ديوان (أرض الحتوف) ج٢
كأني بالرباب (ع)
بعد فقدان ولدها الرضيع تقول :
❥❈┉┉┅━━❀❀━━┉┉❥❈┉
المن بعد احجي الدلول
يوليدي يزغير يمدلول
دمعي يظل يايمه مهطول

خالي المهد يمه يغالي
بجفاك مانمت لليالي
اعليك انه منشده بالي

ريته حلم واصحه وافزن
والمهد بيديني اهزن
ولصدري اضمنك والزن

شيفاركك يالفاركتني
من رحت يايمه اهضمتني
عملت الطف منين اجتني

بيديه اشم عطرك ييمه
عبدالله جنت اهنا اضمه
هسه صفت احضاني ظلمه

بأحضاني يمه شكثر لوليت
وبالمهد ياما الولد هزيت
ياولد كلي شصار وجفيت

ساهرت يمه الليل كله
عبدالله خله ينام خله
واليحجي انه بسكوت اكله

بسكوت خلو الولد نايم
اسم الله ياحلو الجهايم
عليك العكل يالولد هايم

يحكلي انه لهيم واشرد
يالي رحت ماظن الي ترد
نار الكلب هيهات تبرد

ناري سريه ودوم تسعر
وكلبي انه بشوكه تفطر
انساك انه لايمه مكدر


بقلم خادمة أهل البيت الشاعرة أم عباس السكيني
https://www.tg-me.com/umabbas1979

لطميه فزاعيه للرضيع (ع)
من ديوان أرض الحتوف ج٢
❥❈┉┉┅━━❀❀━━┉┉❥❈┉
اسم الله على الولد من طاري الغياب
زغيرون وترف يتوسد اتراب
❥❈┉┉┅━━❀❀━━┉┉❥❈┉
بعده ازغير مو مالت لحد ويل
يحتاج لحناني ودرتي حيل
شلون شلون لو جلجل اجه الليل
اخاف على الولد من الهوه الهاب
❥❈┉┉┅━━❀❀━━┉┉❥❈┉
نوم المكبره مو مال رضعان
عبدالله زغير يحن للاحضان
اون عليه ومني الحيل خلصان
كلبي لفركته ياناس عطاب
❥❈┉┉┅━━❀❀━━┉┉❥❈┉
ينام شلون من سوده عليه
رضيعي ومهجتي يروح من اديه
تشب ناري على وليدي سريه
مجروح الكلب ينزف فلاطاب
❥❈┉┉┅━━❀❀━━┉┉❥❈┉
افز بالليل صوت ابني اسمعه
اذوبن واحترك جن حال شمعه
بعد هيهات انه لحضني ارجعه
اون اعليه ودمع العين سجاب
❥❈┉┉┅━━❀❀━━┉┉❥❈┉
شلون اصبر واعيش بدونه اشلون
وتغمض اعليه وتطبك الجفون
ايَ فراكه عليه موش بالهون
نحل عظمي بغيابه وراسي لن شاب


بقلم خادمة أهل البيت الشاعرة أم عباس السكيني
https://www.tg-me.com/umabbas1979

هوسات لعبد الله الرضيع (ع)
من ديوان أرض الحتوف ج٢
❥❈┉┉┅━━❀❀━━┉┉❥❈┉

شنو ذنب الطفل ويلي ويحرمونه
يلوج من العطش مخطوف يالونه
ذابت مهجته وغارت اله عيونه

( ينوح اعليه / الشايف حاله )

❥❈┉┉┅━━❀❀━━┉┉❥❈┉

ياعوده ذبل وشفافه متفطره
نيران الضمه بكليبه متوجره
رضيع وعالعطش ياويل شيصبره

( زغير ابني/ واحنه ضلوعي )

❥❈┉┉┅━━❀❀━━┉┉❥❈┉
زغير وفرفح كبالي واشوفنه
ولاعندي لبن بصدري وارضعنه
يادمعي نشف جابيش اسكتنه

( ياذيني/ بونينه الغالي )

