Дўст билан обод уйинг, гар бўлса у вайрона ҳам,
Дўст қадам қўймас эса, вайронадир кошона ҳам.

Интизор ҳар уй диловар дилкушолар базмига,
Гар оёқ қўйса қабоҳат йиғлагай остона ҳам.

Яхши дўстлар даврасида очилурсан ҳар замон,
Кўркни шода ичра топгай марварид дурдона ҳам.

Сўрма мендан, ким дилоро, дўстми ё жонона деб,
Дўст менинг кўнглимдадир, жонимдадир жонона ҳам.

Қочма ростгўй дўстларнинг коҳишу озоридан,
Қадди рост шамнинг тилидан ўртанур парвона ҳам.

Дўст қидир, дўст топ жаҳонда, дўст юз минг бўлса оз,
Кўп эрур бисёр душман бўлса у бир дона ҳам.

Ким сенга ҳамроз эмасдир, боғараз деб ўйлама,
Гоҳи душманлик килурлар қўл сиқиб дўстона ҳам.

Дўсти содиқ йўқ экан деб ўртаниб куйма ва лек
Меҳр уйин кенг очсанг, Эркин, дўст бўлур бегона ҳам.

✍ Эркин ВОҲИДОВ.

Турон адибларига қўшилинг:
@Turonadiblari👈 каналимиз,
@Turon_adiblari👈 гуруҳимиз.



Doʻst bilan obod uying, gar boʻlsa u vayrona ham,
Doʻst qadam qoʻymas esa, vayronadir koshona ham.

Intizor har uy dilovar dilkusholar bazmiga,
Gar oyoq qoʻysa qabohat yigʻlagay ostona ham.

Yaxshi doʻstlar davrasida ochilursan har zamon,
Koʻrkni shoda ichra topgay marvarid durdona ham.

Soʻrma mendan, kim diloro, doʻstmi yo jonona deb,
Doʻst mening koʻnglimdadir, jonimdadir jonona ham.

Qochma rostgoʻy doʻstlarning kohishu ozoridan,
Qaddi rost shamning tilidan oʻrtanur parvona ham.

Doʻst qidir, doʻst top jahonda, doʻst yuz ming boʻlsa oz,
Koʻp erur bisyor dushman boʻlsa u bir dona ham.

Kim senga hamroz emasdir, bogʻaraz deb oʻylama,
Gohi dushmanlik kilurlar qoʻl siqib doʻstona ham.

Doʻsti sodiq yoʻq ekan deb oʻrtanib kuyma va lek
Mehr uyin keng ochsang, Erkin, doʻst boʻlur begona ham.

✍ Erkin VOHIDOV.

Turon adiblariga qo‘shiling:
@Turonadiblari👈 kanalimiz,
@Turon_adiblari👈 guruhimiz.

https://www.tg-me.com/turonadiblari

Қуриган дарахтнинг сўнги меваси,
Зулматга ем бўлган шамнинг шуъласи,
Ёридан айрилган ёр ашуласи
Мени ҳеч кулишга қўймаяпти-да. 

Оқсоқ чумолига ҳамдард бўлишим,
Битта буғдойимни тўртга бўлишим,
Ҳаққимни сўролмай ҳақсиз юришим
Ҳеч ўзимга яхши бўлмаяпти-да.

Онам сандиғини ҳидин соғиндим,
Сандиқдек эскирдим,  шундан оғриндим.
Келади уйимда дадамни кўргим,
Интизор кўзларим кўрмаяпти-да.

Сирқираб оғрийди юрагим шўрлик,
Тишланган олмадек бу дунё кемтик.
Сўзлар ёзгим келар тирик ва йирик,
Аммо кўнглим сўзга тўлмаяпти-да.

Мен тўртта тарафга чопар юбордим.
Чопарлар қўлида бир хат юбордим.
Дедим топинг менга бир бағри бутун
Аммо ҳамон жавоб келмаяпти-да


ДУО

Қумлар ютиб, қум туққан саҳро.
Сувлар ютиб, сув туққан дарё.
Қиёматни сир тутган дунё,
Ой бўлинган кунни бир кўрсат.

Кириб олай мен ҳам уриниб.
Салом берай титраб, суюниб.
Ансорларни тўплаган Ясриб
Туя чўккан уйни бир кўрсат.

Қайдан, унда бунча фаросат?
Қайдан, унда бунча жасорат?
Белбоғидан тиланай бир қат
Асмо деган гулни бир кўрсат.

Қонаб кетсин яланг оёғим.
Чанқаб, чарчаб қурисин ҳолим.
Қувлаб келсин, майли юз золим
Савр томон йўлни бир кўрсат.

Бири буюк, бири муқаддас.
Мендан бахтли бағридаги хас.
Тошларини бир силасам бас
Уҳуд билан Турни бир кўрсат.

Гуноҳимдан уялдим, ҳар кун.
Кўзёшимга беландим, ҳар кун.
Бир гадодек тиландим, ҳар кун
Ўлар чоғим Аднни кўрсат.

Арзимадим, бунга ҳеч қачон,
Лекин ростдан соғиндим ёмон.
Ўлмасимдан, менга Художон
Ўзинг суйган Нурни бир кўрсат.
 
✍ Рислиғой ҲОТАМОВА
Наманган вилояти

Турон адибларига қўшилинг:
@Turonadiblari👈 каналимиз,
@Turon_adiblari👈 гуруҳимиз.



Qurigan daraxtning soʻngi mevasi,
Zulmatga yem boʻlgan shamning shuʼlasi,
Yoridan ayrilgan yor ashulasi
Meni hech kulishga qoʻymayapti-da. 

Oqsoq chumoliga hamdard boʻlishim,
Bitta bugʻdoyimni toʻrtga boʻlishim,
Haqqimni soʻrolmay haqsiz yurishim
Hech oʻzimga yaxshi boʻlmayapti-da.

Onam sandigʻini hidin sogʻindim,
Sandiqdek eskirdim,  shundan ogʻrindim.
Keladi uyimda dadamni koʻrgim,
Intizor koʻzlarim koʻrmayapti-da.

Sirqirab ogʻriydi yuragim shoʻrlik,
Tishlangan olmadek bu dunyo kemtik.
Soʻzlar yozgim kelar tirik va yirik,
Ammo koʻnglim soʻzga toʻlmayapti-da.

