#_قصيدة_للقاسم_ابن_الحسن
محرم 1447 هـ 2025 م


عريس عدنا ابن الحسن..
گومن نشعل شموعة
======================
يلله يعماتة بعجل  كَومن نشعل شموعة
عريس رايح للاجل  كَومن نشعل شموعة
ويلاه يا دهري شعمل  گومن نشعل شموعة
واسني بوليدي المشة  وانة اصبحت مفجوعة
عريس عدنا ابن الحسن  گومن نشعل شموعة
=====================
ثوب الشهادة يلوك الة  كَومن نشعل شموعة
وارثها من عودة وهلة  كَومن نشعل شموعة
خنزفة زفة معــــــدلة  كَومن نشعل شموعة
وليدي واعز من الهوة  واليوم ازفة ابلوعة
عريس عدنا ابن الحسن  گومن نشعل شموعة
============++++++++++++
محظرتلك ثياب العرس
يالعندي اغلى من النفس
اهدومك بدم تنتــــــرس
للموت ازفك يالــولد والونة ما مسموعة
===================
ها يبني يا لب الگلب
زفيتك بثوب الحرب
ودموعي يالغالي تصب
گلبي طلع لمن رحت بس لازماتة اضلوعة
====================
اتهنة يبعد ارويحتي
وخليني انة ابمحنتي
تفت الصخر يا ونتي
ما حسبت تالي العمر عرسك نطفي اشموعة
======================
أسالكم الدعاء رائد الاسدي

من  نزل للحومه
چن علي بعلومه

هذا الأكبر............هذا الأكبر
******************************
يسل بتاره.....يشن  غاره  صگر  سيفه غضب
هذا ابو الشيمه..يحط غيمه فخر شيخ العرب
ماخذ الشاره...دوت ناره.....زعل  يوم  الحرب
ياهلا بزوده...يجي بجوده....زرع  بيهم  رعب

نبع طاهر يومه
چن علي بعلومه
*******************************
رايته الخضره...وفه ابعمره.....فخر جده علي
هاي حملاته....علي ابذاته....  شبه طه   جلي
وافد ابدينه....رضا اسكينه...علي اشگد معتلي
يكتب افكاره ....بده  ابثاره....رفع  چفه علي

حلوه چنهه ارسومه
چن   علي   بعلومه
*******************************
رد علي بيها ..تره احچيها... شبه موته  حمر
بيرغ الساده...جزه القاده...علي واسمه فخر
حلوه بزنوده..وفه اعهوده....ترس خيمه نهر
غيره مشهوده...اجه بجوده....مثل عمه  گمر

تضوي حتى انجومه
چن علي بعلومه
*******************************
خيبره ردها...وصل حدها...رحم  سيفه لطف
رافع الرايه...يدك  ثايه.....يصف  سدها حلف
هذا ابن طه....سمه اتباها....رسم  سوح الشرف
ذل مياديها......علي وبيها.......رجف ركن النجف

سيفه يجلي اهمومه
چن علي بعلومه
*******************************
صارمه بكيفه....اخذ حيفه...مطر  غيضه وصل
حلوه بطباعه....على اذراعه....مثل عمه  حمل
مصدر الغيره...حلو سيره...وفه احسينه نزل
وفه ابسنينه....نصر دينه....حذف صوت الجهل

صرح نحر ادمومه
چن علي بعلومه
*******************************
تمت بعون الله تعالى الشاعر____يوسف_الفتلاوي

يا وجيهاً .. اتيهَن .. واحِير ابدونك
مالي غيرَك .. اعلَه خَيرك .. عِشِت مَمنونك
★★٭٭٭٭★★٭٭٭٭★★٭٭٭٭★★
الدنيا لو ضاگت عليّه والفَرَج سَد بابه
ما ادوّر غير وَجهك لا أَحَسْب احسابه
تسكن اوجاعي بحضرتك والهضُم واتعابه
وحتى لو مصيوب يمّك گلبي ينسه صوابه
يا مَلاذ الجِراحي ،، بسمك الگه ارتياحي
يكفي اگوله الهم يزوله ويمحي كل ضيج وعسر
الطرق كلهه عندي ،، الكربله بس توّدّي
وما عداهه يظل متاهه ولا نفع بي بل يضر

