نعي لسان حال زينب ع لما توفيت رقيه ع في خربة الشام

مجاريد:

محتاره انه بنص الخرايب
ماتت رقيه وكلبي ذايب
لايمي صحبه ولاحبايب


حيرني الزمان وتاه فكري
ضاع الدلال وضاع خدري
حاربني حيل احوي دهري


وجهي انه لاوين اديره
مذهوله والمحنه جبيره
بين العده وانه اسيره

محد حضر يم اليتمه
ماتت غريبه ياهضيمه
والحاله ياويلي اليمه

للمغتسل من سرنه بيهه
مارضت لمغسله تجيهه
معلوله كالت لن عليهه


ضرب السياط الخله عله
اصرخ بكيت ودمعي اهله
بهونج عليهه يالمغسله


ترفه بعدهي بعمر الورود
من الضيم ذبلت هاي الخدود
كلبي عليهه صبح ممرود


صبّح يكلبي مصوب اصواب
جرحي غميج وابد ماطاب
عل غمضت وبديرة اجناب


ضليت بس دمعي اسيله
نعش اليتيمه من يشيله
لااهل عدنه ولاقبيله

حمل الجنازه يريد وليان
خلصو اهلنه ويلي الحنان
تبعت النعش والكلب خلصان

ابوذيه💔

سكن ون اليتيمه ومالفاها
على الماتت بغربه ومالفاها
ابوهه حسين بيده مالفاها
بجفن ياحيف ويوسد رقيه


ب✍🏻خادمة اهل البيت
((ام عباس السكيني))


https://www.tg-me.com/umabbas1979

لطمية للسيدة رقية ع لما رأئت راس ابيها في الطشت ايقنت بأن هو الذي شاهدته في طريق السبي

انت ابوي وراسك البرماح شفته
عيني معميه تراني وماعرفته

بويه من شفته بجيت
رأسمن هذا حجيت


تدري ماظل واحد اعليك ونشدته


〰️〰️💔💔〰️〰️💔💔〰️〰️

اه من شفته وأنه مانام ليلي

ويه عمتي صرت اسولف من تجيلي

عمه هذا الرأس احس ذوب دليلي

جنه ينظر آ عليه ويشتكيلي

ليش حزو منحره
جروح بيه مسطره

عمه مصيوبه بحجر شوفي جبهته

〰️〰️💔💔〰️〰️💔💔〰️〰️
انه وبطول الدرب انظر واناشد

ليش هذا الرأس احس شو كلبي مارد

فكري من يوم النظرته مني شارد

كلبي حسّ رأس العزيز وانه اعاند

حسين مايتركني اكول
ودمعتي مثل السيول

علّه بيه اه صارت من نظرته

〰️〰️💔💔〰️〰️💔💔〰️〰️〰️
وين ماادورن اشوف الرأس يمي

من طحت اسمع نده ياويل بأسمي

رأسمن هذا الذي زودلي همي

ماهدت ظليت اون واجرع بهضمي

وهذا رأسك بالرماح
ماعرفته من الجراح

ريت ماصديته انه ياريت ميته

〰️〰️💔💔〰️〰️💔💔〰️〰️💔

هذا رأسك بالطشت جابو اليه

ياهو الحز لك وريدك ياشفيه

ذابله اشفافك ضمه سوده عليه

ريت بويه وياك تأخذني المنيه

انت بوي وكل هلي
ياهو بعدك اه لي

كلبي لفراكك يغالي جن صدعته

〰️〰️💔💔〰️〰️💔💔〰️〰️〰️
من الدمه صاير يبويه لن خضابك

اتكطع انياط الكلب اه من مصابك

شلون اعيش انه يغالي وبغيابك

راح اجيك ولاتسد يحسين بابك


وياك انامن باللحد
وللخرابه ماارد

وياك كل حيلي يبويه اه اخذته



https://www.tg-me.com/umabbas1979



ام عباس السكيني

لطميه فزاعيه للسيدة رقيه ع


زغيرونه وتريد العمر٠٠والموت ماخلاها


وسط الخرابه المظلمه٠٠ ياحيف لن وافاها

**💔💔********
ماتت رقيه بالغرب
لايمهه صحبه ولامحب
بس الحزينه تنتحب
ميسورة تعبها الدرب
محتاره بيتام وحرم ٠٠ تمشي الدرب وياها