Men toʻrtta tarafga chopar yubordim.
Choparlar qoʻlida bir xat yubordim.
Dedim toping menga bir bagʻri butun
Ammo hamon javob kelmayapti-da


DUO

Qumlar yutib, qum tuqqan sahro.
Suvlar yutib, suv tuqqan daryo.
Qiyomatni sir tutgan dunyo,
Oy boʻlingan kunni bir koʻrsat.

Kirib olay men ham urinib.
Salom beray titrab, suyunib.
Ansorlarni toʻplagan Yasrib
Tuya choʻkkan uyni bir koʻrsat.

Qaydan, unda buncha farosat?
Qaydan, unda buncha jasorat?
Belbogʻidan tilanay bir qat
Asmo degan gulni bir koʻrsat.

Qonab ketsin yalang oyogʻim.
Chanqab, charchab qurisin holim.
Quvlab kelsin, mayli yuz zolim
Savr tomon yoʻlni bir koʻrsat.

Biri buyuk, biri muqaddas.
Mendan baxtli bagʻridagi xas.
Toshlarini bir silasam bas
Uhud bilan Turni bir koʻrsat.

Gunohimdan uyaldim, har kun.
Koʻzyoshimga belandim, har kun.
Bir gadodek tilandim, har kun
Oʻlar chogʻim Adnni koʻrsat.

Arzimadim, bunga hech qachon,
Lekin rostdan sogʻindim yomon.
Oʻlmasimdan, menga Xudojon
Oʻzing suygan Nurni bir koʻrsat.
 
✍ Risligʻoy HOTAMOVA
Namangan viloyati

Turon adiblariga qo‘shiling:
@Turonadiblari👈 kanalimiz,
@Turon_adiblari👈 guruhimiz.

https://www.tg-me.com/turonadiblari

QANDAY O‘LDIRASAN TUYG‘UNI

✍🎤 Xolida ISMOIL,
Surxondaryo viloyati.

Turon adiblariga qo‘shiling:
@Turonadiblari👈 kanalimiz,
@Turon_adiblari👈 guruhimiz.

https://www.tg-me.com/turonadiblari

MUHABBATNING ENG GO‘ZAL KO‘RINISHI.
AFSUSKI BANDA DOIM KECHIKADI...

Turon adiblariga qo‘shiling:
@Turonadiblari👈 kanalimiz,
@Turon_adiblari👈 guruhimiz.

https://www.tg-me.com/turonadiblari

QOVOQ VA KALLA

🎤 Tohir Malik

Turon adiblariga qo‘shiling:
@Turonadiblari👈 kanalimiz,
@Turon_adiblari👈 guruhimiz.

https://www.tg-me.com/turonadiblari

МУСОФИР ҚИЗЛАРНИ АСРА, ОЛЛОҲИМ

✍🎤 Рислиғой Ҳотамова

Турон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.

https://www.tg-me.com/Turonadiblari

* * * * * * * * *

Ўтди умрим қанчаси
            Дард аро, гирдоб аро
Қанчаси тун, қанчаси
            Дилрабо мохтоб аро.

Дардларим айтмай,
           Ғаму андухларимдин сўзламай,
Чўлпон демаким кўзларим
          Чақнаса беҳоб аро.

Излар эрсанг сен мени
            Изла ёр гулзоридин
Излама дардсиз кўнгилдек,
           Шойию кимхоб аро.

Дўст дедим ёлғиз Худони,
            Ўзгаларда йўқ вафо
Шу сабабдин излама
           Харгиз мени ахбоб аро.

Англамоқ мушкул туюлса
           Сенга дарду қисматим,
Саҳфасин очгил китобим 
           Кўр ани ҳар боб аро.

Қўй, мени у давраларга
          Чорлама, йўқ ҳеч хушим,
Қолғон умрим ўтса дейман
         Шеър аро, меҳроб аро.


* * * * * * *

Минг бир нафас, минг бир нигоҳ, кўз,
Дафтар узра сабзадай яшнар.
Юрагимда илдиз отган сўз-
Ғунчалари очила бошлар.
Шеър қалби ҳам сўздан бинодир
Шоир меъмор, бунёди ғазал.
Мангу сўзга нурли гувоҳдир
Ҳақ нафаси- оятлар азал.
Шоир сўзнинг қалбини тингла
Англа бу сас келмоқда қайдан?
Қара қандай нур таралмоқда,
Юрагинга санчилган ёйдан!
Балки ойдан у нур олгайдир,
Ифорларин жамбил, райҳондан.
Руҳ қушидан келган муждадир,
Яхши шеър ҳам билсанг иймондан!

✍ Минҳожиддин МИРЗО

Турон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.

* * * * * * * *

Oʻtdi umrim qanchasi
            Dard aro, girdob aro
Qanchasi tun, qanchasi
            Dilrabo moxtob aro.

Dardlarim aytmay,
           Gʻamu anduxlarimdin soʻzlamay,
Choʻlpon demakim koʻzlarim
          Chaqnasa behob aro.

Izlar ersang sen meni
            Izla yor gulzoridin
Izlama dardsiz koʻngildek,
           Shoyiyu kimxob aro.

Doʻst dedim yolgʻiz Xudoni,
            Oʻzgalarda yoʻq vafo
Shu sababdin izlama
           Xargiz meni axbob aro.

Anglamoq mushkul tuyulsa
           Senga dardu qismatim,
Sahfasin ochgil kitobim 
           Koʻr ani har bob aro.

Qoʻy, meni u davralarga
          Chorlama, yoʻq hech xushim,
Qolgʻon umrim oʻtsa deyman
         Sheʼr aro, mehrob aro.


* * * * * *

Ming bir nafas, ming bir nigoh, koʻz,
Daftar uzra sabzaday yashnar.
Yuragimda ildiz otgan soʻz-
Gʻunchalari ochila boshlar.
Sheʼr qalbi ham soʻzdan binodir
Shoir meʼmor, bunyodi gʻazal.
Mangu soʻzga nurli guvohdir
Haq nafasi- oyatlar azal.
Shoir soʻzning qalbini tingla
Angla bu sas kelmoqda qaydan?
Qara qanday nur taralmoqda,
Yuraginga sanchilgan yoydan!
Balki oydan u nur olgaydir,
Iforlarin jambil, rayhondan.
Ruh qushidan kelgan mujdadir,
Yaxshi sheʼr ham bilsang iymondan!

