Пропан ўйинлари ва нарх пойгаси яна бошландими?

Октябрнинг 13 кунида пропан нархи 6,2%га ёки 431,9 минг сўмга ошган. Ҳар йили октябрь ойи тили, чўнтаги ва илдизи бир олигархия ва монополият учун, агар антимонополия аралашмаса, пропан ўйинлари учун қулай фурсат ҳисобланади. Мисол учун ўтган йили октябрь ойида пропан 10%га қимматлаганди.

Пропан билан бирга дизель ёқилғиси ҳам қимматлаётгани хавотирга солади. Нархлар октябрь ойининг ўтган 13 кунида 5%га қимматлаган. Дизель ёқилғиси ҳам импортга қарамлик сунъий равишда кучайтирилаётган, шунингдек, ғалла экиш ва пахта териш мавсуми авжига чиққан пайтда қимматлаша бошлаган (фермерларнинг шўрпешонасига ҳар йилги аҳвол шу, кузги йиғиш ва шудгорлаш пайтидаям, баҳорги экин пайтидаям дизель нархи сунъий равишда қимматлашади).

Рақобат қўмитаси пропан ва дизель ёқилғиси учун ўрнатган спред чекловлари ё бекор бўп кетган ёки олигархат ва монополият янги лазейкалардан фойдаланмоқда.

Пропаннинг чакана нархлари ҳам кескин қимматламоқда

Тармоқ фойдаланувчилари кейинги кунларда пропаннинг чакана нархлари 400-500 сўмга (8-10%га) қимматлаганини муҳокама этишмоқда.

Октябрь. Қиш яқин. Инфляция. Қолаверса, нефть нархи тушмоқда, доллар тушган. Биржада ўйинлар кетаяпти. Пропан нархини оширишнинг айни вақти.

"Янгиланган" Cobalt 10 млн.сўмгача қимматлаши прогноз қилинмоқда

Autostrada.uz нашри панель жиҳозлари ва рулида ўзгаришларга учраган Cobalt 2025 нархлари 10 млн.сўмгача ошиши мумкинлигини қайд этмоқда.

Нашрга кўра, Cobalt 2025 нархлари Onix'дан ошиб кетмаслиги керак ва Cobalt Style AT 2025 155 млн.сўмгача, Cobalt Midnight 2025 165 млн.сўмгача етиши мумкин. Ҳозирда ушбу версиядаги Cobalt мос равишда 147,9 млн.сўм ва 155,2 млн.сўм туради (очиқ контрактация йўқ).

Эҳтимолки, монополист тез орада нархлар ошаётгани ҳақидаги хабарларни эълон қилади ва кейин 15 кун ўтиб, аввалги йилларда бўлгани каби талатўп лоторея — "онлайн контрактацияни" очади.

“Трастбанк”дан янги акция! Бош соврин – “Lixiang Li 7” автомобили!

“Трастбанк” “MasterCard” билан янги акцияни эълон қилди. Шартлар оддий, банкдан “MasterCard” карталарини оласиз, камида 10 АҚШ доллари миқдорида харидлар учун тўловларни амалга оширсангиз.

Акцияда қуйидаги қимматбаҳо совринлар қўйилган:
2026 йилда ўтказиладиган футбол бўйича Жаҳон чемпионатига икки кишилик йўлланма;
“Samsung” телевизорлари (3 дона);
“Samsung” кир ювиш машиналари (3 дона);
“iPhone 16 Pro” уяли алоқа телефонлари (3 дона);
“Apple iPad Air 11” планшетлари (3 дона);
Электросамокатлар (3 дона);
Бош соврин – “Lixiang Li7” гибрид автомобили (1 дона).

Акция шу йилнинг 1 октябридан 2026 йил 28 февралигача давом этади.
Батафсил
Алоқа маркази: 1287
Телеграмга аъзо бўлинг: @trustbankuz
Реклама

Маҳалла марказлари қурган хос тадбиркорлар солиқлардан озод қилинади

Ўтган йилнинг охири ва жорий йил бошида пойтахт Тошкентда квартал ва маҳаллалар ўртасида қолиб кетган охирги бўш ер майдонлари, аукцион ўтказмасдан, ёпиқ қарорлар билан хос тадбиркорларга берилган ва бу жойларда сароймонанд 5,7 қаватли ва ҳатто ундан ҳам баланд "Маҳалла марказлари" қурила бошлаган эди. Энди бу тажриба бошқа ҳудудларга, шаҳарлар ва вилоят марказларига ҳам тадбиқ этиладиган кўринади.

Қўшимчасига, энди шунақа маҳалла маркази қурган тадиркорлар 3 йил муддатга ер ва мол-мулк солиғидан озод қилинади (қишлоқ туманларда 7 йилга).

Шунингдек, Маҳалла маркази биноси эгаси бўлган тадбиркорлар ушбу муддат давомида фойда ва айланмадан солиқни 50 фоиз пасайтирилган ставкада тўлайди.

Янги Cobalt кутилганидан ҳам қимматроқ бўлади

Янги нархлар:

Style MCM – 156 100 000 сўм;
Midnight MCM – 165 200 000 сўм.

Маҳалла марказлари учун ер энди қандай ажратилади?

Маҳалла марказлари қурган тадбиркорларга 7 йилгача солиқ имтиёзлари берилиши шу йўл билан ер майдонига эга бўлмоқчи бўлган талабгорлар сонини янада ошириши аниқ.

