🔴 عاجل: الحشد الطلابي الكبير الذي توجّه من أمام وزارة التربية الى أمام مقرّ الرئيس بري

🔴 عاااجل: مستشار الرئيس نبيه بري استمع الى مطالب الطلاب والأهل وتسلّم رسالة مكتوبة منهم ومرفوعة الى دولة الرئيس. وقد وعدهم بمتابعة الموضوع معه بشكل عاجل.

‏👈🏻 للأخبار التربوية العاجلة متابعة القناة الخاصة بصفحة طلاب لبنان على الواتساب:
https://whatsapp.com/channel/0029VaF440Y2ER6lM0hIPM14

🔴 استراحة لفترة بسبب التعب من المشاركة اليوم ونعود اليكم خلال اليوم لإخباركم بكثير من التفاصيل.
شكرًا للطلاب الأبطال على ما قدّموه اليوم من رسالة حضارية تعكس وعيًا كبيرًا لديهم وشجاعة لا يمتلكها كثيرون.

‏🔴 هام: الرسالة الطلابية التي جرى تسليمها اليوم الى دولة الرئيس نبيه بري عبر أحد مستشاريه، كتبها الطلاب المشاركون بمساعدة بسيطة من صفحة طلاب لبنان.

https://whatsapp.com/channel/0029VaF440Y2ER6lM0hIPM14

‏🔴 آخر أخبار الحملة الطلابية:
‏بعد المظاهرة الكبيرة اليوم ارتفع منسوب الأمل من صفر بالمئة الى 40%
‏اهتمام اعلامي لافت وملاقاة سياسية على مستوى عالٍ للمطالب الطلابية.
‏خطوات قادمة وأسبوع حاسم. نبلغكم بكل التفاصيل تباعًا.

‏👈🏻 للأخبار التربوية العاجلة متابعة القناة الخاصة بصفحة طلاب لبنان على الواتساب:
https://whatsapp.com/channel/0029VaF440Y2ER6lM0hIPM14

‏🔴 هام: البيان الخاص بالتظاهرة الطلابية والذي جرى تسليمه لوسائل الإعلام اليوم. كتبه الطلاب المشاركون بمساعدة بسيطة من صفحة طلاب لبنان.

https://whatsapp.com/channel/0029VaF440Y2ER6lM0hIPM14

‏🔴 هام: الكلمة الرسمية للطلاب اليوم في التظاهرة، والتي ألقاها الطالب محمود الرفاعي.
‏الكلمة تمت كتابتها من قبل الطلاب المشاركين بمساعدة بسيطة من صفحة طلاب لبنان.

‏يعطيكن العافية
‏نحن طلاب الشهادات الرسمية بلبنان، عم نجتمع اليوم لنوصّل صوتنا لوزيرة التربية ريما كرامي بعد القرارات الظالمة اللي اخدتها من كم يوم ويلّي عملت صدمة كبيرة لكل الطلاب بلبنان بعد الظروف القاسية والصعبة اللي مرقنا فيها هيدي السنة.

‏نحن الطلاب هيدي الفئة المظلومة والمهمّشة يلّي ما حدا عم يلتفتلها كما يجب، لا السياسيين ولا وسائل الاعلام ولا أي حدا بالمجتمع، مع انو نحن جيل المستقبل والجيل يلي مفترض ينهض بهيدا البلد ويبنيه ويساهم بتقدُّمو وتطورو.

‏كنا مننطر من وزيرة التربية تُنظُر لإلنا نظرة الأم الحنون يلّي بتخاف على ولادها، يليّ بتحضنهم وبتدعمهم نفسيا ومعنويا، ويلي اهم شي بتكون عادلة معن وما بتظلمن.
‏كنا مننطر من وزيرة التربية تراعي ظروف العام الدراسي، يلي كانت قاسية على كل اللبنانيين بكل المناطق وخاصة على الطلاب، بسبب الحرب الهمجية يلي تعرضلها بلدنا من بداية العام، واستمرت مآسيها لأكتر من ٣ اشهر. شهدا وجرحى وبيوت مهدّمة ونزوح وتهجير وغيرو..

