هوسات للنزول
من ديوان (أرض الحتوف) ج١
❥❈┉┉┅━━❀❀━━┉┉❥❈┉
وصلت لكربله والروح خلصانه
من طول الدرب ناحله وتعبانه
انظر لخوتي والعين عميانه

( باجر يرحون / يخلوني )
❥❈┉┉┅━━❀❀━━┉┉❥❈┉
لاتنصب خيمنه هنا يبو الغيره
تراني خايفه من شوم هالديره
باجر جن اختكم تبقى بحيره

( مهضومه / تبجي لولياها )
❥❈┉┉┅━━❀❀━━┉┉❥❈┉
باجر يحترك للفركه جن كلبي
اعتب يخوتي ومحد شره لعتبي
عليكم يخوتي العين هالتربي

( نيران بكلبي / وتجويني )
❥❈┉┉┅━━❀❀━━┉┉❥❈┉
سولفلي يبعد الروح على يجره
دمعتي عالوجن تنزل بكت حمره
احس ياخوي تسعر بالكلب جمره

( لفراكك / يانور عيوني )


بقلم خادمة أهل البيت الشاعرة أم عباس السكيني

https://www.tg-me.com/umabbas1979

قصيده للعليله
من وزن ( الميمر )
من ديوان (أرض الحتوف) ج١

تقرا بطور : باجر يزينب كل اخوتج ميتين
❥❈┉┉┅━━❀❀━━┉┉❥❈┉
انه العليله البديار الضليت
انه العليله
ابجي حزينه موت روحي تمنيت
انه العليله
❥❈┉┉┅━━❀❀━━┉┉❥❈┉
عافوني اهلي من مشو نحلانه
العمر مني ذبلت انه اغصانه
ظليت مكسورة كلب حزنانه
مابطلت من البجه ومامليت
❥❈┉┉┅━━❀❀━━┉┉❥❈┉
ماغمضت ساعه ونمت من الليل
ذبّل جفوني دمعي الظل ايسيل
مدري زماني ليش وياي ايعيل
معلوله ويلي لوحَدي انه بكيت
❥❈┉┉┅━━❀❀━━┉┉❥❈┉
وحدي انوحن ظاله بالديران
يشتعل كلبي للاهل ظل نيران
ماحسبت بيه الدهر لن خوان
شلك عليه يادهر وشخليت
❥❈┉┉┅━━❀❀━━┉┉❥❈┉
من حملو روحي بكت مجروحه
عيني تصد لضعونهم مشبوحه
اركض وراهم دمعتي مسفوحه
بحسين ابوي توسلت وترجيت
❥❈┉┉┅━━❀❀━━┉┉❥❈┉
حملني يابويه واخذني وياكم
محمل تراني العيش لبلياكم
روح العليله يالابو تهواكم
مثل الحمامه عالضعون افتريت
❥❈┉┉┅━━❀❀━━┉┉❥❈┉
عافو نزلهم مظلم يبجيني
مصلى ابوي حسين هل عاميني
مناغى الرضيع من اذكره يأذيني
مانسى صوته وضحكته الي بلبيت



بقلم خادمة أهل البيت الشاعرة أم عباس السكيني

https://www.tg-me.com/umabbas1979

نعي بحق فاطمه العليله( ع )
من ديوان (أرض الحتوف) ج١
❥❈┉┉┅━━❀❀━━┉┉❥❈┉
( ابوذية )

يبقى وياي ابوي بطيب وديت
رسالة من حريك الروح وديت
عجب عفت البنيه ال لها وديت
عليله وتون ونه شجيه

موجوعه اون بالدار وحدي
سيل الدمع يحفر بخدي
من الاهل مابكه عندي

لاولي عندي ولاحبايب
اشكيلهم ضيم النوايب
معلوله اون دلالي ذايب

ذايب يكلبي وحيلي مهدوم
مكاطف عليه ياويل الهموم
عيني ربيه محاربه النوم

ردت الحبايب يجن يمي
واشكيلهن ضيمي وهضمي
ياعين للحملن دعمي

ازحف زحف وانطر عالباب
وجعانه انه والكلب عطاب
انطر وتاني جيت الاحباب

طال السفر وكطعو بيه
نار الكلب تسعر سريه
نحلانه انه وشلون بيه

ونيت والونه خفيه
مابطلت صبح ومسيه
لل حملو مابعد جيه

❥❈┉┉┅━━❀❀━━┉┉❥❈┉

( نعي بطور الفراق )

النزل خالي ... مظلم ويوحش عليه
النزل خالي ... من الاهل منكشع ضيه
النزل خالي ... ينعى ظل اهل الحميه

