قصيدة للعباس عليه السلام
( وزن الهاجري )
من ديوان أرض الحتوف ج٢
❥❈┉┉┅━━❀❀━━┉┉❥❈┉
خويه طريت المعاره كوم وانهض ياكفيل
مره انهض مره اطيحن ناحله وماظلي حيل
❥❈┉┉┅━━❀❀━━┉┉❥❈┉
جيت ادور كمر غايب راح عني ومارجع
طول وماظن يردلي اعليه كلبي منشلع
روحي هامت بالبراري وعيني عاميهه الدمع
مابكت عندي وسيله غير نوحي والعويل
❥❈┉┉┅━━❀❀━━┉┉❥❈┉
انا زينب خويه جيتك كوم واسمع نخوتي
لاتخليني وحيده ياكفيلي وعزوتي
وانا محتاره يخيي بالعليل وعيلتي
انطي وجهي وين اديره والحمل كلش ثجيل
❥❈┉┉┅━━❀❀━━┉┉❥❈┉
اكعد وحاجيني خويه مالي حيل لفركتك
ليش ياكافل ضعوني تعوف زينب خيتك
ادري انه يبو الغيره ماهي هاي مروتك
تعوفني حرمه وحيده والعده بيه تعيل
❥❈┉┉┅━━❀❀━━┉┉❥❈┉
جيتلك عباس وادري الغيره تسري بالدمه
ماترد نخوت اخيتك وحق امي فاطمه
راضع مروه بحليبك هايبن حامي الحمه
مكطعه زنودك اشوفن شلون تكعد اه يويل
❥❈┉┉┅━━❀❀━━┉┉❥❈┉
مالي حيل لهدمي اشيله من كثر هم العلي
نحلن حيلي المصايب خويه وينك كافلي
لا اخو يسمع نخوتي ويفزع بساعه الي
انه حرمه وهذا حالي ونار تسعر بالدليل


بقلم خادمة أهل البيت الشاعرة أم عباس السكيني
https://www.tg-me.com/umabbas1979

عنوان القصيده : سكينه تخاطب النهر
( وزن الهاجري )
من ديوان (أرض الحتوف) ج٢
❥❈┉┉┅━━❀❀━━┉┉❥❈┉
ياعذب ويموج مايك وشفت غيره علي
ضهضب ويرتعد جالك شو بطئ ومارد الي
ينتفض كله شهامه
الغيره جانت بيه علامه
احجي ودليني وينه حتى ارد انه لهلي
❥❈┉┉┅━━❀❀━━┉┉❥❈┉
شد مهرته وربط جأشه وراح يتنافض زعل
للفرات يجيب مايه غار ليّه وبالعجل
تلتوي الرايه اعلى متنه جود بيدينه حمل
عرك يتكاطر جبينه وليك اظننه وصل
جن اسد طر المعاره
احنه ننتظره حياره
كال اخلي النهر كله على جتافي يعتلي
❥❈┉┉┅━━❀❀━━┉┉❥❈┉
شنهو ظنك من اجيتك خاف عطشانه انه
انا مايك مااريده وعنه هسه انا بغنه
جيت انشدك عمي وينه مدوهنه ظهري انحنه
صرت اشمن موت يمك خاف للكافل دنه
جاوب وكلي بصراحه
وين ظل تنزف جراحه
باع روحه من اجلنه كال سكنه دللي
❥❈┉┉┅━━❀❀━━┉┉❥❈┉
على جروفك عطر اشمن جنت اشمه بالجفوف
مايك تلاطم وهايج شنهي صاير بالطفوف
صدت عيوني عالجربه رايه يمهه انه اشوف
اتمتم ومرعوب تحجي على أسرارك هلتطوف
جاوب ودلني مجانه
ولسان اطلق عنانه
باد حيلي من صفنتك والدمع كام يهلي
❥❈┉┉┅━━❀❀━━┉┉❥❈┉
سكنه عمج ملأ الشاطي من دماه الطاهره
خاف شح مايك يكلي راح ازوده انه تره
روح روي العيله كلهه هاي غيرة حيدره
ماوفه بوعده دكلهم غصب سبع الكنطره
اعتذر عني لسكينه
ضحه بيساره ويمينه
عمج اعالشاطي جثه نايم هناك الولي