ياشفيعاً .. اضيعَن .. بدون عيونك
مالي غيرك .. اعله خيرك .. عشت ممنونك
★★٭٭٭٭★★٭٭٭٭★★٭٭٭٭★★
آنه شمقدملك آنه بَلّه شمضحيلك
غير ثوب اسود ودمعه وكل سنه أمشيلك
وانتّ المغطيني خيرك بيش اعد وابديلك
يا مْبَدّل سيّئاتي بحَسَنات ادخيلك
ذنوبي والله تِعثّر ،، و جُودك اعليّه يستر
وعن سوادي اللِي بفؤادي بعطفك تغض النظر
دمّي بيك ايتوّضّه ،، وگلبي الاسود تبيضه
روحي تطهر يا بو الاكبر تمحي ذنبي شما كُبَر

والله اعشگك .. واشهگك .. هَوَه لمَجنونك
مالِي غيرك .. اعله خيرك .. عشت ممنونك
★★٭٭٭٭★★٭٭٭٭★★٭٭٭٭★★
من زَحام آلامي اغادر من ضجيج العالم
و اجفي كل شي ما يشبهك يا أعَز ابنادم
اتعب من الناس وامشي ارتاح وسْط الماتم
بغير اجواءك يروحي روحي ما تتوالم
من دُخان اليطبخون ،، لو غُبار اللِّي يمشون
ماكو اقرب لَيّه واطيَّب واغله من هذا العطر
يا جنون المشاعر ،، بچلمة اهلاً يزاير
من استمعهه يهل دمعهه عيني فرحانه شكثر

ما أخُونه .. أصُونه .. ملح ماعونك
مالي غيرك .. اعله خيرك .. عشت ممنونك
★★٭٭٭٭★★٭٭٭٭★★٭٭٭٭★★
من صِباي لحَد منيتي انت كل همومي
يا هَويتي ويا قضيتي يا صَلاتي وصَومي
اوياك اخلّص يومي وارجع ابدي بِسمك يومي
اوياك آني بخير عمري اوياك زينه علومي
في منامي ويقضتي ،، في سكوني ونبضتي
بالجوانِح بالجوارِح انتّ حاضر ما تغيب
اويه الدِمه تجري بيّه ،، والله يابو رُقيّه
انت صِيتي وانت بيتي وانه من دونك غريب

انتّ داري .. يداري .. بصدگ مفتونك
مالي غيرك .. اعله خيرك .. عشت ممنونك
★★٭٭٭٭★★٭٭٭٭★★٭٭٭٭★★
وداعتك ما يگضي يومي الإ وانت ابّالي
وما انامن ليلي اذا مو صورتك تبرالي
آني اذا مو انت عندي بدنيتي شيبقالي
(بأبِي أنتّ وأُمّي) وصحبتي وعيالي
بشِفْتي يسجد حنيني ،، وتغرگ بدمعي عيني
من اذكر اسمك وابقه اكلمك يا حبيبي يا حسين
هيّ هايه احلَه جمله ،، يا حبيبي والاحله
(نورَ عَيني) بكل يقيني ذني اصدق كلمتين

يا نهر حُب .. ضوه يصُب .. اعله اليحبونك
مالي غيرك .. اعله خيرك .. عشت ممنونك
★★٭٭٭٭★★٭٭٭٭★★٭٭٭٭★★
شماله ميجِن بيك عگلي وبِيك الِيجِن يكمَل
فطرة الوادم تحبّه السيفه بالعِز ينسَل
يالطِحِت منحور خاطر رايتك ما تنذل
وعالرمح مرفوع راسك آية الله رتّل
مفطّره برمحه شِفته ،، ورتلَت ﴿أم حَسِبْتَ﴾
ماهي عِجبه ولا هي صَعبه قصّة اصحاب الكهف
قصة الطف الاعجب ،، بيهه مسبيه زينب
تروح اميره تعود اسيره وهيّ بِت والي النجف

شما بِچيتك .. ونِعيتك .. اظل مديونك
مالي غيرك .. اعله خيرك .. عشت ممنونك
★★٭٭٭٭★★٭٭٭٭★★٭٭٭٭★★

ياسر حسن
ذو الحجة ¹⁴⁴⁷

نزلة عزاء

ولد حيدر بالحرب. سدوا اليوم الدرب
هلا بيهم يزينب هلا بيهم
==========
طبوا اليوم المعاره. كلمن ولازم فقاره
للعساكر ماكو جاره رفرفت هالرايه
نزلوا ورفرف لواهم والهوه يلوذ بكفاهم
يعمي بالعسكر ضواهم بيها دكوا ثايه
هذا اخوج اوولد اخوتج زينب وسمعو نخوتِج
لبو فاضل وصل صوتج هاي هيه الغايه

