“ ጥሩ ጨዋታ አድርገናል “ ኤንሪኬ

የፒኤስጂው ዋና አሰልጣኝ ሉዊስ ኤንሪኬ ቡድናቸው ባስመዘገበው ድል ደስተኛ መሆናቸውን ገልጸዋል።

“ ጨዋታውን በጥሩ ሁኔታ ነው የጀመርነው " ያሉት ኤንሪኬ ኳስ ተቆጣጥረናል በቂ የግብ አድልም ፈጥረናል ብለዋል።

አክለውም “ በሁለተኛው አጋማሽ ተቀዛቅዘን ነበር ግብ ሊያስቆጥሩ ይችሉም ነበር ነገርግን ደስተኛ ነኝ “ ሲሉ ተደምጠዋል።

“ በሁሉም ተጨዋቾች ደስተኛ ነኝ ይህ እግርኳስ ነው እንደሁልጊዜው ራሳችንን ማሻሻል አለብን “ ኤንሪኬ

@Tikvahethsport     @kidusyoftahe

" ሜሲ ድንቅ ጨዋታ ነው ያደረገው “

የኢንተር ሚያሚው ዋና አሰልጣኝ ዣቪየር ማሼራኖ ሊዮኔል ሜሲ በምሽቱ ጨዋታ ማድረግ የሚችለውን ምርጥ ነገር ማሳየቱን ገልጸዋል።

“ ሊዮኔል ሜሲ አስደናቂ ጨዋታ ነው ያደረገው “ ያሉት አሰልጣኙ በሁለተኛው አጋማሽ በነበሩን አጋጣሚዎች እሱ ሊያደርገው የሚችለውን ምርጥ ነገር አይተናል ብለዋል።

“ እሱ አሁን 38 ዓመቱ ነው ነገርግን ሰዎች አሁንም እሱን ለማየት ትኬት መቁረጣቸውን ቀጥለዋል ፤ ይህ እሱ ሊሰጠን የሚችለው ትልቅ ዋጋ ያለው ነገር ነው “ ማሼራኖ

@Tikvahethsport     @kidusyoftahe

ባየር ሙኒክ ሩብ ፍፃሜውን ተቀላቅለዋል !

በክለቦች አለም ዋንጫ ጥሎ ማለፍ ባየር ሙኒክ ከፍላሚንጎ ጋር ያደረጉትን ጨዋታ 4ለ2 በሆነ ውጤት ማሸነፍ ችለዋል።

የባየር ሙኒክን የማሸነፊያ ግቦች ሀሪ ኬን 2x ፣ ጎሬዝካ እና ፑልጋር ማስቆጠር ችለዋል።

የፍላሚንጎን ግቦች ጆርጂንሆ እና ጌርሰን ከመረብ ማሳረፍ ችለዋል።

ውጤቱን ተከትሎ ባየር ሙኒክ ሩብ ፍፃሜውን ሲቀላቀል ፍላሚንጎ ከውድድሩ ተሰናብተዋል።

በሩብ ፍፃሜው ባየር ሙኒክ የፈረንሳዩን ክለብ ፒኤስጂ  ከአምስት ቀናት በኋላ የሚገጥሙ ይሆናል።

@Tikvahethsport     @kidusyoftahe

ክረምትን በምን ሊያሳልፉ አስበዋል?

Can PlayStation 🎮 መፍትሄ ይዞ ብቅ ብሏል🫴

-Sony
PlayStation 2
PlayStation 3
PlayStation 4
PlayStation 5

-Microsoft
Xbox 360
Xbox one
Xbox one s
Xbox Series

ምርቶችን አዘጋጅቶ እናንተን በመጠበቅ ላይ ነን! እንግዲያውስ እርሶ በተመችዎት ሰዓት ብቅ በማለት ሱቃችን መጎብኘት ይችላሉ።

እቃዎቻችን 6 ወር ዋስትና ስላለው ያለ ሀሳብ ይዝናኑ።

ለልጅም ሆነ ለአዋቂ የሚሆኑ PlayStation Cidi Game ስላሉን ይደውሉልን።

Tv በተለያየ Brand እና Size እኛ ዘንድ ያገኛሉ።

ባሎት ማንኛውም እቃ መቀያየር ይቻላል።

ለክፍለ ሀገር እናቀርባለን ይደውሉ።

🤝Thanks for choice!

