#Maxsus_dayjest

1-oktyabr – “O‘qituvchi va murabbiylar kuni” munosabati bilan bayram tadbirlari keng nishonlanmoqda

Viloyatimizning tuman va shaharlarida ham bu muhim sana munosabati bilan o‘qituvchilarga bo‘lgan hurmat-ehtirom, ularning mehnatiga berilayotgan yuksak baho yaqqol namoyon bo‘lmoqda.

Angren shahridagi "Osiyo" to‘yxonasida “Ustozga ta’zim” shiori ostida bayram tadbiri bo‘lib o‘tdi. Tadbirda ustoz va murabbiylarga tashakkurnoma va esdalik sovg‘alari topshirildi. Badiiy chiqishlar va kuy-qo‘shiqlar barchaga bayramona kayfiyat ulashdi.

Zangiota tumani Madaniyat bog‘idagi Amfiteatrda o‘tkazilgan tantanali tadbirda ham fidoyi pedagoglar sharaflandi. Mazkur tadbirda ta’lim-tarbiya sohasiga munosib hissa qo‘shib kelayotgan bir guruh ustoz va murabbiylarga tashakkurnomalar hamda esdalik sovg‘alari topshirildi.

Quyi Chirchiq tumanida “Yangi O‘zbekiston tayanchi – siz, aziz ustozlar!” shiori ostida o‘tkazilgan tadbir katta tantanaga aylandi. Unda ko‘p yillik mehnati, yoshlarga bo‘lgan mehr-muhabbati bilan ajralib turgan tajribali va faol pedagoglar Faxriy yorliqlar va qimmatbaho sovg‘alar bilan taqdirlandilar. Tadbir davomida ustozlarga bag‘ishlab she’rlar, qo‘shiqlar yangradi.

Chinoz tumanida esa bayram tadbiri o‘zgacha shukuh bilan o‘tkazildi. Tadbirda tuman hokimi Sherzod Salixov so‘zga chiqib, barcha ustozlarni samimiy tabrikladi, ularning zahmatli mehnatini e’tirof etdi hamda ta’lim sohasida erishilgan yutuqlar haqida to‘xtalib o‘tdi.

Nurafshon shahrida o‘tkazilgan tadbirda hududda ta’lim sifati va samaradorligini oshirish, o‘qituvchilarning nufuzini mustahkamlash, ularga munosib ish va yashash sharoitlarini yaratish bo‘yicha olib borilayotgan izchil ishlar haqida ma’lumotlar berildi. O‘z kasbiga sadoqat bilan yondashayotgan ilg‘or pedagoglar alohida rag‘batlantirildi.

O‘rta Chirchiq tumanidagi “Azim ota” tantanalar uyida tashkil etilgan tadbirda tumani hokimligi tashabbusi bilan har chorakda ikki yuz nafar o‘qituvchining Toshkentga sayohati va teatrga tashrifi tashkil etilayotgani qayd etildi. Tantanali tadbirda bir guruh soha xodimlariga tashakkurnoma va esdalik sovg‘alari topshirildi

Ushbu bayram tadbirlari barcha ustozlarimizga hurmat va ehtiromning yorqin ifodasi bo‘lib xizmat qilmoqda. Zero, ta’lim-tarbiya fidoyilari bo‘lgan o‘qituvchilar kelajak avlod tarbiyasida beqiyos o‘rin tutadi.

✅Telegram 🌐Website 📹YouTube✅Facebook 🕊Twitter

#Intilish

3000 so‘mlik qovunni 1 dollarlik mahsulotga aylantirayotgan tadbirkor

Oqqo‘rg‘on tumanida faoliyat yuritayotgan tadbirkor Jahongir G‘iyosov oʻzbek qovunini zamonaviy usulda qayta ishlab, qadoqlangan holda eksport qilishni yo‘lga qo‘ydi.

Hozirgi kunga qadar biror mamlakatda bunday brend ostida qadoqlangan qovun ishlab chiqarish amaliyoti joriy qilinmagan. Shu bois ushbu loyiha nafaqat mamlakatimiz, balki xalqaro bozor uchun ham yangi yo‘nalish hisoblanadi.

Bozordagi oddiy qovun narxi oʻrtacha 3 ming so‘mni tashkil etayotgan bo‘lsa, qayta ishlanib, zamonaviy standartlarda qadoqlangan mahsulot sifatida xorijiy bozorga chiqarilgach, uning qiymati har bir kilogramm uchun 1 AQSh dollariga tenglashmoqda. Bu esa o‘zbek dehqonchiligida qo‘shimcha qiymat yaratish va eksport salohiyatini oshirishga xizmat qilmoqda.

Batafsil — “O‘zbekiston 24” telekanali lavhasida.

✅Telegram 🌐Website 📹YouTube✅Facebook 🕊Twitter