“ ፔድሮ ኔቶ በጣም አዝኗል “

የለንደኑ ክለብ ቼልሲ ዋና አሰልጣኝ ኢንዞ ማሬስካ የቡድናቸው ተጫዋች ፔድሮ ኔቶ በቅርብ ጓደኛው ዶያጎ ጆታ ድንገተኛ ህልፈት ማዘኑን ገልፀዋል።

በዛሬው ጨዋታ ስለ መጫወቱ ሲጠየቁ “ ሙሉ ለሙሉ ውሳኔው የፔድሮ ኔቶ ነው “ በማለት ለተጫዋቹ ቅድሚያ እንደሚሰጡ ገልፀዋል።

ትላንት ረፋድ ላይ ከፔድሮ ኔቶ ጋር ማውራታቸውን የገለፁት ማሬስካ “ ምንም አይነት ውሳኔ ቢወስን ልክ ነው ፣ እኛ ከጎኑ ነን “ የሚል ምላሽ ሰጥተዋል።

“ በጣም አዝኗል “ በማለት አሁን ላይ የሚገኝበትን ሁኔታ የገለፁት ማሬስካ “ ከማዘንም በላይ ተጎድቷል ፣ ነገር ግን በዚህ አሳዛኝ ወቅት ከጎኑ ነን “ ብለዋል።

@tikvahethsport @kidusyoftahe

አሮን ራምሴይ የሜክሲኮውን ክለብ ተቀላቀለ !

የቀድሞ የሰሜን ለንደኑ ክለብ አርሰናል እና ጁቬንቱስ አማካይ አሮን ራምሴ የሜክሲኮውን ክለብ ፑማስ በነፃ ዝውውር ተቀላቅሏል።

ክለቡን በአንድ አመት ውል የተቀላቀለው አሮን ራምሴይ “ እዚህ በመሆኔ ደስተኛ ነኝ ብዙ ልምድ አለኝ ቡድኑን ስኬታማ ለማድረግ ማገዝ እፈልጋለሁ " ብሏል።

ተጨዋቹ ከሳውዲ አረቢያ እና ዩናይትድ አረብ ኤምሬትስ የቀረበለትን ጥያቄ ውድቅ በማድረግ ፑማስን ለመቀላቀል መወሰኑ ተነግሯል።

የ 34ዓመቱ አሮን ራምሴይ በውድድር አመቱ መጨረሻ በሶስት ጨዋታዎች ካርዲፍ ሲቲን በጊዜያዊነት አሰልጣኝነት መርቶ ነበር።

በክለቡ ያለው ውል በአመቱ መጨረሻ ያበቃው አሮን ራምሴይ ባለፈው አመት ለካርዲፍ ሲቲ አስር ጨዋታዎችን ማድረግ ችሏል።

@Tikvahethsport    @kidusyoftahe

“ አሜሪካዊያን የነፃነት በዓላችሁን እኛን በመደገፍ አክብሩ “

የብራዚሉ ክለብ ፓልሜራስ አሰልጣኝ አቤል ፌሬራ አሜሪካዊያን ገለልተኛ ደጋፊዎች እኛን በመቀላቀል ከእንግሊዝ በተቃራኒ ቁሙ ሲሉ ጠይቀዋል።

አሜሪካ ዛሬ " June 4 " ከታላቋ ብሪቴን ነፃ መውጣቷን የሚዘክር ብሔራዊ በዓል ታከብራለች።

የፓልሜራስ እና ቼልሲ ጨዋታ በተመሳሳይ ቀን መደረጉን ተከትሎ አሰልጣኙ አሜሪካውያን የሀገር ፍቅራችሁን አሳዩ በማለት አስታውሰዋል።

“ እኛን መደገፍ ለአሜሪካውያን መልካም አጋጣሚ ነው “ ያሉት አሰልጣኝ አቤል ፌሬራ “ ምክንያቱም ቀኑ ከእንግሊዝ በተቃራኒ የምትቆሙበት የነፃነት ቀን ነው “ ብለዋል።

“ ስለዚህ ከእኛ ጋር በመምጣት ተቀላቀሉን ምክንያቱም የእናንተ ድጋፍ ያስፈልገናል “ሲሉ  አሰልጣኝ አቤል ፌሬራ ጥሪ አቅርበዋል።

“ በጨዋታው ያለንን እንሰጣለን ቼልሲ ጠንካራ መሆኑን እናውቃለን ነገርግን እኛ አንድ ህልም ነው ያለን ለዚህ ህልም እንፋለማለን “ አሰልጣኝ አቤል ፌሬራ

@Tikvahethsport     @kidusyoftahe

ኒኮ ዊሊያምስ በይፋ ውሉን አራዘመ!