***💔******
بالغرب ماواحد حضر
بس العقيله ام الصبر
ظلت تديره باهل نظر
والكلب نصين انفطر
.لشام ويل وي العده٠٠حيف الدهر وداها
💔******
حيرانه زينب بت علي
وتصيح نامو كل هلي
بالعمر بعد انه شلي
دفنت الامانه ياولي
نحلانه من كثر الهظم ٠٠مابطلت مبجاها

***💔*******
راحن اعيوني ونعمن
من المصايب والمحن
غاطيني ياخويه الحزن
ظليت مكسوره اوون
مايبره ياجرح الكلب ٠٠عل غمضت عيناها
***💔*****
اعذري ياخويه تره
مابيدي شي عالجره
تدريني انه محيره
ياناري ظلت مسعره
للماتت بحسرة هوه٠٠ يصعب علي فركاها


ب ✍🏻شاعرة اهل البيت
((ام عباس السكيني))

https://www.tg-me.com/umabbas1979

نعي للامام الحسن ع عن لسان حال الزهراء

اتعافه لوليدي اجيته
من ابعيد محنيه اعتنيته
يلوج ويون ويلي لكيته

——————————-
يشمر بدينه وحيل مالوم
وحسين يمه حيله مهدوم
جبده يتكطع من السموم
————————————
ياولد حيل امك رهنته
ونينك ييمه من سمعته
بثنين ادي كلبي لزمته
——————————-
مخطوف لونه وغارت العين
كلساع يلزم چف الحسين
شمسوي سموك الملاعين
———————————-

نايم على افراش المنيه
شسويت يمه الولد بيه
تلوج وتون سوده عليه
—————————
كل ظني طيب يمه الگاك
واكعد اتسامر آنه وياك
يلي يرد الروح طرواك
———————————
آنه ييمه وياك نكعد
لمن ضعون الغرب تبعد
نشبع سمر ورواحنه ترد
———————————
بياحال ياويلي لكيتك
گربانه يوليدي منينك
عساني ياولد لامااجيتك
———————————-
احنيت الظهر ازيد والضلوع
جبدك اكبالي يمه اتزوع
ماذيك سمك حار وتلوع
———————————-
ظليت انوح بعتبت الدار
ودموعي فوك الوجن مدار
ياهو بعد يكرم الخطار

——————————-
آنه ماشيه ياولد كوه
مالي بعد ياحسن تجوه
حالك بحالي اه شسوه


✍🏻ام عباس السكيني


https://www.tg-me.com/umabbas1979

تم نشر قصائد الاربعين ورجوع السبايا في هذه القناة 👇🏻للأنضمام اضغط هنا 👇🏻👇🏻
https://www.tg-me.com/ertlgaaz
https://www.tg-me.com/ertlgaaz

يحذف الدعم بعد #ست_ساعات_ذمة

نعي لرجوع زينب (ع) يوم الأربعين
من ديوان أرض الحتوف ج٣
❥❈┉┉┅━━❀❀━━┉┉❥❈┉
من الشام خويه هل لفينه
بس التعب منها حوينه
لكبوركم يحسين اجينه

جيت وجبت وياي العيال
مني تره متراديه الحال
متعوبه انه مو مال ترحال

متعوبه انه من رحت عنكم
تمنيت اظل واندفن يمكم
عني الدهر خويه بعدكم

جيتك انه والكلب ملهوف
اعثر كمت انه ماوجد الشوف
لوني صبح يبن امي مخطوف

اكعد يخويه وشوف حالي
راسي اشتعل من الجرالي
مااظن تعرف اختك يوالي

صبر الصبرته يهد الجبال
بيه الوكت ياخوي لن مال
حرمه وغريبه بولية انذال

صاحت اخي حسين ونور عيني حسين :

