#TDIU
#Forum_Global_Milliy_iqtisodiyot_trendlari
#Festival
#2_kun

Forum doirasida o‘tkazilgan “Yuksak intellektual yoshlar hamdo‘stligi – kelajak iqtisodiyot poydevori” xalqaro yoshlar festivali ishtirokchilari taqdirlandi

Toshkent davlat iqtisodiyot universitetida “IV Global va milliy iqtisodiyot trendlari: O‘zbekiston–2030 strategiyasi” xalqaro forumi doirasida yoshlarning ilmiy-ijodiy salohiyatini yuzaga chiqarishga qaratilgan “Yuksak intellektual yoshlar hamdo‘stligi – kelajak iqtisodiyot poydevori” xalqaro festivali o‘tkazildi.

Festivalning yopilish marosimida TDIU rektori, iqtisod fanlari doktori, professor To‘lqin Teshabayev ishtirok etib, festival yoshlarning intellektual imkoniyatlarini ro‘yobga chiqarish, iqtidorli talabalarni qo‘llab-quvvatlash hamda ularda zamonaviy iqtisodiy fikrlash va innovatsion yondashuv qarashlarini rivojlantirish maqsadida tashkil etilganligi, unda nafaqat universitet talabalari, balki xorijiy universitetlardan ham yoshlar ishtirok etganligini mamnuniyat bilan qayd etib o‘tdi.

Shundan so‘ng, “Yuksak intellektual yoshlar hamdo‘stligi – kelajak iqtisodiyot poydevori” xalqaro yoshlar festivali doirasidagi tanlovlar, olimpiadalarda munosib ishtirok etib, g‘oliblikni qo‘lga kiritgan yoshlar taqdirlandi. Shuningdek, festivalda Yekaterinburg davlat iqtisodiyot universitetidan tashrif buyurgan professor-o‘qituvchilariga ham samimiy minnatdorchilik bildirib, "Tashakkurnoma"lar berildi.

Qayd etish joizki, Festival doirasida jami 7 ta tanlov tashkil etildi. Saralash bosqichlarida 3000 dan ortiq talabalar fan, innovatsiya va amaliy iqtisodiyot yo‘nalishlarida o‘z bilim va iqtidorlarini namoyon etdilar. Bu yerda yoshlar ilmiy tadqiqotlarini taqdim etish, innovatsion g‘oyalarini amalda sinovdan o‘tkazish va zamonaviy iqtisodiy yondashuvlarni muhokama qilish imkoniyatiga ega bo‘ldilar.

🇺🇿 TDIU Axborot xizmati

🚀 Toshkent davlat iqtisodiyot universiteti rasmiy telegram kanali: @tsueuzofficial