ስፔናዊው የአትሌቲክ ቢልባኦ የፊት መስመር ተጫዋች ኒኮ ዊልያምስ ውሉን ለተጨማሪ ስምንት አመታት ማራዘሙን ክለቡ ይፋ አድርጓል።

ተጫዋቹ በአትሌቲክ ቢልባኦ ቤት እስከ 2035 ድረስ የሚያቆየውን የረዥም አመት ውል መፈረሙ ይፋ ተደርጓል።

ምንም እንኳ ባርሴሎና በተጫዋቹ ላይ ከፍተኛ ፍላጎት ቢኖረውም ተጫዋቹ ግን በአትሌቲክ ቢልባኦ ለመቆየት መወሰኑ ተገልጿል።

ኒኮ ዊሊያምስ አዲስ በፈረመው ኮንትራት ላይ የውል ማፍረሻው 96 ሚልየን ዩሮ መሆኑ ተነግሯል።

ተጫዋቹም በይፋ ፊርማውን ካኖረ በኋላ " አትሌቲክ ቢልባኦ ቤቴ ነው “ ሲል ተደምጧል።

“ ውሳኔ ለመወሰን ስትፈልግ መጀመሪያ ማድረግ ያለብህ ልብህን ማድመጥ ነው ፣ እኔ መቆየት የምፈልገው በዚሁ ነው “ ኒኮ ዊሊያም

@tikvahethsport @kidusyoftahe

አርሰናል ከተጨዋቹ ጋር ሊለያይ ነው !

የሰሜን ለንደኑ ክለብ አርሰናል የመስመር ተጨዋች ታኬሂሮ ቶሚያሱ ከክለቡ ሊለያይ መሆኑ ተገልጿል።

አርሰናል ከተጨዋቹ ጋር በጋራ ስምምነት ያላቸውን ኮንትራት ለማፍረስ መወሰናቸው ተነግሯል።

በተደጋጋሚ ጉዳት ምክንያት ቡድኑን በሚገባው ልክ ያላገለገለው ቶሚያሱ በተጠናቀቀው የውድድር አመት ለአርሰናል አንድ ጨዋታ ነው ያደረገው።

የተጨዋቹ ኮንትራት በሚቀጥለው አመት 2026 የሚጠናቀቅ ቢሆንም በስምምነት መለያየታቸው ተነግሯል።

@tikvahethsport     @kidusyoftahe

“ የአርሰናል በመሆኔ ሁልጊዜም እኮራለሁ “ ቶሚያሱ

ጃፓናዊው የመስመር ተጨዋች ታኬሂሮ ቶሚያሱ ከአርሰናል ጋር መለያየቱን በማህበራዊ ትስስር ገፁ አረጋግጧል።

“ በዚህ ታላቅ ክለብ ከነበሩን አራት የማይረሱ አመታት በኋላ የመሰነባበቻ ጊዜው አሁን ነው ስለሰጣችሁኝ ህይወት አመሰግናለሁ “ ሲል ቶሚያሱ ተናግሯል።

“ በአርሰናል ቤት ከቡድን አጋሮቼ ፣ ከሚኬል አርቴታ ከአሰልጣኝ ቡድኑ እና ሁሉም ሰው ጋር በማሳለፌ በጣም ደስተኛ ነበርኩ “ ቶሚያሱ

