لطمية فزاعية لاولاد مسلم ع

ادور على الولد ياناس

ياهو يدور اويايه

⚫️⚫️⚫️⚫️⚫️⚫️⚫️

ادور صارلي مده

صبري جن وصل حده

حرمه و طايحه بشده

وفكري متيهه رايه

⚫️⚫️⚫️⚫️⚫️⚫️⚫️

وين اليفزع اعليه

تراني حيل مابيه

اون اوصفج ايديه

ومابطل انه بجايه

⚫️⚫️⚫️⚫️⚫️⚫️⚫️

ابجي لضيعت اولادي

ناري تحرك افادي

عليهم مدري سادي

فرو مني وضمايه

⚫️⚫️⚫️⚫️⚫️⚫️

اظن سحكو جمر لخيام

يركضون وحفي لجدام

ويلي شسوت الظلام

اجونه ويلي عنايه

⚫️⚫️⚫️⚫️⚫️⚫️

بعد ذبحت اخوتي ويل

اجتنه تصهل اه الخيل

بينه اعدانه كام تعيل

وينه صاحب الرايه

⚫️⚫️⚫️⚫️⚫️⚫️

ريت حاضر ويانه

يشوف اشسوت اعدانه

وسافه شلون خلانه

بالمحنه اسف هايه

⚫️⚫️⚫️⚫️⚫️⚫️

انه بعوزه تره الجيدوم

يرد عيلات هاي الكوم

يرد اطفالي ليه اليوم

يساعدني على بلوايه



https://www.tg-me.com/umabbas1979

لطميه لاولاد مسلم عليهم السلام

من داجت وجتنه الخيل

ضاعو اه ويلادي

〰️〰️🔴⚫️〰️〰️🔴⚫️〰️〰️
راحو مدري لياصوب

عليهم كلبي اه مصيوب

مشو وبعيده لن لدروب

عليهم مدري اشسادي

〰️〰️🔴⚫️〰️〰️🔴⚫️〰️〰️

من حركو خيمنه بنار

وبينه اشصار آماصار

ضاعو مني آلزغار

ويلي وحركو افادي

〰️〰️⚫️🔴〰️〰️🔴⚫️〰️〰️
ما ضلت ولاخيمه

مايدري ابو الشيمه

الحراير طرت الهيمه

تدور ظلت الوادي

〰️〰️⚫️🔴〰️〰️🔴⚫️〰️〰️〰️
يبجن كلهن لحالي

مضيعه اولادي ولوالي

دمعي من دمه هالي

صوتي اعليهم ينادي

〰️〰️🔴⚫️〰️〰️🔴⚫️〰️〰️
ادوركم ييمه وين

كلبي صار جن نصين

دلوني الطريج منين

ياروح النبي الهادي

〰️〰️⚫️🔴〰️〰️⚫️🔴〰️〰️
وحيدة بديرة الغربه

ادوركم علي صعبه

عيني عللدرب تربه

ماهي ديره ابلادي



✍🏻ام عباس السكيني

https://www.tg-me.com/umabbas1979

لطمية ختاميه للعباس ع

عله العباس زينب وشتكولين
————————————
وياونّه عليه اه التونين
على العباس زينب وشتگولين