‏ورغم كل هيدا الألم، نحنا رجعنا على المدارس… رجعنا نحاول نكمل، نحاول ندرس، نحاول نركّز، مع إنو نفسيتنا محطّمة، وبيوتنا مهدّمة، والخوف من المجهول مسيطر علينا، رجعنا نكمل رغم انو بعدنا عايشين بظروف الحرب والقلق.

‏ومع هيك اشتغلنا بكل طاقتنا، قلنا: اكيد الوزارة بتعرف ظروفنا، اكيد الوزارة رح تحس فينا، ولأنو ظروف هيدي السنة استثنائية اكتر من أي سنة، اكيد الوزارة بالحدّ الأدنى رح تعمل مثل السنة الماضية وتقلّص المنهج، وتكمّل بالنظام الاختياري يلّي عطى فرصة للطالب يركّز على المواد الأساسية، ويكفّي رغم كل التعب ويقدر ينجح ويجتاز هيدي المرحلة الصعبة.

‏لكن للأسف، بعام دراسي بلّش بشهر كانون تاني، الوزيرة قررت ترجع للنظام اللي كان بالظروف العادية، وكأنو ما في أزمة، وكأنو المناهج حديثة ومناسبة، وكأنو الطالب عم يدرس بالسويد مش بلبنان!

‏معالي الوزيرة: نحنا منعرف إنو حضرتك بدك “ترجعي مستوى الشهادة الرسمية”.
‏بس قبل ما تستقوي علينا وترجعي مستوى الشهادة على حسابنا، تفضّلي أمنيلنا عام دراسي طبيعي وبعدين احكينا عن مستوى الشهادة.
‏بس لما نكون بعام دراسي غير طبيعي حقنا تكونوا عادلين معنا ويكون في امتحانات عادلة متناسبة مع الظروف.
‏امتحانات عادلة يعني تقليص المنهج بما يتناسب مع ظروف الطلاب اللي تعرّضوا للمعاناة، ومش بما يتناسب مع كم مدرسة خاصة او كم استاذ كانوا عايشين بكوكب آخر.
‏وتقليص المنهج يعني لما يشرح الاستاذ نقدر نفهم عليه، مش يكون طاير بالشرح لأنو مجبور يخلّص المنهج وعدد كبير من الدروس بوقت قصير. هل المطلوب انهاء المناهج وعمرنا ما نفهم الشرح؟ شو منكون استفدنا اذا ما فهمنا المعلومات؟

‏وكمان لما منقول امتحانات عادلة يعني اعتماد مواد اختيارية، يعني الطالب بهيدي الفترة القصيرة الباقية للامتحانات يقدر يركّز على موادو الاساسية يلّي بتهمّو بالجامعة وما يروح وقتو على مواد حفظ ما بتفيدوا لبعدين.
‏نحن مش عم نطالب نشيل كل مواد الحفظ، بل نقلل منها حتى نعطي الوقت المناسب للمواد الاساسية لأنو ما بقى في وقت.

‏نحنا اليوم هون، مش بس كرمال قرار… نحنا صوت جيل بكامله.
‏جيل بدو يتعلّم، بس يتعلّم صح.
‏جيل بدو شهادة، بس شهادة عن جد بتفتحلو باب الجامعة مش تسكّرلو باب الأمل.
‏نحنا مش ضد الدولة… نحنا عم نصرخ باسم الدولة يلّي عم تنهار لأنو طلابها عم ينهاروا وتعليمها عم ينهار.
‏صوتنا واحد: رجّعوا النظام الاختياري وقلصوا المنهج بشكل عادل.
‏كرمال التعليم، كرمال الطلاب، وكرمال كرامة ومستقبل لبنان.

