اللي عمره 5 سنوات ومش قادر يتكلم خالص، او بتشكي من ان ولدهم الكبير 24 ساعة برة البيت وبتعاطي المخدرات وغيرها "

👈🏼 فالسؤال هنا اذا الواقع داخل البيت كدا، كيف ما يكون في تفكك او انحلال؟ او كيف ما نلقي طفل مش قادر يتكلم او بنت بتنخدع من ولد بره البيت؟

📎 في علم النفس درست " ان البناء لشخصية الفرد بيبدا يتكون من الاسرة ثم ينتقل للمدرسة ثم للرفاق ثم للبيئة"

_ ولو لاحظنا ان حتي " المدرسة والرفاق والبيئة الاسرة عندها دور اساسي فيها، فالاسرة اللي بتراقب طفلها كويس بدون ماتتعدي خصوصياته بتقدر تساعده علي ان ينشأ نشئة صحيحة، والاسرة اللي ما بتراقب طفلها ولا بتهتم بيه في كل النواحي يبقي اكيد حاتخسره"


👈🏼 فببساطة كدا ..

_ الاسر بتفتكر ان توفيرها للطعام والملبس والتعليم للطفل، وتوفيرها للمكان البيقعد فيه وسطيهم هو ده اللي حايخليه يتربي تربية صحيحة وما يضيع خالص ..

_ بس لكن المفهوم ده غلط جدا " لان التربية ما اكل وشراب بس، بالعكس الاكل والشراب والتعليم ديل واجب من كل شخص داير يكون اسرة، لكن التربية تتمثل في ان الاسرة تحتوي الطفل ده عاطفيا وتقدم ليه الامن والحماية وتحسسه بالقبول والمسئوولية في المنزل"

_ " فالطفل بطبعه مشاغب، واي طفل صغير ما بشاغب بيبقي بيعاني من مشكلة، والطفل بطبعه ميال للكلام الكثيير لان بيحاول يكتشف ويعرف كل حاجة ولمن ما يلقي الاجابة في المنزل حايمشي يبحث عنها بالخارج، ومافيش اخطر من ان يلقي الاجابة من شخص غريب وبالخارج كمان"


👈🏼 " فاطفالك واولادك اللي بعانوا من مشاكل نفسية او تبول لا ارادي او اكتئاب او انطوائية او غيرها من الاضطرابات، ماتتوقع انهم جابوها من الخارج بس، لا التربية اللي اتلقوها وهم صغار كان ليها دور كبير في الحاصل عليهم الان"

فالشخص صاحب الشخصية الحساسة او الشخص صاحب الشخصية الخجولة " ما اكتسبوها وهم كبار، لا اكتسبوها من التربية الخاطئة وهم صغار"

والزول الكبير اللي لسة بتبول في سريره لا اراديا " ماتتوقع ان ده مرض بس، لا برضو ممكن تكون للتربية الخاطئة والمشاكل النفسية اللي واجها وهو صغير دور برضو"

وبنتك صاحبة الشخصية المهزوزة اللي بتخاف تسال او تحتك بالناس " ما تعتقدي انها ولدت بيها، او كسبتها من البيئة بس، لا من تربيتك الغلط اكتسبتها"

وولدك اللي بعاني من ضعف الثقة بالنفس " ماتتوقع خالص، ان اكتسبها وهو كبير بس، لا والله التربية برضو ليها دور في الحتة دي"


👈🏼 خلاصة كدا ..

" توفير يوم في الاسبوع، او ساعة يوميا مع اسرتك ما حاياخد كتيير من وقتك ولا حايضيع شغلك خالص، بالعكس ده حايقرب افراد عيلتك ليك وحايقوي العلاقة بينكم شديد، وحايخليكم اسرة متماسكة"


#Mohammed_Omer
#Yes_You_Can

فى الموقف الصعب اللى بتمر بيه دلوقتى
إفتكر ستنا مريم مرت بلحظة أصعب منك وإتمنت
بسبها الموت وإتمنت إن الناس تنساها كانها متخلقتش
لخوفها من كلام البشر والموقف الصعب اللى بتمر بيه 😪
.
ولكن ربنا جبر بخاطرها وقلبها وقال لها
" فَكُلِي وَاشْرَبِي وَقَرِّي عَيْنًا ۖ فَإِمَّا تَرَيِنَّ مِنَ الْبَشَرِ أَحَدًا
فَقُولِي إِنِّي نَذَرْتُ لِلرَّحْمَٰنِ صَوْمًا فَلَنْ أُكَلِّمَ الْيَوْمَ إِنسِيًّا " ~ 😍
.
لو رميت حمولك على ربك وتولاك
يبقى هيدبر كل أمورك زى ما دبر أمور ستنا مريم
وطلب تريح بالها من التفكير وقال لها "فَكُلِي وَاشْرَبِي" ~ ❤️
.
ثم عوضها بمشاعر الرضا
والعطف وقال لها " وَقَرِّي عَيْنًا ۖ " ~ ❤️
.
وسهل لها صعوبات الطريق وصعوبة
الموقف اللى بتمر بيه وكفاها البشر وقال لها
فَإِمَّا تَرَيِنَّ مِنَ الْبَشَرِ أَحَدًا فَقُولِي إِنِّي
نَذَرْتُ لِلرَّحْمَٰنِ صَوْمًا فَلَنْ أُكَلِّمَ الْيَوْمَ إِنسِيًّا ~ ❤️
.
عش حياتك وأسعد نفسك واستمتع
بوقتك الحالى , فهناك أشياء حلها عند الله ،
ولا ترهق نفسك بالتفكير في اللى بينكد عليك
طالما أن الله عنده حسن التدبير والتخطيط ❤️
.
وصباح الخير مع وردة لـ قلبك
الطيب اللى أكيد زى السكر 🌸


#Yes_You_Can