بالمسيه .. وين اروح وليل عندي
بالمسيه .. ارتعش مرعوبه وحدي
بالمسيه .. والالم يابويه يبدي

نحل جسمي .. من المرض والفركه اكثر
نحل جسمي .. عيوني ضلت دمع تنثر
نحل جسمي .. فراكم بكليبي اثر


بقلم خادمة أهل البيت الشاعرة أم عباس السكيني
https://www.tg-me.com/umabbas1979

لسان حال العليله( ع )
من ديوان (أرض الحتوف) ج١
❥❈┉┉┅━━❀❀━━┉┉❥❈┉
ابوذية:

بدونك ياعزيز الروح مرهم
ضمد لجروح كلبي انت مرهم
تناشدني عليك اعضاي مرهم
بحلم يابوي خل نكعد سويه

صاحت بصوت يقرح القلوب :

حملني يبويه وي الضعون
علي فراكم يحسين ميهون
عليله وناحله يابوي تدرون

يهون اعليك يالغالي تهدني
اصيحن ياهلي واجهر بوني
يبويه ارجاك ويه اهلي اخذني

اظل بالدار توحش لن عليه
من نور الاهل ظلمه وخليه
شالت هيبتي وشلون بيه

مادري الدهر تاليته خوان
يفركني يويلي من الحنان
تسعر بلكلب للفركه نيران

عليكم بس اون واهمل بالدموع
وكلبي من صميم احشاي مشلوع
تروح بعيد بويه ومامن ارجوع
❥❈┉┉┅━━❀❀━━┉┉❥❈┉

نعي كرناوي :

يافكد الاعزاز يهدم الحيل
يطعن بالكلب طعن السجاجين

عليله ياهلي محمل ترى فراك
صعب كلش عليه وانتو ماشين

اصد لدياركم توحش عليه
حزنانه بقيت واجري بالعين

حيرانه واكول شلون وشلون
اهلنه حملو صارو بعيدين

نار فراككم تلهب بالضلوع
خنجر جن يحز ظل الشرايين

ماكلتو يهلنه ليش ترحون
بعدنه بشوك للملكه يطيبين

علي يصعب يبويه ومر الفراك
احس كلبي يغالي نفطر نصين

زغيره والهضم ماليه حيله
عليكم راح اظل اجهر بالونين

بعدكم ياهلي ماتحله الايام
محزونه اون واصفج بالايدين

ماحسبت بويه حساب وبيوم
يطشرنه الدهر ونصير ماضين

شلي بالعمر من بعد الحنان
حسبوني متت وي الي ميتين

انشدك يالولي هم ترجع تعود
لو اكطع الضنه طول السنين


بقلم خادمة أهل البيت الشاعرة أم عباس السكيني

https://www.tg-me.com/umabbas1979

لطميه مربعة للعليله
( وزن النصاري )
من ديوان (أرض الحتوف) ج١
❥❈┉┉┅━━❀❀━━┉┉❥❈┉
تانوني بضعنكم لاتحملون
عليله بداركم لا لا تعوفون
❥❈┉┉┅━━❀❀━━┉┉❥❈┉
تانوني بضعنكم يالمرحلين
اصيح ادخيل بويه وياك يحسين
مريضه وليش عني اليوم ماشين

( حملوني / اخذوني وياكم )
❥❈┉┉┅━━❀❀━━┉┉❥❈┉
حملني وخذني وياك ياحيد
بعدكم ياهلي عالعمر ماريد
عليكم بس انوح وابد ماهيد

( يحلالي / والنوح عليكم )
❥❈┉┉┅━━❀❀━━┉┉❥❈┉
يحلاله البجي لي فارك احنان
يظل طول العمر ناحل وحزنان
عليكم ياهلي ظل حيلي ركدان

( تهد حيلي / يابويه الفركه )
❥❈┉┉┅━━❀❀━━┉┉❥❈┉
لاترحون عني بعيد تمشون
حملوني اصيحن وي الضعون
شوفو حالتي بلجن تحنون

( ياذيني / ممشاكم عني )
❥❈┉┉┅━━❀❀━━┉┉❥❈┉
ياذيني يبويه حسين الفراك
تدري للكلب الفراك حراك
كل صبح ومسه هالكلب يشتاك

( ماريده / والعمر خلافك )
❥❈┉┉┅━━❀❀━━┉┉❥❈┉
شلي بالعمر بفراك الاحباب
عليكم ياهلي مابطله لعتاب
عليله بالنزل والاهل غياب

( خلصانه / هالروح عليكم )