بقلم خادمة أهل البيت الشاعرة أم عباس السكيني
https://www.tg-me.com/umabbas1979

قصيده للعباس
( وزن الميمر )
من ديوان أرض الحتوف ج٢
❥❈┉┉┅━━❀❀━━┉┉❥❈┉
زينب تخاطب العباس( ع )

عباس جيتك للنهر واتعثر
عالغبره نايم يالكفيل موذر
❥❈┉┉┅━━❀❀━━┉┉❥❈┉
صاير دماك اليوم منه خضابك
والسهم وسط العين خويه صابك
كلبي انشلع من عظم اه مصابك
والراس شفته بالعمود امطبر
❥❈┉┉┅━━❀❀━━┉┉❥❈┉
وعله النهر جفين لن مكطوعه
ونات ماليهه الالم مسموعه
وجربه ملاها السبع من دموعه
صوته الغيور بخجل مني اتعذر
❥❈┉┉┅━━❀❀━━┉┉❥❈┉
زينب يخويه من غصب فاركتج
سهام الدهر يم عون كصدت جتج
من كافلج يم الخدر حرمتج
هذا عليج منل آله مقدر
❥❈┉┉┅━━❀❀━━┉┉❥❈┉
لاتعتذر والغيره من عنوانك
ماترد نخوات النخه من خوانك
حيف الزمن بالغدر لنه خانك
بعدك ياكافل بيش آنه اصبر
❥❈┉┉┅━━❀❀━━┉┉❥❈┉
عباس نارك تسعر بدلالي
عمري نتهه من رحت آ يالغالي
شفت المصايب والهضم تبرالي
من زغر عمري كلبي ويلي موجر


بقلم خادمة أهل البيت الشاعرة أم عباس السكيني
https://www.tg-me.com/umabbas1979

نعي وداع الحسين ع

صاح الحسين ع قبل خروجه للميدان وهي اللحظات الاخيره التي تجمعه مع عياله


ياهو اليجيب المُهر ليه
ولامتي يحطها بديه
حشمت مافزعو عليه


صرعى على الغبره الغوالي
منهم ولاواحد بقالي
مشدوه وحدي هذا حالي


لما سمعت زينب ع نداء الحسين ع

گادت بديها المهر لحسين
ومسابك الدمعات بالعين
فطرت كلبي خويه نصين

تگله…
كلبي عليك انفطر ونعاب
شعظمه عليك احوي لمصاب
كلها صفت ياخويه غياب


بس الحرم ظلت بالخيام
كلها اخوتك ويلي نيام
وهذا العليل الكله آلام


على الخلك ماصارت ودارت
مهر المنيه الاخت الجابت
بيدينها لابن امها كادت

يكلها….
صبري يخويه وكفي لدموع
كلبي لوداعج خويه مشلوع
هالروحه ابد مامنها ارجوع

تكله….

ياهو بعد للحرم والي
ياهيبتي وعزي ودلالي
مشدوه يبقى اعليك بالي


ثم دارت وجهها معولة نحو الخيام

نعي بوزن ( النصاري)


تعالن يلحرم لحسين كلجن
ودعنه يروح يريد عنجن
بعد ياهو يظل نغار الجن


مسابك طلعن وبالنوح جلن
والعشره ويبو السجاد فلن
دموم من العيون اعليه هلن


هاي تحب ادينه وذيج بس تنحب
والاخره بثوب ابوها بحركه اتجلب
وداعك يلعزيز اعلينه اه يصعب

