#من_ديوان_دمعه_فاطمية_الجزء_الحادي_عشر_للسجاد_ورقية_ع_للشاعرة_دمع_الفواطم


لطمية سريعة او ثكيلة....لبنت الحسين رقية ع......



بالخرابا ..........اتصيح بابا

رقيه ويلي اعليها

^^^^^-----^^^^^

ازغيرة وتهل الدمع
اشلونها ابهذا الوضع
يا كلبها المنفجع

تبجي والدمعه تلالي
ياهو المبجيها.........
رقيه ويلي اعليها......

^^^^^-----^^^^^

اتكول ابوي اليوم اريده
ليش حزوله وريده
سفرته صارت بعيدة

اميسرة ومهضومه بته
خل يجي ايحاميها......
رقيه ويلي اعليها......

^^^^^-----^^^^^

ظلت الطفلة تنادي
بوية عوف الوادي
ردني اعلى ابلادي

لنهم العدوان ويلي
ابراسه امفجعيها.....
رقيه ويلي اعليها....

^^^^^-----^^^^^

شافت الراس وبجت
اللحية ليش اتخضبت
طاحت اعليه واشهكت

بت الحسين الزغيرة
انفجعت ابواليها.....
رقيه ويلي اعليها.....

^^^^^-----^^^^^

اتكول بابا وينك
محتامه اشوفن عينك
افراك بيني وبينك

بالخرابه اتعوفني
ما حسبت تاليها.......
رقيه ويلي اعليها.....

^^^^^-----^^^^^

فزت الليله ابرعب
منها مشعوب الكلب
اتكول دلوني الدرب

خل اروح الوالدي....
وزينب اتهديها....
رقيه ويلي اعليها.....

^^^^^-----^^^^^

اتريد ابوها الليله
والكلب يا ويله
تعتب وتشكيله

اتكله ليش تأخرت
الراس جابوه ليها.......
رقيه ويلي اعليها.....

^^^^^-----^^^^^

فزت امن النومه
امشرعبه ومهمومه
اتريد ابوها ابهومه

بحضن عمتها وبجت.....
وين ابن هاديها.....
رقيه ويلي اعليها.....



¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
❌لاإجيـــز حــذف الأســم❌

★★--------------★★----------★★

https://www.tg-me.com/tteef

#من_ديوان_دمعه_فاطمية_الجزء_الاول_الشاعرة_دمع_الفواطم


لطمية ثكيله عن حال زينب ع في رحلة الاسر ....




يالماشيه ابلا والي ....يالماشية ابلا والي

وين الدلال العالي ....وين الدلال العالي


يم المهابة والخدر ..

اشلون حالج باليسر ..

زينب يزينب ...زينب يزينب


¤¤▪︎¤¤▪︎¤¤▪︎¤¤▪︎¤¤


اشلون حالج باليسر واشلون تمشين

ولو مال مره محملج المن تحشمين

عباس لا يمج بعد لا يمج احسين

عالناكة يا هو يصعدج يخت الميامين

محد لمح خيالج ....محد لمح خيالج

اشلون هسه حالج ....اشلون هسه حالج

ادروبج خطر وابعيده ..

ويصعب يمشي البيده ..

زينب يزينب .... زينب يزينب

¤¤▪︎¤¤▪︎¤¤▪︎¤¤

ياهو اليثنيلج بعد ويدك ركبته

وايكول هاي ام الخدر ويصعد اخته

عباس اخييج بالدرب حلوة رفجته

باليسر رحتي وعالترب ظلت يمنته

عباس طيب السيرة ....عباس طيب السيرة

كله شهامه وغيره .... كله شهامه وغيره

يانجمة الثريه ..

صعبه مشت مسبيه ..