بقلم خادمة أهل البيت الشاعرة أم عباس السكيني
https://www.tg-me.com/umabbas1979

لطميه مربعة للعليله
وتقرأ بطور الفزاعي الجنوبي
من ديوان (أرض الحتوف) ج١
❥❈┉┉┅━━❀❀━━┉┉❥❈┉
عليله يالابو ودمعاتي هماله
وصلي وي الاهل لاتكطع حباله
❥❈┉┉┅━━❀❀━━┉┉❥❈┉
عليله شلون بيه محمل الفركه
احن واشتاك تدري بويه للملكه
تعوفني وحيده ابقى ممصدكه
اذرف بالدمع ياحالتي حاله
❥❈┉┉┅━━❀❀━━┉┉❥❈┉
عليكم يالابو هالكلب شيصبره
طاري فراكم شب بالحشا جمره
تنزل على الوجه يادمعتي حمره
انظر للظعن ايشد بقى رحاله
❥❈┉┉┅━━❀❀━━┉┉❥❈┉
علي ميهون بويه ولاكدر اصبر
تحملون الظعن وعيوني انه تنظر
احس نيران تلهب بيه تتوجر
تدري الفركه آ يحسين جتاله
❥❈┉┉┅━━❀❀━━┉┉❥❈┉
اظل شلون بل ديران انه وحدي
عليله من المرض لاحيل ظل عندي
شلون شلون لو شفت الظعن يحدي
يروح الي جنت مدلله بجاله
❥❈┉┉┅━━❀❀━━┉┉❥❈┉
ياروح التظل عندي شلي بعمري
اموتن ريت بويه وينحفر كبري
ولا اجرع مرار الصار من دهري
عزيز الروح يرحل ياخذ عياله


بقلم خادمة أهل البيت الشاعرة أم عباس السكيني
https://www.tg-me.com/umabbas1979

حال العليله وهي تودع ابيهه
( وزن الدرامي )
من ديوان (أرض الحتوف) ج١
❥❈┉┉┅━━❀❀━━┉┉❥❈┉
يحسين بويه ادخيل حملني وياك
تدري يبعد الروح مرهم بلياك
❥❈┉┉┅━━❀❀━━┉┉❥❈┉
من المرض سليت والهم كتلني
خافن ابوي حسين يعتذر مني
جنهن بلايه البين كربن لفني
وفراك راح يصير كلبي علمني
عيني ربيه عليك مابعد انه الكاك
❥❈┉┉┅━━❀❀━━┉┉❥❈┉
لاترتحل يابوي ريض وتاني
خليني اشبع شوف وموادع اني
طفله بعدني ليش دهري ولاني
شوف الاهل ويريد يحرم زماني
اسرج يبويه الخيل خليني ارجاك
❥❈┉┉┅━━❀❀━━┉┉❥❈┉
جنك صدك يابوي حملت وتريد
تحمل اخوتي وياك وتشيل لبعيد
عيني من امس لليوم بالدمع تزيد
حمل ضعوني وياك بويه يصنديد
مكدر اظل بالدار يكتلني فركاك
❥❈┉┉┅━━❀❀━━┉┉❥❈┉
روحي تريد تهيم يابوي يحسين
صعبه اظل بالدار وانتم مرحلين
طاري السفر يحسين زيدلي الونين
الفركه راح اطول خل تشبع العين
تبتعد عني تروح يلحلو طرواك
❥❈┉┉┅━━❀❀━━┉┉❥❈┉
جابيش اسلي الروح من اظل وحدي
بس الدمع سيال يجري علخدي
اطلب طلب يابوي ترضاه ودي
عبدالله اخيي ارجوك خليه عندي
اتسله انه وياه من بعد عيناك
❥❈┉┉┅━━❀❀━━┉┉❥❈┉
قررت راح تروح ومابعد رجعه
ضنه بعد بالدار صوتك اسمعه
ضعن اخوتي يابوي خليني اتبعه
كلي شيظل بالروح ضعنك تودعه
انطر اظل بالدار ياغالي واتناك