خجلانه انه وشلون بيه
جيتك يخويه بلا رقيه
احميهه انه ما صح بديه

ونت عليك وناحت هواي
وزودت ليه هموم دنياي
بالغرب خويه ومحد وياي

يحسين هدتني المصايب
وبنومتك شفت العجايب
محد سمعني من اعاتب

يحسين يالكلك حميه
جيتك يخويه ورد عليه
بلجن ترد روحي اليه


بقلم خادمة أهل البيت الشاعرة أم عباس السكيني
https://www.tg-me.com/umabbas1979

قصيده : ملمع
تحكي شوق المحب لزيارة المولى (ع)
وزن : ( الموشح )
من ديوان أرض الحتوف ج٣
❥❈┉┉┅━━❀❀━━┉┉❥❈┉
ها أتاك القلبُ مُشتاق اللقاء
بجناحِ العشقِ قاصد كربلاء
❥❈┉┉┅━━❀❀━━┉┉❥❈┉
جابني الشوك واجيت اعنايه
الك كاصد يالي انت الغايه
يرف كلبي وجاك ويه الرايه
عطشاً جاءَ يُريدُ الارتواء
❥❈┉┉┅━━❀❀━━┉┉❥❈┉
جيتلك ملهوف روحي مألمه
اه لمصابك يبن حامي الحمه
ارد اعزي اليوم امك فاطمه
عالذي أضحى مضرج بالدماء
❥❈┉┉┅━━❀❀━━┉┉❥❈┉
شلون مااكصد انه وكلبي يريد
عطر لترابك يشم لو من بعيد
تنزف جروحي ولاتقبل تهيد
تُرثي اجساماً هوت تنزُف دماء
❥❈┉┉┅━━❀❀━━┉┉❥❈┉
حزني مايبطل انه طول الدهر
عليك يا مولاي يااغلى العمر
دين الله تثبت بدم النحر
ودماءاً زاكيه للابرياء
❥❈┉┉┅━━❀❀━━┉┉❥❈┉
شلون انسه الي جرى بارض الحتوف
والاجساد موذره بفعل السيوف
صوت صيحاتك تنادي بالصفوف
آه من ارضاً جرى فيها البلاء