زينب يزينب ....زينب يزينب

¤¤▪︎¤¤▪︎¤¤▪︎¤¤

حالج شعب كلبي ومرد دلالي

يمخدرة يم الدلال العالي

اتكولين انه المحد لمحلي اخيالي

هاليوم عدوان وغرب تبرالي

حرمة وغريبه ابهالحال ....حرمه وغريبه ابهالحال

وامكلفة ابجمع اعيال ....وامكلفه ابجمع اعيال

تبجي وتنوح الايتام ..

وابعيد يا درب الشام ..

زينب يزينب ....زينب يزينب

¤¤▪︎¤¤▪︎¤¤▪︎¤¤


لا والي يبره للضعن لا رايه رفت

اشلون لو نوك الهزل بالدرب عثرت

ياهو الينشفلج دمع لو عين صبت

وجثة عزيزج بو علي عالكاع ظلت

اموذرة ومسلوبه ....اموذرة ومسلوبه

واعلى الوجه مكلوبه ....واعلى الوجه مكلوبه

اشلون من شفتيها ..

واعله الثره عفتيها ..

زينب يزينب ....زينب يزينب

¤¤▪︎¤¤▪︎¤¤▪︎¤¤

اشلون عفيتيه عالثره وجروحه تشخب

الله يعينج عالجره الله يزينب

اشصار كلبج بت علي والحال يصعب

من عكبه رحتي اميسره بالشتم والسب

ممشاج بالله اشلونه .... ممشاج بالله اشلونه

والوالي ظل ابكونه .... والوالي ظل ابكونه

امرافكه جتاله ..

تصعب يهاي الحاله ..

زينب يزينب ....زينب يزينب

https://www.tg-me.com/tteef

#من_ديوان_دمعه_فاطمية_الجزء_الاول_الشاعرة_دمع_الفواطم



فزاعيه سريعة للحسين ع...كأني بزينب ع تخاطب حامل الرمح الذي عليه راس الحسين ع...



الله اعليك نزله .....لا تعليه

من حر الشمس ذبلت معانيه


•••

نزل راس ابو اليمه
يابس بالوجه دمه
كلبي اعليه يتغمه

خليني اشوفه اشسادي اعليه

•••

خايب درحم ابحالي
شوية نزل الوالي
هذا احسينه الغالي

اخاف اعليه من الشمس تا ذيه

•••

نزل راس والينه
اعيونه اتناظر اعلينه
نبجي اعليه ظلينه

كلبك مارحم بيه

•••

اشمالك جاسي اويانه
ملعون اسمع ابجانه
راس احسين ملفانه

دني الراس الي خليني احاجيه

•••

ما عدك رحم بيه
دني الراس الي اشويه
يردنه غواليه

جيب الراس خلهن يبجن اعليه



هضمونه /////// يحسين ابراسك



¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
❌لاإجيـــز حــذف الأســم❌

★★--------------★★----------★★

https://www.tg-me.com/tteef

#من_ديوان_دمعه_فاطميه_الجزء_الثامن_للشاعرة_دمع_الفواطم_خاص_للقاسم_ع



لطمية ممكن تقرأ بعدة اطوار....عن حال زينب ع تخاطب الحسن ع عن ما جرى على ابنه القاسم ع....



خويه يالحسن....ابنك امطبرينه
عايف زفته او عايف اسكينه

======((((--------

اخبرك يبو محمد بالجرى الجاسم
عالتربان خويه امطبر او نايم
اموذر والجسم ما بيه كتر سالم
عريس المنايا سلهمت عينه ...
خويه يالحسن ابنك امطبرينه....

======((((--------

ابو محمد يخويه نام عالغبره
مخضب بالدمه كل كتر بيه طبره
عالتربان ظلت كذلته الشكره
غارك بالدمه ابنك امخلينه....
خويه يالحسن ابنك امطبرينه...

======((((--------

يوم ابنك يخويه حاني اضلوعي
للعريس اون او ما سكن روعي
ما ابطل ونيني او تجري ادموعي
لبنك يالحسن نلطم او ونينه....
خويه يالحسن ابنك امطبرينه...

