#TDIU
#Forum_Global_Milliy_iqtisodiyot_trendlari
#2_kun

Toshkent davlat iqtisodiyot universitetida o‘tkazilayotgan “IV Global va milliy iqtisodiyot trendlari: O‘zbekiston – 2030 strategiyasi” forumi davom etmoqda.
Forum doirasida ilm, biznes va yoshlar hamkorligida O‘zbekistonning 2030-yilgi strategik maqsadlarini birgalikda amalga oshirish maqsadida “Korporativ ijtimoiy mas’uliyat, yashil ko‘nikmalar va kelajak kasblari” mavzusida WORKSHOP tashkil etildi.

Uchrashuv davomida korporativ ijtimoiy mas’uliyatning ahamiyati, yashil ko‘nikmalarni rivojlantirish hamda kelajak kasblariga tayyorgarlik masalalari yuzasidan fikr almashildi. Shuningdek, global kompaniyalarning O‘zbekistonning 2030-yilgacha bo‘lgan rivojlanish maqsadlariga qo‘shayotgan hissasi haqida so‘z yuritildi. Tadbir yakunida ishtirokchilar o‘rtasida savol-javoblar bo‘lib o‘tdi.

🇺🇿 TDIU Axborot xizmati

🚀 Toshkent davlat iqtisodiyot universiteti rasmiy telegram kanali: @tsueuzofficial

#TDIU
#Forum_Global_Milliy_iqtisodiyot_trendlari
#2_kun #Wokrshop

Toshkent davlat iqtisodiyot universitetida bo‘lib o‘tayotgan “IV Global va milliy iqtisodiyot trendlari: ‘O‘zbekiston – 2030’ strategiyasi” xalqaro forumi doirasida “Korporativ ijtimoiy mas’uliyat, yashil ko‘nikmalar va kelajak kasblari” mavzusida amaliy WORKSHOP tashkil etildi.

Mazkur tadbirning asosiy maqsadi — zamonaviy mehnat bozorida korporativ ijtimoiy mas’uliyat (KIM) tamoyillarini amaliyotga tatbiq etish, yosh avlodda “yashil” ko‘nikmalarni shakllantirish va kelajak kasblariga tayyorgarlik jarayonini mukammallashtirish bo‘ldi. WORKSHOP ishtirokchilari zamonaviy iqtisodiy rivojlanish sharoitida biznesning jamiyat oldidagi mas’uliyati, ekologik barqarorlik tamoyillari hamda innovatsion kompetensiyalar ahamiyati haqida fikr almashdilar.

WORKSHOPda Cоcа-Cola O‘zbekiston kompaniyasi PAC menejeri Nazi Aripjonova, “Beeline Uzbekistan” kompaniyasi HRM va tashkiliy rivojlanish departamenti direktori Sofiya Gaynutdinova, ACWA Power kompaniyasi mutaxassisi Aziza Sharapova, Toshkent Xalqaro klinikasi direktori Nadira Yadgarova kabi o'z sohasining mutaxassislari amaliy tajribalari bilan o'rtoqlashib, ijtimoiy mas’uliyat, yashil ko‘nikmalar va kelajak kasblari haqida fikr-mulohazalar yuritdilar.

Tadbir ishtirokchilari ta’kidlaganidek, korporativ ijtimoiy mas’uliyat faqat ishlab chiqarish yoki xizmat ko‘rsatish sohasi uchun emas, balki keng jamiyat hayoti uchun ham muhim omil hisoblanadi. Bu — biznes va jamiyat o‘rtasidagi ijtimoiy sheriklikni mustahkamlash, barqaror rivojlanish tamoyillarini amaliyotga joriy etish, hamda yosh mutaxassislarni kelajakdagi talab yuqori sohalarga tayyorlashda muhim qadamdir.

WORKSHOP ishtirokchilari forum doirasida o‘tkazilayotgan tadbirlarning yoshlar uchun amaliy ahamiyati katta ekanligini qayd etib, bunday muloqot maydonlari kelajak rahbarlari, tadbirkorlari va mutaxassislari uchun ilmiy-nazariy bilim bilan birga amaliy ko‘nikmalarni ham shakllantirishga xizmat qilishini ta’kidladilar.

🇺🇿 TDIU Axborot xizmati

🚀 Toshkent davlat iqtisodiyot universiteti rasmiy telegram kanali: @tsueuzofficial