@

ሩቢ መሳይ...😍

@amlesetmuchie

ባልጥለውም ጨርቄን
በእሷ መጨነቄን
ያየ አለ ዎ...ይ
ያየ አለ ወይ ጭንቄን

https://youtu.be/PmV7rjm97Ko

#ጥበበኞች_ሀይል_አላቸው!

#ጥበበኞች_ሀይል_አላቸው!

ከፖለቲከኞች ይልቅ የበቁ የኪነ ጥበብ ሰዎች ይማርኩኛል።
አንደበታቸው በእውነት እንጂ በወንበር ጥማት ያልናወዘ ነውና ደስ እሰኝባቸኋለሁ። በተሰጣቸው ፀጋ እኩልነትን እንጂ የነገድ የበላይነትን የማይሰብኩ ጥበበኞች አገርን ለመገንባት የሚያመነጩት ሀሳብ አድማጭ ቢያገኝ በተለይ ፖለቲከኞች ቢያደምጦቸው ከተንኮል ተላቀው ጥቂት መልካም ጥበብን ይጎናጸፉ ነበር። ምድርም ከ'ርሱስ ተግባሯ ትጸዳ ነበር። ዳሩ ግን ጥበበኞች ለህዝባቸው በተግባር ሲታገሉ ውሸታም ፖለቲከኞች ደግሞ ፍየሌ ወዲያ ቅዝምዝሜ ወዲህ ጨዋታን ያጧጡፋሉ...! አፋቸው ለህዝባቸው ልባቸው ለከርሳቸው የታመነ ነው። ስለዚህ እነርሱን አልደግፋቸውም። ለምን ግን እላቸዋለሁ።

ከእነርሱ ይልቅ የኪነ ጥበብ ሰዎችን አከብራለሁ እፈራለሁም። ብዕራቸው ከሰላም ያዘነበለ እለት ዜማቸው ፍቅርን ከመስበክ የቦዘነ ቀን ፖለቲከኞች ካጠፉት የላቀ ጥፋት በምድር ይሆናል። ፍትህ ተጥሳ አምባ-ገነንነት እንዲስፋፋ ግልፅ ነው። ስለዚህም የጥበበኞችን አቅም እፈራለሁ። መኖራቸው ለአገር ነውና በመኖራቸው እደሰታለሁ። ህዝብን ወክለው ተሟጋች ናቸውና እኮራባቸዋለሁ። ባንዲራቸውን በዓለም ያሳፈሩ ጀግናዎች ናቸውና አከብራቸዋለሁ። እነሱ የዘመሩላት ባንዲራ የኔም ልብ ውስጥ የታተመች፤ ስለመኖሬ ቃልኪዳን የሆነች ነችና ስለዛች ንፁህ ሉዓላዊት ሰንደቅ በቋጠሩት ግጥም ባበጁት ሙዚቃ ዳንኪራ እረግጣለሁ። ያስጨፈረን ጥበበኛ ያሳቀን የኪነ ጥበብ ሰው ቢኖር እንጂ የሰላም ዝማሬን እንኳ የፈቀደልን ፖለቲከኛ ስለመኖሩ እጠራጠራለሁ።

የሆነው ሆኖ ሁሉም ፖለቲከኞች ውሸታሞች ናቸው። ዋሾ ቀጣፊዎችም ጭምር። ልብ በል እኔ ንጉሣዊ ስርዓት ናፋቂ ነኝ። የውጪ ስልጣኔን አልደግፍም። ሁሉንምም አልቃወምም። ግን በዘውድ ስርዓት ተስፋ አለኝ። በአንድ የውጪ ዘፈን ላይ ይህን ግጥም ሰምቻለሁ...! የምጋራው ሀሳብም ነው።

"All you bankers will have losses
Politicians are all liars"

ንጉሡ ይመጣል በእውነት ይፈርዳል ፍትህንም ያሰፍናል። በኢትዮጵያም ዳግም ትንሳኤ ይሆናል። ሳልሳዊ ሆይ እንናፍቅሃለን...!