❥❈┉┉┅━━❀❀━━┉┉❥❈┉

يون ونات ويلي شسوت بحالي
تراني من العطش مفطور دلالي
اجيب منين ماي واسكي الغالي

( يمنعونه / الماي اعلينه )

❥❈┉┉┅━━❀❀━━┉┉❥❈┉

يم نهر الفرات وليدي ظل محروم
من شرب العذب ياحيف لن مفطوم
كلبي عالولد يمطر تراهو دموم

( مالومه / ظليت خلافه )


بقلم خادمة أهل البيت الشاعرة أم عباس السكيني
https://www.tg-me.com/umabbas1979

المصايب تاخذ بزينب …تردها

ماكو خوان تسندها …وتردها

تصد لحاله من حاله تردها

ولاعظم روسهم عل سمهريه

✍🏻ام عباس السكيني

https://www.tg-me.com/umabbas1979

ابوذيه عن لسان حال قمر العشيرة يخاطب الحوراء زينب ع

دامه يرف يزينب خويه …علماي

اضحيلج لحد مايلفي …علماي

انطي ازنود وانطي العين …علماي

واجيب العلكمي بثنين اديه




ام عباس السكيني

https://www.tg-me.com/umabbas1979

قصيده للوداع
( وزن الموشح )
من ديوان (أرض الحتوف) ج٢
❥❈┉┉┅━━❀❀━━┉┉❥❈┉
يالعقيله بصوت ناداها الحسين
يااخيه حضري دمعج والانين
❥❈┉┉┅━━❀❀━━┉┉❥❈┉
الليله تجمعنه سوه
باجر يغيب الضوه
كل اخوتج اه يزينب راحلين
❥❈┉┉┅━━❀❀━━┉┉❥❈┉
هاي اخر ليله تجمعنه تره
تزودي مني يبت خير الورى
باجر تظلين يختي محيره
باليتامه وبل حرم
يجرع كليبج هضم
نومه اخوتج عالثره ومجزرين
❥❈┉┉┅━━❀❀━━┉┉❥❈┉
انه اوصيج الصبر يخت الكفيل
حملج ينوخ الجتوف شكد ثكيل
وحدج ومايظل عندج بس عليل
انه محزوز النحر
والكمر فوك النهر
حايره يختي تصفجين الادين
❥❈┉┉┅━━❀❀━━┉┉❥❈┉
تهجم العدوان تحركها الخيام
تروع الاطفال ياويلي اللئام
لاولي يفزع الج كلهه تنام
عاري اظلن عالترب
وانت ترحين لغرب
عالشريعه ينام عباس الحنين
❥❈┉┉┅━━❀❀━━┉┉❥❈┉
اسمج يصير العقيله ام الصبر
راح يتسلب يزينب هل الخدر
ميسره ترحين يا اخت الكمر
مجتفه فوك الهزل
دمعتج خويه تهل
آه كل هذا يخيتي تحملين
❥❈┉┉┅━━❀❀━━┉┉❥❈┉
ناحله تمشي ولدرب البعيد
تحملج الاقدار للطاغي يزيد
والبلايا عليج يازينب تزيد
قصتج ماتنحمل
يعينج الله ياجبل
يظل كلبج منكسر خويه حزين


بقلم خادمة أهل البيت الشاعرة أم عباس السكيني
https://www.tg-me.com/umabbas1979

نعي وداع زينب مع اخوها الحسين (ع) في ليلة التاسع
من ديوان أرض الحتوف ج٢
❥❈┉┉┅━━❀❀━━┉┉❥❈┉