بقلم خادمة أهل البيت الشاعرة أم عباس السكيني
https://www.tg-me.com/umabbas1979

قصيده في وداع العليله
( وزن شيعتي )
من ديوان (أرض الحتوف) ج١
❥❈┉┉┅━━❀❀━━┉┉❥❈┉
ودع الحسين العليله وتسعر النار بدليله
تكله بويه وياك اخذني والدمع عالخد تسيله
❥❈┉┉┅━━❀❀━━┉┉❥❈┉
بويه من غصبن مفارك عايف ديار المدينه
رايح الارض المنايه وماخذ اهناك الضعينه
وانتي يبنيتي نحيله وهل السفر ماتكدرينه
هاي سفرتنه طويله وعالقضى مابيدي حيله
❥❈┉┉┅━━❀❀━━┉┉❥❈┉
تسحف سحوف واجته حسين بويه وياك اريدن
شلون ترحل يبو الغيره بعدك ابدن ماهيدن
انظر اضعونك بعيني بالونين انه ازيدن
هدمت حيلي يابويه رايح وياهو اشتكيله
❥❈┉┉┅━━❀❀━━┉┉❥❈┉
خل اودع بويه عمتي واخوتي والعيله كلهه
منهم اشبع شوف بلكي والمدامع ارد اهلهه
ويه اهلنه العشره حلوه ابقى يحسين بأملهه
بداركم انطر لوحدي واحمل المحنه الثجيله
❥❈┉┉┅━━❀❀━━┉┉❥❈┉
من سره الحادي وتقدم كامت بونهه تعلي
من سمعهه حسين وجب دمع بوي لاتهلي
هذا من الله علينه وللبله يابنتي حملي
طروش يابويه اودي هذا وعدن يالعليله
❥❈┉┉┅━━❀❀━━┉┉❥❈┉
تخلي هل ديران ويلي منهو يبقه بويه يمي
روحي ماتحمل الفركه وزاد من هسه انه همي
مدري انوح اعليك ويلي مدري انوح انه اعله عمي
انتظر طارش يجيني وعالجره اكعد احجيله

بقلم خادمة أهل البيت الشاعرة أم عباس السكيني
https://www.tg-me.com/umabbas1979

هوسات للعليله ( ع )
من ديوان (أرض الحتوف) ج١
❥❈┉┉┅━━❀❀━━┉┉❥❈┉
عجب يحسين بديارك تخليني
عليله وناحله والمرض كاضيني
اظل لوحدي ترضى يضي عيني

( ولوصل وي اهلي / تكطعونه )
❥❈┉┉┅━━❀❀━━┉┉❥❈┉
يمر الليل وانه بطرك ااهاتي
تسيل اعل الوساده دمه دمعاتي
اذكر من مشو كلي هلي وعماتي

( اتسله بدمعي / وناتي )
❥❈┉┉┅━━❀❀━━┉┉❥❈┉
اموتن من يجيني الليل واتوجل
لا تجبل عليه ارجوك واتوسل
كل ضعن الاهل عني مشه وحمل

( ازغيره وحدي / مخليني )
❥❈┉┉┅━━❀❀━━┉┉❥❈┉
ذبل عودي يبويه ويبست جفوني
ماحسبت ويلي بيوم تجفوني
اصيحن آه بويه وتهمل عيوني

( خلصانه / ياروحي عليكم )

بقلم خادمة أهل البيت الشاعرة أم عباس السكيني

https://www.tg-me.com/umabbas1979

نعي لمسلم ابن عقيل
( مجاريد )
من ديوان (أرض الحتوف) ج١
❥❈┉┉┅━━❀❀━━┉┉❥❈┉
وين اليروح يخبر حسين
مسلم غريب يدير بالعين
دارت عليه الكفر صوبين

ابعاد الاهل ياحيف عنه
سيوف الغدر ويلي ولنه
صارت اعداه اعليه حنه

لاعنده ناصر حيف ومعين
ومامن هله يمه الطيبين
محتار ظل ابن السلاطين

محتار ظل ويجر حسرات
يرجع لخيه حسين هيهات
بين العده وبين شمات

طايح ومايمه عضيده
عنه الاهل كلها بعيده
ياهو يخبرها حميده

شيل الجنازه يريد خوان
مايمه حظرو حيف عدنان
بين الغرب وبين عدوان
❥❈┉┉┅━━❀❀━━┉┉❥❈┉

( نعي كرناوي )

من اعلى القصر للكاع شمروه
سحلو جثته ياويلي الحيد

تتفرج عليه الناس من طاح
مكطوع الوصل عن اهله وبعيد

مسلم راد كل اهله يحضرون
وحسين الشفيه يحضر يريد

يشوف شلون غدرة بيه هالكوم
وشسوه اللعين الطاغيه يزيد

بحبال العده جثته يسحبون
عدهم صار جتله لن مثل عيد


( ابوذية )
لسان حال حميدة تقول :

اريدن والدي ومرهم بلاياه
زغيره والدهر محمل بلاياه
مثل سلطان حالي ظل بلاياه
اون وناحله واصفج بديه