نعاويج شني لو ردتي تنعين
على العباس زينب وشتگولين

من حكج علي شما تگولين
على العباس زينب وشتگولين

يحلاله اللطم ابن ام البنين
على العباس زينب وشتگولين

سبع ومخيف يرهب بالميادين
على العباس زينب وشتگولين

كولج يلعقيله يسوه للزين
على العباس زينب وشتگولين

هذا الدوم رأسج بي ترفعين
على العباس زينب وشتگولين

لطمي وخل بمتونج نياشين
على العباس زينب وشتگولين

يستاهل لطم عباس تدرين
على العباس زينب وشتگولين

ندك وياج كلنه انعيز الايدين
على العباس زينب وشتگولين

على الي طاح وسفه بالميادين
على العباس زينب وشتگولين

راح الجان بي زينب تزمطين
على العباس زينب وشتگولين

يلوك النوح اله يامن تنوحين
على العباس زينب وشتگولين

انكسر ظهره اخيج اه لحسين
على العباس زينب وشتگولين

عكب عباس اخيج ماله امعين
على العباس زينب وشتكولين

رد حاير اخيج للصواوين
على العباس زينب وشتكولين

بردانه يكفكف دمعت العين
على العباس زينب وشتكولين

اظن كلبج يزينب صار نصين
على العباس زينب وشتكولين

بعد عباس ياهو للنساوين
على العباس زينب وشتكولين

ونيله /الطاح بكونه

✍🏻ام عباس السكيني


https://www.tg-me.com/umabbas1979

فزاعيه للدفن الامام الحسين ع

يادفان وسعله الكبر زين

تراهي مكسره اضلوع الحسين

—————————————
براضه اعليه هذا كشخة الساده

بالك من توسده تلجم افاده

مشه مجروح ويلي وناره وقاده

نزله بهونك / لاتستعجل يادفان


—————————————-
وذر صاير اخيي اه وشحاله

اخافن بالدفن تتطشر اوصاله

حال ابنه يولي شلون من شاله

(جسمه مناثر/ بتراب الهيمه)

————————————-
اوصاله مناثره بترابة بالحومه

حمره مصبغه ومطشره هدومه

موچنه اخيي وجنهن رسومه

ما خلت له ارسوم / الخيل الجالت

——————————————-
يادفان غسل للولي اخضابه

بهيده وياه بالك تلجم صوابه

بهونك من تهيل اعليه الترابه

اتراب الحار اجروحه/ خافن ياذيها


————————————-

دور خنصره ورجبه على اجفوفه

بالميدان دوره بياكتر شوفه

سلملي علي من تگضي وتعوفه


(زينب ماحضرتك/ راحت ميسوره)


————————————-

✍🏻ام عباس السكيني

https://www.tg-me.com/umabbas1979

قصيدة للامام زين العابدين

تقرأ بطور (يل لابس اثياب العرس)

لسان حال الزهراء ع



يالي متت بين الغرب وبلاذنب
بسّم العدو روحك كضت وبلاذنب

يوليدي٠٠ وصفلي يمه الموت
يوليدي٠٠ وسفه خمد هالصوت


خلصته عمرك بالقهر تجرع بكيت
هموم

بطف كربله شفت العجب يوليدي ومهضوم

ذبح الابو بعينك شفت ويايومه الميشوم

كلبك حمل ضيم الفكد عشت العمر محروم

آه يبني يالمسموم٠٠ آه يبني يالمسموم ٠٠ آه يبني يالمسموم

_________

صار الحزن زاد وشرب كل الوكت
عايش حياتك بالالم كل الوكت

بعيونك٠٠ شفت الجره والصار
بعيونك٠٠ حرك الخيم والنار

بالحومه صديت الولي طايح غدر منحور

عالرمضى نايم بالشمس دمه نزف ويفور

رأس انفصل عن الجسد ظل بالعرى مشمور


خيل العده داسته عليه صدره صبح مكسور


آه يبني يالمسموم ٠٠ آه يبني يامسموم٠٠ آه يبني يامسموم٠٠

_________


موقف صعب هدّ العمر يوم الابو
ماينسي طول الدهر يوم الابو

كدامك ٠٠طاح الولي ياحيف
كدامك ٠٠صاير وذر بالسيف



ناحل يويلي من المرض وعلل ارض مطروح

وسط الخيام المسعره تجهر بكيت النوح

نايم تون آيلولد ماتكدر آه تروح

تصفج الادين وتنتحب دمعك جره مسفوح


آه يبني يالمسموم ٠٠ آه يبني يالمسموم ٠٠ آه يبني المسموم

_______

تالي ترافك هالغرب طول الدرب
محني الظهر من التعب طول الدرب

من كيودك٠٠ دمك يخر للكاع
من كيودك ٠٠كلبك يويلي لاع

سوط العده يضرب بكه ام الخدر وتشوف

عمتك تون بين الغرب منه الدمع مذروف

صوت اليتامه تندهك مرعوبه من الخوف

كثره الجروح البل كلب يوليدي ياهو تروف


آه يبني يالمسموم ٠٠ آه يبني يالمسموم ٠٠ آه يبني يالمسموم


ب✍🏻شاعرة اهل البيت

(( ام عباس السكيني))

https://www.tg-me.com/umabbas1979

هوسات لزين العابدين ع


يون ضل العليل وعينه سجابه

متكطع وصل دلاله لحبابه

ماطاب وبره للفركه اصوابه

(للفركه يون/ مو لسمومه)