زينب تدير العين لحسين
رايح يخويه لهل ميادين
بعدك دكلي نروح لاوين

ياهيبتي وناموس خدري
بعدك يخويه يخون دهري
محمل هضم يحسين تدري

خافن تروح وبعد ماترد
عني يبو السجاد تبعد
عمري انه بلياك ماريد

كلبي يخويه صار نصين
شفتك يحيد دير بالعين
توصي بكيت بهل نساوين

يحسين يالكلك حميه
رايح يخويه شلون بيه
خلافك انه اصفج بديه

ترجع بعد يحسين كلي
بعمري انه بلاياك شلي
دمعي عليك اليوم يهلي

كلي يخويه وين رايح
اسمع دوي خويه وصوايح
خافن نظل بعدك نوايح

خافن نظل من غير والي
يحسين يابعد الغوالي
حالك يخويه شده بالي

( وين الوعد يالكلت ترجع )


بقلم خادمة أهل البيت الشاعرة أم عباس السكيني
https://www.tg-me.com/umabbas1979

لطميه : للوداع حال العقيله وهي تخاطب الليل
من ديوان أرض الحتوف ج٢
❥❈┉┉┅━━❀❀━━┉┉❥❈┉
طول ياليل ولاترحل باجر بينه شلون شلون
لو طر فجرك ويلي واصبح كل خواني لن يرحون
❥❈┉┉┅━━❀❀━━┉┉❥❈┉
طول ياليل بساعاتك خل اتوادع ويه اخواني
لو حل فجر العاشر باجر تتغير ويلي الواني
بصبحك ذبح وسفك دمانه ويتفصل ثوب لحزاني
هاي اخواني الليله كبالي وباجر عن عيني يغيبون
❥❈┉┉┅━━❀❀━━┉┉❥❈┉
بطياتك حامل كل كسره وكل اه وكل حزن ويل
هاي اللمه وهاي الجمعه باجر كلها تريد تشيل
رضعان ونسوان العندي حملي كلش جنه ثجيل
نتوادع خلينه بهونك تتملا منهم العيون
❥❈┉┉┅━━❀❀━━┉┉❥❈┉
باجر صرعى تظل اخواني تتروى الحومه من الدم
سيوف العدوان توذرهم ماواحد من عدهم يسلم
وعيوني تناظر كل هذا مكسوره واجرع بالهم
شوفتهم هاي اخر ليله باجر لانها تصير ظنون
❥❈┉┉┅━━❀❀━━┉┉❥❈┉
خليني احجي كل جلماتي واتروه من فيض الخوه
مجبور الليله تساعدني حن الحالي لو بالكوه
كلبي يالليل بنيرانه ياويلي من هسه اجوه
طاري الفركه يذبح كلبي وعليه صدك ميهون
❥❈┉┉┅━━❀❀━━┉┉❥❈┉
محتاره لو كرب فجرك ياهو الي من عده ازود
كلهم غالين وماكدر كلبي ياويلي متمرد
الموادع يصعب ياويلي وتكتل ياساعات المبعد
تحفر ظلت اه لساني عل يرحون وميردون


