كانت مجالس العزاء اليوم لرضيع الحسين 😭💔 المذبوح بلا ذنب

كانت لكم حصة الدعاء

سَيدي ياصَاحب الزمَان إن كُنت عِند قَبر جدك الحُسين ع،قلدناك الزيَارة والدعاء
أنت المعزىٰ سيدي اسألك ان تَذكرنا في دعَائك

'يا مُقلِّب القُلوبَ والأبصَار .. ثبِّت قلبي علىٰ
حُبِّ الحُسين .. وأنْفِذ بَصيرتي علىٰ أحقيَّة
حقِّه... وآلِف بَصَري على رؤيةِ مَشهدِه..'

من خطط معركة كربلاء

قصيده للحسين تصلح بالفواتح

{ منين المات }


منيـن المات هذا ابن الزچيه
يهذا الرضرضنه الأعـوجـيــه

•───✧◐◐✧───•

مات حسين بس مامات ذكراه
أنس وجان كلها تصيح ويــلاه
كل عام الـيمر يتـجدد اعــزاه
يستاهل لطم صبح ومسيه

•───✧◐◐✧───•

نام حسين بالطف وسط ميدانه
خل نلطم عليه واللطمه عوانـه
وي اخـته نـون زينـب الحزنانـه
مكابل كون ونسوي العزيــه

•───✧◐◐✧───•

نعوف احبابنه ونلطم لبو اليمه
يستاهل لطمنه الغارك بـدمــه
ظل مطروح جسمه ومحد يلمه
نون لحسين للظل عالوطيه

•───✧◐◐✧───•

للظل عالوطيه وجسمه عـاري
ثلـث تيـام وبشمس الظهـاري
ولعياله المشت سوك وصحاري
ماعدهم رحم جيش ال اميه

•───✧◐◐✧───•

بكل مجلس نذكره حسين والينه
ماينفع لطمنه بس لبـو سكينــه
يحظرنه بهذيج الحفره يحمينـه
بس لحسين دمعاتي جريــه

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

واهدي ثواب القصيدة الى المله ام محمد الطائي ( ناصريه )

https://www.tg-me.com/um_ali313

قصيدة للحسين رباطها هوسه
من ديوان #مواجع_الطف_الجزء_الأول

{ شده ومايحلها }

شده ومايحلها بس الحسين
بچفه يوزع مرادات الحنين

•───✧◐◐✧───•

ياشيخ وفريضه حسين معروف
لو عندك شدايد جيبها وشوف
ادخل حضرته ينزاح كل خوف
(( احسبها ابابه / محلوله ))

•───✧◐◐✧───•

محلوله الشدايد يم ابن حيدر
كلمن نادبه مايرجع محير
يالعندك هموم اتعنه المشكر
(( اهموم العندك / يكضيها ))

•───✧◐◐✧───•

حسين البلشدد معروف عنوانه
يالمحتار امشي اتعنه ديوانه
واطلب حاجتك واحسبها خلصانه
(( وحسين بهاي / مجربينه ))

•───✧◐◐✧───•

مجربيه ونعم معروف بالكلفه
هنا يلعندك امراض وصعب تشفه
يم حسين روح اكصدله وبلهفه
(( وامراض الصعبه / يشفيها ))

•───✧◐◐✧───•

امراض الثكيله حسين يشفيها
والحاجه المتنحل هو يكضيها
بس انخاه وكل حاجاتك احچيها
(( ميقصر هذا / ابن الهيبه ))

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

قصيدة للحسين عليه السلام

من ديوان #مواجع_الطف_الجزء_الأول

{ عزيزچ يم حسن }

عزيرچ يم حسن نايم بالأرمال
مكلوب اعله وجهه مكطع اوصال
ياريتچ تحظرين
وبعينچ تشوفين
مكلوب اعله وجهه مكطع اوصال

•───✧◐◐✧───•

شوفي عزيز كلبچ هذا حاله
موذر بالشمس محد اجاله
نومه عاالأرض ضلت ارجاله
وثوبه مسلبينه
وجسمه موذرينه
شوفي حسين عاري وماله شيال

