نعي للامام الكاظم عن لسان معصومة ع
وهي في الغربه احست ان شيء مكروه حدث لوالدها


اليوم الولي مدري اشعلامه
حسيت انه ماهو ابسلامه
ماطبك جفني وبمنامه

〰️〰️💔💔〰️〰️💔💔〰️〰️

متمرمره وبالضيم حالي
وعليه اون ابصوت عالي
مدري انه شنهو الجرالي

〰️〰️💔💔〰️〰️💔💔〰️〰️
من امس ماطبكت عيني
وماهودت لحضه ونيني
مااعرف انه اه شبيني

〰️〰️💔💔〰️〰️💔💔〰️

ارد اعتني لبغداد عنوه
واكطع ابجدمي درب شلوه
انشد على الكله مروه

〰️〰️💔💔〰️〰️💔💔〰️〰️
انشد عليه ابسجن هارون
سنين اله ياحيف مسجون
وسط الشماته واليكرهون

〰️〰️💔💔〰️〰️💔💔〰️〰️
حال الولي شلون يسجان
ماشفته انه مو صارلي زمان
لفراكه كلبي حيل خلصان

〰️〰️💔💔〰️〰️💔💔〰️〰️
حال الولي شلونه اكله
من فركته بكليبي عله
اباب الحبس دمعي اهله

〰️〰️💔💔〰️〰️💔💔〰️〰️
خلصان كلبي من الفراك
تدري البعد ياويل حراك
كلساع انه لملاكاه اشتاك

〰️〰️💔💔〰️〰️💔💔〰️〰️
خليني اكعد كون يمه
ابحضاني اضمه اه واشمه
ضيم الكلب اشكيه وهمه

〰️〰️💔💔〰️〰️💔💔〰️〰️

فكلي السجن وتباصر وياه
وشنهي اشوف الويلي اذاه
روحي ادكها جيت لادواه

〰️〰️💔💔〰️〰️💔💔〰️〰️
خلي اشوفه شلونه ملفاي
وتبرد عسنها جمرة حشاي
كلبي عليه اليوم انه لاي