ثم سمع صوت من الخيام واذا هو صوت العليل جاء لتوديع

اجه يودع المسجه اله بساع
يعثر بالمشي ويطيح للكاع
مالي حيل بويه يكله لوداع


عليل وشوف حالي ناحل العود
كلبي هايبويه اعليك ممرود
الله وياك يل رايح ولتعود



✍🏻ام عباس السكيني

https://www.tg-me.com/umabbas1979

لطميه للرضيع

رد ربات حضني حسين اليه

مهده عدلت بثنين اديه

خل الحك اغطيه

نام اوليدي اخليه

هدّ حيله الضمأ سوده عليه

————————————-

دللول الولد بالنبله مذبوح

وشعاع النور من النحر مسفوح

شبگ عل الكون أيده ماكو بي روح

سلهم عيني للموت

مااسمع اله صوت

ذبلت وردته الچانت زهيه

❥❈┉┉┅━━❀❀━━┉┉❥❈┉

ذبلت ورْدِته لتتناثر اعطور

غده ابريج الذهب بالنبله منحور

شع من النحر من عبد اه نور

ضوه الكون نحره

رغم ياويل زغره

ردّ ادماه تتلامع جريه

❥❈┉┉┅━━❀❀❈┉┉┅━━❀

لْعنان الكون شع اوليدي اضواه

وبجف الامامه تناضح ادماه

غرف من فيض دمه حسين ويلاه

ذبّه لسمه بساع

مارد منه للكاع

يشكي ذبحته لرب البريه

❥❈┉┉┅━━❀❀━━┉┉❥❈┉

من نحره نزف اروع بطولات

وبگماطه النفل سواله حملات

بالعدوان سوه المامسوات

الشهاده خطها بدماه

ضمأ الطف ابني رواه

وثبت ازغر رمح بالغاضريه

❥❈┉┉┅━━❀❀━━┉┉❥❈┉
خط كماط مدلولي للجيال

الدماء الزاكيه للدين تنسال

تظل هل تضحيه بكل حين تنكال

ازعر نور بالطف

اله التاريخ وصف

ابد مامات ذكره بكل نويه



✍🏻ام عباس السكيني


https://www.tg-me.com/umabbas1979

❥❈┉┉┅━━❀❀━━┉┉❥❈┉

قصيده عندما دخل الاما العباس على السيده زينب( ع )
( وزن النصاري ) والمستهل خدري الجاي
من ديوان (أرض الحتوف) ج٢
❥❈┉┉┅━━❀❀━━┉┉❥❈┉
هله بجية العباس غيره وكله نوماس
اجاني شلون جيه احس كلبي بديه
اخوي ورفعة الراس
غيره وكله نوماس
❥❈┉┉┅━━❀❀━━┉┉❥❈┉
هلا بجيتك صحت اه ياولينه
يانبع الوفه حامي الضعينه
اخافن لو رحت ماترد لينه
سور انته العليه خلافك منهو ليه
دك للخوه الساس
غيره وكله نوماس
❥❈┉┉┅━━❀❀━━┉┉❥❈┉
هله بغيرة علي راعي الشهامه
حامل رايته النخوه وسامه
دعيت الله ترد ليه ابسلامه
تظل عيني ربيه ولجيتك عليه
خاف الخدر ينداس
غيره وكله نوماس
❥❈┉┉┅━━❀❀━━┉┉❥❈┉
كاصد للنهر والجربه بيده
يجيب الماي لو يحفر البيده
مثل حيدر علي ذاك الصميده
مايرضى الاذيه ابو نفس الابيه
كفو يالكلك إحساس
غيره وكله نوماس
❥❈┉┉┅━━❀❀━━┉┉❥❈┉
من شفته انه كليبي لزمته
رايح وين يالكافل نشدته
دمعي من لفه عالخد هملته
دمعاتي جريه كصد للغاصريه
مايرجع الفراس
غيره وكله نوماس
❥❈┉┉┅━━❀❀━━┉┉❥❈┉
يختي الماي اجيبه اتعنه الحدود
لهذا اليوم اخوج الحيد مريود
اضحيلج يحره لكطع الزنود
اروح لاال اميه اه يختي الوفيه
ذوله كوم الارجاس
غيره وكله نوماس