بقلم خادمة أهل البيت الشاعرة أم عباس السكيني
https://www.tg-me.com/umabbas1979

لطميه لمسلم
مربعه وتقرأ ايضا بالطور الفزاعي الجنوبي
من ديوان (أرض الحتوف) ج١
❥❈┉┉┅━━❀❀━━┉┉❥❈┉
على الريسان حتى الكون مرجون
بسفير حسين ياوسفه يغدرون
❥❈┉┉┅━━❀❀━━┉┉❥❈┉
اهل كوفان غدرو مسلم الحيد
يدير العين ضل حاير الوحيد
مكطوع الوصل عن اهله بعيد
ريت اليوم كل هاشم يحضرون
❥❈┉┉┅━━❀❀━━┉┉❥❈┉
وكع بالبير من الضلع مهشوم
وكلبه عالاخو ياحيف مالوم
ابو طاهر يريد الخوه هاليوم
حاله بالغرب كلهم يشوفون
❥❈┉┉┅━━❀❀━━┉┉❥❈┉
من عالي القصر للكاع ذبوه
بحبال الحقد ياويل جتفوه
تتفرج عليه الخلك خلوه
وبسوك المدينه بي يسحلون
❥❈┉┉┅━━❀❀━━┉┉❥❈┉
كون اخوان عنده تحضر بساع
يشيلون البطل من مرمي عالكاع
ظل حال السفينه بدون الشراع
مجروح وين ماكو اليشيلون
❥❈┉┉┅━━❀❀━━┉┉❥❈┉
مجروح ويون بين الملاعين
ماواحد حضرله وغمض العين
يقرااله العديله يسبل الايدين
وعلى المغدور يبجون ويونون

بقلم خادمة أهل البيت الشاعرة أم عباس السكيني

https://www.tg-me.com/umabbas1979

لطميه لمسلم ابن عقيل( ع )
( وزن النصاري )
من ديوان أرض الحتوف ج١
❥❈┉┉┅━━❀❀━━┉┉❥❈┉
سطع نجم السفاره بابج اليوم
اي
اعتنه ينير المدينه منعته الكوم
❥❈┉┉┅━━❀❀━━┉┉❥❈┉
ياطوعه تلكيه
مسلم هذا حييه
هلا ومية هلا بطلت الجيدوم
اعتنه ينير المدينه منعته الكوم
❥❈┉┉┅━━❀❀━━┉┉❥❈┉
شجاعة حيدره حاير على الباب
يدير العين لاناصر ولا احباب
سواد الليل خيم والكمر غاب
حاير وين منواه
يعينه الله عالبلواه
مثل طير الحمام الفكد ويحوم
❥❈┉┉┅━━❀❀━━┉┉❥❈┉
مثل موسى يترقب لنه حيران
لو طر الفجر تلقيه العدوان
ذابت مهجته والكلب خلصان
يريد يخبر حسين
عن غدر الملاعين
لابو السجاد خل توصل اله علوم
❥❈┉┉┅━━❀❀━━┉┉❥❈┉
جن طوعه تكول شعنده ماهاد
ماتعرف اظنهه ابن الاسياد
غريب انه يحره واهلي ابعاد
اجيت لنصرة الدين
لابو طاهر تعرفين؟
سفير حسين انه الوكف المهموم
❥❈┉┉┅━━❀❀━━┉┉❥❈┉
لطمت عالوجه وتصيح ياحيف
اظمك بالكلب وتحل تره ضيف
مااصدك انه باليقظه لوطيف
مسلم واكف احذاي
مني يطلب الماي
ارويك بعيوني ها يمظلوم
❥❈┉┉┅━━❀❀━━┉┉❥❈┉
حملتني الج ياحره الاقدار
راح يصير بابج سر الاسرار
لان آوه الشجاع وهو محتار
متمسه تره النار
ولاراعية الدار
ناصرتي الحسين ونذكرج دوم