✍🏻ام عباس السكيني

https://www.tg-me.com/umabbas1979

لطمية للامام الكاظم ع لسان حال معصومه تخاطب عمتها زينب ع


عمه زينب … اليوم اريدج يلعقيله

عمه زينب .. محنتي كلفه وثجيله

والدي فوك الجسر
نعشه ياويلي انشمر

عمه زينب..هذا مو وكته رحيله

عمه زينب .. اليوم اريدج يلعقيله

💧💧💧💧💧💧💧💧💧

نكعد وننصب عزيه للكضه عمره بسجن

نفك كيده اه يعمه بلعجل من المتن

نذكر المذبوح ضامي ثنينه نبجي ونون

من مشه عني تراني عليه بس ابجي واحن

دنيتي صارت ظلام

ماعرفت انه المنام

عمه زينب .. دمعي من دم انه اسيله

💧💧💧💧💧💧💧💧💧

عمامة الخضره يعمه نشيلها من الترب

صار ايام وليالي ظال مابين الغرب

ماحضر عنده يويلي لاخو ولالامحب

خلي نطوي اه يعمه بلعجل ليه الدرب

نحضره هذا المسه

بلكي ارتاحن عسه

عمه زينب.. مدة افراكه طويله

عمه زينب.. اليوم اريدج يلعقيلة

💧💧💧💧💧💧💧💧💧💧💧

لو اجيتي يلعقيله ونلتقي ونكعد سوه

بليله ظلمة آيويلي طافي من عده الضوه

ارد اشوفج كيدّ ابويه العظمه من عنده التوه

مثل جفج شوفي زنده من الحديد اه نجوه


حافر زنوده حفر

والدمه منهن يخر

عمه زينب…روحي لحاله عليله

عمه زينب.. اليوم اريدج يلعقيله

💧💧💧💧💧💧💧💧💧💧💧

معلمه اعله الكيد انتي ادري من يوم الطفوف

وادري بيج اشكثر ضكتي الم من حز الجفوف

والدي محبوس كضه عمره وبنفس الضروف

والحبس مظلم تراهو والسنه تمر بالوف


ضيك اعليه الرجس
عمه كلش بالحبس

عمه زينب.. انهاره مايعرف وليله

عمه زينب.. اليوم اريدج يلعقيلة

💧💧💧💧💧💧💧💧💧💧💧
هسه ايام الجنازه مالها واحد فزع

غربه يمّه الناس كلها كلبي لحاله انصدع

على الجسر يمي تعالي وشاطري وياي الدمع

ضمي اونينج ال وني وصوتنه لاينسمع

منج انطيني صبر

عمه ياام الخدر

عمه زينب.. خلاف ابوها البت ذليله

عمه زينب .. اليوم اريدج يلعقيلة


✍🏻ام عباس السكيني

https://www.tg-me.com/umabbas1979

نعي عن لسان حال معصومه ع

جيتك انه والكلب محتام
ليلي اليمرني اعليك مانام
تمنيت اشوفك اه بلاحلام

💧💧💧💧💧💧💧💧

عليك الدليل مصوب اصواب
جرحي غميج وابد ماطاب
وحيده صفيت بين الاغراب

💧💧💧💧💧💧💧💧

وحيده صفيت بغير والي
بلضيم من عكبك يحالي
بس الحزن والهم صفالي

💧💧💧💧💧💧💧

انشد عليك الراح والجاي
وطروش اوديلك يملفاي
بعوزك وريدك اه يحماي

💧💧💧💧💧💧💧💧
ياسورنه النكعد بسده
غايب اشو طالت المده
تدري البعد كلبي يمرده

💧💧💧💧💧💧💧💧

شديت حزمي وجيت انه ليك
بالحبس كالو اه مخليك
من الحديد الكيد بيديك

💧💧💧💧💧💧💧💧💧

لباب السجن عنوه اتعنيت
ودخيل ياسجان ناديت
من البعد هاليوم انه جيت

💧💧💧💧💧💧💧💧💧

حنيت ولشوفة عيونه