✍ Minhojiddin MIRZO

Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/turonadiblari

ШЕЪРИМ

Қўйишга  бошими  Каъбам -- сўзим,  сен  давлатим,  шеърим,
Мани  ошуфта  илкимда,  баланд  тахт,  савлатим,  шеърим.

Келиб  дунёи  дунга  мен  рўҳафтода  бўлмадим  ҳаргиз,
Ки,  Ҳақ  ҳар  кимга  бермас  бахт,  мислсиз  сарватим,  шеърим.

Мудом  мағрур  ва  собирмен,  боқиб  ҳайронам  қолмишлар,
Ки,  ишқимдир  тамал  тоши,  жаҳоним,  рағбатим,  шеърим.

Туну  кун  саждагоҳим  сен,  дили  кўнгилни  дармони,
Ғуборсиз  тийнату  сурат,  мусаффо   хилқатим,  шеърим.

Умрни  ўтказиб  беном,  юрурлар  танни  деб  ноком,
Шукрким,  толеим  сийлаб,  қилибсан   шафқатим,  шеърим.

Бири  суйган,  бири  куйган -- одамман  дўсту  ағёрлиқ,
Хазинам,  дури  ғалтоним,  "гуноҳим",  ҳурматим,  шеърим.

Насибам,  нон-тузин  оқлаб  умрбод  хизматин  қилгум,
Қўли  кўксида  Жамшиднинг,  элимга  раҳматим,  шеърим!

✍ Жамшид Примов,
Тожикистон, Хўжанд.

Турон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.


SHEʼRIM

Qoʻyishga  boshimi  Kaʼbam -- soʻzim,  sen  davlatim,  sheʼrim,
Mani  oshufta  ilkimda,  baland  taxt,  savlatim,  sheʼrim.

Kelib  dunyoi  dunga  men  roʻhaftoda  boʻlmadim  hargiz,
Ki,  Haq  har  kimga  bermas  baxt,  mislsiz  sarvatim,  sheʼrim.

Mudom  magʻrur  va  sobirmen,  boqib  hayronam  qolmishlar,
Ki,  ishqimdir  tamal  toshi,  jahonim,  ragʻbatim,  sheʼrim.

Tunu  kun  sajdagohim  sen,  dili  koʻngilni  darmoni,
Gʻuborsiz  tiynatu  surat,  musaffo   xilqatim,  sheʼrim.

Umrni  oʻtkazib  benom,  yururlar  tanni  deb  nokom,
Shukrkim,  toleim  siylab,  qilibsan   shafqatim,  sheʼrim.

Biri  suygan,  biri  kuygan -- odamman  doʻstu  agʻyorliq,
Xazinam,  duri  gʻaltonim,  “gunohim”,  hurmatim,  sheʼrim.

Nasibam,  non-tuzin  oqlab  umrbod  xizmatin  qilgum,
Qoʻli  koʻksida  Jamshidning,  elimga  rahmatim,  sheʼrim!

✍ Jamshid Primov,
Tojikiston, Xoʻjand.

Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/turonadiblari

Ah Anam Sen yok
🎤 Abdurahim Hayit

https://m.facebook.com/groups/1122095791872892/permalink/1378470362902099/?mibextid=Nif5oz
Turon adiblari telegram kanali va guruhi 👇
@Turonadiblari 👈 kanalimiz,
@Turon_adiblari 👈 guruhimiz.

БИЛСАНГ...

Биламан, ёмонман, жуда ёмонман,
Лек, яхши кўраман, билсанг ҳамон, ман.

Гар ҳукм айласанг дорга тортмоққа,
Мен ҳукминг томонман, мен дор томонман.

Ҳар дам ҳузурингда тилим тутилар,
Гарчи, шоирман мен, булбулзабонман.

Қуёш тунни излар, тун қуёш васлин,
Бир сени излайман ҳамма замон, ман.

Энг буюк китоблар бағримда, гарчи,
Битта сен сиғмаган бағри жавонман.

Бир ўзим ўтгандим  қирқта довондан,
Сен билан ўтибман етти довон, ман.

Тунинг ёритмоққа бир шам керакку,
Эй, ёр менам битта моҳитобонман. 

Билки, одам ўлар, ишқи ўлмагай,
Вужудим йўқ, абад руҳи равонман.

Аёлман, нишонлик мақомим эмас,
Ҳар ўқи нишонга теккан камонман!

Сени деб ўлгайман, мабодо ўлсам,
Сени деб яшайман, бўлсам омон, ман!

✍ Гулжамол АСҚАРОВА.

Турон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.


BILSANG...

Bilaman, yomonman, juda yomonman,
Lek, yaxshi koʻraman, bilsang hamon, man.

Gar hukm aylasang dorga tortmoqqa,
Men hukming tomonman, men dor tomonman.

Har dam huzuringda tilim tutilar,
Garchi, shoirman men, bulbulzabonman.

Quyosh tunni izlar, tun quyosh vaslin,
Bir seni izlayman hamma zamon, man.

Eng buyuk kitoblar bagʻrimda, garchi,
Bitta sen sigʻmagan bagʻri javonman.

Bir oʻzim oʻtgandim  qirqta dovondan,
Sen bilan oʻtibman yetti dovon, man.

Tuning yoritmoqqa bir sham kerakku,
Ey, yor menam bitta mohitobonman. 

Bilki, odam oʻlar, ishqi oʻlmagay,
Vujudim yoʻq, abad ruhi ravonman.

Ayolman, nishonlik maqomim emas,
Har oʻqi nishonga tekkan kamonman!

Seni deb oʻlgayman, mabodo oʻlsam,
Seni deb yashayman, boʻlsam omon, man!

✍ Guljamol ASQAROVA

Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/turonadiblari

САЙЙИД УЛ-АЙЁМ, ҲАЖЖ УЛ-МАСОКИЙН МУБОРАК !

АЛИШЕР НАВОИЙ ҲИКМАТЛАРИ

Бу гулшан ичраки, йўқдур
бақо гулига сабот,
Ажаб саодат эрур, чиқса
яхшилик била от.

* * *

Кўп демак бирла бўлмағил нодон,
Кўп емак бирла бўлмағил ҳайвон.