بقلم خادمة أهل البيت الشاعرة أم عباس السكيني
https://www.tg-me.com/umabbas1979

قصيده زينب تخاطب الحسين في صباح العاشر من محرم
الوزن : البحر الطويل
من ديوان (أرض الحتوف) ج٢
❥❈┉┉┅━━❀❀━━┉┉❥❈┉
بصباح النايبه وي حسين .. زينب بالولي تنشد
اشوفنك يخي حاير .. تعاني ايدك على الخد
❥❈┉┉┅━━❀❀━━┉┉❥❈┉
رايح جاي بالفسطاط .. خبرني شنو عندك
عليك اقسم يبن امي .. بحق طه النبي جدك
اسمعنك نعيت الروح .. محزون صفكت يدك
❥❈┉┉┅━━❀❀━━┉┉❥❈┉
سولفلي شنو اليجره
خويه بداعة الزهره
عليكم ناري متوجره
احس كلبي نخمش لاجلك .. نذير بداخلي غرد
❥❈┉┉┅━━❀❀━━┉┉❥❈┉
انشدنك يبو الغيره .. من تشد على الجيمان
بطل ضرغام اخبرنك .. انت والكمر عدنان
الك جيه بعد ترجع .. لو تتوسد التربان
كلبي عليك لازمته
عالحيد الكفل اخته
سفركم انه ماردته
بأمل جيتج نظل يحسين .. لوانه بعد مترد
❥❈┉┉┅━━❀❀━━┉┉❥❈┉
يخويه الخيل حاطتنه .. هاك اسمع صياح الكوم
دارت للخيم جنهه .. اظننهه علينه تحوم
ابلسان الحال كللها .. يختي هالقدر محتوم
متحزمين ولكتلي
افاركم غصب يهلي
منكم ينكطع وصلي
عالغبره جثث نبقى .. عينج يختي لينه تصد
❥❈┉┉┅━━❀❀━━┉┉❥❈┉
اوصيج بوصيه دوم .. لاتجزعين لمصابي
تعزي بالصبر يختي .. واسي عليه احبابي
باري عيلتي الظلت .. امانه هيه بغيابي
ايتام وحرم عندج
وحيده حايره بأمرج
يتعده الصبر صبرج
على عظم البله اليجري .. مصايب ماحمل احد
❥❈┉┉┅━━❀❀━━┉┉❥❈┉
باريلي العليل ارجاج .. باجر ينكسر ظهره
يسمع صوتي من انخه .. مايقوه على النصره
مريض مسجه بالخيمه .. نحيل وحاير بأمره
يريد العدو هم دمه
يكطع نسل الايمه
يخلصنه تره بسمه
وديعه وياج يازينب .. عينج عنه لاتبعد


بقلم خادمة أهل البيت الشاعرة أم عباس السكيني
https://www.tg-me.com/umabbas1979

هوسات للوداع لسان حال العقيله (ع)
من ديوان (أرض الحتوف) ج٢
❥❈┉┉┅━━❀❀━━┉┉❥❈┉
باجر ياخلك المن يهل دمعي
لو طر الفجر واصبح كلف وضعي
باجر يحترك ياويل كل شمعي

( بفكد الخوه / تظلم دنيانه )

❥❈┉┉┅━━❀❀━━┉┉❥❈┉
مخنوكه واحس حانت تره الفركه
بس الليله ويه اخواني هالملكه
باجر جن ذبح وخيام محتركه

( وين البي غيره / يحمل باجر )

❥❈┉┉┅━━❀❀━━┉┉❥❈┉
حان وداعنه وقتربت الساعات
يرجف كل عظم بيه واجر حسرات
ترد لمت اخوتي ونجتمع هيهات

( العشره وياهم / باجر خلصانه )

❥❈┉┉┅━━❀❀━━┉┉❥❈┉
حرت وتحيرت بموادع اخواني
وابو السجاد حاله زيد احزاني
مكسور ويون بعياله وصاني

( عيالي الظلت / باريلي ياها )


بقلم خادمة أهل البيت الشاعرة أم عباس السكيني
https://www.tg-me.com/umabbas1979

لطمية فزاعيه للوداع
من ديوان (أرض الحتوف) ج٢
❥❈┉┉┅━━❀❀━━┉┉❥❈┉
الليله وداع ويه حسين
جا روحي شيضل بيها
❥❈┉┉┅━━❀❀━━┉┉❥❈┉
اخر ليله للخوه
باجر كلبي يتجوه
يصير افراكنه كوه
ناري من يطفيها
❥❈┉┉┅━━❀❀━━┉┉❥❈┉
تسعر ناري لهابه
آ يحسين ومصابه
عليّ يطول اغيابه
او روحي لن يأذيها
❥❈┉┉┅━━❀❀━━┉┉❥❈┉
وي حسين روحي تريد
لايبعد عليّ لبعيد
كلبي اعليه لاميهيد
اون وعيني لعميها
❥❈┉┉┅━━❀❀━━┉┉❥❈┉
علي يصعب آيفراكه
بعد هيهات نتلاكه
ناره حيل حراكه
تسعر لن يخليها
❥❈┉┉┅━━❀❀━━┉┉❥❈┉
تسعر بالحشا ياويل
اون ومانمت بالليل
من عيني الدموع تسيل
الليله وداع تاليها
❥❈┉┉┅━━❀❀━━┉┉❥❈┉
يوعدني واضل بالاه
يريت وكون امشي وياه
ماريده انه فراكاه
روحي بيش اساليها
❥❈┉┉┅━━❀❀━━┉┉❥❈┉