خلي اشوفه اه شلونه
بعد حلو لو خرب لونه

💧💧💧💧💧💧💧💧

اسمع ونين وصوت زنجيل
مني يويلي باد كل حيل
فكلي السجان ارجاك ودخيل

💧💧💧💧💧💧💧💧💧💧

كلبي انعصر مدري شماله
مدري الولي اشصاير بحاله
دمعي الجفن من غصب ساله


✍🏻ام عباس السكيني

https://www.tg-me.com/umabbas1979

لطمية للامام موسى الكاظم ع


بين الفركه اه وظلمة الليل

هدّت حيله ياثكل الزناجيل

يشبه حال عمته

موسى بهاي قصته

غريب وشاف من اعداه كل ويل

—————————————-

من سجن السجن والكيد يبراله

غريبه ومارحم كل واحد بحاله

مثل عمته العقيله الي يجراله

يذكرنه بربطها ويلي باغلاله

ترك كيده نياشن

مثل حبل البل ايدين

دوم من الحديد دمومه اتسيل

————————————-

هيه مكيده بالحبل ربطوها

وهوه بالحديد اجفوفه خلوها

دروب دروب ام الخدر مروها

والخربه حبسها البيها كعدوها

ظلمه بالخرابه

الحبس مغلوك بابه

عاش العمره وسفه بظلمة الليل


——————————————
يشبه حال عمته راهب العتره

درب الشام وجّبو لازم تطره

فرجه للخلق ياوسفه الحره

موسى بالحبس شماته لتنظره

يبجي ويذكر الصار

اعله عمته شنهي الدار

مانشفت دمعته دومها تهيل

—————————————-

من كثر البواجي عيونه عميانه

لحيته بالدمع للحره غركانه

كل ونه وعويله وكلهن احزانه

على الركضت البيده وهيه تعبانه

تسحل كوه الاجدام

تركض بين ظلام


مابيها هدمها من الجرى تشيل

————————————-

مزنجل بالحدير ولومشه يعثر

مثل ممشه العقيله ممشه ابن جعفر

تسند طولها بمشاها ماتكدر

محنيه الظهر بحبالها تفتر

هوه الكيده بيده

حنه ظهره حديده

صفى حاله بغربته كلش نحيل


✍🏻ام عباس السكيني


https://www.tg-me.com/umabbas1979

هوسات للامام الكاظم عن لسان حال معصومه ع

اجيت اركض ركض للوالي ملهوفه

سنين اطوال محرومه ترى شوفه

على طول الطريج ادموعي مذروفه

(وين الكاه / الينگط غيره)

—————————————-

لجسر بغداد اجيت من البعد عنوه

ادور على الحنين الكله مروه

اسحل بالجدم من التعب كوه

(دلوني/ على الشايل راسي)

————————————
جزى نعشه الولي وتعده ماشفته

اعد لايام لحظه لحظه ناطرته

تالي يروح عني ماامودعته

(البي غيره/ شلون ايشيل)

————————————

دربي بعيد ويلي ونكطع بيه

عليه تأخرت لطروش بالجيه

على درب الولي يعيوني اربيه

يرد لينه/كل ضني الوالي

————————————
تالي بالحبس مسموم ابو الغيره

وحده يلوج وسفه وبغرب ديره

علم كلبي بمصابه وعشت أنه الحيره

(شلون اوصله/ وين الكاه)

————————————-
على جسر الرصافه اوكفت محنيه

اصيح بصوت يلكلك محنيه

شلون تروح ماودعت البنيه

(محتامه / جيت آنه لشوفك)