يشرد العسكر صعب سدو اليوم الدرب
هلا بيهم يزينب هلا بيهم
==========
الكمر صاح لولد اخوته والعساكر طبها صوته
كلها صارت كلها موته موت بيهم حاصل
عمي يالاكبر تقدم. وانت ياجاسم تحزم
من يصل صوب المخيم واني عمكم نازل
احنه تربات الصميده خيبره لازم نعيده
السيف خل يكتب قصيده مستهلها الكافل

اگلب الحومه گلب. سدوا اليوم الدرب
هلا بيهم يزينب. هلا بيهم
==========
الميمنه كضها بوفاضل وينكم هل من منازل
بالجثث ماخله فاصل ركاب طَيّرْ سيفه
عالجثث عباس ساحگ ظل هواهم بيده خانگ
ميه ميه بسيفه طابگ الموت صار بكيفه
يابشر هذا المحارب داس هاليوم الشوارب
دخن وطباها غاضب. وأخذ منهم حيفه

النسمه جنه من يهب. سدوا اليوم الدرب
هلا بيهم يزينب. هلا بيهم
==========
صاحله يوليدي الاكبر والهوه يدورله معبر
العسكر كباله تعثر علي طب للقاده
تنومسوا كلهم عمامه علي من جرد حسامه
ياشهم وشهل شهامه هلا ببن الساده
حيدر بصورة جماله. انت يالوارث خصاله
القاده تسلم استحاله النصر عندك عاده

قاده عالقاده تذب. سدوا اليوم الدرب
هلا بيهم يزينب. هلا بيهم
هلا بيهم يزينب. هلا بيهم
==========
الميسره كله يجاسم دوس بيها اعل الجماجم
موزغير اعل الملاحم من يصل لحدودك
يبن اخوي عليه طالع كوم شوفهم مواجع
خيبر الطف وانت قالع مثل جدك زودك
يبني طشرها الكتايب عمتك زينب تراقب
مو زغير اعل المصاعب ماتلاوي ازنودك

خل تسجل هالكتب سدوا اليوم الدرب
هلا بيهم يزينب. هلا بيهم
==========
الشاعر علي النائلي

عطرك بي نداوه ياس يسلب رغبة الذباح
وين الما عرف يشتم يتمرد عله القداح
محد كالي مبارك كالولي البگه براسج
عمامه العرس تزفه بس ابني تزفه رماح

الهاضمني سلابك..... لمن خذه ثيابك
ثيابك حرگهن يمه جدامي
اگعد يالمدلل .......بيه الدمع وشل
من قوس فگدك طلعن سهامي

جازيه الصحره لهاتي
والدمع بلل عباتي....... الحنه بدتها الحوافر
الجان غالي عد عمامه
بخده جان الگمر شامه...... جردت لونه البواتر
...................................................
البخور استشرع بناره لگه بكلبي جمر تنور
الهلاهل ذمه بلسانه الخله كلبي حزنه يفور
بالطف ما يعيش الحوك يمد خلگه ويه مجره الدم
امك عافت الحنه ارجع للخدر ناطور

من ربك معطر....... يالتشبه الأكبر
يل ما متعب امك بجلمه
من امك ادنه...... هلجايبه الحنه
للحنه ايدك مدها يايمه

وين اكو عريس طايح
فوگه حافر جاي رايح........ ليش عرس الطف بواجي
بالشمس نايم وليدي
واني بس هلحنه بيدي.... الدم ذبح لون الخواجي
..................................................
من دار النهر ضهره الحنه توسلت عيني
وللحومه انه زفيتك التردد مو شرع ديني
دمك من وكع ع الكاع رفع راسي كبل رمحك
يجازيك الله يالجازيت حليب البينك وبيني

نوم الهنى نايم.. يوليدي ياجسم
ثاري التنافس ع الذبح شيمه
يمدلل عيوني..... يل بيك فجعوني
عريس هاشم نايم بهيمه

الهيل دنگ يمه حدرك
واستغاث بعطر نحرك......ليش عطرك ما منعهم
شابع العريس اذيه
وذروك عناد بيه......... الهضمه واللجمه شرعهم
.................................................
الشمع فاگد خلگ عينه بفرح لو للحزن نزفه
محد هوس بعرسك السيوف مسويه الك زفة
جابوك وشفت دمك أطول جان من خلكي
شفت عمك عليك يلوب عرفت هنانه شمخلفه