* * *

Кимки жаҳон аҳлида инсон эрур,
Билки, нишона анга иймон эрур.

* * *

Гар ошиқ эсанг, зебу такаллуфни унут,
Яхшию ямон ишда тахаллуфни унут.
Ўтган гар эрур ямон — таассуфни унут,
Келган гар эрур яхши — тасарруфни унут.

* * *

Эл қочса бировдин, эл ямони бил они,
Аҳволида идбор нишони бил они.
Феъл ичра улус балойи жони бил они,
Олам элининг ямон-ямони бил они.

* * *

Камол эт касбким, олам уйидин
Санго фарз ўлмағай ғамнок чиқмоқ.
Жаҳондин нотамом ўтмак биайни,
Эрур ҳаммомдин нопок чиқмоқ.

* * *

Ғурбатда ғариб шодмон бўлмас эмиш,
Эл анга шафиқу меҳрибон бўлмас эмиш.
Олтин қафас ичра гар қизил гул бутса,
Булбулға тикондек ошён бўлмас эмиш.

* * *

Оналар оёғи остидадур
Равзайи жаннату жинон боғи.
Равза боғи висолин истар эсанг,
Бўл онанинг оёғин тупроғи.

* * *

Йигитликда йиғ илмнинг махзани,
Қарилик чоғи сарф қилғил ани.

* * *

Сен агар тарки тамаъ қилсанг,
улуғ ишдур буким,
Олам аҳли барча бўлғай бир тараф,
сен бир тараф.

* * *

Кимки бир кўнгли бузуғнинг
хотирин шод айлагай,
Онча борким, Каъба вайрон бўлса,
обод айлагай.

* * *

Аблаҳ ани билки,
оламдин бақо қилғай тамаъ,
Аҳмақ улким, олам аҳлидин
вафо қилғай тамаъ.

* * *

Яхши кишилар бирла
тутар бўл суҳбат,
То бергай амон шарирдин
ул суҳбат.

* * *

Айлама ўз раъйингга кўп эътиқод,
Муътамад эл раъйидин иста кушод.

* * *

Адаб кичик ёшлиғларни улуғлар дуосиға сазовор этар.

* * *

Беишқ улусқа ком уйқу,
Ишқ аҳлиғадур ҳаром уйқу.

* * *

Бурунғи йиллар ошлиқни яхши асрангким, сўнгги йилларда ярағай.

* * *

Илмни ким воситайи жоҳ этар,
Ўзинию халқни гумроҳ этар.

* * *

Вафосиздур замон аҳли,
замонда не вафо бўлғай,
Вафо аҳли булардин
гар вафо истар, эрур нодон.

Турон адибларига қўшилинг👇
@Turonadiblari 👈 каналимиз,
@Turon_adiblari👈 гуруҳимиз.



SAYYID UL-AYYOM, HAJJ UL-MASOKIYN MUBORAK !

ALISHER NAVOIY HIKMATLARI

Bu gulshan ichraki, yoʻqdur
baqo guliga sabot,
Ajab saodat erur, chiqsa
yaxshilik bila ot.

* * *

Koʻp demak birla boʻlmagʻil nodon,
Koʻp yemak birla boʻlmagʻil hayvon.

* * *

Kimki jahon ahlida inson erur,
Bilki, nishona anga iymon erur.

* * *

Gar oshiq esang, zebu takallufni unut,
Yaxshiyu yamon ishda taxallufni unut.
Oʻtgan gar erur yamon — taassufni unut,
Kelgan gar erur yaxshi — tasarrufni unut.

* * *

El qochsa birovdin, el yamoni bil oni,
Ahvolida idbor nishoni bil oni.
Feʼl ichra ulus baloyi joni bil oni,
Olam elining yamon-yamoni bil oni.

* * *

Kamol et kasbkim, olam uyidin
Sango farz oʻlmagʻay gʻamnok chiqmoq.
Jahondin notamom oʻtmak biayni,
Erur hammomdin nopok chiqmoq.

* * *

Gʻurbatda gʻarib shodmon boʻlmas emish,
El anga shafiqu mehribon boʻlmas emish.
Oltin qafas ichra gar qizil gul butsa,
Bulbulgʻa tikondek oshyon boʻlmas emish.

* * *

Onalar oyogʻi ostidadur
Ravzayi jannatu jinon bogʻi.
Ravza bogʻi visolin istar esang,
Boʻl onaning oyogʻin tuprogʻi.

* * *

Yigitlikda yigʻ ilmning maxzani,
Qarilik chogʻi sarf qilgʻil ani.

* * *

Sen agar tarki tamaʼ qilsang,
ulugʻ ishdur bukim,
Olam ahli barcha boʻlgʻay bir taraf,
sen bir taraf.

* * *

Kimki bir koʻngli buzugʻning
xotirin shod aylagay,
Oncha borkim, Kaʼba vayron boʻlsa,
obod aylagay.

* * *

Ablah ani bilki,
olamdin baqo qilgʻay tamaʼ,
Ahmaq ulkim, olam ahlidin
vafo qilgʻay tamaʼ.

* * *

Yaxshi kishilar birla
tutar boʻl suhbat,
To bergay amon sharirdin
ul suhbat.

* * *

Aylama oʻz raʼyingga koʻp eʼtiqod,
Muʼtamad el raʼyidin ista kushod.

* * *

Adab kichik yoshligʻlarni ulugʻlar duosigʻa sazovor etar.

* * *

Beishq ulusqa kom uyqu,
Ishq ahligʻadur harom uyqu.

* * *

Burungʻi yillar oshliqni yaxshi asrangkim, soʻnggi yillarda yaragʻay.

* * *

Ilmni kim vositayi joh etar,
Oʻziniyu xalqni gumroh etar.

* * *

Vafosizdur zamon ahli,
zamonda ne vafo boʻlgʻay,
Vafo ahli bulardin
gar vafo istar, erur nodon.

Turon adiblariga qoʻshiling👇
@Turonadiblari 👈 kanalimiz,
@Turon_adiblari👈 guruhimiz.

https://www.tg-me.com/Turonadiblari

ҚАЙГА БОРСАМ, БОШДА ДЎППИМ...
(Қозоғистон. Туркистон. Сайрам)

Турон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.

https://www.tg-me.com/Turonadiblari

™МАДАНИЯТ ВА САНЪАТ ХОДИМЛАРИ КУНИ” МУНОСАБАТИ БИЛАН

Дунё тамаддунига бешикдир бу юрт,
Коинот тоқига эшикдир бу юрт. 
 