✍🏻ام عباس السكيني

https://www.tg-me.com/umabbas1979

لطمية للامام الكاظم ع عن لسان حال معصومة ع

فكلي الباب ياسجان اشوفنه

كالو بالحبس مسموم والدنه


〰️〰️💔💔〰️〰️💔💔〰️〰️
فك باب السجن خلينه نتلاكه

متفطر دليلي اه لفراكه

نيران الهجر نيران حراكه

صار سنين غايب للاسف عنه

〰️〰️💔💔〰️〰️💔💔〰️〰️

ايفراكه كلف ماليّه انه حيله

اجيت من البعد متعنيه اشكيله

معلوله بغايبه اوروحي انحيله

اريد احجيله كل هضمي واسمعنه

〰️〰️💔💔〰️〰️💔💔〰️〰️〰️
من غاب الولي محد الي عكبه

عيني عالدرب مابطلت تربه

يجيلي انطره ظليت بالغربه

اشو طول عليه والدي جنه

〰️〰️💔💔〰️〰️💔💔〰️〰️
صار سنين غايب والبعد يكتل

صعب فركه الاهل ياويل مايحمل

علي مو من دمع ادموم جيت اهمل

كضه عمره بحبس وبعيد اه عنه

〰️〰️💔💔〰️〰️💔💔〰️〰️
خلص كل حياته امفارك عياله

خليني اشوف اشصاير بحاله

طايح بالسجن محد تدناله

يلوج وبالظلام ويجذب الونه

〰️〰️💔💔〰️〰️💔💔〰️〰️
محلات اليون اهله يحضرونه

ياوسفه وحيد يغمض عيونه

يعالج بالمنيه وما يشوفونه

بين ارجاس ودع حيف المجنه



✍🏻ام عباس السكيني

https://www.tg-me.com/umabbas1979

لطمية للامام موسى الكاظم ع

مكيد بالسلاسل راهب العتره

زناجيل الحديد بزنده مأثره

————————————-
ياثكل الحديد بزنده وشسوه

ليل انهار منهن ويلي يتلوه

مثل نار وتشب وبيهن اتجوه

والسجان ابد ماعنده امروه

من دمه السلاسل صبغت حمره

——————————————

لو گام ومشه بكيوده يتعثر

يسحل بالجدم بالكوه مايكدر

بطوامير السجن بيه العدو يفتر

ابد ماشاف راحه دومه متمرمر

حمل ضيم ومصايب ياكثر صبره

——————————————-
ماشاف الضوه بس عتمه بعيونه

مايدري نهاره وليله اشلونه

بطوامير الحبس ظلو يعذبونه

روحه من المصايب دوم محزونه

سنينه اتفرهدن ونباگ كل عمره

——————————————-
من كثر الظلام اعيونه ماشافت

وارطال الحديد لبلعظم جاست

انحنه ظهره وركبة من الالم مالت

نكضان ويون كل يومه ماساكت

مخنوك النفس وبصدره العبره

—————————————-
دوم من الدمع اللحيه مبتله

بسكوت الدمع بالظلمه ايهله

نياشين اعله وجهه من الدمع خله

على افراك الاهل صاب الكلب عله

عن البال ولاغابو فرد مره


✍🏻ام عباس السكيني

https://www.tg-me.com/umabbas1979

نعي للامام موسى ابن جعفر ع

محله اليموت ابين خوان
وعليه تتكابل الاحنان
والدمع من العين غدران

✍🏻ام عباس السكيني
——————————
مكابل سوه وتصير لمه
واحبابه كلها تصير يمه
يصيحون على الميت بأسمه

✍🏻ام عباس السكيني
—————————————
ويلي على الميت بحبسه
وتحضر هله جانت بنفسه
وبشوفهم كل وجع ينسه

✍🏻ام عباس السكيني
——————————-
اعله الاهل ايدير عينه
ومن الألم يكثر ونينه
حاله صعب وسامينه

✍🏻 ام زينب الأسدي
———————————-
جاوينكم يهل المروه
هاي الجنازه تريد نخوه
عافوها اهلها بكاع شلوه

✍️الشاعره كريمه البو حلوه
————————————
لحكو عليه وفكو كيده
ميت تراهو وبحديده
كضه العمر ويلي وحيده

✍🏻ام عباس السيكيني

——————————
وین الاهل تحضراله الیوم
وتشیل نعش المات مسموم
گضه العمربلسجن مهموم

✍🏻المیرزه ام ليلي الخاقانی
———————————-
شايل امام الجعفريه
مسموم والونه خفيه
فوك الجسرجثه رميه

*ام عــــــ✍️ـــراق الشمرية*


https://www.tg-me.com/umabbas1979

لسان حال مولاتنا زينب ع تشكو من الغربه

مالومه من الضيم روحي
ماهودت لحضه آنه نوحي
مابطلت تنزف جروحي
—————————-
جرحي غميج وعيب يلتام
تلجمني ويلي ديرة الشام
حرمه غريبه ابين ظلام
——————————
ظلام ماعدهم حميه
كل جورهم ذبو عليه
بديرة غرب محد اليّه
—————————
لاعندي صحبه ولاحبايب
اتلفت بين الغرايب
ودلالي من الهضم ذايب

——————————-
ذايب دليلي من الفراك
رجيج الكلب مايحمل اشواك
للفاركوني دومي اشتاك
——————————-
عافوني بالغربه اه وحدي
اعليهم حفر دمعي آنه خدي
ماظل حنين احوي عندي
—————————-
حيلي نكض من عكب الاحنان
بين الغرب ماعندي وليان
دهري حرمني من الاخوان
———————————
تتنومس الي عدها والي
والرإس دومه يظل عالي
ياحسرة الفكدت غوالي
———————————
ياحسرة الظلت وحيده
مكسوره ابديار البعيده
وحدها ماعدها شريده
—————————-
حملي ثجيل ومالي حيله
عجزانه من هدمي اشيله
ماشفت طعم النوم ليله
——————————