( هوسه )

( مانهواه / فراك ابن امي )


بقلم خادمة أهل البيت الشاعرة أم عباس السكيني
https://www.tg-me.com/umabbas1979

لطميه للوداع
تقرأ بالطور الفزاعي الجنوبي وأطوار أخرى
من ديوان (أرض الحتوف) ج٢
❥❈┉┉┅━━❀❀━━┉┉❥❈┉
سواد الليل وي حسين خلوني
باجر وين ماتردون ودوني
❥❈┉┉┅━━❀❀━━┉┉❥❈┉
خلوني ويه ابن امي اودعنه
اشبع شوف من عنده واضمنه
بصدره يابعد صدري اشمنه
اريد بشوفته تتكحل اعيوني
❥❈┉┉┅━━❀❀━━┉┉❥❈┉
اكحلهن اعيوني بشوفت الغالي
مادام الحنين كبالي يبرالي
باجر لن يصيب الشوك دلالي
يعوفوني اخوتي جن يودعوني
❥❈┉┉┅━━❀❀━━┉┉❥❈┉
يودعني الغيور البيه المروه
ياطاري الوداع بحالي اشسوه
مكسورة كلب ظليت واتلوه
ايا هالليله منها تغيرت الواني
❥❈┉┉┅━━❀❀━━┉┉❥❈┉
احس هالليله اه شلون ميشومه
بيها هالمنايا تحوم مرسومه
على روس اخوتي ويهون بالحومه
طبك يمشون يعزازي ويخلوني
❥❈┉┉┅━━❀❀━━┉┉❥❈┉
شلون شلون لو طر الفجر باجر
ابو السجاد وحده وبالفزع حاير
حريم نظل يويلي ونكسر الخاطر
بس تنام عينه اعداه يولوني


بقلم خادمة أهل البيت الشاعرة أم عباس السكيني
https://www.tg-me.com/umabbas1979

مشيت وروحي لخواني ترابي
شوف العين نايم وال ..ترابي
يهامه ابكيت كل جسمي.. ترابي
جرح يدي ولايكطع شويه

ام عباس السكيني

نعي للوداع
من ديوان أرض الحتوف ج٢
❥❈┉┉┅━━❀❀━━┉┉❥❈┉
لما نادى الحسين (ع) إلى التوديع
كأني بلسان حال مولاتي زينب (ع)

بعدك يخويه شلون بينه
محد تره ينغر علينه
من تهجم العسكر تجينه
نسوان وبعازت ولينه

بعازت ولي كلنه نريده
لاتروح لدروب البعيده
ياهو بعد يلزمني بيده

ياهو يشيل الحمل وياي
يحسين ياخويه ويرجواي
ماكو مثلها اظن بلواي

❥❈┉┉┅━━❀❀━━┉┉❥❈┉

كأني بلسان الحسين (ع)

صبري يخويه ولاتجزعين
يختي وحياتي ونور هالعين
هذا المقدر يختي تدرين

مكتوب من ربنا ومقدره
علينه يبت امي الزهره
اخوانج تظلش بالعره موذره

اخوانج تظل بالعره نومه
وحدج يزينب يمهضومه
تونين لمصابي ويومه

مصابي يخويه يشيب الراس
وزايد عليه مصاب عباس
مكسوره وحدج بين الأرجاس

اوصيج يازينب وصيه
عينج على بتي رقيه
تشبع هضم تشبع اذيه
دمعتها ياخويه جريه

عينج على العيال عندج
حرمه وغريبه ويل وحدج
مصايب يخويه لن تهدج

❥❈┉┉┅━━❀❀━━┉┉❥❈┉

نعي بطور الفراق

حسين خويه ... تدري مااحمل اذيه
حسين خويه ... لو مشيت شلون بيه
حسين خويه ... ناري لفراكك سريه