‏وشكراً.

https://whatsapp.com/channel/0029VaF440Y2ER6lM0hIPM14

‏🔴 رسالة طلاب لبنان اليوم واضحة جدًا:
‏سننال حقوقنا.. شاء من شاء وأبى من أبى

‏🔴 صفحة الرئيس نبيه بري الرسمية:
‏ رئيس المجلس مهتم بمطالب الطلاب الثانويين وسوف يتابعها مع وزيرة التربية ريما كرامي.

https://www.tg-me.com/tolablebnenkarim

🔴 ‏استقبل دولة رئيس مجلس النواب في مقر الرئاسة الثانية في عين التينة وزيرة التربية والتعليم العالي ريما كرامي حيث تناول اللقاء بحث لتطورات الاوضاع العامة والمستجدات السياسية والتربوية وشؤوناً متصلة بالقطاع التربوي .
https://whatsapp.com/channel/0029VaF440Y2ER6lM0hIPM14

🔴 خاص طلاب لبنان: غليان كبير بين طلاب وأساتذة ومدراء ثانويات المناطق الجنوبية بسبب عدم قدرتهم على انهاء المناهج بالأوقات المحددة، واتهامات لوزيرة التربية بأنها تتواطأ عليهم

‏👈🏻 للأخبار التربوية العاجلة متابعة القناة الخاصة بصفحة طلاب لبنان على الواتساب:
https://whatsapp.com/channel/0029VaF440Y2ER6lM0hIPM14

‏🔴 يشارك ممثلون عن طلاب الشهادات في حلقة اليوم من برنامج "للوطن" الذي يقدّمه الاعلامي جو معلوف على شاشة mtv.
‏البرنامج يبدأ الساعة 9:30 وفقرة الطلاب تبدأ الساعة 10:15.

‏👈🏻 للأخبار التربوية العاجلة متابعة القناة الخاصة بصفحة طلاب لبنان على الواتساب:
https://whatsapp.com/channel/0029VaF440Y2ER6lM0hIPM14

‏🔴 هام:
‏شارك الطلاب: علي سويد - إليسا أندونيان - جودي عياش - سيلين قهوجي
‏في حلقة برنامج "للوطن" على شاشة mtv حيث تحدثوا عن الحملة الطلابية وما رافقها من أحداث، مجددين مطالبتهم بالمواد الاختيارية وتقليص حقيقي للمنهج. الطلاب المشاركون وجهوا دعوة لكل زملائهم بالإضافة لكل الأهل وكافة فئات المجتمع بالمشاركة في التظاهرة الطلابية يوم الجمعة القادم أمام وزارة التربية، حيث أعلن الإعلامي جو معلوف مشاركته شخصيا وحضور قناة ال mtv لتغطية المظاهرة بشكل مباشر.
‏صفحة طلاب لبنان تشكر الطلاب الأربعة على ايصال الصوت بشكل مميز وواعي، كما تشكر فريق عمل برنامج "للوطن" على دعمه للطلاب وايصال صوتهم الى كل الناس.
https://whatsapp.com/channel/0029VaF440Y2ER6lM0hIPM14

‏🔴 فيديو قوي: الدكتور ابراهيم عطوي يردّ على وزيرة التربية.

‏شاهد الفيديو على فيسبوك:
https://www.facebook.com/share/v/1DfZbYNe35/?mibextid=wwXIfr

‏على انستغرام:
https://www.instagram.com/reel/DJXAK2RMSqc/?igsh=cjVkcjVkaGpzYjVp

‏🔴 موعدنا مع التظاهرة الطلابية الكبيرة أمام وزارة التربية. الجمعة 9:30 صباحًا.
‏غدًا ننشر برنامج التظاهرة.
‏حشود طلابية كبيرة ستكون مشاركة مع حضور كبير لمختلف وسائل الاعلام وإعلاميين مهمين جدًا.

https://whatsapp.com/channel/0029VaF440Y2ER6lM0hIPM14

‏🔴 عاجل: غارات اسرائيلية عنيفة على جنوب لبنان

https://whatsapp.com/channel/0029VaF440Y2ER6lM0hIPM14

‏🔴 حالات خوف وقلق بين الطلاب في ثانويات ومدارس ومعاهد منطقة النبطية بعد الغارات العنيفة على المنطقة

‏👈🏻 للأخبار التربوية العاجلة متابعة القناة الخاصة بصفحة طلاب لبنان على الواتساب:
https://whatsapp.com/channel/0029VaF440Y2ER6lM0hIPM14