አድራሻ፡፦
ቁጥር 1፦  መገናኛ
ቁጥር  2፦  ቦሌ

ስልክ፦ 0904658609 ወይም                  0910529770
0977349492  ይደውሉ

ለአዳዲስ መረጃ Telegram channel join ይበሉ ፦
https://www.tg-me.com/CanPlaystation

                       👍Update Your Life

    Can PlayStation እና Tv Market

ተመላሽ እያደረግን ነው! 🔥
ሽንፈት? አይታሰብም!!!!!
በየቀኑ ለአምስት እድለኞች 500 ብር እየሸለምን ነው።
ውርርዱ ባይሳካም አምስት መቶ ብር የግልዎ ይሆናል። ይወራረዱ!
ቢሸነፉም በተመላሽ ያሸንፉ!

“ ሜሲ ከእሱ ጋር የሚሄዱ አጋሮች አላገኘም “ ኢብራሂሞቪች

ስዊድናዊው የቀድሞ ተጨዋች ዝላታን ኢብራሂሞቪች ሊዮኔል ሜሲ በትላንቱ ጨዋታ “ የማውቀው ሜሲ አልነበረም “ ሲል ገልጿል።

ሜሲ የማውቀው አልነበረም " ያለው ኢብራሂሞቪች ትክክለኛ ቡድን ብትሰጠው እሱ ያለውን ነገር ጨምሮ ጠንካራ ያደርገዋል ብሏል።

“ ኢንተር ሚያሚ ከሜሲ ጋር ከኳስ ውጪ እንዴት መንቀሳቀስ እንዳለባቸው እንኳን የማይረዱ ተጨዋቾች እና አሰልጣኞች ነው ያለው “ ሲል ዝላታን ተናግሯል።

አክሎም " የተሸነፈው ሜሲ ሳይሆን ኢንተር ሚያሚ ነው እሱ ከሀውልት ጋር ነው የተጫወተው እውነተኛ የቡድን አጋር ቢያገኝ አንበሳውን ታዩት ነበር።"ብሏል።

" ሜሲ እስካሁን የሚጫወተው እግርኳስ ስለሚወድ ነው እሱ አሁንም 99% የአሁን ተጨዋቾች ማድረግ የማይችሉትን ነገር እያደረገ ነው።" ኢብራሂሞቪች

@Tikvahethsport     @kidusyoftahe

የቪክቶር ዮከሬሽ የስፖርቲንግ ሊስበን ቆይታ ?

የስፖርቲንግ ሊስበኑ ፕሬዝዳንት ፍሬዴሪኮ ቫራንዳዝ ቪክቶር ዮከሬሽ በዚህ ክረምት ክለቡን የሚለቅበት እድል ከፍተኛ መሆኑን ገልፀዋል።

ስፖርቲንግ ሊስበን አሁን ላይ ተጫዋቹን በውሉ ካለው 100 ሚልዮን ዩሮ ውል ማፍረሻ በታች በሆነ የዝውውር ገንዘብ ለመሸጥ ማሰቡን ፕሬዝዳንቱ ጠቁመዋል።

“ ይሁን እንጂ በ 60 ሚልዮን ዩሮ እና ተጨማሪ 10 ሚልዮን ክለቡን እንደማይለቅ አረጋግጣለሁ “ ሲሉ ፕሬዚዳንቱ ተናግረዋል።

ፕሬዝዳንቱ ማንችስተር ዩናይትድ ለማቲውስ ኩንሀ ያወጣውን 73 ሚልዮን ዩሮ እና ለምቤሞ ያቀረበውን ገንዘብ በመጥቀስ አነፃፅረዋል።

