​​ТУШ

Ҳар кеч тушларим алағда-жалағда,
Бослиқиб ҳар ёнга югуриб, елиб,
Гоҳо чўғ устида яланг оёқда
Ўйинга тушаман майдонга келиб.

Гоҳо бир хатодан то тонгга довур
Тушимда ҳам узоқ чекаман афсус.
Юрагим, барини шамолга совур,
Демоққа бир лаҳза топилмайди сўз.

Гоҳ танам тор келган окопчаларда
Аёвсиз эзғилаб ўтади танкчи.
Юрагим тортилар ликопчаларда
Додлаб уйғонаман, қўлимда санчқи!

Умримда ҳеч қачон кўрмаган ғашлик,
Қалбим ҳис этмаган қоп-қора қайғу,
Яшаб ўтилмаган қария ёшлик –
Ортимдан шамолдек қувлайди: ғув-ғув...

Мени таъқиб этар шу зайл тушлар,
Ҳар тонгда жиққа ҳўл кўрпа-ёстиғим.
Агар бор бўлсангиз хабарчи қушлар,
Ишорамдан танинг, англанг тасдиғим.

Ҳеч ким бош суқмагай танлов ишимга,
Бесўроқ келавер, тортмагин мулзам.
Кимлар ва нималар кирган тушимга
Нега сен кирмайсан, ахир азизам.

✍️ Исломжон ҚЎЧҚОРОВ,
Самарқанд вилояти.

Турон адибларига қўшилинг:
@Turonadiblari 👈 каналимиз,
@Turon_adiblari 👈 гуруҳимиз.


​​TUSH

Har kech tushlarim alagʻda-jalagʻda,
Bosliqib har yonga yugurib, yelib,
Goho choʻgʻ ustida yalang oyoqda
Oʻyinga tushaman maydonga kelib.

Goho bir xatodan to tongga dovur
Tushimda ham uzoq chekaman afsus.
Yuragim, barini shamolga sovur,
Demoqqa bir lahza topilmaydi soʻz.

Goh tanam tor kelgan okopchalarda
Ayovsiz ezgʻilab oʻtadi tankchi.
Yuragim tortilar likopchalarda
Dodlab uygʻonaman, qoʻlimda sanchqi!

Umrimda hech qachon koʻrmagan gʻashlik,
Qalbim his etmagan qop-qora qaygʻu,
Yashab oʻtilmagan qariya yoshlik –
Ortimdan shamoldek quvlaydi: gʻuv-gʻuv...

Meni taʼqib etar shu zayl tushlar,
Har tongda jiqqa hoʻl koʻrpa-yostigʻim.
Agar bor boʻlsangiz xabarchi qushlar,
Ishoramdan taning, anglang tasdigʻim.

Hech kim bosh suqmagay tanlov ishimga,
Besoʻroq kelaver, tortmagin mulzam.
Kimlar va nimalar kirgan tushimga
Nega sen kirmaysan, axir azizam.

✍️ Islomjon QOʻCHQOROV,
Samarqand viloyati.

Turon adiblariga qoʻshiling:
@Turonadiblari 👈 kanalimiz,
@Turon_adiblari 👈 guruhimiz.

https://www.tg-me.com/Turonadiblari

ҚЎРБОШИЛАР ҚЎШИҒИ

Шимолдан ёғий келар
Талаб қилиб Туронни,
Минг аср эш бўлсак ҳам 
Бизга қўшилмас қони,
Ўрнингдан қўзғал энди,
Туркий элнинг ўғлони,
Тулпорингга қамчи ур
Селдай қалқи, бовурим,
Бизлардан шон сўрмоққа
Ватан ҳақли, бовурим.

Туроннинг эр-у қизи
То азалдан мард келар,
Турклар дунё сўрар деб
Қадимдан бир шарт келар,
Душманга қул бўлганнинг
Авлоди номард келар,
То абад тинмасин-а
Мерос чархи, бовурим,
Бизлардан ор сўрмоққа
Ватан ҳақли, бовурим.

