Avval xabar berganimizdek, “Toshkent viloyati — biznes uchun cheksiz imkoniyatlar hududi” biznes-forumining ikkinchi — amaliy qismi viloyatning boshqa hududlarida ham davom etdi.

O‘zbekiston Yoshlar ittifoqi viloyat Kengashi, Toshkent harbiy okrugi, Oliy ta’lim, fan va innovatsiyalar boshqarmasi hamda “Zakovat” nodavlat notijorat tashkilotining viloyat bo‘limi hamkorligida “Zakovat” intellektual o‘yinining “Ittifoq raisi kubogi” viloyat bosqichi bo‘lib o‘tdi.

Koʻrgazma doirasida viloyat delegatsiyasi vakillari va Yaponiya sayyohlik agentliklari uyushmasi (JATA) raisi o‘rinbosari T.Shimura, Yaponiya Turizm agentligi raisi Shigeki Murata hamda “Hankyu Travel International Co. LTD” sayyohlik kompaniyasi prezidenti va bosh ijrochi direktori Atsushi Sakai bilan uchrashuv tashkil etildi.

T.Shimura Yaponiya tomonidan O‘zbekistonning turizm salohiyati, sayyohlar uchun xavfsizligi, madaniy merosi, amalga oshirilayotgan infratuzilma loyihalariga qiziqish ortib borayotganini ta’kidladi.

Shuningdek, uchrashuv davomida A.Sakai bilan viloyatimizga yaponiyalik sayyohlar oqimini yanada oshirish maqsadida hamkorlik qilish yuzasidan kelishib olindi.

Toshkent viloyati hokimi o‘rinbosari Jamshid Babajanov viloyatning turizm salohiyati to‘g‘risida taqdimot qildi unda viloyatda amalga oshirilayotgan turizm loyihalari bo‘yicha batafsil ma’lumot berildi.

“Chorvoq” turizm rekratsion zonasi direktori O.Gulyamov tomonidan hududda tog‘ turizmi, qishki turizm, tibbiyot va ekstremal turizm yo‘nalishlarida mavjud imkoniyatlar ko‘rsatib o‘tildi.