አክለውም “ እነዚህ ሁለት ተጨዋቾች የዮከሬሽን ያህል የገበያ ዋጋም ሆነ ብቃት የላቸውም ብዬ አስባለሁ " ሲሉ ተደምጠዋል።

ቪክቶር ዮከሬሽ የፊት መስመር አጥቂ ለማስፈረም በማፈላለግ ላይ በሚገኘው አርሰናል እየተፈለገ ይገኛል።

በሌላ በኩል ተጨዋቹ የሻምፒየንስ ሊግ ቡድን መቀላቀል ቢፈልግም የማንችስተር ዩናይትዱ አሰልጣኝ ሩበን አሞሪም ሊያስፈርሙት ይፈልጋሉ።

@Tikvahethsport     @kidusyoftahe

ኳንሳህ ለጤና ምርመራ ጀርመን ይገኛል !

የሊቨርፑሉን የተከላካይ ስፍራ ተጨዋች ጃሬል ኳንሳ ባየር ሌቨርኩሰንን ለመቀላቀል ዛሬ የጤና ምርመራውን ያደርጋል።

ተጨዋቹ አሁን ጀርመን መድረሱ ሲገለፅ በቀጣይ የአሰልጣኝ ኤሪክ ቴንሀጉን ስብስብ ይቀላቀላል።

ባየር ሌቨርኩሰን ተጨዋቹን 40 ሚልዮን ዩሮ በሚደርስ የዝውውር ሒሳብ ለማስፈረም ከሊቨርፑል ጋር ተስማምተዋል።

ሊቨርፑል ከአንድ አመት በኋላ ተጫዋቹን 70 ሚልዮን ዩሮ በሚጠጋ ክፍያ መልሰው መግዛት የሚያስችላቸው አንቀጽ ያካትታሉ።

@tikvahethsport     @kidusyoftahe

ቦታፎጎ አሰልጣኙን አሰናበተ !

ከክለቦች አለም ዋንጫ የተሰናበተው የብራዚሉ ክለብ ቦታፎጎ የቡድኑን ዋና አሰልጣኝ ሬናቶ ፓይቫ ማሰናበታቸውን አስታውቀዋል።

አሰልጣኙ ቦታፎጎን እየመሩ በክለቦች አለም ዋንጫው የሻምፒየንስ ሊግ አሸናፊውን ፒኤስጂ ማሸነፍ ችለዋል።

ቡድኑ በፓልሜራስ ተሸንፎ ከውድድሩ ውጪ መሆኑን ተከትሎ የክለቡ ባለቤት ጆን ቴክስተር አሰልጣኙን አሰናብተዋል።

አሰልጣኙ በተጨማሪም ቦታፎጎ በኮፓ ሊበርታዶሬስ እና ኮፓ ዶ ብራዚል ቡድናቸው አስራ ስድስት ውስጥ እንዲቀላቀል ረድተዋል።

@tikvahethsport     @kidusyoftahe

“ ለተጨዋቾቹ አስፈሪ ቡድኖች አሉ ብዬ ነግሬያለሁ " ጋርዲዮላ

የማንችስተር ሲቲው ዋና አሰልጣኝ ፔፕ ጋርዲዮላ አል ሂላል በክለቦች አለም ዋንጫ ከአስፈሪ ቡድኖች አንዱ መሆኑን ተናገረዋል።

“ በዚህ ውድድር ትልቅ አቅም ያላቸው አስፈሪ ቡድኖች አሉ ብዬ ለተጨዋቾቹ ነግሬያለሁ " ያሉት ጋርዲዮላ አል ሂላል ከእነሱ ውስጥ አንዱ ነው ብለዋል።

“ አል ሂላል ተጋጣሚውን የመጉዳት አቅም አለው በፊት አድርገውታል አሁንም ያደርጉታል “ ጋርዲዮላ

ስለ ሳውዲ አረቢያ ሊግ እድገት ያነሱት ፔፕ ጋርዲዮላ " ሊጉ በግልጽ በሚታይ መልኩ እያደገ ነው " ብለዋል።

ማንችስተር ሲቲ ዛሬ ሌሊት 10:00 ሰዓት ከአል ሂላል ጋር ጨዋታቸውን ያደርጋሉ።

@tikvahethsport     @kidusyoftahe

ጋርዲዮላ የየርገን ክሎፕን ትችት ተጋርተዋል !