شلونك يبعد امك...... تفز لو اجي يمك
ما تطفه نار البيه حراگه
خلصن مواعيدي........ يشيل الرمح عيدي
اتلاكة ويه راسك يمه ع الناگه

الكوم يمه احرگوا دمي
من بجيتك اجوا يمي....... هوسوا حيل الجموني
الدمعه تاخذني وتردني
ما نشف لو لحضه ردني....... بيك يا يمه عموني
.......................................................
مرتضى عامر الشمري

(( يمه جسام))

دمعه ابأثر دمعه..اعلگلك الشمعه
اودمك الحنه بچفوفي
.. . يمه جسام...
---------@@@-----------
امنية كل أم ييمه عينهه اتشوف
الضنه.
اومن صرت يمه يجاسم جان الي
يوم المنه.
يبني وي روحي اسولف والحلم عندي
انه.
هالسنه حملي يشيله لا بعد يكبر
سنه.
ربيتك بروحي ..يابلسم جروحي
من النسيم اعليك خوفي
...يمه جسام...
اودمك الحنه بچفوفي
...يمه جسام...
-----------@@@--------------
يانضر عيني اوضواها يمن يفديك
العمر.
ياصبر امك واشوفه امدد اگبالي
الصبر.
انه ربيتك ييمه ساعه ساعه
اونتضر.
بيدي لعرسك ازفك مو ازفك
للگبر.
اليل اخلصنه...ونه ابأثر ونه
والبواجي تعمي شوفي
....يمه جسام....
اودمك الحنه بچفوفي
...يمه جسام...
-----------------@@@-----------
اتأملت من تكبر انته تسند لأمك
ضهر.
تالي عكس الي انتضرته ضهري بالفرگه انكسر.
من العطش دلالي ذايب بس اشوفنك
نهر.
هسه جف كلشي بحياتي وگلبي
يوليدي انفطر.
يوليدي ياسلوه...من شوفتك اروه
.. بدونك شمصعب ضروفي .
... يمه جسام...
اودمك الحنه بچفوفي
...يمه جسام....
-----------------@@@-----------------
ماتت الوان الطبيعه وبيهه ماراح انسعد.
ياطبيعه اتسر نضرتي اگبالي مذبوح
الورد.
شلي بعمري بدونك والمن ابأيامه اعد.
وعيني تغفه اعله الوساده وانته تتوسد لحد.
چنت انتضر منك...عريس اشوفنك
..اوماتت الفرحه بطيوفي..
....يمه جسام...
اودمك الحنه بچفوفي
... يمه جسام...
---------------------@@@---------------
ذني شمعاتك يجاسم گوم نعلگهن سوى.
مو الك يضون ييمه انته تنطيهن ضوى.
الدنيه تتنفس عبيرك وانته للدنيه الهوى
واصبحت خنگه بغيابك فارغه بلا محتوى.
من فارگة رسمك...هم حزنت اويمك
كل امل ضاع بطفوفي
يمه جسام
اودمك الحنه بچفوفي
يمه جسام

-------------------@@@------------------
شلون اعوفنك يغالي اويمك الحيل
انهدم.
ياجدم يمشي بغيابك ميت وياك
الجدم.
جرحي شگد بي سوالف عجز
يرويهه الألم.
يبقه حزني اعليك يبني لموتي.
واقسم قسم.
اقسم قسم يبتي..لموتي يضل حزني
وبالحزن هم ليك اوفي
يمه جسام
اودمك الحنه بچفوفي
يمه جسام

للشاعر
ابو عبدالله الشمري
✍️

ذكرى أستشهاد قمر بني هاشم
والله إن قطعتم يمـيني
إنـّي أحـامي أبـداً عـن ديني
و عن إمام صادق اليقين
نجل النبيّ الطاهر الأمين
عظم الله أجورنا وأجوركم بذكرى أستشهاد قمر بني هاشم أبي الفضل العباس " عليه

ذكرى أستشهاد قمر بني هاشم
والله إن قطعتم يمـيني
إنـّي أحـامي أبـداً عـن ديني
و عن إمام صادق اليقين
نجل النبيّ الطاهر الأمين
عظم الله أجورنا وأجوركم بذكرى أستشهاد قمر بني هاشم أبي الفضل العباس " عليه السلام