——————————————-

شاف الضيم ويلي جرع جم لوعه

مانشفت اسنين اتهل دمه دموعه

يون ليل ونهار وروحه مفجوعه

(من ونينه/ مابطل لحظه)

——————————————-

يلوج من السموم الكطّعت جبده

يشمر بالادين من الالم وحده

لاعم لاخو لامن ابو العنده

الميت بالسم/ ماحضروه

——————————————-

يتلفت بقى وبآخر انفاسه

والسم كل عضو واصل اله وجاسه

يريد اهل الشيم تحضرله عد راسه

(بالهيمه/ نامو كل اهله)

———————————-

ابو الباقر كضه عمره بحزن وآلام

بعد اهل الشيم عاش بوسط ظلام

مات ابكربله وازيد بعد بلشام

(خلصانه/ ياروحه ويهله)



✍🏻ام عباس السكيني

https://www.tg-me.com/umabbas1979

قصيدة للامام السجادع


اه ياموت ..تاخرت كلش عليه وماجيت
اه ياموت ..وانه كل لحظه الك اه اشتهيت


جنت معتازك انه بالغاضريه
ترحم بحالي ردت ذيج المسيه
بظهر عاشر ظكت مرات المنيه
روحي طلعت من خذو عمتي سبيه


اه ياموت /كسر كاسرني زماني مابريت
اه ياموت/ اتأخرت كلش عليه ومااجيت

————————————————-

ليش وي اهلي واخوتي ماخذتني
من مرار المر عليه وريحتني
تحملت ضيم ومصايب عذبتني
مصيبة المذبوح ضامي لوعتني


اه ياموت/ توسلت بيك اشكثر آنه ودعيت
اه ياموت/ اتأخرت كلش عليه ومااجيت

——————————————-

شبقى بيه من المصايب آيويلي
راح شوفي وراح مني آنه حيلي
نار عاشر ماطفت لحظه ابدليلي
تاخرت ياموت ليش وماتجيلي

اه ياموت/ كضه عمري كثر ماآنه بجيت
اه ياموت/ اتاخرت كلش عليه ومااجيت

—————————————-

خلص عمري وانتهى وي فكد الاحباب
عيني مابطلت دمعها دوم سجاب
ابد مافارك خيالي ذاك المصاب
ردت تلفيلي وتطيب ذاك الصواب

اه ياموت/ من زمان انه تره اه انتهيت
اه ياموت/ اتاخرت كلش عليه ومااجيت
—————————————

المرار الي جرعته واه ضكته
بالسبي ياموت كلشي آنه شفته
لكن الجور اعله عمتي ماحملته
حيلي كله وياها ياويلي خذته


آه ياموت/ وسفه ماصحلي اخو لمن كضيت
اه ياموت/اتأخرت كلش عليه ومااجيت


✍🏻ام عباس السكيني


https://www.tg-me.com/umabbas1979

فزاعية للامام السجاد ع

الف ياحيف مسموم ابن الحيود

يلوج من الالم يا جبده ممرود


—————————————-

مسموم ويون وحالته حاله

عله اهله ينوح منه العين هماله

كضه عمره يون مجروح دلاله

(ماذيته / يافركة اهله)

—————————————

عليهم ماسكن لحظه ولاساعه

يتلوه تراهو مو من اوجاعه

يذكر يوم ابو احسين ووداعه

(مو لحواله/ لحسين يون)

—————————————-

يدير العين يمنه ونوب لليسره

مشبوحه النواظر للدرب تبره

خانكته على اهله ظلت العبره

(هماله/ يادمعة عينه)