بقلم خادمة أهل البيت الشاعرة أم عباس السكيني
https://www.tg-me.com/umabbas1979

نعي لابي الفضل العباس( ع )
من ديوان أرض الحتوف ج٢
❥❈┉┉┅━━❀❀━━┉┉❥❈┉
جيتك يبعد اختك اجيتك
على المشرعه خويه لكيتك
اكعد يكافلنه نخيتك

تعنيت اشم ريحة الخوه
ياعباس يالكلك مروه
بيك العدو ويلي شسوه

ناديت ماتسمع نخوتي
اصرخ واصيح بعلو صوتي
ياعباس ياروحي وسلوتي

اكعد وافيلك بردني
ياخوي يالحالك كتلني
شيوجعك لاتضم عني

ياجرح كلي الحيل ماذيك
بيدي اريد اكعد واداويك
ياخوي دسمعني من اناديك

عيني العمه ولاشفت يومك
سهام العده غيرت رسومك
ياعباس يالطيبه علومك

طاح العلم طايح يجودك
ومشمره الحلوه زنودك
مو عادتك تخلف اوعودك

العنده وعد وشلون نايم
تتنطرك خويه اليتايم
عليك العكل عباس هايم

❥❈┉┉┅━━❀❀━━┉┉❥❈┉
نعي بطور الفراق

ياكفيلي جيتك وهمي ثجيل
ياكفيلي ناري شبت بالدليل
ياكفيلي مابقه عندي انه حيل
ياكفيلي ياكفيلي

افتحلي عينك خل ترد روحي الي
افتحلي عينك بالعجل ياكافلي
افتحلي عينك يااخيي وكل هلي
افتحلي عينك افتحلي عينك

يابو فاضل حسين ظل وحده يصيح
يابو فاضل شلون نايم ياجريح
يابو فاضل لاتظل خويه طريح
يابو فاضل يابو فاضل

يبو الغيره زينبك ضلت بحيره
يبو الغيره محنتي صارت جبيره
يبو الغيره خويه تعبانه الاميره
يبو الغيره يبو الغيره

❥❈┉┉┅━━❀❀━━┉┉❥❈┉
( ابوذية )

احس كلبي خلص ياخوي ونته
على الفركه عليل ويجر ونته
غفت عينك تكلي شلون وانته
كفيلي وعزوتي وراعي الحميه

من ساكو ضعنه الكلب ون حيل
رحت بس الجسد ياخوي ونحيل
يربطونه بحبل عباس ونحل
لان حز الحبل بجفوف اديه