بقلم خادمة أهل البيت الشاعرة أم عباس السكيني
https://www.tg-me.com/umabbas1979

لطمية للاربعين ع

تجر بذيالها وصلت المهيوبه

عيزانه تراهي وحيل متعوبه

————————————-

وصلت كربله زينب المشتاكه

ذبت روحها ماتانت الناكه

اجت من اليسر وتريد الملاكه

تلگوها /تعبانه ام عون

——————————————
تعبانه ونحيله وحاله حالتها

تسح ابجدامها ومبينه مشيتها

اثار ابوجها مخليه دمعتها

نحلانه/ والضيم مبين

————————————

مايل طولها وجدامها مورمه

شظل من حيل تمشي بيه ومهمه

بساع اتريد توصل يم ابو اليمه

ولهانه/ ردت بت حيدر

—————————————-

ولهانه اجت والشوك كاتلها

بدرب الشام تمشي ايام صار الها

عدها اعتاب ويه الخوته فلها

حاجيها/ بت امك ردت

—————————————-
جانت بالغرب ايام تتلوه

شبعت ضيم من فكدتهم الخوه

ردت لاسند لاعون لاتجوه

مهمومه / ياعمة الساده

————————————


https://www.tg-me.com/umabbas1979

الما رجعت زينب يوم الاربعين كأني بلسان حال زينب ع

اعذرني اجيت وماجبت خوله ورقيه

غصب راحن يلحنين ومو بديه

———————————————

ابديرة الغربه وسف والموت اجاهن

رحم ماعنده اجه من ايدي خذاهن

توسلت بالموت يلحگني وراهن

كتله خل نرتاح خلينه سويه

———————————————

ضيم شبعن من بعد عينك يغالي

يلوجن وييجن وأنه مشدوه بالي

آنه ماحاجه اسولف شوف حالي

ياكثر الهموم من بعدك عليه

——————————————
مرادف الطكات ياخويه اجني

خذن حيلي ولون عظمي وتعبني

يابناتك فوك همي جملني

راح من ايدي وبقت ناري سريه

——————————————-
معلمات اعله الدلال وشافن الويل

من كثر ضرب السياط يصيحن ادخيل

من الالم والتعب كوه ينامن الليل

وانه ماطبك چفن خويه اليه

————————————-

الليل ذاك المر عليه ماانامه

على يتامه افتر واحومي چن حمامه

اريد لعيالك يخويه بس سلامه

بيدي ماصح اه احفظها الوصيه

———————————————

خوله بدروب اليسر ويلي ادفنتها

بعد خويه اطفال عندي ضيعتها

وآه يرقيه الي ابشام اتركتها

اعذري اشبيدي يخويه اعلمنيه


✍🏻ام عباس السكيني

https://www.tg-me.com/umabbas1979

لطمية لاربعين الامام الحسين ع


لخال ابني اجيت اليوم ملهوفه اشوفنه

شهر صار وعشر تيام اخوي حسين فاركنه

—————————————————-

اخر شوفه الي لحسين لحظات السرج مهره

ماحاجيته ياوسفه جانت بالصدر عبره

يشد سرج المهر للموت وعيني ويلي تنظره

عرفت بروحته هايه يظل شوفه الي حسره

كصير الوكت ياويلي مالحكت اودعنه

———————————————-

لاشبعيت منه اوداع ولامن طاح ودعته

خذوني ميسره بحبال من فوك الهزل شفته

شني من شوفه شفت حسين بلايا راس
آا جثته

مطشر شفته بالهيمه والظل خيل داسته

كل عظم بعزيز الروح الحوافر حيل طحننه

————————————————-
اخيي تارس الحومه عمامه هناك ذاك اصبع

منظر على الخلك مامر منظر حيل آه يفجع

فدوه گتله يلحادي بس شويه خل نرجع

الم اوصال ابو سكينه وجسمه الصار متكطع

وكل ذاري الترب بيدي عن جسمه امسحنه

————————————————-

ساك الناكه كل حيله الحادي شلون من كتله

رحت وياه بس جثه روحي بمصرعه خله

فراك ابن امي دولبني وحطلي بلكب عله

اليفكدله اخو مثله يموت و بلعمرشله

ولايحمل جمر فركاه يگضي العمر بالونه

———————————————
لفيت اليوم عيزانه المن حيلي بالكوه

ماظلي من اهل كلبي والي يصيرلي تجوه

بس وجعان ظل وياي وكلبي عليه يتلوه

كون يرد علي حسين واكله فراكك شسوه

اگلَله بعد يحسين بس نسوان گومنه

————————————————-

✍🏻ام عباس السكيني

https://www.tg-me.com/umabbas1979

قناة

نعي لرجوع زينب (ع) للدار
من ديوان أرض الحتوف ج٣
❥❈┉┉┅━━❀❀━━┉┉❥❈┉
يادار اجيتج كلبي خلصان
مو زينب انه ام الاحزان
رديتلج من غير وليان

رديتلج مكسوره كسره
كلبي تراهو صعب جبره
نامو اخوتي على الغبره

نامو وعافوني وحيده
ماظلي من اهلي شريده
بعد ماكو كفيل الالزم ايده

رديتلج وشلون رديت
بالمكبره ابن امي خليت
ياريتني ماجيت ولفيت

هالدار هيجتلي جروحي
ظليت اون مابطل نوحي
ميته عسنج اه يروحي

ميته ولاشفتي نزلهم
خالي وحش ياوسفه منهم
خان الدهر بعدني عنهم

اخلافهم بالعمر شلي
ياهو بعد خويه يكلي
يادمعتي دم ظلي هلي

هلي يدمعه ولاتبطلين
وحكج دمه لمن تصبين
فاركتي ويلي نور هالعين

غصبن علينه صار الفراك
كلبي لخوتي حيل مشتاك
ثاري الهجر ياويلي حراك

يحرك دليلي ودوم يسعر
لفراك اخوتي اه مكدر
راح الشمل ويل وتطشر


بقلم خادمة أهل البيت الشاعرة أم عباس السكيني
https://www.tg-me.com/umabbas1979

نعي للرجوع للدار
من ديوان أرض الحتوف ج٣
❥❈┉┉┅━━❀❀━━┉┉❥❈┉

نادت زينب بصوت يقرح القلوب :