Тўтига ошно булбул 
Чаманга арзимайди,
Душмандан қочиб ўлган
Кафанга арзимайди,
Мустабидга қул элат
Ватанга арзимайди,
Балки кўрар умрнинг
Келди гашти, бовурим,
Бизлардан ҳол сўрмоққа
Ватан ҳақли, бовурим.

Туркий элат бошида
Бегона тахт кўрмасин,
Бош эгар омонликни
Ўзига бахт кўрмасин,
Кун келиб фарзандини
Ёвга улфат кўрмасин,
Ўзлигинг кўрсатмоқнинг
Келди вақти, бовурим,
Бизлардан кор сўрмоққа
Ватан ҳақли, бовурим.

Бобомдан мерос ватан
Боламга мерос ўтсин,
Шуурига мангулик
Уйғотар овоз ўтсин,
Ёвга қаҳри қаттиқлик
Туркийларга хос ўтсин,
Кўзлардан олов ўтсин,
Ўтсин шахти, бовурим,
Бизлардан юрт сўрмоққа,
Авлод ҳақли, бовурим.

Юрт деб йўлга отладик
Буюкроқ сафар қайда,
Шу йўлда шаҳид кетсак
Бошқа бир зафар қайда,
Қул бўлган тирикликдан
Ортиқроқ хатар қайда,
Отланган ҳар йигитнинг
Шудир ахди, бовурим,
Бизлардан қон сўрмоққа
Ватан ҳақли, бовурим.

Агар ётга қўшилиб
Қондошлар сотса бизни,
Номимизга тупуриб
Хоиндек отса бизни,
Ўтмишидан юз буриб
Бир кун унутса бизни,
Яшамоқдан мани не,
Бу жон надир, бовурим?..
Бизлардан жон сўрмоққа
Ватан ҳақли, бовурим.

✍️ Нажмиддин ЭРМАТОВ,
Қашқадарё вилояти.


Турон адибларига қўшилинг:
@Turonadiblari 👈 каналимиз,
@Turon_adiblari 👈 гуруҳимиз.


QOʻRBOSHILAR QOʻSHIGʻI

Shimoldan yogʻiy kelar
Talab qilib Turonni,
Ming asr esh boʻlsak ham 
Bizga qoʻshilmas qoni,
Oʻrningdan qoʻzgʻal endi,
Turkiy elning oʻgʻloni,
Tulporingga qamchi ur
Selday qalqi, bovurim,
Bizlardan shon soʻrmoqqa
Vatan haqli, bovurim.

Turonning er-u qizi
To azaldan mard kelar,
Turklar dunyo soʻrar deb
Qadimdan bir shart kelar,
Dushmanga qul boʻlganning
Avlodi nomard kelar,
To abad tinmasin-a
Meros charxi, bovurim,
Bizlardan or soʻrmoqqa
Vatan haqli, bovurim.

Toʻtiga oshno bulbul 
Chamanga arzimaydi,
Dushmandan qochib oʻlgan
Kafanga arzimaydi,
Mustabidga qul elat
Vatanga arzimaydi,
Balki koʻrar umrning
Keldi gashti, bovurim,
Bizlardan hol soʻrmoqqa
Vatan haqli, bovurim.

Turkiy elat boshida
Begona taxt koʻrmasin,
Bosh egar omonlikni
Oʻziga baxt koʻrmasin,
Kun kelib farzandini
Yovga ulfat koʻrmasin,
Oʻzliging koʻrsatmoqning
Keldi vaqti, bovurim,
Bizlardan kor soʻrmoqqa
Vatan haqli, bovurim.

Bobomdan meros vatan
Bolamga meros oʻtsin,
Shuuriga mangulik
Uygʻotar ovoz oʻtsin,
Yovga qahri qattiqlik
Turkiylarga xos oʻtsin,
Koʻzlardan olov oʻtsin,
Oʻtsin shaxti, bovurim,
Bizlardan yurt soʻrmoqqa,
Avlod haqli, bovurim.