ቶሚያሱ አክሎም ደጋፊዎች ሜዳ ላይ እና ከሜዳ ውጪ ላሳያችሁኝ ነገር አመሰግናለሁ በቼም አልረሳውም በማለት ተናግሯል።

“ ጊዜው የአዲስ ምዕራፍ ነው ነገርግን የአርሰናል ሰው በመሆኔ ሁልጊዜም እኮራለሁ " ቶሚያሱ

@tikvahethsport     @kidusyoftahe

“ ወደ ሊቨርፑል መመለስ አስፈርቶኛል “ ሳላህ

ግብፃዊው የሊቨርፑል ኮከብ ሞሀመድ ሳላህ በቡድን አጋሩ ዲያጎ ጆታ ድንገተኛ ህልፈት የተሰማውን ሀዘን ገልጿል።

ወደ መርሲሳይድ መመለስ እንዳስፈራው የገለፀው ሳላህ “ ከ እረፍት ስመለስ ዲያጎ ጆታን እንደማላገኘው ራሴን ማሳመን እና መቀበል ከብዶኛል “ ብሏል።

“ የቡድን አጋሮች ይመጣሉ ይሄዳሉ በዚህ መንገድ ግን አይደለም ፣ እስከ ትላንት ድረስ የትኛውም ነገር ወደ ሊቨርፑል ለመመለስ ያስፈረኛል ብዬ አላስብም ነበር “ ሞሀመድ ሳላህ

ሳላህ ለዲያጎ ጆታ ቤተሰቦች እና አድናቂዎቹ በሀዘን መግለጫው መፅናናትን ተመኝቷል።

@tikvahethsport @kidusyoftahe

ሊቨርፑል የዝግጅት መጀመሪያ ቀኑን ሊያራዝም ነው !

የመርሲሳይዱ ክለብ ሊቨርፑል በዲያጎ ጆታ ህልፈት ምክንያት የቅድመ ውድድር ዝግጅት መጀመሪያ ቀናቸውን ሊያራዝሙ እንደሚችሉ ተገልጿል።

ሊቨርፑል የቅድመ ውድድር ዝግጅቱን መቼ ለመጀመር እንዳሰበ በግልጽ እንዳልታወቀ ተነግሯል።

በተጨማሪም ሊቨርፑል ከዘጠኝ ቀናት በኋላ ከ ፕሪስተን ጋር የሚያደርገው የመጀመሪያ የወዳጅነት ጨዋታ መደረግ አለመደረጉ አልተወሰነም።

ሊቨርፑል የክለቡ አገልግሎት መስጫ ተቋማት እስከ ሰኞ ዝግ ሆነው እንዲቆዩ መወሰኑን ማስታወቁ አይዘነጋም።

@Tikvahethsport     @kidusyoftahe

የየእለቱን ዜናዎችን በSMS እናግኝ! 🗞📲

ከሳፋሪኮም ቁጥራችን 'A’ ብለን ወደ 30000 SMS አሁኑኑ በመላክ ወይም ወደ *799# በመደወል የቲክቫህ ትኩስ መረጃዎችን እናግኝ! በቀን 1ብር ብቻ! ከሳፋሪኮም ጋር አንድ ወደፊት ⚡️

#SafaricomEthiopia
#1Wedefit
#Furtheraheadtogether

“ አጨዋወቴ እንደ ሜሲ ነው “ እስቴቫኦ

የወደፊቱ የቼልሲ የፊት መስመር ተጨዋች እስቴቫኦ የአጨዋወት ዘይቤው ከሊዮኔል ሜሲ ጋር እንደሚመሳሰል ተናግሯል።

ዛሬ ምሽት ከፓልሜራስ ጋር ቼልሲን የሚገጥመው ተጨዋቹ " አጨዋወቴ ከሊዮኔል ሜሲ ጋር ተመሳሳይ ሆኖ ነው የምመለከተው “ ብሏል።

ስለወደፊት ህልሙ ያነሳው ተጨዋቹ “ ከአለም ዋንጫ ቀጥሎ ሁለተኛ ህልሜ ባሎን ዶር ማሸነፍ ነው በማለት ተናግሯል።

ሰማያዊዎቹ 34 ሚልዮን ዩሮ በማውጣት ያስፈረሙት እስቴቫኦ ከክለቦች አለም ዋንጫ በኋላ ቡድኑን ይቀላቀላል።

@Tikvahethsport     @kidusyoftahe

ቶማስ ፓርቴ ክስ እንደተመሰረተበት ተገለጸ !