✎✍#ታታ_አፍሮ /ነፃ ብዕር/

ባልጥለውም ጨርቄን
በእሷ መጨነቄን
ያየ አለ ዎ...ይ
ያየ አለ ወይ ጭንቄን

ይኼንን ግጥም ከቴዲ አፍሮ አንደበት በዜማ የሰማሁት ባህርዳር ነበር። ማራኪዬ የሚለውን ሙዚቃ ተጫውቶ በቀጣይ አዝማች ላይ ይኼንን ግጥም ሲጨምርበት በወቅቱ ሁለት አይነት ስሜትን ጭሮብኝ ነበር። አንደኛው የሚስቱ ጉዳይ ሲሆን ሁለተኛው ደግሞ የአገሩ ጉዳይ ነው።

ቴዲ አፍሮ ቤተሰቦቹን በጣም የሚወድ ለቤተሰቦቹ የሚጨነቅ አባ ወራ ነው። ማራኪዬ የሚለው ሙዚቃ እንደሚታወቀው ለአምለሰት የተጫወተው ሙዚቃ ሲሆን ከዚህ ቀደም በከባድ የቶንሲል ህመም ከአገር ለህክምና ስትወጣ በቀጣይ ቀን ውድ ባለቤቱን ለማሳከም ወደ ኬኒያ ሊያቀና ሲል ቴዲ አፍሮን አሸባሪው የኢኃዴግ መንግስት ከአገር እንዳይወጣ ባለቤቱንም ማሳከም እንዳይችል ለበረራ የተነሳው ፕሌን የሞላውን ነዳጅ እንዲበትን እና ወደ ምድር እንዲያርፍ አስገድደው መንገደኞችን አጉላልተው ነዳጅ ከመቶሺህ ብር በላይ አክስረው ቴዲ አፍሮንም ህገወጥ በሆነ መልኩ ከኤርፖርት አስወጥተውት ፓስፖርቱንም ቀምተው በነበረበት ወቅት ማራኪዬ የሚለውን ዜማ ደርሶ ግጥም ቋጥሮ እንደነበር ስለማውቅ... ያንን ጭንቀቴን ያየ የተረዳ አለ ወይ እያለ ነው የሚል ግምት በውስጤ አድሯል። ይኼ አንደኛው እና ቀዳሚው ግምቴ ነበር።

ሌላኛው ደግሞ...
"ባልጥለውም ጨርቄን
በእሷ መጨነቄን
ያየ አለ ዎ...ይ
ያየ አለ ወይ ጭንቄን"

እቺን ግጥም በመድረክ ላይ ሲጨምራት ያ እውነተኛ ክስተት በልቦናዬ ታወሰኝ... የሁሉ ሰው ባህሪ ይሁን የኔ ልዩ ባህሪይ ባላውቅም በነገሮች ላይ አዎ ብሎ በአዕምሮዬ ቀድሞ የተገለጠውን በአራት ነጥብ አረጋግጦ መዝጋት ስለማልችል ሁለተኛውን ሀሳቤን ማብሰልሰል ጀመርኩ በተለይ ለእረፍት ከመድረክ ሲወርድ ይህችን ግጥም ማብጠልጠል ጀመርኩ።

በወቅቱ የቴዲ አፍሮ ኮንሰርት በባህርዳር እንዳይደረግ ጫካ የገባው ወንበዴ'ና በስልጣን የነበሩ ግብራበሮቹ ብዙ የታገሉ ቢሆንም በጥቂት መልካም ሰዎች ጀብድ ኢትዮጵያዊነትን በፅኑ አጥብቆ በያዘ እንግዳ ተቀባይ፣ ሰው አክባሪ፣ ወግ ማዕረጉን ባልረሳው በደጉ የጎጃም ህዝብ መሃል ባህርዳር ስታዲየም ላይ ሊዘጋጅ የቻለ ቢሆንም ላለፉት ዓመታቶች በተለይም ከንጉሠ ነገሥቱ ዘውድ ነጠቃ በኋላ ኢትዮጵያ የወታደሮች እና የታጣቂዎች መጫወቻ ጫካ የገባ ሁሉ መፈንጫ ሆና ስለነበረች ይኼን ደግሞ በጥልቀት ለተረዳው ቴዲ አፍሮ ትልቅ ህመም ስለሆነ ነው የተጠቀሰውን ስንኝ ሊቋጥር የቻለው የሚል መላመት መሳይ ግን ደግሞ አዎንታዊነቱ አመዛኝ የሆነ ሀሳብ በአዕምሮዬ አሰላሰልኩኝ።