Yurt deb yoʻlga otladik
Buyukroq safar qayda,
Shu yoʻlda shahid ketsak
Boshqa bir zafar qayda,
Qul boʻlgan tiriklikdan
Ortiqroq xatar qayda,
Otlangan har yigitning
Shudir axdi, bovurim,
Bizlardan qon soʻrmoqqa
Vatan haqli, bovurim.

Agar yotga qoʻshilib
Qondoshlar sotsa bizni,
Nomimizga tupurib
Xoindek otsa bizni,
Oʻtmishidan yuz burib
Bir kun unutsa bizni,
Yashamoqdan mani ne,
Bu jon nadir, bovurim?..
Bizlardan jon soʻrmoqqa
Vatan haqli, bovurim.

✍️ Najmiddin ERMATOV,
Qashqadaryo viloyati.

Turon adiblariga qoʻshiling:
@Turonadiblari 👈 kanalimiz,
@Turon_adiblari 👈 guruhimiz.

https://www.tg-me.com/Turonadiblari

ЭЙ ДАРД...

Бағри ёмон баттолларга бор,
Қахри ёмон қаттолларга бор;

Қон ялаган қассобларга бор,
Сўз ўйнаган каззобларга бор;

Иймонидан кечганларга бор,
Бор-йўғини ечганларга бор -

Нега менга келасан, эй дард,
Нега менга келасан, эй ғам!

✍ Шавкат РАҲМОН.

Турон адибларига қўшилинг:
@Turonadiblari 👈 каналимиз,
@Turon_adiblari 👈 гуруҳимиз.


EY DARD...

Bagʻri yomon battollarga bor,
Qaxri yomon qattollarga bor;

Qon yalagan qassoblarga bor,
Soʻz oʻynagan kazzoblarga bor;

Iymonidan kechganlarga bor,
Bor-yoʻgʻini yechganlarga bor -

Nega menga kelasan, ey dard,
Nega menga kelasan, ey gʻam!

✍ Shavkat RAHMON.

Turon adiblariga qoʻshiling:
@Turonadiblari 👈 kanalimiz,
@Turon_adiblari 👈 guruhimiz.

https://www.tg-me.com/Turonadiblari

ЯХШИЛАР БОР ЯХШИЯМ

Бу бешафқат дунëда.
Яхшилар бор яхшиям.
Меҳр қаҳат дунëда.
Яхшилар бор яхшиям.

Оëқ ости диëнат.
Яқинмиë қиëмат.
Гўдакларга ҳимоят.
Яхшилар бор яхшиям.

Тўкилсаям ерга қон.
Узилиб тушмас осмон.
Балога балогардон.
Яхшилар бор яхшиям.

Балки хон замонида.
Тоби йўқ виждонида.
Бу жаҳон айвонида.
Яхшилар бор яхшиям.

Мард ишонар ахтига.
Гадо ризо нахтига.
Баҳодирнинг бахтига.
Яхшилар бор яхшиям.



ЁМҒИРГИНАМ

Мен тупроқман,
Ёмғирини кутиб ётган,
Ташналиклар жон-жонидан ўтиб ётган...
Ҳижронларнинг аччиқ-аччиқ шамоллари
Умидини тўзон қилиб титиб ётган...

Ёмғир ёғса, кўк дарчаси очилади -
Кўк идишдан ерга сувлар сочилади.
Ёмғиргинам, сизнинг малҳам тиғларингиз,
Айтинг, қачон юрагимга санчилади?...

Мен тупроқман...

✍ Баҳодир ИСО,
Фарғона вилояти.

Турон адибларига қўшилинг:
@Turonadiblari 👈 каналимиз,
@Turon_adiblari 👈 гуруҳимиз.