رديت لديران وحدي
من الاهل مابقى عندي
مكسوره اون ايدي عالخدي

شلي بحياتي خلاف ولياي
جانت زهيه احوي دنياي
عافوني وحدي بهاي بلواي

بلوه جبيره فكد الحنان
منها دليلي داوي نيران
وحيلي لفكدهم اه ركدان

ركدان حيلي اليوم رديت
اصفج بدي ودمعي هليت
راحو احبابك اه يابيت

راحو احبابك مايردون
وفراكهم ودر لي العيون
ضنه بعد لينه يردون

ضنه وكطعناها من الاحباب
صارو يويلي اليوم غياب
تركو جرح ينزف فلا طاب

جرح الاهل ماضنه يلتام
وشما تمر وتطول الايام
يبقى الكلب مشتاك محتام

يشتاك للكعده سويه
نلتم سوه بوكت المسيه
يديارهم توحش خليه

ظلمه وتبجيني المباني
وبعيد ضيعهم زماني
بفراكهم ميته تراني

روحي بقت عدهم رهينه
رديت مكسوره وحزينه
وعمري انه ضاعت سنينه


بقلم خادمة أهل البيت الشاعرة أم عباس السكيني
https://www.tg-me.com/umabbas1979

المحتاج محاضرات مكتوبة حتى يقراها بالمجالس خل ينضم لهذه القناة ...مليانه احاديث وقصص ومواعظ عن أهل البيت... كلها جهزناها الكم على شكل روابط... يعني كل محاضرة موجود عنوانها وتحتها رابط المنشور، ما عليكم غير بس اضغطون عالرابط يطلعلكم الموضوع الي تريدوه..
شبيك لبيك المحاضرة التريدها بين يديك👇

https://www.tg-me.com/geanangna/4676
https://www.tg-me.com/geanangna/4676

يحذف الدعم بعد #ست_ساعات_ذمة

لطميه :للاب
تقرأ بعدة اطوار ومنها طور الفزاعي

يبويه البيت بعدك مااريدنه

غاب شلون طولك مااشوفنه

〰️〰️〰️💔〰️〰️〰️〰️
غاب شلون طولك يابعد روحي

تراهي اليوم بويه زادت جروحي

تمنيتك عدل وتشيل الي لوحي

وعلى نعشي يبويه تجهر الونه

〰️〰️〰️💔〰️〰️〰️
تاليها بديه اشلون ادفننك

عميه ريت بويه ولااشوفنك

بتراب اللحد ياحيف اضمنك

منك يالابو ينكطع كل ضنه

〰️〰️〰️💔〰️〰️〰️
كلف يومك يبويه وحيل ياذيني

خنجر بالضلع وبناره يجويني

تراني معلمه وعليك تدريني

وجهك يالحنين شلون اضيعنه

〰️〰️〰️💔〰️〰️〰️

كلف مااحمله يابويه يايومك

شلون شلون عني تغيب يرسومك

بس انظر اصدن ويلي لهدومك

مو بالهون يومك يالشلت منه

〰️〰️〰️💔〰️〰️〰️〰️
مو هين عليه وحيل تعبني

سهم فكدك يبويه بكلبي صوبني

بيت من الحزن بعدك انه لبني

وانصب مأتكم يالحملت عنه

〰️〰️〰️〰️💔〰️〰️〰️
يفراكك يغالي واشعمل بيه

من بعدك تراني اشبع مهضميه

تندار المصايب بويه وعليه

كأس المر يويلي راح اجرعنه


ب✍️ شاعرة اهل البيت

(( ام عباس السكيني))