እርግጥ ነው እስከ አሁንም ድረስ ይኼ ሀሳብ ሚዛን ይደፋብኛል። ምናልባት ሌላ ዘፋኝ ተጫውቶት ቢሆን በዚህም ደረጃ ባልደነቀኝ አልያም ልብ ብዬ ባላደመጥኩት ነበር። አድምጬውም ቢሆን ከገዘፈ ከግል ህይወቱ ያለፈ ስለማይሆን ልክ እንደ "ልወድሽ አልቻልኩም ይቅርታ አዝናለሁ.." አልያም "ጠላሁሽ ኡ ጠላሁሽ.." እያሉ መውደድን እንዳቀለሏት ዘፈኖች /ዘፋኞች/ አይቼ የማልፈው ነበር የሚሆነው። ግን እንደዛ ያሉ ዘፈኖች አይደለምና ከሶስት አመት በኋላም በክብር ከተቀመጠው የአዕምሮ ክፍሌ ፈንቅሎ መውጣት ችሏል።

እስኪ ግጥሙን ልብ በሉት በጥኑም በእርሱ አንደበት ዜማውን አድምጡት..? ስለ አገር የታመመ ልቡ ስለ ባንዲራው የተጨነቀች ነፍሱን ታገኞታላችሁ!

"ባልጥለውም ጨርቄን
በእሷ መጨነቄን
ያየ አለ ዎ...ይ
ያየ አለ ወይ ጭንቄን.."

✎✍#ታታ_አፍሮ /ነፃ ብዕር/

ሙዚቃውን እዚህ ያድምጡ...👇
 https://youtu.be/PmV7rjm97Ko

መልካም ዕለተ ሰንበት...

#ሙዚቃ...
እሁድ 'ለት ነበር አስታውሳለሁ
ቀርታብኝ ፍቅሬ ተናድጃለሁ...
https://youtu.be/4Bb7b5cCOKI

እሁድ 'ለት ነበር አስታውሳለሁ
ቀርታብኝ ፍቅሬ ተናድጃለሁ...
ያየኝ ሰው ቢኖር ቁጭ ብሎ ጎኔ
ሰው አልነበርኩም ኧረ እኔስ ያኔ
https://youtu.be/4Bb7b5cCOKI

#መተከል

በአገራችን በንጹሃን ዜጎች ላይ በተለይም ብሔር ተኮር የሆኑ ጥቃቶች ተስፋፍተዋል። ሆኖም እነዚህን እየደረሱ ያሉትን ግፍ የሚመለከተው አካል የማስተካከልም ሆነ ጉዳዩ እንዳይፈጠር እየወሰደ ያለው ቅድመ ጥንቃቄ በፍጹም እንደሌለ በንፁሃን ዜጎቻችን ላይ ለረጅም ጊዜያት ያለማቋረጥ እየደረሰ ያለው ጥቃት እና እየረገፈ ያለው የሰዎች ህይወት ማሳያ ነው። ስለሆነም በተቻለ ፍጥነት ከዚህ በላይ ወገኖቻችን እንዳይረግፉብን የሚመለከተው አካል ስራውን በተገቢ መንገድ ይፈጽም ዘንድ እንጠይቃለን። በተከታዮቻችንም ስም እናሳስባለን።

በምንኖርባት አገር አንደኛ እና ሁለተኛ ደረጃ ዜግነት እንደማይኖር እና መኖርም እንደሌለበት ሁሉም የሚስማማበት ጉዳይ ነው። ስለሆነም ዜጎቻችን ትኩረት ተደርጎባቸው በተደራጀ ሐይል ጥቃት ሲፈጸምባቸው እየተስተዋለ ዝም መባሉ ተገቢ አይደለም። ስለዚህ ሁሉም የአገራችን ህብረተሰብ ይህንን ጸያፍ ተግባር በአንድነት ሊያወግዝ ይገባል። እኛም በግልፅ የምናወግዝ ስለመሆናችን ለመግለፅ እንወዳለን።

ከ #TeddyAfroNet ገፅ አስተዳዳሪዎች

@

#በእናታችሁ!

