هوسات جنوبية للأمام الجواد



الك يبن الرضا ننصب تعازينه
ولمصابك اليوم بحزن ونينه
بأسمك يالجواد بلهفه نادينه

حيف تموت - وانت اهلك يشورون
غدروك العده وماجو يفزعون
يمحمد عليك الكون مرجون
طارش خل يروح الهم يحظرون
{ من سطح الدار / يشيلونه }

•───✧◐◐✧───•

تحلاله المناحه ولطم الصدور
محمد يومــه مثل ايام عاشور
ثلث تيام ظل بالشمس مشمور

مثل حسين - بس مارضو اضلوعه
والزهره الزچيه اعليه مفجوعـه
شباب الكاظميه ضاكها اللوعـه
{ تنوح اعليه / الزهره الليله }


•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

قصيدة فزاعية للإمام الجواد

#جديد……

مراد عندي وجايه
وابن الرضا تعنيته

•───✧◐◐✧───•

محتاره اجيت بحاجتـي
يم بابه احچي حچايتـي
واعكد بأسمـه شيلتـي
بهموم كلبي نخيته

•───✧◐◐✧───•

معروف بالجود وكرم
والراح عنده مـانـدم
ينزاح يمـــه كل ألم
بس اعتني يم بيتــه

•───✧◐◐✧───•

للكاظميه امشيلـه
وبحاجتي احجيلـه
والحمل هوه يشيله
معروف عالي بصيته

•───✧◐◐✧───•

ميحير كلمن كاصده
ينطي الحاجه وراده
باب الكرم ماساده
والحال يمه شكيته

•───✧◐◐✧───•

مجربينه للضايع فرج
مولاي ياتاسع حجج
تشفي العله والمهج
ومراد منه اخذيته

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

صحت ياباب المراد احسبني خادم يالجواد
خدمتي سجلها يمك من يفتحون السجل


صاحب الجود والكرم مولانا الجواد

#جديد 🔥🔥

قصيدة مربعة للجواد

{ اليوم ابن الحيادة }


اليوم ابن الحياده يعالج الموت
مسموم الجواد وكاطع الصوت

•───✧◐◐✧───•

وحيد ولا اهل يمه وتجي ليه
والسم مارده وكل حيل مابيه
وين اهله تجيله وتنشد اعليه
من السم يويلي چبده مفتوت

•───✧◐◐✧───•

طارش كون يفزع يخبر اهله
يكلهم عالغريب الهم تعله
سمه المعتصم خلاله عله
ومنكم رايدين اليوم زاتوت

•───✧◐◐✧───•

هاي اعظم مصيبه واعظم امصاب
مسموم الجواد وما اله احباب
ظل فوك السطح نايم بلتراب
مايكدر يون وناته بسكوت

•───✧◐◐✧───•

يهد الحيل يايوم الشبابات
ياوسفه ابو الهادي بالغدر مات
الدين بعازته وسفه وحرامات
شايل ياحسافه الحيد مبخوت

•───✧◐◐✧───•

ثلث تيام فوك الدار مطروح
امدد بلشمس يشبهه المذبوح
مثل جده الحسين الدمه مسفوح
الظل بلا غسل وبلايه تابوت

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

وسَلامٌ عليكَ ..
‏حينَّ تُلقى ثلاثًا كجدُّكَ الحُسين بلا دفن
‏والشمَس تستمُد ضياؤهَا مِن نورك ..
‏وسَلامٌ عليكَ يامن بأسمُك تُقضى كُل حاجَة
‏كيف لا ؟ وانتَ ابن موسَى والرضا

