#hamkorlik

Xorijlik o‘qituvchilar Toshkent viloyatida tajriba almashmoqda

Respublikamizda mehmon bo‘lib turgan Rossiya Federatsiyasining Novosibirsk shahridan kelgan pedagoglar hamda kasbga yo‘naltirish sohasi vakillari Toshkent viloyatidagi umumta’lim maktablariga tashrif buyurdi.

Delegatsiya dastlab Zangiota tumanidagi bir nechta maktablarda bo‘lib, o‘quv jarayoni, ta’lim-tarbiya sifati hamda o‘quvchilarni kasb-hunarga yo‘naltirish bo‘yicha amalga oshirilayotgan ishlar bilan yaqindan tanishdi.

Mehmonlarga mamlakatimizda ta’lim sohasida olib borilayotgan islohotlar, xususan, o‘quvchilarning iqtidorini rivojlantirish va ularni kasb tanlashga yo‘naltirish borasida amalga oshirilayotgan ishlar haqida ma’lumot berildi.

O‘quvchilar tomonidan tayyorlangan turli buyumlar, milliy hunarmandchilik mahsulotlari, shuningdek, ularning o‘z qo‘llari bilan pishirgan shirinlik va taomlari xorijlik pedagoglarda katta qiziqish uyg‘otdi.

Shu kuni xorijlik o'qituvchilar Toshkent tumanidagi bir qator umumta’lim maktablariga ham tashrif buyurib, o‘qituvchilar bilan tajriba almashdi.

✅Telegram 🌐Website 📹YouTube✅Facebook 🕊Twitter

✅ Саида Мирзиёева: «Ғоямиз жаҳон ҳамжамиятида кенг кўламли акс-садо берди»

2025 йил 12 октябрь куни Осакадаги «Shining Hat» Экспо-холлида Бутунжаҳон кўргазмалар бюроси («BIE») мукофотларини топшириш маросими бўлиб ўтди. Бу маросим «EXPO 2025 Osaka, Kansai» Халқаро кўргазмасининг ёрқин якуний аккорди бўлди.

🥇 Маданият ва санъатни ривожлантириш жамғармаси томонидан ташкил этилган Ўзбекистон павильони 1500 м² гача майдонли павильонлар орасида ўз тоифасидаги энг олий мукофот — «Мавзунинг энг яхши очиб берилиши» номинациясида олтин медалга сазовор бўлди.

Қарорни 21 май куни павильонга ташриф буюрган тўққиз нафар экспертдан иборат халқаро ҳакамлар ҳайъати қабул қилди. Мукофотлар беш турдаги павильонлар ўртасида учта асосий номинация — «Архитектура ва ландшафт», «Кўргазма дизайни» ва «Мавзунинг энг яхши очиб берилиши» бўйича топширилди.

🚫 «Биз тақдим этган «Билимлар боғи: келажакдаги жамият учун лаборатория» концепциясида анъаналар ва инновациялар уйғунлиги ўз аксини топган. Ғоямиз жаҳон ҳамжамиятида кенг кўламли акс-садо берди», — деди Саида Мирзиёева.

Президент Администрацияси раҳбари профессионаллик ва ушбу лойиҳага бўлган ишонч учун бутун жамоага, шунингдек, халқаро ҳамкорларга миннатдорлик изҳор этган.

❓ Бутунжаҳон кўргазмалар бюроси («BIE») мукофоти нима учун берилади?

Бу мукофот (1928 йилда ташкил этилган) — «EXPO» доирасида кўргазманинг асосий мавзуси билан ҳамоҳанг соҳаларда эришилган ютуқлар учун тақдим этилади. У илғор ғоя ва технологиялар, иштирокчи-давлатларнинг маданий жиҳатларини намоён этган энг яхши павильон, экспозицияларга берилади.

Нуфузли «BIE» мукофоти — номзод мамлакатнинг дунё кўргазмаси ривожига қўшган катта ҳиссасини, салмоқдор натижаларини эътироф этади ҳамда уларнинг муайян соҳадаги лидерлигини ифода этади. Мукофот соҳиби бўлган павильонлар креатив, замонавий технологияларга ва глобал муаммоларга янги ёндашувларни намоён этгани учун тақдирланади.

Каналга уланиш: 👇
@hudud_inform
Instagram | Facebook