አክስዮኖች ለማስመዝገብ የተቀመጠው የጊዜ ገደብ ህዳር 16 ይጠናቀቃል።

ሰነደ ሙዓለ ንዋዮች (አክሲዮኖች) በሙሉ በኢትዮጵያ የካፒታል ገበያ ባለስልጣን መመዝገብ እንዳለባቸው መደንገጉ ይታወሳል።

በዚህም፦

📈 ከዚህ ቀደም አክሲዮኖቻቸሁን ለህዝብ የሸጡ፤

📈 የአክሲዮን ሽያጭ የጀመሩና ሽያጩ አሁንም በሂደት ላይ ያለ

አክስዮኖች ለማስመዝገብ በመመሪያው የተቀመጠው የአንድ አመት የሽግግር ድንጋጌ የጊዜ ገደብ ህዳር 16 ቀን 2018 ዓ.ም ይጠናቀቃል።

የግዜ ገደብ ከመጠናቀቁ በፊት መመሪያው የሚጠይቀውን መስፈርት በሟሟላት አክሲዮኖቻችሁን እንድታስመዘግቡ ሲል የኢትዮጵያ ካፒታል ገቢያ ባለሥልጣን አስታውቋል።

በተጨማሪም የሰነደ ሙዓለ ንዋይ ለህዝብ የማቅረብ እና ግብይት መመሪያ ከወጣ በኋላ ሰነደ ሙዓለ ንዋዮችን ለሕዝብ ሽያጭ ለማቅረብ የምትፈልጉ የአክሲዮን ማህበራት ከሽያጭ በፊት  ተገቢውን መስፈርት በሟሟላት ማስመዝገብ አለባቸው ሲል ገልጿል።

@TikvahethMagazine

⚫ "ከኢትዮጵያ ጋር ያለን ግንኙነት ከግብፅ ጋር ያለንን ስትራቴጂካዊ ግንኙነት የሚያሻክር አይደለም"

⚫ "ግድቡ በኢትዮጵያ መንግስት የተሰራ ስኬታማ ፕሮጀክት ነው"

⚫ "ግብፅ ወደዚህ እንድትመጣ የመረጥነው እኛ ነን እና ይመጣሉም" - ሃሰን ሼህ መሐሙድ

የሶማሊያው ፕሬዚዳንት ሃሰን ሼህ መሐሙድ የተለያዩ ጉዳዮችን ከተመለከተ ከአል አረቢያ ጋር ቃለ ምልልስ አድርገዋል።

በቃለ መጠይቃቸው የታላቁ የኢትዮጵያ ህዳሴ ግድብንና የቀይ ባህር ጉዳይን በተመለከተ ጥያቄ ቀርቦላቸው ምላሽ ሰጥተዋል።

ፕሬዚዳንቱ የታላቁ የኢትዮጵያ ህዳሴ ግድብን በተመለከተ ምን አሉ?

ፕሬዚዳንት ሃሰን ሼህ መሐሙድ የታላቁ የኢትዮጵያ ህዳሴ ግድብ ትልቅ ፕሮጀክት መሆኑን አንስተው ለኢትዮጵያና ለቀጣናው የኤሌክትሪክ ኃይል የሚያቀርብ ፕሮጀክት መሆኑንም ገልፀዋል።

ፕሬዚዳንቱ አክለውም ግድቡ በኢትዮጵያ መንግስት የተሰራ ስኬታማ ፕሮጀክት ነው ብለዋል።

ለህዳሴ ግድቡ ምርቃት ወደ ኢትዮጵያ መምጣታቸው ከግብፅ ጋር ያላቸውን ግንኙነት እንዴት ያደርገዋል ተብለው የተጠየቁት ፕሬዚዳንቱ "ኢትዮጵያ ጎረቤታችን ነች፤ 2000 ኪሎሜትር ድንበር እንጋራለን" በማለት" ከኢትዮጵያ ጋር ያለን ግንኙነት ከግብፅ ጋር ያለንን ስትራቴጂካዊ ግንኙነት የሚሸረሽር አይደለም" ብለዋል።

ፕሬዚዳንቱ ሶማሊያ ሁለቱ ሃገራት ሱዳንን ጨምሮ አንዱ ሌላኛውን እንዲረዳ ድጋፍ ለማድረግ ዝግጁ መሆኗንም ገልፀዋል።

የግብፅ ጦር በሶማሊያ ስመስፈሩ ምን አሉ?