فزاعية للأمام الجواد ع

{{ نصبو كل چوادرهم }}

اليوم الساده عالمسموم
نـصـبو كـل چـوادرهــم

•───✧◐◐✧───•

عدهم فاتحه اليلــه
مـيـتهــم دلطميــله
ومجلس عزه نصبيله
بالسم كضه ميتهــم

•───✧◐◐✧───•

شباب وخلصن ايامه
خل نلطم عله الهامه
نعازي اهله الوهامـه
وهـاليله نعـازيـهــم

•───✧◐◐✧───•

على المسموم ونينه
وننصب كل تعازينه
دم ادموع صبينــه
وانون لمصيبتهــم

•───✧◐◐✧───•

لرض الكاظميه نـروح
نبچي والدمع مسفوح
مصابه فتح بينه جروح
مـانــنـساهـا لوعتهــم

•───✧◐◐✧───•

نـتـعـنـالـه مشـايه
وناخذ بيدنه الرايـه
وننصب عزه وقرايه
نواسي الزهره جدتهم

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
اهدي ثواب العمل الى مولاي صاحب الزمان عج

https://www.tg-me.com/um_ali313

نعي للأمام الجواد عليه السلام


مسموم ويون ابوسط داره
مايمه هله تحظر اكتاره
دم چـبدتـه ضلت تجاره

•───✧◐◐✧───•

مسموم محد حظر يمــه
وين ال هاشم تجي بهمه
يون اعله السطح تاسع اليمه

•───✧◐◐✧───•


الساده على امصابه يونون
لمصاب ابنهم خل يحزنون
ثلث تيام نايم موش مدفون

•───✧◐◐✧───•

عزاهم اليله ينصبونـــه
ابنهم ترى غمض اعيونه
بالكاظميه يشيعونـــه

•───✧◐◐✧───•

وينه اليجي ويشيل نعشه
يشيع امامه ويمشي غبشه
اجنازه تريد هواي ممشه

•───✧◐◐✧───•

لبسو حزن سادات الكرام
چوادرهم ينصبوها للأيمام
مسموم الجواد باايد ظلام

•───✧◐◐✧───•

اليوم السلف لمصابه محزون
بااسم الجواد الكل يندبون
لمصيبته ظلو يلطمون

•───✧◐◐✧───•

نعازي الحجه بهذا المصاب
غريب ويون مايمه الاحباب
يحظر بكل بمجلس عله الباب
يشوف اليصب الدمع سجاب

•───✧◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
نهدي العمل لمولاي صاحب الزمان عج


https://www.tg-me.com/um_ali313

قصيدة جنوبية للجواد ع

{ مستهل القصيدة }

أوني اوياي - للفاكـد شبـابـه
على المسموم ونوا يا احبابـه

•───✧◐◐✧───•

ويستاهل الونه ونذرف الدمعه
شباب وبالعنب مسموم ويجرعه
عليه أمه الزجيه اليوم متوجعه
{ وتكله مصابك - أذاني }

•───✧◐◐✧───•

ظل يلوج وحده وبسطح داره
ومايمه هلــه يحظرون انصاره
والهادي بمصابه دموعه تتجاره
{ الراح من ايده - ايون اعليه }

•───✧◐◐✧───•

تفجع موتتــه والله مصيبـــه
شباب اوصايم تسمه الغريبه
وكلبه من العطش يسعر لهيبه
{ بالسم اتمرد - دلالـه }

•───✧◐◐✧───•

الزهره تنوح ويه زينب الحزنانه
تبجي اعله الجواد دموع جريانه
وين الجايــه خل تلطم آويانــه
{ زينب والزهره - انعازيها }

•───✧◐◐✧───•

لطمن حيل واللطمه اشتراكية
على المسموم لطمتنه ولائيــه
وياجن بالعزه دخلت العلويــه
تــون وتنوح للشبان جمعيـــه
{ يمصاب الراحو - اذاها }