YAXSHILAR BOR YAXSHIYAM

Bu beshafqat dunëda.
Yaxshilar bor yaxshiyam.
Mehr qahat dunëda.
Yaxshilar bor yaxshiyam.

Oëq osti diënat.
Yaqinmië qiëmat.
Goʻdaklarga himoyat.
Yaxshilar bor yaxshiyam.

Toʻkilsayam yerga qon.
Uzilib tushmas osmon.
Baloga balogardon.
Yaxshilar bor yaxshiyam.

Balki xon zamonida.
Tobi yoʻq vijdonida.
Bu jahon ayvonida.
Yaxshilar bor yaxshiyam.

Mard ishonar axtiga.
Gado rizo naxtiga.
Bahodirning baxtiga.
Yaxshilar bor yaxshiyam.



YOMGʻIRGINAM

Men tuproqman,
Yomgʻirini kutib yotgan,
Tashnaliklar jon-jonidan oʻtib yotgan...
Hijronlarning achchiq-achchiq shamollari
Umidini toʻzon qilib titib yotgan...

Yomgʻir yogʻsa, koʻk darchasi ochiladi -
Koʻk idishdan yerga suvlar sochiladi.
Yomgʻirginam, sizning malham tigʻlaringiz,
Ayting, qachon yuragimga sanchiladi?...

Men tuproqman...

✍ Bahodir ISO,
Fargʻona viloyati.

Turon adiblariga qoʻshiling:
@Turonadiblari 👈 kanalimiz,
@Turon_adiblari 👈 guruhimiz.

https://www.tg-me.com/Turonadiblari

НЕЪМАТ

Рамазон — машаққат, синовлар ойи,
Ўттиз қоронғу кун, ўттиз ёруғ тун.
Тонглар насиб этди тоза ҳавою
Булбулнинг овозин саҳарлик учун.

Аччиқ сўз чиқмайдир — ёпиқдир оғзим,
Бировга қадалиб тикилмак тамом.
Кўнгил тўқ, руҳ енгил.
Хушбахтман ўзим —
Гул исин ифторлик учун берди шом.


✍️ Аъзам ЎКТАМ,
Фарғона вилояти.

Турон адибларига қўшилинг:
@Turonadiblari 👈 каналимиз,
@Turon_adiblari 👈 гуруҳимиз.


NEʼMAT

Ramazon — mashaqqat, sinovlar oyi,
Oʻttiz qorongʻu kun, oʻttiz yorugʻ tun.
Tonglar nasib etdi toza havoyu
Bulbulning ovozin saharlik uchun.

Achchiq soʻz chiqmaydir — yopiqdir ogʻzim,
Birovga qadalib tikilmak tamom.
Koʻngil toʻq, ruh yengil.
Xushbaxtman oʻzim —
Gul isin iftorlik uchun berdi shom.


✍️ Aʼzam OʻKTAM,
Fargʻona viloyati.

Turon adiblariga qoʻshiling:
@Turonadiblari 👈 kanalimiz,
@Turon_adiblari 👈 guruhimiz.

https://www.tg-me.com/Turonadiblari

👆ҚАДРЛИ КЕЧА ДУОСИ.
Рамазони шарифнинг ҳар кечаси ўқинг.
Яқинларингизга ҳам юборинг.

QADRLI KECHA DUOSI.
Ramazoni sharifning har kechasi oʻqing.
Yaqinlaringizga ham yuboring.

Turon adiblariga qo‘shiling:
@Turon_adiblari 👈 guruhimiz,
@Turonadiblari 👈 kanalimiz.

ТУРИНГЛАР!

Сўзим тегишли бул дам,
Қишлоғу шаҳарликка,
Уйқуга бериб барҳам,
Туринглар саҳарликка!

Шайтонни куюнтириб,
Оловдан кийинтириб,
Аллоҳни суюнтириб,
Туринглар саҳарликка!

Субҳ дилни сато қилур,
Тангрим ризқ ато қилур,
Турмаган хато қилур,
Туринглар саҳарликка!