ፕሬዚዳንት ሃሰን ሼህ መሐሙድ የግብፅ ጦር በአፍሪካ ህብረት ጥላ ስር እንደሚሰፍሩ ገልፀው  የግብፅ የጦር መኮንኖች ጦሩ  የሚሰፍርበትን ቦታ መጥተው መገምገማቸውንና የሚቀረው ነገር ጦሩን ማስፈር እንደሆነ ገልፀዋል።

ፕሬዚዳንቱ ግብፅ የሶማሊያ የደህንነት አካላትን ከስልጠና እስከ መሳሪያ ድረስ እየደገፈች መሆኑንም ተናግረዋል።

የግብፅ ጦርን መስፈር በተመለከተ ከኢትዮጵያ የቀረበላቸው ጥያቄ እንደሌለ ያነሱት ሃሰን ሼህ መሐሙድ በሶማሊያ የኢትዮጵያ አምባሳደር የግብፅ ጦርን መስፈር ተከትሎ ያነሱት ነገር ተገቢ አይደለም ብለዋል።

በተጨማሪ ፕሬዚዳንቱ "ሶማሊያ ሉዓላዊ ሃገር ነች፤ ውሳኔዋም ሉዓላዊ ነው" በማለት "ግብፅ ወደዚህ እንድትመጣ የመረጥነው እኛ ነን እና ይመጣሉም" ብለዋል።

ፕሬዚዳንቱ የቀይ ባህርን ጉዳይ በተመለከተ ምን አሉ?

የኢትዮጵያው ጠቅላይ ሚኒስትር ኢትዮጵያ ያጣችውን የባህር በር አማራጭ ለማስመለስ እንደሚሰሩ መናገራቸውን ሶማሊያ በስጋትነት ትመለከተዋለች ተብለው ተጠይቀው "ኢትዮጵያ ቀይ ባሀር መድረስ ከፈለገች መድረስ ትችላለች ነገር ግን ሁሌም ለመድረስ የሚኬዱ መንገዶች አሉ ያንን በአለም አቀፍ ደረጃ ተቀባይነት ያለው መንገድ ይከተላሉ ብዬ አስባለሁ" ብለዋል።

ፕሬዚዳንቱ "ኢትዮጵያና ኤርትራ በቀይ ባህር ጉዳይ ይዋጋሉ የሚል ወሬ እሰማለሁ፤ ነገር ግን በይፋ የሰማሁት ነገር የለም" ብለው" ሶማሊያ በመላው አለም ሉዓላዊነት ላይ የሚፈፀምን ጥሰት አትደግፍም" ሲሉ ተናግረዋል።

ፕሬዚዳንት ሃሰን ሼህ መሐሙድ" ከቀይ ባህር ጋር የሚዋሰኑና የደህንነት ስጋት ያላቸው ሃገራት አንዱ ሌላኛውን ለመረዳት መስማማት አለበት፤ የትኛውም ሃገር የሌላኛውን ሃገር ድንበር መጣስ የለበትም በተጨማሪ ጦርነት ይኖራል ብዬ አላስብም ጥያቄ ያለው ካለ በመነጋገር መፍታት ይቻላል" ብለዋል።

ፕሬዚዳንቱ አልሸባብ እየተዳከመ መሆኑን እና እርምጃ እየተወሰደበት መሆኑን እንደዚውም በቀጣይ ሊደረግ በታሰበው ምርጫ ዙሪያ ከፑንትላንድ እና ጁባላንድ የሚቀርቡ ቅሬታዎች ይፈታሉ ብለው እንደሚያስቡ ገልፀዋል።

ከሶማሊላንድ ጋር ያለውን ችግር ለመቅረፍ ከቀድሞ የሶማሊላንድ አስተዳደር ጋር በተደጋጋሚ ንግግር መደረጉንና አለመሳካቱን ገልፀው በቅርቡ ከሶማሊላንድ ጋር የሚጋጩበት አካባቢን አካቶ የተመሰረተው ክልል ወደ ሶማሊላንድ ዳግም የመመለሱ ነገር የማይሆን ነው ብለዋል።

@TikvahethMagazine