የማንችስተር ሲቲው አሰልጣኝ ፔፕ ጋርዲዮላ የርገን ክሎፕ የክለቦች አለም ዋንጫ ላይ የሰነዘሩትን ትችት እንደሚጋሩ ገልጸዋል።

የርገን ክሎፕ የውድድሩን የመጀመር ሀሳብ “ በእግርኳስ ካየናቸው ጥሩ ያልሆኑ ውሳኔዎች መካከል የከፋው ነው “ ሲሉ ገልፀውት ነበር።

አሰልጣኝ ፔፕ ጋርዲዮላ በበኩላቸው “ በየርገን ክሎፕ ሀሳብ እስማማለሁ አስተያየቱ አላስገረመኝም እረዳዋለሁ “ ብለዋል።

ፔፕ ጋርዲዮላ አክለውም " ውድድሩ ተጨዋቾቻችንን እና ቀጣይ የውድድር አመታችንን ሊጎዳው ይችላል " ብለዋል።

የሰማያዊዎቹ አሰልጣኝ ኢንዞ ማሬስካ በተመሳሳይ ከቀናት በፊት ውድድሩን “ ቀልድ ነው “ ሲሉ ገልፀው ሲጀመር አሜሪካን ለእግርኳስ ትክክለኛ ቦታ አይደለችም ብለዋል።

@tikvahethsport     @kidusyoftahe

“ ተከታታይ ጎል በማስቆጠሬ ደስ ብሎኛል “ ጋቶች ፓኖም

በኢራቅ ሊግ ለክለቡ ኒው ሮዝ ስፖርት ክለብ በተከታታይ ጨዋታዎች ጎሎችን ያስቆጠረው ጋቶች ፓኖም በቆይታው ደስተኛ መሆኑን ተናግሯል።

ጋቶች ባለፉት ሁለት የሊግ ጨዋታዎች ለቡድኑ ብቸኛ የማሸነፊያ ግብን ጨምሮ ሁለት ግቦችን አስቆጥሯል።

“ ተከታታይ ጎል በማስቆጠሬ በግሌ ደስ ብሎኛል ፈጣሪንም አመሰግናለሁ “ ሲል ጋቶች ለዝግጅት ክፍላችን ሀሳቡን ሰጥቷል።

በተከታታይ ጎል ማግባት “ የሚጨምረው በራስ መተማመን አለ " የሚለው ጋቶች " እንደ ተጨዋች ጎል ባስቆጠርክ ቁጥር በራስ መተማመንህም ይጨምራል " ብሏል።

ከኢትዮጵያ ወደ ኢራቅ ካመራ ጀምሮ አሰልጣኙ እና የቡድኑ አባላት በእሱ ላይ ትልቅ እምነት እንዳጣሉ እና ቀጥታ በቋሚነት እንዳሰለፉት ጋቶች ተናግሯል።

“ አሰልጣኙ እኔ ላይ እምነት በመጣሉ ደስ ብሎኛል ማሳመን ደግሞ የእኔ ስራ ነበር እድሉን በአግባቡ ተጠቅሜ ከመጣሁ ጀምሮ እስካሁን በቋሚነት እየተጫወትኩ ነው።" ጋቶች ፓኖም

ስለ ቀጣይ ቆይታው ያነሳው ተጨዋቹ “ በቀጣይ እግዜር ነው የሚያውቀው የተሻለ ነገር ለማግኘት ፈጣሪ እንዲያሳካልኝ እመኛለሁ “ ብሏል።