بقلم خادمة أهل البيت الشاعرة أم عباس السكيني
https://www.tg-me.com/umabbas1979

قصيده للسيده زينب تخاطب النهر
( وزن البحر الطويل )
من ديوان (أرض الحتوف) ج٢
❥❈┉┉┅━━❀❀━━┉┉❥❈┉
اجيت عالنهر وانشد عباس الكفل وينه
كصد يمك يجيب الماي كل همه يروينه
❥❈┉┉┅━━❀❀━━┉┉❥❈┉
اشوفنك كدر مايك ماتحجي تخبرني
عيونك سولفن كالن ملا جربه وغرف مني
وين الكه ابو الغيره بالله عليك جاوبني
❥❈┉┉┅━━❀❀━━┉┉❥❈┉
لاتكلي وكع مصيوب
دليني هوه بياصوب
كلبي عليه ظل معيوب
باجر هالخدر ينداس عكبه من يحامينه
❥❈┉┉┅━━❀❀━━┉┉❥❈┉
شال الجربه بيمينه واجالك يانهر عناي
ماهاب العده كلها وصلك واعتنه الرواي
ملا الجربه اظن غيره كبل لاتنترس بالماي
❥❈┉┉┅━━❀❀━━┉┉❥❈┉
واعد سكنه يسكيها
دك صدره يرويها
بأمل جيته يخليها
واعد والوعد مريود ننتظره يجي لينه
❥❈┉┉┅━━❀❀━━┉┉❥❈┉
كالولي البطل مصيوب سهم نابت طفا للعين
بعد كالو على جرفك انكطعن للولي جفين
بسهام الغدر صابو كفيلي ذوله الملاعين
❥❈┉┉┅━━❀❀━━┉┉❥❈┉
خافو لن يكربونه
شجاع ومايكدرونه
وسف لنهم يغدرونه
كمر هاشم يطيح شلون ينام ولن يخلينه
❥❈┉┉┅━━❀❀━━┉┉❥❈┉
عطشان ويموت حذاك علامك يانهر وتموي
ضامي من العطش جالك ماضاكك بكه يلوي
تفاركنه غصب يمك نكطع وصلي انه وياخوي
❥❈┉┉┅━━❀❀━━┉┉❥❈┉
صار فراكنه كوه
كلبي عليه يتجوه
مايرجع ابو النخوه
صريع مخضب ودامي على الرمضه غفت عينه
❥❈┉┉┅━━❀❀━━┉┉❥❈┉
خليت السهام تصيب اخيي وكافل ضعوني
خبره مانريد الماي ذبلن بالبجي عيوني
هيج تصير تالي وياي خابن منك ضنوني
❥❈┉┉┅━━❀❀━━┉┉❥❈┉
عالدنيا العفى بعده
طريجك بعد ماكصده
مايك بعد مااصده
بارضك طاحن زنوده بعد هيهات يلفينه


بقلم خادمة أهل البيت الشاعرة أم عباس السكيني
https://www.tg-me.com/umabbas1979

نعي لابي الفضل العباس (ع )
زينب لما سمعت مصرع العباس ذهبت الى مكانه
من ديوان (أرض الحتوف) ج٢
❥❈┉┉┅━━❀❀━━┉┉❥❈┉
اجيتك ياخوي وكوم وياي
يا بعد روحي ونور عيناي
ماريد انه عباس هالماي

تعنيت اجيتك للميادين
وكلبي يكافل صار نصين
عالمشرعه طاحن الجفين

جفك يخويه حين شفته
صديت ليه ولن عرفته
جف الكفل والواعد اخته

ريحة الخوه بيه شميت
حيلي يخويه اليوم هديت
موتي كبل موتك تمنيت

تمنيت موتتنه سويه
عباس يالكلك حميه
شنهي البصر وشلون بيه

وين الوعد وين الكفاله
عباس ياهيبه وجلاله
غدروك حيف اهل الظلاله

رديت مكسورة الخاطر
ياهو يكلي شبيج باجر
من نمشي يالكافل اساير

حرمه وحيده وحملي مايل
وراعي الشهامه مني شايل
محزونه اون والدمع سايل

محزونه انه ايدي على خدي
ماظل تجيه اليوم عندي
ومكلفه ضليت وحدي

فراكك يخويه حيل يكتل
جمدوب كلي الكلب يحمل
من المصايب حيلي انحل

❥❈┉┉┅━━❀❀━━┉┉❥❈┉
( ابوذية )
زينب تكل لابو فاضل( ع )

ريت احضرت يوم عداك هديت
اشعلت نيرانها وللخيم هديت
لون موجود كل العمر اهديت
فده لزينب ولاولاد الزجيه
( نكسرنه والمجابر على الله )


بقلم خادمة أهل البيت الشاعرة أم عباس السكيني
https://www.tg-me.com/umabbas1979

هوسات لابي الفضل العباس (ع)