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

القصيده من ديوان نوائح ورزايا لأهل البيت ع الجزء الأول


https://www.tg-me.com/um_ali313

اسماء الذين دبروا قضية قتل الامام الجواد من بني العباس

قال المؤرخ المسعودي (ت 346 هـ) فيقول: (لم يزل المعتصم وجعفر بن المأمون يدبّرون، ويعملون الحيلة في قتله، فقال جعفر لأُخته أُمّ الفضل... لأنّه وقف على انحرافها عنه وغيرتها عليه لتفضيله (ع) أُمّ أبي الحسن ابنه عليها (أي على أُمّ الفضل)... فجعلت السمّ في عنب، وناولته للإمام (ع)». ثم استطرد المسعودي قائلاً: «لقد ندمت أم الفضل بعد هذا العمل ندماً عظيماً، وبكت بكاءاً شديداً، ولما أكله بكت، فقال: لم تبكين ليضربنك الله بفقر لا يجبر وبلاء لا يستر، فبليت بعلة أنفقت عليها جميع ما تملكه). إثبات الوصية للإمام علي بن ابي طالب عليه السلام، ص 192.
السلام على امامنا الجواد ع ولعن الله قاتليه

نعي للجواد عليه السلام

#من ديوان نوائح ورزايا الجزء الاول

حظور الزهراء لعزاء الجواد ع

وياج أم الحسن تحظر اليله
تبجي على المهدوم حيلــه
يـــاونـتـه كـلش ثجيلــه

•───✧◐◐✧───•

آنـــا اگابلــچ هـــا يـالتونين
اشوفچ عالجواد اليوم تبچين
ونچ على المسموم وحسين

•───✧◐◐✧───•

انه ام الحسن وابچي لولادي
واليوم انوح اعلى ابو الهادي
يمصيبته مـردت افــادي

•───✧◐◐✧───•

نون اليوم للمات ابشبابه
مسموم ميت يااحبابــه
حكه الكلب لوصاح يابـه

•───✧◐◐✧───•

نعزي حكيمه بفكد ابوها
ونو اوياهـا وسـاعـدوها
مسموم الولي وماخبروها

•───✧◐◐✧───•

يـويـلي بقـه ميت ابداره
ثلث تيآم حسو بي جـاره
لكوه ميت الضاعت اخباره

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tg-me.com/um_ali313

قصيدة للإمام الجواد مناشدة للهادي

[ بدايتها نعي ]

مسمـــوم الجواد اليله واويلاه
وحيد الدار مـايمه اهل ترعــاه
غدرته اللعينه ام الفضل بحشاه
تطلب ثارهــم والمعتصم اذاه

{ نزلــة القصيدة }

احظر يـاعلي وفــزّع الخيـالــه
ابوك اعله السطح ممرود دلاله

•───✧◐◐✧───•

وينك ياعلي الهادي تجي تشيله
بالدار الجواد ومنهـدم حيلــه
سمته اللعينه بمــثل هليلــه
{وين اهل الغيره / يفزعوله}

•───✧◐◐✧───•

يفزعوله السباع وتهد هلساعه
تاخذ ثــار ابنهم ظال ابكاعــه
قادات التجي لبغداد فزاعــه
{ مربع ثاره/ تاخذ بي }

•───✧◐◐✧───•

ويحظر حيدره ويجيب فقاره
ويحصد روسهم ويراهن بثاره
ويفنيهم بسيفه الشاعت اخباره
{ طشار اللكوم / يخليها }

•───✧◐◐✧───•

الليوم الكاظميه فاكده اشباب
غريب ولا اهل يمه ولا حباب
وضجّت ناسها تبجي على الباب
{ احباب وكلهم / ونوله }

•───✧◐◐✧───•

يستاهل مناحه البارعه عيونه
وبحكم الغدر وسفه يسمونه
يم جده الغريب اليوم يدفنونه
{ شيوخ وساده / تبجي عليه }

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

حبيبي حسين انت الأبو والسند
😭😭😭

هوسات للأمام الجواد عليه السلام


الشيعه اليوم لمصابه محزنين
بمواكبهم تعنو للجوادين
يعزون الرضا بفكده الموالين
{ وتعنو كلهم - مشايـه }

•───✧◐◐✧───•

ثلث تيام مطروح بسطح داره
وحيد وماكو يمه لاهله وجاره
محروم الهوى ودم جبده يتجاره
{ مايمه احباب - ايشيلونـه }

•───✧◐◐✧───•

صحنه بصوت يالمسموم ومصابه
ونينه بحزن والدمعه سجابه
مسموم الجواد وماكو احبابه
{ خلتحظر اهله - يشيعونه }