بقلم خادمة أهل البيت الشاعرة أم عباس السكيني
https://www.tg-me.com/umabbas1979

لطمية لاولاد مسلم
( وزن الدارمي )
من ديوان (أرض الحتوف) ج١
❥❈┉┉┅━━❀❀━━┉┉❥❈┉
ظلمه ودرب عاثور فرو بنيني
حركو دليلي بنار واجهر ونيني
اذرف بالدموع
والكلب موجوع
مدري مشو لاوين ودرو عيني
❥❈┉┉┅━━❀❀━━┉┉❥❈┉
مهضومه اون ضليت وبصدري عبره
مكسور كلبي ويل ياهو اليجبره
خال البزر ياحيف مرمي عالغبره
طعنات ويه سهام نامت بصدره
مايدري بيه
شصاير عليه
ماظل ولي للعوز ينغر يجيني
❥❈┉┉┅━━❀❀━━┉┉❥❈┉
خان الدهر وياي واكثر جراحه
سهم الغد لحشاي نيشن ولاحه
راحو اولادي بعيد مامستراحه
اكضي العمر ياحيف بس بالمناحه
دم تهمل العين
ضيعت حلوين
مابطل ظل للدوم نوحي وحنيني
❥❈┉┉┅━━❀❀━━┉┉❥❈┉
مضيعه البزر ضليت ناري سريه
اللطم اسف عالراس عيني جريه
وين اليجيب اضناي يلحك عليه
انظر وادير العين وكت المسيه
حل واجه الليل
بعيد المداليل
وين اتجه لاوين ومجتفيني
❥❈┉┉┅━━❀❀━━┉┉❥❈┉
عالمتن سوط اعداي نيشان خله
حل الحبل ارجاك كمت انه اكله
فيض الدمع عالخدر دم آنه اهله
درب البزر ياريت انه ادله
ابعدو عني
هذا الكتلني
اصفج انه ضليت بثنين اديني
❥❈┉┉┅━━❀❀━━┉┉❥❈┉
عندي وصيه ارجاك طاهر اخذهه
وي النسيم الهاب يمه اودهه
بيدك اخيك كون وادري انته كدها
رجلينه محروكات يايمه شدهه
مهدود حيلي
نار بدليلي
شلي بعد بالروح لدفن سنيني


بقلم خادمة أهل البيت الشاعرة أم عباس السكيني
https://www.tg-me.com/umabbas1979

لطميه لمسلم ابن عقيل
لسان حال حميدة
من ديوان (أرض الحتوف) ج١
❥❈┉┉┅━━❀❀━━┉┉❥❈┉
بويه مسلم ... روحي راحت من مشيت
بويه مسلم ... ابجي محزونه بقيت
❥❈┉┉┅━━❀❀━━┉┉❥❈┉
لا تروح ارجاك وتخليني .. ينطفي بعدك يضي سنيني
بويه مسلم ... بويه مسلم
❥❈┉┉┅━━❀❀━━┉┉❥❈┉
انتظر ترجع يغالي بالسلامه
ابقى مكسورة كلب كسرة يتامه
بس اونن والحزن طابع علامه
نوحي مايبطل انه مثل الحمامه
❥❈┉┉┅━━❀❀━━┉┉❥❈┉
روحي خذهه .. وياك يابويه تريد
روحي خذهه .. اعليك ماظنهه تهيد
❥❈┉┉┅━━❀❀━━┉┉❥❈┉
فركتك بويه تره تأذيني
لاتروح ارجاك وتخليني
بويه مسلم بويه مسلم
❥❈┉┉┅━━❀❀━━┉┉❥❈┉
بويه بعدك راح يطشر شملنه
نصير غربه بينه مايرحم زمنه
بأمل جيتك ياحنين وترد النه
ابقه مشتاكه الك يابو المحنه
❥❈┉┉┅━━❀❀━━┉┉❥❈┉
الهوه انته التشهكه انفاسي
الهوه انته يااعز كل ناسي
❥❈┉┉┅━━❀❀━━┉┉❥❈┉
شوف العيون الذي يدليني
لاتروح ارجاك وتخليني
بويه مسلم بويه مسلم
❥❈┉┉┅━━❀❀━━┉┉❥❈┉
عيني تنطر للدرب تبكى ربيه
ياعزيز الروح لاتبطي عليه
يصعب فراكك علي وشلون بيه
نار بفراكك تشب بويه سريه
❥❈┉┉┅━━❀❀━━┉┉❥❈┉
اعليه ميهون بيدي اودعك ياحنين
اعليه ميهون ليك الوح بالادين
❥❈┉┉┅━━❀❀━━┉┉❥❈┉
تمشي عني شلون وتجافيني
لاتروح ارجاك وتخليني
بويه مسلم بويه مسلم
❥❈┉┉┅━━❀❀━━┉┉❥❈┉
عفر خدودي انه دمع الاسيله
تحيرت بجفاك والمحنه ثجيله
لو جفه وياي الدهر ياهو اشتكيله
سفرتك بويه اظن هايه طويله
❥❈┉┉┅━━❀❀━━┉┉❥❈┉
لو عفتني اكظي عمري بالانين
لو عفتني تندفن كل السنين
❥❈┉┉┅━━❀❀━━┉┉❥❈┉
سفرتك هايه تودر عيني
لاتروح ارجاك وتخليني
بويه مسلم بويه مسلم
❥❈┉┉┅━━❀❀━━┉┉❥❈┉
خايفه من هالسفر وكليبي ذايب
يفتح عليه الزمن باب المصايب
نظل من بعدك يمسلم جن غرايب
تمشي الظعون وتحمل للحرايب
❥❈┉┉┅━━❀❀━━┉┉❥❈┉
شلون بيه من تجافين وتروح
شلون بيه من تفز بيه الجروح
❥❈┉┉┅━━❀❀━━┉┉❥❈┉
على مجانك يالابو دليني
لاتروح ارجاك وتخليني
بويه مسلم بويه مسلم