حيرهم ابو فاضل المشكر
زلم تردم زلم وصياحم كبر
صاح اسباعكم للموت تتحضر

( جيوش الطاغي احصدهه / بيدي وافنيها)
❥❈┉┉┅━━❀❀━━┉┉❥❈┉
خلاهم جثث والحومه تشهدله
ماتو خوف من سيفه بعجل سله
واحد لن يكل لثاني خن كله

( ادخيلك ياعباس ادخيلك / بس ارحم بينه )
❥❈┉┉┅━━❀❀━━┉┉❥❈┉
وصل للمشرعه والنهر حياله
هلا وميت هلا يابطل كلاله
شايل جربته والدرع يحلاله


( تلاطم موجه تلاطم / من مد ايدينه )
❥❈┉┉┅━━❀❀━━┉┉❥❈┉
ماضاك وشرب من العذب قطره
وجان من العطش نيرانه متوجره
كل همه يروي عياله منتظره

( مواعد سكنه الكافل / ضلت ناطرته)


بقلم خادمة أهل البيت الشاعرة أم عباس السكيني
https://www.tg-me.com/umabbas1979

لسان حال مولاتي زينب( ع )
لما سمعت بمقتل اخيها العباس( ع )
من ديوان (أرض الحتوف) ج٢
❥❈┉┉┅━━❀❀━━┉┉❥❈┉
شايل وين ومغرب يعباس
تره خدر العقيله بغير حراس
❥❈┉┉┅━━❀❀━━┉┉❥❈┉
شايل وين ومغرب يصنديد
محتاره اخيتك تصفج الايد
نزامط بيش لو جتنه الهواديد
بعد بيمن نزامط ها ينوماس
❥❈┉┉┅━━❀❀━━┉┉❥❈┉
تنام شلون وانت التسطر العال
يخويه تجاسرت ياكوم الانذال
بعدك ياكفيلي تدهور الحال
تتمرجل علينه خويه الارجاس
❥❈┉┉┅━━❀❀━━┉┉❥❈┉
تتمرجل علينه اشباه الازلام
خويه بنارهم حركوها الخيام
فرت خايفه من عدها الايتام
جم طفل بطفل بالخيل ينداس
❥❈┉┉┅━━❀❀━━┉┉❥❈┉
كوم انهض يخويه وزلزل الكون
عليك ادري يكافل هذا ميهون
بزينب يالكفل كامو يعيلون
ماتدري اظن يارفعة الراس
❥❈┉┉┅━━❀❀━━┉┉❥❈┉
تمنيتك عدل ياخويه والكاك
تفز وياي ياعباس وانخاك
واخبرك بالجره وسوت اعداك
يَوفاي الأخوه وليها نبراس

بقلم خادمة أهل البيت الشاعرة أم عباس السكيني
https://www.tg-me.com/umabbas1979

لسان حال العليله ع تخاطب أباها الحسين ع

الدهر يحسين ايامه لعينه
اخذني ويالضعن وعدن لعينه
توسلت وتصد عيني لعينه
جوابه جان دمعاته الجريه

ام عباس السكيني

لطمية للقاسم (ع)
من ديوان أرض الحتوف ج٢
تقرأ بطور الفزاعي الجنوبي وأطوار أخرى

❥❈┉┉┅━━❀❀━━┉┉❥❈┉
ريض يالولد لامك وتانيها
شايل من وكت عدمن مخليها
❥❈┉┉┅━━❀❀━━┉┉❥❈┉
جنك مشتهيها نومت الكاع
عجب ترضى تروح بدون الوداع
حلم زفتك ييمه صارت ضياع
( محنه وليدي / من دم وريده )
❥❈┉┉┅━━❀❀━━┉┉❥❈┉
ابدل الموت يمه وياك ياريت
اتظل انته اسراج ايضوي بالبيت
ليش امك يغالي بساع هديت
( ياهو يباريها / امك يالغالي )
❥❈┉┉┅━━❀❀━━┉┉❥❈┉
تذوب الروح يمه لطاري الفراك
خنجر بالكلب يومك وحراك
جنت يمي يغالي وليك اشتاك
( شلون تغرب / وتصير الفركه )
❥❈┉┉┅━━❀❀━━┉┉❥❈┉
شلك بالكبر يبني يجسام
كلت تكبر ييمه وتحلى الايام
احسب للفرح تاليها مادام
( خابتلي اضنوني / بموت وليدي )
❥❈┉┉┅━━❀❀━━┉┉❥❈┉
تعوف الدار تسكن بالترب ويل
عليك امك عليله وناحله الحيل
ماتغمض عيوني من يجي الليل
( فراكك يمه / خنجر بضلوعي )


