#ETHIOPIA🇪🇹
#GERD💪

የታላቁ የኢትዮጵያ ህዳሴ ግድብ ግንባታ ገና ሲጀመር አስንቶ ስትፎክር እና ስትዘት የነበረችው ግብፅ አሁንም ግድቡ ተመርቆ ፉከራዋ አልቆመም።

የሀገሪቱ ፕሬዚዳንት አብድል ፈታህ አል ሲሲ ፤ " ብሔራዊ ጥቅማችንን አና የውሃ ደኅንነታችንን ለማስጠበቅ አስፈላጊ የሆኑ ሁሉንም እርምጃዎችን እንወስዳለን " ሲሉ ፎክረዋል።

" ኢትዮጵያ ታላቁ የሕዳሴ ግድብን በማስተዳደር ላይ እየተከተለችው ባለው ኃላፊነት የጎደለው አካሄድ ላይ ሀገሬ እጇን አጣጥፋ አትመለከታትም " ሲሉ ተደምጠዋል።

" በተባበሩት መንግሥታት ድርጅት ላይ መተማመናችን እንደ ድክመት መቆጠር የለበትም " ማለታቸው ተነግሯል።

ፕሬዚዳንቱ " ባልተመጣጠነ የውሃ ፍሰት የታችኛው ተፋሰስ ሀገራት ላይ ጉዳት እየደረሰ ነው " ሲሉ ተናግረዋል። " ኢትዮጵያ አስቀድማ ሳታሳውቀን ሳትተባበር ወጥነት የሌለው ውሃ ትለቃለች " ብለዋል።

ከሳምንታት በፊት ሱዳን ውስጥ ለደረሰ ጎርፍ ግብፅ ኢትዮጵያን ወንጅላ ነበር።

ኢትዮጵያ ከዚህ ቀደም ግብፅ ላቀረበችው ውንጀላ ምላሽ ሰጥታት ነበር። ይኸው ምላሽም ግብፅ ያቀረበችችው ክስ በሀሰት የተሞላና  ተንኮል አዘል ነው " የሚል ነው።

ግብፅ የግድቡ መሰረት ሲቀመጥ ነው ፉከራና ዣቻ ማሰማት የጀመረችው ሀገሪቱ እንዲሁ እንደፎከረች እስካሁን አለች።

በተደጋጋሚ " ነይ ወደ ስምምነት ግቢ " ብትባልም ስምምነት ሳታደርግ ቀርታለች። የፉከራና እና ዛቻ መግለጫዎችን እየሰጠች ግድቡ ተመርቋል ፤ አሁንም ቢሆን ግን ከመፎከር ወደኃላ አላለችም።

ግብፅ ግድቡ እንዳይሰራ ኢትዮጵያ ድጋፍ እንዳታገኝ ዘመቻ ከማድረግ ባለፈ በሀገር ውስጥ ያለውን የፖለቲካ አለመረጋጋት በመጠቀም እንዲሁም ለምዕራባውያን ሰዎች ጉቦ ጭምር በመስጠት ስራው እንዲደናቀፍ ጥረት ማደረጓ የአድባባይ ሚስጥር ነው። ያደረገቻቸው ሙከራዎች ሳይሳኩላት ቀርቶ ግድቡ በምርቃት ተደምድሟል።

#GERD💪
#Ethiopia🇪🇹
#TikvahEthiopiaFamilyAA

@tikvahethiopia