Берунийдан мерос қолди Молилҳинд,
Бобур юрушини тўсолмади Синд. 
 
Дегиз ортида бор деб қуруқлик, Рақамларда биз сифрни яратдик. 
 
Кўкга қўйган қадим нарвонимиз бор,
Ипак йўлда юрган карвонимиз бор. 
 
Самарқандда буюк шаҳар қурганмиз,
Соҳибқирон бўлиб ҳукм сурганмиз. 
 
Биринчи тузук ҳам биздан нишона,
Ғарбдаги узук ҳам биздан нишона. 
 
Бухоромиз илм маркази бўлган, Ал-Бухорий ҳадисни саҳиҳ қилган. 
 
Одоб сўз мулкининг султонидандир,
Китобат ҳам унинг девонидандир. 
 
Нафис санъатда йўқ бизнинг тенгимиз,
Қўшиққа-куйда ошнодир кўнглимиз. 
 
Улуғ зотлардан мерос маданият, 
Санъатимиз берган дунёга ҳайрат. 
 
Табобатда-ки тенгисиз олам ичра,
Заковат соҳиби биз одам ичра. 
 
Бешикдан бошланар тарбия бизда,
Буюк ҳикматлар бор жон алламизда. 
 
Дунё тамаддунин дояси - Ўзбек, Учинчи ренесанснинг қояси - Ўзбек. 
 
✍️ Азизуллаҳ Арал,
Тошкент.

Турон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.

https://www.tg-me.com/Turonadiblari



™MADANIYAT VA SAN’AT XODIMLARI KUNI” MUNOSABATI BILAN

Dunyo tamadduniga beshikdir bu yurt,
Koinot toqiga eshikdir bu yurt. 
 
Beruniydan meros qoldi Molilhind,
Bobur yurushini to’solmadi Sind. 
 
Degiz ortida bor deb quruqlik, Raqamlarda biz sifrni yaratdik. 
 
Ko’kga qo’ygan qadim narvonimiz bor,
Ipak yo’lda yurgan karvonimiz bor. 
 
Samarqandda buyuk shahar qurganmiz,
Sohibqiron bo’lib hukm surganmiz. 
 
Birinchi tuzuk ham bizdan nishona,
G’arbdagi uzuk ham bizdan nishona. 
 
Buxoromiz ilm markazi bo’lgan, Al-Buxoriy hadisni sahih qilgan. 
 
Odob so’z mulkining sultonidandir,
Kitobat ham uning devonidandir. 
 
Nafis san’atda yo’q bizning tengimiz,
Qo’shiqqa-kuyda oshnodir ko’nglimiz. 
 
Ulug’ zotlardan meros madaniyat, 
San’atimiz bergan dunyoga hayrat. 
 
Tabobatda-ki tengisiz olam ichra,
Zakovat sohibi biz odam ichra. 
 
Beshikdan boshlanar tarbiya bizda,
Buyuk hikmatlar bor jon allamizda. 
 
Dunyo tamaddunin doyasi - O’zbek, Uchinchi renesansning qoyasi - O’zbek. 
 
✍️ Azizullah Aral,
Toshkent.

Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/turonadiblari




«مدنیت و صنعت خادملری کونی» مناسبتی بیلن

  دنیا تمدنیگه بیشیک دیر بو یورت ،
کاینات طاقیگه ایشیک دیر بو یورت. 
 
بیرونی دن میراث قالدی ماللهند ،
بابر یوروشینی توسالمهدی سند. 
 
دینگیز آرتیده بار دیب قوروقلیک ، رقملرده بیز صفرنی یرتدیک. 
 
کوککه قویگن قدیم نروانیمیز بار ،
ایپک یولده یورگن کروانیمیز بار. 
 
سمرقندده بویوک شهر قورگنمیز ،
صاحب قرآن بولیب حکم سورگنمیز. 
 
بیرینچی توزوک هم بیزدن نشانه ، غربدهگی اوزوک هم بیزدن نشانه. 
 
بخارامیز علم مرکزی بولگن ،
البخاری حدیثنی صحیح قیلگن.
 
آداب سوز ملکینینگ سلطانیدندیر ، کتابت هم اونینگ دیوانیدندیر.
 
نفیس صنعتده یوق بیزنینگ تینگیمیز ،  قوشیققه-کویگه آشنادیرکونگلیمیز. 
 
اولوغ ذاتلردن میراث مدنیت ،
صنعتیمیز بیرگن دنیاگه حیرت.
 
طبابتده که تینگیسیز عالم ایچره، ذکاوت صاحبی بیز آدم ایچره .
 
بیشیکدن باشلنر تربیه بیزده ،
بویوک حکمتلر بار جان اللأ میزده  
دنیا تمدننین دایه سی - اوزبیک ،
اوچینچی رنسانس نینگ قایه سی - اوزبیک. 
 
عزیزالله ارال،
تاشکینت

توران أدیبلریگه  قؤشیلینگ
Turon adiblariga qo‘shiling:
@Turon_adiblari 👈 guruhimiz گوروهیمیز
@Turonadiblari 👈 kanalimiz کانالیمیز

https://www.tg-me.com/turonadiblari

Улуғбек Ҳамдамнинг "Мувозанат" китобидан Маҳаммат Абдураҳмонов

Турон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.

https://www.tg-me.com/Turonadiblari

Mən də özbək Bolası
🎤 Mehdi Hasanov 🇦🇿🤝🇺🇿

Turan ədıblarına qoşulun:
@Turon_adiblari 👈 qrupumuz,
@Turonadiblari 👈 kanalımız.

Turan ədıbları kanalı
https://www.tg-me.com/Turonadiblari

MENING...
🎤 Rahimboy Jumaniyoz.

Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/turonadiblari

ХИЗР БИЛ...

Ҳар ким кўрсанг Хизр бил...
Аҳмад Яссавий ҳикмати

Бино қўйма ўзингга, бандасига хос эмас,
Манманлигу такаббур ҳеч кимсага ярашмас.
Бесамар ўтган умр, киройи умр эмас,
Ҳар кунингни қадр қил,
Ҳар ким кўрсанг Хизр бил.