بقلم خادمة أهل البيت الشاعرة أم عباس السكيني
https://www.tg-me.com/umabbas1979

نعي للقاسم ( ع )
من ديوان أرض الحتوف ج٢
❥❈┉┉┅━━❀❀━━┉┉❥❈┉
لسان حال مولاتي رمله تقول :

يايوم عرسك ناطريته
احسب واعد انه تنيته
شوباش اطشلك حضريته

افرح كلت بالولد تالي
واحصد انه سهر الليالي
محصولي راح وماصفالي

مذبوح جابك عمك شلون
ياريع كلبي آيمزيون
بعدك شباب تغمض العيون

مصيوب كلبي وصوبيته
فراكك انه لا ماهويته
ياتعبي ضاع وماحويته

ضاع التعب وربات السنين
مفطور كلبي عليك نصين
طار العكل من عملت البين

يومك فجعني ومرد حشاي
ودر اعيوني وشوف عيناي
ماحسبت يوليدي وبهاي

حسابي طلع يوليدي مكلوب
حزن بصميم الروح منصوب
شايل اظن وبعيده الدروب

شايل يجاسم يانويه
شسويت يمه الولد بيه
محزونه انه واصفج اديه

وسفه انگطع من عندك الصوت
طاوعت ليش بساع هالموت
ردتك لعد النعش زاتوت

فريت مني بساع شبساع
مشبعت يمه من الوداع
طولك حلو وتنام بالكاع


بقلم خادمة أهل البيت الشاعرة أم عباس السكيني
https://www.tg-me.com/umabbas1979

لسان حال العليله ع تخاطب والدها

غلاتك اكثر من الذهب ولماس
دلالي جان بين اليوم ولماس
عكب شخصك بعد مااشوف ولماس
حنين وچن مثل خيمه عليه

✍🏻ام عباس السكيني

ابوذيه زينب ع تطلب من ابي الفضل ع الماء

حشمت وابد عباس ماتان
بنات حسين من العطش ماتان
يكلي بكلبي احس مو جرح ماتان
لاجيب المشرعه بجفوف اديه

ام عباس السكيني

هوسات إلى شجاعه أبا الفضل العباس عليه السلام




اخذ جود الماي بيده وراد ينوي اعله النهر

بعده ما غار بظهرها ورفرف الواها الگمر

جيش اميه من مچانه ارتاع كله واشتمر

(من هز الرايه بچفينه)

✍🏻الشاعر العراقي

——————————————

هزهز رايته والزعل بعيونه

على ظهر الكحيله شمر امتونه

طر المشرعه وراواهم افنونه

(يكربونه ماكدرو ليه)

✍🏻ام عباس السكيني

——————————————-
محد يكدره ومنهوا اليدناه

ابن فحل الفحول ورايته بيمناه

كر الغنم كرهم كل جيوش اعداه

(والحومه تسولف صولاته)

✍🏻الشاعر العراقي

—————————————-

يحصد بالزلم والسيف مل منه

خله الحومه عباس البطل حنه

حيدر صال كالو هل فحل جنه

(بصولاته جن داحي الباب)

✍🏻ام عباس السكيني

—————————————-

يشبهه حيدر بصولاته ابو الحسنين

ابن ساقي الكوثر ساقي لجل حسين

يعني انشوف حيدر مو شرط صفين

(وألطف ساواها بصمصامه)