———————————————

يذكر ذبح ابوه وذبحة اخوانه

يشمر ظل يويلي اه بذرعانه

روحه من مرار البين خلصانه

(ماحضروله/ نيام اهله)

———————————-

تهد الحيل من يون ايا ونته

كل ونه والاكثر منه لعمته

على ضيم السده وحدها حملته

(مالومه / ياروحه لزينب)

——————————————-

يتلوه يويلي وروحه مالومه

على المذبوح ضامي واه يايومه

ثلث تيام باقي مسلبه اهدومه

هد حيله/ يفراك الوالي


✍🏻ام عباس السكيني

https://www.tg-me.com/umabbas1979

لطمية للسجاد ع

اه ياعمري الگضه بس بالمناحه

راحو اهلي ماشفت لحظه آنه راحه

مانشف سيل الدمع

وياونيني الماگطع

كلبي يدي وابد ماطابت جراحه

—————————————-

انا ياراحه التجيني وشفت كلشي بالطفوف

والدي وحده ينادي دايره اعليه الصفوف

والعيال تلوذ بيه ترتعش كاتلها خوف

عمتي زينب هذا كله بعينها تصد وتشوف

لامحامي ولاكفيل

والعده بيها تعيل

تبجي سكته ولحظه مابطلت نياحه

———————————————-
متت آنه بظهر عاشر ونطوه مني العمر

روحي انذبحت يويلي ويه محزوز النحر

راح شوفي بعد مني ويه جفين الگمر

متت بس مو موته وحده انه وي ذاك الظهر


بيه كلساع انذبح

والجرح يلجم جرح

خذه روحي العاشر آنه وي صباحه

—————————————-

ريت ماجابتني امي ولاشفت سبي الحرم

مجتفه وكبال عيني حالهن محد رحم

يتيمه هايه وذيج ثكله ينوحن وكلهن ألم

مخدرات حسين ويلي تالي مابين الزلم

يمشن ويتلفتن

اعزازهن ماودعن

مدوهنات من الشمر اه وصياحه

————————————————-
اه ياعمتي العقيله الذوبت شحم الدليل

تمشي محنيه اصدها ترتعش ماعدها حيل

مدوهنه بالعيله كلها والحمل كلش ثجيل

هيج تاليها وسافه بت علي حامي الدخيل

على الهزّل ركبوها

مثل حالي جتفوها

يامتنها السوط ويلي شكثر لاحه

——————————————-

لالي حيل وعنها ادافع والسلاسل بالزند

حرمه مكسوره وجبيره لااخو عدها ولد

والسياط اعليها اصدن تروح كلساع وترد

مكيد وموجوع اونن تنمرد روحي مرد

لو زمخ بيها الشمر

ضمني اتمنى الكبر

امدلله بين الغرب زحمه وكباحه


✍🏻ام عباس السكيني

https://www.tg-me.com/umabbas1979

نعي للامام الحسن ع عن لسان حال الزهراء

اتعافه لوليدي اجيته
من ابعيد محنيه اعتنيته
يلوج ويون ويلي لكيته

——————————-
يشمر بدينه وحيل مالوم
وحسين يمه حيله مهدوم
جبده يتكطع من السموم
————————————
ياولد حيل امك رهنته
ونينك ييمه من سمعته
بثنين ادي كلبي لزمته
——————————-
مخطوف لونه وغارت العين
كلساع يلزم چف الحسين
شمسوي سموك الملاعين
———————————-

نايم على افراش المنيه
شسويت يمه الولد بيه
تلوج وتون سوده عليه
—————————
كل ظني طيب يمه الگاك
واكعد اتسامر آنه وياك
يلي يرد الروح طرواك
———————————
آنه ييمه وياك نكعد
لمن ضعون الغرب تبعد
نشبع سمر ورواحنه ترد
———————————
بياحال ياويلي لكيتك
گربانه يوليدي منينك
عساني ياولد لامااجيتك
———————————-
احنيت الظهر ازيد والضلوع
جبدك اكبالي يمه اتزوع
ماذيك سمك حار وتلوع
———————————-
ظليت انوح بعتبت الدار
ودموعي فوك الوجن مدار
ياهو بعد يكرم الخطار