ብዙ አሰቃቂ ምስሎችን አይተናል። ግን ላላዩ ሰዎች የህሊና ሰላም ስንል አቅሙንም ድፍረቱንም አጣን ለማውጣት። ይኼንን ተመልከቱት አንዲት እናት በጀርባዋ ላይ ቀስት ተሰክቷል። እንዴት ግፍን ብንላመድ ከሰብዓዊነትስ ብንርቅ ነው እንዲህ ያለውን ክፋት የምንፈጽመው..? መንግስትስ እንዴት ይኼንን እያየ አስቸኳይ እርምጃ ለመውሰድ ተሳነው።

እኔ ለመንግስትም ለገዳይ አካላትም መልዕክት አለኝ። ያለ እናት አልተፈጠራችሁም እና በእናታችሁ አትግደሉን አታስገድሉን። ሞት እኮ ያለ ነው ግን አፀያፊ አሟሟት አስፈሪ ነው። የክብር ሞት መልካም ነው። ስለዚህ በእናታቹ ሳንበድላቹ እንደ በዳይ በግፍ አትግደሉን..? በጠባችሁት የእናታችሁ ጡቶች ይሁንባችሁ ሳንከዳችሁ እንደ ከዳተኛ ከጀርባችን በጦር አትውጉን። ግፍ ሲፈጸም እያያችሁ ለፍትህ አትዘግዩ!!

እናቱን የማይወደ መርገም ያለበት ካልሆነ የለምና ስለ እናቶቻችሁ ብላቹ ንጹሃንን አትፍጁ። በደሳሳ ጎጆ በጢስ እና ባልታከመ ውሃ፤ በመብራት እጦትና ባልሰለጠነ የእርሻ ባህል ሲዳክርና ሲሰቃይ የኖረ ምስኪን ወገናችንን አትፍጁብን? የሟች ተወካይ የሆንክም አመራር እንደ ሰው ቆፍጠን ያለ እርምጃን ውሰድ። ያንተ ፓርቲ ዛሬ ባይሆን ነገ ወዳቂ ነው። ከትራንፕ እና ከኦባማ መንግስት ተማር ከደርግና ከህውሃት ተረዳ? ቀጣይ ህዝብ እንጂ ኗሪ መንግስት የለም።

ሁሉም የአገራችን ህዝቦች ይኼንን የመተከል ግፍ በጋራ የማውገዝ ሀላፊነት አለበት። መንግስትም የዜጎቹን ደህንነት የማስጠበቅ ግዴታውን በአግባቡ መወጣት አለበት።

#መተከል

✎✍#ታታ_አፍሮ /ነፃ ብዕር/

@

ባልጥለውም ጨርቄን
በእሷ መጨነቄን
ያየ አለ ዎ...ይ
ያየ አለ ወይ ጭንቄን

ይኼንን ግጥም ከቴዲ አፍሮ አንደበት በዜማ የሰማሁት ባህርዳር ነበር። ማራኪዬ የሚለውን ሙዚቃ ተጫውቶ በቀጣይ አዝማች ላይ ይኼንን ግጥም ሲጨምርበት በወቅቱ ሁለት አይነት ስሜትን ጭሮብኝ ነበር። አንደኛው የሚስቱ ጉዳይ ሲሆን ሁለተኛው ደግሞ የአገሩ ጉዳይ ነው።

ቴዲ አፍሮ ቤተሰቦቹን በጣም የሚወድ ለቤተሰቦቹ የሚጨነቅ አባ ወራ ነው። ማራኪዬ የሚለው ሙዚቃ እንደሚታወቀው ለአምለሰት የተጫወተው ሙዚቃ ሲሆን ከዚህ ቀደም በከባድ የቶንሲል ህመም ከአገር ለህክምና ስትወጣ በቀጣይ ቀን ውድ ባለቤቱን ለማሳከም ወደ ኬኒያ ሊያቀና ሲል ቴዲ አፍሮን አሸባሪው የኢኃዴግ መንግስት ከአገር እንዳይወጣ ባለቤቱንም ማሳከም እንዳይችል ለበረራ የተነሳው ፕሌን የሞላውን ነዳጅ እንዲበትን እና ወደ ምድር እንዲያርፍ አስገድደው መንገደኞችን አጉላልተው ነዳጅ ከመቶሺህ ብር በላይ አክስረው ቴዲ አፍሮንም ህገወጥ በሆነ መልኩ ከኤርፖርት አስወጥተውት ፓስፖርቱንም ቀምተው በነበረበት ወቅት ማራኪዬ የሚለውን ዜማ ደርሶ ግጥም ቋጥሮ እንደነበር ስለማውቅ... ያንን ጭንቀቴን ያየ የተረዳ አለ ወይ እያለ ነው የሚል ግምት በውስጤ አድሯል። ይኼ አንደኛው እና ቀዳሚው ግምቴ ነበር።