✍🏻الشاعر العراقي

—————————————-

ابصمصامه تساوت كل ثرى الحومه

علّه الكاع من عدهم الجيدومه

يسحك على الجثث حيرهم بيومه

(رواها الحومه بدمهم)

✍🏻ام عباس السكيني

————————————————-
من دم العده خله النهر جاري

وموعجبه اذا ما كالها القاري

ابن خير العمل اسرار للباري

(وبكاع الطف سوه السوره)

الشاعر العراقي

————————————-

سوره من الطفوف ترتل افعاله

وايات السجود الماي من شاله

والتصديقه من طشر الخياله

(قران وناطق بالحومه)

✍🏻ام عباس السكيني

—————————————

قران ونطق اياته واحروفه

وخله بكل گلب من العده خوفه

قره ايه الكرسي بصوره موصوفه

(وروعها اگلوب الخياله)

✍🏻الشاعر العراقي
——————————————

ذعر صاب العده ونخطفت اللوان

يعزب بروسهم والسفره كل مجان

بدال الماي ساكاهم دمه الجيمان

(لهابه حاتم خلاها)

✍🏻ام عباس السكيني

——————————————-

ياكرم يوصل الحده وهوه ابن ساس الكرم

خله روس الجيش تاكل منه اووحوش الأمم

مدله سفره بطول كاعه وصارمه بيها حكم

(ضل يطبخ روس أمن القاده )

✍🏻الشاعر العراقي

———————————————
طبخ رؤس الافاعي وطفّح السفره

الفايض ظل ابوفاضل تره يعبره

كل صوب وكتر ضوكهم المره

(الماضاكه / ضاكه بالطف)

✍🏻ام عباس السكيني

————————————————

وليمه للوحش والطير بالطف سوه العباس

وخله الجثث ماتنعد وخله الرأس فوك الراس

سبحان الذي سواه ويه البشر ماينقاس

(ماواحد يوصل لفعاله)

✍🏻الشاعر العراقي

————————————-

ولامقياس عدنه يسجل افعاله

ولانكدر نجيب اشخاص بامثاله

شكثر بالطف زلم يدعون خياله

(خرفان وصارو جدامه)

✍🏻ام عباس السكيني

https://www.tg-me.com/umabbas1979

لطمية للقاسم ع من ديوان ارض الحتوف الجزء 2
❥❈┉┉┅━━❀❀━━┉┉❥❈┉
معرس ردت اشوفنك يجسام
احسب بال عمر وانطر بالايام
❥❈┉┉┅━━❀❀━━┉┉❥❈┉
بيدي ردت ازفنك واهنيك
اعجن حنتك يمه واحنيك
بين اعداك تالي هناك اوديك
كلبي يرتجف وعليك محتام
❥❈┉┉┅━━❀❀━━┉┉❥❈┉
تعوف امك يجاسم اه ياويل
ليش بلا سبب ناوي تره تشيل
عليله وداعتك مهدودة الحيل
يانور البصر يابدري التام
❥❈┉┉┅━━❀❀━━┉┉❥❈┉
يهون اعليك يبني اجذب الاه
ياليومك ثجيل ومكدر انساه
بعد طولك ييمه وين انه الكاه
يمصابك جرح ماظنه يلتام
❥❈┉┉┅━━❀❀━━┉┉❥❈┉
بعد كلي يجاسم افرح شلون
وكدامي ييمه تغمض العيون
جنت احلم الك ربعك يهوسون
تالي زفتك صارت بالسهام
❥❈┉┉┅━━❀❀━━┉┉❥❈┉
مستعجل مشيت بغير توديع
عن امك تشيل تريد وتضيع
عجب للموت رحت بساع وتطيع
سبع ادريك ماطخيت هالهام
❥❈┉┉┅━━❀❀━━┉┉❥❈┉

بقلم خادمة أهل البيت الشاعرة أم عباس السكيني
https://www.tg-me.com/umabbas1979