Турсак, гуноҳлар азон –
Тўкилар мисли ҳазон,
Бул ой – моҳи Рамазон,
Туринглар саҳарликка!

Файзиёб субҳи содиқ,
Олмагай биздан солиқ.
Бизни халқ қилган Ҳолиқ,
Туринглар саҳарликка!

Бизга омонат бу жон,
Уни айлайлик омон,
Аллаҳу акбар дебон,
Туринглар саҳарликка!

Ғафлат дўзахий ўчоқ,
Ёҳуд шайтоний қучоқ,
Иблисга санчиб пичоқ,
Туринглар саҳарликка!

Кимки, ғафлатдан нари,
Бўлмас каму кўстлари,
Эй, Ботирнинг дўстлари,
Туринглар саҳарликка!

✍ Ботиржон ЭРГАШEВ,
Тошкент шаҳри.

Турон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.

TURINGLAR!

So‘zim tegishli bul dam,
Qishlog‘-u shaharlikka,
Uyquga berib barham,
Turinglar saharlikka!

Shaytonni kuyuntirib,
Olovdan kiyintirib,
Allohni suyuntirib,
Turinglar saharlikka!

Subh dilni sato qilur,
Tangrim rizq ato qilur,
Turmagan xato qilur,
Turinglar saharlikka!

Tursak, gunohlar azon –
To‘kilar misli hazon,
Bul oy – mohi Ramazon,
Turinglar saharlikka!

Fayziyob subhi sodiq,
Olmagay bizdan soliq.
Bizni xalq qilgan Holiq,
Turinglar saharlikka!

Bizga omonat bu jon,
Uni aylaylik omon,
Allahu akbar debon,
Turinglar saharlikka!

Gʻaflat do‘zaxiy o‘choq,
Yohud shaytoniy quchoq,
Iblisga sanchib pichoq,
Turinglar saharlikka!

Kimki, g‘aflatdan nari,
Bo‘lmas kam-u ko‘stlari,
Ey, Botirning do‘stlari,
Turinglar saharlikka!

✍ Botirjon ERGASHEV,
Toshkent shahri.

Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/Turonadiblari

Эй, баднафс, табаррук жомни булғадинг,
Маъно майин тўкдинг — комни булғадинг.

Аввал ғофил бўлдинг, шом сирларидан,
Тун бўйи алаҳсиб, тонгни булғадинг.

Кўзёшмас, иддао қилдинг фалакка,
Ибодат қилмадинг — онни булғадинг.

Ташрифингдан жаҳон қувонган эди,
Кетмай туриб номи инсонни булғадинг.

Эй, нокас, эгнингда мазлум либоси,
Қилмишинг-ла ҳалол деҳқонни булғадинг.

Даъвонг олимлигу, амалинг риё,
Одамийлик деган фанни булғадинг.

Гоҳ жубба, гоҳ ридо, гоҳи бўйинбоғ,
Кийиб неча аср-у замонни булғадинг.

Бекорга булбуллар бағри қон эмас,
Қутлуғ қоғоз, қаламу рангдонни булғадинг.

Шоирдан инжима, ғўр машқи учун,
Ҳайфки, умр отлиғ достонни булғадинг.

Қуш ташлаган нажас денгизга ҳечдир,
Аммо парвоз деган шонни булғадинг.

Сўнгагинг ўтини дўзахга етгай,
Билмассан, билишдек имконни булғадинг.

✍ Шодмонқул САЛОМ,
Сурхондарё вилояти.

Турон адиблари телеграм канали ва гуруҳи👇
@Turonadiblari 👈 каналимиз,
@Turon_adiblari👈 гуруҳимиз.




Ey, badnafs, tabarruk jomni bulgʻading,
Maʼno mayin toʻkding — komni bulgʻading.

Avval gʻofil boʻlding, shom sirlaridan,
Tun boʻyi alahsib, tongni bulgʻading.