ياولينه ... هم بعد ترجع تجينه
ياولينه ... عيلتك ظلت حزينه
ياولينه ... بعوزك ونصفج بدينه

وداعت الله ... يالخذت روحي ومشيت
وداعت الله ... ظلوعي بفراكك حنيت
وداعت الله ... روحي نادت يالجفيت

وداعت الله ياحبيبي ياحسين


بقلم خادمة أهل البيت الشاعرة أم عباس السكيني
https://www.tg-me.com/umabbas1979

لطميه للحسين (ع) ليوم العاشر
من ديوان أرض الحتوف ج٢
❥❈┉┉┅━━❀❀━━┉┉❥❈┉
بالحومه طاح حسين تنزف دمومه
فوك الذبح ياناس سلبت اهدومه
❥❈┉┉┅━━❀❀━━┉┉❥❈┉
يجهر ونينه حسين نايم مطبر
كل عظم ويلي بيه صاير مكسر
ابن الزجيه شلون بالعرى موذر
حر الشمس ياحيف غير رسومه
❥❈┉┉┅━━❀❀━━┉┉❥❈┉
بالخيل صدره انداس راعي الحميه
رضت ضلوعه ليش هالاعوجيه
وسفه والف ياحيف طايح رميه
للمعركه تعنيت اركض ابهومه
❥❈┉┉┅━━❀❀━━┉┉❥❈┉
تعنيت اشوف الحيد واكعد اودعه
صوت الحنين حسين الحك اسمعه
راسه بدي ياريت اكدر ارجعه
ابجي واصيح اعليه روحي ملجومه
❥❈┉┉┅━━❀❀━━┉┉❥❈┉
من الكفا مذبوح ونفصل راسه
وشمر الضبابي ويل الصدر داسه
بحقد وغدر لحسين غمّد أنفاسه
ضامي انذبح مظلوم يكتل ييومه
❥❈┉┉┅━━❀❀━━┉┉❥❈┉
ضامي ويون عطشان يسعر كليبه
وشفافه من ضماه يبست تريبه
ملزوم عنه الماي امنين ويجيبه
يون الغريب حسين مرمي بالحومه
❥❈┉┉┅━━❀❀━━┉┉❥❈┉
لعياله ون احسين ولفكد اخوته
شالو طبك لبعيد اهله وعزوته
برض الغدر والشوم صارت بلوته
طاح وهوه المغوار الترهب علومه


بقلم خادمة أهل البيت الشاعرة أم عباس السكيني
https://www.tg-me.com/umabbas1979

لطميه لسقوط الحسين (ع)
من ديوان أرض الحتوف ج٢
❥❈┉┉┅━━❀❀━━┉┉❥❈┉
زينب لما حضرت إلى مصرع الحسين

ولج ياخيل بعدي ولا تدوسين
صدره من السيوف مطعن حسين
❥❈┉┉┅━━❀❀━━┉┉❥❈┉
ولج ياخيل رحمي بحالة الوالي
مذبوح ويون وشسوه بحوالي
عميه ولاشفت ابن امي اشوالي
طايح بالارض يجهر بالونين
❥❈┉┉┅━━❀❀━━┉┉❥❈┉
عاري مسلبه ماشفتي هدومه
شمس وتراب ويلي غيرت ارسومه
فاضت ع الارض تنزف آ يدمومه
وانتي بلا خجل جيتي ترضين
❥❈┉┉┅━━❀❀━━┉┉❥❈┉
ولج ياخيل هذا مهجة الزهره
موذر بالسيوف ومنكطع نحره
شوفي جم جرح وطبره عالطبره
نابت بالكلب سهم الملاعين
❥❈┉┉┅━━❀❀━━┉┉❥❈┉
ياثكل الحوافر كسرت اضلوعه
يون ونات ظل حسين مسموعه
روحه من الالم ياويلي موجوعه
ياسيل الدمه غطاها للعين
❥❈┉┉┅━━❀❀━━┉┉❥❈┉
بعيد بعيد مو عذبتي ابن امي
صريع عللثره ومخصب ومرمي
وافعالج يويلي زودت همي
طايح منذبح وعليه تجولين