——————————-
آنه ماشيه ياولد كوه
مالي بعد ياحسن تجوه
حالك بحالي اه شسوه


✍🏻ام عباس السكيني


https://www.tg-me.com/umabbas1979

على حب امير المؤمنين ع اشترك في قناتنا 👇
قـنـاة (#تدبر_في_آية_أو_قـصـة_أو_رواية )
      لﻹشتراك إضغط على الرابط  ثم إضغط إشترك
👇👇👇

https://youtube.com/channel/UCkclgv-QhFZFeo-2WFS29mQ

لطميه : لوصول زينب (ع) يوم الأربعين
تقرأ بطور الفزاعي وأطوار أخرى
من ديوان أرض الحتوف ج٣
❥❈┉┉┅━━❀❀━━┉┉❥❈┉
اكعدو يخوتي هالجيت مهضومه
من درب السبي نحلانه مالومه
❥❈┉┉┅━━❀❀━━┉┉❥❈┉
اكعدو يخوتي تلكوني تعبانه
كبعني الدهر ياويلي بحزانه
عيني من البجي راحت وعميانه
من يوم العفتكم صرعه بالحومه
❥❈┉┉┅━━❀❀━━┉┉❥❈┉
تراني من رحت لاحيل ظل بيه
امشي والتفت واصفج انه اديه
عيني للدرب ضلت تره ربيه
ياريته حلم واصحه من النومه
❥❈┉┉┅━━❀❀━━┉┉❥❈┉
انه طول الدرب ياخويه اتلوه
شلون الكه الحنين البي المروه
نايم بالثره وبحالهه اشسوه
اظن وجه الحنين تغيرت رسومه
❥❈┉┉┅━━❀❀━━┉┉❥❈┉
من جدم ضعني بادن جدامي
فزن كل جروحي وهاجت الامي
ظل كلبي يخويه ينزف ودامي
وصلت اليوم ليكم حيل مالومه
❥❈┉┉┅━━❀❀━━┉┉❥❈┉
راح يصير خويه اليوم الملاكه
بعد غيبه طويله وحيل حراكه
مشتاكه اجيتك خويه مشتاكه
من وجهك يخويه ايام محرومه


بقلم خادمة أهل البيت الشاعرة أم عباس السكيني
https://www.tg-me.com/umabbas1979

لطميه : حال زينب (ع) لما وصلت إلى كربلاء يوم الاربعين
من ديوان أرض الحتوف ج٣
❥❈┉┉┅━━❀❀━━┉┉❥❈┉
جيت محنيه واخط بذيالي

خويه حتى النوك تبجي لحالي
❥❈┉┉┅━━❀❀━━┉┉❥❈┉
جيت محنيه وعباتي متربه
اه يفراكك يخويه شمصعبه
هاك كلبي حسين خويه وكلبه
شوف جم جرح الذي بدلالي
❥❈┉┉┅━━❀❀━━┉┉❥❈┉
امشي كوه حسين اسحب بالجدم
ناحله مابيه اشيلن هل هدم
راح شوفي النوب مني ونعدم
وياك ودعت النظر ياغالي
❥❈┉┉┅━━❀❀━━┉┉❥❈┉
ساعه اطيح وساعه اكوم وانتهض
جفني خويه من البجي طبك غمض
باد حيلي من وصلنه هالارض
اذكر مصاب لجره ياوالي
❥❈┉┉┅━━❀❀━━┉┉❥❈┉
انده ومحد سمعني من اصيح
راح صوتي من وصلتك ياذبيح
اخذو بيديني لخيي واستريح
حشمت محد اجه اتدنالي
❥❈┉┉┅━━❀❀━━┉┉❥❈┉
حشمت محد الي كام وفزع
فرفحت خويه احس كلبي انشلع
ذبت ويلي من الهضم مثل الشمع
ريت ميته اليوم كون اشوالي
❥❈┉┉┅━━❀❀━━┉┉❥❈┉
متت خويه حسين انه بس جسد
كلبي مات وياك ماظنه يرد
خلص صبري من المصايب هم بعد
نمت ماتدري شنو اليجرالي