Эрк бермагин тилингга, ғараз солма дилингга,
Бўлиқ буғдой кутмагил, арпа экиб ерингга.
Қайтар дунё дейдилар, бу нақлни унутма,
Ҳар кунингни қадр қил,
Ҳар ким кўрсанг Хизр бил.

Умр отлиғ ул оҳу қошу қабоқ ораси,
Озор берма бировга, битмас кўнгил яраси.
Бўлай десанг эй одам, бани башар сараси,
Ҳар кунингни қадр қил,
Ҳар ким кўрсанг Хизр бил.

Майли юлдуз кўзлагил, вале доим огоҳ тур,
Мудом боқмай самога, оёқ остин қараб юр.
Ҳаловатим ўғирлаб, тинчлик бермас битта ўй:
Ҳар кунингни қадр қил,
Ҳар ким кўрсанг Хизр бил.

Чўбин от минганингда, бўзлаб қолсин бошқалар,
Савоб амалларингдан сўзлаб қолсин бошқалар.
Изларингдан юрмоқни кўзлаб қолсин бошқалар,
Ҳар кунингни қадр қил,
Ҳар ким кўрсанг Хизр бил.


ОНАМДАН ХАБАР ОЛИНГ...

Ҳаммасига қўл силтаб,
Қизлик уйга йўл солинг.
Қоракўз сингилларим,
Онамдан хабар олинг.

Меҳри уммон, кўнгли оқ,
Дийдорингизга муштоқ.
Бироз мазаси йўқроқ –
Онамдан хабар олинг.

Соғинади эрта-кеч,
Ёлғизлатиб қўйманг ҳеч.
Бирин-кетин, пешма пеш –
Онамдан хабар олинг.

Иссиқ овқатин ўраб,
Қайноққина чой дамлаб,
Ўтирибди йўл қараб –
Онамдан хабар олинг.

Гавҳарим, ҳожи онам,
Жавҳарим, ҳожи онам.
Тенгсиз ганжу-хазинам,
Онамдан хабар олинг.

Ойда бир хабар олмай,
Уялмай сиздан сўрай,
Ўғил бўлмай мен ўлай –
Онамдан хабар олинг...

✍ Шуҳратбек Деҳқонов

Турон адиблари телеграм канали ва гуруҳи👇
@Turonadiblari 👈 каналимиз,
@Turon_adiblari👈 гуруҳимиз.


XIZR BIL...

Har kim koʻrsang Xizr bil...
Ahmad Yassaviy hikmati

Bino qoʻyma oʻzingga, bandasiga xos emas,
Manmanligu takabbur hech kimsaga yarashmas.
Besamar oʻtgan umr, kiroyi umr emas,
Har kuningni qadr qil,
Har kim koʻrsang Xizr bil.

Erk bermagin tilingga, gʻaraz solma dilingga,
Boʻliq bugʻdoy kutmagil, arpa ekib yeringga.
Qaytar dunyo deydilar, bu naqlni unutma,
Har kuningni qadr qil,
Har kim koʻrsang Xizr bil.

Umr otligʻ ul ohu qoshu qaboq orasi,
Ozor berma birovga, bitmas koʻngil yarasi.
Boʻlay desang ey odam, bani bashar sarasi,
Har kuningni qadr qil,
Har kim koʻrsang Xizr bil.

Mayli yulduz koʻzlagil, vale doim ogoh tur,
Mudom boqmay samoga, oyoq ostin qarab yur.
Halovatim oʻgʻirlab, tinchlik bermas bitta oʻy:
Har kuningni qadr qil,
Har kim koʻrsang Xizr bil.

Choʻbin ot minganingda, boʻzlab qolsin boshqalar,
Savob amallaringdan soʻzlab qolsin boshqalar.
Izlaringdan yurmoqni koʻzlab qolsin boshqalar,
Har kuningni qadr qil,
Har kim koʻrsang Xizr bil.


ONAMDAN XABAR OLING...

Hammasiga qoʻl siltab,
Qizlik uyga yoʻl soling.
Qorakoʻz singillarim,
Onamdan xabar oling.

Mehri ummon, koʻngli oq,
Diydoringizga mushtoq.
Biroz mazasi yoʻqroq –
Onamdan xabar oling.

Sogʻinadi erta-kech,
Yolgʻizlatib qoʻymang hech.
Birin-ketin, peshma pesh –
Onamdan xabar oling.

Issiq ovqatin oʻrab,
Qaynoqqina choy damlab,
Oʻtiribdi yoʻl qarab –
Onamdan xabar oling.

Gavharim, hoji onam,
Javharim, hoji onam.
Tengsiz ganju-xazinam,
Onamdan xabar oling.

Oyda bir xabar olmay,
Uyalmay sizdan soʻray,
Oʻgʻil boʻlmay men oʻlay –
Onamdan xabar oling...

✍ Shuhratbek Dehqonov.

Turon adiblari telegram kanali va guruhi👇
@Turonadiblari 👈 kanalimiz,
@Turon_adiblari👈 guruhimiz.

https://www.tg-me.com/Turonadiblari

* *  *  *

Эй кўнгил, жонон томон кетмоқдасан,
Ким назарлардан ниҳон кетмоқдасан.

Ой мисол чок айлабон кўйлакларинг,
Офтоб, осмон томон кетмоқдасан.

Эй заминда ўлтирурсан, аслида
Етти ул айвон томон кетмоқдасан.

Суратингдир бунда меҳмонлар билан,
Энг буюк мезбон томон кетмоқдасан.

Энг буюк наққошдадир ул мўйқалам,
Нақшу сурат ичра жон кетмоқдасан.

Сувдайин кетмоқдасан тупроққа сен,
Эй ҳаёт, бўстон томон кетмоқдасан.

Бу жаҳондан ғам чекиб оламжаҳон,
Чарх уриб, рақс айлабон кетмоқдасан.

Қанча эл ғафлатда ётгай ноаён,
Барча элдан ноаён кетмоқдасан.

Ҳолимизни кўргилу еткиз хабар,
Ким буюк султон томон кетмоқдасан.

* *  *  *

Гул каби гулшан томон кетмоқдасан,
Сендаман мен, сен қаён кетмоқдасан?