بقلم خادمة أهل البيت الشاعرة أم عباس السكيني
https://www.tg-me.com/umabbas1979

ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

لطميه
(وزن الميمر)
زينب عليها السلام في أرض المعركه
من ديوان أرض الحتوف ج٣
❥❈┉┉┅━━❀❀━━┉┉❥❈┉
اركض انه للحومه رحت ابهمه
صديت اخيي غارك آه بدمه
❥❈┉┉┅━━❀❀━━┉┉❥❈┉
اركض وطيحن من رحت لابن امي
طار الفكر وعيوني كامت تهمي
كوه كمت انكل واحطن جدمي
سهم ورماني بالكلب ياعلمه
❥❈┉┉┅━━❀❀━━┉┉❥❈┉
مطروح اشوفن والدمه مغركته
وعداه من كل صوب لن حاطته
ابسيف الغدر يردون حز اركبته
تتمرجل اشباه الزلم آه يمه
❥❈┉┉┅━━❀❀━━┉┉❥❈┉
خلوه اخيي وبعد عنه شويه
اسكيه انه من دمعي جيت اميه
ناره تشب من العطش سعريه
تمنيت عيني لاتشوفه وتعمه
❥❈┉┉┅━━❀❀━━┉┉❥❈┉
ناديته ياغالي يخويه اكعد
لاتغفى يبن امي تروح وتبعد
صوت الشمر هالجاك خويه يرعد
انهض يخويه بالعجل رد سمّه
❥❈┉┉┅━━❀❀━━┉┉❥❈┉
حاجيني يالوالي يخي ناديته
حيلي يبعد اهلي ترا هديته
شنهو الذنب منك سدر سويته
ذبحوك ضامي سيدي بلا رحمه


بقلم خادمة أهل البيت الشاعرة أم عباس السكيني
https://www.tg-me.com/umabbas1979

لطميه : ( وزن النصاري )
زينب تخاطب امها بشأن الحسين (ع)
من ديوان أرض الحتوف ج٣
❥❈┉┉┅━━❀❀━━┉┉❥❈┉
صاحت بت علي وينج يزهره
شوفي حسين متوسد الغبره
❥❈┉┉┅━━❀❀━━┉┉❥❈┉
تعاي وياي خل نجمع اوصاله
وذر عالكاع يا يمه وشحاله
غرك هالترب دم الي ساله
زايد عالجروح اكسور صدره
❥❈┉┉┅━━❀❀━━┉┉❥❈┉
ندور خنصره لجفه نركبه
نايم عالوجه يمه نكلبه
ايَ اسهام العدو نبتت بكلبه
نمسح منحره الينتثر عطره
❥❈┉┉┅━━❀❀━━┉┉❥❈┉
شفتي شلون من حزو المنحر
مثل كلبي اظن كلبج اتفطر
اه شلون يم حسين اصبر
اخوي من الكفا محزوز نحره
❥❈┉┉┅━━❀❀━━┉┉❥❈┉
نايم على الثره يايمه مذبوح
مصوب كل كتر ينزف بالجروح
انظر للولي والدمع مسفوح
ناري بالكلب ظلت موجره
❥❈┉┉┅━━❀❀━━┉┉❥❈┉
ماظلت زلم عدنه لتشيله
نومه بكربله خلصت العيله
بس وجعان والحاله نحيله
مايكدر يجي ليه وينظره
❥❈┉┉┅━━❀❀━━┉┉❥❈┉
اريدج بالعجل يمي المسيه
ننصب لخوتي النامو عزيه
نون ونوح نتكابل سويه
جبيره بالكلب ظلت الحسره


بقلم خادمة أهل البيت الشاعرة أم عباس السكيني
https://www.tg-me.com/umabbas1979