Koʻzyoshmas, iddao qilding falakka,
Ibodat qilmading — onni bulgʻading.

Tashrifingdan jahon quvongan edi,
Ketmay turib nomi insonni bulgʻading.

Ey, nokas, egningda mazlum libosi,
Qilmishing-la halol dehqonni bulgʻading.

Daʼvong olimligu, amaling riyo,
Odamiylik degan fanni bulgʻading.

Goh jubba, goh rido, gohi boʻyinbogʻ,
Kiyib necha asr-u zamonni bulgʻading.

Bekorga bulbullar bagʻri qon emas,
Qutlugʻ qogʻoz, qalamu rangdonni bulgʻading.

Shoirdan injima, gʻoʻr mashqi uchun,
Hayfki, umr otligʻ dostonni bulgʻading.

Qush tashlagan najas dengizga hechdir,
Ammo parvoz degan shonni bulgʻading.

Soʻngaging oʻtini doʻzaxga yetgay,
Bilmassan, bilishdek imkonni bulgʻading.

✍ Shodmonqul SALOM,
Surxondaryo viloyati.

Turon adiblari telegram kanali va guruhi👇
@Turonadiblari👈kanalimiz,
@Turon_adiblari👈guruhimiz.


https://www.tg-me.com/Turonadiblari

КЎКЛАМ ЭДИ

Ёруғ кун қоронғудек,
Отам вафот этган кун.
Ёғду тун нақд оғудек,
Бу дунёдан кетган кун.

Юлдузлар нурсиз эди,
Ой кўксида тўла доғ.
Қуёш булут ортида,
Бемордек, эмасди соғ.

Кўклам пайти, йўқ гиёҳ,
Маъюс йиғларди тупроқ.
Ҳақ амри-дили сиёҳ,
Қаърига чорлар, бироқ.

Суйган фасл навбаҳор,
Дилларга солди қайғу.
Гулоб бергувчи наҳор,
Тутмоқда эди оғу.

Дилимдан ўтганини,
Сизга ҳикоя қилдим.
Тонгда эслаб отамни,
Яро кўнглимни тилдим.

✍ Абдурашид ЭРГАШЕВ,
Андижон вилояти.

Турон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.


KOʻKLAM EDI

Yorugʻ kun qorongʻudek,
Otam vafot etgan kun.
Yogʻdu tun naqd ogʻudek,
Bu dunyodan ketgan kun.

Yulduzlar nursiz edi,
Oy koʻksida toʻla dogʻ.
Quyosh bulut ortida,
Bemordek, emasdi sogʻ.

Koʻklam payti, yoʻq giyoh,
Mayus yigʻlardi tuproq.
Haq amri-dili siyoh,
Qaʼriga chorlar, biroq.

Suygan fasl navbahor,
Dillarga soldi qaygʻu.
Gulob berguvchi nahor,
Tutmoqda edi ogʻu.

Dilimdan oʻtganini,
Sizga hikoya qildim.
Tongda eslab otamni,
Yaro koʻnglimni tildim.

✍ Abdurashid ERGASHEV,
Andijon viloyati.

Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/Turonadiblari

🎙 Рамазон ойида жудаям чиройли қилинган дуо.

Эшитиб тўйиб-тўйиб йиғладим!😭😭

Ибрат учун яқинларингизга ҳам улашинг

Турон адибларига қўшилинг👇
@Turonadiblari 👈 каналимиз,
@Turon_adiblari👈 гуруҳимиз.

@Turonadiblari

НИЯТ

Ассалому алайкум,
Азизлар, кўклам келди!
Гир атрофим кўкалам,
Сарин саболар елди.

Жуда узооқ кутгандек,
Шодон яйрашиб кетдик.
Муз ҳаволар кетгандек,
Хушхон сайрашиб кетдик.

Аллоҳнинг ой ~ кунига,
Асли аралашиш йўқ.
Об~ҳавонинг тўнига,
Ўралмай яралиш йўқ.