✍🏻ام عباس السكيني

https://www.tg-me.com/umabbas1979

نعي للامام علي ع

زينب تون وكاضه الباب
والدمع علوجنات سجاب
وسفه تصوب اغلا لحباب

————————
بعيد البله يابو المحنه
ياشمعت الدار ونزلنه
تحمل يبويه شلون عنه
——————————
تحمل تريد بجيت العيد
ماهي مناسبه بويه يصنديد
خلافك تراني العمر مااريد
———————————
بالعمر شلي خلاف عيناك
ماينحمل يابويه فركاك
گلي بعد جاوين نلكاك
——————————-
فيتك بعد ياهو اليسدها
لو رحت زينب شنهي عدها
مصابك ترى روحي مردها
——————————-
نايم على افراش المنيه
يابوي من سوده عليه
شسويت يابوحسين بيه

—————————-
بيه الصواب البيك ياريت
ولااخسرك ياشمعه البيت
حيلي بمصابك بويه هديت
—————————————
تلوج وتون واللون مخطوف
وتدير ليّه ويلي الشوف
والدمع من العين مذروف
———————————-
شيفاركك ياماي العيون
صعبه عليه الفركه متهون
عليك معلمه بيه آنه يدرون
——————————
وداعك صعب ماليه حيله
روحي تظل بعدك عليله
فراكك كلف گلي شيشيله


✍🏻ام عباس السكيني

https://www.tg-me.com/umabbas1979

«فحقّ أمّك، أن تعلم أنّها حملتك حيث لا يحمل أحدٌ أحدًا، وأطعمتك من ثمرة قلبها ما لا يُطعم أحدٌ أحدًا»

من رسالة الحقوق للإمام زين العابدين (عليه السلام)

#عيد_الأم


ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

نوحيه للنزله...
من وزن الموشح

لا تدگ اوتاد خوية للخيم
گلبي بالاخطار يبن امي علم
┈┉┅━━❀❀━━┉┉┈

من اسم هالگاع روحي موجله
گلبي لاسبني ويحس كرب وبله
ردو لديار النبي بالعايله
بشاربك خويه صفت هاي الحرم

✍️ ام نجاح الاسديه
┈┉┅━━❀❀━━┉┉┈

من مشينه مدري شنهي احساسي
مكدره وكوه اجر بأنفاسي
بهل الارض چني افارك ناسي
وراح اضوكن بيها احس كل الالم

✍🏻ام عباس السكيني
┈┉┅━━❀❀━━┉┉┈
راح اشوفن بيها اشكال المحن
نصير غربه والدمع مثل المزن
خويه رد بينه بحق ام الحسن
ومايظل واحد عدل منكم سِلم

✍🏻 ام حيدر العباديه ✍
┈┉┅━━❀❀━━┉┉┈

ما تسلمون ابارضها كربله

خايفه تبقون نومه بالفله

جيت وياكم يخوتي امدلله

واليباري الضعن شيال العلم

✍🏻 ام احمد المنصوريه
┈┉┅━━❀❀━━┉┉┈

من اسم هالكاع روحي انحيله

خويه ياعباس رد العيله

ترضى اركب ناگةٍ الهزيله

وحتى طفل حسين يگضي ماسلم

📝الشاعره ناعيه الحسين عاشقة كربلاء الطف ام محمد آل درويش
┈┉┅━━❀❀━━┉┉┈
كربله ادري تخون اخواني
اضل وحدي اويه الحزن بس اني
ايصير بيهه ام الصبر عنواني

أو تحترگ بالنار ياخويه الخيم

خادمة أهل البيت ام ابراهيم الحلفي
.....

