Toshkent tumanida “Zuhriniso” tantanalar saroyida o‘tkazilgan bayram tadbirida tuman hokimi Sardorbek Ergashev barcha ustozlarni samimiy muborakbod etib, o‘z kasbiga sadoqat bilan yondashayotgan bilimli va fidoyi ustozlarga esdalik sovg‘alari hamda tashakkurnomalarni tantanali ravishda topshirdi.

Qibray tumanidagi “Salom” tantanalar saroyida ham ustoz va murabbiylar uchun ko‘tarinki ruhdagi tadbir o‘tkazildi. Unda bir guruh o‘qituvchilarning mehnatlari e’tirof etilib, ularga tashakkurnoma va esdalik sovg‘alari topshirildi.

Piskent tumanida bo‘lib o‘tgan bayram tadbirida Maktabgacha va maktab ta’limi bo‘limi xodimlari, umumta’lim va sport maktablari, shuningdek, maktabgacha ta’lim muassasalari rahbarlari va yutuqlarga erishgan soha vakillari ishtirok etdi. Tadbir davomida ustozlarga minnatdorchilik bildirildi.

Olmaliq shahrida tashkil etilgan bayram tadbirida shahar madaniyat bo‘limi va Musiqa-sanat maktabi ijodkorlari, shuningdek, taniqli san’atkorlar tomonidan ijro etilgan kuy-qo‘shiqlar ishtirokchilarga ko‘tarinki kayfiyat ulashdi.

Ohangaron tuman hokimligi tomonidan tashkil etilgan tantanali tadbirda tuman hokimi Doniyor Madirimov so‘zga chiqib, ustoz va murabbiylarni qutlug‘ sana bilan samimiy tabrikladi va ularning xizmatlarini alohida e’tirof etdi. Mehnat faoliyati davomida yutuqlarga erishgan bir qator ustoz-murabbiylar esdalik sovg‘alari hamda tashakkurnomalari bilan taqdirlandi

Bekobod shahrida o‘tkazilgan bayram tadbirida shahar hokimi N. Babayev barcha ustozlarni kasb bayrami bilan muborakbod etib, ularning yosh avlod tarbiyasidagi xizmatlarini yuqori baholadi.

Bo‘ka tumanida o‘tkazilgan bayram tadbirida tuman hokimi B. Begmatov, mahalla faollari, nuroniylar, o‘qituvchilar hamda o‘quvchilar ishtirok etdilar. Tadbirda o‘quvchilar tomonidan kuy-qo‘shiqlar, she’rlar va sahna ko‘rinishlari namoyish etilib, ustozlarning mashaqqatli mehnati e’tirof etildi.

Parkent tumanida o‘tkazilgan bayram tadbiri ham ko‘tarinki ruhda o‘tib, ustozlarga bo‘lgan chuqur ehtirom va hurmat yana bir bor namoyon bo‘ldi

Yangiyo‘l shahar Madaniyat saroyida esa 1-oktyabr munosabati bilan bayramona konsert dasturi tashkil etildi. Bayram ishtirokchilari uchun san’atkorlar tomonidan kuy-qo‘shiqlar ijro etilib, bayramga fayz bag‘ishladi.

Yangiyo‘l tumanidagi “Umrzoq ota” tantanalar saroyida o‘tkazilgan tadbirda tuman hokimi Odiljon Ataullayev ustoz va murabbiylarga chuqur ehtirom bildirib, ularning jamiyat taraqqiyoti va yosh avlod tarbiyasidagi beqiyos xizmatlarini e’tirof etdi. Tadbir doirasida bir guruh soha xodimlariga esdalik sovg‘alari topshirildi.

Bekobod tumanida bo‘lib o‘tgan bayram tadbirida esa ta’lim sohasida uzoq yillar mehnat qilgan, yosh avlodga bilim va tarbiya berishda katta hissa qo‘shgan fidoyi ustozlar faxriy yorliqlar hamda esdalik sovg‘alari bilan taqdirlandi. Tadbirda ijro etilgan kuy-qo‘shiqlar va madaniy dasturlar ishtirokchilarga unutilmas taassurotlar bag‘ishladi.