https://www.tg-me.com/umabbas1979

نعي للرسول ص عن لسان حال الزهراء ع

يابوي يالهديت حيلي
نارك غدت تحرك دليلي
مالومه اون مانام ليلي

مانام ليلي وتغمض العين
اتسله كمت انه بالونين
كلبي عليك انجسم نصين

ياهو بعد ينشد عليه
بعدك تره يابو الزجيه
اشبع هضم واشبع اذيه


تدري الي انته تجيه
لورحت انه شلون بيه
اصفج اظل بثنين اديه

الجور وظلم بعدك اشوفه
حتى البجي لازم اعوفه
غصبن علي عيني ذروفه

مرّ الفراك ويشعب الروح
وشلون بويه اعليك مانوح
كلبي تراهو ا مسطر اجروح

جرحك غميج وعيب يلتام
وبروحتك زودت الالام
حزني صبح واصلي للهام

فراكك يبويه مااحمله
طبره براس الكلب خله
هالنوح بعدك ماامله


اعليك الدليل بنار ذايب
يابوي يااغلى الحبايب
صعبه تره تنام بترايب

نوم الترايب مو محله
خليت اه بكلبي عله
دمعي دمه لفراك اهله


ام عباس السكيني


https://www.tg-me.com/umabbas1979

نعي لحظة وداع الرسول ص لابنته الزهراء ع

صار الوداع بين الاثنين
طه النبي ويه ام الحسين
لحظات صعبه وتعمي العين

———————————-

دارت اديها وشبكته بآه
ترحل تكله بويه ويلاه
شخصك بعد جاوين انه الكاه

———————————-

جاوين من بعدك الچي
ولمن بعد يابويه اشچي
لو مرني ضيم ويامن احجي

———————————-

لو رحت بويه شلون بيه
توحش انه الدنيه عليه
وياك اموت احسن اليه

———————————

شلي انه بالعمر شلي
بعدك اسف ياكلهم اهلي
بالدينه بويه بعد من لي


————————————

عازم يبويه ناوي تروح
بعدك اخلص العمر بالنوح
دمعي يظل للدوم مسفوح

—————————————

محمل افراكك وانته تدري
وبشيلتك ينكسر ظهري
شيصبر اكليبي يضخري

—————————————

منك اريدن اشبع الشوف
لحظات الك وبنيتك تعوف
ليك انه اصد والدمع مذروف

———————————

وياك اريد يطول الوداع
تشبع اخلي عيوني كلساع
صار الفراك وياك شبساع

———————————-

وداعك يبويه هدم الحيل
ماهي مناسبه عن بتك اتشيل
حكها دمه دمعاتي اتسيل

✍🏻ام عباس السكيني

https://www.tg-me.com/umabbas1979

هوسات للرسول ص


ابو ابراهيم حمل عافها ادياره

عليه ام الحسن بالدمع تجاره

ماتطفى ابدليلي تگول ياناره

(لهابه/ يانار الوالي)

———————————-

راح الحيل مني بشيلت الوالي

خذه عمري ابوي آنه يتراوالي

ميته الروح احس والجسد ظل بالي

(يدفنوني / ياريت وياه)

————————————

من سار النعش طلعت انه روحي

يريت ويل الحنين انشال اه لوحي

ولااظلن اون سلاوي بس نوحي

(شيشيله/ افراك الهيبه)

————————————

اعيش شلون واتحمل انه افراكه

اله نار ابصميم احشاي حراكه

بعد وي العزير شلون انه اتلاكه

(وين الكاه/ الكله مروه)



✍🏻ام عباس السكيني


———————————-

https://www.tg-me.com/umabbas1979

لطمية للرسول ص عن لسان حال الزهراء ع وهي تودع ابيها


بويه بويه /لورحت عني اموت انا وراك

بويه بويه/تدري بيه آنه مااحمل جفاك

روحي انته البيها اعيش

ضلتي بعدك ضلتيش

بويه. بويه ٢


————————————-

لو غبت عني ثواني كلبي يغتم

فراكك شلون انه احمله يابو فاطم

ياهوه التشتمه ريتي بعد ششتم


لاتروح وبيه تكطع

كلي ليّه بويه ترجع

بويه بويه ٢

————————————
شلون بلعشره يبويه وياك افلها

يلي كلشي لروحي انته وانته اهلها

ابنيتك ياهو يغالي بعد الها

عمري من بعدك ضياع

وياك مااريد الوداع

بويه بويه ٢

————————————
دام ناوي السفر فدوه وياك اخذني

تكسر كليبي يبويه من تهدني

وداعك ونظرت اعيونك اه عمتني

كلبي من عندي انمرد

يلي رايح ماترد

بويه بويه ٢

—————————————-
عايشه گله اعلمودك هايغالي

العيش بوجودك احسه شكد حلالي

من تهاجر عني شيصير انه حالي

هسه واشعر بالعذاب

شلون لو طال الغياب

بويه بويه٢

—————————————-

بس تغمض اعيونك اتظلم حياتي

اشتهي بعدك اظل آنه مماتي

بكل وكت ابجي وون بس بصلاتي


ادعي ربي بكل قنوات

بعدك آنه كون اموت

بويه بويه ٢

—————————————
من وداعك صار اسف دلالي ذايب

الفركه صعبه ويكتل اوداع الحبايب

راح اظل ابفكدك اجرع بالنوايب

ميته ياروحي عسن

ولا اصدلك تون

بويه. بويه ٢

ام عباس السكيني


https://www.tg-me.com/umabbas1979