Ҳозирда, Тошкент шаҳри мисолида маҳалла марказлари қуриш бўйича қарорлар ёпиқ, талабгорлар танлаб олиниши шаффоф эмас. 5,7,9- қаватли Маҳалла марказлари қураётган тадбиркорлар ҳокимият билан қаерда, қандай ва қайси шартларда келишганини жамоатчилик тугул, маҳалла аҳли ҳам билмайди.

Шунча солиқ имтиёзлари берилаётган экан, балки Маҳалла марказлари учун ер майдонларини очиқ аукционда сотиш тўғри ва адолатли бўлар?

Ўзбекистонда жамоатчилик назорати қандай ишламоқда?

Жамоатчилик назорати қандай бўлиши керак, унинг имкониятларидан тўлиқ фойдаланилмоқдами, очиқлик ва жамоатчилик назорати ўртасида қандвй боғликлик бор?

Беш дақиқа вақтингизни аямай, қуйидаги ҳавола орқали сўровномада иштирок этинг.

https://docs.google.com/forms/u/0/d/e/1FAIpQLScZKJtZlxtxPtM4304BDWave9f3IcmLWQJ4vCj5d11oAvG5Qw/viewform?pli=1

Хатолардан хулосалар йўқ: гипс қазиб олувчиларгаям улкан солиқ имтиёзи берилмоқда

Уч йил аввал ер қаъридан фойдаланганлик учун солиқ ставкалари нефть учун икки карра ва газ учун уч карра пасайтириб берилган эди. Бу ғирт тескари натижаларга, яъни солиқ ставкасини пасайтириш нефть ва айниқса газ қазиб олишни янада бадтар қисқаришига олиб келганди.

Ўтган йили цементчилар учун мазкур солиқ деярли 4 карра (22 500 сўмдан 6 600 сўмгача) камайтириб берилган эди. Солиқ ставкаси каррсига туширилганига қарамай, охирги 1 йилда цемент 25%га қимматлади.

Энди навбат гипсчиларга келипти. Гипс қазиб олувчиларга ер қаъридан фойдаланганлик учун солиқ ставкаси 2028 йил 1 январгача 50% миқдорида қўлланилади, яъни ставка 2 карра камайтирилади. Бугунги кунда ставка 15 950 сўмни ташкил этади.

Қатор солиқлар, айниқса аҳолига оид қисми ҳеч бўлмаганда индексацияланиб, ошириб борилаётган бир ҳолатда ер ости бойликларимизга келганда, бенефициарларга улкан солиқ имтиёзлари қўлланилаётгани ҳеч бўлмаганда изоҳланиши керак. Аввалги берилган имтиёзларнинг ва лазейкаларнинг натижалари қандай бўлгани кўрсатилиши лозим.

​Цемент лоббиси цемент нархини янада оширади

Цемент қироллари ўтган йили улар учун солиқлар 4 карра камайтирилганидан қаноат қилишмаган кўринади. Цемент заводларининг табиатимиз (сув, тупроқ, ҳаво) ва генофондимизга етказаётган зарари ва солиқларни ошириш ҳеч кун тартибига чиқмайди.

Энди цемент ишлаб чиқарувчи барча корхоналар томонидан ишлаб чиқарилган цементнинг камида 50 фоизини биржага чиқариш талабини 25 фоизга пасайтириш кўзда тутилмоқда. Бу цементга талаб кескин ошадиган, таклиф улгурмайдиган март-октябрь ойларида нархларни янада оширади. Шунингдек, йил давомида йирик ишлаб чиқарувчиларга қизиқ бўлмаган чакана харидорлар ва майда истеъмолчилар яна жабр чекишади.

Барака топгурлар, агар ниятингиз холис бўлса, агар бу цементчилар лоббиси бўлмаса, мақсад росмана эркин бозорга етиш бўлса, цементга 30%лик аждарҳо божларни бекор қилинглар. Қирғиз, тожик ва туркман цементи билан қани очиқ рақобат қилиб кўринглар.

Click’ ва Halyk Bank’ қўшилув битимига қачон розилик берилади?

2025 йил 23 июль куни Click’ АЖ ва Қозоғистоннинг энг йирик Halyk Bank'и ўртасида бизнеслар қўшилуви битими тузилгани эълон қилинган ва битим доирасида Halyk Bank Click акцияларининг 49 фоизини сотиб олиши ва бунинг эвазига Ўзбекистондаги шуъба корхонаси — Tenge Bank’нинг 49 фоизини Click акциядорларига сотиши керак эди.

Шунгаям бир ҳафтаси кам 3 ой ўтди. Бу орада 29 сентябрь куни Қозоғистон регулятори Halyk Bank’ка Click АЖ капиталида иштирок этишга рухсат берди.

Ўзбекистон қонунчилигига кўра ҳам, битим амалга ошиши учун Марказий банк ва Рақобат қўмитаси розилиги олиниши керак. Марказий банк учун бу жараён 2 ойни, Рақобат қўмитаси учун бир ойни ташкил этиши керак. Бунда талабгорлар аризаси Марказий банк томонидан монополияга қарши органнинг қарорини ҳисобга олган ҳолда кўриб чиқилади. Агар битим рақобатнинг чекланишига олиб келиши мумкин бўлса, қўшимча ўрганиш ўтказиш учун аризани кўриб чиқиш муддати икки ойдан кўп бўлмаган муддатга узайтирилиши мумкин. Ҳар икки идора қўшилув битими бўйича шу пайтгача бирон расмий муносабат бермаган.

Солиштириш учун, Ўзбекистондаги энг йирик Humo тўлов тизимини Paynet тўлов ташкилоти "хусусийлаштириб" олишига ҳар икки регулятор бирон бир эътироз билдирмаган эди.