لاتدك اوتاد واتشل حالي
ارجع بهاي الحرم يالغالي
جن سلب والموت يتراولي
يروح خدري وتنذبح اهل الشيم

✍🏻ام مرتضى الخفاجيه
┈►✺┅✥⚫✥┅✺◄
تـــمـ بعون الله تعالى ـــت
بقلم شاعرات اهل البیت ع في رابطة دموع العقیله ع
{{باشراف خادمة الزهراء ع ام عبد الله العابدي }}
لانجيز حذف الاسماء✋
🙏🏻نسالكم الدعاء🙏🏻

https://www.tg-me.com/Kfeilzainp

نعي بطور الفراق
لسان حال الشاعر يصف هذه الخطاب بين السيد الزهراء عليها السلام والسيده زينب عليها السلام

{{من رابطه دموع العقيله ع}}

{{بأشراف العلويه ام نور الميسانيه }}
☆☆☆★☆☆☆★☆☆☆★
.......

يمه زينب .. ايعينج الله اعله النوايب
يمه زينب .. لحالتج دلالي ذايب
يمه زينب .. تالي گعدوچ بخرايب
يمه زينب .. صرتي تالي ام المصايب

✍ام نجاح الاسدية

٠٠٠٠٠٠٠٠٠٠٠

طول عمرج٠ ٠والالم تارس دليلج
طول عمرج٠٠والحزن صاير خليلج
طول عمرج٠٠مابرد ساعه غليلج
طول عمرج٠٠ماغفيتي براحه ليلج

✍🏻ام مرتضى الخفاجيه
..........

يعينج الله .. اعله المصايب يلعقيله
يعينج الله.. محنتج محنه ثجيله
يعينج الله.. من الهضم روحج نحيله
يعينج الله..مساهره ومانمتي ليله


✍🏻ام عباس السكيني
.......

شكد تعبتي…ضكتي لوعات ومآسي
شكد تعبتي .. همومج تهد الرواسي
شكد تعبتي.. الوكت جان وياج جاسي
شكد تعبتي.. وحدج ومالج مواسي

✍🏻ام عباس السكيني
.......
يمه رحتي ...يمه يا زينب اسيره
يمه رحتي... حيرتج بالشام حيره
يمه رحتي... رحتي من ديرة لديره
يمه رحتي ...الحسره بكليبج جبيره

✍ ام حيدر العباديه
.......
آه يبنتي ..امصيبتج والله مصيبه
آه يبنتي .. قصتج قصه عجيبه
آه يبنتي ..شفتي اخوتج عالتريبه
آه يبنتي ..ايموت اليفاركَ حبيبه

✍🏻سلمى أم جعفر
........
اه يصبرچ ٠٠٠عشتي اللام او مراره
اه يصبرچ٠٠٠٠ فاكده اشبول وغياره
اه يصبرج ٠٠٠مخيمج ملتهبه ناره
اه يصبرچ٠٠٠والدهر ماخلص ثاره

✍🏻ام نور الهدى المنصوري
٠٠٠٠٠٠٠٠٠٠٠٠٠٠٠٠

يالوديعه ..من بعدنه شنهو حالج
يالوديعه ..صعب يايمه الجرالج
يالوديعه ..ابكربله ضاعو جهالج
يالوديعه .. والعدو مارحم حالچ

✍🏻هدى المطر ام محمد
٠٠٠٠٠٠٠٠٠٠٠٠٠

صعب حالج...ابوحدج يمه غريبه
صعب حالج...قصتج قصه عجيبه
صعب حالج...دمعة عيونج سجيبه
صعب حالج٠٠.تفجع جبيره المصيبه


✍️ام زهراءالفاطميه
.................

اه يصبرج..عالمصايب يالحنينه
اه يصبرج..من سريتي بالضعينه.
اه يصبرج..عالجره يمه شبدينه
آه يصبرج٠٠٠ هذا المقدر علينه

✍العلويه ام عباس البطاط

تـــمـ بعون الله تعالى ـــت
بقلم شاعرات اهل البیت ع في رابطة دموع العقیله ع

{{باشراف العلويه ام نور الميسانيه }}

لانجيز حذف الاسماء✋
🙏🏻نسالكم الدعاء🙏🏻
https://www.tg-me.com/Kfeilzainp

لطمية لأمير المؤمنين ع

زينب علولي شدة العصابه

تهمل بالدمع وتصيح يايابه

————————————-
تهمل بالدمع وتصيح يالوالي

شايل وين ومخليني يلغالي

بعدك يالولي تتبهذل احوالي

( اخلافك عمري/ شلون اكضي)