بقلم خادمة أهل البيت الشاعرة أم عباس السكيني

https://www.tg-me.com/umabbas1979

لطمية فزاعية لمسلم ابن عقيل
من ديوان (أرض الحتوف) ج١
❥❈┉┉┅━━❀❀━━┉┉❥❈┉
من اعلى القصر للكاع
ذبو حيف مولانه
❥❈┉┉┅━━❀❀━━┉┉❥❈┉
طاح وظل يجر ونه
وبعاد الاهل عنه
ماحضرو للمجنه
غدرو بيه عدوانه
❥❈┉┉┅━━❀❀━━┉┉❥❈┉
ماواحد حضر يمه
ينزف على الارض دمه
طاري الموت ماهمه
شجاع وهذا عنوانه
❥❈┉┉┅━━❀❀━━┉┉❥❈┉
يصيح احسين لايحضر
اخبره شلون ما اكدر
لايوصل ابو الاكبر
اهل كوفان خوانه
❥❈┉┉┅━━❀❀━━┉┉❥❈┉
خانو بيعته الكفار
كلبي عليه ظل محتار
شلون اوصل اخبره الصار
سفك يردون لدمانه
❥❈┉┉┅━━❀❀━━┉┉❥❈┉
كتل احسين يردونه
حلفو مايرحمونه
خافن ويل يولونه
ويچتلون خوانه
❥❈┉┉┅━━❀❀━━┉┉❥❈┉
حميدة تنطر الرجعه
تون وبالكلب وجعه
مانشفت تره الدمعه
منها الروح خلصانه
❥❈┉┉┅━━❀❀━━┉┉❥❈┉
ماتدري الولي مكتول
الفركه وياه راح طول
لوسمعت عليه شتكول
تظل لدوم حزنانه


بقلم خادمة أهل البيت الشاعرة أم عباس السكيني

https://www.tg-me.com/umabbas1979

هوسات لمسلم ابن عقيل
من ديوان (أرض الحتوف) ج١
❥❈┉┉┅━━❀❀━━┉┉❥❈┉
لفت طوعة تصيح بصوت ياجيدوم
شد حيلك يامسلم يبني هذا اليوم
متحزمه على كتلك هل اجت هالكوم

( راويهم يومك /يوليدي )
❥❈┉┉┅━━❀❀━━┉┉❥❈┉
مسلم جن اسد متوسط الجيمان
وحيد وبالغرب دارت علي عدوان
فرت شارده من مسلم الشجعان

( وبفعاله / ياطوعة تسولف )
❥❈┉┉┅━━❀❀━━┉┉❥❈┉
زلم تردم زلم وتصيح جانه الويل
ماشافو دربهم جن غطاهم ليل
تتراجف اعداه تصيح بالله دخيل

(صولاته / جيدومه وترهب )
❥❈┉┉┅━━❀❀━━┉┉❥❈┉
كلها تعجبت من شافت افعاله
موت وجاي وشحده التدناله
شجاعه ومرجله والفخر يحلاله

( بهداته / تشهدله الحومه )


بقلم خادمة أهل البيت الشاعرة أم عباس السكيني
https://www.tg-me.com/umabbas1979

نعي مجاريد لاولاد مسلم
من ديوان (أرض الحتوف) ج١
❥❈┉┉┅━━❀❀━━┉┉❥❈┉
رحتو ييمه وين صرتوو
باب الكلب يمه شلعتو
زغار واخاف هناك تهتوو