ጋቶች ፓኖም በጥር ወር የተጨዋቾች ዝውውር መስኮት ነበር ኢትዮጵያ መድንን በመልቀቅ ወደ ኢራቅ ሊግ ያቀናው።

“ ኢትዮጵያ መድን ሻምፒዮን በመሆናችሁ እንኳን ደስ አላችሁ “ ያለው ጋቶች በትንሹ ለቡድኑ የአቅሜን ሰጥቻለሁ ለክለቡ አዲስ ታሪክ በመፃፋቸው ደስ ብሎኛል ብሏል።

@Tikvahethsport     @kidusyoftahe

ጆን ኢቫንስ በሀላፊነት ተሾመ !

ሰሜን አየርላንዳዊው የተከላካይ ስፍራ ተጨዋች ጆን ኢቫንስ በማንችስተር ዩናይትድ በሀላፊነት ተሾሟል።

የ 37ዓመቱ ጆን ኢቫንስ በማንችስተር ዩናይትድ ያለው ውል መጠናቀቁን ተከትሎ ጫማውን መስቀሉን በይፋ አስታውቋል።

ተጫዋቹ አሁን ላይ በማንችስተር ዩናይትድ የተጨዋቾችን ውሰት ውል እንዲከታተል በሀላፊነት መሾሙ ይፋ ተደርጓል።

ጆን ኢቫንስ በቀጣይ የውሰት ውሎችን እንደሚቆጣጠር  የታዳጊ ተጨዋቾችን እድገት እንዲቆጣጠር እና ድጋፍ እንዲያደርግ ሀላፊነት እንደተሰጠው ተገልጿል።

ከክለቡ ጋር ሶስት የፕርሚየር ሊግ እና አንድ ሻምፒየንስ ሊግ ዋንጫ ያሳካው ጆን ኢቫንስ ያለው የእግርኳስ ልምድ በክለቡ እንዲቀጥል እንዳስቻለው ተነግሯል።

@Tikvahethsport     @kidusyoftahe

አርሰናል ተጨዋች ለማስፈረም ንግግር ጀመረ !

የሰሜን ለንደኑ ክለብ አርሰናል የክሪስታል ፓላሱን የፊት መስመር ተጨዋች ኢዜ ለማስፈረም ንግግር መጀመሩ ተገልጿል።

መድፈኞቹ የተጫዋቹን ወኪሎች ማነጋገራቸው ሲገለፅ ተጫዋቹን ለማስፈረም ምን እንደሚያስፈልግ ማወቃቸው ተገልጿል።

ቶተንሀም በበኩሉ የተጨዋቹ ፈላጊ ክለብ መሆኑን የዝውውር ጉዳዮችን የሚከታተለው ጋዜጠኛ ፋብሪዝዮ ሮማኖ ተናግሯል።

ኢዜ ከዚህ በፊት " ህልሜ ለአርሰናል መጫወት ነው “ በሚለው ንግግሩ ይታወቃል።

@Tikvahethsport     @kidusyoftahe

አስቶን ቪላ የሴት ቡድኑን ለመሸጥ ተስማማ !

የአስቶን ቪላ የገጠመውን የፋይናንሻል ፌር ፕሌይ ችግር ለማስተካከል እንዲረዳው የሴት ቡድኑን ለመሸጥ ከስምምነት መድረሱ ተገልጿል።

አስቶን ቪላ ባለፉት ሁለት አመታት የገጠማቸው የ 195 ሚልዮን ፓውንድ ኪሳራ ክለቡን የፋይናንሻል ፌር ፕሌይ ችግር ውስጥ ከቶታል።

ይህንንም ተከትሎ አስቶን ቪላ የሴቶች ቡድኑን መቀመጫውን አሜሪካ ላደረገ ለእህት ተቋም ለመሸጥ መስማማቱ ተነግሯል።

ቼልሲ ከዚህ በፊት የሴት ቡድኑን ለክለቡ እህት ተቋም በ 200 ሚልዮን ፓውንድ ሸጦ ያገኘው ገቢ የፋይናንስ ችግሩን ለመቅረፍ እንደረዳው ይታወሳል።

@Tikvahethsport     @kidusyoftahe

እስቴቫኦ እንዴት ቼልሲን ሊገጥም ይችላል ?

