لوفاة ام البنين عليها السلام

ضحت اشبال وگمرها 
وراحة الروح وعمرها
والشهود ايامها
الجنة تحت اقدامها
ام البنين🚩 😭
★★★★★
تضحيات وجود كلها 
من البداية الحد أجلها
رضا الباري كل املها  
غير هذا مايهمها
يشهد التاريخ الها 
يعجز يوصف فضلها

رغم كل آلآمها
الجنة تحت اقدامها
ام البنين
★★★★★
لاحت جروح الخفيه 
ومرت ايام المنيه
تعاني بالدار الخليه  
وفارگت ابن الزچيه
والبدور الهاشميه  
موحشه اعليها المسيه

اعليها تبچي ايتامها
الجنة تحت اقدامها
ام البنين
★★★★★
يافضل عنها نذكره 
الفاضله الطاهره الحره
أبد ماقصرت مره    
تفخر ابخدمة العتره
أتمنت من الولد عشره  
كون كلهم فده الزهره

فده الطيب انسامها
الجنة تحت اقدامها
ام البنين
★★★★★
ابدارها تنحب عليله  
عگب ابو اليمه نحيله
وابو فاضل والعقيله  
ليله أشد من بعد ليله
الراحة صارت مستحيله 
بدت رحلتها الطويله

والقدر گدامها
الجنة تحت اقدامها
ام البنين
★★★★★
بحر من فيض العداله  
وگفت بوجه الضلاله
ورسمت الحق وجماله 
ونالت بهاي البساله
الفوز من رب الجلاله 
الخدمت اعلام الرساله

نفتخر خدامها
الجنة تحت اقدامها
أم البنين

الشاعر حسن لعيبي الحريشاوي

#مجالس_محرم_الحرام 1447 هـــ
يامولاي الحسين ع

🔹🔸

يايمه ضل اونين _ بيني انه وحسين
هالليله نتفارك بعد يأمي الحنونــه
ــــــــــــــــــــــــــــــــــــــــــــــــــــــــــــــــ
يايمه الفراك اليهد حيلي ويهدني
افراكج الاول والحسين الكسرني
شلون اعيشن والزمن لا مارحمني

هالمسيه دمعي جاري / شنو اليطفيها ناري / في هالمسيه
هذا حزني وانكساري / وله يمكن اصطباري / في الغاضريه

وبكلبي ناريــــن _ ودموعي بالعين
هالليله نتفارك بعد يأمي الحنونــه
ــــــــــــــــــــــــــــــــــــــــــــــــــــــــــــــــ
مخفية المعلم واحس عطرج واشمه
فاركت دارج رحــــت لديــــار ظلمـــه
من موطن الغربــه صحت يايمه يمــه

هذا كلبي وبلهيبه / من وداعج يالحبيبه / وجرح الليالي
من مصيبه للمصيبه / وتالي يايمه غريبه / اتسمى تالي

وشبّجت اليدين _ محتاره للحين
هالليله نتفارك بعد يأمي الحنونــه
ــــــــــــــــــــــــــــــــــــــــــــــــــــــــــــــــ
هالليله كلبي منكسر بوداع الحسين
وكسر الكلب ماينجبر الا عله الونين
بعيني لفراكه الدمــــع صله ركعتين

ماشفت بس المصايب / فاركت وين الحبايب / ونزفت جراحي
بل أسى دلالي ذايب / جرحي بعدج ماهو طايب / واظلم صباحي

وخوتي الميامين _ وكل هاي السنين
هالليله نتفارك بعد يأمي الحنونــه
ــــــــــــــــــــــــــــــــــــــــــــــــــــــــــــــــ
في كربله صب الدمع خلاني احتار
يايمه تدرين الجرى وبكربله اشصار
من بابج الـ باب الخيم لحكتني النار

ليلي ما اكدر انامه / وماشفت لحظة سلامه / واحسب مماتي
كلبج اسمع كل كلامه / واعرف بكسره وحطامه / في كل حياتي

دربي صبح وين _ من غاب الحنين
هالليله نتفارك بعد يأمي الحنونــه
ــــــــــــــــــــــــــــــــــــــــــــــــــــــــــــــــ
باجر حبيبج فاطمه تنزف جراحــــه
والليل ينزف بالحزن يكتل صباحــه
من بعد خوتي الي ماتلفي راحــــــه

راحه ماشفت بحياتي / دهري حطمها امنياتي / وسهمه لجمني
اتوجه بدمعي الصلاتي / وحزني مكتوب المماتي / وسيفه ذبحني

وعني راحلين _ كل المحبين
هالليله نتفارك بعد يأمي الحنونــه
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري

الرادود هادي البوري - السعودية - سيهات

هالليله نتفارك بعد يأمي الحنونــه

الرادود هادي البوري - السعودية - سيهات

هالليله نتفارك بعد يأمي الحنونــه

(مجربه_ام_عباس)

مجرّبه ام عباس من تنخاها
حاضره ابكل الشدد تلّــگاها
ــــــــــــــــــــــــــــــــــــــــــــــــــ
صفّي گلبك يالموالي ونـــــيّتك
ونادي يم عباس وطلب حاجتك
بالكرم معروفه  مترد طـــــلبتك
بالنــــعم والــخير  تترس سلتك

ما تخيّب كل شخص ناداها
مجربه ام عباس من تنخاها
ــــــــــــــــــــــــــــــــــــــــــــــــــ
اتوجه الها وخلي عينك شـــابحه
وخلي دمعاتك على الخد  سايحه
اقرا لم عباس وهدي الـــــــفاتحه
تلــــگه ابواب الســــماء امفـــتحه

وحاجتك تگـضيها ما تنساها
مجربه ام عباس من تنخاها
ــــــــــــــــــــــــــــــــــــــــــــــــــ
ضحت وانطت ولدها الاربــعه
وبالحزن خلّص عمرها مگبّعه
تنادي لجل الدين هينه الفاجعه
والله عظمها وجعلها الــشافعه

الباري يشفع للذي والاهـــــا
مجربه ام عباس من تنخاها
ــــــــــــــــــــــــــــــــــــــــــــــــــ
اسِأل ام عــــباس وطرق بابهه
وگلها احلفج بم حسن ومصابهه
تستجاب وما تأخر اجـــــــوابهه
والله مترد واحد امـــن احبابهه

الله قــدّسهه وكرامه انطاها
مجربه ام عباس من تنخاها
ــــــــــــــــــــــــــــــــــــــــــــــــــ
لو عجز دكتورك وعودك هــــوه
حالتك حرجه وصعب شم الهوه
حــــوله لا عندك ولا عندك قوه
اگصد الها وهيه تنطيك الــدوه

يشفي كل علّه ومريض ادواها
مجربه ام عباس من تنـــخاها
ــــــــــــــــــــــــــــــــــــــــــــــــــ
من تتطيح ابشده وتمر ابعـــــسر
تگصي بيك الدنيا ويضيگ الصدر
لا امل عندك يــــــضل  ولا صـــبر
اتوجه اوحولفها بجــفوف الـــگمر

تفرج اهموم العليك ابــجاها
مجربه ام عباس من تنخاها

✍️ علي كاظم المنصوري
اهدي ثوابها الى روح والدتي

مجربه ام عباس من تنخاها
حاضره ابكل الشدد تلگاها🚩

في ذكرى ام البنين على طور باسم الكربلائي عباس يادرة علي المكنونه

أم البنين الطاهره المحموده
أم البنين الطاهرة المحموده
★★★★★
شاهد كرمها  بالكرم   معروفه
عين الضمير بكل زمان تشوفه
أداوي العلل  باب الشفا الموصوفه
وآثار الها ابكل وكت موجوده
★★★★★
زود وكمال أم البنين الحره
من يوم صارت خادمه للعتره
وضحت ابطال حيود لأجل الزهره
وآثار الها بالكرم مشهوده
★★★★★
أم عبد الله وجعفر  علوم وسيره
وعثمان خلاها الجيوش ابحيره
وام البطل عباس راعي الغيره
يوم الوصل للماي يترس جوده
★★★★★
بعد الطفوف معذبه ومهمومه
خافن ولدها قصروا بالحومه
لبن الزچيه تنحب  ومهظومه
راح الوفي الماخلف يوم عهوده
★★★★★
تنوح وتون طول الوكت معذورة
لمن صفت  دار المجد مهجوره
فگدت ركن دين الإسلام ونوره
وباب الفرح تالي صبحت مسدوده

الشاعر حسن لعيبي الحريشاوي

ام البنين الطاهره المحموده🚩

صوتمن بالباب هاي الكاعدة

صباح الورد .. 🌸☘️
صباحكم خير وبركه..

سَلِ الله أن يحبّك حُبًّا تتجاوزُ به الحياةَ حتّىٰ تنتهي بك
وهو راضٍ عنك .. سله أن يُعظّم الرِّضا في صدرِك ..
واليقين في قلبك ..💜
فتغدو الأمورُ الشَّديدةُ هيّنةً عليك
صباحكم سعاده تغمر قلوبكم 🌸☘️

،،، 💜💜💜