Лолу гунг бўлди сени савсан кўриб,
Гулрухим, савсан томон кетмоқдасан.

Майфуруш икки лабингдин, эй санам,
Бергали мастларга жон, кетмоқдасан.

Дилраболар ортингда юлдуз мисол,
Сен тўлин ойсан, жаҳон кетмоқдасан.

Ўзга бир оташ ёқурсан ҳар кима,
Тошми темирдил – ниҳон кетмоқдасан.

Мен сенинг зарранг бўлиб рақс айлагум,
Эй қуёш, равзан томон кетмоқдасан.

Сурма янглиғ кўзга солгайман сени,
Эй дил, эй дил, беомон кетмоқдасан.

✍️ Мавлоно Жалолиддин Рўмий.
Форсийдан Сирожиддин Саййид таржималари.

Турон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.



* *  *  *

Ey koʻngil, jonon tomon ketmoqdasan,
Kim nazarlardan nihon ketmoqdasan.

Oy misol chok aylabon koʻylaklaring,
Oftob, osmon tomon ketmoqdasan.

Ey zaminda oʻltirursan, aslida
Yetti ul ayvon tomon ketmoqdasan.

Suratingdir bunda mehmonlar bilan,
Eng buyuk mezbon tomon ketmoqdasan.

Eng buyuk naqqoshdadir ul moʻyqalam,
Naqshu surat ichra jon ketmoqdasan.

Suvdayin ketmoqdasan tuproqqa sen,
Ey hayot, boʻston tomon ketmoqdasan.

Bu jahondan gʻam chekib olamjahon,
Charx urib, raqs aylabon ketmoqdasan.

Qancha el gʻaflatda yotgay noayon,
Barcha eldan noayon ketmoqdasan.

Holimizni koʻrgilu yetkiz xabar,
Kim buyuk sulton tomon ketmoqdasan.

* *  *  *

Gul kabi gulshan tomon ketmoqdasan,
Sendaman men, sen qayon ketmoqdasan?

Lolu gung boʻldi seni savsan koʻrib,
Gulruxim, savsan tomon ketmoqdasan.

Mayfurush ikki labingdin, ey sanam,
Bergali mastlarga jon, ketmoqdasan.

Dilrabolar ortingda yulduz misol,
Sen toʻlin oysan, jahon ketmoqdasan.

Oʻzga bir otash yoqursan har kima,
Toshmi temirdil – nihon ketmoqdasan.

Men sening zarrang boʻlib raqs aylagum,
Ey quyosh, ravzan tomon ketmoqdasan.

Surma yangligʻ koʻzga solgayman seni,
Ey dil, ey dil, beomon ketmoqdasan.

✍️ Mavlono Jaloliddin Roʻmiy.
Forsiydan Sirojiddin Sayyid tarjimalari.

Turon adiblariga qo‘shiling 👇
@Turonadiblari 👈 kanalimiz,
@Turon_adiblari👈 guruhimiz.

https://www.tg-me.com/Turonadiblari

ЎЗБEК ТИЛИ  
 
Қадринг асло тушмасин, эй жонажон, Ўзбек тили, 
Жумла офатдан Худо қилсин омон, Ўзбек тили.
 
Сенга қасд этган кишиларнинг тутилсин тиллари,
Бизга сен аждоддан қолган нишон, Ўзбек тили.
 
Фахр этармизким, сенинг тарихи мавзунг кўруб,
Ўзга тил олдидиа мағлуб бўлмаган, Ўзбек тили.
 
Вақт келдики, Навоий икки тилни ўлчади, 
Сен ўзиб чиққан эдинг ул бир замон, Ўзбек тили.
 
Яхши ўғлонинг қўлида шуҳратинг чиққан эди,
Осиёни қоплаган соҳибқирон Ўзбек тили.
 
Мен Темур, Тангри қули деб битган имзо ўрнига, Номасинким Оврупога йўллаган Ўзбек тили.
 
Ёзганида шоҳ Бобур номасин ўзбекчада,
Олам аҳли бош эгиб олқишлаган Ўзбек тили.
 
Қобилятлик далили «Хамса»да бўлди аён, 
То Алишер айлаган юз имтиҳон Ўзбек тили.
 
Кимки ўзбек бўлса, кўрсатсин сенга ихлосни, 
Ўзга тилдан қолмагандир ҳеч замон Ўзбек тили.
 
Сендан устун кўрса, ҳар бир тилни ул ўзбек эмас, 
Бу каби озғинни ҳам лаънатлаган Ўзбек тили.  
 
Форси тилни ёқлаганлар қайнаган бир даврда,  
Бу тафаккур ҳиммати-ла яшнаган Ўзбек тили.  

Ўзга тилнинг шавкатига ларза солмоқлик билан  Илм-фанга хизматин тўхтатмаган Ўзбек тили.
 
Неча минг шоирга девон ёздирибдир ушбу тил,
Бастакорлар завқ бирлан куйлаган Ўзбек тили.
 
Асрга лойиқ эмас деб кикки даъво айласа,
Бемаза сўзларга асло боқмаган Ўзбек тили.
 
Эй тилим, ўксинма, халқинг бор сени миллионлаган, 
Сен билан бирга яшар халқи жаҳон Ўзбек тили.
 
Сен тилимсан, севгили ширин азизу меҳрибон, 
Алла айтганда оналар бошлаган Ўзбек тили.
 
Мен онам янглиқ сени ҳурматлагайман доимо, Бошқалар ҳам мен каби ҳурамтлагай, Ўзбек тили.
 
Ўзга тилда ёзгувчиларни Навоий таън этар, 
Хисравийни турк-ҳинд деб сўзлаган Ўзбек тили.
 
Гарчи Маҳжурий узоқ элда юрар, оғиздасан,  
Сен унга илҳом бериб қилдинг фиғон, Ўзбек тили.

✍ Яъқубхўжа Маҳжурий,
Саудия Арабистони.
(Араб ёзувидан Муқимжон Нурбоев ўгирди)

Турон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.



OʻZBEK TILI 
 
Qadring aslo tushmasin, ey jonajon, Oʻzbek tili, 
Jumla ofatdan Xudo qilsin omon, Oʻzbek tili.
 