•───✧◐◐✧───•

الله يساعدچ لمن تشوفي
مكطعينه وذر لا ماتعرفي
جثه بدون راس حسين تلكي
نايم عالوطيه
يالزهره الزچيه
يم النحر كعدي وشاهدي الحال

•───✧◐◐✧───•

عشره خيول لا واحد ولاثنين
بالحافر يدوسن صدر الحسين
داسن جثته وماظل عظم زين
شوفيهن يزهره
وعدلي ظلوع ظهره
على المظلوم خلي الدمع سيال

•───✧◐◐✧───•

بعباتچ يلزچيه لمي اعظامه
عزيزچ يم حسن مسلوب العمامه
وراسه اعله الرمح ينزف من الهامه
بعد مايرجع المات
الف وسفه وحرامات
هذا ابن النبوه وشيخ الأرجال

•───✧◐◐✧───•

شيخ حسين وسفه عالارض نام
بشمس الحاره مطروح الأمام
احظر ياعلي لبنك يضرغام
حسينك ظال مطروح
وراسه اوي العده يروح
وزينب بالضعن راحت بالعيال

•───✧◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

من قصص كربلاء المبكية

ياابا عبدالله كيف حالك سيدي هذه الساعات تبقى وحيدآ حيث تقول الا من ناصرآ ينصرني الا من ذاب يذب عن حرم رسول الله وهنا ماكو جواب لندائك

😭😭😭😭💔💔💔

رواية مع نعي حظور الزهراء

من ديوان #مواجع_الطف_الجزء_السابع

لماذا نبكي على الإمام الحسين(ع)

المصدر: كامل الزيارات

▪️غفرانٌ لكل ذنب
عن الإمام الصادق(ع)
مَنْ ذُكِرْنا عنْدهُ ففاضتْ عينَاهُ وَلَوْ مثْلَ جَنَاح بَعوضةٍ غفر اَللهُ ذُنُوبَهُ وَلَو كانَت مثْلَ زَبَدِ اَلْبحر

▪️يوجب حضور الأئمة عند الموت
عن الإمام الصادق(ع) لمّا سُئل عن بكائه على الحسين(ع):
أما إنّك سترى عند موتك حضور آبائي لك ووصيّتهم ملكَ الموت بك، وما يلقّونك به مِن البشارة أفضل، ولملك الموت أرقّ عليك وأشدُّ رَحمةً لك من الاُمّ الشّفيقة على ولدها.

▪️يمنع دخول النار
عن الإمام الصادق(ع)
مَن ذُكِرنا عِندهُ ففاضت عيناهُ حرَّمَ الله وجهَهُ على النّار

▪️يوجب دخول الجنّة
عن الإمام الباقر(ع) عن أبيه:
أَیَمَا مُؤمنٍ دَمِعت عیناهُ لِقتل الحُسَین(ع) حتّی تَسیلَ علی خَدِّه، بَوَّأهُ اللّهُ بِها فِي الجنَّة غُرَفًا یسکنُها أحقابًا.

▪️يُسعد فاطمة سيدة نساء العالمين
عن أبي بصير عن الإمام الصادق(ع)
يا أبا بصير! إنَّ فاطمة (ع) لتبكيه وتشهق، ثُمَّ قال لي: يا أبا بَصيرٍ أَمَا تُحبُّ أَنْ تَكُونَ فيمَنْ يُسْعدُ فَاطمَة(ع)، فبكِيتُ حِينَ قالها فما قَدَرْتُ عَلَى المَنْطِقِ، وَمَا قَدَرْتُ عَلَى كَلَامِي مِنَ الْبُكَاءِ
اكووووول …….

هنياله اليون ويه الزچيه
ويعينها بهاي الرزيه
ابنها البقى فوك الوطيه

•───✧◐◐◐◐✧───•
وي فاطمه ابچو بعبره
عالمذبوح والهشمو صدره
علرضرضنه خيول عشره

•───✧◐◐◐◐✧───•
وين البچه بهاي المسيه
لحسين واخوانه الشفيه
عباس ابو روح الأبيه

•───✧◐◐◐◐✧───•
الزهره بديها تلم الدموع
بالظلمه الك تشعلهن شموع
يلتبچي دوم لكسر الظلوع

