Кечаси уйқумни қочирган жумла:

"Биз яхши инсон, деб ўйлаган кишиларимиз аслида ёмонлик қилиш имконияти қўлига ўтмаган одамлар эди..."

✍️@umidaaziz

Ўша гап: Худо жонимни олмасин, нима қилиб бир исломий сайтида мақола муҳокамасидаги изоҳларни ўқиб чиқибман.

Бошни орқа қисми пичоқ урилгандек санчиб, оғриқ бутун каллага тарқалса, асабийлашиш туфайли бош оғриқ бўлами шунда?

Нимага булар мусулмон деган сўзни "ақлсиз", "миясиз", "илмсиз", "жоҳил" деган сўзларга синоним қилиб қўяяпти!? 😭

Савод десангиз расвои радди бало, икки қатор сўзда 23та хато 🤦‍♀️
Нима дейишини ҳам билмайди, одам. Бекаллалигига куясанми, бемайналигигами, ё бефорасатлигигами, одамни нафас олгиси келмайди...😐

Сен тарафларни билмадимку, мен томонлар бироз муштоқлик, бироз соғинч ҳиди уфуради.
Борлиқнинг ҳиди сенга айланган, сенинг ифоринг таралади...

✍️@umidaaziz

Чунки қалбингдаги гўзалликларни асраб-авайлашинг керак.
Сенинг улардан фарқинг бўлсин...


✍️@umidaaziz

#ўзимга_насиҳат

Аллоҳ бермайдиган неъматидан умидвор қилмайди.
Ҳақ таоло чала-ярим иш қилмайди.
Аллоҳ найларса, гўзал айлар, дейсан-у, бу гўзаллик олдида умидни ноумид қўяди деб ўйлайсанми?..

✍@umidaaziz

Нимайди бунинг номи серотонинми, ҳани, шу бахт гормонларими нимадир, дейчийди-қў, ўшами бу?

✍@umidaaziz

Қачонки, Аллоҳ менга берган неъматларни санасам, сени икки бор санайман...

✍️@umidaaziz

Одамлар бир-биридан бунчалик осон воз кечган шу вафосиз дунёда, ҳар қандай ҳолатда ҳам бир-бирини маҳкам тутган кишиларнинг кўнгилларини севаман!..

Суратдаги изоҳ: "Қўлингни бер, оломон ичида йўқолиб қолмагин..."

✍️@umidaaziz

Шунчаки, тасаввур қилиб кўринг...😁

✍@umidaaziz

Одамзод --минг  умид, минг жонсараклик, минг муштоқлик, бир ўлим...

✍@umidaaziz

Синовига йўлиқмаган ҳар нарсада ўзини ҳақ ва кучли ҳисоблайдиган кишиларни кўрганимда ичимда "Вақти келади", дейман, -ярасининг зирқирраганини ҳис этмаган мавзуларда тупук сочиб гапирганинга пушмон бўладиган вақт келади." Шундай пайтлар бўладики, бир замонлар сизга ғалати туюлиб, камситган нарсаларни ўз хоҳишингиз билан бажараётганингизни кўрасиз. Вақтнинг муаззам адолати бор.
Сабр қилган ва нонни катта тишлаб, гапни катта гапирмаганлар ёруғ юз ва муваффақият қозонади доимо...

✍️@umidaaziz

Шунинг учун ҳам, кир ювиш машинаси ва идиш товоқ ювиш машинаси люкс, ҳашамат эмас, сув ва энергияни тежаш учун заруратдир. Албатта, ақл юрита оладиганлар учун..!

✍️@umidaaziz

Аллоҳнинг ҳар ишида ҳикмат бор дейилади. Лекин баъзида Аллоҳ фарзандни увол қиладиган инсонларга бундай неъмат беришининг ҳикматини тушунмайман....

Кўзимга ёш тўлди, қалбда исён. Неъматларни қадрлай олмайдиган инсонларга берилганига исён...

Ҳамма ота-она бўлишга ҳақли эмас! Фарзанд кўриш учун махсус руҳий-маънавий кўрикдан ўтиш керак! (Гарчи ўзбек бунгаям пора орқали чора топади-да. Бу энди бошқа масала.)

Нима деб ўйлайсизлар, дубляж санъати Ўзбекистондан бошқа жойда ҳам ривожланганмикин?

✍@umidaaziz

Менга тоғу тошдан ошиб ўтиб, манзарани бирга томоша қиладигандек ҳис эттирдинг. Тоғ-у тепаликни қўявер, ўр йўлни ҳам ошиб ўтолмадик...

✍️@umidaaziz

Эри топармон-тутармон эди. Аёл "Тежаб-тергаб ишлатайин, болаларимга асқотар, борини ишлатаверсам, эрта-бир кун тегирмоннинг суви қуриса, болаларимнинг куни эски-тускиларга қоладими?" деган ўйда янгиларни асраб қўйиб, йиртиқни ямаб, эскини авайлаб ишлатарди. Қаторлаб пойдеворлари баланд уйлар қурдиришди. Чиройли таъмирлаб, жиҳозлаб қўйиб, ўзлари ошхона олдидаги айвонда тиқлишиб ўтиришарди.
Бедаво дардга чалинди. Сандиққа солиб қўйган янги матосидан либос киймай, жавондаги янги идиш -товоғидан овқат емай, уста боқиб, емай-ичмай тиклаган ҳашаматли уйларида оёқ узатиб ўтирмай вафот этди.
Вафотига йил тўлиб-тўлмай эри уйланди. Марҳума сандиғига солиб, яхши кунларга атаб қўйган матолардан эркакнинг янги аёли — кундоши ранг-баранг либослар тиктириб кийди. "Болаларимнинг тўйида ишлатаман" деб олиб қўйган идиш-товоқларга кундоши қариндошларига тансиқ таомлар тортиб, зиёфатлар берди.
Аёл тежаб-тергаб, энидан-бўйидан қийиб, эскини ишлатиб, янгини авайлаб рўшнолик кўрмай ўтиб кетди. Эрининг қабатида туриб, қурдирган уйларида бошқалар ҳузур кўрди, сандиғию жавонини тўлдирган буюмлар етти ёт бегоналарга буюрди...

Кийим жавонингиздаги энг чиройли кийимингизни бугун кийинг. Энг чиройли идишингизда ўзингиз таомланинг, чой ичинг. Ўзингиз оёқ узатиб ўтирадиган уйингизни чиройли таъмирлаб, ўтиришга кўзингиз қиймаган мебеллларингизга яйраб ўтиринг. Эртага нима бўлишини ҳеч биримиз билмаймиз. Фурсат борида қўлимизда бўлган, имконимиз етган барча яхшиликларни аввало ўзимизга қилайлик. Чунки умр қиссасининг охирида ҳамма ўзидан узр сўрайди...

✍️@umidaaziz