======((((--------

اخبرك بالجره والصار يبن امي
ابنك بالمعاره اليوم ظل مرمي
حال ابنك فجعني والدمع يهمي
فاجعنه مصابه وحيل ماذينه.....
خويه يالحسن ابنك امطبرينه....

======((((--------

يبن امي الفجعني او صاب دلالي
وخلاني ذليله وغير احوالي
شفت ابنك امطبر وانشده بالي
ظل مطروح يالوالي ابميادينه...
خويه يالحسن ابنك امطبرينه...

======((((--------

ابنك عالتراب او يجذب الونه
كلي اشلون روحي من اسمعنه
طايح يالشباب او ايست منه
ما تبطل يبو محمد بواجينه....
خويه يالحسن ابنك امطبرينه....

======((((--------

عالتربان ظل ابنك على التربان
امطبر بالسيوف او ضامي او عطشان
ابليلت زفافه ذبحته العدوان
هالعدوان خويه شلهم اعلينه....
خويه يالحسن ابنك امطبرينه...

======((((--------

احضر يبو محمد شوف حالتنه
شوف احوالنه واستمع ونتنه
بالعريس خويه اليوم فجعتنه
احضر يبو محمد شوفنه اشبينه...
خويه يالحسن ابنك امطبرينه...



¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
❌لاإجيـــز حــذف الأســم❌

★★--------------★★----------★★

https://www.tg-me.com/tteef

#القصيدة_في_ديوان_دمعه_فاطمية_الجزء_السادس_خاص_للحسين_ع_للشاعرة_دمع_الفواطم



فزاعية جنوبيه ....عن حال زينب ع بعد مصرع الحسين ع







هنا يمحزمه ......جاوين تردين
اضنج جثة ابن امج تدورين

《□¤□》《□¤□》《□¤□》

ليش امحزمه زينب
شعدج طابه الملعب
احسين ابدمه اتخضب

هذا الحال لو ردتي تنشدين

《□¤□》《□¤□》《□¤□》

حلي احزامج واكعدي
وردي الخيمتج ردي
اكلج والخبر عدي

اخييج وذروه كوم الملاعين

《□¤□》《□¤□》《□¤□》

شعدج طاره الحومه
وامحزمه ومهضومه
عدج خبر بعلومه

يا وسفه يزينب طاح الحسين

《□¤□》《□¤□》《□¤□》

اشعدج شادة المحزم
تونين وعلاج الهم
يزينب صار المحتم

بطلي من الدوارة لا ادورين

《□¤□》《□¤□》《□¤□》

بطلي وحلي احزامج
راحت ذيج ايامج
وبعده الضيم كدامج

على النوك الهزيله بيسر ترحين



¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
❌لاإجيـــز حــذف الأســم❌

★★--------------★★----------★★

https://www.tg-me.com/tteef

اللهم صل على محمد وآل محمد
بسم الله الرحمن الرحيم..

معكم الشاعرة دمع الفواطم..صاحبة ديوان كف الخيرات لقضاء الحاجات..

السلام عليكم ورحمة الله وبركاته..اخواتي خادمات ابا عبدالله الحسين ع..
على بركة الله..تم افتتاح مكتبة دمع الفواطم..لبيع الكتب الحسينية..لخيرة الشاعرات الحسينيات..

🧰📚📚سنوفر لكم ان شاءالله الكتب الحسينية وكل ما تحتاجه الملا من مستلزمات الخدمة الحسينية
ادخلوا على رابط القناة 👇👇👇



https://www.tg-me.com/hhggj8o70

للامام الجواد ع .....



يا جواد اعليك دم تجري العيون

يومك اعلينه ابد لا مايهون

مسموم مرمي اعله السطح..

وسفه ابو وجه السمح ..