ጋናዊው የቀድሞ የአርሰናል የመሐል ሜዳ ተጨዋች ቶማስ ፓርቴ በአስገድዶ መድፈር እና ፆታዊ ጥቃት ክስ እንደተመሰረተበት ተገልጿል።

ተጨዋቹ አምስት የአስገድዶ መድፈር እና አንድ የፆታዊ ጥቃት ወንጀል በመፈጸም ክስ እንደተመሰረተበት ተነግሯል።

ፓርቴ የቀረበበት ክስ ሶስት የተለያዩ ሴቶች ሪፖርት ያደረጉት በ 2021 እና 2022 መካከል የተፈጠረ ክስተት መሆኑ ተገልጿል።

ተጨዋቹ ከ 2022 ጀምሮ ምርመራ ላይ እንደነበር ሲገለፅ ውሉ እስከሚጠናቀቅ ለአርሰናል መጫወቱን እንደቀጠለ ተዘግቧል።

በቅርቡ ከአርሰናል ጋር የተለያየው ቶማስ ፓርቴ በቀጣይ ነሐሴ ወር ውስጥ ፍርድ ቤት እንደሚቀርብ ተገልጿል።

ተጨዋቹ ጥፋተኛ ሆኖ ከተገኘ እስከ 25 አመት እስራት ሊጠብቀው እንደሚችል ተነግሯል።

@Tikvahethsport     @kidusyoftahe

ዩናይትድ የ 1️⃣0️⃣ ቁጥር ማልያን ለኩንሀ ሰጠ !

አዲሱ የማንችስተር ዩናይትድ ፈራሚ ማቲውስ ኩንሀ በቀጣይ በማንችስተር ዩናይትድ የ 1️⃣0️⃣ ቀጥር ማልያ ተሰጥቶታል።

የ 1️⃣0️⃣ ቁጥር ማልያ ከዚህ በፊት በማርከስ ራሽፍርድ ይለበስ እንደነበር ይታወሳል።

ማርከስ ራሽፎርድ ማንችስተር ዩናይትድን መልቀቅ እንደሚፈልግ ለክለቡ ማሳወቁ ተነግሯል።

በተጨማሪም አንቶኒ ፣ አሌሀንድሮ ጋርናቾ ፣ ጄደን ሳንቾ እና ማላሽያ ክለቡን ለመልቀቅ ጥያቄ ማቅረባቸው ተዘግቧል።

ይህንንም ተከትሎ ተጨዋቾቹ ዘግይተው ወደ ክለቡ እንዲመለሱ ፍቃድ እንደተሰጣቸው ተዘግቧል።

@Tikvahethsport     @kidusyoftahe

“ ቶማስ ፓርቴ እንዲከሰስ ፈቅደናል “ ፖሊስ

የእንግሊዝ የህግ አካል የሆነው " CPS " የቶማስ ፓርቴን ጉዳይ ከመረመረ በኋላ ተጨዋቹ ክስ እንዲመሰረትበት መፍቀዱን አስታውቋል።

" CPS " በእንግሊዝ ፖሊስ እና ሌሎች የህግ አካላት የመረመሯቸውን የወንጀል ጉዳዮች ወደ ክስ የሚወስድ ገለልተኛ ተቋም መሆኑ ተገልጿል።

የህግ ተቋሙ ከዚህ በፊት ከሜትሮፖሊታን ፖሊስ የተላከለትን ማስረጃ እየገመገመ መሆኑን ገልፆ ነበር።

አሁን ላይ " CPS " የምርመራ ማስረጃውን በጥንቃቄ ከመረመረ በኋላ ቶማስ ፓርቴ በአስገድዶ መድፈር ክስ እንዲመሰረትበት ፍቃድ መስጠቱን አስታውቋል።

ምርመራውን የመሩት የፖሊስ ሀላፊ በበኩላቸው በሰጡት አስተያየት “ ትኩረታችን ወደፊት መጥተው ጉዳታቸውን የተናገሩ ሴቶችን መርዳት ላይ ነው " ብለዋል።

@Tikvahethsport     @kidusyoftahe