ليل وظلام ودرب عاثور
كلبي عليكم صبح مفطور
وليا نويه رحتو يبدور

وين اليدوركم ويايه
نام وغفه صاحب الرايه
ياصوب اروحن ياضنايه

للمشرعه رحت وتعنيت
بس التعب وبلاش رديت
خال الولد نايم انه لكيت

خال الولد نايم موذر
من شافني مني اتعذر
يختي علي هذا المكدر

فرو اولادي من اديه
حيرانه انه واشلون بيه
حلوين من سوده عليه

ترفين حلوين المعاني
ياحيف ضيعهم زماني
بسهمه الوكت نيشن رماني

نار الضنه تسعر بالضلوع
عليهم اون والكلب مشلوع
جفني ذبل من سيل الدموع

يوم البزر كل حيل هده
شماله الدهر وشبعد عنده
راحو اظن مابعد رده

عليهم صبح كل حيلي مهدود
ابجي واون والكلب ممرود
راحو بعد والراح ميعود


بقلم خادمة أهل البيت الشاعرة أم عباس السكيني
https://www.tg-me.com/umabbas1979

لطمية لاولاد مسلم
من ديوان (أرض الحتوف) ج١

❥❈┉┉┅━━❀❀━━┉┉❥❈┉
ام الاولاد تقول :

فرو من اديه بحرك الخيام
سحكو عالجمر ترفات الجدام
❥❈┉┉┅━━❀❀━━┉┉❥❈┉
اصيح بصوت خويه الحك يعباس
محزونه ادك والطم عالراس
من شبو خيمنه كوم الارجاس
ضيعت الولد انهض يضرغام
❥❈┉┉┅━━❀❀━━┉┉❥❈┉
وين انطي الوجه محتاره لاوين
مادري البزر لاوين ماشين
صار ويل عن عيني بعيدين
مكسوره اون والحزن للهام
❥❈┉┉┅━━❀❀━━┉┉❥❈┉
شصبر ياصبر وبعيد الاولاد
ضاعو من اديه وصارو بعاد
اذرف بالدمع والكلب ماهاد
ولهانه عليهم كلبي محتام
❥❈┉┉┅━━❀❀━━┉┉❥❈┉
محتام الكلب للملكه مشتاك
مايحمل تراهو مر الفراك
يافكد الضنه يكلف وحراك
مجروح الكلب ماضنه يلتام


بقلم خادمة أهل البيت الشاعرة أم عباس السكيني
https://www.tg-me.com/umabbas1979

نعي لاولاد مسلم
من ديوان (أرض الحتوف) ج١
❥❈┉┉┅━━❀❀━━┉┉❥❈┉
جلجل الليل ومارجعتو
وبيانويه وين صرتو
ومن العطش لنكم تعبتو

عالدرب محزونه واتاني
منكم خبر لامالفاني
انده ييمه ومل لساني

ترفات رجليكم يحلوين
دروب البعيده اظن ماشين
يا بعد كلبي وين ناوين

مرادف علي ويل المصايب
شحم الكلب يايمه ذايب
سهم الغدر دلالي صايب

اعليكم اون وذايبه الروح
دمعي دمه اعله خدودي مسفوح
كلبي ييمه مسطر اجروح

حشمت وين اليدوركم
بصوتي اصيحن ضيعتكم
مني المنيه فركتكم

ياناركم تسعر بكلبي
وخلافكم تيهت دربي
ضاع الربه وضيعت تعبي

دولاب دولبني زماني
طكني على اعيوني عماني
بسهام حقده لن رماني

سهمي البجه يمه بعدكم
هيهات لحضاني اردكم
اجرع الم ويلي بفكدكم

ياجرح احمل يامصيبه
منكوبه انه اكبر نكيبه
افكدت الاهل وامشي غريبه

بقلم خادمة أهل البيت الشاعرة أم عباس السكيني
https://www.tg-me.com/umabbas1979

هوسات لاولاد مسلم
من ديوان (أرض الحتوف) ج١
❥❈┉┉┅━━❀❀━━┉┉❥❈┉
مايدري البطل وبضيعت اطفاله
مشو لبعيد من هجمت الخياله
اون وحايره والعين هماله

( وين البي غيره / يدور عنهم )
❥❈┉┉┅━━❀❀━━┉┉❥❈┉
نام ومادره مسلم مشو الاولاد
لهذا اليوم عازاته الابو ينراد
ماعندي تجيه ولابقالي إسناد

( فرو من ايدي / اولادي وراحو )
❥❈┉┉┅━━❀❀━━┉┉❥❈┉
اصيح بصوت يامسلم تعال وشوف
فرو هالصبايا ويلي من الخوف
الطم وانتحب مني الدمع مذروف

( نار وتسعر بيه / يافركه اولادي)
❥❈┉┉┅━━❀❀━━┉┉❥❈┉
ضيعت البزر ضيعت انه عمري
شله وياي عتبه وقاسي يادهري
طكني ودر عيوني وخذه بزري

( البين اسطرني/ وطكني عالهامه )


بقلم خادمة أهل البيت الشاعرة أم عباس السكيني
https://www.tg-me.com/umabbas1979