Ҳеч ким иссиқ ~ совуққа
Чалинмай одам бўлмас.
Орзуси чиқиб йўққа,
Гул тўкмай бодом бўлмас.

Кимнингдир кўрмай баҳор,
Қишда қолди яқини.
Яхин эритди анҳор,
Навбаҳорнинг чақини.

Тошқин сув, дўллари бор,
Яшанг истиғфор айтиб.
Совуқ келтирар беор
Шамоллар баъзан дайдиб.

Аллоҳ кунидир, деймиз,
Уришайликми яна?!.
Эртан ғамини еймиз,
Бугун қилиб тантана.

Наврўз муборак бўлсин,
Бўлсин тинчлик, тўқчилик.
Уйлар буғдойга тўлсин,
Кўрмайлик ҳеч йўқчилик.

Одил, оқил фарзандлар
Ўрнимизни тўлдирсин.
Севган касбида бандлар,
Битмас ишин бўлдирсин.

Севги Аллоҳ неъмати,
Пок қалбларда улғаяр..
Ўйлаб оқибатини
Иш бошлайди улуғлар.

Тилагим:
Ҳар тарафдан
Ёғилсин хуш хабарлар.
Қувнаб шондан, шарафдан,
Уйғонайлик сахарлар!

✍ Умида Абдуазимова,
Ўзбекистон.

Турон адиблари телеграм канали ва гуруҳи👇
@Turonadiblari 👈 каналимиз,
@Turon_adiblari👈 гуруҳимиз


NIYAT

Assalomu alaykum,
Azizlar, koʻklam keldi!
Gir atrofim koʻkalam,
Sarin sabolar yeldi.

Juda uzooq kutgandek,
Shodon yayrashib ketdik.
Muz havolar ketgandek,
Xushxon sayrashib ketdik.

Allohning oy ~ kuniga,
Asli aralashish yoʻq.
Ob~havoning toʻniga,
Oʻralmay yaralish yoʻq.

Hech kim issiq ~ sovuqqa
Chalinmay odam boʻlmas.
Orzusi chiqib yoʻqqa,
Gul toʻkmay bodom boʻlmas.

Kimningdir koʻrmay bahor,
Qishda qoldi yaqini.
Yaxin eritdi anhor,
Navbahorning chaqini.

Toshqin suv, doʻllari bor,
Yashang istigʻfor aytib.
Sovuq keltirar beor
Shamollar baʼzan daydib.

Alloh kunidir, deymiz,
Urishaylikmi yana?!.
Ertan gʻamini yeymiz,
Bugun qilib tantana.

Navroʻz muborak boʻlsin,
Boʻlsin tinchlik, toʻqchilik.
Uylar bugʻdoyga toʻlsin,
Koʻrmaylik hech yoʻqchilik.

Odil, oqil farzandlar
Oʻrnimizni toʻldirsin.
Sevgan kasbida bandlar,
Bitmas ishin boʻldirsin.

Sevgi Alloh neʼmati,
Pok qalblarda ulgʻayar..
Oʻylab oqibatini
Ish boshlaydi ulugʻlar.

Tilagim:
Har tarafdan
Yogʻilsin xush xabarlar.
Quvnab shondan, sharafdan,
Uygʻonaylik saxarlar!

✍ Umida Abduazimova,
Oʻzbekiston.

Turon adiblari telegram kanali va guruhi👇
@Turonadiblari 👈 kanalimiz,
@Turon_adiblari👈 guruhimiz.

https://www.tg-me.com/Turonadiblari

Наврўз байрамингиз муборак бўлсин!
Navro‘z bayramingiz muborak bo‘lsin!
نوروز بیرمینگیز مبارک بولسین !

(Afrikadan tabrik)

Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/Turonadiblari

BERGIN

✍ Barno Odiljon qizi

Turon adiblariga qoʻshiling:
@Turon_adiblari 👈 guruhimiz
@Turonadiblari 👈 kanalimiz.