"የእንጀራ ምጣድ እና ማብሰያ ምድጃ ዝቅተኛ ኢነርጅ አጠቃቀም ብቃት ደረጃን ለማሻሻል በተለያዩ ምርቶች ላይ ልኬት እያከናወንኩ ነው" - የነዳጅና ኢነርጂ ባለሥልጣን

በኃይል አጠቃቀም ብቃታቸው ከፍተኛ ኃይል አባካኝ ተብለው በጥናት ከተለዩ ምርቶች መካከል በሀገር ውስጥ የሚመረቱ እንጀራ ምጣዶችና የማብሰያ ምድጃ ቀዳሚዎቹ ናቸው፡፡

በሀገር ውስጥ የሚመረቱ የእንጀራ ምጣድ እና ማብሰያ ምድጃ ዝቅተኛ ኢነርጅ አጠቃቀም ብቃት ደረጃን ለመሻሻል በተለያዩ ምርቶች ላይ ልኬት የመውሰድ ሥራ እየተሠራ ይገኛል ሲል የነዳጅና ኢነርጂ ባለሥልጣን አስታውቋል።

ብሔራዊ ኢነርጂ ብቃት ስትራቴጂን ለማስፈጸም በባለስልጣን መ/ቤቱ ከተቀረጹ ፕሮግራሞች መካከል የተለጣፊ ምልክት ፕሮግራም (labeling program) ተግባራዊ እየተደረገ ይገኛል ተብሏል።

በዚህም፥ የምርት ስታንዳርድ እና ዝቅተኛ ኢነርጂ አጠቃቀም ብቃት በደረጃዎች ኢንስቲትዊት በ2009 ዓ.ም እና በ2011 ዓ.ም እንዲጸድቅ ተደርጓል፡፡

የደረጃዎቹን መጽደቅ ተከትሎም ሳይንሣዊ አመራረት ዘዴን በልኬት ላይ በተመሠረተ ለመስራት እንዲቻል ከአዲስ አበባ ዩንቨርስቲ ጋር በመተባበር የምጣድ ማሳያ (Prototype) በማስመረት አምራቾች ተደጋጋሚ ስልጠና እንዲያገኙ ተደርጓል ሲል ገልጿል።

ስልጠናውን መሠረት በማድረግ የተመረቱ ምርቶችን በባለስልጣን መ/ቤቱ ላብራቶሪ በማስፈተሸ የተለጣፊ ምልክት የመስጠት ሥራ እየተከናወነ ይገኛል፡፡

አሁን ላይ የተቀመጡ ስታንዳርዶችን በድጋሚ ማየትና መፈተሸ አስፈላጊ በመሆኑ የምርቱን ዝቅተኛ ኢነርጂ አጠቃቀም ደረጃ ለማሻሻል በመስራት ላይ ይገኛል ተብሏል፡፡

@TikvahethMagazine

#Update

በቦሌ ክፍለ ከተማ ወረዳ 12 የነዋሪዎች ቡድን መሪ የሆኑትን  ጨምሮ አገልግሎቶችን በገንዘብ ሲሸጡ እና ህብረተሰቡን ሲያንገላቱ የነበሩ  ባለሙያዎች ከመንግስት ስራ እንዲሰናበቱ ዉሳኔ መተላለፉን የሲቪል ምዝገባ እና የነዋሪነት አገልግሎት ኤጀንሲ አስታውቋል።

ኤጀንሲው ደረሰኝ ያለውን የተገልጋይ ጥቆማ መሰረት አድርጎ የቦሌ ክ/ከተማ ወረዳ 12 የነዋሪዎች አገልግሎት  ቡድን መሪ የሆኑት አቶ ክብረት ቦጋለ እንዲሁም የነዋሪዎች አገልግሎት ባለሙያ የሆኑት አቶ ሞላ ልንገረዉ ላይ ነው እርምጃ የወሰደው።

ግለሰቦቹ በተለያዩ ግዜያት ተገልጋዮችን ማንገላታትና  አገልግሎትን ያለአግባብ በገንዘብ ሲሸጡ የነበረ መሆኑን በማስረጃ በማረጋገጥ በአዋጅ 87/2017 ዓ.ም ላይ በተቀመጠዉ አሰራር መሰረት ከስራ እንዲሰናበቱ ዉሳኔ መሰጠቱን ነው የገለጸው።

ኤጀንሲው ከህገ-ወጥ ደላሎች እና አገልግሎትን በገንዘብ ከሚሸጡ ህብረተሰቡ ራሱን እንዲጠብቅ አሳስቦ ተመሳሳይ አይነት ነገር ሲገጥም በ7533 የነፃ የስልክ መስመር እንዲሰጡ ጥሪ አስተላልፏል።

ከዚህ ቀደም ቲክቫህ ኢትዮጵያ በጉዳዩ ላይ የሰራው ዘገባ ከላይ ተያይዟል።

@TikvahethMagazine

የብፁዕ ወቅዱስ አቡነ መርቆሬዎስ ፓትርያርክ  መታሰቢያ ሐውልት በመንበረ ጸባዖት ቅድስት ሥላሴ ካቴድራል ጥቅምት 9 ቀን  2018 ዓ.ም ይመረቃል።

ምንጭ : EOTC

@TikvahethMagazine

በጠለፋና በአስገድዶ መድፈር የተከሰሰው ግለሰብ በ15 አመት ጽኑ እስራት ተቀጣ።

በካፋ ዞን በቢጣ ወረዳ ኦጊ ዳኪቲ ቀበሌ የካቲት 16 ቀን 2017 ዓ.ም ከቀኑ 7:00 ሰዓት ላይ ገበያ ለመገበያየት እየሄደች ያለች የግል ተበዳይን ጠልፎ በመድፈር ወንጀል ተከሶ በ15 ዓመት እስራት መቀጣቱን ወረዳው አስታውቋል።

ተከሳሽ ለጊዜው እጃቸውን ለፖሊስ ካልሰጡ ግብራበሮቹ ጋር በመሆንና ስለታማ ቁስ በእጁ ይዞ በማስፈራራት የጠለፋ ወንጀል በመፈፀም ወደ ጌሻ ወረዳ ሀነቶ ቀበሌ አስገድዶ ስለመውሰዱ ነው ፖሊስ ያስረዳው።

በዚሁ መሠረት የቢጣ ወረዳ ፍርድ ቤት  ጥቅምት 3 ቀን 2018 ዓ.ም በዋለው የወንጀል ችሎት ተከሳሹ ኤልያስ ቆጭቶ በሁለት ወንጀሎች ጥፋተኛ ሆኖ በመገኘቱ በ15 አመት ፅኑ እስራት እንዲቀጣ ወስኖበታል።

@TikvahethMagazine

#Oromia: በኦሮሚያ ክልል በአዲስ መልክ ለተደራጁ የቀበሌ መዋቅሮች 6 ሺህ 800 የሞተር ብስክሌቶች ተከፋፍሏል።

የኦሮሚያ ክልል ፕሬዚዳንት ሽመልስ አብዲሳ የሞተር ብስክሌቶቹ በቀበሌ መዋቅር የመንግሥት አገልግሎት ፈጣን፣ ቀልጣፋና ውጤታማ ለማድረግ የሚሰራውን ሥራ የሚያግዙ በመሆኑ በአግባቡ ለተፈለገው ዓላማ እንዲውሉ አስገንዝበዋል። [OBN]

@TikvahethMagazine