يومك اعلينه ابد لا ما يهون

~◇●◇~~~~~

ما يهون اعلينه يومك سيدي

والحزن يبقه عليكم سرمدي

صايم ومسموم يبن الاجودي

شلهم اعليكم يآل الاحمدي

مسموم وبنحر الشمس...

اتجود وبأخر نفس ...

يومك اعلينه ابد لا ما يهون

~◇●◇~~~~~


يا شباب وبالحسن يسحر جماله

ايام مرمي اعله السطح والحال حاله

مسموم مايدرون بيه اهله وعياله

شيعته ينادون شنهي الي جراله

للشيعة ونات ...

وتجر الاهات...

يومك اعلينه ابد لا ما يهون

~◇●◇~~~~~

بعدك باول عمر مولاي مهموم

رحت تشكي امن العطش صايم ومسموم

عطشان وبحر الضمه صايم ومظلوم

مثل جدك راح من العذب محروم

سم وقتل عادة ...

ابيا ذنب يا سادة ..

يومك اعلينه ابد لا ما يهون

~◇●◇~~~~~




¢¢¢¢¢¢¢¢¢¢¢¢¢¢

✍🏻 #الحاجه_ طيف الساعدي
❌لاإجيـــز حــذف الأســم❌
✅إجيز للأخوة الرواديد بعدم ذكر أسمي
★★--------------★★----------★★

https://www.tg-me.com/tteef

نعي للجواد ع ...<><>¤<><>





مسموم محد دره ابحاله

عالسطح ما واحد اجاله

جا وينهم عنه اعياله

▪︎▪︎■▪︎▪︎■▪︎▪︎

مسموم وسفه يبن الاجواد

وحالك لعد الكلب مرّاد

الشيعة تبجي ابكلب ما هاد

▪︎▪︎■▪︎▪︎■▪︎▪︎


جنه مشي نمشي ونجيك

وبكلوب محزونه نجيك

نبجي عليك وحيل ننعيك

▪︎▪︎■▪︎▪︎■▪︎▪︎


شبيدينه مولاي اشبدينه

ازيارتك منعوا علينه

انسد الدرب واشلون بينه

▪︎▪︎■▪︎▪︎■▪︎▪︎





¢¢¢¢¢¢¢¢¢¢¢¢¢¢

✍🏻 #الحاجه_ طيف الساعدي
❌لاإجيـــز حــذف الأســم❌
✅إجيز للأخوة الرواديد بعدم ذكر أسمي
★★--------------★★----------★★

https://www.tg-me.com/tteef

اللهم صل على محمد وآل محمد
بسم الله الرحمن الرحيم..

معكم الشاعرة دمع الفواطم..صاحبة ديوان كف الخيرات لقضاء الحاجات..

السلام عليكم ورحمة الله وبركاته..اخواتي خادمات ابا عبدالله الحسين ع..
على بركة الله..تم افتتاح مكتبة دمع الفواطم..لبيع الكتب الحسينية..لخيرة الشاعرات الحسينيات..

🧰📚📚سنوفر لكم ان شاءالله الكتب الحسينية وكل ما تحتاجه الملا من مستلزمات الخدمة الحسينية
ادخلوا على رابط القناة 👇👇👇



https://www.tg-me.com/hhggj8o70

اجمل قصائد محرم كذلك يوجد قصائد شور
https://www.tg-me.com/muhamed11117

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.

التواصل مع @ahmed_alziwar0

قناة خاصة بتلحين القصائد

https://www.tg-me.com/+PZwpTt2HLXcvUQZh

------------------------------------------------------

عنّ ارقيّه أُوگف سَل ابُوها
اشكِثر نور ابوَجِهها سلّه ابُوها
الترَاچي الّي بذِنها سلّبُوها
وبچَت مابطِّلَت حَد المِنيّه

مجموعة القصائد الحسينية لشهر محرم الحرام ١٤٤٧ هـ
للشاعر لقمان لعيبي البدران
على قناة  التليگرام .

https://www.tg-me.com/lukmanbdran1970