•───✧◐◐◐◐✧───•
اكسر ضلوعك لجل ابنها
وشاركها بالونه وحزنها
عالمذبوح زهره كثر ونها

•───✧◐◐◐◐✧───•
اليوم الزچيه ساعدوها
بالنوح كلكم عاونوها
بظلوع ابنها روعوها

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

حسينية اهلي وعمامي اليوم عدهم فاتحة للحسين عليه السلام 💔💔

والنعم منهم خدام الحسين من أب الجد خدام وعشاق مخلصين

خادمتكم الشاعره ام علي الإماره

#حسينية_سفينة_النجاة

القصيدة الخالدة كل عام يقرأها ابن العم المحترم ابو مسلم الإمارة ربي يحفظهم ان شاءالله جميعآ

#حسينية_سفينة_النجاة

قصيدة للحسين يوم عاشر
عندما حرقو الخيام
تقرأ بطور المربع والفزاعي الحماسي رباط الهوسه

#مواجع_الطف_الجزء_الأول

{ مستهل القصيدة }

الحك يحسين حركوها خيمنه
وبالحومه صفت كلها زلمنه

•───✧◐◐◐◐✧───•
الحك يحسين خويه عيالك تنوح
وباجر يلولي من يمك نـروح
وجسمك علثره يحسين مطروح
والسجاد ظـل يجهر ونينه
((راسك برماح يرفعونه))

•───✧◐◐◐◐✧───•
محتاره الم اعيالك اشلون
ماضلت خيم كلهم يخافون
اخبرك عن رقيه حالها شلون
جمر ورماد مچويات ادينه
(( بنتك يحسين يضربوها ))

•───✧◐◐◐◐✧───•
بنتك ياحبيبـي بحبل شدوها
وسكينه العزيزه اعداك ضربوها
وانا اختك يخويه الكوم شتموها
يخويه الحك النار اوجرت بينه
((لو اصيح حسين يضربوني ))

•───✧◐◐◐◐✧───•
كلي شلون اعوفك وامشي للشام
وراسك بلرمح مرفوع جدام
شيحملهن يخويه ذني الأيام
وراسك عالرمح يبرى الضعينه
((ونشوف الراس بيا حاله))

•───✧◐◐◐◐✧───•
خيالي يالولي من بعدك انشاف
لا خيمه بقت والعايله تخاف
نايم عالرمل ياحلو الاوصاف
يضربونه اذا يمك اجينه
((وجهك قرآن يشوفونه))

•───✧◐◐◐◐✧───•
باجر يلولي نمشي سبايه
خيمنه احتركت وطرف العبايه
محتار العقل مشدوه رايه
ويه اعدانه اذا عنك مشينه
((ياابن امي خلافك حيرانه))

•───✧◐◐◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

واويلاه وامصيبتاه يازهراااء 😭😭😭💔💔💔💔💔

والله كوه متحمله هذه اليلة امنيتي اموت جزعآ على الحسين وارتاح
حبيبي حسين 😭😭💔💔💔

مولاتي اسألچ هم رحتيله ؟؟

كأني بها تكووول

رحت ولكيته نفس مابيـه
وحرت ياجرح منه وادواويه
ولا راس عنده حتى احاچيه

😭😭😭 ساعدك الله مولاتي ياحنينة

نسألكم الدعاء بالصبر مصيبة الحسين اذتني 😭😭 الله يساعد زينب 💔💔 شلون حالها

سمعو القصيدة 👆🏻👆🏻للنهاية شوفو الوجع بالقصيدة 😭😭

انتي ملايه ومحتاجه برنامج يساعدج على تنظيم المجلس والكتب والدفاتر ويساعدج على معلومات للصوت والحنجره وامور كثيرة ودورات لتقوية الصوت والمجالس جبتلج قناة اكاديمية لتعليم الأطوار الحسينيه

اشتركي قبل الحذف من الرابط 👇🏻👇🏻👇🏻

https://www.tg-me.com/academy_mahhdawyat_allhawa

لِمن اراد ان يتعرف على معركة الطف الخالدة برواياتها الصحيحة والمعتبرة يشترك بقناة الشيخ الخطيب المحقق عقيل الحمداني

👇🏻👇🏻👇🏻👇🏻

https://www.tg-me.com/Akeelalhamadany

https://www.tg-me.com/Akeelalhamadany