ሌላኛው ደግሞ...
"ባልጥለውም ጨርቄን
በእሷ መጨነቄን
ያየ አለ ዎ...ይ
ያየ አለ ወይ ጭንቄን"

እቺን ግጥም በመድረክ ላይ ሲጨምራት ያ እውነተኛ ክስተት በልቦናዬ ታወሰኝ... የሁሉ ሰው ባህሪ ይሁን የኔ ልዩ ባህሪይ ባላውቅም በነገሮች ላይ አዎ ብሎ በአዕምሮዬ ቀድሞ የተገለጠውን በአራት ነጥብ አረጋግጦ መዝጋት ስለማልችል ሁለተኛውን ሀሳቤን ማብሰልሰል ጀመርኩ በተለይ ለእረፍት ከመድረክ ሲወርድ ይህችን ግጥም ማብጠልጠል ጀመርኩ።

በወቅቱ የቴዲ አፍሮ ኮንሰርት በባህርዳር እንዳይደረግ ጫካ የገባው ወንበዴ'ና በስልጣን የነበሩ ግብራበሮቹ ብዙ የታገሉ ቢሆንም በጥቂት መልካም ሰዎች ጀብድ ኢትዮጵያዊነትን በፅኑ አጥብቆ በያዘ እንግዳ ተቀባይ፣ ሰው አክባሪ፣ ወግ ማዕረጉን ባልረሳው በደጉ የጎጃም ህዝብ መሃል ባህርዳር ስታዲየም ላይ ሊዘጋጅ የቻለ ቢሆንም ላለፉት ዓመታቶች በተለይም ከንጉሠ ነገሥቱ ዘውድ ነጠቃ በኋላ ኢትዮጵያ የወታደሮች እና የታጣቂዎች መጫወቻ ጫካ የገባ ሁሉ መፈንጫ ሆና ስለነበረች ይኼን ደግሞ በጥልቀት ለተረዳው ቴዲ አፍሮ ትልቅ ህመም ስለሆነ ነው የተጠቀሰውን ስንኝ ሊቋጥር የቻለው የሚል መላመት መሳይ ግን ደግሞ አዎንታዊነቱ አመዛኝ የሆነ ሀሳብ በአዕምሮዬ አሰላሰልኩኝ።

እርግጥ ነው እስከ አሁንም ድረስ ይኼ ሀሳብ ሚዛን ይደፋብኛል። ምናልባት ሌላ ዘፋኝ ተጫውቶት ቢሆን በዚህም ደረጃ ባልደነቀኝ አልያም ልብ ብዬ ባላደመጥኩት ነበር። አድምጬውም ቢሆን ከገዘፈ ከግል ህይወቱ ያለፈ ስለማይሆን ልክ እንደ "ልወድሽ አልቻልኩም ይቅርታ አዝናለሁ.." አልያም "ጠላሁሽ ኡ ጠላሁሽ.." እያሉ መውደድን እንዳቀለሏት ዘፈኖች /ዘፋኞች/ አይቼ የማልፈው ነበር የሚሆነው። ግን እንደዛ ያሉ ዘፈኖች አይደለምና ከሶስት አመት በኋላም በክብር ከተቀመጠው የአዕምሮ ክፍሌ ፈንቅሎ መውጣት ችሏል።

እስኪ ግጥሙን ልብ በሉት በጥኑም በእርሱ አንደበት ዜማውን አድምጡት..? ስለ አገር የታመመ ልቡ ስለ ባንዲራው የተጨነቀች ነፍሱን ታገኞታላችሁ!

"ባልጥለውም ጨርቄን
በእሷ መጨነቄን
ያየ አለ ዎ...ይ
ያየ አለ ወይ ጭንቄን.."

✎✍#ታታ_አፍሮ /ነፃ ብዕር/

ሙዚቃውን እዚህ ያድምጡ...👇

https://youtu.be/PmV7rjm97Ko