بقلم خادمة أهل البيت الشاعرة أم عباس السكيني
https://www.tg-me.com/umabbas1979

نعي للاربعين لسان حال العقيله(ع)
من ديوان أرض الحتوف ج٣
❥❈┉┉┅━━❀❀━━┉┉❥❈┉
جبت العيال وجيت ليكم
مشتاكه ياخويه لحجيكم
بالمكبره حيف الاكيكم

انده واصيح هنا يالخوان
من بعيد اجيت وحيلي خلصان
حشمت ماكعدو لي الاحنان

كعدو يخوتي وحيو اختكم
تعبانه من الشام اجتكم
تلهج بسمكم مانستكم

عليكم اصيح وصوتي رايح
محد يرد بس النوايح
كعدو تراهو الحمل طايح

بتربان ياوسفه تنامون
بزينب يهلها ماتحيون
عليكم تظل مشبوحه العيون

نادت اخي حسين انا عزيزتك زينب

فك الكبر لختك تعنت
محنيه من الشام ردت
ونت عليك حسين ونت

مابطل وني وهدت ليلي
من فاركيتك راح حيلي
مستعره يانار بدليلي

متعنيه اسولف ضيم كلبي
ورحلة الشام وتعب دربي
جاليش ماتسمع لعتبي

المن اسولف بعد واحجي
بعدك يخويه وين الجي
طول الدهر يحسين لبجي

ادريك تسمعني من اعاتب
وكلبك يخويه عليه ذايب
لني شفت بعدك مصايب
( هيهات لمتنه سويه )


بقلم خادمة أهل البيت الشاعرة أم عباس السكيني
https://www.tg-me.com/umabbas1979

نعي لوصول زينب يوم الاربعين
من ديوان أرض الحتوف ج٣
❥❈┉┉┅━━❀❀━━┉┉❥❈┉
يم الكبر خويه اجينه
تبجي وتون ضلت اسكينه
جاوينه عمه الولي وينه
جينه اله بيوم اربعينه

ننصب لفينه هالعزيه
للهوه بأرض الغاضريه
لحسين ولعباس اخيه
نتعاون ونلطم سويه

راسك يخويه وياي يبره
طول الدرب عيني تنظره
نار الكلب ضلت موجره
مكسور ظل الكلب كسره

مشتاكه خويه وصارلي ايام
والكلب جاك اليوم محتام
مغيب عليك برحلة الشام
صار الحزن واصلي للهام

عليك الكلب مفطور نصين
يابعد عمري وضوه هالعين
اذكر يخويه عملت البين
من طحت مابين الملاعين

ايام صارت جن ليالي
بعدك يخويه اه يغالي
ياهيبتي وعزي دلالي
العيش بعدك ماحلالي

ثم اتجهت نحو شاطئ الفرات صاحت :

عباس هاي انه لفيتك
انده اجيت وحشميتك
مااظن تقبلها حميتك
زينب انه خويه النخيتك

انهض يكافل شوف حالي
مهدوده من ضيم الجرالي
بس الحزن بعدك صفالي
ولشافني حن وبجالي

انهض لخيتك ها يوفاي
موكلت زينب خويه بحماي
اعتب عليك وحكي بهاي
انهض يخويه وكوم وياي

جيتك يخويه ولاتردني
لارض المدينه كوم زتني
ارجاك خويه لاتهدني
وياك العتب عباس يحله


بقلم خادمة أهل البيت الشاعرة أم عباس السكيني
https://www.tg-me.com/umabbas1979

نعي للسيده زينب (ع) لما وصلت يوم الاربعين
من ديوان أرض الحتوف ج٣
❥❈┉┉┅━━❀❀━━┉┉❥❈┉
يم الكبر جينه ... اكعد يوالينه
من الشام ردينه ... وينك يرجوانه