Senga qasd etgan kishilarning tutilsin tillari,
Bizga sen ajdoddan qolgan nishon, Oʻzbek tili.  
 
Faxr etarmizkim, sening tarixi mavzung koʻrub, 
Oʻzga til oldidia magʻlub boʻlmagan, Oʻzbek tili.
 
Vaqt keldiki, Navoiy ikki tilni oʻlchadi, 
Sen oʻzib chiqqan eding ul bir zamon, Oʻzbek tili.
 
Yaxshi oʻgʻloning qoʻlida shuhrating chiqqan edi,
Osiyoni qoplagan sohibqiron Oʻzbek tili. 
 
Men Temur, Tangri quli deb bitgan imzo oʻrniga, Nomasinkim Ovrupoga yoʻllagan Oʻzbek tili.
 
Yozganida shoh Bobur nomasin oʻzbekchada, 
Olam ahli bosh egib olqishlagan Oʻzbek tili.
 
Qobilyatlik dalili “Xamsa”da boʻldi ayon,
To Alisher aylagan yuz imtihon Oʻzbek tili.
 
Kimki oʻzbek boʻlsa, koʻrsatsin senga ixlosni,
Oʻzga tildan qolmagandir hech zamon Oʻzbek tili.
 
Sendan ustun koʻrsa, har bir tilni ul oʻzbek emas,
Bu kabi ozgʻinni ham laʼnatlagan Oʻzbek tili.
 
Forsi tilni yoqlaganlar qaynagan bir davrda, 
Bu tafakkur himmati-la yashnagan Oʻzbek tili.
Oʻzga tilning shavkatiga larza solmoqlik bilan  Ilm-fanga xizmatin toʻxtatmagan Oʻzbek tili.
 
Necha ming shoirga devon yozdiribdir ushbu til,
Bastakorlar zavq birlan kuylagan Oʻzbek tili.
 
Asrga loyiq emas deb kikki daʼvo aylasa,
Bemaza soʻzlarga aslo boqmagan Oʻzbek tili.
 
Ey tilim, oʻksinma, xalqing bor seni millionlagan, 
Sen bilan birga yashar xalqi jahon Oʻzbek tili.
 
Sen tilimsan, sevgili shirin azizu mehribon, 
Alla aytganda onalar boshlagan Oʻzbek tili.
 
Men onam yanglq seni hurmatlagayman doimo, Boshqalar ham men kabi huramtlagay, Oʻzbek tili.
 
Oʻzga tilda yozguvchilarni Navoiy taʼn etar,
Xisraviyni turk-hind deb soʻzlagan Oʻzbek tili.
 
Garchi Mahjuriy uzoq elda yurar, ogʻizdasan, 
Sen unga ilhom berib qilding figʻon, Oʻzbek tili.

✍ Yaʼqubxoʻja Mahjuriy,
Saudiya Arabistoni.
(Arab yozuvidan Muqimjon Nurboyev oʻgirdi)

Turon adiblariga qo‘shiling 👇
@Turonadiblari 👈 kanalimiz,
@Turon_adiblari👈 guruhimiz.

https://www.tg-me.com/Turonadiblari

ОНАЖОН  
 
Гўзал байтлар битгим келар сизга, онажон.  
Келади деб кутгим келар ҳар тонг, онажон.  
Пойингизни ўпгим келар азиз, онажон.
Лекин сиз йўқ, қақшаб қолди танамдаги жон, 
Мозорингиз нурга тўлсин дуолардан, онажон!  
 
Сизсиз дунё тайинсиздай туюлиб қолди, 
Юрак-бағрим ўқ теккандай ўйилиб қолди. 
Баҳористон қадди гўё букилиб қолди, 
Сизсиз дунё қоронғудир, тордир, онажон.  
Бир умрга дуоингиз ёрдир, онажон. 
 
Тақдир экан, жаҳон излаб даво топмадим, 
Дард тортдингиз, дардингизга оро топмадим, 
Ҳатто дод деб йиғлай десам, овоз топмадим. 
Уч ўғил, қиз чорасизмиз, қолди кўп армон, 
Наҳот энди ҳаёт ўтар сизсиз, онажон.  
 
Жигарларга ўрнингизга меҳр берайми,  
Худди сиздек юрагимни бўлиб берайми, 
Дард тортсалар, улар учун сиздек ўлайми,  
Тоғдек юрак сизсиз энди қушдек, онажон.  
Жаҳонгирга ўтган умр тушдек, онажон.

✍ Яъқубхўжа Маҳжурий,
Саудия Арабистони.
(Араб ёзувидан Муқимжон Нурбоев ўгирди)


ONAJON  
 
Go‘zal baytlar bitgim kelar sizga, onajon.  
Keladi deb kutgim kelar har tong, onajon.  
Poyingizni o‘pgim kelar aziz, onajon.
Lekin siz yo‘q, qaqshab qoldi tanamdagi jon, 
Mozoringiz nurga to‘lsin duolardan, onajon!  
 
Sizsiz dunyo tayinsizday tuyulib qoldi, 
Yurak-bag‘rim o‘q tekkanday o‘yilib qoldi. 
Bahoriston qaddi go‘yo bukilib qoldi, 
Sizsiz dunyo qorong‘udir, tordir, onajon.  
Bir umrga duoingiz yordir, onajon. 
 
Taqdir ekan, jahon izlab davo topmadim, 
Dard tortdingiz, dardingizga oro topmadim, 
Hatto dod deb yig‘lay desam, ovoz topmadim. 
Uch o‘g‘il, qiz chorasizmiz, qoldi ko‘p armon, 
Nahot endi hayot o‘tar sizsiz, onajon.  
 
Jigarlarga o‘rningizga mehr beraymi,  
Xuddi sizdek yuragimni bo‘lib beraymi, 
Dard tortsalar, ular uchun sizdek o‘laymi,  
Tog‘dek yurak sizsiz endi qushdek, onajon.  
Jahongirga o‘tgan umr tushdek, onajon.

✍ Yaʼqubxoʻja Mahjuriy,
Saudiya Arabistoni.
(Arab yozuvidan Muqimjon Nurboyev oʻgirdi)

Turon adiblariga qo‘shiling 👇
@Turonadiblari 👈 kanalimiz,
@Turon_adiblari👈 guruhimiz.

https://www.tg-me.com/Turonadiblari