————————————

شلي بالعمر ها يلرحت عني

روحي تروح تدري بفركتك مني

اون اعليك دومي وما امل وني

(دم ابجي يحگلي آنه اعيوني)

—————————————

شايل ياعلي لبعيد ممصدكه

صدك صارت يبويه وحلت الفركه

هاي روحتك مامن بعد ملكه

(رد لينه يابويه بعوزك)

—————————————

بعدك ياالابو تطشر العيله

ياخيمة شملنه العادل الميله

كلفه فركتك يابويه وثجيله

(شيشيله / افراك بويه)

————————————-
شلون اصبر واسلي الروح بغيابك

انسه اشلون يومك بويه ومصابك

شگللها اليتامه الگاضه بابك

فاركناه/ المايتعوض


✍🏻ام عباس السكيني

https://www.tg-me.com/umabbas1979

لطمیه لامیر المؤمنین ع

{{الوزن نصاري}}
ــــــــــــــــــــــــــــــــــــــ

لا يا عيد لا تجبل علينه...
حيدر فاگدينه

الكوفه مظلمه عگبه وحزينه...
حيدر فاگدينه

►✺┅⚫✥⚫✥⚫┅✺◄

لا يــــا عــيـد لا تتخطى الاعـتاب

اهل البيت عدهم هالسنه امصاب

العيد اشلون حيـدر جـــوه التراب

يا عيد الفطر المن تجينه...حیدر فاگدینه

✍️ ام نجاح الاسدية

►✺┅⚫✥⚫✥⚫┅✺◄

العيد اشلون اعيده وعنه ابعيد

راح الحيد عنه وتدري صنديد

بيوم العــيد كله نوحـــي يزيد

وبفراكه ترانه اتعذبينه حيدر فاكدينه

✍ ام حيدر العباديه

►✺┅⚫✥⚫✥⚫┅✺◄

عليه شلون تبعد ياعلي اليوم

جواني فراگ هجرك
كافي النوم

گلبي من الفرح ياعلي محــروم

اجانه العيد بس ماعيدينه حيدر فاكدينه

✍️الشاعره كريمه البو حلوه
►✺┅⚫✥⚫✥⚫┅✺◄

جيف العيد يجبل وسفه وشلون

مفكود الولي هــــــزاز الحصون

اعـیال المـرتضى كلهـم ينوحون

حسافة اتشیل یا عزنه وولينه
حیدر فاگدینه
✍🏻سلمى أم جعفر
►✺┅⚫✥⚫✥⚫┅✺◄

اشلون امصاب منه شيب الراس

مصيوب الامام بسيف الارجاس

يبجي الحسن وحسين وعباس

وزينب تنتحب تبجي حزينه حيدر فاكدينه

✍ ام حيدر العباديه
►✺┅⚫✥⚫✥⚫┅✺◄
من تجبل تجينه تزيد الهموم

تفز اجروح كلبي الحيل مالوم

لاراحه شفت لاضكت انه النوم

من غمض ولينه .. حيدر فاكدينه

✍🏻ام عباس السكيني
►✺┅⚫✥⚫✥⚫┅✺◄

الدنيه امكدره الحـــــامي الحميه

ويتـــامه تون اله صبــــــح ومسيه

اتشــــــيب الراس يا هاي الــــرزیه

ركن الديــــن مطبور ابجبينه
حيدر فاگدینه

✍🏻 ام زينب الأسدي
►✺┅⚫✥⚫✥⚫┅✺◄
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
لانجيز حذف الاسماء✋✋
🙏🏻🙏🏻نسالكم الدعاء🙏🏻🙏
https://www.tg-me.com/Kfeilzainp