ቼልሲ ባለፈው ጥር ወር ከብራዚሉ ክለብ ፓልሜራስ ወጣቱን የፊት መስመር ተጨዋች እስቴቫኦ ማስፈረማቸው ይታወሳል።

ሰማያዊዎቹ 34 ሚልዮን ዩሮ በማውጣት ያስፈረሙትን እስቴቫኦ እስከ አሁኑ ክረምት በፓልሜራስ እንዲቆይ አድርገው ነበር።

የ 18ዓመቱ ተጨዋች እስቴቫኦ ትንሽ በማይባሉ ብራዚላዊያን ከኔይማር በኋላ ለአለም ያበረከትነው ባለተሰጥኦ ነው ተብሎ ታምኖበታል።

ወጣቱ ተጨዋች በክለቦች አለም ዋንጫ ውድድር ሩብ ፍፃሜ የወደፊት ክለቡን ቼልሲ በተቃራኒው የሚገጥም ይሆናል።

ተጨዋቹ እንዴት ቼልሲን ሊገጥም ይችላል ?

ቼልሲ ተጨዋቹን ሲያስፈርም 18ዓመት ያልሞላው በመሆኑ ህጋዊ ዝውውሩን ማጠናቀቅ የሚችለው በዚህ ክረምት እንደነበር ተገልጿል።

ሁለቱም ክለቦች በክለቦች አለም ዋንጫ ውድድር መሳተፋቸው ነገሩን እንዳወሳሰበው ተገልጿል።

ሁለቱ ክለቦች ተጨዋቹ ፓልሜራስ ከውድድሩ እስከሚሰናበት ድርስ እዛው እንዲጫወት ከስምምነት መድረሳቸው ተገልጿል።

ተጫዋቹ ከክለቦች አለም ዋንጫው በኋላ ወደ ቼልሲ የሚያደርገውን ዝውውር እንደሚያጠናቅቅ ተዘግቧል።

ተጨዋቹ ለፓልሜራስ ተሰልፎ ቼልሲን ከመግጠም የሚያስቆመው የፊፋ ህግ እንደሌለ ሲነገር ፊፋ የፓልሜራስ ተጨዋች እንደሆነ እንደሚያውቅ ተነግሯል።

ተጨዋቹ ቼልሲን እንዳይገጥም የሚያስቆመው የሁለቱ ክለቦች ስምምነት ብቻ እንደሚሆን እና ጥር ላይ በተደረሰው ውል ውስጥ የተቀመጠ አንቀጽ አለመኖሩ ተገልጿል።

@Tikvahethsport     @kidusyoftahe

ዳኒ ካርቫል ወደ ሜዳ ይመለሳል !

ስፔናዊው የሪያል ማድሪድ የተከላካይ ስፍራ ተጨዋች ዳኒ ካርቫል ወደ ሜዳ ለመመለስ ዝግጁ መሆኑን አስታውቋል።

በጉዳት ለረጅም ጊዜ ከሜዳ ርቆ የቆየው ዳኒ ካርቫል ከዘጠኝ ወራት በኋላ ለጨዋታ ብቁ መሆኑን አረጋግጧል።

“ከረጅም  ወራት በኋላ አሁን ለመጫወት ዝግጁ ነኝ “ ሲል ዳኒ ካርቫል አስተያየቱን ሰጥቷል።

ሪያል ማድሪድ ነገ ምሽት 4:00 ሰዓት ከጁቬንቱስ ጋር የጥሎ ማለፍ ጨዋታውን ያደርጋል።

@Tikvahethsport     @kidusyoftahe