ردينه يبن امي ... زايد انه همي
محد نده بأسمي ... وينك يرجوانه


جيتك يخال ابني ... مني الظهر محني
هل حمل هد متني ... وينك يرجوانه

مو طبعك تجافي ... لختك جنت وافي
ياحيف لن غافي ... وينك يرجوانه

يالعايش بروحي ... تلجم تره جروحي
هدمتلي صروحي ... وينك يرجوانه

مابطلت وني ... ليام لامني
سرمد يظل حزني ... وينك يرجوانه

ياخويه لوتدري ... بيه شعمل دهري
راح احجي لك وابدي .. وينك يرجوانه

بتك عمت عيني .. هالجلمه تاذيني
موبيدي تدريني .. وينك يرجوانه

بالكاع لن صارت ... اختك يخي حارت
بهل دنيا من دارت ... وينك يرجوانه


بقلم خادمة أهل البيت الشاعرة أم عباس السكيني
https://www.tg-me.com/umabbas1979

لطمية لسفرة السيدة رقيه ع


اجيت لسفرتج هليوم عنايه

احلفج يارقيه بصاحب الرايه

————————————
ادك بابج اجيت اهنا يعلويه

حضرت لسفرتج بس عينج اعليه

عد ربي بجاهج ارفع ايديه

اريدن طلبتي منج أنه هايه

——————————————-
حضرت لمجلسج متعنيه الج عنوه

حاجاتي جثيره ومنهن اتلوه

تعبني الوكت وبحالي شسوه

من ضيم العلي تاه الفكر رايه

————————————-
ادك ياباب اروحن ليه واتعنه

گالولي الخلك عد بت المچنه

تكضي الحاجه الج شاراتها مبينه

كرامات اليتيمه كلش اهوايه

————————————-
كريمه ومن سفرتج ناخذ الحاجه

نظره يارقيه اليوم محتاجه

امشي اعليج ذاك الگطعو اوداجه

انذبح محروم ماضاك العذب مايه

————————————-
احلفج بالعقيله المحنه محنتها

لميسوره مشت واخوتها عافتها

بس اجساد فوك الرمل خلتها

واحلفنج بعد بالراحن سبايه



—————————————-
✍🏻ام عباس السكيني

https://www.tg-me.com/umabbas1979

لطمية لرقية ع تصف حالها بعد حرق الخيام

عمه زينب/ فدوه غطيني ابعباتج خل انام

عمه زينب/ترد خاف اخيولهم آ علخيام

آنه اخاف ودنيه ليل

نمت بس شفت انه خيل

عمه يرعبني الظلام

عمه زينب عمه زينب

———————————————
عمه جيسي كليبي شوفي لن يدك

بيدي جسته وشفت بيديه حرك

من رماد الخيمه كلساع اختنك

شنهي ذنبي والعدو بيه يطك

كلشي بيّه بي الم

كله يوجعني الجسم

حيل اذوني اللئام

عمه زينب عمه زينب


———————————————-

ريت انامن كون واغفى انه اريد

علترابه اشلون گليلي اهيد

اذني ظلت بالالم عمه تزيد

والوساده ليه صارت آه الايد

اللجم بيهن وون

مني لو طبك جفن

والترب جن بي سهام

عمه زينب عمه زينب

————————————

كلبي من خوفي احس ياعمه ذاب

كلشي صار بعيني لوعه اه و عذاب

شلون مااعرف انامن علتراب

اعتب ومحد سمع مني العتاب

خيمه ماعدنه بقت

والضلامة جلجت

خيامنه احتركت حرام

——————————————-

ليش ضربوني انه وبلاسبب

انجفيت اعله الوجه فوك الترب

آنه شمسويه ذنب حتى انضرب

سلبو حتى التراجي وبالغصب

اصرخ الحك ياحسين

واشكف بجف الادين

نوحي جن نوح الحمام

عمه زينب عمه زينب

—————————————

عمه شبكيني وبعد جيسي كفاي

منه ازيد نوحي ياعمه وبجاي

مادريتي الشمر من يركض وراي

طگني طكه صحت وينك ياحماي

شوفني شلون انوليت

من دمه دمعي بجيت

مارعو طفلة امام

عمه زينب عمه زينب


✍🏻ام عباس السكيني

https://www.tg-me.com/umabbas1979