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tg-me.com/um_ali313

قصيدة جنوبية للأمام الجواد ع

{ مستهل القصيدة }

باارض الكاظميـه نصبو اعلام
لمصاب الجواد انعزي الإيمام

•───✧◐◐✧───•

لمصابــه ننوح ونذرف الدمعـه
ونعازي بمصابه فاطمه البضعه
الملعونه تسمه بحقد ويجرعه
{ مسموم ايون - ظل ابداره }

•───✧◐◐✧───•

مسموم ويون والروح ممروده
هذا ابــن الرضا للدار شيعوده
الطمه اتلوكله والهوسه مريوده
{ المات ابداره - انون اعليه }

•───✧◐◐✧───•

ذوله اهله نشامه وكلهم اجواد
نون ونوح لجلــه ونلبس اسواد
بارض الكاظميـــه نعلن احداد
{ يستاهل ون - لو ونينه }

•───✧◐◐✧───•

الشيعه اليوم لمصابه يونون
مشايـه اجو يم كبره يبجون
وسفه ابن الرضابالكاع مدفون
{ بمصابه المهدي - يعازونه }

•───✧◐◐✧───•

مسموم ويون بالدار مولانــه
ثلث تيام ضل عالسطح بمچانه
محد حاظره ويجيبله اچفانــه
{ والطير ايظلل - بجناحه }

•───✧◐◐✧───•


اهدي ثواب القصيده الى مولاي الجواد عليه السلام

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tg-me.com/um_ali313

عظم الله لك الأجر سيدي يابقية الله الأعظم بمصاب جدك جواد الائمة

رباطات للجواد نهاية عزاء

# جديد 🔥🔥

اعمامته السوده / اعمامته السوده
وسفه اعله التراب اعمامته السوده

•───✧◐◐✧───•

تنوح لمصابه / تنوح لمصابه
الليله الكاظميه تنوح لمصابه

•───✧◐◐✧───•

خل يفزعولـه / خل يفزعولـه
سادات الهواشم خل يفزعوله

•───✧◐◐✧───•

الزهره ويانه / الزهره ويانه
تلطم علجواد الزهره ويانه

•───✧◐◐✧───•

ميدان سويله / ميدان سويله
يستاهل لطم ميدان سويلـه

•───✧◐◐✧───•

غمضهن اعيونه / غمضهن اعيونه
فوك اعالسطح غمضهن اعيونه

•───✧◐◐✧───•

ويريد دفانــه / ويريد دفانــه
من اهله ابن الرضا ويريد دفانه

•───✧◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

قصيدة جنوبية للإمام الجواد ع

{ مستهل القصيدة }

اليله اهل العمايم خل يحظرون
بنعش ابن الرضا كلهم يشيعون

•───✧◐◐✧───•

ياسادات هاشم حظرو تشييعه
يهذا الناس كلها بمذهبه تطيعه
يمفسر الأيــه حسب تشريعـه
{ كلكم يالساده - اتعنولـه }

•───✧◐◐✧───•

تعنو الكاظميه وذبو العمايم
مسموم الجواد بولية الظالم
ابنكم بالشمس ياساده ضل نايم
{ من سطح الدار - تشيلونه }

•───✧◐◐✧───•

فوك الروس شيلو اجنازته اليله
شيلو اجنازته والزهره تبجيله
تون وتصيح يبني المنهدم حيله
{ الطملك يبني - اعله اضلوعي }

•───✧◐◐✧───•

تحظر فاطمه وتون على كبره
تنعيله نعاوي جدتــه الزهره
يالمحروم يبني الماخلص عمره
{ اشباب اوليدي - ايسمونـه }

•───✧◐◐✧───•

امتربه الكاظميه اليوم حزنانه
والشيعه تعزي المهدي مولانه
تعنو مرقده يلزمون بيبانـــه
{ ينطيهم - من جوده اليله }

•───✧◐◐✧───•

اهدي ثواب القصيده الى روح والدي ووالدتي والى خوالي واجدادي

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tg-me.com/um_ali313