በአዲስ አበባ ከተማ አስተዳደር የ2017 ዓ.ም የ12ኛ ክፍል መልቀቂያ ፈተና በመጀመሪያ ዙር የሚወስዱ የተፈጥሮ ሳይንስ ተፈታኞች እሑድ ሰኔ 22/2017 ዓ.ም ጠዋት 2፡30 በኦንላይን ፈተና መስጫ ጣቢያዎች በመገኘት የፈተና ገለጻ (Orientation) መከታተል አለባቸው ተብሏል።

በተጨማሪም ተፈታኞች የሚፈተኑበትን ቦታ እና የመፈተኛ ክፍሎችን ማየት እንደሚገባቸው የከተማ አስተዳደሩ ትምህርት ቢሮ ምክትል ኃላፊ ዲናኦል ጫላ አሳስበዋል፡፡

ፈተናውን በኦንላይን ለመስጠት ዝግጅቶች መጠናቀቃቸውን የገለፁት ኃላፊው፤ ተፈታኞች ከፊታችን ሰኞ ጀምሮ በፈተና መስጫ ጣቢያዎች በመገኘት ፈተናቸውን ይወስዳሉ ብለዋል፡፡

(በአዲስ አበባ ከተማ አስተዳደር የ2017 ዓ.ም የ12ኛ ክፍል መልቀቂያ የኦንላይን ፈተና መርሐግብር ከላይ ተያይዟል።)

@tikvahuniversity

#KabridaharUniversity

ቀብሪደሃር ዩኒቨርሲቲ በተለያዩ የትምህርት መስኮች ያስተማራቸውን ከ1,100 በላይ ተማሪዎች አስመረቀ።

የዩኒቨርሲቲው 5ኛ ባች ተመራቂዎች፤ በመጀመሪያ ዲግሪ እና በሁለተኛ ዲግሪ ፕሮግራም ትምህርታቸውን ተከታትለው ያጠናቀቀቁ ናቸው፡፡

ዩኒቨርሲቲው በሁለተኛ ዲግሪ (71)፣ በመጀመሪያ ዲግሪ (1,054)፣ በHDP (34) እንዲሁም በELIP (25) በጠቅላላው 1,184 ተማሪዎችን በዛሩው ዕለት አስመርቋል፡፡

@tikvahuniversity

#JigjigaUniversity

ጅግጅጋ ዩኒቨርሲቲ በተለያዩ የትምህርት መስኮች ያስተማራቸውን ከ1,500 በላይ ተማሪዎች አስመርቋል።

የዩኒቨርሲቲው 17ኛ ባች ተመራቂዎች፤ በመጀመሪያ እና በሁለተኛ ዲግሪ ፕሮግራሞች በሕግ፣ በግብርና፣ በጤና፣ በቢዝነስና ኢኮኖሚክስ እንዲሁም ሌሎች የትምህርት ዘርፎች ትምህርታቸውን ተከታትለው ያጠናቀቀቁ ናቸው፡፡

ከዩኒቨርሲቲው የዛሬ ተመራቂዎች መካከል ከጎረቤት ሀገር ሶማሊያ የመጡ 13 ተማሪዎች ይገኙበታል፡፡

@tikvahuniversity

#AddisAbabaUniversity
#ClassOf2025
#CommencementPhotos

አንጋፋው አዲስ አበባ ዩኒቨርሲቲ 75ኛ የተማሪዎች የምርቃት ስነ-ስርዓት እና የዩኒቨርሲቲው የአልማዝ ኢዮቤልዩ በዓል ማስጀመሪያ መርሐግብር ዛሬ አከናውኗል፡፡

ዩኒቨርሲቲው ከመጀመሪያ እስከ ሦስተኛ ዲግሪ ፕሮግራሞች ያስተማራቸውን ከ6,800 በላይ ተማሪዎች አስመርቋል፡፡ ከተመራቂዎቹ መካከል 304 ምሩቃን በሦስተኛ ዲግሪ (PhD) ፕሮግራም ትምህርታቸውን ተከታትለው ያጠናቀቀቁ ናቸው፡፡

352 በስፔሻሊቲ እና ሰብ-ስፔሻሊቲ ፕሮግራሞች እንዲሁም 2,859 በሁለተኛ ዲግሪ ፕሮግራም የተመረ ሲሆን፤ ቀሪዎቹ 3,334 በመጀመሪያ ዲግሪ ፕሮግራም የተመረቁ መሆናቸው ተገልጿል፡፡

ዩኒቨርሲቲው ባለፉት 75 ዓመታት በትምህርት ልህቀት፣ በአመራር ልማት እንዲሁም በሀገር ግንባታ ያደረገው ዘላቂ እና ዘርፈ ብዙ አበርክቶ በምርቃት ስነ-ስርዓቱ ላይ ተዘክሯል፡፡

ዩኒቨርሲቲው ከ75 ዓመታት በፊት ከተመሰረተበት ጊዜ ጀምሮ፤ የፈጠራ፣ ምርምር እና የዕውቀት መፍለቂያ በመሆን በርካታ መሪዎች፣ ባለሙያዎች እና ምሁራንን ማፍራቱ ይታወቃል።

በሀገሪቱ የመጀመሪያው ራስገዝ ዩኒቨርሲቲ የሆነው አዲስ አበባ ዩኒቨርሲቲ፤ ከ2017 ዓ.ም ጀምሮ በራሱ መመዘኛና መስፈርት ተማሪዎችን ተቀብሎ በማስተማር ላይ ይገኛል፡፡

@tikvahuniversity